指甲不易斷裂 推薦好用產品

EC好用推薦：呢罐 Dior Crème Abricot 杏桃指甲修護霜真係無敵。中途我其實試過轉用其他質地輕薄啲嘅指緣油，但用落先發現，嗰種滋潤度同持久力完全冇得比，根本唔係同一層次！ 第一印象： 質地非常黏稠，粉粉橘色帶住淡淡桃香味。開第一罐嗰陣真係有被佢嘅質地嚇親，驚佢擺好耐都唔乾、好難吸收。 驚喜吸收力： 雖然望落好厚身，但搽上手按摩兩下就變咗透明，仲要好快吸收晒！最正係搽完對手即刻有一種好滋潤嘅「貴婦效果」，成隻手精緻晒。 我成日推介畀身邊做開 Gel 甲嘅朋友，修護指甲邊緣真係一流。我有陣時會貪心到連手指關節都搽埋，效果一樣咁好，啲乾燥紋消得好快。 真心推介畀追求深層滋潤、想對手望落貴氣啲嘅朋友仔！

agnessstang好用推薦：見呢個cream細細粒 簡約包裝又有CD字樣 平平哋可以買到精品✨ 就算唔好用放喺梳妝枱裝飾下都幾開心🤣 所以就買嚟試下 性價比幾高嘅指甲cream 雖然細細粒要二百幾蚊 但每次用量好少就足夠 可以用好耐 係我用過最好用嘅指甲cream❤️ 因為我長期gel甲 每個月都會修甲邊死皮 同埋我好鍾意搣皮 搣到啲皮好硬 (用指甲鉗剪會有聲嗰種硬🫠) 所以甲邊長期都偏乾同好多皮 用過好多指緣油同cream都冇咩明顯改善🙁 Dior呢隻指甲cream有淡淡嘅杏桃香味🍑 質地比一般hand cream厚身少少 搽咗之後要啲時間乾 如果即刻用手機會有指紋留低 所以我通常瞓覺之前搽 就唔會揩到其他嘢 搽完之後明顯見到甲邊嘅皮軟化咗 連我瘋狂搣長期都係硬嘅皮都軟化到 超級好用 推薦俾所有手/甲邊乾嘅女仔👧🏻 好值得試!!!

Nicole 好用推薦：牙膏唧唧包裝，很好控制分量，刷頭是毛毛刷，很好刷到邊邊角落，不會有死角，可以改善指甲邊緣乾燥和倒刺問題，滋潤味不錯👍🏻 味道是香甜honey味，本人大愛，每次塗完指甲後，都會反覆聞下手指🤣手袋裏一定有它！

格仔餅公主好用推薦：成日洗手同埋搽甲油攪到指甲邊緣都起哂倒刺同埋死皮，用佢可以重點修護，有一陣陣既honey味，之後搽hand cream ，攪掂

Wenwen03好用推薦：最近開始塗指甲油，一塗就唔敢懶 - base+指甲油+Top Coat，試過一隻牌子既Top Coat 用左一半之後漿住，使用感很近差，以致於下定決心試下Revlon 嘅Gel Envy Diamond Top Coat。 掃頭呈扇形，連我呢個新手都覺得易塗👍🏻👍🏻，而且快乾，有味道但不刺鼻，很好用～ 會回購

Noel好用推薦：個人認為最值得投資的 Top Coat 💕 只要沾一下，就可以塗完一片指甲，光澤感強，非常 smooth，亦令指甲目測有更厚實既效果❣ 個人認為，即使使用比較便宜的顏色指甲油，再配上 Revlon 這枝 Diamond Top Coat，在指甲上的效果也會截然不同，提升了整體質感 😍 快乾 🌟🌟🌟🌟🌟🌟🌟 易卸 🌟🌟🌟🌟🌟🌟 持久 🌟🌟🌟🌟🌟🌟

