2025香港「眼唇卸妝」推薦好用排行榜Top20

Chloeincosme好用推薦：呢排用緊bifesta既眼唇卸妝液. 佢水油分層設計，用法係將佢搖勻→ 倒落化妝棉 → 濕敷係眼/ 唇部位置大概5-10秒就可以輕輕卸除眼唇妝.（我有枝染唇既唇彩，濕敷多陣佢都卸到！） *記得唔好慳，要整濕成張化妝棉先冇咁易因拉扯皮膚而出皺紋！  以下係眼線液同Mascara既示範（上面係眼線液，下面係睫毛膏）：濕敷10秒輕力抹一下，卸走左9成😎輕力抹多一下，完全卸走晒！可見清潔力十足，亦唔需要來回用力擦拭，減少拉扯眼周皮膚導致出皺紋既機會。（內眼線再用棉花棒沾濕卸妝液卸走） 睇返佢既資料，呢枝卸妝液加入咗維他命B/ 維他命E既保濕成分，難怪用完唔會覺得眼周肌膚緊繃～ 香料方面，唔覺佢有香料味，敏感肌都唔洗驚，而且就算用係眼部呢d 咁敏感既位置都唔覺刺激/過敏，對得住佢sell溫和呢樣野，唔怪之得係Cosme排名咁高♥️ 重有個重點！係佢夠平😂$4/50 蚊有找，應該會回購到天荒地老😛 #卸妝

Fng好用推薦：Bifesta 高效眼部卸妝液 👁️ 優點： · 卸妝力超班：難卸的防水睫毛液（如Kiss Me）濕敷5秒一抹乾淨，唔需要用力捽眼！ · 溫和零油膩：水油雙層配方清爽唔糊眼，熟齡偏乾肌用後眼周無繃緊，無須二次清潔 · 性價比無敵：唔駛百元抵用過L'Oréal同類產品，消耗速度慢 ⚠️ 缺點： · 保濕度普通：相比專櫃（如Lancôme）卸後略乾，建議立即塗眼霜 · 防水妝需濕敷：極防水的眼線要敷夠10秒，心急人士可能嫌慢 · 搖勻麻煩：水油分層每次要搖勻，懶人可能頂唔順 🌞 香港夏天表現： 卸後皮膚清爽無油膜感，濕熱天用零負擔！而且無香料刺激，出汗多的日子用都唔怕敏感。 💡 同價位比較： vs L'Oréal 溫和眼唇卸妝液：Bifesta 清爽度贏少少，但L'Oréal 保濕感較好 vs Mentholatum 卸妝水：Bifesta 卸防水力明顯更強 總結：開架眼唇卸妝「性價比之王」！適合香港夏天怕油膩、又經常化防水妝的熟齡肌，但極乾眼周要快手跟住做保濕～💧 #Bifesta卸妝 #眼唇卸妝 #開架卸妝

LingLing好用推薦：講真我一向都係用開 KissMe 隻睫毛膏，真係捽都捽唔甩嗰種，落雨流汗都完全唔郁，穩到爆。但就係因為佢太持久，以前卸妝卸到眼紅紅，成日都要搽幾次眼唇卸，捽幾捽先甩得晒，搞到眼皮都痕痕哋、仲甩埋幾條睫毛。 直到有次喺藥妝店見到 KissMe 自家出嘅眼睫毛專用卸妝液，諗住反正都係同一個牌子，試下都無妨。點知⋯⋯一試成主顧，真係改變咗我對卸睫毛嘅痛苦回憶！ 佢係用刷頭設計，好似透明睫毛膏咁樣，一掃就可以塗勻成排睫毛，完全唔會入眼、亦唔會刺激。等大概 30 秒～1 分鐘，再用棉花輕輕抹走，啲睫毛膏就自己「溶」咗咁樣，滑一滑就甩晒，完全唔使大力捽，仲可以順便清埋眼線位～ 我最鍾意係佢卸得乾淨之餘，又唔會焗眼或者搞到油笠笠，清爽又舒服，連戴con都無問題。用完眼都冇痕、冇紅腫，真心對眼敏感啲嘅人都啱用。 依家我每次化濃妝、或者夾得好翹嘅睫毛，一定都會用返呢支卸妝液。特別係趕住洗面又唔想整傷眼嘅時候，佢就幫我慳返唔少時間。 總結：溫和、有效、唔刺激又唔焗眼，卸妝新手或者重度睫毛膏使用者都值得試一試～我自己已經回購咗第二支啦，放工後要輕鬆落妝，佢真係功不可沒！

