2026香港「潤膚乳液」推薦好用排行榜Top20

A&R好用推薦：#火熱新品 Vaseline 水楊酸煥膚精華凝乳適合夏天用，着短褲短裙仔嘅時候喺冷氣房會令到皮膚好乾燥，乾紋明顯，呢支凡士林潤膚乳幾唔錯，保濕度高又唔會好黏立，又唔會黐住啲衫，就算出汗都唔會好油膩。皮膚保濕得來又有得透氣，唔錯唔錯，值得推薦。 精華乳液質地好水潤，皮膚吸收得好快，味道清香。 大大支，性價比高，可以用足成個夏天。🫶🏻

Wongwong好用推薦：多謝@cosme抽中試用。 乳液既質地好水潤，一推就開，搽落手已經好滋潤、好保濕。手肘位既乾紋都因為搽完佢變得嫩滑。 保濕持久度⭐️⭐️⭐️⭐️ 第二日訓醒都保持到嫩滑水潤嘅肌膚，適合每一個季節使用，連夏天用都唔會覺得黏笠。 同平時嘅乳液比較，佢呢款比平時嘅水潤，保濕度高，搽落皮膚都唔會黏笠。 會再回購💕

Fng好用推薦：香港夏天又熱又焗，我本身係混合偏乾肌，最怕防曬嗰種黐立立、油淋淋嘅感覺，所以揀防曬好挑剔。 凡士林呢支「涼感高效防曬精華液」（Extra Cooling Body Serum）係白色精華乳狀，流動性好高，一推開就化成水狀，仲有陣陣涼浸浸嘅薄荷感，好似有陣涼風吹過咁，夏天用真係超舒服！ 最驚喜嘅係佢完全唔黐立立，好快就吸收晒，搽完之後皮膚表面係清爽乾爽嘅，仲帶有少少自然嘅光澤感，完全冇泛白或者起白痕嘅問題。 我連續用咗大約兩星期，朝早出門前搽晒全面同頸，有時連手臂都搽埋。呢排成日要喺戶外走來走去，以前曬一陣已經覺得塊面開始變黃變暗，但呢排明顯膚色keep到均勻明亮，冇再變灰黃。有日仲要喺烈日下企咗成個晏晝，雖然有出汗，但補塗之後都keep到防曬效果，完全冇變黑！ 最鍾意佢清爽得嚟夠保濕，唔會好似其他高防曬度數嘅產品咁又乾又厚。而且佢支裝有155ml，大容量又平，搽身都唔肉痛，真係性價比極高！對於我呢種好怕防曬黐立立嘅人嚟講，呢支絕對係夏日救星，一定會回購！ #凡士林 #Vaseline #涼感高效防曬精華液 #ExtraCoolingBodySerum #夏日防曬 #涼感防曬

Kathy Wai好用推薦： 首先最驚喜嘅係佢嘅冰涼感！一唧出嚟係精華液質地，推開嗰下已經 feel 到陣陣涼意，好似成陣薄荷風吹過咁。 我本身好怕防曬會黐立立，但呢支真係要畀個 Like 佢。質地好輕身，吸收速度極快，搽完著衫完全冇「黐肉」嘅感覺，仲要唔會捽到成手白痕，呢點真心加分。 雖然佢主打身體用，但防曬規格好足，SPF50+ PA++++，仲話防埋藍光同污染。最緊要係佢有埋維他命 B3、C、E，防曬同時順便養護下皮膚，呢幾日用落覺得皮膚滑咗，冇咁易乾。 唯一要留意嘅係，如果皮膚有傷口或者敏感位，搽上去可能會覺得有啲「乸」，因為佢有薄荷成分。整體嚟講，呢支絕對係今年夏天嘅防曬黑馬，特別推介比成日戶外活動嘅朋友！

brown好用推薦：值得無限回購的一款，質地不會太厚，吸收幾好，保濕力足够。味道也很舒服，淡淡椰子味。强烈推薦比敏感和乾燥皮膚的朋友！

rabbit_red好用推薦：最讓人想大力推薦的就是它的質地與膚感：水感清爽、一點都不覺得黏膩，延展性很好且非常容易吸收。因為我習慣全身塗抹，最怕擦完後衣服黏在身上，但這款產品擦完後膚觸乾爽舒適，完全不會沾黏衣服。 在保濕與緊緻表現上，它不僅能提供持久的潤澤度，改善肌膚粗糙感，特別針對手臂內側、大腿和肚皮等部位加強按摩後，持續使用幾天，隔天醒來真的會覺得肌膚更緊緻飽滿、鬆弛感減少。相較於一般質地厚重的乳液，它完美兼顧了清爽度與深層修護，是非常值得推薦的日常美體保養好物！

