保濕面膜 推薦好用產品

Jo好用推薦：Torriden嘅透明質酸面膜好岀名，好多人用 又平又保濕，快靚正 而Torriden呢隻維他命c亮白面膜就係被忽略嘅黑馬🧐 面膜質地柔軟，好貼面 袋入面仲有好多精華，搽埋手腳都得 用完塊面即刻透亮細緻左，保濕度亦都唔錯 覺得塊面冇咁黃，但當然唔會話即刻白到發光 溫和唔刺激，我通常1個星期用一次 覺得有輕微淡到小小班 當基礎保養用，計落都唔洗10蚊塊 CP值高💪

GinGin好用推薦：超級好用，無論春夏秋冬都好夠滋潤，用完塊面脹卜卜，香味又好relax , 已經用左8年

Cheung2好用推薦：Herb’s oil呢個cream mask真係畢生大推❤️‍🔥❤️‍🔥 完全唔刺激，超適合敏感肌/做完醫美用，修復能力💯 我經常敏感時候拎佢出嚟急救用🆘 用法：保濕精華水+幾滴護膚油（牌子不限）👉🏻查勻全面之後薄敷呢個cream mask 1. 可以20至30分鐘後洗咗佢 2. 當overnight mask （推薦乾肌/混合偏乾）  敷完之後皮膚完全pump滿水，做到水油平衡💯 皮膚脹卜卜，水潤效果可以keep到起碼三日 個mask有成100ml，性價比極高‼️ 推薦大家~ 100%自購，冇廣告成份😂

mingjanet好用推薦：超級補水！ 我嗰日係去完做laser之後，返到屋企洗完面之後用嘅； 你哋都明白，做完laser特別乾燥，其實我只係用咗一次，皮膚已經立即維持平時狀態加水潤！重點係用完一啲都唔立！ 面膜紙好薄，成張紙都吸晒袋入邊嘅精華, 所以敷緊嘅時候，能夠吸收晒成包精華! 夜晚瞓覺瞓得特別好呢個係當然！因為大部份mask敷完之後夜晚都瞓得好舒服！ 不過起身用完呢隻hydrating mask 第二日照鏡！嚇親呀！ 除咗補水之外，成個樣超級緊致！收緊同埋提拉咗面部肌膚，所以望落去個樣好似童顏咁！ 呢包面膜有回購率嘅！ 

Kathy Wai好用推薦：🌿 Innisfree 蘆薈能量面膜 冬季真實使用心得 ❄️ 轉季急救必備！ 香港冬天溫差大，皮膚時乾時痕，上星期鼻翼同面頰突然泛紅敏感，即刻摷返呢款蘆薈面膜出嚟急救！ 鎮靜保濕一敷見效 打開係滿滿嘅蘆薈精華液，質地清爽唔黏笠。面膜紙剪裁夠貼面，敷上臉一陣就有種「降溫感」。試過喺暖氣房焗完面紅紅哋敷15分鐘： ✔️ 即時鎮靜泛紅部位 ✔️ 補水力足夠但唔膩，適合怕黏笠嘅人 ✔️ 敷完皮膚觸感明顯柔軟咗 冬季護膚程序點夾？ 我通常會咁用： 1. 冬天夜晚沖完涼，毛孔打開時敷 2. 敷完將剩餘精華按摩吸收，直接上面霜鎖水 3. 每星期1-2次，作為保濕滋潤加強步驟 同其他季節嘅分別 夏天用覺得純粹補濕，但冬季皮膚不穩定時，佢嘅蘆薈成分真正發揮到鎮靜+補水雙重效果。特別係突然轉凍嗰幾日，敷完即時解決繃緊感！ 性價比小評 ✨ 保濕力：7.5/10（日常維持夠用，極乾肌可能要疊加護膚油） ✨ 溫和度：9/10（敏感期用都冇刺痛） ✨ 便利度：8/10（開袋即敷，5分鐘快速補水） 總結 如果唔追求功能性抗老美白，純粹想搵一款冬季日常保濕、成分溫和嘅面膜，呢款蘆薈能量面膜係穩陣之選。一盒

