有色潤唇膏 推薦好用產品

Emily Leung好用推薦：這支唇膏我給五星🌟🌟🌟🌟🌟 Bobbi Brown 🔥2025新品 晶鑽漾色盈潤唇膏 2025好像各品牌都在水光唇的戰爭 Bobbi brown 也出水唇膏‼️ 超保濕！水光0黏膩 高保濕植萃 ✅荷荷芭油 ✅紅花籽油 立即保濕&修護肌膚屏障 霜淇淋質地 上唇滑順又顯色 保濕水潤 中高顯色度 完美遮蓋唇色 高質感！水潤釉光唇‼️高級剔透「釉」光融進唇中 如同陶瓷表面的高級光澤‼️上唇「亮嫩」好氣色 霜淇淋質地、上唇滑順又顯色‼️主打上妝0技巧 不用鏡子也能輕鬆補妝❤️ 我的最愛色號nude sugar 素顏當潤唇膏用，也可以美美噠！

Paris merci 好用推薦：呢支係近年幾常用嘅唇膏，Bobbi brown 唇膏 我用嘅係691，但其實佢嘅色係冇咁pink，少少果凍色，普通日常返工出街顏色上嘴都幾易融合，都幾百搭嘅顏色。夏日嘅色彩着白色衫好襯，染髮 而且佢係光澤型嘅唇膏，可以幫我遮唇紋 ，冇搽潤唇膏打底都唔乾。 佢既唇膏形狀對應反唇山位，方便使用又好靚。然後我會重點加強下唇中間位置，令嘴唇睇落更加脹卜卜☺️ 同系列其他色都好靚，值得入手，如果其他淺色嘅色好可以素顏或者淡妝都用得👍🏻

lingbb好用推薦：-用咗超過3 支，外型係好粉嫩透粉外殼，殼如其美，完全係滋潤度高打造自然透亮粉嫩唇色，鐘意飽和度唔高嘅潤唇膏我推薦呢款！ - 隨住身體既熱感，唇部會隨之變得唔同色，以我經驗，當你個人夠暖，顏色會愈黎愈深色。 -如果咀唇有乾皮或咀唇偏乾先打好個底，例如磨砂磨走多餘既死皮先用 - 呢個系列暫時最鐘意用#005 色，原本唇色無血色，用完會變得好自然既唇色，唔會太深或唔出色， - #001 對我黎講太淺色 - #010 係帶閃粉既holo pink，要塗厚一點先比較顯色，🧐 - 我會推薦#005lilac顏色！🤩

Nicole好用推薦：第一枝使用嘅係購物積分換領贈品，色號001。當時感覺唔夠滋潤同埋會隨pH而轉變顏色，對本人而言001變得太粉而打入冷宮。 但潤唇膏轉為新版後，滋潤度加強咗，非常乾唇的我都夠潤，另外色號都增加咗，可以分冷/暖色調㨂啱自己嘅色號好重要! 推介025 Seoul Scarlet, 睇落偏橙調, 但上咀好靚!

Jayla好用推薦：[愛用分享] 質地：偏硬，硬度不易受天氣影響 顏色：一共10色 滋潤度：保濕滋潤，不黏 Bobbi brown嘅晶鑽保濕修護唇膏係我成日都會用嘅潤唇膏，外型係bobbi brown一貫嘅簡約風格，由於係方型嘅管身，卡實之後蓋係冇辦法旋轉，所以唔會有唔小心轉咗成條唇膏出嚟嘅風險。 已經用咗好多~ 打開之後膏體係望落係比較結實，初時上手有擔心過唔夠滋潤，但用落覺得好有驚喜。喺嘴上一抹就化開，搽完覺得滋潤順滑，而且冇黏黏嘅感覺。因為係有少少硬度嘅膏體，所以可以好順暢地搽，整個過程唔需要擔心太用力而塗得太多，亦唔會有黏住嘴唇嘅摩擦感。睇返官網主要成份有橄欖油同荷荷巴油。其實荷荷巴油並唔係油脂而係液態臘，難怪就算係8月嘅夏天拎出嚟用都唔會溶化。 呢款潤唇膏係屬於透亮嘅顏色，我分別買咗Bare Nude 同Bare Raspberry。官網上嘅顏色色差比較大，所以最好係去專櫃親身試色。Bare Nude係有少少橙調，顏色亦比較淡。所以主要我嘅用法係當化偽素顏妝嘅時候用嚟嘴唇嘅色調，偏橙少少令妝感柔和d。 而Bare Raspberry係我每日都會帶住出街。我多數到下午就會開始有

