找產品
保濕爽膚水 推薦好用產品
38 件
chasiutung好用推薦：Origins靈芝菇菌精華水 水狀質地 質地吾油好清爽 容易吸收 有淡淡的中藥味 (味道可以接受)我係混油敏感性皮膚 當我長閉口 長痘同皮膚過敏嘅時候就會用佢 我會用靈芝菇菌精華水倒落化妝棉到濕敷5到10分鐘左右 第二日 痘痘就會消腫  敏感第二日都退得7788 真係萬試萬靈 💓同埋日曬後皮膚又紅又熱嘅時候 用佢濕敷降紅效果都非常不錯的 依支係我回購最多次嘅化妝水 真心推介比油性肌混油肌同痘痘肌使用💕
<看全文>Kaze13579好用推薦：從舊版到新版已經起碼用咗兩三支，每逢轉季都會皮膚敏感，偶爾發濕疹嘅我，見到皮膚開始起紅點，發紅甚至開始甩皮，我就一定會用佢，甚至用佢濕敷。效果真係好好舒緩到敏感，又唔會好揦更加刺激到敏感嘅皮膚！最重要係性價比非常好！屋企長期都會有貨，以備不時之需！推介俾皮膚容易敏感嘅朋友！
<看全文>
mysecretgarden好用推薦：呢支精華水完全唔係我諗嗰種杰撻撻嘅精華質地。倒出嚟係好似水咁，流動性超高，仲要係透明冇色嘅。慣倒啲喺手心，然後直接按上塊面度。佢真係吸收得好快，基本上你按多兩按，捽多兩下，已經完全食咗入皮膚度，冇嗰種黐立立或者好似有層薄膜咁嘅感覺。成個過程好乾爽，但同時你又會feel到塊面係飲飽水，摸落去好軟熟。對於驚黏膩嘅人嚟講，真係一流，亦都唔驚太焗會生粒粒。朝早趕住出門口，啪咁一層上去，再搽防曬都完全冇問題，唔會搓泥。  我皮膚比較容易敏感，所以換新產品嘅時候都要小心處理。我特登查過佢個成分表，係冇加酒精同香料嘅，我用落都冇咩敏感嘅情況 。 我用咗之後，最大感覺係之後再搽面霜，吸收得好咗。朝早起身，塊面依然keep到水潤，冇之前咁易出油 同埋摸落去，有種飽滿咗嘅感覺。至於抗皺呢啲長遠功效，就要再睇耐啲先知。 如果你係追求快吸收、水感、同溫和嘅，真係可以一試。以咁嘅價錢，有咁嘅質地同保濕力，性價比幾高。當然，冇得拎佢同千幾蚊嘅專櫃品牌比較啦。但作為一支日常打底、基礎保濕兼帶點抗老功能嘅精華水，佢絕對合格。
<看全文>Sakura醬好用推薦：人生建議：呢套先係乾皮糙臉嘅天命抗老水乳！ 塊面又乾又糙又有乾紋細紋又暗啞冇光嘅人，都要去用OLAY大紅瓶！！ 講真，呢套抗老水乳我先用咗無幾耐，仲要係三日打魚兩日曬網咁用，成塊面已經肉眼可見！好水嫩！好細滑！ 皮膚質感直接next level咗！首先啲乾紋細紋直接俾佢潤到平伏咗，而且唔知係咪錯覺，覺得皮膚比以前更加瑩潤透亮。 然後一捱夜就又粗糙又乾瘪嘅面珠墩，居然飽滿咗好多！unbelievable!!!! 成塊面唔會再似之前咁殘樣，連毛孔超大嘅出油區望落都細緻咗！！成個皮膚質感特別特別顯貴！！ 而且OLAY呢啲大牌子，你永遠可以相信佢落足料，一套抗老水乳主打四重胜肽！再乾瘪嘅臉都可以同你嘭返起，再粗糙易生紋嘅皮都同你拉平！佢唔單止可以提升膠原蛋白，等你塊面更豐盈飽滿，仲可以促進彈性蛋白，成塊面好似水煮蛋咁嫩彈嫩彈，真係靚到爆！！ 再加埋肌肽同VE，清除自由基抗氧化，你想暗啞都難！包含玻尿酸在內四大補水保濕系統，幾乾嘅臉都可以同你補到足！保濕水嫩成日！ 皮膚質感一點點咁改善，塊面成個水嫩細滑，仲滑捋捋咁！
<看全文>
