找產品
專櫃洗頭水 推薦好用產品
27 件
Kmggigi好用推薦：Kérastase 逆時光至臻修護浴髮乳 — 高級香氣，極致修護💆♀️✨ 質地 & 香味: 呢款洗髮乳嘅質地透明、流動性高， 非常容易起泡，泡沫細緻幼滑，洗感輕盈乾淨。 使用時整個浴室都瀰漫住超高級香水味道， 香氣奢華持久， 難怪咁多用家即使價錢偏高都願意回購。 效果: 持續使用後，能感覺到髮質變得更強韌， 髮絲冇咁薄、冇咁易斷。 同時洗完後頭皮唔會覺得乾燥或痕癢， 平衡清潔與滋潤，連細軟髮都適合使用。 質感、香氣同修護效果都一流， 難怪成為重要場合前一晚洗頭嘅「儀式感洗髮乳」。 洗完之後頭髮滑順有光澤，香氣持久又高貴🥳 總結：奢華感滿分，強韌亮澤的高效修護洗髮乳 Kérastase 逆時光至臻修護浴髮乳以高級香氣、輕盈泡沫同卓越修護力獲得極高評價。 雖然價格偏高，但實際效果對得住每一分價錢。 對追求高質感護理嘅人嚟講， 呢支真係值得回購的奢華之選！💛
<看全文>Sandy好用推薦：youth Revitalizing shampoo 逆時光至臻修護浴髮乳250ml 我試過一支之後就冇用其他品牌洗頭水嘅產品, 原因如下： 居家treatment，淨係用咗佢系列已經頭髮好靚， 都市人時間有限，日頭又要打工，夜晚又要休息同埋要去玩，用最少時間， 按自己嘅時間在 屋企護髮 so easy🙂 如果你哋未買過 ， 強勁推介買一支試下， 我已經50+頭髮開始有毛躁同埋缺乏光澤， 用咗一支之後返去剪頭髮，髮型師話我啲髮質靚咗 仲有angel ring 用過懂的就會明白😄 清新嘅香味，質地泡沫豐富，用好少就可以起泡，一支都幾襟用， 唔好畀佢嘅價錢嚇親你哋，我覺得姊妹們值得擁有， 做一次頭療嘅價錢就可以買到一套基本洗頭水護髮素同埋精華素。why not try 💕 逆轉髮齡，高效賦活成分活性海洋精華，由根源臻活滋養，提升髮絲柔韌度及自我修復力，開啟一段奢華矜貴的美髮旅程。秀髮水潤達+87%*，與受損頭髮比較更顯強韌達2倍^，秀髮瞬間注水，保持亮麗光澤。 唔試下又點知 護髮係咁輕鬆簡單
<看全文>
ying好用推薦：🌿 YVES ROCHER ANTI-CHUTE 防脫髮洗頭水 白羽扇豆強韌洗髮露 無硫酸鹽・94%天然成分 ✅ 甩少咗頭髮 配合安瓶一齊用， 甩頭髮嘅情況明顯減少。 洗頭嗰陣唔會再一堆一堆咁甩， 吹頭、梳頭都少咗好多。 ✅ 白羽扇豆成分 同安瓶一樣嘅核心成分， 可以激活毛囊、強韌髮絲。 由洗頭開始就護理頭皮。 ✅ 無硫酸鹽，溫和 Sulphate-free配方， 唔會過度清潔， 唔會刺激頭皮。 敏感頭皮都用得。 ✅ 94%天然成分 用落安心， 唔怕化學嘢傷頭皮。 ✅ 洗完唔乾唔笠 好多防脫髮洗頭水用完會好乾， 呢支唔會。 洗完頭髮仲係順嘅， 唔會打結， 又唔會笠。 #YVESROCHER #ANTICHUTE #防脫髮洗頭水 #白羽扇豆 #無硫酸鹽 #天然成分 #甩少咗頭髮