heihei好用推薦：嘴唇好乾，雖然每晚有用Lip Balm，但每朝仍要先搽潤唇膏打底先可以好順滑咁搽唇膏而唔起死皮。 見網上好多人推薦BB呢款潤唇膏，就買咗評論話最啱素顏用，自然有血色嘅Bare Rasberry嚟用。試用後覺得的確非常滋潤，對於我呢啲咁易乾嘅嘴唇嚟講的確做到潤唇膏嘅作用，就算甩咗都唔洗狂補嚟保持滋潤。而Bare Raspberry隻色亦都幾提升到血色，令嗰嘴唇望落水潤得嚟有番少少色。要講缺點應該就係佢滋潤得嚟係有啲黏笠嘅，同埋唔會成膜，所以食嘢飲嘢就會甩。

Tobimak好用推薦：呢支潤唇膏我一日最少都會用一次，令我嘴唇保持嫩滑冇死皮。👄 佢會有啲砂糖係上面，能有效幫嘴唇做磨砂，使用時亦唔會有痛感。😊 我手上呢支潤唇膏係櫻花味，甜甜地咁。🤣 而家我呢枝個管身d字俾我用到甩曬色了，如果製造商能夠改善埋呢一點就好了。💪🏻

葉子🍃好用推薦：筆狀磨砂潤唇膏，呢款砂糖粒子比較粗身，搽完嘴粒子先慢慢係個嘴唇溶解，有修護成份唔會好乾，清死皮好快見效，味道薄荷味，用時感覺冰涼，價錢唔貴，仲有好多味道

PorscheB好用推薦：呢枝Afterglow lip balm 已經係第二枝 顏色是 orgasm，偏桃橙色 加啲閃粉 上咀效果好自然 ，而且有足夠滋潤度 官方介紹仲話可以 將Afterglow護唇膏點印在雙頰最高位置， 可達致自然啞緻的提亮效果。🫶🏻 下次回購會試下呢個用法

popocarcar好用推薦：見朋友用得好靚，所以見到專門店買滿額有sample 送，就買多少少，拎咗支sample妝試。 顏色唔算十分出色，不過好滋潤。

Kelvin好用推薦：開架牌子潤唇膏嚟講，質地幾厚身。佢係一支有色潤唇膏，仲有SPF20 PA++嘅防曬效果。 我嘴唇薄，顏色唔深。所以揀French pink色，淡粉紅色，男士都用到可以睇落個嘴唇滋潤啲。隻顏色自然得來幾好睇，唔會誇張。 冬天出街之前會搽一次，好少甩皮👍🏻Nivea啲野幾好用

Akassoo好用推薦：之前去日本旅行買咗NIVEA Rich Care & Color嘅豐盈水潤顯色潤唇膏，佢係一支有色嘅潤唇膏，仲有SPF20 PA++嘅防曬效果。 呢款潤唇膏有好多隻顏色揀，當初都有選擇困難症，個人建議揀深色啲嘅顏色，因為之前試過買較為淺色嘅顏色上到嘴睇落好似冇色一樣，但係如果揀鮮艷啲嘅顏色個顯色度就會差得遠。 我自己今次推介嘅呢支顏色係French Pink，就係潤潤哋嘅深粉紅色，個人覺得顏色都幾靚同自然。不過大家就預咗潤唇膏唔會好持久，基本上過一段時間（特別係食完嘢之後）都要再補搽。 嚟緊聖誕節約埋一班朋友party交換 聖誕禮物嘅話，如果我收到呢款潤唇膏做禮物都會覺得窩心，重點係呢支潤唇膏性價比高，仲可以即刻當面拆開呢份聖誕禮物搽上嘴俾朋友睇！

