2026香港「面霜」推薦好用排行榜Top20

Kitman Wong好用推薦：以前對抗老面霜的印象就是「油、厚、推不開」，但呢款歐萊雅小蜜罐（輕盈版）打破我一直的偏見！ • Texture像慕斯：質地細膩到像剛打發的雲朵慕斯，一抹就在手上化開，吸收速度快到驚人。現在夏天開冷氣睡覺，最怕擦完保養品臉黏在枕頭套上，這罐擦完後臉是那種「乾爽的高級光澤感」，完全不侷促不負擔、不負擔。 • 淡淡的高級花蜜香：味道不是那種廉價的香精味，而是淡淡的、像在做SPA的花蜜清香。每天晚上睡前擦它，都有一種辛苦了一整天、終於被好好療癒的儀式感。 • 肉眼可見的「修護力」： 身為熬夜專業戶，最驚隔天臉垮。這罐主打膠原蛋白修護，我用了7天，最有感的是早起照鏡子時，皮膚有光澤及飽滿，摸起來那種Q彈的手感不錯。 • CP值天花板：呢款竟然加了「玻色因」，很多專櫃貴婦霜才有的貴價成分啊，以呢個價位買到這種規格，簡直是初老保養界的小資福音。就算預算有限，也不用在抗老這件事上妥協。 真心推薦： 如果妳跟我一樣怕油、想抗初老、又追求性價比，這瓶閉眼入都不會錯！

Chan好用推薦：呢罐 L’Oréal 金致臻顏花蜜奢養膠原輕盈乳霜（小蜜罐輕盈版）真係畀我幾大驚喜！ 我係混合肌，香港天氣又潮濕又熱，本來好驚抗老面霜會太厚重或者出粒，但呢罐質地真係好似軟滑乳酪咁，一推即開，延展性超高，搽上去幾秒就完全吸收，冇油膩、冇黐住塊面、夜晚瞓覺都唔會黏枕頭。早晚用，朝早搽完上妝特別貼服，底妝都順滑咗好多。  用咗大概一星期，最明顯係皮膚「飲飽水」同光澤感。之前鼻翼同面頰有少少粗糙同乾紋，摸落滑咗好多，乾紋淡咗，眼下同額頭都冇咁明顯。膚色亮咗少少，暗黃同暗沉減輕，素顏出街都有自然透亮感，朋友仲問我係咪休息夠。蘋果肌摸落彈手咗少少，輪廓感覺微微緊緻，但唔係即刻拉提嗰種，要耐用先見到。  香味係清新花香木質調，唔濃烈，敏感肌用都冇事。整體嚟講，呢罐性價比高，輕盈滋潤平衡得好好，適合想輕抗老、補水提亮又唔想負擔重嘅人。連續用落去，塊面真係覺得健康同後生咗啲，強烈推介試吓！

Fng好用推薦：CeraVe 胜肽緊緻面霜｜ 敏感熟齡肌的溫和抗老大門🚪 呢罐紫色晚霜，絕對係CeraVe家族入面嘅「全能進階班代表」！有別於經典藍色系列專注基礎保濕，紫色系列專攻抗老緊緻——雖然質地出名厚重，但用過嘅人都話「起身塊面會發光」✨ 🧬 成分解碼（這就是你找的那罐） • 三重神經酰胺：修復屏障，敏感肌友好 • 煙酰胺：舒緩泛紅、提亮膚色 • 多肽複合物：刺激膠原蛋白，撫平細紋 • 玻尿酸+乳木果油：深層鎖水 • MVE專利技術：整晚緩慢釋放保濕成分 🍦 質地真實話你知 呢罐唔係「霜」，係「膏」！質地厚實到好似風乾咗嘅牙膏。半膏半乳咁，個人唔太鍾意太厚重感。但佢嘅優點係容易推開、吸收速度唔慢，形成一層薄薄嘅保護膜，鎖水能力極強。 🌙 用後感 • 即時感受：搽完有輕微成塊面有嘢罩住嘅感覺，但唔會油淋淋 • 翌日效果：起身塊面軟滑、水潤，乾紋明顯減淡 • 長期使用：連續2-3星期，面部彈性提升，額頭同眼周細紋淡化，膚色提亮 ⚠️ 香港天氣使用 建議用法： • 春天用：回南天要減量，否則可能覺得悶 • 冷氣房用：表現出色，起身唔會繃緊 • 油肌/易長痘：有人用完生閉口粉刺，建議先試用 💡

