修護面霜 推薦好用產品

natanatalie好用推薦：非常滋潤的尊貴面霜❤️ 價錢非常貴，一試便知尊貴。首先，一打開有一陣好高級嘅香氣，搽上面嘅感覺好舒服，好親膚，而且立即感到滋潤，對於年過三十的我嚟講，就係要呢種滋潤感！👍🏻 用完第二朝會覺得肌膚soft左好多，無咁粗糙，同埋光澤感強左好多！🤤

Hellen好用推薦：非常好的保濕霜，乾敏肌膚可以試下，油皮就唔好啦。用左好多瓶了

Cherrie好用推薦：紫外線全年無處不在，就算踏入秋冬天，都需要每日搽防曬，防止曬黑同出雀斑。 最近試用咗COVERMARK全效修護賦活日霜，我嘅用後感就係： 呢支防曬霜超好用～ 佢係乳霜質地，有SPF50 PA++++超高防曬度，搽上面後質地清爽輕盈，好快被皮膚吸收，搽完唔會覺得笠痴痴。 除咗防曬外，仲可以係化妝前打底，令上妝後粉底更貼服持久。去到中午依然KEEP 到清爽無油光，不會阻塞毛孔或引起油脂粒，搽過無數防曬，終於搵到隻啱自己又好用嘅防曬日霜啦。

Fng好用推薦：ALBION FLARUNE 睿采靛藍煥白修復面霜｜ 混合偏乾熟齡肌の春日透亮養膚術 用後感 🌸 ✨ ALBION FLARUNE 係品牌嘅「高機能抗老線」，主打30歲以上輕熟肌嘅修復、緊致同提亮。銀藍色玻璃罐包裝好墜手，開蓋已經有種「貴婦儀式感」。 ✨ 質地膚感｜奶油觸感，春天用零負擔？ 呢款面霜質地係豐厚乳霜狀，但推開嗰下即刻化開，好似cream遇熱融化成絲緞咁滑。吸收後形成一層薄薄嘅保濕膜，但完全唔會黏笠！ 香港春天又濕又翳，混合偏乾肌最怕就係搽完塊面好似漿糊咁feel。呢款面霜嘅平衡做得幾好——兩頰夠潤，T位唔會油到反光。 ✨ 用後感實測｜連續用咗兩星期嘅變化 第一週最明顯嘅改變係保濕續航力——以前喺冷氣房瞓一晚，兩頰會乾到繃緊；用咗之後朝早起身塊面仲係軟嫩嘅。 第二週開始見到膚色均勻咗，額頭同下巴嘅暗沉位冇咁明顯。鼻翼兩側嘅小乾紋淡咗，上粉底唔再卡粉。蘋果肌有種嘭嘭地嘅飽滿感，素顏都望落精神咗。 轉季忽冷忽熱，塊面冇平時咁易泛紅，證明舒緩抗炎成分真係work。 ✨ 殘酷現實區 ⚠️ 入手渠道較少，香港專櫃唔係成日有貨，多數要靠代購。 ⚠️ 呢款係滋潤型面霜

choichoi好用推薦：非常適合用於出差或旅行。這款產品可作為日間護理使用，也能用作夜間面膜，具備鎮靜與舒緩肌膚的雙重功效。萬一在旅行中肌膚狀態不穩定，甚至需要化妝時使用，它能提供卓越的舒適感，溫和無刺激，同時有效保濕，現在出門旅行，這款產品絕對是我的必備 #火熱新品

lucky好用推薦：多謝@cosme & @KANEBO 揀咗我試用KANEBO【平衡煥妍精華水】 及 全新【平衡潤妍保濕乳霜】 ，一直都好想試吓KANEBO skincare，今次揀中實在係太興奮！ 我嘅膚質係屬於混合性皮膚偏油，天氣熱同潮濕都會令我T字位好快出油，臉頰到下午都會開始出油，而且皮膚較薄好易泛紅，所以我偏好夠保濕力又可以做到控油效果嘅護膚品。年紀踏入30歲，已經唔再追求清爽無感嘅護膚效果，反而希望可以做到控油效果之餘，有足夠保濕力，令到塊面望落去有自然光澤！KANEBO SKIN CONDUCTOR 平衡潤妍保濕乳霜質地輕柔易吸收，令到毛孔都呼吸到，唔會有黏笠感，我後續化妝都唔會有擦膠碎。而我最重視乳霜嘅補水再鎖水效能，平衡潤妍保濕乳霜有高密度鎖水防禦層，從而做到補水再鎖水，另加強化屏障效能，令我係冷氣房全日都夠水潤光澤，唔會因為太乾而出更多嘅油！ 潮濕天氣下為咗減少皮膚負擔，我會簡化護膚程序，我呢個星期淨係用咗平衡煥妍精華水+平衡潤妍保濕乳霜，皮膚出油情況真係有改善，平時去到中午塊面已經油到可以煎蛋，但而家塊面可以keep到下午T字位先有輕微出油，鎖水力果然足夠！我一向肌膚水油失衡嘅情