Fng好用推薦：SUQQU 水妍亮采調理凝膠面膜用後感 ——無需沖洗嘅「懶人急救面膜」，乾肌必收！ 💎💧 我係熟齡混合偏乾肌，成日出入冷氣房。見到SUQQU呢支（約HK$550-700/70g）water tuning gel，就試吓～ 🧴 質地：濃潤啫喱，一抹即化 · 質地係透明、無流動性嘅厚身凝膠，企身到「擠出嚟可以站立」 · 上面一推即化，瞬間變水感，延展性極好，唔拉扯皮膚 · 吸收後形成光滑水膜，清爽唔立，亦唔黏枕頭 🎀 香氣＆用法：高級木質花香，早晚都用得 · 前調係佛手柑、柑橘，中調鈴蘭、玫瑰、茉莉，後調係檀香同雪松，清新療癒 · 早晚潔面後抹乾水份，取約兩粒珍珠大小，均勻塗上面 · 唔使沖洗！待吸收後直接上化妝水、精華等後續保養 💧 實測效果：泵水鎖水，底妝貼服 · 即時保濕：用完皮膚飲飽水，彈潤柔嫩，徹底告別崩緊感 · 鎖水長效：有強大嘅「把前面保養包裹起來」效果，唔起屑，整晚滋潤 · 晨間透亮：隔天洗完臉「好滑、好嫩」，素顏都有健康光澤 ⚠️ 老實講：用法要夾，熟齡肌大愛 · 官方建議係「洗臉後第一步使用」，我就建議等佢完全吸收先繼續步驟，或者直接放喺護膚最後一步當n

Tobimak好用推薦：這款 SUQQU 水妍亮采調理啫喱面膜，質地不算黏膩，敷上臉後有種水潤透亮的感覺，特別適合炎熱的夏日使用。用後肌膚即時感覺柔軟，毛孔也更細緻，第二天上妝更貼服。雖然價格偏高，但效果相當值得，已經列入我的回購清單。

Tobimak好用推薦：呢隻Snow Fox出既mask我已回購了最少十次❤️ 我平時習慣將d mask放在雪櫃，敷上面時能做到收毛孔效果。呢隻mask敷上面會feel到有微微薄荷感，但並不會刺激到皮膚，而係有一種清涼既感覺。我有時皮膚會泛紅及過敏，甚至係打完laser，一有呢啲情況出現時我就會敷呢個mask，能即時feel到有舒敏、急救皮膚的效果。

lingbb好用推薦：- 專係修護曬後肌膚，亦適合急救疲倦、泛紅、痘痘、曬後及激光療程後嘅肌膚。 - 網上話佢仲有「Hangover Mask」之稱， - 我自己就會係皮膚敏感太乾燥或者有痘痘時急救敷一敷，使用後肌膚因薄荷成份天然降溫、抗菌及預防痘痘和粉刺；皮膚都變得亮白，白咗一度，好精神嘅感覺

Yeeting 好用推薦：完全感受到隱形看孔嘅感覺。 敷咗大約20分鐘，洗面後感受到毛孔好乾淨。 皮膚白淨左啲，最緊要毛孔明顯收細咗💚

Hannah好用推薦：呢款保濕面膜係我不斷回購啲其中一樣product，溫和保濕，而且pump裝設計既方便又衞生 只需要使用5分鐘就可以做到保濕修護，好啱朝早趕時間用。如果時間稍充足，我會敷耐少少，效果更好 有時做完醫美皮膚痕癢敏感更可以敷佢嚟做舒緩 唯一考慮係價格稍高

