2025香港「前導精華・導入液」推薦好用排行榜Top20

Emily Leung好用推薦：Sofina升級土台美容液測評：泡沫質地真係吸收得更好？ 各位姊妹，今次講呢支土台美容液真係得意嘢嚟㗎！佢唔係普通化妝水，而係一支泡沫型嘅肌底液，仲要係洗面後第一步就用，同平時護膚步驟有啲唔同！ 質地同氣味： 一按出嚟係好綿密嘅泡沫，好似梳乎厘咁柔軟！呢啲泡沫係超微米泡沫，可以滲透到皮膚底層。味道係淡淡嘅溫泉礦物香，聞落幾舒服放鬆。 效果如何？ 用咗之後最大感覺係之後搽嘅護膚品真係吸收得快咗！皮膚好似「飲飽水」咁，水潤度明顯提升。我發覺用咗佢打底之後，就算用返平時嘅護膚品，效果都好咗，塊面有光澤感同飽滿咗。 溫和度： 雖然係肌底液，但出奇地溫和！我敏感肌用咗都冇泛紅或者痕癢。不過第一次用可能有少少刺刺哋嘅感覺，但好快會消失。 有咩缺點？ 夏天用可能對油性皮膚有啲潤，要減少量。同埋步驟同普通護膚有啲唔同，要時間適應。價錢都算中上，但一支都用得幾耐。 總評： Sofina呢支土台美容液真係幾有驚喜！特別適合覺得護膚品吸收唔到、皮膚乾燥缺水嘅姊妹。雖然用法要習慣下，但用咗之後皮膚狀態真係穩定咗同飽滿咗！

Poyobb好用推薦：升級版泡泡肌底液🫧 點解會買？💕 Sofina出名化妝品，但skincare從未用過。而日本碳酸mousse護膚品好出名，一直想試。美容液出咗迷你版，$125/50g，就買咗嚟試吓啦☺️ 賣點💕 全系列的升級土台美容液（肌底碳酸慕絲精華），使用了100％碳酸mousse滲透獨家專利技術，配合新添加人參精華，使滋潤更高效、更持續地滲透到角質層最深處，碳酸滲入皮膚後可以減弱角質細胞間的結合，令老廢角質更易剝落，令堆積的老廢角質正常剝落，肌膚表面變得更平滑🩷 質地💕 潔面後，先用土台美容液碳酸mousse作打底（直徑3cm份量），然後再上toner精華乳液等日常程序 味道聞落好香，泡沫推開會變水潤質地，上面舒服不會痕癢，上面按摩舒適 使用感💕 我混合性皮膚，早上toner 二次清潔後，用土台美容液，再用水凝霜。保濕得來唔會太滋潤，岩岩好保水程度唔會令base搓泥。之前試過其他牌子嘅肌底液，無太大效果或者會好容易出暗粒，但依枝土台美容液無出現暗粒情況，我好岩用😍 效果💕 注水效果優秀，用咗個一星期，感覺皮膚底層水潤咗，毛孔睇落無咁粗大。就算化妝前搽啲清爽嘅水凝霜，化完妝都冇之前咁乾。

Kmggigi好用推薦：L'Occitane Overnight Reset Oil-in-Serum — 修護肌膚，夜間重啟水潤光澤！✨ 呢款Overnight Reset Oil-in-Serum嘅質地係半水半油，真係好特別！ 延展性非常高，輕輕一推就可以均勻塗滿全臉， 仲可以順便用嚟按摩面部， 幫助吸收同促進血液循環，使用感非常舒服。 不過，佢嘅氣味比較濃郁，有一種植物精油嘅香氣， 雖然有啲人可能會覺得放鬆， 但如果你對味道特別敏感，就需要考慮清楚， 可能會覺得有啲過濃。 用完之後，第二日瞓醒會感覺面部冇咁乾燥， 肌膚觸感柔軟、細滑，充滿水潤感， 呢款精華嘅半油性質應該幫助咗鎖水， 令肌膚保持住水潤嘅同時， 仲散發出自然嘅亮澤感， 特別適合乾燥肌膚或者轉季時使用！💧✨

