MUJI 好用推薦產品

poonpoon好用推薦：睫毛嘅弧度幾好，夾到太陽花效果，自然嘅翹度，唔係超級翹既效果 睫毛夾細細地，帶出街好方便，而且底部自帶備用膠墊，幫大家慳錢🫢 30幾蚊有一個，唔會好似開架某牌子容易夾到眼皮又冇效果。 我啲睫毛又幼又短，屋企都係鍾意用返shiseido 個款傳統嘅睫毛夾，出嚟弧度較靚，Muji 呢個留返出街用

wcm好用推薦： 優點： 最大的優點就是小巧便攜，可以輕鬆放進化妝包，出差旅行帶著超方便！它的弧度設計比較平緩，適合亞洲眼型，不容易夾到眼皮，新手也能很快上手。膠墊軟硬適中，夾出來的睫毛卷翹自然，不會有生硬的直角彎度。 缺點：需要大力，多次夾才能很翹 不過cp 值還是很高～值得購買！

Kathy Wai好用推薦：真心話！MUJI高保濕化妝水，係咪真係咁神？ 老實講，我本身塊面係屬於「外油內乾」嘅麻煩友，即係T字位勁出油，但兩邊面珠墩又乾到甩皮嗰種。之前試過好多聲稱保濕嘅toner，唔係太「杰」搞到塞毛孔，就係太稀好似冇搵過咁。見朋友同討論區都勁推MUJI呢支高保濕化妝水，話CP值高，把心一橫就買咗支400ml大裝返屋企，用咗差唔多兩個月，可以同大家分享下真實感受。 質地（觸感）： 第一次倒出嚟，心諗：「嘩，咁水嘅？」因為佢個名寫明「高保濕」，我以為會係精華水嗰種少少稠嘅質地。但原來佢係完全流質，好似清水咁。不過搽上面之後，感覺就完全唔同，佢吸收得好快，但唔係揮發晒嗰種，而係 feel 到皮膚底層真係飲飽水，表面仲有少少好自然嘅光澤，黐立立？完全唔會。 保濕力（效能）： 呢個係重點！我習慣會倒落化妝棉度濕敷，特別係喺冷氣房訓醒，塊面乾到緊嘅時候，敷佢5分鐘，真係即時「復活」！佢嘅保濕力係慢慢滲透落去，唔係得個表面。而家朝早搽完佢，再上防曬同粉底，真係會貼服好多，唔會再卡粉。最驚喜係，佢幫到我嘅皮膚水油平衡咗，出油情況竟然有改善，證明佢真係有補水，唔係得個講字。 成分（溫和性）： 佢

Lindabb好用推薦：MUJI敏感肌爽膚水（保濕版）——窮人恩物定係雞肋貨？實測俾你睇！ 喂！各位護膚控同埋「懶人護膚族」注意啦～今日同大家開箱呢支MUJI敏感肌爽膚水（保濕款），傳聞中平靚正、CP值爆燈，到底係咪真係「抵到爛」？等我同佢做個生動過生蝦嘅測試先！ 第一印象： 樽身簡約到呢⋯⋯似支實驗室藥水（笑）。無香料無色素，樽口設計仲有啲「豪爽」，一倒就好似倒瀉水咁，手殘黨小心啲啊！ 質地與氣味： 透明水狀，清爽到似山泉水，拍上臉嗰陣零黏膩，吸收速度堪比港鐵衝閘（快！）。氣味？唔講唔覺有味，真・無存在感，啱晒怕香精嘅敏感肌朋友。 保濕實測： ✨重點嚟啦✨ 佢標榜「保濕」，我搽半邊臉做實驗： 洗完面塊面乾過沙漠咁，啪兩層MUJI水上去——叮！即刻有種「肌膚飲緊水」嘅感覺，毛孔好似喺度咕嚕咕嚕咁吸水，皮膚即刻 「嘭」起嚟，摸落去 水潤潤 似啫喱豆腐！ 持久度： 單用嘅話，冷氣房待兩個鐘會微微打回原形，但之後加乳液鎖水就正喇！皮膚成日keep住 「水汪汪」 狀態，價錢唔使$100，當保濕打底真係無得輸～ 呢支水就好似廣東人煲湯前「汆水」步驟——未必係主菜，但冇咗佢，皮膚就少咗層 「潤底」 ，之後

