2026香港「眼唇卸妝」推薦好用排行榜Top20

Kathy Wai好用推薦：成日化眼妝嘅sis都知，最怕就係落妝落唔乾淨，搞到第二朝變熊貓眼，仲要扯到眼底出細紋。 Bifesta呢支眼唇卸妝液，長期霸佔@cosme頭位，今次親身試畀你睇，卸妝力、溫和度、抵買度一次過拆解。 質地： 水油分離，雙層配方，用前要搖勻。 卸妝力： ⭐⭐⭐⭐⭐ 倒少少落化妝棉濕敷眼瞼30秒——防水睫毛液、眼線液、眼影粉全部一次過抹走，唔使捽嚟捽去。 溫和度： ⭐⭐⭐⭐⭐ 冇香料、冇酒精、冇Paraben，敏感眼都用得。濕敷時唔「乸」眼，抹完眼底冇紅冇刺痛。 清爽度： ⭐⭐⭐⭐☆ 卸完唔會油淋淋，但比起純水狀卸妝液係有少少油膜感，用溫水過一過就乾淨。 抵買度： ⭐⭐⭐⭐⭐ 約4x。 總結： 👉🏻 成日化大眼妝、用超級防水睫毛液嘅人：必買，性價比之王 👉🏻 只化淡妝、極怕油感嘅人：可揀Bifesta落妝水（紫色嗰支） 使用貼士： 1. 一定搖勻10下以上 2. 化妝棉要吸滿，濕敷等30秒 3. 由內眼角向外輕抹，唔好來回捽

Chloeincosme好用推薦：呢排用緊bifesta既眼唇卸妝液. 佢水油分層設計，用法係將佢搖勻→ 倒落化妝棉 → 濕敷係眼/ 唇部位置大概5-10秒就可以輕輕卸除眼唇妝.（我有枝染唇既唇彩，濕敷多陣佢都卸到！） *記得唔好慳，要整濕成張化妝棉先冇咁易因拉扯皮膚而出皺紋！  以下係眼線液同Mascara既示範（上面係眼線液，下面係睫毛膏）：濕敷10秒輕力抹一下，卸走左9成😎輕力抹多一下，完全卸走晒！可見清潔力十足，亦唔需要來回用力擦拭，減少拉扯眼周皮膚導致出皺紋既機會。（內眼線再用棉花棒沾濕卸妝液卸走） 睇返佢既資料，呢枝卸妝液加入咗維他命B/ 維他命E既保濕成分，難怪用完唔會覺得眼周肌膚緊繃～ 香料方面，唔覺佢有香料味，敏感肌都唔洗驚，而且就算用係眼部呢d 咁敏感既位置都唔覺刺激/過敏，對得住佢sell溫和呢樣野，唔怪之得係Cosme排名咁高♥️ 重有個重點！係佢夠平😂$4/50 蚊有找，應該會回購到天荒地老😛 #卸妝

xxkelly好用推薦：✨不斷回購再回購嘅好物✨ 以前卸mascara為咗避免用化妝棉會有過多嘅磨擦，都會用卸妝油用手敷10至15秒左右，然後再好輕力慢慢用手指捽眼睫毛嘅面同底部，但係就算幾輕力都好，偶爾都係會甩幾條眼睫毛，因為有時用嘅Mascara都好頑強，真係要用手指出少少力先至捽得甩🫠 但兩年前發現咗呢一支卸Mascara嘅好物，就完全返唔到轉頭，真係太好用！基本上搽咗上去之後幾秒內就已經會甩一半，之後再用返平時卸妝方法好輕鬆就已經可以卸得好乾淨，而且唔會醃眼，過水後都唔會殘留喺眼睫毛到，一支都用到好耐，性價比絕對係超級高！會不斷回購！

LingLing好用推薦：講真我一向都係用開 KissMe 隻睫毛膏，真係捽都捽唔甩嗰種，落雨流汗都完全唔郁，穩到爆。但就係因為佢太持久，以前卸妝卸到眼紅紅，成日都要搽幾次眼唇卸，捽幾捽先甩得晒，搞到眼皮都痕痕哋、仲甩埋幾條睫毛。 直到有次喺藥妝店見到 KissMe 自家出嘅眼睫毛專用卸妝液，諗住反正都係同一個牌子，試下都無妨。點知⋯⋯一試成主顧，真係改變咗我對卸睫毛嘅痛苦回憶！ 佢係用刷頭設計，好似透明睫毛膏咁樣，一掃就可以塗勻成排睫毛，完全唔會入眼、亦唔會刺激。等大概 30 秒～1 分鐘，再用棉花輕輕抹走，啲睫毛膏就自己「溶」咗咁樣，滑一滑就甩晒，完全唔使大力捽，仲可以順便清埋眼線位～ 我最鍾意係佢卸得乾淨之餘，又唔會焗眼或者搞到油笠笠，清爽又舒服，連戴con都無問題。用完眼都冇痕、冇紅腫，真心對眼敏感啲嘅人都啱用。 依家我每次化濃妝、或者夾得好翹嘅睫毛，一定都會用返呢支卸妝液。特別係趕住洗面又唔想整傷眼嘅時候，佢就幫我慳返唔少時間。 總結：溫和、有效、唔刺激又唔焗眼，卸妝新手或者重度睫毛膏使用者都值得試一試～我自己已經回購咗第二支啦，放工後要輕鬆落妝，佢真係功不可沒！