Kriskirs09好用推薦：Canmake - Plump Lip Care Scrub 修護磨砂唇膏 呢支已經係我買嘅第三支 之前用透明01號覺得好好用就再回購多兩支有色版本我買左03號色🌼 No.03 Mikan Yellow 蜜柑黃： 具提亮效果，遮蓋暗沉唇色（新色） 👄效果圖如下：佢的確有遮蓋暗沉唇色嘅功用 小妹係成日咬嘴唇啲死皮 搞到個嘴係甩曬皮 但搽左之後覺得有修護到啲嘴皮 同埋本身支潤唇膏有少少磨砂粒粒 可以幫嘴唇去角質 真係少啲唇紋✨ （但要留意佢扭出嚟 係扭唔返入去的） 而02號色🌸 No.02 Clear Pink 透亮粉紅：添上粉嫩光澤 我個人覺得無01同03咁潤 但優點係有好淺嘅粉紅色 想打造偽偽偽素顏效果都可以一試嘅🤣 💰價錢方面官網$54 但Canmake成日都有折所以好抵買！ 用嚟做唇膏打底都唔錯👍🏽

ChingLam好用推薦：已經第四次回購！😍 依家市面上都比較少唇部去死皮/磨砂產品，而依支又可以做到以上效果之餘 仲有滋潤成分👍🏻 除咗普通磨砂外，仲有另外三支加入左不同成份，適合唔同需要嘅人 前日專門店大特價買$30一支 即刻入返兩支貨仲平過喺日本買🤭

isabeloclock好用推薦：超愛Canmake呢支lip scrub💖 我平時都好懶做lip mask，所以嘴唇成日會甩皮，搽完有色唇膏後情況會更明顯同嚴重🙈🙈🙈 之前行過藥妝店，見到呢支lip scrub講到好神咁，價錢又唔貴，就買支嚟試吓～ 唔用猶自可，一用真係愛不釋手！ 佢嘅質地係帶顆粒感嘅潤唇膏，上嘴好似搽咗啲砂糖咁，甜甜哋同少少笠，但唔會漿住個嘴。 有時我會當overnight lip mask咁用，第二朝起身已經唔再笠，仲KO埋死皮同唇紋問題，搽有色唇膏都唔再驚有塊皮吊吓吊吓咁尷尬～ 有時唔記得隔晚搽定，我就會喺妝前搽呢支lip scrub當潤唇膏打底，到化晒成個妝，最後再用紙印一印唇上剩餘嘅lip scrub，然後再上唇妝，咁就會上色得嚟又潤滑！ 宜家我出街用嘅化妝袋係必備呢支lip scrub，打算再買多支for夜晚護理用😆😆 如果妳未試過呢支lip scrub，我強烈建議要試～～～CP值超高嘅好物💖💖💖💖

綺羅香好用推薦：一入秋又係時候要買新嘅潤唇膏，以前用過唔知咩牌子嘅磨砂潤唇膏，感覺到麻麻地，驚啲磨砂粒粒長期留喺嘴咀上不停摩擦，磨到嘴唇薄，年紀一大，唇上死皮越嚟越多，特別係搽咗有成膜嘅唇膏，時間一長啲死皮連埋膜一齊出哂嚟，令到唇妝好肉酸，唯有再挑戰磨砂潤唇膏 會買canmake 全因夠平，唔好用都唔會覺得肉赤，咁啱今年出咗新品，就買嚟試試，有3隻色，分別係唇膏所含有嘅成份，我買咗1號含透明質酸鈉，啱哂我呢種容易嘴唇乾嘅人，唇膏唔可以轉返入去，所以每次唔好轉太多出嚟，啱啱搽上去有一陣涼涼地感覺，磨砂粒粒夠幼細，而且係由砂糖組成，磨幾下就會溶化消失，唔會有粒粒長時間留在嘴唇上，透明無色無香味，滋潤度可以keep足成晚，下個月去日本會考慮掃多幾支返香港 #火熱新品

劉肥貓好用推薦：佢嗰啲香味非常之好聞 而每次用嘅份量只需要少少就能為雙唇去除死皮 本來lush 嘅職員話磨完唔需要用清水洗 但我都有用清水 過一過水 之後再查潤唇膏 感覺潤唇膏都吸收比較 快 吸收好 

