Bioré

高效眼唇卸妝液

我非常喜歡用biore 嘅防曬 但每次嘗試biore嘅卸妝同潔面產品都真的不適合我 依支眼唇卸妝液 一點也不好用 用了一星期我就把它掉了 biore眼唇卸妝液水油分離設計 用之前要先搖幾下 倒在化妝棉上 敷係眼上等一下 搓幾下普通眼妝能卸掉 但持久型眼線 睫毛膏卸不乾淨 卸妝後用水清洗過都依然感覺好油 而且卸妝液流到眼裡會「嗱」眼 用左幾日眼皮生左幾粒油脂粒 ..….用後感覺不好 不推薦購買 

有睫毛膏卸唔到既問題呢款大眾都好評，但我係某類mascara卸妝時就卸唔到，要用其他卸妝液先卸到。 但有d款又卸到喎，佢質地都係水油溝埋一齊，要敷眼一分鐘先落得乾淨d。 個蓋開關之下甩甩地。 呢個價錢可以搵其他品牌

專for返落眼唇妝~ 質地油感比較重，而且0刺激眼睛~ 落妝落得好快，亦都算乾淨~ 價錢抵樽身靚，性價比算高👍👍

它係一支水油兩層專用嚟卸眼唇的卸妝液，算係開架產品中又平又抵用的產品，卸妝卸得好乾淨而且好輕易就卸到，但每次卸眼睫毛時，我都會有翳眼情況，這是它對我的唯一缺點。

潔淨能力高，但比較刺激，如果敏感皮膚不建議使用。但價錢非常平。

我都剛剛開左黎用，之前係睇到個beauty youtuber介紹，話佢係唯一用尼隻眼唇卸妝液而冇敏感，咪買返黎試吓。個粉紅色樽都幾搶眼。佢係水油兩層個種，因為我之前都係用開藍色水油兩層嘅眼唇卸妝液，所以對佢完全冇抗拒，卸得乾淨冇翳眼，性價比唔錯。不過我宜家比較少化妝，而且仲有其他品牌嘅眼唇卸妝產品係屋企，所以短期內應該唔會回購。

佢唔會「葉眼」同埋只要用化妝棉撳住就可以甩晒啲防水眼線，但最緊要唔好慳住用要整濕啲呀

由於卸妝液由水和油兩層組成,用的時候先搖勻,然後才倒一點在化妝棉上. 基本上輕拭兩至三下,眼妝及唇妝已清潔得七七八八,用後感覺會有少許油, 只要沖乾淨便可

專門用來卸除眼妝 效果是滿意的 簡單能卸除睫毛液眼線液 價錢又不貴

都清得幾乾淨,有少少油,唔刺激，但係個人比較鍾意另一個b字頭嘅牌子多啲

卸眼妝係夠力既，不過殘留既油膜感唔算特別討好 $59.9 性價比還可以啦 下一支試吓fasio/heme

因為我個咀本身比較敏感 用過其他既眼唇卸妝，用完都會痕同紅 但暫時用左咁耐呢款都無唔舒服 而且卸得都乾淨 價錢又唔貴！性價比都高

呢一枝以卸眼妝嚟講係清潔得幾乾淨，可以輕易就卸到，唔會覺得傷皮膚。但質地係油啲，未必個個接受到，但之後再用番洗面奶洗走都冇乜野。用完之後唔會話覺得乾反而都有少少滋潤感。整體係抵買都抵用。

通常我會將眼唇卸妝分開，因為眼唇周圍嘅皮膚都比較脆弱，兼且用係眼唇嘅化妝品都比較防水防油比較難缷走 呢支眼唇缷妝性價比高，缷得好乾淨，但入眼會有啲那有啲刺激，但相對其他眼唇卸妝產品已較比較冇咁刺激 推薦新手/學生入手

卸妝力幾好，唔會刺激，不過殘留油感偏重。