Emily Leung好用推薦：Sofina iP美活能量肌密化妝水測評：貴得有道理？ 各位姊妹，今次同大家分享Sofina iP系列支皇牌化妝水！專櫃姐姐話佢唔單止保濕，仲可以改善肌底、抗初老，聽到我心郁郁，用咗大半支之後同大家分享真感受！ 質地同氣味： 倒出嚟係偏濃稠嘅透明質地，有啲似精華水，推開之後好快吸收，唔會黏立立。味道係淡淡花香，好優雅，有種高級護膚品嘅感覺。 保濕度： 呢支嘅保濕力真係要讚！我係混合肌，兩邊面頰成日甩皮，用咗之後明顯覺得皮膚飲飽水，摸落去好軟滑。特別係妝前用，之後上粉底真係貼服好多，冇再起乾紋。 溫和度： 我皮膚有啲敏感，但用呢支完全冇泛紅或者痕癢，幾溫和。不過如果你係極敏感肌，都係建議耳背試咗先。 效果： 用咗大半支，最明顯係皮膚冇之前咁易乾，同埋膚色睇落均勻咗少少。至於抗老同收細毛孔呢啲功效，就未算好明顯，可能要再用耐啲先見到效果。 有咩缺點： 價錢真係唔平！而且用量都幾快，如果早晚用，大概兩個月左右就用到七七八八。同埋夏天用可能對油性皮膚嚟講有啲潤，要減少量。 總評： Sofina iP呢支化妝水保濕力真係出色，特別適合乾性同混合肌，或者開始想抗初老嘅姊妹。雖然價錢有
<看全文>mandy好用推薦：Sofina IP Treatment Lotion 角質層修護凝露 $180 / 160ml 功效: 保濕鎖水+修護角質層 角質層修護凝露以保濕成分為主，可以為肌膚補濕， 從而令肌膚更水潤飽滿，並可減少毛孔。 質地水潤，觸感清爽，不是那種黏稠豐潤的化妝水， 一年四季都可使用，油性肌也適用。 有效為肌膚去角質，令肌膚變得更加潔淨亮白， 而用完化妝棉上會有污跡，那就是去掉老癈角質層的証據。 由於成分簡單溫和，不含酒精及色素，敏感肌也可以使用。 含保濕成分: 甘油, 雙丙甘醇, 二甘醇胍琥珀酸鹽, 脒基脯氨酸, 膽固醇, 玻尿酸鈉 及 丁二醇 抗衰老成分: 甘油, 膽固醇 及 玻尿酸鈉 鎮靜消炎成分: 琥珀酸 及 玻尿酸鈉 抗痘成分: 琥珀酸 抗氧化成分: 玻尿酸鈉
<看全文>
Kelvin好用推薦：白色半透明的精華流質狀，有一點點嘅稠度，我一次會用2-3泵擠喺手心，直接拍上面使用，整體感覺保濕舒緩，吸收後會有一層輕薄嘅滋潤感。因為吸收後的滋潤感不算太清爽，沒有作二次清潔使用。 白米提取嘅精華水，帶有少少淡淡嘅酒味，但一定未去到神仙水嘅平替。作為基底液？精華原液？定位有少少模糊。對我嚟講屬於保濕類型嘅精華水，用後皮膚柔軟舒適，但美白功效就不見，用完一支都冇話特別透亮。 一年四季任何膚質都可以使用。
<看全文>mysecretgarden好用推薦：肌研糀潤精華呢支精華用咗一段時間，趁住天氣開始轉涼，同大家分享下用後感。 質地係帶點流動性偏稀嘅半透明凝露狀，推開個下好順滑，有足夠嘅流動感幫你延展到成塊面，但又未至於好似水狀精華咁一秒就吸收晒。佢個種潤度係慢慢滲入去嘅，搽完之後塊面有層好薄好薄嘅保湿膜感，摸落去係軟滑的。 保濕力對我呢個乾肌嚟講真係唔錯。尤其係入秋之後，朝早洗完面搽完佢，個底妝會貼服啲，唔會因為皮膚乾而起碎粉。試過夜晚開冷氣瞓，淨係搽呢支精華再加層好薄嘅乳液，第二朝起身塊面都唔會繃緊，依然保持到彈性。不過夏天，如果潮濕悶熱嘅日子，或者油肌朋友就可能覺得有少少太lup了，未必想日日用。 成分方面睇過下，無加香料同酒精，主要係用咗米發酵精華，感覺幾溫和。我皮膚間中會敏感，但用佢期間都無出過粒粒或者泛紅，幾安心。 總括來講，肌研糀潤精華係一支幾稱職嘅基礎保濕精華。如果你係乾性至混合肌，搵緊一支成分簡單、保濕力足夠又唔算貴嘅精華，特別係用嚟迎接秋冬，呢支值得考慮下。