oy 好用推薦：MUJI呢款無漂染化妝棉係入門級嘅常備品，勝在夠平同埋成分天然，見到啲棉籽殼感覺安心啲🤣佢觸感係真係幾軟熟，厚度又夠，一片可以撕開幾層用，靈活性好高。 不過佢好容易甩毛同起屑，用力少少抹面，好容易會有啲棉絮殘留喺面上面，同時佢吸水力好強，但變相亦都比較食水，如果用比較貴嘅化妝水可能會肉赤。 所以我多數用佢嚟卸眼妝，質地夠軟，或者敷啲大支唔心痛嘅爽膚水 如果用黎做深層清潔抹面，就麻麻哋 柔軟度：⭐️⭐️⭐️⭐️ 質地：⭐️⭐️ 價錢：⭐️⭐️⭐️⭐️ 推薦度：⭐️⭐️⭐️

Kiki好用推薦：幾好 天然無漂 不過會令用量不知不覺多咗 所以之後轉咗用其他brand

Emily Leung好用推薦：Muji導入精華液用後感｜簡約派嘅保濕打底神器！ 身為簡約護膚派，Muji呢支導入精華液（Moisture Serum）真係深得我心！平平哋，但效果絕不馬虎。 一貫Muji嘅簡潔透明樽身，睇得晒入面仲有幾多，夠晒實用。擺喺化妝枱上，零違和感。 點解會用佢？ 我護膚第一步就係用佢嚟打底，質地係透明嘅凝露狀，非常水感。一搽上面，咻一聲就吸收咗，之後再搽化妝水同精華，感覺後面啲護膚品吸收得快咗同好咗！ 推開就變成水一樣，完全唔黏膩，保濕感即刻有。無論咩膚質都用得到。 效果有幾好？ 最明顯係皮膚飲飽水，冇咁容易乾到繃緊。尤其係轉天氣或者開冷氣瞓覺，用咗佢打底，第二朝塊面都依然保持水潤軟滑。妝前用，個底妝都會特別貼服。 用之前皮膚有啲乾，用完之後即刻有層水潤光澤感，摸落去滑溜咗。 總括嚟講： ✅ 優點： 價錢親民、成分簡單溫和、保濕力足、百搭唔會「撞護膚品」 ❌ 缺點： 功能專注保濕打底，冇其他美白抗老等功效 咩人最啱？ ➡️ 追求性價比嘅學生黨同小資女！ ➡️ 護膚步驟喜歡簡簡單單嘅人！ ➡️ 需要一支萬用打底精華嚟加強後續保養嘅你！ 一支唔會出錯嘅基礎入門精華，誠意推薦

TY好用推薦：爽膚水質地，吸收得幾快，吸收完之後唔會覺得笠，有保濕效果。 夏天出得多汗我會用水洗一洗面再拍佢，或者倒啲落化妝棉直接抹面，等塊面感覺冇咁污糟。

mandy好用推薦：Muji  壓縫化妝棉 $22 MUJI 壓縫化妝棉比無漂染化妝棉冇咁易撕破掉棉。厚度跟無漂染化妝棉接近，不算厚身，好處是不會浪費化妝水的用量，壞處則是冇厚身化妝棉舒適。此外，無漂染化妝棉會有斑點，卸妝後也比較難看清楚化妝棉是否已經乾淨。壓縫化妝棉尺寸不大(65×50cm)，化妝棉尺寸大一點，可以全面都用到。大尺寸化妝棉的用家會不習慣，比平時需要用多幾片小尺寸化妝棉。 不過以此實惠價格而言，壓縫化妝棉夠柔軟，性價比高，的確比不少開架品牌化妝棉好用抵用，吸納了不少小資忠粉支持。如果不介意尺寸小及薄身，壓縫化妝棉確實是不錯的選擇。

Karman28好用推薦：唔貴既化妝棉，muji的產品總係好抵用。我通常會拎黎濕敷面額，或者用黎上爽膚水。

Chloeincosme好用推薦：🤍 溫和度：5/5！Muji呢支敏感肌卸妝油真係名不虛傳～配方超級溫和，完全冇香料同酒精，就算係敏感肌或者皮膚狀態唔穩定嘅時候用，都完全唔會刺激或者泛紅，用完皮膚零負擔！ 🤍 質地同乳化力：4/5！質地算輕薄，唔會好似一般卸妝油咁厚重，推開按摩好順滑～乳化速度中等，沾水後可以徹底乳化，沖洗後冇油膩感，亦唔會黐笠笠！ 🤍 卸妝力：3.5/5！日常防曬、底妝同眉毛都可以輕鬆卸除～但對於防水眼線同睫毛膏就比較吃力，建議眼唇部位還是要用返專用卸妝產品，以免拉扯到皮膚！ 🤍 保濕度：4/5！用完之後皮膚完全唔會緊繃或者乾燥，反而有種潤潤嘅感覺～成分溫和同時保留到肌肤水分，乾肌同敏感肌都可以放心使用！ 總結： 如果你係敏感肌或者喜歡簡約護膚，Muji呢支敏感肌卸妝油絕對係穩陣之選！佢溫和又足夠卸除日常底妝，而且價格親民，性價比超高～雖然對付唔到強力眼妝，但作為一支日常卸妝產品已經足夠，特別推薦比追求溫和同基本清潔嘅你！