KDing好用推薦：香味好香比較偏甜，磨砂粒子比較粗，用上嘴要輕輕磨擦，去死皮能力普普通通。

Vivian好用推薦：包裝靚小羊皮設計，但唇膏屬於半透色光澤，遮蓋唇色及上色度一般，只適合用作有色唇膏，同時滋潤度也不高，性價比低，只有包裝取勝

mandy好用推薦：Givenchy Beauty LE ROSE PERFECTO BEAUTIFYING LIP BALM#03 Sparkling Pink                                                                           $295 結合潤唇膏的功能及唇膏的色澤而成, 是Givenchy Beauty 的熱賣產品, 可說是有色的潤唇膏。 潤唇膏的粉紅色皮管身非常獨特又高雅, 是帶點柔美風的設計。 MADE-TO-MEASURE SHADES 共4色 01 Perfect Pink  非常淡的粉色 02 Intense Pink 較深的粉色 03 Sparkling Pink  帶閃粉的柔和粉色 04 Blue Pink 帶閃粉、有點接近紫的粉色 擦上03 Sparkling Pink 時 只塗1-2次在唇部已很顯色, 而且是會對肌膚酸鹼值產生反應的變色唇膏,  帶Givenchy 的經典淡雅花香。 十分喜歡03 Sparkling Pink, 微閃的粉紅色不會太淡或太鮮色, 帶點透明感, 含乳木果油和

Kitty 好用推薦：Fresh呢支黃糖潤色護唇膏真係好出名，係品牌嘅皇牌產品。一打開已經聞到好香甜嘅黃糖味，好想食咗佢落肚咁！質地非常滋潤，好似將潤唇膏同護唇精華二合一，就算轉季時極緊繃或冬天乾燥到爆拆嘅嘴唇都可以即刻得到舒緩，仲有淡淡嘅自然血色感，好氣色即刻返晒嚟！ 不過要提一提，可能因為成分天然滋潤，佢嘅膏體真係比較軟，用嘅時候千祈唔好轉太多出嚟，否則好易一唔小心就整斷咗，真係心都痛埋😂！

Kmggigi好用推薦：嘴唇皮膚狀況: 嘴唇偏乾，比較易甩皮，上唇色偏暗沉 產品使用心得: Fresh黃糖潤色護唇膏主打為嘴唇帶嚟24小時保濕滋潤，同時又可以潤色 質地好滋潤，搽完會覺得上咗一層薄薄嘅油保護嘴唇，滋潤度亦都好持久 我依支玫瑰粉紅色唔太顯色，搽完會令唇色冇咁淡白，適合日常素顏用 如果本身唇色偏淡，偏暗沉都可以一試玫瑰粉紅色！ 效果圖:

A&R好用推薦：呢支有色潤唇膏係懶嘅時候用，通常放喺手袋，攞嚟補色，滋潤都OK嘅，有少少香味，如果單獨用就可能不夠，唔夠顏色，唔夠sharp ，但係用嚟補充都係一個唔錯嘅選擇

維他他好用推薦：Maybelline Baby Lip係我學生至初出社會用ge有色潤唇膏，想唇色自然d, 又唔想太實色用正式唇膏，呢支幫到你，而且仲有香味添，滋潤度亦都唔錯，學生都可以搽，價錢又唔貴，睇落面色都好D，幾好架

Nicole 好用推薦：有一點點橘子味，質地似唇油👄 第一次用的時候剛上嘴有一種油膜感，但是幾分鐘後這種油感就消失了，嘴唇是一種非常滋潤、水潤的狀態，最適合秋冬天乾燥使用。

Circlecyy20好用推薦：好潤既潤唇膏 如果係想做妝容一部分 可以拎黎打底再上霧面唇色 會有唔錯既光澤

Jasmine Yuen好用推薦： 1. 顏色選擇多樣：有多款色號可供選擇，我選擇了08 Mode Pink，用後提亮了唇色 2. 味道怡人：這款唇膏有淡淡的果香味道 3. 質地輕盈：這款唇膏的質地輕盈柔滑，能夠輕易地塗抹在唇部，不會有厚重或黏膩的感覺，讓唇部看起來更加自然。 4. 保濕效果持久：含有保濕成分，能夠為唇部提供長時間的保濕效果，減少唇部乾燥脫皮的問題。 5. 有SPF8, PA+ ，咀唇都要防曬😄

