KISSME

速效除防水睫毛液

講真我一向都係用開 KissMe 隻睫毛膏，真係捽都捽唔甩嗰種，落雨流汗都完全唔郁，穩到爆。但就係因為佢太持久，以前卸妝卸到眼紅紅，成日都要搽幾次眼唇卸，捽幾捽先甩得晒，搞到眼皮都痕痕哋、仲甩埋幾條睫毛。 直到有次喺藥妝店見到 KissMe 自家出嘅眼睫毛專用卸妝液，諗住反正都係同一個牌子，試下都無妨。點知⋯⋯一試成主顧，真係改變咗我對卸睫毛嘅痛苦回憶！ 佢係用刷頭設計，好似透明睫毛膏咁樣，一掃就可以塗勻成排睫毛，完全唔會入眼、亦唔會刺激。等大概 30 秒～1 分鐘，再用棉花輕輕抹走，啲睫毛膏就自己「溶」咗咁樣，滑一滑就甩晒，完全唔使大力捽，仲可以順便清埋眼線位～ 我最鍾意係佢卸得乾淨之餘，又唔會焗眼或者搞到油笠笠，清爽又舒服，連戴con都無問題。用完眼都冇痕、冇紅腫，真心對眼敏感啲嘅人都啱用。 依家我每次化濃妝、或者夾得好翹嘅睫毛，一定都會用返呢支卸妝液。特別係趕住洗面又唔想整傷眼嘅時候，佢就幫我慳返唔少時間。 總結：溫和、有效、唔刺激又唔焗眼，卸妝新手或者重度睫毛膏使用者都值得試一試～我自己已經回購咗第二支啦，放工後要輕鬆落妝，佢真係功不可沒！

一定係史上最強睫毛卸妝產品，冇之一。香港咁熱咁潮濕，冇可能唔用防水睫毛膏。我本身都用開kissme嘅防水睫毛膏，有時去睇live我仲會喺底用超強嘅睫毛底霜，將啲睫毛定到好似鐵線咁硬。到要卸妝嘅時候就知有幾痛苦，用眼唇卸妝液敷幾耐都摸到啲睫毛係硬嘅，唔小心入眼又唔舒服，未遇到呢枝之前我通常抹到冇色就放棄，由得啲睫毛硬硬地。佢入面就係一枝冇刷頭有坑嘅棒，啲卸睫毛液卡喺啲坑度，當平時搽睫毛咁刷上啲睫毛度，基本上你一眨眼啲黑色已經印哂落下面，用棉花一抹就乾淨，有時未夠的話重覆多一次呢個動作就一定卸到。 建議大家習慣掃完一次抹乾淨枝棒先放返入去，如果唔係好快成枝都會變黑。

今日想同大家分享KISS ME睫毛卸妝液，超好用❗ 每次化完妝卸睫毛膏，一定會整斷或者扯到睫毛，搞到睫毛越嚟越少⋯又或者卸得唔乾淨😢 化妝嘅姊妹一定要入手呢支KISS ME睫毛膏卸妝液！完全唔刺激同埋唔辣眼👀⋯ 快速卸除超強防水睫毛膏，秒速卸妝⋯幾防水持久嘅睫毛膏都搞得掂🉑️ 重點係唔使捽�捽去就可以輕鬆卸除強力防水睫毛膏 成分加入咗人蔘根萃取精華、山茶花油、甜杏仁油、摩洛哥堅果油、蜂王乳萃取精華同野玫瑰油等多種睫毛滋養成分。 🈚️香料、🈚️色素、🈚️酒精，成分溫和唔易引起刺激

搽mascara卸妝必備！以前卸眼睫毛要用棉花棒沾卸妝水，需要用好多時間慢慢卸。而家用左呢支一搽上眼，再用沾滿眼唇卸妝液既棉花一敷上眼，等幾秒，mascara同眼影眼線一齊卸完！😆當然有少少眼影眼線未卸乾淨需要再來回抹幾下，但係唔洗逐條眼睫毛抹慳咗好多時間🥹🥹大推 加上用左半年有多都未用完一支！幾乎日日都用！好抵👍🏻👍🏻👍🏻

一直都係回購kissme嘅睫毛膏卸妝液，用完超好卸，同埋一隻都用得幾耐，又唔係貴，唯一有個缺點係每次用完個頭有D污糟，擺翻入樽入面可能唔太乾淨🫨

呢款眼睫毛卸妝 當時發現啲眼睫毛液用普通的卸妝水很難卸掉，仲會搞到眼皮有一點黑色妝不乾淨。 點知！去美妝舖發現咗呢款寶藏！🤩搽嘅時候都係好似平時搽睫毛液咁樣搽上眼睫毛，大概等幾秒再用卸妝水抹去，卸得超級之乾淨❣️大愛！已經回購咗三四支💗卸妝必備 

揸完上眼睫毛度真係好卸咗，細細力捽就可以卸曬啲睫毛膏，如果可以將個刷頭整得細啲就好啦，刷頭太大眼頭同頭尾地方唔貼合。

用開防水防油睫毛膏，成日用專用眼唇卸妝液/水/ 油，都洗唔乾淨，捽到眼都紅晒，好傷眼部皮膚。 自從出左依支專用睫毛卸妝筆，真好方便，筆頭有凹槽，一掃好易沾上睫毛，上下睫毛都掃到，等1-2分鐘就會溶解晒啲難搞嘅睫毛膏，再用化妝棉一抹就乾淨晒。 *記得唔好掃太多，入眼會有少少娜 效果：清潔力強，易卸任

平時好少搽睫毛液，因為卸睫毛真係好難！係咁用卸妝棉捽，每次都搞到甩咗好多條睫毛… 仲要都仲係唔乾淨，好彩比我搵到呢支卸睫毛液，用法好似平時搽睫毛液一樣，掃一掃抹一抹就乾淨晒🥹 超級推薦！！

之前買mascara 送嘅，卸眼睫毛能力好強，就算係好勁嘅防水mascara 都卸得甩，仲要唔太傷眼睫毛，唔似之前用個啲咁，用一次甩一次，就用落就有啲油，但對比起佢嘅優點，呢樣唔算得啲咩

Kissme呢支卸睫毛液應該大家都唔陌生 齒狀刷頭可以更精準咁上喺睫毛度 搽咗之後等30秒至1分鐘再抹走就ok 我自己習慣用眼唇卸妝液抹一次 防水持久嘅睫毛膏都可以輕易卸走 細細支拎去旅行用都方便 價錢都唔貴

用過好多支睫毛卸除液 呢支效果一定係最好◔.̮◔✧  卸得乾乾淨淨之餘仲唔會刺激眼

超好用，未用佢之前成日覺得睫毛膏未卸乾淨，呢個真係好溶到。雖然有少少味道，但係價錢又平又好用，so far用咗半年有多都未用完

超好用卸睫毛產品，就算睫毛液係防水防油都好，都好易卸哂，我通常會先搽一下，再配搭眼唇卸妝液，敷幾秒就全部乾淨哂，唔使拉扯皮膚，唔會增加眼紋，正！

落眼妝必備，搽完兩隻眼後就咁用化妝棉一抹就甩哂咁制！好方便又易用！