Kitty 好用推薦：因為前排做左laser，皮膚有少少敏感，呢罐CeraVe活肌再生胜肽緊緻修復面霜，我用咗差唔多一個月💜～ 佢質地偏厚，望落似乳霜，但一推開就發現好順滑。最驚喜係佢吸收超快！搽上面之後，輕輕按摩幾下已經食晒入皮膚，完全唔會笠黐黐。我最怕嗰啲油淋淋嘅面霜，呢罐查完反而係乾爽嘅感覺，但保濕度又夠，晚間用第二朝起身塊面仲係軟淋淋。🥰 乾肌或者熟齡肌應該會好鍾意，佢有胜肽成份，緊緻效果暫時未太明顯，但用完皮膚係穩定咗，冇咁易泛紅。日頭用都冇問題，之後上防曬或粉底都唔會起屑。整體嚟講，乾爽得嚟又有滋潤感，呢個平衡做得幾好！👍

Miranda好用推薦：【質感】 Elixir呢支高純維A重點膠原抗皺霜，我第一下打開蓋就俾佢嘅質感吸引住。佢係柔滑軟綿嘅乳霜狀，觸感豐厚但奇妙地一啲都唔黏笠。用手指輕輕掂起，霜體有種好實淨嘅存在感，唔似流質到會滴出嚟，但推開嗰下係超級順滑，延展性好高，真係只需一粒珍珠嘅份量，已經夠晒搽晒全臉嘅紋路位置。吸收速度非常快，上面之後皮膚表面唔會殘留油膩感，而係形成一層輕薄柔軟嘅保護膜，清爽得嚟又有恰到好處嘅滋潤度，呢種恰到好處嘅平衡感，絕對係高端抗皺產品先做到嘅本事，難怪會成為近期討論度爆燈嘅 #火熱新品 。 【使用感】 使用感可以分成初用同長期用兩個階段嚟講。首先呢支霜最大嘅賣點，係蘊含咗日本厚生勞動省唯一認證可以有效改善皺紋嘅「純粋レチノール（純視黃醇）」成分，佢嘅功效係用科學實證出嚟。好多怕A醇刺激嘅朋友聽完可能會卻步，但佢嘅設計好體貼，說明書清清楚楚指導頭兩星期每隔2至3日先喺夜晚用一次，等皮膚慢慢適應，之後再逐漸增加到每晚用，完全唔需要心急。我作為一個之前未接觸過高純度維A護膚嘅人，跟住呢個指引用咗一個月，期間完全冇出現脫皮、泛紅或者刺痛。上臉時好溫和，輕輕按摩喺虎紋、眉心紋、眼尾呢啲表情紋重災區，感覺

Jenny Fu好用推薦：超級好用，效果明顯！ 好驚喜，本身眼尾有少少紋 鼻樑有條幾明顯既紋 見到竟然有支cream係有埋日本政府認可 又唔係好貴，諗住試下 點知！ 勁work, 做眼霜一流 夠潤又唔會生油脂粒 去紋效果好好！ 已經用緊第二支，去日本必買補貨！

