2025香港「潤膚露」推薦好用排行榜Top20 [每兩週更新]

letterman好用推薦：首先好多謝 @cosme 抽中我試用呢支NIVEA新出既皮膚精華～ 今次呢支係果萃雙效C&A 淡斑亮白精華乳液 桃紅色既包裝 大大支 有成300ml 日用保養唔心痛放心用搽上手質地都幾容易推開，同綠色C&AHA果隻比會杰多少少搽完都係會有涼浸浸既感覺，比較清爽，唔會覺得笠 效果方面，我用左比較長既時間。頭9日已經見到明顯分別！！！膚色係真係均衡左好多，望落唔會再好似有一忽污糟左咁😆😆夏天又可以繼續無懼太陽，放心去玩了

Aleishayanheidi好用推薦：NIVEA 果萃雙效全能美白系列 7 天即見更透亮健康、光滑細緻肌膚！ 全系列加人了三大美妝界大熱高效美白成分：50 倍純維他命 C、穀胱甘肽（Glutathione) 及維他命 B3(Niacinamide)，簡直 3倍超越市面上單一穀胱甘肽！每件產品分別再加人其主打成分以達致不同功效 Nivea 果萃雙效 C&A 淡斑亮白精華凝乳 \全新升級/ * 為瑕疵暗沉肌而設，改善瑕疵、色素沉澱及膚色不均 * 可特別用於肩膊、後頸等易接觸陽光部位；或身體上的瑕疵、色斑、曬痕 * 50 倍純維他命C、穀胱甘肽、維他命 B3•再加入維他命 A * 能令肌膚更透亮、均勻膚色 、加強保水力 質地輕盈，易推易吸收，完全冇立痴痴嘅感覺！成份加入了 50 倍純維他命 C、穀胱甘肽、維他命 B3 及維他命 A 令皮膚回復更快更有效果，比市面上其他美白身體乳更吸引、更高效！而且價錢較相宜，性價比高 持續用 7 天後，能有效改善我大髀上的肌膚色差、瑕疵、暗沉，膚色更均勻，同白左！

Cole Cole 好用推薦：多謝@cosme嘅試用邀請👉🏻NIVEA 果萃雙效C&E淨白潤亮精華凝乳 首先第一感覺係大大支，一打開有香香的果味，質地乳液睇落有少少杰身，但係好容易推開，因為含水份比較多，皮膚亦好容易吸收，就算搽多啲都冇問題。 而且潤膚露冇精油成份，所以唔會覺得好油粒粒，令到皮膚更加容易吸收，可以即時起到保濕作用。 呢支身體乳液，感覺比其他的身體潤膚乳液更加有多水份，搽上身體後更容易吸收，試用咗七日之後皮膚更加嫩滑感覺更加嫩滑有彈性。 原本冇乜光澤嘅皮膚，變咗有多了光澤，改善暗沉皮膚。整體感覺呢支身體美白潤膚露，性價比高，適合用於春夏天，可以提升皮膚的潤澤同美白。 

sweety好用推薦：首先多謝@Cosme 抽中使用，✨全新升級 NIVEA 果萃雙效C&E 淨白潤亮精華凝乳✨ 質地好輕盈，味道好清果香味，搽落去皮膚感受到好易推開同有滋潤感好快吸收，但又唔會笠。 使用部位全身，本人皮膚不是好暗，搽完覺得皮膚滑咗好多，柔軟咗，膚色更透白，所以我使用在較暗，腋下位置😄，身體乳液都可以改善腋下色素好鬼“正”！！用過好多針對腋下產品覺得呢支果萃雙效 C&E 淨白潤亮精華乳用咗 7 日，咁快見到色素真係有減淡咗，裡面 50 倍純維他命 C，榖胱甘肽，維他命B3及維他命 E，做到改善暗沉，美白，彈潤，真好厲害(¯▽¯)👍