<看全文>
Emily Leung好用推薦：日本薏仁化妝水測評：平價真係有好嘢？ 喂！各位慳家姊妹睇過嚟～今日講呢支日本薏仁化妝水，成日聽人話平靚正，到底係咪真係咁抵用？ 第一印象： 樽身設計簡單到極，真係「冇咩包裝可言」嘅感覺，不過咁嘅價錢仲想點啊？水狀質地，一啲都唔黏立，倒出嚟似清水咁，有陣好淡嘅原料味，唔難聞。 我通常咁用： · 濕敷：倒滿個化妝棉，敷面5-8分鐘，抵讚係唔心痛！ · 當爽膚水：洗完面拍上臉，瞬間吸收，唔會「立黐黐」 · 裝入噴霧樽：夏天成日噴，降溫又補水 補水度合格有餘，敷完塊面即刻水潤咗，摸落去軟熟啲。至於美白？唔好期望用完會白幾個度，但皮膚睇落透亮咗，暗沉有改善。最正係溫和唔刺激，我敏感肌用都冇問題！ ✅ 優點： · 平到笑！點用都唔肉赤 · 百搭萬用，敷身敷手都得 · 清爽零負擔，油皮恩物 ❌ 缺點： · 保濕力唔夠大乾肌用 · 功能單一，只係基本補水 · 有少少酒精成分，超級敏感肌要試清楚
<看全文>Luna好用推薦：日本薏仁美肌水嘅個人用法純分享 今次想分享下紅咗好耐嘅美肌薏仁水。話說呢支薏仁水真係至少紅咗七、八年啦，我都用空咗無數支，真係算係鎮靜肌膚補水好物。雖然我皮膚比較敏感，但我用呢支完全冇敏感現象，而且可以鎮靜肌膚，帶少少消炎作用，長期用落覺得肌膚更加健康。 講開又講，我用其他大牌子反而驚太滋潤或者有酒精，太多化學成分反而會令肌膚有負擔，黐立立，所以用嗰陣時其實話完全唔擔心唔驚就假㗎，但用呢支日本薏仁水我就哈哈完全放心隨便敷啊。 講返呢支化妝水，產品介紹裡面嘅成分係丁二醇，小分子保濕成分。有少少抑菌作用。我個人覺得佢喺補水、抗敏感方面尤其好用，跟住有少少美白咁啦。如果肯堅持，方法又啱，我覺得同神仙水基本上冇分別哈哈🤣 價錢方面都唔貴！一支薏仁水500ml都係50幾蚊！配合適當嘅手法用法，加上佢溫和、冇酒精、唔刺激嘅成分，同美白保濕嘅作用，就係性價比高嘅代表啊！濕敷都唔肉赤！ 用法： 1. 濕敷：我日日用呢支，尤其係春夏季，夜晚用呢支護膚水做面膜又抵又有效。濕敷嘅話我用化妝棉，或者嗰啲一次性面膜紙，整濕薏仁水之後，敷面5分鐘做保濕面膜。或者有時皮膚太乾，我會沖完涼之後用浸濕咗嘅面膜紙
<看全文>
YY好用推薦：細個嗰陣成日生粒粒，mami買雪肌精比我用，用咗好多年。以加出咗新品👉🏻藥用雪肌精美白化妝水（透亮精華版） 升級版買點有甘草同和漢植物嘅萃取成份，擁有美白同保濕嘅雙重功能😍抑制肌膚炎症嘅發生 顏色 新牌濃奶白色，舊版透明感重啲奶白色 味道 好香雪肌精既味道淡咗，無咗陣重火消味 質地 一样清爽唔黏立 我會用黎二次清潔同埋上妝前濕敷。我覺得新版上面無咁刺激，應該保濕功效強咗。相反酒精份量可能少咗？🤔濕敷係舒服啲。用咗兩星期皮膚有返光澤、提亮咗👍🏻希望長期使用暗粒可逐漸減少 個人而言鐘意舊版個陣強烈既雪肌精味（酒精味），依款岩混合性至乾肌or冬天用。