lucky好用推薦：多謝@cosme & @KANEBO 揀咗我試用KANEBO【平衡煥妍精華水】 及 全新【平衡潤妍保濕乳霜】 ，一直都好想試吓KANEBO skincare，今次揀中實在係太興奮！ 我嘅膚質係屬於混合性皮膚偏油，天氣熱同潮濕都會令我T字位好快出油，臉頰到下午都會開始出油，而且皮膚較薄好易泛紅，所以我偏好夠保濕力又可以做到控油效果嘅護膚品。年紀踏入30歲，已經唔再追求清爽無感嘅護膚效果，反而希望可以做到控油效果之餘，有足夠保濕力，令到塊面望落去有自然光澤！KANEBO SKIN CONDUCTOR 平衡潤妍保濕乳霜質地輕柔易吸收，令到毛孔都呼吸到，唔會有黏笠感，我後續化妝都唔會有擦膠碎。而我最重視乳霜嘅補水再鎖水效能，平衡潤妍保濕乳霜有高密度鎖水防禦層，從而做到補水再鎖水，另加強化屏障效能，令我係冷氣房全日都夠水潤光澤，唔會因為太乾而出更多嘅油！ 潮濕天氣下為咗減少皮膚負擔，我會簡化護膚程序，我呢個星期淨係用咗平衡煥妍精華水+平衡潤妍保濕乳霜，皮膚出油情況真係有改善，平時去到中午塊面已經油到可以煎蛋，但而家塊面可以keep到下午T字位先有輕微出油，鎖水力果然足夠！我一向肌膚水油失衡嘅情

shuyanzoe1119好用推薦：呢款保濕乳霜一試就覺得幾驚喜😍 質地係輕盈水潤型，搽上面完全唔會油膩，反而好快滲透入肌膚，感覺好舒服，而且唔會焗住皮膚👍。 我本身肌膚係外油內乾，用咗之後覺得水油平衡真係有改善💧 出油情況冇之前咁誇張，同時乾燥問題都舒緩咗，皮脂分泌變得穩定，整體膚況更平衡。 即時保濕效果好出色✨ 一搽完已經感覺到肌膚變得水潤飽滿，冇咗粗糙感，仲有自然光澤，睇落健康又透亮😊。最加分係第二朝起身，肌膚依然保持水潤狀態，證明長效保濕力都好強💙。 抗炎方面都令人滿意🌿 用咗一段時間之後，泛紅同敏感情況有減少，肌膚冇咁容易發炎，感覺更加穩定安心。 持續使用之下，真係感覺到肌膚屏障強化咗👍 保水鎖水能力提升，即使喺冷氣環境都冇咁容易乾，膚質變得更加細緻柔滑。 Before After 整體使用感非常好💯 質地舒服、效果明顯，而且用落好安心，唔會對肌膚造成負擔。對於想改善水油失衡同提升保濕力嘅人嚟講，呢款乳霜係一個好值得推薦嘅選擇✨😊

Kathy Wai好用推薦：哈囉大家好～今日想同你哋真情實感分享下，我呢半年用Curel保濕面霜嘅用後感！乾肌、敏感肌嘅朋友仔，擔定凳仔睇落去啦～ （質地與使用感） 「佢嘅質地好似軟綿綿嘅雪糕，一推開就變水潤感！最驚喜係完全唔黏笠，就算依家夏天開冷氣瞓覺，第二朝塊面都仲係飲飽水咁彈手～最搞笑我老公試用咗一嘢，竟然偷偷搽咗成個禮拜，話搽完爽過佢支男性面霜喎！」 （成分與功效） 「主打神經酰胺修護，真係乾到脫皮嗰陣厚敷，第二日即刻變返BB屁股咁滑！試過轉季塊臉紅到似關公，連續搽三日就安撫返，敏感肌朋友可以安心衝～」 （貼心小提醒） 「記得記得！要用喺爽膚水之後，趁塊面仲有少少濕氣嗰陣薄薄搽勻，咁先鎖到最大嘅水分。油肌朋友可以夜晚當sleeping mask用，朝早起身塊面會自帶柔焦效果～」 詳細評分表： · 保濕力：💧💧💧💧💧（滿分） 乾到龜裂都救得返，冷氣房瞓醒塊面仲係軟腍腍。 · 質地清爽度：🌪️🌪️🌪️🌪️🌪️（滿分） 零油膜感、零負擔，油肌朋友實測話夏天用都無長暗粒。 · 敏感修護力：🌸🌸🌸🌸🌸（滿分） 紅、痕、熱感一take過安撫，轉季必備護身符。 · 性價比：💰💰💰💰（4/5）