Fng好用推薦：L'Occitane 蠟菊換活雙效精華屬熟齡混合肌夏日抗老輕盈之選 L'Occitane呢支雙效精華絕對係懶人抗老恩物！同其他品牌抗老精華（如Clarins雙泵精華、Estée Lauder再生精華）相比，佢贏在二合一設計——水狀精華+輕盈油質地，搖勻後一拍吸收，唔會黏笠或浮面，夏天用零負擔✨ 熟齡混合偏乾肌實測：冷氣房內保濕力可維持全日，面珠墩明顯飽滿咗，乾紋有即時淡化，同時T位無泛油光。持久度驚艷過Clarins（後者較潤膩），又唔似EL咁需要疊加其他保濕。蠟菊成分抗氧效果好，帶妝8小時無暗沉！ 唯一要注意係極潮濕日子可減半用量，但一般冷氣環境下平衡度完美。價錢中高但用量省，一支搞定保濕+抗老～ 推薦給：✔️ 熟齡肌要輕盈但高效抗老 ✔️ 怕精華層疊太厚重 ✔️ 夏天想簡化護膚步驟！

mandy好用推薦：Sulwhasoo First Care Activating Serum VI 雪花秀 潤燥再生精華(第六代) $630 / 60ml + 8ml x 8pcs (Black friday Sulwhasoo Online Shop promotion only) 不經不覺潤燥再生精華已經來到第六代啦～ 而我也是愈來愈喜歡使用潤燥再生精華， 昇級版的第六代潤燥再生精華比上一代更好用， 試用過就愛上，即時變成鐵粉了。 蘊含大量美肌成分，如：保濕成分、抗氧化、抗衰老及鎮靜消炎等成分。 潤燥再生精華(第六代)的質地非常水感清爽，適合不同膚質使用，延展性亦很好，可輕易在全面推開按摩，而且即時被肌膚吸收，完全沒有黏笠感。使用後，肌膚更加保濕水潤，而且膚況更穩定，並且具提亮功效。 含保濕成分: 丁二醇, 甜菜鹼, 雙-PEG-18 甲基醚二甲基矽烷, 黃芩根萃取, 乙基己基甘油, 角叉菜, 蜂蜜, 戊二醇, 生物糖膠-1, 丙二醇, 梅果萃取 及 氫化卵磷脂 抗氧化成分: 黃芩根萃取, 可哥萃取, 蜂蜜, 羥基積雪草甙, 地黃根萃取, 甘草酸鉀, 乙基維他命C, 牛磺酸

Chloeincosme好用推薦：🤍 質地同吸收度：4.5/5！雪花秀再生精華第6代延展性極高，少少夠搽全面，推開後好快被皮膚吸收，吸收後皮膚好水潤，摸落去又軟又滑！ 🤍 修復效果：5/5！用咗一段時間，覺得皮膚彈性同光澤感有明顯提升～原本暗沉同粗糙嘅位置變得細緻咗，膚質整體穩定好多，夜晚用第二朝起身塊面依然水潤飽滿✨ 🤍 晚間專用：4/5！由於精華營養豐富，同我嘅日間防曬/粉底有少少「打交」情況（容易搓泥），所以我會專登留喺夜晚用～咁樣反而更好發揮佢修復同滋潤效果！ 🤍 溫和度：5/5！成分溫和，敏感肌用都完全冇問題～淡淡嘅草本香味好療癒，用完覺得成個護膚過程好享受～ 總結： 雪花秀再生精華第6代絕對係夜間修護嘅高手！雖然唔太適合妝前使用，但夜晚用就可以享受佢帶來嘅彈性同光澤感😎🥹～持續使用真係會覺得膚質提升咗一個層次，已經成為我晚間必備嘅修護伴侶！推薦比乾肌、輕熟齡肌，或者追求修復同滋潤嘅你！

Candy Ng好用推薦：大家到了輕熟女階段，一定要試下有PRD成份的護膚品。 即使它是家用護膚品，但係大家用過之後，真係會見到有垂墜感的肌膚有挺立起來的感覺，及改善大家毛孔的問題。我開始就用100針PRD 的精華，已經係感覺到這些功效。上臉，大家會覺得有"吉吉"地的感覺，不過都係一陣的，過了不久就會消散。如果針數愈大，刺痛嘅感覺應該會更加強烈😂 提提大家，如果皮膚比較容易敏感，角質層比較簿的人士，都要比較小心。因為我試過頸部都搽埋這個精華，出現一些敏感嘅情況，不嚴重，但係有啲痕癢🤭

Sophia好用推薦：VT Cica Reedle Shot 微針系列愈來愈多款式，我由微針濃度較低的100開始用起，現在用到700亦無問題。超細小的微針能有效地將精華導入肌膚深層，讓肌膚更快吸收，對後續用的其他護膚產品也有幫助。我會於夜晚使用，第二朝皮膚會感覺更滋潤有光澤，而且毛孔也變得更細緻。雖然一開始會有輕微刺刺的感覺，但只是搽上面的時候會感覺到，而且很快就消失了，不會造成任何不適。如果擔心皮膚敏感的朋友，建議買一片VT的微針mask試，都有相同精華先搽上面再敷mask，試試是否合適自己膚質才入手整支精華😉 #火熱新品