<看全文>Tszki好用推薦：YVES ROCHER [皇牌] 防脫髮洗髮露 300ml 皇牌銷量No.1防脫髮洗髮露，蘊含水解天然白羽扇豆種籽精華、有機龍舌蘭精萃及維他命E，配方不含硫酸鹽，溫和清潔頭髮，同時鞏固髮根。使用後即時推動頭皮微循環，增加頭髮細胞養分供給、有效減少及防止頭髮脫落，頭髮及頭皮狀態慢慢回復至健康水平，頭髮更健康更亮澤。頭髮稀薄或脫髮問題髮質適用 我的頭皮比較容易出油，使用了防脫髮洗髮露，頭油分泌量減少了，質地啫哩狀加水起泡，有清新香葉味道，洗2次頭髮洗完頭髮後很清爽很舒服，改善了脫髮的情況。
<看全文>
Kitty 好用推薦：一打開就聞到好舒服嘅草本精油香，洗頭嗰陣成個浴室都好放鬆，唔會太濃太假，係好自然嗰種草本味，洗完瞓覺都特別舒服。 質地係透明嘅洗髮露，流動性幾強，加少少水就好易起泡，泡泡綿密得嚟唔會刮頭皮。佢係無矽配方，但洗完一啲都唔乾澀繃緊，反而頭髮摸落好柔順，手指穿過去唔會卡卡，就算唔即刻用護髮素都 OK。 用咗一段時間，最明顯係髮尾冇以前咁乾，開叉同斷裂都少咗，頭髮睇落有返光澤感，對受損髮質真係幾友善。清潔力都夠，洗完頭皮清爽輕盈，第二日都唔會話好快塌。 整體嚟講，佢唔係一洗就驚艷嗰種，但越用越順，溫和得嚟真係有修護效果，乾燥受損髮質嘅朋友可以一試 💆🏻♀️✨
<看全文>Paris merci 好用推薦：草本療法修護洗髮水，聞落係非常大自然嘅味道，與平時買到嘅草本洗頭水嘅味係截然不同，成份入邊有添加薰衣草和甜橙油。而且薰衣草本味道入睡，都可以聞到，非常舒適。 偏淡黃色洗頭水，起泡力及清潔力都足夠。比想像中嘅修護洗頭水冇咁滋潤，頭髮較為清新，用完頭髮係輕盈而順滑。染髮之後使用，頭髮可以維持順滑，長期嚟講有修復效果💕
<看全文>
Sakura醬好用推薦：前排轉季，個頭皮又痕又出油，但髮尾就乾到爆，真係好矛盾。試過唔少洗頭水，一係洗完個頭清爽但髮尾炸開，一係就滋潤到成個頭塌晒，好似幾日冇洗頭咁。後來朋友推介我試Kiehl's隻氨基酸洗髮水，話溫和得嚟又洗得乾淨，咁我就的起心肝買咗支嚟試。 支洗頭水樽身係Kiehl's一貫嘅簡約藥房風格，透明樽身睇到入面係透明啫喱狀嘅質地。唧出嚟嗰陣有陣好淡淡嘅椰子香味，唔會話好假好人工，聞落都幾舒服。加水搓幾下就起泡，啲泡唔算話好綿密澎湃，但都算細緻，搽上頭皮度按摩嗰陣覺得好溫和，完全冇嗰種拮拮哋或者涼浸浸嘅刺激感。 洗完第一次已經覺得個頭皮好爽，係嗰種乾淨得嚟又唔會話繃緊嘅感覺。我以前用某啲控油洗頭水，洗完個頭皮會乾到痕，但呢隻完全冇呢個問題。最正係髮尾唔會話洗完就變鐵絲，仲有少少自然嘅柔軟感。吹乾之後，成把頭髮係蓬鬆嘅，但唔係嗰種毛躁嘅蓬，而係有空氣感嗰隻。 我用咗大約三個禮拜，覺得個頭皮真係穩定咗好多。以前一到下午個頭頂就開始泛油光，而家可以捱到收工都仲算清爽。同埋我發現啲頭皮屑都少咗，以前撥下頭髮會有一兩粒白色嘢，而家幾乎冇再出現。不過要講缺點嘅話，就係佢嘅清潔力對於我嚟講算係中等，如果嗰日