Fanfanmorning好用推薦：中女恩物💛 Nivea深層潤膚露 10月一到幾日，就感受到天氣忽然變乾，尤其手腳，會乾到係咁R，R到起晒皮屑甚至R損。特別係年紀到30中，感受到皮膚越嚟越乾，以前年輕可能成個冬天只係需要搽幾次body lotion，搽一次就成個星期都唔會再乾，但而家夜晚沖完涼或朝早搽完，隔幾個鐘又會乾，係街真係少尷，唔R又痕，R又驚人哋以為我有皮膚病ಥ_ಥ。 咁啱收到@cosme 嘅Nivea深層潤膚露試用活動，嚟得實在太合時！ Nivea好多潤膚產品我都試過，例如經典嘅小藍罐，白色罐潤膚霜，但質地對我嚟講都太潤太厚。而呢隻深藍色樽嘅深層潤膚露係以前會用晒嘅產品。 深層潤膚露嘅成份有深層保濕精華，亦有對皮膚親和嘅杏仁油同維他命E，杏仁油可以滋潤同柔軟肌膚，而維他命E 可防止皮膚受自由基損傷而老化，同時可以幫助皮膚保濕和軟化角質，如果你有皮膚發炎嘅情況仲可以舒緩添，不過我就淨係乾姐。 兩種成份提供5合1全方位護理，俾你48小時深層保濕效果，同時預防乾燥、柔滑肌膚觸感、質地不黏膩、呈現健康肌膚狀態，原本乾到鞋恰恰嘅皮膚，一搽即刻又滑又細緻！ 講咁耐即刻睇下效果啦。首先每一泵嘅份量對我嚟講啱啱好，唔

cynthia_snow好用推薦：最近早晚出街覺得涼爽咗少少，即係香港終於準備轉秋啦！不過，部份日子皮膚亦有啲乾燥、痕癢嘅感覺🥹所以好開心收到2023美妝大賞身體保養產品嘅第二位 —— Nivea深層潤膚露嘅試用，呢個時候轉用呢款比較滋潤嘅潤膚露就最適合啦！ Nivea深層潤膚露成分有深層保濕精華、牛油果油同埋維他命E，經過皮膚科測試唔會致敏，適合任何膚質使用，而且特別適合皮膚非常乾燥嘅人士。 試下同Nivea其他款式嘅潤膚露比較，上圖最左邊係Nivea嘅Express hydration body lotion(普通至乾性肌膚)，中間就係Nivea深層潤膚露，右邊就係Nivea嘅雙管精萃凝乳。可以睇到深層潤膚露嘅質地唔會好杰撻撻、好厚重，係有流動性嘅，所以好易推開。 除左易推，Nivea深層潤膚露亦好易比皮膚吸收。沖完涼之後搽匀全身，唔會覺得黐笠笠之餘，皮膚亦無左繃緊嘅感覺，喺呢啲乾燥天氣更加特別感受得到，而且皮膚摸落好柔軟好滑捋捋😌 就算返工、出街出咗成日，都唔會覺得皮膚有乾燥、繃緊、唔舒服嘅感覺。雖然冇機會測試係咪48小時深層保濕，不過10幾個鐘嘅保濕滋潤就肯定冇問題啦！😆

stella好用推薦：🙂首先感謝Cosme的邀請，在轉季期間可以試用NIVEA 舒敏修復潤膚露. 試用期間剛好入秋轉天氣，肌膚容易泛紅敏感、乾燥繃緊痕癢😥！ ❤️在產品設計上，扁瓶裝配合泵頭使用 方便衛生； 質地方面是輕盈的白色乳液狀，没有黏膩感，易推開， 按幾下就能被皮膚完全吸收，滋潤清爽 🙂即時感覺：塗上NIVEA 舒敏修復潤膚露後，感覺滋潤好似有一層薄膜鎖住肌膚水份，肌膚柔軟細緻，即時改善泛紅和舒緩痕癢，繃緊沒有了 🙂第二天感覺：早上皮膚還有水潤爽滑的感覺，長效改善乾燥敏感泛紅 🙂使用十天後： 肌膚乾燥緊繃的感覺消退了，泛紅的區域也少了， 痕癢大大舒緩 ，讓肌膚重新回到穩定健康的狀態 ❤️整體來說，Nivea舒敏修復潤膚露的定價平宜、容量大，效果顯著 ，整體來説性價比極高。我會回購它並安心放在家裡，而且十分推薦給肌膚極乾燥敏感人士秋冬之選。 😔首天使用前，肌膚十分乾燥極多乾紋 😮使用後，肌膚變得水潤柔軟 😥使用前，肌膚泛紅痕癢 🙂持續使用後，肌膚泛紅減少

Milo101好用推薦：感謝@cosme贈與試用 2023年美妝大賞身體保養第一名的 🌟NIVEA舒敏修復潤膚露🌟 知道NIVEA的身體護理產品一向都不錯 也是消委會經常推薦的 這次舒敏修復潤膚露也是性價比十足的 👍🏻 用後直接給了滿分 🥰 🔹延展性高🔹 質地輕盈細潤，推開後吸收得很好，不會有黏立感，同時又有潤滑的感覺。 另外，延展性是非常好！自己通常是傍晚沐浴後使用，按一下的份量可以在小腿來回延展按摩，配合品牌經典香氣，慢慢按摩四肢，非常舒服的。 🔹修復成效🔹 使用前，腿部的皮膚比較乾燥，偶爾會有紅癢，太乾時更會有乾紋、輕微蛇皮紋，乾燥脫屑。 收到後立即開始每天使用，約十天後再拍照，腿部皮膚乾紋有改善，觸感柔軟，看起來比較光滑健康，也有效紓緩乾燥不適。 產品標榜72小時強效，自己中途有一兩天沒有塗，都不會感到乾燥繃緊，是能夠保持長效滋潤的。 🔹性價比高🔹 產品是由皮膚科醫生研發的，可以平衡皮膚表面微生物。成份中有Dexpanthenol，屬維他命B5，可以修復皮膚表面屏障，減少水份流失。 這樣一支大大支都只需幾十元，成效功能也不錯，性價比非常高！很適合常備