YiN好用推薦：一定係史上最強睫毛卸妝產品，冇之一。香港咁熱咁潮濕，冇可能唔用防水睫毛膏。我本身都用開kissme嘅防水睫毛膏，有時去睇live我仲會喺底用超強嘅睫毛底霜，將啲睫毛定到好似鐵線咁硬。到要卸妝嘅時候就知有幾痛苦，用眼唇卸妝液敷幾耐都摸到啲睫毛係硬嘅，唔小心入眼又唔舒服，未遇到呢枝之前我通常抹到冇色就放棄，由得啲睫毛硬硬地。佢入面就係一枝冇刷頭有坑嘅棒，啲卸睫毛液卡喺啲坑度，當平時搽睫毛咁刷上啲睫毛度，基本上你一眨眼啲黑色已經印哂落下面，用棉花一抹就乾淨，有時未夠的話重覆多一次呢個動作就一定卸到。 建議大家習慣掃完一次抹乾淨枝棒先放返入去，如果唔係好快成枝都會變黑。

橘子貓好用推薦：RESPECTISSIME WATERPROOF EYE MAKE-UP REMOVER 聽聞這支理膚寶水的眼唇卸妝液是Chanel的平替版，很想入手試一試，但一直都沒有這個機會。直到早前屈記有旅行套裝出售，就入手試試。 因為旅遊忘記了帶化妝棉，就嘗試用棉花球卸妝。初初是用一兩天也不覺有什麼特別。好像跟平常的眼唇卸妝液差不多。就是沒有那麼油油膩膩。 後來用了一款防水液特強的眼睫毛，發現用這款卸妝液也是輕鬆就可以抹除了。我初時也感覺十分驚訝，因為這款睫毛液一般是要用眼睫毛專用卸除液才能卸乾淨。 然後我發現這款很純卸妝液也一點不油膩，卸妝後皮膚感覺是有一點點滋潤感。原來，這款眼唇卸是低刺激配方，不含香料、酒精，適合超級容易過敏的眼周肌膚。所以我才會在初時使用時覺得自己彷彿未卸妝乾淨般清爽輕盈。後來，帶去旅行的卸妝霜用光了，我就試試直接用這枝把全臉底妝一起卸掉，居然卸得很乾淨之餘，再用普通洗臉奶洗一次就乾淨了！ 一定會回購正裝的。

Chloeincosme好用推薦：La Roche-Posay 眼唇卸妝液 🤍 好用！用落好溫和，入眼都唔會好刺激，已經成為我每日卸妝必備～ 🤍 清潔力：4.5/5 難卸嘅防水眼線同睫毛膏，敷10秒已經抹得七七八八，而且唔需要用力捽～ 🤍 溫和度：5/5 完全唔熏眼！試過不小心入眼都只係有少少矇，完全冇刺痛感，敏感眼必備～ 🤍 保濕度：4/5 用後眼周皮膚唔會乾燥繃緊，反而有少少潤潤哋嘅感覺～ 🤍 性價比：4/5 雖然唔算平價，但大大支又耐用，計返都幾抵用～ 總結： La Roche-Posay呢支眼唇卸妝液溫和得嚟清潔力強～會回購！

Chloeincosme好用推薦：呢排用緊 Loreal 眼唇卸妝液 🤍 真係好似好多YouTuber推薦咁好用！水油雙層配方，搖勻後用落好溫和～ 🤍 清潔力：5/5 連超防水嘅睫毛膏同眼線液，濕敷10秒已經一抹就乾淨，完全唔使用力捽～ 🤍 溫和度：4.5/5 入眼只有好輕微嘅感覺，完全唔刺痛 🤍 使用感：4.5/5 質地清爽唔油膩，用完唔會矇矇矓矓，皮膚都冇繃緊感覺～ 🤍 性價比：5/5 開架價錢但效果拍得住專櫃，絕對係平價之王！ 總結： Loreal呢支眼唇卸妝液真係名不虛傳！卸得乾淨又溫和，重點係平靚正～已經成為我嘅長期回購品！