Rachel Hui好用推薦：質地比想像中輕爽，味道清香。 用後沒有悶出暗瘡或粉刺。降紅舒敏效果佳。 使用感舒適。 缺點…沒有想像中滋潤。保濕效果偏清爽，皮膚乾敏有效舒緩，但對於乾燥脫皮，保濕效果不算找久。

Yty好用推薦：LuLuLun One Night 補濕急救面膜 夏天每逢開冷氣季節，肌膚好容易變得乾爭爭，呢款 One Night 急救面膜真係我嘅救星！一個禮拜用一至兩次，即時幫肌膚爆水～ 用後感： 佢最震撼嘅地方係單張面膜就含有足足 35mL 嘅精華液！敷上臉極度貼服滋潤，就算喺冷氣房敷滿 10-15 分鐘都完全唔會乾掉。 呢款面膜最大嘅賣點就係包裝裡面仲有超多剩餘精華！我平時敷完面膜之後，會照住官方建議將袋裡面剩返嘅大量精華擠出嚟，順手擦埋頸、手臂同埋全身做保濕 敷完之後整張臉水光感十足，吹冷氣多嘅緊繃感改變咗，第二日起身底妝好貼服，絕對係我平時夏天冷氣房急救必備 #面膜部門#適合夏天的護膚品

mandy好用推薦：LANEIGE Cream Skin Milky Hydration Sheet Mask 牛奶水嫩精萃修護面膜 (簡稱牛奶水面膜) $150/ 5片 功效：保濕+鎮靜消炎+底妝前護膚 Laneige 官方資訊：1片牛奶水面膜=7次使用牛奶細膚水的效果。 Laneige 新推出的牛奶水嫩精萃修護面膜是非常優秀好用的急救面膜，雖然價位定價較高，但也是物有所值。個人認為牛奶水嫩精萃修護面膜很優質，可以擠身在Laneige的皇牌產品之中。我也不覺得所有Laneige的產品都很驚豔或適合我的膚質，但牛奶水嫩精萃修護面膜真的有驚為天人的好用程度，敷過一次已愛上。大家看我敷完面膜的肌膚圖就知道效果很不錯。(如果價位可以低一點或是偶爾打折，真的會想囤貨！) 牛奶水嫩精萃修護面膜是可以早晚使用的面膜，早上敷面膜可以急救肌膚，令後續上底妝更加貼面。日曬後的晚上敷面膜，則可有助急救修復肌膚，即時保濕提亮肌膚。當然重要日子的前一晚，也可敷牛奶水嫩精萃修護面膜，令肌膚翌日更容光煥發。 成分方面大器添加大量美肌成分，例如：保濕成分、鎮靜消炎成分、抗氧化成分及抗衰老等成分。不含酒精/fragrance

Jeniel好用推薦：見兩件75折即入手Quality First呢款專攻夜晚修復嘅視黃醇面膜！ 佢最出名果隻金色款用得多，今次試呢款都好期待！ 同樣每次敷3-5分鐘就夠，啱晒懶人同趕時間嘅夜晚。 敷完之後皮膚即刻有補濕咗嘅感覺，有水潤感！摸落去光滑咗，光澤感亦明顯提升。持續用咗一星期左右，膚色睇落均勻咗，特別係鼻翼同嘴角嘅暗沉位置有所改善，輪廓都有輕微緊緻嘅效果。 算係入門級產品！可以間唔中用下！ 緊緻效果： ★★★★☆ 提亮光澤： ★★★★☆ 方便度： ★★★★★（短時敷用） 性價比： ★★★★☆