<看全文>Chloeincosme好用推薦：用緊佢枝乳液覺得幾鍾意，就買埋支化妝水♥️ 一打開就聞到經典嘅草本清香，用落比舊版更水潤透亮！ 🤍 透亮度：4.5/5 用化妝棉濕敷後，皮膚即刻有種「飲飽水」嘅光澤感，用耐左暗沉位置明顯提亮，仲透出自然光澤～ 🤍 美白效果：4/5 持續用咗三星期，覺得膚色均勻咗，嘴角同鼻翼嘅暗沉有改善！ 🤍 保濕力：4.5/5 質地比普通版更潤澤，拍上臉好快吸收，用完皮膚軟滑水潤，後續護膚品都吸收得更好～ 🤍 溫和度：3.5/5 雖然加入咗美白成分，但用落唔算刺激，有少少酒精味，極敏感肌建議先試用手臂內側～ 總結： 雪肌精呢支透亮版化妝水，將美白同保濕平衡得唔錯～特別適合想改善暗沉同追求水光肌嘅你！會回購，推薦濕敷效果更驚喜！
<看全文>
Kitty 好用推薦：呢一支真係我屋企長年必備嘅基礎保濕水，平靚正又溫和，啱晒成家人用！同大家分享下佢嘅優點、缺點同點用👇 ✅ 優點： - 成分簡單、溫和冇酒精，敏感肌、孕婦都可以放心用。 - 高保濕版本嘅補水力比起清爽款明顯更夠力，乾皮冬天都唔使驚。 - 可以用嚟做日常二次清潔＋補水打底，質地清爽、唔黐立立，之後再搽精華、乳液都唔會卡住，大大支，性價比超高，用嚟敷面都唔肉赤。 ❌ 缺點： - 單靠佢嘅保濕力，對於極乾肌或者冬天可能唔夠頂晒全場。 - 冇明顯嘅修復、美白、抗老成分，純粹係一支保濕水... - 有啲人覺得佢吸收得慢／要用多啲先夠。 🧴 點用推薦： 1. 日常保濕：洗完面倒適量落手心或者化妝棉，輕輕拍上塊面等佢吸收。 2. 濕敷急救：用化妝棉浸濕之後敷額頭/面頰5分鐘，曬完太陽鎮靜都得。 3. 全身保濕：轉季、皮膚乾痕嗰陣可以當身體爽膚水拍落手手腳腳度。 4. 配合噴樽：倒落噴霧樽，隨時補水都唔會笠。 🎯 啱邊啲人用： - 想搾基礎保濕打底水嘅人。 - 敏感肌、懷孕期間、男士、青少年。
<看全文>Emily Leung好用推薦：🧴【空瓶回購款】無印良品高保濕化妝水｜敏感肌友好 這一瓶真的是我家常年常備的基礎保濕水，平價又溫和，適合全家用！可以濕敷，也可以噴上面當化妝前保濕！已經用空了很多瓶！ ✅ 優點： • 成分簡單、溫和無酒精，敏感肌、孕婦都能安心用 • 高保濕版本補水力強幹皮冬天也不怕 • 可用作日常二次清潔＋補水打底 • 質地清爽、不黏膩，後續疊加精華、乳液不卡頓 • 大容量，性價比超高，敷臉也不心疼
<看全文>
Desse好用推薦：Clé de Peau Beauté 鉑鑽凝亮柔膚水 一款高階精華乳液，專為中性至乾性肌膚設計💓 最大賣點係深層補水同強化肌膚屏障，使用後肌膚即時感覺柔軟咗同光滑咗 佢可以持續保濕達24小時，適合秋冬或乾燥季節使用😌 質地方面呢～ 滋潤但不油膩，聞起來有淡淡清香，舒服不刺激 有效舒緩乾燥肌膚的繃緊感同細紋 唯一缺點…係價錢較高🤣🤣 如果撞啱sogo sale有套裝買會比較抵🤣🤣 但整體嚟講係物有所值，是乾燥、輕熟肌膚的好選擇💓
<看全文>Fish Tse好用推薦：哩款柔膚水個樽身黃色配合樽蓋我覺得有種高貴既感覺有點令人愛不釋手 柔膚水係爽膚水同精華結合既，有點潔潔地唔係完全係水狀，可以幫助皮膚保濕既同時亦可以改善粗糙同埋提亮 我平時會倒落棉花到用，呈透明色大概泵兩泵就可以搽到成面，如圖可見即使我已經用左卸妝油同埋洗面乳清潔左都仍然會有d角質或者微塵係塊到 哩款柔膚水可以再為肌膚清潔多一層所以棉花由白雪雪變到有d黃黃地，我覺得持續用左一個月我既肌膚係變得比較乾淨同埋比較亮白左