Blooming好用推薦：L'Occitane馬鞭草潤膚露，香味是馬鞭草，帶點檸檬，氣味怡人，質地易推、易吸收，滋潤度也是足夠的，香港一年四季也適用。

Cosmeemee好用推薦：平時有用開呢個牌子嘅hand cream 今次就試吓佢嘅body lotion~ 果然body lotion同hand cream係有好大嘅分別! 對比起佢嘅hand cream 我就麻麻哋佢呢一隻嘅body lotion 因為質地比較稀同埋保濕嘅效果都唔係太好 如果佢用喺腳部就唔錯嘅，會冇咁笠 但係如果當佢係hand cream咁用就一定唔夠保濕 另外,雖然馬鞭草味係Loccitane比較Iconic嘅味道 但個人認為佢嘅味有啲似… 幸福傷風素檸檬感冒特飲😂😂😂😅 就算用耐咗都麻麻哋佢呢隻味 可能係我唔識欣賞😆🤣

hmpanda好用推薦：沒什麼缺點，洗完清爽不乾，過程會有淡淡香味，但不持久，如果喜歡淡一點香味的人，可選這款，特價購買更化算。

choichoi好用推薦：我總是感覺它的橄欖味當中有一股發酵的味道（很抽象），不過也不討厭，質感是接近雪芭似的膏狀，但較雪芭實淨，在冬天使用也不成問題

zetalhc好用推薦：個人非常推介呢支潤膚乳比容易出疹或者出風癩嘅人用～我自己轉季好容易會出疹，加上出汗會好容易皮膚痕癢。夜晚沖涼用左呢個lotion之後即時會覺得唔痕，而且可以舒緩紅腫，用一個星期左右d疹就會退曬。呢個lotion質地比較水潤，夏天用唔會覺得黐立立，香氣好淡好清新而且都容易吸收。最重要係大大支都只係幾十蚊，性價比非常高！

葉子🍃好用推薦：鐘意佢一搽係香甜既燕麥味，質地係比較稀既乳液，搽手掌會比較笠，工作唔方便，呢款唔算滋潤，主要都係日常用黎搽腳同手肘位保濕，搽完要等一等先吸收成膜，用完皮膚比較有光澤

Vlee好用推薦：超乎預期嘅效果 乳霜氣味係有花香味，唔會刺鼻，老公都覺得香 質地剛剛好，容易推開，有足夠滋潤度又唔會太厚 使用後幾分鐘就完全吸收，冇任何黏笠 夏天使用都冇唔舒服嘅感覺 使用後效果比我想像更好 確實做到即時提亮同即時保濕 即使質地輕薄，腳踭位置乾燥都係一用就平滑咗 小腿部份一啲’雞皮’都改善好多 最令我驚喜係 我故意選擇腿部有疤痕位置做前後對比 估唔到連疤痕都有減淡效果 呢個價錢有咁嘅效果完全意料之外 以下附上對比圖，原圖直出 使用前 使用後

letterman好用推薦：首先多謝@cosme先～ 揀中我試用nivea既亮白極致嫩膚乳液！ 之前一直都有用開nivea藍色果支搽全身 今次呢支比藍色款更加水狀，更容易推開到全身 詳情睇圖😆😆😆因為比較水 所以要搽耐少少先會完全吸收 完全吸收之後就會好似下面張圖咁～肉眼可見，其實一搽完就已經白左一度😂😂 呢個亮白真係比之前其他款有感～ 味道都唔會話好大陣～甚至幾好聞 最重要係敏感肌岩用！！！ 男朋友身為敏感肌，用完完全冇話唔舒服，亦都冇話黐立立！！！好難得有款岩佢用！！正啊！

940727.0好用推薦：之前喺朗豪坊ClARINS專門店拎咗呢一支body cream ，這用過佢哋面部護理但未試過身體產品。一支關於纖體嘅body cream ,顏色有啲粉紅色，浸味似薄荷，搽完有少少涼。