<看全文>Ceccinmydin好用推薦：Kiehl's 氨基酸洗髮水用過小樣後一試愛上，個人已多次回購👍🏻 佢係透明啫喱狀，好易起泡，搓兩下就有好多泡泡，洗起上嚟好溫和，完全唔刺激頭皮，感覺好舒服🥰 帶有椰子香味，聞落好自然唔會假，洗完頭之後都有淡淡香味留住，心情都好啲 用完覺得頭皮好乾淨，油膩感即刻冇晒，不過髮尾有少少乾，要用返護髮素保濕 我自己頭皮偏油，感覺清潔力啱啱好，洗完頭髮摸落去幾滑，唔會打結，吹乾之後都幾順
<看全文>
Yty好用推薦：AVEDA 長效營養保濕洗髮水（滋潤配方）50ml 之前入手咗呢支 50ml 小容量裝，用完之後覺得保濕效果真係好唔錯 用後感： 雖然係滋潤版（Deep Moisture），但洗感好舒服。泡泡綿密，沖水嗰陣已經即時感覺到髮絲被順服咗，完全唔會磨擦或者揉到糾結 吹乾頭之後，原本比較乾旱毛躁嘅髮尾變得很柔順、有光澤，摸落去有種飲飽水嘅重量感，但又唔會厚重或者貼住頭皮 帶有 AVEDA 一貫好草本、好治癒嘅天然植物香氣，洗頭過程好放鬆 50ml 呢個 Size 攜帶非常方便，好適合想試吓質地先，或者成日去旅遊嘅朋友呢 #洗髮部門
<看全文>格仔餅公主好用推薦：好得人鍾意既少女系甜香，男士可能就唔太用得慣啦，而且佢滋潤感比較高，岩乾燥/中性髮質用，油頭就盡量避開啦
<看全文>
pouchofdouglas好用推薦：生活壓力大，加上留長頭髮，脫髮問題嚴重左，就試下買支相對昂貴嘅洗頭水試下幫唔幫到手 老實講陣味真係唔討好，樽上面寫住話係佢地特別嘅herbal blend，但係我覺得有啲似酸縮左嘅味（？） 洗完無話特別乾 暫時用左兩個禮拜，未見脫髮問題有改善，唯有觀察耐啲
<看全文>Kelvin好用推薦：Aveda紫森林姜豐盈強韌洗發水，前排有一段時間頭髮比較乾旱同甩頭皮，買一啲可以護髮強啲嘅洗頭水試吓。 佢嘅洗頭水好潔身起泡唔會太多，主要護髮功效強勁嘅洗頭水起泡都冇咁，主要嚟講深層滋潤返頭皮健康護髮。 依款蓬松感覺就係一般般，用後沒有太大感覺。不過用完洗頭之後頭皮係健康返頭髮冇咁脆弱，亦都冇再因為gel頭而痕癢。
<看全文>
Yty好用推薦：Kérastase 濃密新髮浴髮乳（白金版）500ml 專門店限定泵裝 🤍 呢支 500ml 泵裝係專門店間中先有嘅限定大裝，見到真係要即刻入手！ 用後感： 專為追求頭髮濃密感而設，洗完之後頭頂根根立體，即時感受到嗰種自然嘅空氣感同蓬鬆度，成個髮量視覺上睇落豐滿咗好多，完全唔會貼頭皮 擠出嚟質地好順滑，加水好快就可以揉出極之綿密嘅泡泡。洗頭嗰陣可以好溫和咁潔淨頭皮同髮絲，沖水後頭皮覺得好清爽、會呼吸 雖然主打豐盈，但洗完髮絲完全唔會覺得乾硬或者粗糙，反而摸落去係健康有彈性嘅手感，減少梳頭嗰陣嘅拉扯斷髮 帶有白金系列好標誌性嘅優雅香氣，味道非常高級洗練，留香時間都好令人滿意，每次洗頭都係一種精緻嘅享受 #洗髮部門
<看全文>Nicole 好用推薦：味道很舒服好聞，使用起來頭皮頭髮也很舒服，無硅感，洗完後不會有順滑感，後續需要用護髮素或者精油。
<看全文>