Kmggigi好用推薦：Quality First 抗衰老緊緻視黃醇100夜間面膜 — 夜晚修護，重拾光澤緊緻！✨ 「早C晚A」護膚法則大家聽得多， 呢款面膜就係專為夜晚使用嘅視黃醇 (Vitamin A)面膜， 主打修復肌膚、抗衰老同提升緊緻度， 敷3-5分鐘就搞掂，非常方便！ 面膜內含豐富精華， 敷完幾日後，會明顯見到肌膚更有光澤， 輪廓亦更加緊緻，非常適合晚間修護！ 唯一要注意嘅係包裝設計有啲容易側漏， 擺放時要小心，否則啲精華可能會流出嚟，幾麻煩。 另外，敷完面膜後皮膚會有少少黏笠感， 但滋潤效果依然值得讚！ 總結：夜間修護必備，輕鬆提亮抗老 Quality First 抗衰老緊緻視黃醇100夜間面膜係一款高效修護嘅夜用面膜， 敷短短幾分鐘就可以幫助肌膚提亮光澤同提升緊緻度， 雖然包裝有小缺點，但效果完全值得一試！💛

Kmggigi好用推薦：雪花秀 First Care Activating Mask — 奢華人參呵護，重要場合嘅秘密武器！✨ 雪花秀 First Care Activating Mask最大嘅特色就係佢嘅濃郁人參味道，令人感覺非常舒緩同放鬆 呢款面膜嘅精華液亦都好滋潤豐富， 敷完之後肌膚即時感覺水潤飽滿， 膚質變得柔滑細膩，仲帶有自然嘅透亮感， 好似畀肌膚即刻補充咗一次高濃度嘅養分， 非常適合重要場合之前用嚟急救肌膚狀態！ 不過呢款面膜嘅價格確實偏高， 唔係日常用得起嘅類型🤣 所以我只會喺重要日子之前用， 例如約會、派對或者需要妝容完美嘅場合， 俾肌膚做一次奢華嘅深層護理🤩

Leanne好用推薦：這個面膜好滋潤，敷完後，皮膚吸收得好好，用完第二朝起身照鏡，看見皮膚很細緻，已買了很多盒。

Vivian好用推薦：感謝 @cosme 邀請我試用「Decorte 第8代新升級 WHITELOGIST「麴酸」速效美白精華面膜」。作為一名混合性偏乾的肌膚擁有者，我一直在努力改善皮膚的色素及暗沉問題。收到這款試用產品的時候正值1月的冬天，這讓我更加期待它的表現。現在就來分享我的使用心得。1. 精華液質地 這款精華液的質地真的是非常輕盈，讓我倍感驚喜。它潤而不膩的特性非常符合我的膚質，使用後不會感到油膩，相反，肌膚在塗抹後感覺非常清爽。它的延展性也非常高，輕輕一推就能均勻地覆蓋整個臉部，無需過多的用量。此外，精華液的吸收速度很快，幾乎在塗上後不久就完全被肌膚吸收，這讓日常護膚流程更加便捷。 2. 面膜紙設計 面膜的設計十分貼心，紙質厚實且貼服，能緊密貼合面部。我特別喜歡它的剪裁，能夠有效覆蓋到下巴和鼻翼等較難照顧到的部位。這樣的設計不僅提高了精華的滲透效率，更讓我的使用過程變得更加舒適。面膜上所殘留的精華在使用後不浪費，能隨之輕輕按摩至全臉，讓整個護膚過程更加完美。 3. 即時效果 在使用前，皮膚可見出現膚色不均、暗沉、泛黃以及黑色素沉澱等問題，如暗瘡印等。在第一次使用後，我的肌膚立即展現出澄澈透明的感覺