Jeniel好用推薦：見寫「水潤」，一定要提起： Curel的 Moisture Cream 因為天氣忽凍忽熱，我塊敏感混合肌就開始作反，又乾又泛紅😭 好彩用開Curel呢罐皇牌面霜用黎命。佢專為敏感肌設計，無香料無色素，用落零刺激～ 質地係輕盈嘅乳霜狀，推開嗰下好似化水咁，超級水潤！吸收得快，完全唔會黐立立或者留低油膜感～ 保濕力一啲都唔弱，就算開住暖氣瞓覺，朝早起身塊面都仲係潤嘅，鼻翼同額頭冇再甩皮卡粉✨ 我最鍾意佢夠溫和但又有修復力，用咗幾日，面頰嘅泛紅同緊繃感明顯減退，皮膚狀態穩定返好多。如果遇到極乾日子，我會直接厚敷一層當睡眠面膜，第二朝皮膚即刻飽滿返，上妝都貼服啲！ 總括嚟講，呢罐面霜係敏感肌同乾燥肌嘅冬日恩物，溫和、保濕、穩定，一支搞掂晒👍 會無限回購！ 保濕度： ★★★★★ 溫和度： ★★★★★ 吸收速度： ★★★★★ 修復穩定： ★★★★☆ #敏感肌救星 #冬季必備 #Curel面霜 #水潤

Kathy Wai好用推薦： 喂喂喂～成日話「d program」係敏感肌救星，今次等我真人實測佢哋支修復面霜，睇吓係咪真係咁神！ 【質地】 一打開係雪芭狀，推開嗰下「嘶」一聲溶化，好似軟雪糕咁滑～敏感肌最怕笠，呢隻吸收勁快，拍兩拍就冇曬油光，夜晚搽完第朝塊面仲係爽身粉手感，正！ 【急救效果】 前排轉季塊面紅到似關公，厚敷一層（當sleeping mask用），第二日即刻降溫退紅。最驚喜係甩皮位，連續搽3日，鼻翼邊啲「紙巾碎屑」全部收皮，上粉底終於唔會裂開！ 【續航力】 朝早搽完，喺冷氣房坐到下晝4點，兩邊面珠仲係飲飽水咁脹卜卜。但大乾肌可能要溝油，混合肌/敏感肌用剛剛好～ 【小總結】 ✔️退紅力：🌕🌕🌕🌕🌗 ✔️保濕續航：🌕🌕🌕🌕🌑 ✔️笠感指數：🌑🌑🌑🌑🌑（零笠！） 一句到尾：比佢個包裝呃咗以為好厚，點知係輕盈版急救神器！敏感肌想找唔怕踩雷嘅面霜，呢隻有買貴冇買錯～（拍心口） 溫馨提示：皮膚問題嚴重記得睇醫生，呢隻主要係舒緩穩定，唔係藥品呀～

Chloeincosme好用推薦：（你見我影到咁夢幻就知我想大讚佢🤍😆） 前排皮膚長期唔穩定，除左泛紅仲狂出粒粒，所以開左D program Skin Repair Dream 呢款面霜。 揀佢係因為佢嘅配方超溫和，冇酒精、冇香料、冇色素，仲標明「不致粉刺配方」，而且通過敏感同刺激測試，見落都安心！ 🤍 溫和度：5/5 完全冇酒精香料，敏感肌用零刺激！就算皮膚泛紅期間使用都冇刺痛，仲有舒緩效果～ 長期用泛紅有所改善！ 🤍 不致粉刺：5/5 標明「不致粉刺配方」，用咗兩星期都冇生新粒粒，連平時易生暗瘡既面側位都好穩定～（之前用一隻韓國牌子會搞到暗瘡爆得仲勁！ 🤍 保濕修護：4/5 質地柔潤唔厚重，推開後形成保護膜，第二朝起身皮膚水潤飽滿，冇再乾到甩皮～ * 但佢絕對唔係非常非常滋潤/ 油潤嘅面霜，佢喺偏水潤！如果極乾肌就要用保濕精華打底！ 🤍 配方安心：5/5 無添加防腐劑，通過敏感測試，對成分挑剔嘅人可以放心使用～ 總結： d program呢支面霜救左我呢個敏感肌同易生粒粒既人🥹溫和得嚟做到基本保濕修護，仲唔會刺激粉刺問題～會回購，推薦！