<看全文>
Emily Leung好用推薦： 【IPSA 生肌水源素】用後感：真係「補水神水」？唔吹水！ 前排見成日俾人吹到上天嘅「生肌水源素」，心思思終於入手咗支！用咗個幾月，同大家分享下真心用後感～ 本身我係混合肌，T字位出油，面頰又乾到繃繃緊，聽講呢支水主打「補濕+調理肌底」，仲可以揀唔同型號（我揀咗#3 適合混合肌），咪試下囉！ 💦 質地同用法 · 質地：倒出嚟係好似清水咁，一啲都唔黏膩，撳兩泵就夠搽全面。 · 用法：我通常倒喺化妝棉上面，輕輕由塊面內向外抹，再捽吓手掌按壓落塊面，等佢吸收晒。 👍 好用之處 1. 補水唔黐立立：吸收得超快，拍完面珠登即刻水潤咗，但又唔會「笠痴痴」，後續搽精華同乳液都順咗～ 2. 肌膚穩定咗：用咗一段時間，覺得塊面冇之前咁易泛紅同出粒粒，摸落手感滑溜咗！ 3. 百搭唔撞護膚品：同其他護膚品一齊用都冇「打交」，仲好似幫手導入咁，正！ 👎 有咩唔好？ · 如果係大乾肌，可能覺得唔夠潤，要疊加保濕精華。 · 價錢有啲「肉赤」，但一支都用得幾耐，算係抵玩！ ✅ 總結：會唔會回購？ 會！ 尤其係夏天或者皮膚唔穩定嘅時候，用佢真係好安心～ 如果你係油性/混合肌，又想揀支清爽補濕嘅化妝
<看全文>Fng好用推薦：我係混合偏乾肌，T字位偶爾出油，但面頰同下巴長期偏乾，尤其香港夏天又熱又濕，一出入冷氣房，塊面一時笠黐黐一時繃緊，護膚品好難揀。網上大推日糸IPSA流金水話能調理水油平衡，仲話濕敷一流，忍唔住入手試吓！ 💟質地同使用感💟 流金水嘅質地算清爽，倒出嚟似清水，但拍上臉會有微微嘅潤澤感，唔會𣲷𣲷黏黏。我通常早晚用化妝棉輕抹，有時貪心會倒多啲濕敷，尤其爆晒粒粒嗰陣。吸收速度中等，唔會話「咻」一聲吸乾，但拍多兩下就ok，後續搽精華同乳液都無黐底。 💟效果評價💟 ✅ 保濕力：驚喜！以為夏天用會太潤，但佢嘅保濕係透氣嗰種，面頰無再甩皮，T字位亦無狂出油。開冷氣瞓覺第二朝塊面都仲軟熟。 ✅ 穩定肌膚：用咗兩星期，額頭同下巴嘅閉口少咗，無之前咁易泛紅（可能因為無酒精？）。濕敷真係急救到暗粒🥰！ ❌ 控油一般：如果大油皮可能會嫌唔夠爽，但對我嚟講平衡度剛好。 ⚠️ 提亮效果：透明感有增加，網上話可以去黃，但我覺得唔明顯🤔，當普通補水爽膚水更貼切。 💟香港天氣適配度💟 潮濕悶熱日子的話，單用流金水+輕薄乳液已經夠力；但極乾燥冷氣房可以疊加多層精華。佢唔算超清爽，但絕對唔會笠到生粒
<看全文>
Miulee好用推薦：Hada Labo 清爽型化妝水成份簡單而有效，新配方加入咗5種透明質酸，使用後可以明顯感受到皮膚被滋潤，吸收得又快，表面乾爽但內裡卻保持住水分，感覺清爽不黏膩，達到我最理想嘅效果。而且最重要嘅係，新配方無添加paraben，日日使用都唔使擔心會影響荷爾蒙。 尼隻化妝水質地輕盈，無論冬天還是夏天都非常適合香港的潮濕天氣。 在冬天，可以加入少量的黑蓖麻油（castor oil)來鎖住水分，而不會感覺太油膩。黑蓖麻油本身質地黏稠，但如果與 Hada Labo 清爽型化妝水混合使用，會非常容易推開，讓肌膚在乾燥的環境中保持滋潤。這樣的搭配不僅能夠形成保護層，還能有效防止皮膚龜裂，適合香港的冬季氣候。 總括來講，Hada Labo 清爽型化妝水已經成為我護膚Routine中不可或缺的一部分，無限回購嘅首選！