Nikincy好用推薦：比預期中更好用 雖然睇落有層油 但用上面又唔會覺得好油粒粒 比想像中更清爽少少 清潔力亦都出乎意料地好 眼妝唇妝都可以輕易地卸乾淨 價錢平民 性價比好高 推薦比大家🌟🌟🌟 會回購👍🏻👍🏻👍🏻👍🏻

Chloeincosme好用推薦：Canmake睫毛卸除液🤍本身覺得用卸妝油已經可以將眼妝卸得乾淨，只係要花點時間，直至有一次化濃妝，化妝師朋友比我用呢支，即刻覺得好驚豔～ 🤍 溶解力：5/5 只要輕輕刷一層喺睫毛上，等一分鐘再抹（等待期間卸臉，唔好晒時間🤣）連超防水嘅睫毛膏+假眼睫毛膠水都瞬間溶解，完全唔使捽！亦唔洗拉扯皮膚！ 🤍 溫和度：4.5/5 質地清爽唔油膩，唔會燻眼或者刺激？ 🤍 使用方便：5/5 細細支好似睫毛液咁，可以隨身攜帶 🤍 輔助卸妝：5/5 而家習慣先用佢處理睫毛同眼線，再用卸妝油全面清潔，成個卸妝過程快咗又乾淨咗！ 總結： Canmake呢支睫毛卸除液雖然細細支，但係解決咗卸防水妝容嘅煩惱～已經成為我化妝袋常客，會無限回購！推薦俾所有鍾意化濃眼妝嘅你！

Hchan好用推薦：因為覺得用眼部專用卸妝液卸睫毛很花時間，一直習慣使用温水可卸除的睫毛液，後來發覺它的捲翹度保持得不太好，容易變直，見到這種睫毛膏卸妝液就嘗試用回平常的睫毛液，這款只要在卸全臉妝先塗這枝在睫毛上，待上十分鐘，再用化妝棉相繼抹掉，然後卸全臉妝即可，很方便，卸妝力高，有用過kiss me那枝，兩枝都很好用。

Chloeincosme好用推薦：呢排用緊 Maybelline 眼唇卸妝液 🤍 清潔力中等，對付防水睫毛膏要濕敷耐少少，再輕輕力抹先可以完全卸得走～ 🤍 清潔力：3.5/5 日常淡妝同防曬可以輕鬆卸除，但遇上強力防水睫毛膏就要多花少少時間同耐心～ 🤍 使用感：4/5 水油雙層質地，搖勻後用化妝棉敷上眼，都算清爽唔油膩～ 🤍 性價比：4/5 開架價錢合理，大大支抵用，適合預算有限嘅學生黨～ 總結： 如果你平時唔係化超強防水妝容，Maybelline呢支眼唇卸妝液都夠用～平價抵用，係穩陣嘅開架選擇！

Fish Tse好用推薦：如果卸唔清化妝品有殘餘係眼到會對眼睛做成傷害，所以揀選眼唇卸妝油既時候必須要好小心 我試過用眼線筆畫係隻手到，然後用普通既油性卸妝油再乳化係卸唔甩，之後再用哩枝Maybelline既眼唇卸妝油倒係棉花到一抺就卸得好乾淨 卸妝油係分開兩層一層油呈現藍色一層水呈透明色，如果要使用之前一定要搖勻佢，之後倒係棉花到敷五秒左右再抺基本上已經卸左大概九成左右，最好就再重複一次以上動作卸兩次就唔怕唔乾淨 溫和配合適合任何肌膚任何狀溶，即使係防水睫毛膏或者假眼睫毛都可以卸得好乾淨，性價比好高 哩個絕對係卸妝既必需品

wintonggg好用推薦：麻麻地啦，好似冇話特別乾淨，一般卸妝產品都做到嘅效果，但at least冇刺激咯

KDing好用推薦：呢枝就真係麻麻地 用佢黎卸眼妝好澀眼 覺得眼睫毛因為咁而甩得多左