Fng好用推薦：La Mer Crème de la Mer 精華面霜｜ 混合偏乾熟齡肌の「春日修護儀式」用後感 🌿 ✨ 質地與乳化儀式：膏體越厚，效果越奇蹟 打開個白色陶瓷罐，見到嗰種極度厚實嘅膏體，心諗：香港春天咁濕，搽上塊面會唔會好似敷咗層臘？原來秘訣在於手心乳化——用挖棒取少量（真係一粒黃豆就夠），放喺掌心合十搓熱，直到佢變成半透明油潤狀先輕印上面。呢個過程好似某種護膚儀式，每次做都有種治癒感。 ✨ 春日實測 香港春天又濕又笠，混合偏乾肌嘅T字位開始出油，但兩頰依然乾到繃緊。用完Crème de la Mer最驚喜係：佢唔會令T位變油田，反而平衡到皮脂分泌，有混合肌用家都話用完反而冇咁快出油。最關鍵係修復力——呢排轉季塊面成日紅紅癢癢，連續用幾晚，泛紅明顯減退，連之前乾到起屑嘅鼻翼都變返軟滑。 ✨ 混合偏乾肌春日使用攻略 ✅ 乳化必須徹底：手心唔夠熱就乳化唔到，上臉會推唔開 ✅ 分區用量：兩頰正常按壓，T字位用掌心剩餘量輕帶就夠 ✅ 妝前打底：薄薄一層已經令粉底超貼服，唔會起屑 ✅ 急救厚敷：皮膚唔聽話時，乳化後厚敷泛紅區，第二朝穩定好多 ✨ 熟齡肌の抗老見證 我自己嘅感覺係

Kitty 好用推薦：呢款經典面霜質地係豐潤嘅霜狀，要係掌心搓揉乳化㗎！我通常加爽膚水搓到變半透明再輕輕印上塊面，一掂到皮膚就知唔同啲～即刻有種被滋養嘅感覺，但完全唔黐立立👌 💧水潤保濕度真係無得彈！ 朝早瞓醒摸落去依然軟嫩，好似有一層保護膜鎖住水份。以前轉季鼻翼會甩皮，今年居然平安過渡，妝容都貼服好多！ 緊緻效果呢，就真係要讚👍 我本身有少少baby fat，易浮腫，輪廓唔算好明顯。連續用咗幾星期，發現下巴同顴骨位有種被托住嘅感覺，睇落線條精神咗！唔係即時變V面嗰種，而係皮膚好似實淨咗、有彈性咗，搽嘅時候順便按摩埋頸部，連頸紋都覺得淺色少少～ 最驚喜係修復力！ 有一次敏感泛紅，厚敷一晚第二朝就退紅七八成，果然係急救面霜之王👑 皮膚狀態穩定咗，毛孔都感覺細緻d～ 雖然價錢真係肉赤，但對於需要修復、抗初老嘅乾肌/混合肌來說，確係值得投資。記住乳化步驟好關鍵，同埋晚間用效果最明顯～ 想皮膚有水潤光澤同緊緻感嘅朋友，可以試試佢！🌟