<看全文>Rita Tai好用推薦：一直以黎非常不喜歡護膚品在臉上殘留的感覺，黏黏笠笠的感覺，也不喜歡太繁複的護膚程序，依一枝用後無黏笠。又保濕 最近洗面後皮膚狀況越來越容易繃緊，搽多多都以好乾 見到呢隻爽膚水嘅成份都幾簡單，冇添加太多嘢，就試試，用左一兩日後都發覺幾夾我😍 會繼續回購👍🏻👍🏻👍🏻
<看全文>
Fng好用推薦：Dermacept 維C多效修護化妝水｜夏日透亮 ✨ 質地同使用感 呢支化妝水清爽似離子水，拍上臉嗰陣吸收速度超快，完全唔會黏笠！淡淡柑橘香味好醒神，朝早用即刻精神晒～ 用完皮膚摸落去滑溜咗，後續搽精華都吸收得快啲！ 🌟 修護同透亮效果 主打維他命C衍生物同多重植物萃取，試過連續用一星期，額頭同下巴嘅暗沉真係有改善！最驚喜係鼻翼毛孔睇落細緻咗，就算素顏出街都冇以前咁尷尬～ 不過要達到明顯美白效果，可能要堅持用多幾支先得！ ⚠️ 注意事項 · 記住要日頭用就要加防曬，否則維C會見光死 · 開封後要放陰涼處，避免成分氧化失效 · 如果皮膚極度敏感，建議先試耳背位置 🆚 同級產品比較 · VS Melano CC美容液：Melano更濃稠針對斑點；Dermacept全面調理膚質 · VS Hada Labo白潤水：白潤水溫和保濕；Dermacept透亮效果更明顯 · VS Some By Mi果酸水：果酸水主打煥膚；Dermacept溫和修護 💡 使用小貼士 1. 化妝棉輕拍：倒$2銀分量，由內向外輕輕拍打 2. 重點濕敷：用化妝棉局部敷暗沉位3分鐘 3. 冰鎮用法：放雪櫃
<看全文>ChingLam好用推薦：含維c成份，主打美白嘅化妝水 我只係晚上嘅時候搽，但依支就快用完 我嘅感覺不大，唔覺得有明顯白左🫠 所以我都係夜晚用嚟當滋潤嘅水搽完就算
<看全文>
Desse好用推薦：有機大馬士革玫瑰花水 說起melvita未必大家都識.. 但見到喱個包裝.. 大家都會有印象😌 玫瑰水我大約用咗3-4年.. 當中試過好多牌子.. 喱款我會覺得性價比最高💡 先戴頭盔🍄🍄🍄 相對其他牌子玫瑰水.. 🍄保濕度一般 保濕度對乾肌只屬一般.. 而且唔持久.. 噴完10分鐘左右已經會無水潤感.. 期待高保濕效果的可以👋🏻 用咗咁多年.. 當然有佢嘅好嘢嘅🤭 💡舒緩泛紅肌膚 有時做完高能量facial.. 臉都會泛紅刺痛.. 喺街又唔方便即時處理… 喱個時候噴幾下.. 可以即時紓緩到刺痛感 💡補妝神器 補妝前噴幾下..可以幫助妝容回復光澤 噴少少落美妝蛋上妝.. 又可以令妝容更貼服 💡修眉後護理 喱個係專櫃小姐教嘅.. 我平時去開專櫃修眉.. 一修完會成個紅色印.. 又痕又腫又痛.. 起碼持續成個鐘.. 但如果修完後用化妝綿敷十分鐘..就會無喱個問題.. 玫瑰水如此多.. 功效都相差無幾.. 點解話佢性價比高呢.. 價錢係重點🤭🤭 喱隻travel size..dfs賣$110@ 2 貨裝sasa賣$140 200ml 每次用量最多都係4-5下.. 一大支
<看全文>bellahly好用推薦：香港嘅夏天真係好熱好痴立立，又喜歡長時間留喺冷氣間，所以皮膚好易出油又易紅。 為左穩定夏日肌膚，我喜歡用melvita玫瑰花水噴面或者直接浸濕化妝棉濕敷，可以令皮膚降溫。 今年夏天咁熱，大家都可以一齊試下用佢濕敷啦：） #夏日 #清爽 #降溫 #爽膚水