Kk.ac好用推薦：平時都有唔少人推介muji好物，今日就要推介muji溫和潔面卸妝油😍 🔸呢款卸妝油加入咗具有高保濕功效💧，並配合天然潤澤成分杏桃汁、桃葉精華及透明質酸製成。而且最重要嘅係無香料、無礦物油、無色素、無酒精等，對皮膚或氣味敏感嘅人都比較友好😌 🔸使用方法：我平時會按壓3至4次於掌心，然後搽面並打圈按摩，對於眼部彩妝，會將手指放係眼部（合上雙眼）多停留幾秒以充分溶解，之後再用水徹底沖洗💦 🔸用後感：用卸妝油個時，感覺到質地輕盈又唔笠，唔需要用力搓揉，好易乳化。清水洗乾淨後，塊面覺得幾滋潤，無繃緊，面部無殘留感覺。 總而言之，我非常滿意muji呢款溫和潔面卸妝油，可以輕鬆卸完妝，連卸妝棉唔洗用。佢能夠起到溫和清潔又滋濕皮膚嘅作用，而且喺muji卸妝眾多產品當中係清潔力強同滋潤。佢宜家400mL只賣七十幾蚊，物超所值，用多啲都唔心痛👍🏻👍🏻

Emily Leung好用推薦：Muji平衡淨肌水 透明樽身簡單乾淨，水狀質地好清爽。 好用之處： · 清爽唔黏：質地真係好清爽，拍上臉好快吸收，夏天用好舒服。 · 保濕夠力：雖然係清爽質地，但保濕力都唔錯，用完皮膚軟軟哋。 · 平價抵用：大大支唔使一百蚊，點用都唔心痛。 效果點樣： 我覺得佢幫到手平衡皮膚狀態，特別係T字位冇咁易出油。用來濕敷都得，敷完塊面水潤咗。 總結： 一支平、靚、正嘅化妝水，特別推薦俾學生黨同油性/混合肌朋友，基本保濕同平衡效果都做到！

維他他好用推薦：分享【適合夏天的【化妝水】的產品 Muji 呢隻淨肌水，成分天然，無色無味，吸收好快，但又有效幫面部肌膚做到最初步嘅保濕，唔會痴立立，而且可以幫助令後續嘅護膚品更加吸收。 呢支係一支好輕盈，舒服，令皮膚無負擔，同時做到保濕效果嘅化妝水，個人覺得非常適合香港嘅夏天使用，會持續使用。 價錢方面亦都好親民，冇記錯好似$88 only, 就大大支，可以用好耐，就算用黎濕敷都唔肉痛。 #適合夏天的化妝水產品

Luna好用推薦：無印良品化妝水（高保濕）測評：傳說中嘅「神水」？ 一句講晒： 如果你想搵一支平、大支、唔敏感嘅「安全牌」化妝水，呢支嘢絕對係你廁所櫃桶嘅長期住客！🧴 👍 優點 · CP值爆燈，乜都賺晒：幾十蚊支，仲要成400ml！真係「大件夾抵食」。就算你拎嚟濕敷、倒落頸、甚至當身體水抹，都唔會肉赤。💸 · 敏感肌恩物，零刺激：無香料、無色素、無酒精、無Paraben防腐劑。就算面珠「紅卜卜」或者剛針清完，敷上去都完全唔「乸」，好似俾杯暖水你飲咁舒服。 · 補水鎖水，唔係講笑：佢含有透明質酸、水解蛋白等保濕成分。質地係少少傑身（似好稀嘅精華水），但推開好快吸收。用完塊面係有種飲飽水嘅彈潤感，唔係得一層水咁簡單。 👎 缺點 · 吸收有啲慢，要俾啲耐性：因為質地偏「潤」，如果一次過倒太多上塊面，會感覺有啲「立黐黐」，要輕輕拍耐少少先吸收晒。最啱係分2-3次，逐少逐少咁搽。 · 油肌/夏天可能頂唔順：如果你係「大油田」，或者喺夏天30幾度用，可能會覺得有啲「焗束」。呢支比較適合乾肌、混合肌兩邊，或者秋冬用就一流。 · 包裝太老實：個膠樽設計真係好「無印」，簡約到有啲寡，泵頭要另外買，有時

