抗老面膜 推薦好用產品

Angie好用推薦：面膜剪裁非常貼面，精華液都好足夠，敷嘅時候完全唔會走位，敷完皮膚好水潤

Catty好用推薦：一打開就聞到蜂蜜的味道，很清香！ 裡面的精華液很多， 可以先倒出一些來按摩臉部， 再敷上面膜， 敷15分鐘都不會乾， 生物纖維面膜像是果凍， 有點厚，不過很服貼！👌🏻 只是有時候會移位，可以躺著敷更適合！😆 敷完後覺得毛孔有縮小🤩 肌膚柔嫩，呈現啞光的好肌膚感， 而且敷完不會粘膩，很快吸收進皮膚， 可以直接擦上平時的保養品，不需清洗！

Kitty 好用推薦：面膜係一包包，一次一包，乾淨衛生。一撕開包面膜，已經聞到一陣淡淡嘅蜂膠香味，唔會太濃，幾舒服。質地係淺黃色嘅乳膏狀，推開之後都幾滑，厚敷一層都唔覺得悶。 使用過程： 我通常會洗完面之後，搽層爽膚水，再厚厚敷上面膜（避開眼周同嘴唇）。佢唔會好似一啲塗抹式面膜咁，敷嘅時候會覺得好乾或者扯住塊面，反而有少少涼涼哋嘅感覺，幾放鬆。敷大概10-15分鐘，之後用溫水洗乾淨。 效果： 用完之後真係有驚喜！首先，面膜幾易沖洗，洗乾淨後塊面摸落去滑咗，尤其係鼻翼同下巴嘅暗粒，明顯平復咗好多。之前有幾粒紅紅哋嘅暗瘡，敷完之後冇咁紅，感覺消炎效果唔錯。而且皮膚睇落乾淨咗，毛孔好似通咗咁，有光澤感，唔會話用完之後乾到繃緊，保濕度都算OK。 整體評價： 如果你係容易生暗粒、暗瘡，或者皮膚間中敏感乾燥泛紅，呢隻蜂膠面膜真係值得一試！雖然價錢唔算平，但效果對板，尤其係爆瘡期間用，可以好快幫皮膚鎮靜落嚟。我會繼續回購，推薦俾大家！

JOYCE好用推薦：朋友推薦用呢隻蜂皇漿緊緻活膚面膜，話效果好緊緻，買咗一盒嚟試🤔睇吓係咪真係咁勁APIVITA出名成份天然，敏感皮膚都唔需要擔心。打開就有淡淡嘅蜂蜜味，質地係米白色乳液狀。用面膜掃厚敷上面、頸，之後等10分鐘就可以用水洗乾淨，之後搽返面霜鎖水就完成👌🏻呢隻蜂皇漿緊緻活膚面膜話有緊緻、提拉、軟化皮膚嘅作用。軟化、緊緻皮膚同補水功效我覺得唔錯，敷完仲睇得出即時提亮咗。雖然提拉效果真係無，但其他功效都足夠令人想繼續用👍🏻👍🏻

Jan好用推薦：面膜紙薄身而且貼服 尺寸剪裁適合亞洲人五官 精華液是啫喱狀的 較為稠杰 分佈唔太均勻 感覺Ok滋潤唔刺激 面膜紙材質跟想像不一樣 以為係qq 的那種果凍面膜 整體體驗普通正常 …. 更正：發現選錯產品了 使用的是膠原蛋白款 刪除不了心得 有熱心網友或admin 可以指導下嗎🙈

AmyAmy好用推薦：精華好多，質地比較厚，敷完面膜之後個包裝裏面仲有好多精華要再慢慢搽上面。敷完面膜之後起粒粒，唔知係咪因為太過潤，可能比較適合冬天用

Kmggigi好用推薦：Medicube Deep 緊致胜肽面膜 — 滋潤保濕，提亮緊緻一次到位！✨ 面膜&精華質地: 面膜精華係保濕乳液質地，非常滋潤但唔會太黏膩， 搭配柔軟貼膚嘅面膜布，敷上臉感覺特別舒服， 完美貼合肌膚輪廓，提升吸收效果。 分量: 面膜精華分量充足， 仲可以配合Medicube Age-Booster美容儀使用， 幫助加強吸收同護膚效果， 成為提升肌膚狀態嘅強力組合！ 效果: 敷完15分鐘後，面膜仲有豐富嘅精華留喺肌膚上， 感覺持續滋潤！ 敷完即刻感受到肌膚保濕度提升， 蘋果肌變得更加細緻透亮，光澤感滿分， 肌膚狀態即刻提升！ 總結：保濕舒適，緊緻光澤必備面膜 Medicube Deep 緊緻胜肽面膜結合高保濕、緊緻提升同舒適貼膚嘅優點， 無論係日常保養定特別護理都非常適合。 如果你追求一款高效修護、提亮肌膚嘅面膜， 可以考慮依款！🤣

Jane好用推薦：牛奶質地既精華，面膜布好柔軟好親膚好舒服。敷完塊面軟熟左，膚況好左好多。會回購。

Yuki好用推薦：面膜係之前網上買面霜送嘅贈品近排天氣轉涼濕度低又乾燥 所以就拎出泥試下面膜比較厚身 分開上下2部份眼位同嘴唇位置開口都偏細撕開保護膜會見到面膜佈滿乳霜 同時殘留左好多乳霜係保護膜上面乳霜份量都唔少 可以用泥敷喺手腳面膜敷左10分鐘完全冇移位 過程中有d吉吉地同有d焗 敷完皮膚即時變得好有光澤 乾燥問題即時舒緩左 細紋都減淡左 第2朝起身皮膚感覺細緻飽滿 但對於沙漠肌泥講 保濕滋潤度都係差少少 出泥效果同用面霜感覺差不多 如果有遇到優惠可能都會回購 產地：韓國 零售價：HKD840/5pcs (HKD168/pc) 回購：6/10