shuyanzoe1119好用推薦：呢款保濕乳霜一試就覺得幾驚喜😍 質地係輕盈水潤型，搽上面完全唔會油膩，反而好快滲透入肌膚，感覺好舒服，而且唔會焗住皮膚👍。 我本身肌膚係外油內乾，用咗之後覺得水油平衡真係有改善💧 出油情況冇之前咁誇張，同時乾燥問題都舒緩咗，皮脂分泌變得穩定，整體膚況更平衡。 即時保濕效果好出色✨ 一搽完已經感覺到肌膚變得水潤飽滿，冇咗粗糙感，仲有自然光澤，睇落健康又透亮😊。最加分係第二朝起身，肌膚依然保持水潤狀態，證明長效保濕力都好強💙。 抗炎方面都令人滿意🌿 用咗一段時間之後，泛紅同敏感情況有減少，肌膚冇咁容易發炎，感覺更加穩定安心。 持續使用之下，真係感覺到肌膚屏障強化咗👍 保水鎖水能力提升，即使喺冷氣環境都冇咁容易乾，膚質變得更加細緻柔滑。 Before After 整體使用感非常好💯 質地舒服、效果明顯，而且用落好安心，唔會對肌膚造成負擔。對於想改善水油失衡同提升保濕力嘅人嚟講，呢款乳霜係一個好值得推薦嘅選擇✨😊

Noel好用推薦：身邊不少朋友係 Ipsa 忠粉，令我常常有意無意也聽聞產品的好處 (≧ω≦) 因此，早前就膽粗粗靠櫃試試，櫃姐也超好的，送了品牌的頂級面霜試用💗 非常期待！ IPSA Cream Ultimate 極緻活肌修護面霜 🖤 含有Amino A5GL-MUS複合物、肌醇、專利美白成分4MSK。面霜呈淡淡米黃色，質感像 soft cream，沒有流動性。延展性良好，塗到容易推開，感覺水潤，肌膚很易吸收。由於可以推到很薄，我比較喜歡貪心地塗兩層啊😍 個人感覺面霜能夠做到品牌標榜的： ✅ 肌底彈力網 ✅ 激活膠原自生 持續使用了四天，泛紅問題大大改善。而且皮膚感覺飽滿，有光澤。早上醒來，發現皮膚表層有微微的油膜，整晚都在修護皮膚，吸力的補水❗要考慮購入這個作聖誕禮物，稿賞自己呢～

lucrezianoin好用推薦：好容易推開, 所以每次份量只要用好少已經足夠推勻全面, 好抵用! 質地唔算太稀, 搽完之後上底妝都冇問題, 反而因為滋潤度夠所以妝容會好貼服!

choichoi好用推薦：換季時必備的item,質地是偏水潤乳液狀好推不黏笠,用量算省一點就夠全臉 修護泛紅敏感同時更能對抗香港污染的空氣,使用期間膚況更穩定外亦帶止癢效用,敏感肌外孕婦亦能安心使用

YolandaAuYeung好用推薦：質感豐盈幼滑，滋潤不黏膩，塗抹後肌膚飽滿且健康亮澤。保濕能力充足，像將水分注入肌膚似的，為肌膚帶來水潤飽滿感。因成分加入了積雪草，能有效紓緩敏感肌膚，泛紅情況減少了。