Noel好用推薦：個人很推薦 Kate 這枝 CC Lip Cream，初時會以為是調色唇膏，因為叫CC 嘛！(誤) 由於個人唇色較深，不能選太淡色的色號，只能買這枝 #01 Beat Red ，亦回購了1次❣ 顏色如果單單由膏體判斷，會以為很紅很鮮豔，不過這枝有色護唇產品，係 sheer finish，顏色很淡啊～ 要注意：唇膏帶有2成左右顯色度，沒有唇色遮蓋力❗塗抹很順暢，可以為雙唇即時提升血色感，自然又精神👍 滋潤感不俗，單塗或者作為唇膏打底都很合適👄 顯色 🌟🌟🌟🌟🌟 (有色護唇膏而言，不錯) 光澤 🌟🌟🌟🌟🌟🌟 滋潤 🌟🌟🌟🌟🌟 持久 🌟🌟🌟🌟 價格 🌟🌟🌟🌟🌟🌟🌟

Emily Leung好用推薦：一到轉季個嘴唇又乾到「鞋颯颯」？等我同你快速測下呢支 Laneige 水漾亮澤潤唇膏啦！ 💦 質地： 輕薄！好似將保濕精華搽上嘴，一推化水，零黏立，怕「黐脷韌」嘅你會愛上！ 👄 效果： · 即時：淡淡光澤，唔會「豬油唇」，睽落精神晒！ · 保濕：對付轉季「微微哋」乾燥夠晒力！但如果爆坼到裂，就要出動唇膜先搞得掂。 👍 優點： · 日常用超方便，朝早趕出門「撻」一下就搞掂！ · 帶住出街補搽唔會肉酸，光澤感自然。 👎 缺點： · 滋潤度唔算好強悍，極乾唇可能要補搽密少少。 🎯 總結： 換季期間，如果你隻唇係「少少乾」多過「爆到開花」，呢支就係你嘅 「隨身補水小法寶」 ！夠輕薄，夠自然，日常Keep住水嘟嘟就靠佢！ #換季#轉季#乾燥

lingbb好用推薦： 係外國一路都有得賣，香港終於有得買啦！粉紅色原味應該係普遍最受歡迎，呢款lip gloss出街好方便，開蓋就用得，唔會整污糟隻手，個人覺得持久度一般，但好夠保濕，上咀會微黏但可接受，咀唇會有啲豐盈感，有時晚上都會塗一層當sleeping lip mask用，我覺得每個味都討好，紫色果款係糖果味，兩款我都鐘意 #火熱新品

Emily Leung好用推薦：Dior Lip Maximizer Serum 在日本旅遊時購入，被顏值吸引了！瓶身磨砂質地很有質感，淡粉色也是Dior一貫的風格，也是女孩子會喜歡的顏色！ 精華是白色乳液質地，厚厚抹一層，剛抹上去的時候嘴唇上會白白的，而且還有一絲涼涼的感覺，但慢慢吸收後會變成透明色，嘴唇呈現自然的光澤，保濕能力是足夠的，用了這個我白天基本也不用潤唇膏了。 這一支我差不多用了六七個月，也是真的很耐用了。肯定會回購。

Conw好用推薦：嘟嘟嘴潤唇蜜 透明幾乎無色帶有超細閃粉，上嘴會先會有薄荷涼感，然後5分鐘會少少拮拮地，嘴唇會開始漲卜卜帶有血色，妝感效果好似嘴唇做左soft gel 美甲咁🤣 光澤未到鏡面似有層啫喱水光 潤唇效果唔錯，而且泵漲嘴唇後唇紋淡化不少。 會有少許黏性，唔岩帶口罩時用。