EL好用推薦：感謝 @cosme 邀請試用 Vaseline 修護緊緻精華凝乳 本身手腳皮膚比較乾同暗沉，有啲蚊爛留低嘅印，望落膚色不均，生完bb後有些少鬆弛 但又懶惰唔太勤力搽lotion或者用去角質產品 今次收到Vaseline呢枝「修護緊緻精華凝乳」 見到佢加入透亮精華、70倍六胜肽&植萃賦活精華，非常期待佢令皮膚明亮同緊緻嘅功效 我每日都係沖涼後即刻用，唧出嚟就得，好方便，質地係薄身水潤嘅，推開好快吸收，完全唔笠，香味比較濃，適合香港春夏天使用 連續使用10日後，我見到手臂皮膚細膩左，保濕度提高，皮膚摸落去好滑，亦都覺得少少白淨左，大髀嘅皮膚都見到比之前緊緻左，不過所有護膚習慣都應該持之以恆，希望繼續用可以勁加明亮緊緻 呢個薄身嘅質地好值得讚揚👍🏻

Meoww好用推薦： 今次curel推出了濕身用身體乳，這款是專為乾敏肌設計，而且用法超特別是沐浴後抹身前用！ 身上還有水珠的時候，泵出適量的身體乳塗抹開，一點都不黏立，很輕鬆就能推開，吸收得很快，一年四季都啱用！掛鉤設計，掛在浴室裏真是太方便！現在已經養成每天塗身體乳的習慣！有時候看到 優惠囤多幾盒❤️❤️大人小朋友都適合用😍這包已經是回購了第兩次

劉肥貓好用推薦：無香料 色素 酒精 使用方便 用後無敏感 呢隻產品用法係沖涼後抹身前 等全身有水份就塗上再用毛巾抹乾水份，但我發覺用毛巾抹乾水份好像同時同潤膚露一同抹去冇乜滋潤效果 我自己就會響沖涼後 全身有水份抹身前塗上 之後我會用風筒吹乾全身 再着衫 滋潤效果就會感覺到

JH好用推薦：多謝cosme提供試用，最近試用咗全新升級嘅水光膠原精華凝乳，效果唔錯！ 平時因為長時間留喺冷氣房，皮膚容易乾燥，容易出現乾燥細紋同缺乏彈性嘅情況。呢款產品正正可以針對呢個問題 質地方面，佢係非常水潤透薄嘅凝乳狀，延展性極高，輕輕一搽就順滑推開，而且吸收得幾好，完全冇厚重或者黏膩感 Before: 比較乾燥After: 冇咁乾燥保濕同彈潤效果真係幾唔錯，即時為肌膚保濕鎖水，原本因為乾燥而顯現嘅細紋被明顯撫平，膚質變得非常柔軟，保濕彈潤 推薦喺每晚沖完涼嗰陣立刻搽，順便做下簡單嘅按摩促進吸收。整體嚟講，呢款升級版精華凝乳無論喺產品質地、吸收速度，定係改善乾紋同提升肌膚彈性上都幾有用

Angelasss好用推薦：首先要多謝 @cosme 送出 水光膠原精華凝乳 💗 今次試用嘅係 300ml 正貨裝，建議連續使用 7–10 日。平時都幾鍾意用身體乳液，不過有時普通身體乳比較著重保濕，想搵一款同時可以令肌膚更加彈潤、柔嫩，就特別期待今次呢款✨ 我本身皮膚屬於混合偏油肌，面部容易出油，但身體肌膚就比較容易有乾燥、粗糙嘅情況，尤其係長時間留喺冷氣房，手腳同大腿位置有時會覺得唔夠水潤😮‍💨 平時如果保濕做得不足，皮膚摸落去會比較乾同冇咁滑。 呢款 GLUTA-HYA 水光膠原精華凝乳 主打「定格少女肌」✨ 加入 70倍膠原蛋白分子，幫助提升肌膚彈性，配合 4D玻尿酸，利用唔同大小分子嘅玻尿酸層層補水保濕💧 主打 5 日飽滿彈潤，令肌膚由乾燥粗糙變得更加水嫩、柔軟同有彈性。 而且可以因應自己需要，用喺全身或者局部位置，例如頸部、大腿、臀部等等，幾方便👌 實際用落，我最鍾意佢嘅係水潤但唔厚重嘅凝乳質地💦 推開好容易，延展性幾高，搽大範圍身體位置都唔會覺得辛苦，吸收之後皮膚摸落滑滑地，唔會留低好重嘅黏笠感✨ 用咗大約 7–10 日之後，最明顯係皮膚嘅水潤度提升咗💧 本身比較乾同粗糙嘅位置摸落柔軟咗好多，