Jeniel好用推薦：呢罐面霜打開已經聞到陣淡淡嘅蜂蜜香，質地係好厚嘅乳霜狀，望落已經覺得好滋潤。搽上臉嗰下感覺好厚實，推開要花少少時間，但吸收之後皮膚好似有層保護膜咁 對於我呢啲熟齡乾肌嚟講，秋冬用佢非常合適。用完第二朝起身塊面仲係軟熟有光澤，完全唔會乾繃繃或者甩皮。不過如果係夏天用，呢個滋潤度就真係太Over，感覺會焗住塊面，混合肌或者油肌可能要諗清楚先入手。 整體嚟講，呢罐面霜係乾肌同熟齡肌嘅秋冬必備之選！ 滋潤度： ★★★★★ 吸收速度： ★★★☆☆（需要時間吸收） 適合季節： 秋冬 適合膚質： 乾肌、熟齡肌 #Farmacy蜂蜜面霜 #秋冬乾肌救星 #熟齡肌之選 #火熱新品

🌸好用推薦：喺舊年，疫情期間嘅夏天，烈日當空，仲要戴口罩，搞到啲皮膚又乾又痕。 呢隻cream 有洋甘菊同積雪草提取物，有效舒緩和緩解不適，而且無合成香料，使用效果好舒服，迅速去紅腫。敏感肌姊妹們嘅恩物。

choichoi好用推薦：意想不到DIOR也有一些修復類的護膚品，也很適合易敏/正有濕疹的本人使用；它可以舒敏退紅但價格屬偏高，如果不是品牌死忠支持一下，開架也其實有相類似的產品且是法國製造（小聲）

Poyobb好用推薦：冬季護膚❄️ 之前都已經不斷回購shubalm 噴霧，九/十月同牌子出咗面霜，未出之前suu balm既promoter俾咗我用sample。 修復面霜比保濕乳厚身，入邊有5種同皮膚結構相同嘅Ceramides，可以舒緩皮膚，敏感同濕疹皮膚真係好啱用。同樣嘅面霜一樣有薄荷涼感，但係薄荷都保濕乳咁強勁，用上面都好舒服。 佢嘅質地我會覺得較為適合冬天用多啲，夏天用嘅時候係有少少腍，同埋佢係BB、小朋友大人都用得。佢比其他濕疹牌子嘅面霜冇嗰啲膠膠地嘅面霜味道，冇咁多唔好嘅味，容易接受。

Mami M.好用推薦：冬天皮膚總係好似飲唔夠水💦 又會因為咁就成日會有皮疹同紅卜卜嘅情況 朋友介紹我用Suu Balm速效舒敏系列✨ 可以快速減紅、減敏😍5分鐘就見效

sw好用推薦：Bobbi Brown 皇牌產品之一，在一次機緣巧合下用左試用版，發覺很喜歡。 質地：軟滑得黎有點分量，但算容易推開 香味：淡淡橘子味超讚，聞落好relax，亦是我喜歡的其中之一的原素 價錢：面霜黎講我覺得OK，一甖可以用上整個冬天 用法：一般用法，早上晚上可用 郊果：很吸收，尤其冬天時候搽完皮膚冇乾燥甩皮，值得推薦。

choichoi好用推薦：質感是濃厚的乳霜狀，但是不難推開～延展度很好不會卡卡的，我不會塗太厚免得難以吸收，慢慢按摩令肌膚底層好好吸收後無負擔感，翌日肌膚透亮且水份感飽滿，是款能很實在賦予滋潤感的面霜！

Sana好用推薦：好開心收到邀請試用Yves Rocher花萃幹細胞修復日霜，等我同你哋慢慢拆解佢嘅好用之處！ 🧴 質地 嘩～呢個日霜質地好似輕盈雪芭咁，一推開就化水💧，完全唔厚重、唔黏笠！就算香港潮濕天氣用，都覺得好清爽，上妝前用都冇問題，唔會起擦膠碎～ 💦 即時保濕效果 搽完即刻feel到皮膚飲飽水💦，好似有層薄薄嘅鎖水膜，但又唔焗。摸落去即時滑溜咗、軟腍腍，好似BB皮膚咁～ 上粉底都貼好多！ 🌿 修護效果 用咗大約兩星期，明顯覺得皮膚冇咁易敏感，之前成日紅紅哋、乾癢，而家穩定好多！佢嘅花萃幹細胞成分好似幫皮膚打好底子，修復返日間受嘅刺激，屏障強咗，吹吓冷氣都唔怕乾到裂～ 💪 ✨ 光澤感 呢個真係要講！本身我面頰偏暗黃、成日好似冇精神咁… 但用咗一排，朝早洗完面照鏡，會見到皮膚自帶光澤✨，唔係油光嗰種，而係透亮感！蠟黃減咗好多，膚色均勻返，素顏都敢直接落街買嘢～ 人哋仲問我「今日係咪化咗淡妝？」🤣 👵 緊緻度 原本有少少包包面、蘋果肌開始有啲塌… 用咗一個月左右，蘋果肌好似飽滿返，塊面冇咁水腫型鬆弛，下顎線明顯啲！唔係誇張拉提，但望落精神、年輕咗，自拍唔使狂推高角度～ 📸 🔍 毛孔 鼻翼