Kmggigi好用推薦：Homei Weekly Gel — 易上手、易卸除，輕鬆玩美甲💅 質地: 呢款Homei Weekly Gel嘅質地同普通指甲油差唔多，延展性好、容易上手。 品牌仲有推出配套嘅Peel Off Serum Base， 用咗之後可以輕鬆撕除甲油，完全唔傷甲， 對經常轉款嘅人嚟講真係非常方便。 款式: 色號選擇非常豐富， 我用嘅係貓眼系列，磁吸效果靚又有層次感。 不過要注意，磁石棒需要另外購買， 想打造閃亮貓眼效果就要準備好工具。 效果: 塗抹時顏色均勻順滑，雖然色澤偏淺色系， 但通常上一至兩層已經夠飽和。 照燈固化後效果光滑細緻，有專業美甲店既視感！ 唯一缺點係持久度唔算高——大約3至4日就會開始脫落，未必做到官方講嘅「weekly」效果。 不過相對優點係，完全唔傷指甲！ 對於平時用普通指甲油容易令甲面變脆、變薄嘅人，呢款真係輕鬆又安全嘅選擇。 用完三日後效果: 雖然甩咗四隻，但係指甲表面完全冇花！ 總結：輕鬆玩色，溫和不傷甲的入門gel甲 Homei Weekly Gel集易用、易卸、顏色靚於一身， 雖然持久度一般，但勝在對指甲零負擔。 適合想間中玩下美甲、又唔想太花

Suidan好用推薦：我呢色號係 NE-43 SHINY BEIGE，有好微細既閃粉，令指甲望落更美更健康。而呢支GEL甲油使用好方便，只需一支便可以做到gel甲，好合適懶人使用。

Nicole 好用推薦：同乳木果hand cream 同一個味道，塗上後能明顯感覺到指甲縫沒那麼乾了，起皮倒刺能有所緩解。

貓餅好用推薦：呢支護甲油真心好用，佢有刷毛，好方便用，而且入邊有乳木果油同埋杏仁油，更加修護同埋滋潤指甲，可以減少倒刺，冬天必備

Sanna Cher好用推薦：速乾指甲油使用在擦塗第二層指甲油後。 將指甲油滴在指甲向外的位置，一開始像是稀釋了顏料，但待乾一會便回復狀態，不消數分鐘已乾身，能夠上面油。 推薦👍

Rinka好用推薦：必須強推！之前買Lush的產品都是買面膜比較多，前陣子看到twitter 上吹捧這款乳霜可以滋潤厚皮，剛好朋友開團團購就買了。 先叉開話題，就是買Lush的話，日本或英國的價錢會較為便宜。 回到產品本身，質地正如英文一樣，就是偏厚重的牛油質地，如果抗拒油膩感的朋友要注意了‼️ 一打開盒子就可以嗅到很濃烈的檸檬味，聞慣了以後會覺得還挺新鮮的呢！ 輕輕打磨一下，乳霜就會因手指的溫度溶化，只要少量的份量就可以塗抹很大的範圍。 我常用於腿部易乾燥起裂紋的皮膚上，通常會先上一層潤膚霜，再上一層這個乳霜。也有用於腳跟和腳側因鞋子磨擦而導致厚皮的位置，另外也有用於指甲邊。 塗抹後的皮膚會馬上發出油光，死皮通通會不見了，到第二天，油光會消失，但皮膚仍保持一定的水份。長期使用了一段時間，原來乾燥到要脫皮的腿部已經變回原有的肌膚狀態。 小小的一瓶已經可以用很久，假若你不討厭檸檬味，也不抗拒油膩感，這款十分推薦！