Fng好用推薦：cle de peau the serum 第四代質地更清爽輕盈，容易吸收，一啲都唔黏笠，用後皮膚明顯光亮，就算熬夜後第二天皮膚亦冇疲態， 膚況會keep得穩定，不會爆瘡，有光澤飽滿水潤感， 不存在暗沉。 我用了幾樽後，發現自己皮膚明顯細緻咗，毛孔慢慢收細，有彈嫩緊緻功效，抗老必選，泵裝設計使用上更方便衛生，唔怕產品氧化。

HYL好用推薦：我用了半個月，同事說我皮膚變透亮了，應該是健身加護膚的功效 質地輕薄，延展性好，容易吸收，塗抹後有水潤感，不會給肌膚造成負擔 後續疊加其他護膚品也不易搓泥

Fng好用推薦：belif 復活草保濕肌底精華混合偏乾肌嘅💙長效水庫 💦 ✨膚感與效果 透明凝露質地，推開瞬間化水！吸收速度超快，用完皮膚即刻有種咻一聲飲飽水嘅感覺～香港夏天用完全零黏膩，後續擦防曬唔搓泥！最驚喜係保濕續航力超強，冷氣房吹足8小時都唔繃緊，兩頰乾燥位明顯柔軟咗～ ✨夏日護膚程序建議： 🌞早晨：溫和潔面→ belif肌底精華 → 清爽保濕乳液 → 防曬 🌙晚間：雙重清潔 → belif肌底精華 → 重點抗老精華 → 輕盈晚霜 💦每週加強：T區深層清潔 + 保濕面膜全臉敷 ✨同價位產品比較 VSKiehl's冰河醣保濕精華：Kiehl's較潤但夏天用稍嫌厚重； VS Innisfree綠茶籽精華：綠茶籽清爽但保濕力無咁持久； VS Laneige水庫精華：兩者質地相似，但belif溫和度同保濕力都更勝一籌！ ✨缺點提醒 香味偏草本（復活草味道），唔鍾意草味人士可能唔like～極乾肌冬天可能要疊加乳霜～ 總結：$300內嘅保濕天花板✨ 清爽長效二合一，混合肌夏天恩物！必回購！

bellahly好用推薦：呢隻基底精華喺洗完面之後搽。 質地輕盈，容易吸收，搽完之後好似有一層膜保護皮膚。 雖然佢係保濕為主，但係都仍然要加埋其他護膚品一齊使用，可能對油肌/年輕肌嘅感覺會比較好，有折或者套裝可能會再購買。

Desse好用推薦：喱款肌底液有著 小黑瓶 平替嘅美譽💓 當然要買嚟用吓啦 L’Oreal Paris 第三代青春密碼酵素精華肌底液 主要嘅成分有： •雙重酵母精華 : 提升肌膚修護力，強韌修護，柔化細紋 •S.F.E發酵精萃 : 有助擊退老化細胞，深入滋潤養護肌膚 •二裂酵母 : 強韌肌底，維穩修護 我就買咗8支 set 裝 用到最後兩支啦.. 大約用咗1個月左右 實測報告🧏🏻‍♀️🧏🏻‍♀️🧏🏻‍♀️ 💡雙酵素精華 強調修護及抗初老能力💪🏻 幫助提升肌底健康..增加彈性及水潤度 減淡細紋同皺紋 用咗一個月.. 眼尾嘅細紋有明顯嘅減淡 肌底膚色有變得清透 有效提升肌膚 #透明感 💡質地超水潤型 好容易吸收💪🏻 不會黏笠或起屑 各類膚質都適合..後續疊加其他護膚品不卡粉🧏🏻‍♀️ 💡保濕力好 膚質睇落即時變得飽滿有光澤 連續用咗一星期後.. 明顯見到膚況穩定咗 細紋又減淡咗😌 💡價錢親民，性價比高 平價小黑瓶..CP值高而且容易持續使用 🔔🔔🔔留意番 如果買支裝.. 記得擠得輕手啲.. 質地極水潤.. 需要嘅份量好少 小心浪費🔔 總結吓🧏🏻‍♀️🧏🏻‍♀️ Youth Code