Ko好用推薦：首先講吓我嘅膚質先 我係混合性偏乾 過咗30歲之後塊面都開始有啲細紋 特別係頸紋同埋法令紋係特別明顯 平時都時不時會用下啲抗老嘅產品 但係皺紋呢家嘢一出現咗就好難救 今次試用左Yves Rocher嘅花萃幹細胞高效微精華+ 花萃幹細胞修復日霜八日 等我分享吓我嘅試用感受啦 我係每日朝早洗完面 搽完爽膚水之後先搽精華之後再搽日霜 再之後我就會去化妝 呢兩樣產品係唔會同底妝打交 唔會有擦膠碎 好適合喺妝前用 首先講吓兩樣嘢一齊用嘅效果先 下面係before嘅膚況 可以見到我淚溝附近有好多細紋 毛孔粗大，又有法令紋 仲有好多曬斑 跟住呢張係第八日嘅after 真係唔比較唔知佢好😨原來分別都幾大 可以見到淚溝附近啲細紋真係淡咗好多 法令紋就似乎差唔多 但我真係幾滿意個效果！ 畢竟眼底下面嘅細紋真係好顯老 跟住落嚟就專注講吓面霜嘅使用感受 佢嘅質地以面霜嚟講算係中度保濕 唔算清爽 亦都唔算濃稠 感覺上有少少油份 但係我後續化妝都冇帶走我嘅底妝 反而令到底妝更加服貼 所以我幾鍾意佢嘅質地 我係乾肌 喺夏天用真係啱啱好 比起枝精華 其實面霜嘅香味唔算濃烈 適合所有人使用 唯一嘅缺點就係

lonia好用推薦：前一排有幾日皮膚狀態極度不穩，塊面有泛紅、痕癢情況，所以搽上面嘅產品都唔敢亂用，即刻揾返啲防敏品牌嘅產品，呢款Avène極速舒敏修護霜真係好幫得手！ 佢適合高度敏感、過敏性肌膚，不含防腐劑，含有舒敏、鎮靜成份，可以減低皮膚敏感所帶嚟嘅不適。皮膚敏感嗰幾日，我都唔敢搽太多護膚品，以免對皮膚造成太大負擔。只係早晚簡單使用呢款極速舒敏修護霜，為皮膚做好補濕、打返好個底，鞏固返肌膚屏障。 呢款面霜質地界乎於lotion同cream之間，算容易推開，減低塗抹時對皮膚嘅拉扯。搽完之後，感覺皮膚形成一層保護膜，有足夠保濕力。對於皮膚敏感痕癢嘅問題，有即時舒緩止痕作用。連續使用幾日，皮膚泛紅亦有慢慢好轉。推薦俾敏感肌女生，長備不時之需。

poonpoon好用推薦：質地係白色乳霜狀，中等厚度滋潤感高，容易推開，吸收後留有一層滋潤感，保護皮膚屏障。 tolerance 充滿住Avene 護膚品嘅味道，好唔好聞就見仁見智，不過我就慢慢接受，因為知道呢個法國醫學品牌敏感皮膚都用得，證明材料唔會添加太多物質。 用後即時做可保濕，降紅效果，用完皮膚沒有負擔，舒緩敏感皮膚表面☺️佢有好多隻唔同嘅保濕護膚霜，呢支算係中等保濕嘅，仲有一支保濕到最高嘅係cicalfate，而家手上呢支tolerance比較適合乾性皮膚入秋使用/中性至混合性皮膚冬天使用/敏感皮膚急救用，都比較適合。呢支嘅護膚功效相當唔錯，搽咗幾次就令皮膚問題修復得貼貼服服。

格仔餅公主好用推薦：厚敷用係啲好紅又痕既位可以幫手舒緩，搽完個感覺無咁熱，係敏感皮膚既好幫手，保濕得黎又舒緩到

Sarah好用推薦：用開同一牌子白色light 的那款面霜，覺得藍色這款晚間修護霜比白色的那支更加滋潤，質感更加厚。功效方面可以舒緩過敏反應，減少過敏情況發生，幾好用。