劉肥貓好用推薦：佢嘅滋潤度好足夠 但啲氣味就比較難聞 我第一次買來用 價錢還可以接受$150一盒

Evoo好用推薦：自購*Ducato 弱爪專用指甲強化液 (透明）（nail hardener 7ml $72 狀況：卸完美甲後，指甲變好薄好軟 5⭐️為最高評價 >味道：⭐️⭐️⭐️⭐️一般指甲油化學味道，但唔算好大浸又好濃烈，可以接受 >乾的速度：⭐️⭐️⭐️⭐️都算快乾，塗完十隻手指已乾一半（乾的速度與一般指甲油相同） >硬度：⭐️⭐️⭐️因為指甲太薄，所以厚塗一層都係可以整彎指甲，但整體感覺有幫助令指甲增加硬度 >>值得注意係，塗一層已經可以撫平凹凸不平的指甲，睇落似nail coat 咁可以改善卸甲後指甲不光滑的情況！！！（很滿意⭐️⭐️⭐️⭐️⭐️） 整體感覺：4星⭐️半，建議如果想改善指甲軟&裂的情況，可配搭不同品牌的指緣油～

Viannie好用推薦：最近啲指甲唔知做咩好似酥皮咁，一層層分離又好易斷，變得好薄🥲 日本旅行買咗黎試下，呢款強化甲油可以當底油/強化/面油使用，顏色全透明，搽完會好似上咗光油咁，快乾易搽，同埋佢真係會令到指甲硬啲，冇咁易反，推薦！

sami.mew好用推薦：個人使用感受良好，能夠有效滋潤到手部特別係指甲邊緣嘅皮膚，預防倒刺嘅產生～

Katrina好用推薦：甲緣倒刺死皮救星! 東東杏仁香氣， 瞬間滋潤指甲， 抵抗風高物燥之下的乾皮爆發! 尖細掃頭能將精華液平均塗於指甲邊。 蓋子末端的斜頭橡膠可用作推匀，非常貼心。

Blueblueblue好用推薦：搽呢支打底透明指甲油打底，後續搽顏色指甲油會平滑得多。 CP值高。

貓餅好用推薦：價錢親民，細細支，搽指甲油前的基礎，都幾快乾，味道不大，還可以。

Wenwen03好用推薦：一直想搵一支性價比高既指甲底油，我選指甲油既標準好簡單，淡粉色系列就得啦，唔好比小朋友發現我塗左指甲油😂😂。。 左選右選，最後選左Canmake Tokyo 既Foundation Colors FC01色試下先。 油掃好用，好易推開指甲油，好少塗指甲油的新手的我都carry到🤩🤩 。第一次上色是淡粉色（唔記得影😅😅），等左2-3分鐘好快乾，之後第二次上色即刻顯色，有點像櫻桃紅色，晶瑩通透的效果我好鐘意呀😍😍，不過都會有一道指甲油有既味道，不是臭到攻鼻，但對味道敏感既朋友就要留意啦。 以下是效果圖（塗了2次+面油，室內白光）

葉子🍃好用推薦：刷頭易用，質地透薄，可以按需要疊搽，唔會覺得太厚，基底色方便工作，唔會太顯眼，但又夠自然

Kura好用推薦：搽完唔會覺得好特別嘅護色油，顏色係淡粉紅色，搽上手係好簡單好素，都幾靚

Hana0125好用推薦：透明、好淡嘅粉色，查完少少令面。含牛油果精華，可以幫指甲保濕，同強化指甲，無咁易斷裂。用一段時間之後，雖然唔算明顯，指甲顏色會稍微變得粉嫩。

iliya 好用推薦：呢款指甲護理液比較杰身，唔單止好難乾，好難塗到好平滑，而且乾完之後好厚身🫠

MiSiA好用推薦：呢枝有啲杰，所以都幾難乾，同埋再疊顏色上去會更難乾，而且佢唔係好遮到原甲色，所以要油一啲夢幻啲嘅色就會比較傷腦筋。 不過優點係佢護甲硬甲真係做得唔錯，搽佢果陣冇試過食色落指甲，甲面上嘅小凹凸都修飾得唔錯，仲有佢冇天拿水味，取而代之係檀香味，令到成個油指甲嘅時間好放鬆。 不過如果可以快乾啲就完美。

Amber好用推薦：我淨係查一層咋 佢勁快乾同埋勁大浸油漆味 查一層都搽到咁嘅樣，真係勁核突囉 超級後悔買咗佢 完全睇唔到，佢有咩作用