Amyloid Li好用推薦：用起嚟非常潤滑，而且從Miss Dior香水嘅味道係一模一樣 ，個香味可以keep到好耐啊#火熱新品

Emma好用推薦：冬天/冷氣房吹住/沖完熱水涼，皮膚因為乾燥而出現緊繃、泛紅、甚至痕癢時，只要一擦上去就能即時舒緩不適感。 ✨質地清爽，滋潤不黏笠 雖然針對極乾性與受損肌膚的高效滋潤款，但它的質地係好推開的乳液狀。延展性極高，按摩幾下就能快速被皮膚吸收，表面唔會留低一層厚重油膩感。對於我呢啲乾肌人黎講，夏天都可以用到。如果油肌可以轉用清爽淺綠蓋日常款（Daily Moisturizing Lotion）。 同有啲牌子既lotion唔同，有啲用完會feel到油份子太大，只能夠停留肌膚表面，會浮有一層油喺肌膚，入唔到毛孔到，造成表面油內裏乾既感覺。👍🏻而aveeno係水油十分平衡‼️用完皮膚好柔軟，唔會感覺到有油，皮膚一下子吸收哂啲lotion, 持續到第二日都係好嫩滑 ✨標榜溫和無香、敏弱肌首選 無添加人工香料、酒精與 Parabens 防腐劑。慢性乾癢、輕微濕疹或皮膚容易敏感既人用佢作日常保養，能有效穩定膚況、減少復發。 建議皮膚乾燥既人，可以沖完涼用毛巾輕印乾皮膚，然後趁肌膚仲係有少少水份，就搽lotion, 咁樣會更加保濕滋潤

Bubu好用推薦：一轉季皮膚就十分之乾燥敏感，一沖完涼塊面同身體肌膚就會處於脫皮紅腫乾燥嘅狀態，十分之痕癢。 Aveeno燕麥高效舒緩保濕乳質地滋潤又清爽，仲即時舒緩痕癢同脫皮嘅狀況，係轉季好救星！ 

mysecretgarden好用推薦：呢支Nivea深層潤膚乳液我已經用咗一段時間，主要係貪佢價格親民又大支，用嚟搽手同身體都非常經濟實惠。 首先要讚既係佢既質地真係相當輕薄，吸收速度特別快，呢點確實令人印象深刻。尤其適合夏天使用，或者係剛洗完手想即刻保濕既時候。只需要唧少量乳液，輕輕推開就已經迅速被皮膚吸收，完全無黏膩感，用後雙手會變得軟滑，帶嚟清爽既水潤感，感覺相當舒服。如果你或者偏愛輕盈質地護膚品，應該會幾欣賞佢呢種清爽特性。 至於保濕效果方面，我既感覺係：如果係日常一般使用，例如在辦公室或其他室内環境，佢提供既即時補水同軟化效果確實唔錯。但若果對滋潤度有較高要求，比如皮膚本身偏乾，或者遇到秋冬較乾燥既季節，就可能會覺得佢既滋潤持久度未如理想。 產品宣傳既48小時長效保濕功能，根據我個人經驗，就唔係太感受到。洗完手之後，原本既潤滑感會減弱，需要補搽先可以保持滑溜狀態。而且係秋冬季節都明顯唔夠潤。所以對我嚟講，佢更加似一支出色既日常補水型乳液，特別適合用嚟維持皮膚基本既水潤同柔軟度，夏天用就好啱冬天就一定唔夠。 對我嚟講，佢係一支主打清爽、快速吸收嘅產品。味道少少清香可以接受。如果你追求快速吸收、唔黏膩既使用感，

Paris merci 好用推薦：近排天氣轉涼，濕度低，皮膚即刻變乾燥。Nivea出咗多款嘅body lotion，呢款係深藍色，係最滋潤度高嘅body lotion，有牛油果成份，佢仲有一款係淺藍smooth，另外仲有一款白色hydrate 佢質地水潤，而家乾燥一定揀最滋潤嘅版本。body lotion好容易推開，滲透力強，快速舒緩乾燥同埋痕癢，仲可以減少因為乾燥而出現嘅細紋。通常我朝晚外出換衫之前，沖涼之後用一次，咁就已經可以保持成日滋潤。如果真係太乾，就要再用深籃鐵罐版body cream🧴 持續用皮膚會變得好滑，加上吸收得好快。另外都唔會因為乾燥而出現皮膚龜裂嘅情況，平價有效，真係貴為身體護膚必備產品💕