Bchonfrise 好用推薦：好開心😆抽中咗@cosme 今次Decorte嘅試用！本身已經有用開佢嘅基礎線護膚品同化妝品，都好鍾意！ 今次係第一次試佢哋嘅面膜，面膜紙嘅設計係一般日系面膜嘅質地，比較厚少少，但係相比起其他品牌嘅面膜紙，我覺得Decorte呢款比較透氣少少，都比較貼合面部，以入面嘅精華液都好多，除咗倒落塊面膜到，更加可以輕搽關節位！入面既精華潤而不膩，保濕度都好高！因為自己有濕疹同玫瑰座瘡，好驚會敏感，所以一路都唔敢試美白產品，驚刺激到皮膚。但今次Decorte的WHITELOGIST「麴酸」速效美白精華面膜冇令到我敏感，即時敷完皮膚明顯透亮好多！冇咗陣黃氣，好有透明感，亦都變得更有光澤✨毛孔亦都明顯細緻好多！一般用坊間既美白面膜，我都會覺得不夠補濕，但今次敷完既 水潤亮白透明感都可以持續去到第二日！第二日起身個人感覺黃氣都冇咁重！個妝都貼服啲！❤️ 自己今次試用時間揀係打完激光之後三天左右，面膜冇令到脆弱既皮膚產生敏感，敷完面膜好似令到美容療程既效果更加持久，個種透亮既感覺都更勁！總括而言，係勁鐘意Decorte呢個面膜！如果有機會係一定會回購呀❤️❤️

Sakura醬好用推薦：#火熱新品 今日同大家實測嘅，呢熱賣嘅新品—Hada Labo 水光燈睡眠面膜 💡 開箱第一印象：靚靚水光燈！ 首先個包裝已經好加分，漸變藍色真係好似「水光燈」咁，擺喺化妝枱都靚啲！ 打開之後，佢係一個闊身嘅罐，入面有個膠分隔住，好衞生。 最驚喜係佢嘅質地！係QQ彈彈嘅啫喱狀，好似巨型嘅透明蘆薈粒咁，入面仲有好多藍色嘅微小光澤粒子，輕輕推開就融咗，唔會話一撻撻藍色喺塊面度。好治癒！ 🧴 搽上面嘅感覺：舒服到想即瞓！ 洗完面做完基本護理，就輪到佢出場啦！ 雖然係睡眠面膜，但一啲都唔黐立，好快吸收。我鍾意搽厚少少，當做晚間急救。特別係開住冷氣瞓覺，塊面好容易乾，搽完佢之後，好似形成咗一個水份保護膜咁，鎖住晒之前搽嘅精華。 佢嘅香味係好淡好淡嘅清香，冇人工香料味，敏感肌嘅朋友都值得一試！ 🌟 用後實測報告 好嘞，到咗最緊張嘅時刻！朝早起身洗完面，塊面係咩感覺呢？ 1. 水潤感： 真係有驚喜！塊面飲飽水咁，摸落去好滑溜，完全唔繃緊。佢嗰個「水光燈」效果真係睇到，塊面有種自然嘅透亮感，唔係死白，而係健康嗰種光澤，後續上妝都貼好多，完全唔卡粉！ 2. 毛孔情況： 因為夠水潤，鼻

Miranda好用推薦：質感：水凝柔滑，清爽零負擔 同傳統睡眠面膜嗰種黏笠感完全唔同！佢係乳白色水凝霜質地，好似軟滑雪糕咁。輕輕一推已經延展得好開，皮膚吸收勁快。最正係敷住過夜都完全唔黐頭髮、唔黐枕頭，清爽到幾乎感覺唔到佢嘅存在，無論邊個膚質用都會一試愛上！ 使用感：秒速吸收，薄塗都水潤 用之前做好基本護膚，喺面霜步驟薄薄搽一層代替晚霜就搞掂。佢一上面就迅速吸收，唔使等好耐已經形成透明薄膜。第二朝起身洗面，皮膚明顯水潤飽滿，仲散發自然光澤感，好似飲飽水咁。而且完全冇香料，敏感肌用都好放心。 持久度：全日水潤，上妝極貼服 佢嘅持妝效果超乎想像！朝早化妝時粉底極之貼服，完全冇卡粉起皮問題。最驚喜係就算喺冷氣房返工一整日，皮膚到下午依然keep住水潤。捱夜後用佢急救，第二日塊面都唔會暗啞殘樣，照樣保持透亮感。 性價比：平民價錢享受水光肌 定價$279有100g大容量，以開架睡眠面膜嚟講性價比極高！每次用量只需一粒黃豆大小，一罐起碼可以用足3至4個月。佢係日本樂敦製藥同曼秀雷敦共同研製，信心有保證，以呢個價錢買到專櫃級嘅保濕提亮效果，絕對係小資女恩物。 整體嚟講，呢罐水光燈面膜無論質地、即時效果定持久度