Sandy好用推薦：[化妝水]產品心得 敏感皮膚用化妝水 toning water moisture 點解會買? 價錢抵買一大支有300ml 性價比超高 用後結果如何? 洗完面 肌底皮膚吸曬水 一啲都唔乾 化妝前用佢會吸水皮膚唔乾就唔會卡粉啦 我用超過十年以上 額外驚喜? 可以額外買呢個泵頭方便使用.💪 綜合以上嘅理由👍推薦畀大家使用👍

Emily Leung好用推薦：MUJI溫和磨砂洗面乳｜臉部清潔+去角質二合一 我願稱之為MUJI最具性價比的洗面奶。磨砂質地，內含小顆粒，沒有香精沒有致敏物，上臉就是揉搓給你去廢置角質。乾皮油皮皆可衝，而且它超便宜，性價比拉滿。 使用感受： 🌿膏體是白色帶細小顆粒的質地，磨砂感幾乎不扎臉，溫和到我這種偏敏感肌也能安心用。它不是那種洗完立刻“皮膚變白”的強去角質型，但它清潔得剛剛好，特別適合每周給臉做個溫柔大掃除。 💧泡沫不多，但洗得乾淨；洗後皮膚不乾，也不假滑，就是那種“乾淨但不空洞”的舒服感。

Jasmine L好用推薦：MUJI溫和磨砂潔面乳帶細小顆粒，起泡容易，清潔力夠強，去油同老廢角質都OK，洗完皮膚平滑咗少少，暗粒減少咗啲。 磨砂溫和唔太刺激，但臉頰部位會覺得有啲緊繃，唔夠保濕，要即刻跟保濕產品。 CP值高，適合一週用2-3次。

莓莓好用推薦：今次想同大家講吓我用咗 Muji 敏感肌化妝水（清爽型）一段時間嘅真實感受。 💧質地與膚感：清爽到好似無負擔 佢係完全透明、好似水咁嘅質地，流動性超高，拍上面完全冇負擔。清爽型顧名思義，就係追求零油膩感，夏天用或油性肌朋友應該會覺得好舒服。搽完塊面感覺好爽，清爽之餘又有基本嘅水潤感。 ✨用法多元化：濕敷、二次清潔都得 好多人覺得佢太「水」，但呢個正正係佢嘅優點——用法夠靈活： · 日常輕拍：洗完面就咁用手輕拍上臉，好快吸收，簡單做個基礎保濕。 · 濕敷急救：質地清爽，用化妝棉濕敷一啲都唔心疼。化妝前濕敷5-10分鐘，可以即時幫皮膚降溫補水，令後續底妝更加貼服，冇咁易浮粉。 · 二次清潔：有朋友會將佢倒落化妝棉，輕輕抹面當作二次清潔，溫和地抹走多餘嘅角質同污糟嘢。 😌成分與溫和度：敏感肌都用得 對敏感肌嚟講，最怕就係護膚品入面有好多添加物。呢款化妝水主打無香料、無色素、無酒精、無礦物油、弱酸性，成分好簡單，大大減少致敏風險。升級版仲加入咗馬齒莧、柚子籽等植物萃取同神經醯胺，幫助強化皮膚屏障。轉季期間用，感覺皮膚狀態穩定咗，冇話會發紅或刺痛。 👍性價比：點用都唔肉赤 呢

Suki好用推薦：Muji 敏感肌爽膚水（清爽型）是我日常護膚中非常喜歡的一款產品！它的質地輕盈清爽，完全沒有黏膩感，尤其是在夏天使用時，感覺特別舒適。💧 這款爽膚水成分非常簡單，沒有添加香料、酒精或刺激性的成分，所以對於敏感肌來說非常友好。不管是日常用於保濕，還是搭配化妝棉濕敷，都能讓肌膚即時補水，感覺柔軟又穩定。✨ 我特別喜歡它的高性價比，容量大又平價，可以毫不心疼地用來濕敷或分裝成補水噴霧，隨時隨地為肌膚補充水分！而且清爽型特別適合油性或混合肌膚，在保濕的同時不會讓皮膚感覺負擔，真的是一款四季皆宜的好物。