<看全文>
Kitty 好用推薦：Dr.Ci：Labo零毛孔細緻精華水：夏天毛孔嘅“透心涼救星”！ 熱到溶嘅夏天，洗完面塊面仲係黐立立、焫焫焫？拎起支橙噹噹嘅樽身，搖兩搖——將化妝水倒响化妝棉度，“啪”一聲拍上塊面！嗰陣冰涼感好似成支雪櫃拎出嚟咁。嘩！一聲由頭涼到落腳趾尾！絕對係我梳妝檯上最適合夏天的化妝水！ 個涼法唔係微微風，係薄荷醇直衝腦門嘅激凍！拍上塊面嗰刻，成臉毛孔“叮”一聲豎起晒，啱啱仲焗到燶嘅面，即刻好似跳咗落泳池咁爽！ 老實人使用心得： 涼到震？敏肌小心！薄荷+酒精，爽就超爽，但薄皮/易紅塊面可能頂唔順！初試建議淨係敷T字位，避開紅卜卜位置～ 濕敷先係王道收毛孔！鼻頭啲黑洞好頑固？剪細塊化妝棉浸到滴汁，局住敷3分鐘，一拎走，滑到反光，手指摸落去仲會溜一聲！ 夏日定妝秘技：朝早護膚後，用浸透嘅化妝棉輕拍全臉，唔單止二次清潔，殘留嗰陣冰氣仲可以壓住啲油唔俾佢標，個妝熱到40度都唔溶！ 總結：Dr.Ci：Labo呢支化妝水，絕對係夏天嘅神隊友！佢似一杯加冰嘅薄荷梳打，“噸”一聲淋熄塊面嘅燥火。雖然對敏肌有啲狠，但嗰陣即凍收毛孔+持久控油嘅爽快，足以令佢成為我妝枱上無可取代嘅夏日冰器
<看全文>jaye好用推薦：水狀質地，十分清爽，用個陣會有少少薄荷既涼快感，好舒服，夏天用一流！我係係夏天個陣用化妝棉配合黎朝早抹臉用，可以抹走多餘既油脂，而同時有保濕感，係幫助到清潔毛孔，真係好岩夏天用！敏感肌混合肌都可以試下！
<看全文>
Kmggigi好用推薦：Kiehl’s Ultra Facial Toner — 清爽保濕，溫和易吸收！✨ 質地: Kiehl’s Ultra Facial Toner係乳白色液體質地， 高流動性，使用時非常輕盈易推開， 搽喺面上感覺清爽不黏膩，仲可以快速被皮膚吸收， 無需等待太耐，非常適合日常護膚程序。 配方: 佢嘅配方溫和，唔含酒精，能夠有效舒緩肌膚， 適合乾性、混合性甚至敏感肌嘅多種膚質使用。 喺保持肌膚水潤同時，亦唔會帶來任何刺激感，非常好👍🏻 效果: 呢款爽膚水能夠為肌膚提供即時嘅補水效果， 令皮膚保持柔嫩水潤。配合後續護膚步驟， 例如精華或面霜，效果更加顯著，幫助鎖住水分， 令肌膚全天候保持清爽滋潤。 總結：清爽易吸收，完美日常補水之選 Kiehl’s Ultra Facial Toner以輕盈質地、快速吸收同溫和配方，成為一款非常好用嘅日常爽膚水。 無論係清潔後平衡膚質，抑或為後續護膚作準備， 佢都能提供足夠嘅保濕同舒適感。 如果你追求一款簡單高效、清爽唔黏膩嘅爽膚水， 呢款值得一試！✨
<看全文>Kitty 好用推薦：首先，佢嘅質地係乳白色水狀，搽上臉嗰陣好滑溜，而且吸收得超快，唔會黐立立或者留低嗱嗱纏嘅感覺。我通常用化妝棉輕輕抹全面，有時皮膚特別乾的話，就會濕敷幾分鐘，即刻覺得塊臉飲飽水咁，好軟熟！ 成分方面，佢主打保濕同舒緩，冇酒精成分，所以就算我皮膚幾敏感嘅時候用，都完全冇刺痛或者敏感，反而覺得好鎮靜，泛紅情況都有改善。 最鍾意係佢嘅保濕力真係夠持久，用完之後再搽精華同面霜，覺得吸收得好啲，成個妝容都貼服好多！尤其而家開冷氣瞓覺，第二朝起身塊臉都依然水潤，冇平時咁繃緊。 總括來講，Kiehl's呢支爽膚水真係抵讚！適合乾肌同混合肌，甚至敏感肌嘅朋友都可以試吓。價錢中等，貨裝容量幾大支，耐用又實惠。強烈推薦俾各位保濕控！