Fng好用推薦：OLAY 第五代超紅瓶面霜｜ 混合偏乾肌的冬日勝肽抗老之選✨ OLAY呢罐第五代超紅瓶，絕對係近期開架抗老面霜嘅CP值頂流！尤其係新升級嘅勝肽配方，喺乾燥嘅香港冬天，為混合偏乾肌帶嚟驚喜💫 🧬 成分亮點解析 新一代超紅瓶最大突破係加入「蛋白網重構科技」，搭配7重王牌勝肽組合，包括類肉毒肽（乙酰六肽-8）阻擋動態紋、信號肽刺激膠原增生。仲有5%高純度煙酰胺（維他命B3），抗氧提亮同時鞏固肌底膠原。最驚喜係加入南法白鑽松露，將修護力拉滿，成分直逼貴婦級配置。 🍦 質地與膚感 呢罐面霜有分滋潤版同輕潤版，混合偏乾肌喺冬天用滋潤版就啱啱好！質地似軟滑乳酪，推開瞬間化成水膜，吸收快得嚟零黏膩。潤而不油，上臉後有種緊緻感，後續上粉底唔搓泥，連鼻翼兩邊都唔會卡粉。 ❄️ 冬日實測紀錄 ▸ 保濕力：有混乾皮用家實測，喺冷氣房或乾燥環境下，保濕效果可以撐足8小時，面珠墩無繃緊，T位亦唔會泛油光 ▸ 緊緻效果：用咗兩個星期，法令紋變淺、蘋果肌嘭起，下顎線都明顯清晰咗，素顏出街都被問係咪做咗醫美 ▸ 妝前急救：厚敷3分鐘再上妝，粉底貼服到好似第二層肌膚，全日唔卡粉 ⚠️ 使用注意 雖然滋潤版對混合偏

Paris merci 好用推薦：OLAY推出新嘅滋潤版紅金面霜，質地比之前soft cream更為滋潤，主打「塗抹式類肉毒肽」。 面霜質地輕盈而柔滑，搽完之後有一種好舒緩嘅覆蓋感，不會覺得厚重。面霜容易推開，用完之後面部皮膚即刻有種柔軟同飽滿嘅質感。 呢款滋潤版更適合乾性皮膚或者老化皮膚。如果皮膚有甩皮用呢款可以修復得更加快。混合性皮膚用返Soft cream會比較好。 用呢款面霜最好夜晚用，而且可以以份量取多按摩，有助拉jawline，下巴線條變得明顯。整體肌膚更加有光澤，特別是嘴角位置，看起來緊緻平滑，冇咁顯老。 以Olay 萬寧開架牌子嚟講，做到呢個效果整體都算好優秀，可以說是推薦購買的面霜💕 #火熱新品

Emily Leung好用推薦：呢款 Olay 緊緻紅金面霜喺香港好受熟齡肌歡迎。以下係實測重點： 質地與使用感 · 絲滑乳霜狀，比大紅瓶更厚實但易推開。滋潤度高，乾燥冬天或冷氣房都夠鎖水，吸收後唔會油光滿面。 · 敏感肌可試：無香料版溫和，但對煙酰胺不耐受的話可能有刺痛感。 成分主打 · 高濃度煙酰胺（B3）+ 五胜肽 + 長角豆萃取：組合針對膠原再生、緊緻提拉同淡紋。 · 無酒精、色素，防腐體系較溫和。 效果實測（連續用4週） · 緊緻度：包覆感強，蘋果肌同下顎線有輕微提拉，水腫面效果更明顯。 · 淡紋：虎紋、額頭乾紋有減淡，但深層皺紋需要更長時間。 · 保濕：油分比例高，乾肌會好有安全感，混合肌建議夜晚用或減量。 優點 ✅ 性價比高 ✅ 滋潤不悶痘，熟齡乾肌恩物 ✅ 包裝附膠匙，衛生加分 缺點 ❌ 夏天/油肌用可能感覺厚重 ❌ 香味偏舊式脂粉味（可揀無香版） ❌ 對嚴重鬆弛效果有限，需搭配儀器或醫美 適合邊啲人？ · 30+ 乾肌 / 熟齡肌，追求平價抗老保濕 · 想預防膠原流失、改善粗糙暗啞 · 預算有限但想要胜肽 + 煙酰胺組合 總結 如果你唔怕潤、想搵日霜或晚霜級別嘅抗老面霜，呢款性價