Chloeincosme好用推薦：見lululun出左PDRN面膜就試下！ 💧 質感與剪裁：中規中矩、日常用 OK 官方話呢款面膜用左全新升級咗面膜布，實際用落質地確實係幾柔軟（對面之前勁硬果d進步左好多）！ 精華量亦好充足、但唔會滴到周圍係。剪裁方面算係貼面，不過可能每個人面型唔同，對我嚟講未到完美無縫貼合，但以開架面膜嚟講，舒服度係過關嘅。 🧪 成分與使用感：吸收得快、勝在唔黏笠 呢款主打「雙重 PDRN」，聽落好勁。敷完 10-15 分鐘揭開，最值得讚嘅係佢嘅精華真係幾好吸收，表面清爽、完全唔會「漿住」或者黏笠。皮膚即時會有種飲飽水嘅飽滿感，後續上妝都幾順。 ⏳ 持久度與效果：純粹日常保濕，未見驚艷 網上好多人話敷完可以 Keep 到一日水潤、甚至淡紋修復。但我自己用落，覺得佢嘅續航力其實同普通保濕面膜大同小異。即時補水效果有，但訓醒唔會有種皮膚好水潤既感覺。 💰 性價比：價錢親民，但未到必買 因為特價買一送一，性價比確實好高。如果你當佢係「每日代替化妝水」嘅平價急救補水面膜，或者想平平哋體驗吓 PDRN 成分，佢係合格有餘既！ 【小總結 📝】 整體嚟講，呢盒面膜不過不失，日常基礎保濕、妝前補

Georgia好用推薦：我本身係混合偏乾嘅敏感肌，平時簡面膜真係好大壓力，因為好驚用啲太滋潤嘅面膜會搞到出晒暗粒，但唔夠潤又會搞唔掂面頰乾燥脫皮嘅問題😕 最近終於試咗La Roche-Posay呢隻B5 Cicaplast B5 pro極效修復面膜，真心覺得唔錯，一定要同大家分享下！ 首先，最鍾意佢面膜紙夠薄夠貼服，塊臉每個角落都照顧到🥹佢入面啲精華係偏向清爽，完全唔會覺得黐笠笠，完全無任何刺激或者拮拮地嘅感覺👍 以前一到轉季或者皮膚發紅受損嗰陣，敷完其他面膜可能過咗一陣，啲水分就揮發晒同埋會有刺痛嘅感覺，但呢款面膜嘅保濕力同修護能力都非常之好，入面嘅成分好似真係入到皮膚底層咁。敷完第二日起床，塊臉都唔覺得乾，仲帶點自然嘅光澤感，最驚喜係連原本面頰嗰啲泛紅都退咗好多，皮膚變返穩定✨💖

Misaki ceci好用推薦：呢塊 B5 PRO 面膜真係「乾肌神藥」！我連續 chur 咗七日，最正係塊面由乾爭爭變到好似剝殼雞蛋咁滑。以前化妝成日卡粉，而家底妝貼到爆。 最癲係佢救紅力，我之前塊面敏感仲有啲「鞋」，敷到第四、五日啲紅印已經退晒，摸落去軟熟好多。佢啲精華多到可以搽埋條頸，但又唔會黐立立，仲要冇藥味。如果成日熬夜、塊面黃得出奇，七日就幫救返好個底，由內到外透返晒光！