<看全文>
Emily Leung好用推薦：🌸 Lancôme溫和保濕水真實測評 | 貴價保濕水值唔值得入手？ 一直聽講Lancôme嘅保濕產品好出名，見呢支溫和保濕水聲稱適合所有膚質，連敏感肌都用得，忍唔住買嚟試下效果係咪真係咁厲害！ 淡粉色樽身高貴優雅，倒出嚟係透明略帶稠度嘅質地 質地有少少稠身，但推開後瞬間化水，吸收速度好快。有陣好優雅嘅淡花香，唔會太濃烈，用落好療癒。 即時感受：拍上臉個刻已經覺得好滋潤，皮膚好似飲飽水咁，充滿光澤感。 持久度：試過淨係用呢支水，冷氣房都可以維持到兩個鐘唔繃緊，保濕力真係唔錯！ 連續用咗三個星期後發現： · 皮膚穩定性提高，冇再輕易敏感 · 乾燥引起嘅細紋明顯減淡 · 上妝更加貼服，冇再起皮 · 膚色睇落更加明亮 優點總結： ✅ 保濕力強勁，持久度夠 ✅ 質地舒服，吸收快唔黏膩 ✅ 溫和不刺激，敏感肌都適合 ✅ 用後肌膚光澤感提升 缺點提醒： ❌ 價格偏貴，性價比未必最高 ❌ 香味可能唔係個個都鍾意 ❌ 夏天對油性肌膚可能比較潤
<看全文>Ressie14好用推薦： 今次試用Lancôme 溫和保濕水，呢隻化妝水出咗好多年，人稱「粉水」，佢質地半濃稠啦，都有流動性的，有少少香味，呈淡淡的粉紅色。 呢兩支溫和保濕水係喺專櫃買正裝嘅贈品之一，一送就送咗兩支50 mL，相繼有成100 mL，所以完全唔心痛咁使用！ 值得一提係，呢隻溫和保濕水有好多翻版！！！所以各位美女入手時要小心產品來源！Lancôme呢個品牌勝在出手闊綽，只要你喺專門店買產品，多數有sample送，到時真係試啱先買正裝都唔遲。翻查過呢件產品嘅資料，佢保濕能力極佳，有時我鼻尖嘅毛孔比較粗大（可能係水份流失、保濕力不夠）我會用溫和保濕水於潔面後濕敷鼻尖；肌膚即刻被之用，毛孔變細，有潤達，保濕力真係無暇可止～ 另外日常使用時我會用化妝棉輕輕擦上臉蛋，然後輕輕用手掌按開，整塊面都容易吸收，亦沒有殘餘的黏笠感覺。 所以呢隻溫和保濕水我會用喺濕敷+閒時替換吓，主要嚟講我都係用緊YSL保濕產品。
<看全文>
Poyobb好用推薦：雖然已經三十，屬於混合肌嘅我依然係出暗粒，依然好注重去角質嘅護膚產品。 Clinique toner有1234 適合唔同膚質嘅人士 0無酒精 1嘢 2號適合混合肌偏乾 3號岩混合肌偏油 4號 我用2號，有酒精成份（好大浸酒精味）唔適合做保濕敷。超級清爽快乾，一定要用倒落化妝棉先可以抹出污糟嘢 👍🏻 去暗粒去角質層效果好，用完會慢慢出油少咗，而且皮膚會變得光滑。但一定要keep住用，令之後護膚品更易吸收。 如果有額外功能嘅toner，好似神仙水，價格會貴啲。淨係用嚟做二次清潔就會有啲浪費。 除咗二次清潔，無額外功能，但夠曬平，會keep放係屋備用。呢支嘢由10幾歲到所有年紀都啱🩷
<看全文>Candy Ng好用推薦：如果皮膚容易敏感的人士，用2號爽膚水，要比較小心，它的刺激性都比較強，會好明顯聞到有酒精的味道。 在夏天，容易出油的情況下用，係覺得臉部好清爽，無咁容易有油，清潔性強，會覺得毛孔無甘容易藏到污垢。我比較喜歡晚上，滴落棉花抹臉部，覺得好乾淨，同時乾性皮膚的人士要注意保濕。如果唔係呢會覺得佢唔好用嘅，佢令到你覺得皮膚好繃緊，顯乾紋😂
<看全文>