Sanna Cher好用推薦：使用U001色號，是會跟隨ph值調節唇色的有色潤唇膏。 總括來說，是具清爽度的潤唇膏，潤色方面很滿意，帶妝來用不滿足，素顏時用則很滿意。使用前後比較，抹塗兩層後，看是顯唇紋，但唇部已被塗得滿滿。滋潤度來說保持得很好，可以不用照鏡補妝。完妝的照片

lonia好用推薦：第一次試用PRADA呢個品牌嘅護唇膏，初時會俾隻淺藍色嚇一嚇，但搽上嘴唇之後完全唔覺得有顏色，同一般無色潤唇膏無異。 佢嘅膏體比較硬，用手指温度推開，都冇變形或者凹咗落去，如果原支唇膏感覺唔容易折斷，唔太擔心會因為斷唇膏而肉赤。雖然膏體比較硬，來回搽幾次就感受到佢嘅滋潤度都唔錯，可以淡化到唇紋。質地唔黏笠，個人幾喜歡。 唯一考量就係專櫃品牌嘅價錢，如果budget充裕，可以考慮一試。

Nicole好用推薦：754 Tender Peach (光澤) 912 Dreamy White (啞色) 買過兩枝護唇膏，坦白講滋潤度夏天用都ok, 但冬天就唔太足夠, 換個角度就係唔會太黏笠。 顏色係靚嘅，754橙色調用落精神，而912就啞光唔顯眼，唇膏蓋都有唔同，一個頂部透明一個全硬殼。 以潤唇膏嚟講，性價比唔高，呢個價錢可以買到更多更好嘅選擇。有興趣嘅可以考慮有色款，但無色透明純潤唇膏就唔建議。

Maisondejuillet 好用推薦：呢支潤唇膏，一搽就愛上咗。 #758 Blushing Pink 係溫柔粉紅色，顯白之餘仲可以疊加顯色——輕搽一層係自然透亮，搽多兩層變粉嫩唇妝，日常定約會都啱用。 質地輕薄唔黐立立，滋潤度夠之餘仲有乳木果油同防曬成分，搽完雙唇即刻柔軟晒。最驚喜係，平時唔化妝搽佢，成個人都精神返晒✨ 潤澤 + 顯色 + 提氣色，一支搞掂。 HKD 360｜CHANEL Beauty #潤澤 #chanel

bibubibu好用推薦：mentholatum潤唇膏真係由細用到大 什果冰系列都用過好多款唔同味道 佢搽上嘴有少少油潤嘅感覺 搽完之後好似有一陣油係嘴上 唔算係好水感滋潤 但當嘴唇好乾裂嘅時候 搽完佢都會有立即舒緩 不過用完之後都唔太滴合再搽其他唇膏

Giselle 好用推薦：曼秀雷敦 什果冰潤唇膏 （草莓味） *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 好耐之前見佢有同迪士尼合作嘅造型所以入手咗(ㆁᴗㆁ✿︎)因為算係平價嘅潤唇膏所以以前都有入手過呢款潤唇膏( ˙༥˙ )我自己覺得呢隻潤唇膏嘅滋潤度算係比較中規中矩，唔會令我有驚豔or覺得伏₍ᵔ·͈༝·͈ᵔ₎如果追求滋潤度嘅話，呢款就唔太適合lu (꒦ິ⌑︎꒦ີ)佢嘅香味就係一陣人工味嘅草莓味(◍︎•ᴗ•◍︎)所以對香料敏感嘅小夥伴唔適合入手哦₍˄·͈༝·͈˄₎◞︎ ̑̑ෆ⃛呢款比較適合對滋潤度同可以接受到比較人工香精味嘅小夥伴入手哦*ˊᵕˋ)੭

Jubi好用推薦：有啲似Burt’s Bees既平價版，自然嘅蜜糖味而且非常保濕，無論日頭定夜晚、有無化妝都可以搽。而且Made in Japan，信心保證。 最後，多謝@cosme 同Country&Stream 送出產品試用🩷🩵

Daisy好用推薦：因為本身嘴唇係好乾嘅人，成日起皮，用過好多唔同牌子嘅潤唇膏，今次呢枝潤唇膏令我感覺好有驚喜。 呢枝潤唇膏唔係好油身又會癡頭髮嘅質地，用上唇會有效咁幫我撫平唇紋，又快吸收，好快可以再補唇膏。加上又有陣甜甜嘅蜜糖味，會覺得個下refresh 咗個人，開開心心又繼續做野🥲。