Liu CC好用推薦： AHC是我使用多年的韓國藥妝牌子，我十幾年前已經有用開它的透明質酸系列，之後隨著年齡增長又轉用AHC的紫色A醛系列，效果不錯，所以我對這個牌子是很信賴的。 剛好我的面霜用完，就想試一下AHC這款B5益菌修護霜，選用它的原因是我的皮膚最近因去海灘游水暴曬導致有少許泛紅過敏問題，而這款面霜含有的維他命B5和益生菌萃取成分有修復維護皮膚屏障的功效。 使用過這款面霜後，我認為它是一款十分適合秋冬季以及脆弱易敏感皮膚的面霜。它的質地如同乳酪一般細膩濃稠，滋潤的同時又不會太過油膩，應用於面部後皮膚看上去水潤有光澤，還可以有效鎮定敏感泛紅的臉頰部位。 氣味方面，這款面霜是無香的，如果你不喜歡有香味的面霜，也可以考慮一下這款。 附上包裝盒上的成分表： 成分表的Google中文翻譯：

Kura好用推薦：呢款面霜質地偏滋潤，我鍾意冬天用，搽上臉需要按摩五分鐘先開始吸收，用完皮膚會變得好水潤，面霜帶有少少香味，唔難聞，我用咗一個月左右皮膚就開始有變化，整體膚質變得細緻咗，保濕效果唔錯，係唔錯嘅冬季面霜，值得一試 @cosme #火熱新品 #火熱新品 #火熱新品

Sakura醬好用推薦：MAC好用產品｜油皮啱用嘅妝前煥顏面霜👍👍 化妝時想個妝水潤透光？ 一定要試下呢個MAC嘅新品煥顏面霜 成分天然植物提取，質感輕盈🌸 加入🇯🇵日本【雪域白芍】 可以收細毛孔，底妝更貼服 ✅日本白芍🇯🇵強化肌底 ✅透明質酸👉保濕補水 ✅煙酰胺👉令皮膚平滑 ✅神經酰胺👉修復屏障 妝前補水，妝效up!up!✨ 即時改善乾燥 皮膚柔光又亮澤😊😊😊 平衡水油，長時間貼妝 令個妝更持久🐮 今個夏天有佢，俾你個妝滿滿嘅底氣👍

YYeman好用推薦：終於俾我搵到妝前救星！MAC白芍面霜 卡粉甩皮嘅姊妹集合！我唔准仲有人未用過MAC呢支白芍面霜，真係完美掌握咗妝前保濕嘅精髓，簡直就係底妝嘅神級助攻！ 質地係輕盈嘅雪糕感，一推就開，潤得嚟唔油膩，完全唔會對皮膚造成負擔。每次用佢，都覺得似同塊面做緊豪華SPA，皮膚即刻被水潤包住。 核心成分係珍稀雪域白芍，再加煙酰胺、神經酰胺同霍霍巴籽油，組成Pro4修護矩陣。唔單止可以由底層提亮膚色，仲可以平衡、重塑同加強皮膚屏障，等塊面由內到外散發健康光澤。即使帶妝成日，個底妝都依然乾淨透亮，暗沈卡粉全部消失！ 用咗佢之後，上妝超順滑，粉底好似同皮膚融合咗一樣，毛孔、乾紋統統隱形，鼻翼同嘴角呢啲易卡粉位都變得貼服。無論你係乾皮、油皮定混油皮，佢都輕鬆駕馭，真係全膚質通用嘅寶藏面霜！ 一支搞掂妝前保濕、提亮同養膚，MAC白芍面霜簡直就係底妝界嘅「全能王」，邊個用都會愛上！未試過嘅寶貝一定要試，絕對會成為你嘅妝前新寵！ -

In好用推薦：Make a difference呢樽treatment真係好好用 一啲都唔笠身 又唔會起擦子膠碎 一年四季都啱用 如果覺唔夠潤其實可以要加面霜係面 好多年前有段時間不停咁用 之後就轉咗啲能能性大啲 緊致嘅cream用 早排又心思思掛住佢個氣味（好舒服好好聞嘅香氛味）又買返嚟用

Tiffany好用推薦：質地輕盈嘅保濕啫喱面霜，升級版添加左更多植物精華，用落更補水。