Tszki好用推薦：LAYA 至臻緊緻紅金面霜 Peptides Firming Soft Cream OLAY紅金面霜-速效抗老的關鍵，就是突破性加入重要科研成果—「Signal Peptide訊號肽組合’」，唔止一般抗老護膚品標磅可以促生嘅「膠原蛋白」，OLAY紅金面霜仲可以激活 「彈性蛋白」和「基底膜蛋白」這兩種抗老蛋白，真正為肌膚全效抗衰老，有效改善法令紋、、令蘋果肌更豐盈、下顎線更清晰，回復年輕肌膚！ 面霜帶有絲絨玫瑰木香，輕乳酪質地一抹融開、絲滑柔嫩、不厚重。

Sana好用推薦：好開心收到邀請試用Yves Rocher花萃幹細胞修復日霜，等我同你哋慢慢拆解佢嘅好用之處！ 🧴 質地 嘩～呢個日霜質地好似輕盈雪芭咁，一推開就化水💧，完全唔厚重、唔黏笠！就算香港潮濕天氣用，都覺得好清爽，上妝前用都冇問題，唔會起擦膠碎～ 💦 即時保濕效果 搽完即刻feel到皮膚飲飽水💦，好似有層薄薄嘅鎖水膜，但又唔焗。摸落去即時滑溜咗、軟腍腍，好似BB皮膚咁～ 上粉底都貼好多！ 🌿 修護效果 用咗大約兩星期，明顯覺得皮膚冇咁易敏感，之前成日紅紅哋、乾癢，而家穩定好多！佢嘅花萃幹細胞成分好似幫皮膚打好底子，修復返日間受嘅刺激，屏障強咗，吹吓冷氣都唔怕乾到裂～ 💪 ✨ 光澤感 呢個真係要講！本身我面頰偏暗黃、成日好似冇精神咁… 但用咗一排，朝早洗完面照鏡，會見到皮膚自帶光澤✨，唔係油光嗰種，而係透亮感！蠟黃減咗好多，膚色均勻返，素顏都敢直接落街買嘢～ 人哋仲問我「今日係咪化咗淡妝？」🤣 👵 緊緻度 原本有少少包包面、蘋果肌開始有啲塌… 用咗一個月左右，蘋果肌好似飽滿返，塊面冇咁水腫型鬆弛，下顎線明顯啲！唔係誇張拉提，但望落精神、年輕咗，自拍唔使狂推高角度～ 📸 🔍 毛孔 鼻翼

Ko好用推薦：首先講吓我嘅膚質先 我係混合性偏乾 過咗30歲之後塊面都開始有啲細紋 特別係頸紋同埋法令紋係特別明顯 平時都時不時會用下啲抗老嘅產品 但係皺紋呢家嘢一出現咗就好難救 今次試用左Yves Rocher嘅花萃幹細胞高效微精華+ 花萃幹細胞修復日霜八日 等我分享吓我嘅試用感受啦 我係每日朝早洗完面 搽完爽膚水之後先搽精華之後再搽日霜 再之後我就會去化妝 呢兩樣產品係唔會同底妝打交 唔會有擦膠碎 好適合喺妝前用 首先講吓兩樣嘢一齊用嘅效果先 下面係before嘅膚況 可以見到我淚溝附近有好多細紋 毛孔粗大，又有法令紋 仲有好多曬斑 跟住呢張係第八日嘅after 真係唔比較唔知佢好😨原來分別都幾大 可以見到淚溝附近啲細紋真係淡咗好多 法令紋就似乎差唔多 但我真係幾滿意個效果！ 畢竟眼底下面嘅細紋真係好顯老 跟住落嚟就專注講吓面霜嘅使用感受 佢嘅質地以面霜嚟講算係中度保濕 唔算清爽 亦都唔算濃稠 感覺上有少少油份 但係我後續化妝都冇帶走我嘅底妝 反而令到底妝更加服貼 所以我幾鍾意佢嘅質地 我係乾肌 喺夏天用真係啱啱好 比起枝精華 其實面霜嘅香味唔算濃烈 適合所有人使用 唯一嘅缺點就係