Kathy Wai好用推薦：Biore高效眼唇卸妝液 超詳細廣東話實測 1. 包裝同質地 水油分離設計，用前一定要「Shake匀佢」。倒出嚟質地偏水狀，清爽不粘膩，唔會有一浸油膩感。滲透速度快，化妝棉一掂就吸晒，唔會滴到周圍都係。 2. 卸妝力實測（用咗4樣嘢試） · 防水睫毛液（Kiss Me超強防水款）： 敷10秒，輕輕按壓兩下，一抺就走得7788。再敷多5秒，完全乾淨，冇熊貓眼殘留。比起專櫃Lancôme要敷耐2-3秒，但開架嚟講已經係頂班。 · 超長效霧面唇釉（Loreal小鋼筆 #129）： 呢隻出名難卸，平時要用唇部專用卸妝。用Biore敷15秒，打圈輕揉，一次過甩8成。再抺第二次就完全冇晒色，唇紋入面都乾淨。唔使狂捽到嘴唇紅晒。 · 防水眼線膠筆（Clio Kill Black）： 畫粗眼線，敷8秒，一抹就冇。比眼唇專用嘅Maybelline更快。 · 閃粉眼影（大顆亮片嗰種）： 閃粉會殘留少少，但正常眼唇卸都係咁，要用棉花棒局部清理。整體合格。 3. 溫和度測試 · 入眼感覺：故意整啲入眼，初期會矇矇哋，但唔會澀、唔會刺痛（對比Loreal眼唇卸會乸）。過10秒左右就回復正常，敏感眼可以

JH好用推薦：用咗Bioré 呢款高效眼唇卸妝液一段時間，覺得中規中矩，性價比尚可 優點方面，佢質地算清爽，質地唔會太油膩，卸日常普通眼影、唇膏或者非防水化妝品都算乾淨快速 不過，如果用嚟卸比較難搞嘅彩妝就要整好耐，例如眼睫毛膏嗰啲要卸幾次先乾淨

Chloeincosme好用推薦：呢排用緊 Loreal 眼唇卸妝液 🤍 真係好似好多YouTuber推薦咁好用！水油雙層配方，搖勻後用落好溫和～ 🤍 清潔力：5/5 連超防水嘅睫毛膏同眼線液，濕敷10秒已經一抹就乾淨，完全唔使用力捽～ 🤍 溫和度：4.5/5 入眼只有好輕微嘅感覺，完全唔刺痛 🤍 使用感：4.5/5 質地清爽唔油膩，用完唔會矇矇矓矓，皮膚都冇繃緊感覺～ 🤍 性價比：5/5 開架價錢但效果拍得住專櫃，絕對係平價之王！ 總結： Loreal呢支眼唇卸妝液真係名不虛傳！卸得乾淨又溫和，重點係平靚正～已經成為我嘅長期回購品！

Meowmeow 好用推薦：好用唔耶眼 就算平時好難卸嘅睫毛膏 都只係需要濕敷幾秒就可以卸除

Miyabi好用推薦：好用嘅，但好細枝，好快用曬，旅行用都ok，細細枝，其他牌子嘅睫毛卸妝都唔差又大枝啲，就轉用其他牌子了～😗

Candy Ng好用推薦：它是一個平的選擇，但係不是經濟實惠的選擇。 用它來卸眼妝，大家不要預它卸得乾淨，要抹多兩下先至會睇落去乾淨。 我嘗試過在手背有些化妝品時，用它來卸妝，第一下捽它不太乾淨，要大力再捽多幾下，先卸得乾淨🙈 大家的眼睛部分可唔可以比自己咁大力抹多幾下😣

TY好用推薦：搖勻倒少少落卸妝棉，敷十秒左右，一抹已經清到大部分睫毛液，完全唔澀眼，價錢亦唔貴，可以回購。