Wuxx好用推薦：呢一支面膜係有一年我生日朋友送俾我嘅生日禮物， 因為佢好貴所以我一直都收埋喺櫃度唔捨得用~ 直到有一次屎窟痕學人去打斑，打完之後保濕又冇做好， 第日瞓醒成塊面又紅又痕好似啱啱曬完10個鐘太陽咁！勁驚塊面會出事！ 之後我就突然醒起有呢一支嘢嘅存在， 然後我即刻走去開嚟試吓佢有幾瞬間保濕。 點知真係物如其名！ 只係需要3分鐘佢就即刻幫我將塊面急救好，做好保濕，等我唔使嚇到心慌慌！ 自此之後一有事我就會攞佢出嚟用，不過缺點係佢真係好貴🥹 但真心推介啲皮膚成日都會突然間缺水決到唔清楚嘅朋友去買黎旁身~**呈半透明嘅面膜，質地好易推開！

Fng好用推薦：sisley 保濕mask，保濕極好，去到極乾燥嘅國家旅行，有甩皮情況😨， 晚上搽咗佢，聽朝起身 皮膚即刻好返曬，飲飽水咁， 效果顯著， 缺點係價錢偏貴。

Luna好用推薦：真係咁「綠」得？innisfree綠茶面膜用後感 (真心唔吹水) 話說前排行過innisfree，見佢隻綠茶系列又轉咗新包裝，靚就靚啦，但最緊要都係睇效果！我本身係混合肌，T字位油、面頰乾，仲有少少敏感底。見佢主打補水鎮靜，的起心肝買咗盒返屋企試，用咗大概兩星期，而家同大家開心share！ 第一印象：質地 & 香味 一打開，嘩！陣綠茶味係清新嘅，唔係嗰啲好假嘅香水味，而係好似真係沖緊杯綠茶嗰種淡淡嘅草本香。敷上面個下好放鬆，好啱臨瞓前用。 質地方面，佢係白色乳霜狀，但推開就變得好水潤，一啲都唔杰身。我自己鍾意厚敷，感覺好似成塊面浸咗落綠茶池咁，好爽！ 實戰測試：敷上面嗰15分鐘 跟返instructions敷10-15分鐘。重點嚟喇： · 頭5分鐘： 涼浸浸，完全冇「那」嘅感覺，敏感肌嘅我可以放心。 · 中途： 明顯feel到佢喺度收乾，但唔係繃緊嗰種，而係好似有層薄薄嘅保護膜包住塊面。 · 洗之前： 我習慣會用佢送嘅綠茶籽爽膚水噴一噴塊面，再用化妝棉抹走多餘嘅mask。咁樣會易洗好多，同埋唔會覺得「乸」住。 洗完之後嘅驚喜位 (重點！) 拍乾水之後，塊面即時

布吶吶好用推薦：係冬天呢啲乾燥嘅季節，護膚真係要加倍留神！我最近試咗Innisfree款綠茶面膜，發覺佢真係好啱冬季護膚用，保濕效果幾出色！ 首先，一打開就聞到好清新嘅綠茶味，好療癒～面膜紙係超薄透嘅纖維質地，好貼面，精華量多到可以順便抹埋頸同手腳。敷上臉感覺好水潤，尤其係冬天開住暖氣，皮膚乾到繃緊，敷完即刻覺得皮膚飲飽水，好舒緩！ 保濕效果方面，我覺得佢唔算好厚重黏膩，反而係一種滋潤嘅補濕感。敷完之後皮膚摸落去軟滑咗，有光澤感，而且之後上妝都貼服好多，唔會因為冬季乾燥而起皮。對我呢種冬天面頰偏乾嘅人嚟講，佢嘅補水力足夠，但又唔會笠黐黐，幾舒服！ 總括來講，Innisfree呢款綠茶面膜係冬季護膚嘅一個幾好選擇，尤其係需要快速補水嘅時候。如果唔係極度乾燥嘅皮膚，日常保濕同舒緩佢都應付到。價錢又親民，可以放心囤貨，過個水潤冬天！ #冬天#冬季護膚#冬季#護膚#保濕#面膜#韓系護膚品