Fng好用推薦：L'Oréal 歐萊雅 青春密碼酵素精華肌底液用後感｜熟齡混合肌夏日開架打底王 歐萊雅呢支「黑樽」肌底液絕對係開架傳奇！核心成分二裂酵母發酵產物搭配酵素，溫和代謝老廢角質同時修護肌底，成分結構與貴價精華相近，但配方更注重清爽度，適合亞洲炎夏✨ 膚感實測： 水潤質地推開即吸收，滲透速度比OLAY青春密碼更快，用後皮膚軟嫩但表面零黏膩。熟齡混合偏乾肌夏天用完全無負擔，後續疊加防曬或粉底亦唔搓泥。 持久度比較： 保濕力約維持6小時（稍遜於SK-II神仙水），但維穩效果出色，持續使用兩週可見毛孔細緻、膚色勻淨。相比Innisfree綠茶籽精華（純保濕）或The Ordinary buffet（較黏膩），呢支平衡角質同抗老功能更全面。 夏日使用Tips： 冷氣房可拍兩層加強保濕，極潮濕日子單層已足夠。兩百幾蚊有30ml，性價比高到笑！ 推薦給：✔️ 追求平價酵母精華 ✔️ 怕厚重打底產品 ✔️ 夏日需要溫和煥膚+抗老二合一！

Emily Leung好用推薦：Muji導入精華液用後感｜簡約派嘅保濕打底神器！ 身為簡約護膚派，Muji呢支導入精華液（Moisture Serum）真係深得我心！平平哋，但效果絕不馬虎。 一貫Muji嘅簡潔透明樽身，睇得晒入面仲有幾多，夠晒實用。擺喺化妝枱上，零違和感。 點解會用佢？ 我護膚第一步就係用佢嚟打底，質地係透明嘅凝露狀，非常水感。一搽上面，咻一聲就吸收咗，之後再搽化妝水同精華，感覺後面啲護膚品吸收得快咗同好咗！ 推開就變成水一樣，完全唔黏膩，保濕感即刻有。無論咩膚質都用得到。 效果有幾好？ 最明顯係皮膚飲飽水，冇咁容易乾到繃緊。尤其係轉天氣或者開冷氣瞓覺，用咗佢打底，第二朝塊面都依然保持水潤軟滑。妝前用，個底妝都會特別貼服。 用之前皮膚有啲乾，用完之後即刻有層水潤光澤感，摸落去滑溜咗。 總括嚟講： ✅ 優點： 價錢親民、成分簡單溫和、保濕力足、百搭唔會「撞護膚品」 ❌ 缺點： 功能專注保濕打底，冇其他美白抗老等功效 咩人最啱？ ➡️ 追求性價比嘅學生黨同小資女！ ➡️ 護膚步驟喜歡簡簡單單嘅人！ ➡️ 需要一支萬用打底精華嚟加強後續保養嘅你！ 一支唔會出錯嘅基礎入門精華，誠意推薦

TY好用推薦：爽膚水質地，吸收得幾快，吸收完之後唔會覺得笠，有保濕效果。 夏天出得多汗我會用水洗一洗面再拍佢，或者倒啲落化妝棉直接抹面，等塊面感覺冇咁污糟。

A&R好用推薦：GLYCEL Essential in Oil精油質地輕盈，推開好快吸收，唔會覺得笠。用嚟按摩或者加幾滴落護膚品入面，效果都好明顯，皮膚即刻柔軟同有光澤。 一滴就可以令皮膚水潤度提升，乾燥位置改善咗，仲有種亮澤感，皮膚狀態更穩定，感覺好似幫肌膚做咗深層修護，滴管方便控制用量。 其實冇乜香味，含8大活膚油（薰衣草油、摩洛哥堅果油、山茶花油、玫瑰果油、安第羅巴果油、亞麻薺籽油、向日葵花精華及角鯊烯）與8大細胞修護元素，為肌膚帶來全面修護。 開瓶後一年內用。

何何好用推薦：係glycel有做facial, 有次佢幫我抹面，我覺得好香問佢係咩product黎，佢話係皇牌紅水，保濕舒緩好有效。我就有興趣買左支正貨返屋企😍 用左幾次，佢有個問題係太杰，一定要用化妝棉滴小小再拍上面，如果用手拍會太厚，冬天都會太潤，立痴痴既感覺。🥲 另外，可能我開左佢太奈冇用晒，佢有啲變味，之後只好係用黎搽手腳用晒佢。但手腳就吸收得好快😆😆😆😆

Stephanie好用推薦：VT是我第一個選擇用PDRN產品的牌子,因為 據說產品萃取知植物原材料比起大熱的三文魚 PDRN植物萃取的成份比較溫和。塗抹面上沒有 很明顯的香氣,塗在面上很快吸收。我是配合着 微針 100和PDRN面霜一起用,本來沒有抱着很 大的期望。結果在連續使用第三天後早上起床照 鏡時,說不出來改善了那個地方,但是就竟然發 覺面上在微微發光。 168/2000