Pinky好用推薦：一打開包裝就有好香嘅人參味，精華喺曬面膜紙上，唔會水流流，一邊係完全乾爽，放喺面上好貼服

Circlecyy20好用推薦：滋潤度好高效果相當唔錯，用完之後有即時急救嘅效果膚質有變平滑同埋柔軟

Pinky好用推薦：偏厚身少少既面膜質地，但都算貼面，下巴有兩塊痴返上嚟，有少少拉提效果， 精華係乳液狀，敷嘅時候唔會水落流流，但精華量都算足夠，敷10至15分鐘之後，官方話唔使過水，但我都會用礦泉水噴霧噴下塊面，再用爽膚水抹下，再查返平時嘅護膚品，敷完感覺皮膚飽滿啲，補水滋潤嘅感覺都有，雖然價錢唔算平，但比起開架面膜係好用啲

Fng好用推薦：SISLEY-PARIS 產品入面 比較出名嘅黑玫瑰面膜， 佢淡淡玫瑰香味容易接受，同埋 用喺上嚟都好方便，只要薄薄一層已經感受即刻到皮膚柔軟咗， 光亮咗 ，我通常會搽完15分鐘之後 ，再按摩吓，容易吸收唔需要用水洗走 ，唯一缺點就係比較貴， 但每次用嘅量少 ，會回購。

Hannah好用推薦：質地幼滑，保濕效果滿意 洗完後都仲有滋潤感 價格偏高，喺有優惠時入手更化算

Hazel好用推薦：有幸攞到啲samples黎用，一開始以為係噱頭，但真係堅金色，搽上塊面即刻變咗少林寺十八銅人咁🤣，立立令！不過用完之後覺得效果真係非常好，皮膚變得好保濕好細緻，佢的確貴得有原因嘅⋯⋯

yamaelsa好用推薦：除左貴之後 都冇咩缺點 拎左試用裝黎用 最顯著嘅地方係塊面勁有光澤！ 好正！

Giselle 好用推薦：Kose Better than Sleep 調理不穩定肌膚素肌保濕面膜 (7片裝) *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 因為見唔到@cosme上面有，所以就借咗呢款產品嚟寫心得¨̮♡︎呢款係Kose最近幾年出嘅新面膜系列，主打係敷8分鐘就已經可以敷完(*ฅ́˘ฅ̀*)♡︎啱晒我呢啲好忙無咩時間做保養嘅人( *¯ ³¯*)佢呢款係比較適合敏感肌嘅人當皮膚狀態唔好嗰陣敷୧⃛(๑⃙⃘◡̈︎๑⃙⃘)୨⃛雖然我唔係敏感肌，但一般轉季or壓力大嗰陣我都會用佢୧⃛(๑⃙⃘◡̈︎๑⃙⃘)୨⃛feel到皮膚真係有變好嘅同時都可以補濕到(๑˃͈꒵˂͈๑)$100都唔晒就可以入手到都真係幾抵( ⸝⸝•｡•⸝⸝ )

Milo101好用推薦：有中藥香氣，價格相宜，跟大部分同品牌面膜一樣提供基礎保濕，效果未算持久

Blueblueblue好用推薦：個人護理店特價，就係最值得嘅入手時機😂 有陣淡淡人蔘味，面膜紙精華多。

GinGin好用推薦：用完好似白左少少，而且有保濕功效，精華素非常濃稠，敷完面膜再加以按摩都仲有好多精華，面膜紙好大塊而且夠貼面，又唔會刺眼，一定會回購

Kmggigi好用推薦：Quality First 抗衰老緊緻視黃醇100夜間面膜 — 夜晚修護，重拾光澤緊緻！✨ 「早C晚A」護膚法則大家聽得多， 呢款面膜就係專為夜晚使用嘅視黃醇 (Vitamin A)面膜， 主打修復肌膚、抗衰老同提升緊緻度， 敷3-5分鐘就搞掂，非常方便！ 面膜內含豐富精華， 敷完幾日後，會明顯見到肌膚更有光澤， 輪廓亦更加緊緻，非常適合晚間修護！ 唯一要注意嘅係包裝設計有啲容易側漏， 擺放時要小心，否則啲精華可能會流出嚟，幾麻煩。 另外，敷完面膜後皮膚會有少少黏笠感， 但滋潤效果依然值得讚！ 總結：夜間修護必備，輕鬆提亮抗老 Quality First 抗衰老緊緻視黃醇100夜間面膜係一款高效修護嘅夜用面膜， 敷短短幾分鐘就可以幫助肌膚提亮光澤同提升緊緻度， 雖然包裝有小缺點，但效果完全值得一試！💛

Blueblueblue好用推薦：浸透型嘅面膜，一片集化妝水 敷面 眼膜於一身。 無香料無色素，敏感肌用得放心。

choichoi好用推薦：味道真的有點難形容，不太好接受，質感偏濃潤，有助減淡細紋，比較滋潤的一款面膜