L'Occitane en Provence

[新升級配方] 蠟菊煥活雙效精華

很開心收到 @cosme 贈與試用 一直以來都認識L‘Occitane這品牌 比較常用它的身體保膚產品 較少使用它的臉部護膚品 也知道之前的蠟菊精華最近一直高踞@cosme榜首 所以也很期待這次的 ✨全新升級版 蠟菊煥活雙效精華✨ 透過玻璃樽身 已經可以見到密密麻麻的蠟菊精華粒粒 質地是淡黃色的gel狀 推開後精華粒粒會自然溶化 一邊按摩一邊伴隨着蠟菊的香氣 是清香且天然的那種 所以聞起來是非常舒服的 (剛好發現菊花跟這個初秋的季節很搭~）😀 塗上後感覺很柔軟 質感是滋潤 但不會油膩 慢慢觀察 毛孔細紋有即時微微改善 如果有紅印、輕敏感的狀況 會發現紅印有漸漸緩解 後來用測膚儀測試一下 塗上精華後 水份及肌彈力即時提升 即使過了兩小時後 水油平衡、肌彈力仍然可維持 可見其即時修復屏障提升膚況能力～ 這陣子因為鼻敏感影響睡眠 再加上經常吃煎炸食物 皮膚應該是疲態盡現 用了蠟菊精華後 膚況是非常穩定 光澤、水潤、彈性、光滑度都得以維持～ 連續使用14天 細紋乾紋有微微改善 再使用測膚儀測試 發現無論塗精華前後 整體水潤度都提升了 塗完精華後 肌彈力更達到m

這是我第一次抽中 @cosme的試用募集活動，也是第一篇心得，希望能為讀者提供到有用的資訊 💝 我是普通辦公室社畜，多數處於冷氣房。中女乾燥肌，狀態不好或轉季時，皮膚容易敏感泛紅，甚至發炎脫皮。 今次有幸率先試用 L'OCCITANE 9月正式上市的 全新升級版蠟菊煥活雙效精華。試用 10晚感覺良好，非常適合 30歲以上的肌膚。 為更清楚顯示精華的質地，按多了份量在手背，平時用這裡的一半份量就夠！ 精華帶淡花香，質地水狀，塗上面感覺清爽而且快速吸收，相信混合肌也能駕馭，極度乾燥肌則需要考慮。 Day 1 😯 使用前 vs. 使用後即時如平時一樣，我於洗澡後用爽膚水，然後第一次塗上今次的試用品。雖然效果未很明顯，但已看到有即時減紅及撫平脫皮的滋潤效果。 Day 11 😊 起床後即時經過 10晚每天持續使用雙效精華，於第 11日起床時拍攝近鏡所見，皮膚比起 Day 1明顯比較平滑、有光澤、泛紅減少，也沒有脫皮。 總括來說，L'OCCITANE的 全新升級版蠟菊煥活雙效精華，對 30歲以上的肌膚有改善疲態、平滑肌膚、提亮膚色、為肌膚帶來水份及光澤的效果。我會繼續使用 💝

多謝@cosme提供試用L’Occitane 全新升級版蠟菊煥活雙效精華30ml 試用時間：2星期 精華質地是黃色啫喱狀，唧出黎入面有一粒粒珠珠，塗抹後珠珠變成水狀，質地清爽不油膩，還有一股菊花香味，十分清新。 精華我只在晚上睡覺前使用，用後肌膚感到保濕和飽滿。第二朝起身肌膚依然感到保濕，水油平衡不錯，不會出現成面油光。 持續使用精華兩星期後，肌膚比較有光澤和保濕，敏感泛紅情況有改善，摸落皮膚比較光滑，柔軟和有彈性。毛孔好似有細咗少少。 最近天氣開始轉，會持續使用一段時間再觀察皮膚穩定情況。

多謝Cosme 邀請我試用 L’occitane 最新升級版蠟菊精華 。 本身膚質毛孔粗大，更會因為轉季而變得唔穩定，出現脫皮乾燥泛紅，而依支精華含有可舒緩敏感嘅蠟菊成份，仲可以維持一整晚嘅保濕，翌日朝早都咁水潤。 效果：爆水保濕，舒緩泛紅，收毛孔 質地：透明gel狀精華，內有一粒粒細細粒嘅黃色精華粒，推開就會破裂。質地好水潤，皮膚超易吸收，塗上去唔洗一分鐘就吸收晒，完全無粘膩嘅感覺，就算轉秋季都足夠保濕。香味：一貫菊花嘅香味，感覺好舒緩放鬆，更覺得好天然無添加。 用後感：連續用左7日，效果非常顯著，超差嘅皮膚狀況用左佢可以即時急救到，翌日都可以照常化妝，唔洗再擔心又會缺水嘅皮膚脫皮毛孔大而上唔到妝，又或者突發敏感，舒緩降紅咩都搞得掂，敏感肌專用。

本人混合性皮膚。 這支精華不黏笠，很清爽，有淡淡的香氣。 一支出來是淡黃色的，裏面有很多小粒子。 早上使用一泵，晚上使用一泵半或兩泵。 對混合性皮膚來說夠保濕，使用後感覺臉上比較有光澤。 使用用了兩個星期，感覺良好。 令我皮膚比較穩定，中間生理期也沒有怎樣出荳荳。 這支精華的質地很輕盈清爽，但是保濕度很足夠，本來使用之前鼻子有點脫皮，使用後就沒有了。 這支用起來令人有驚喜，使用後肌膚的光澤感提升了，臉部也比較平滑。 成份相對天然，令人使用時感到安心。 使用感覺良好，很大機會會回購。

好開心可以試用Loccitane 全新升級蠟菊煥活雙效精華 產品質感非常水潤，易推開易吸收，帶有淡淡草本香味，可以先泵到掌心，輕輕聞著精華的香氣，更可鬆馳神經放鬆心情。精華帶有一粒粒蠟菊精華粒子，泵出來一推開就會融為一體。 大約兩泵份量已足夠全面使用，輕輕在面頰額頭位置推開，幾分鐘已經完全吸收，毫無黏𥹉感，適合四季使用，特別係香港呢D潮濕悶熱嘅天氣。使用約兩星期，可以見到皮膚變得有光澤和細緻，提亮效果不錯。

多謝@cosme邀請我試用！本身好鍾意呢牌子嘅handcream，所以對佢嘅精華都非常期待 佢嘅包裝非常靚，好夢幻嘅感覺，入邊有啲梔子粒粒，佢嘅質地有啲流動性，好輕盈水潤，搽上面好快就吸收，唔會笠，後續搽面霜都唔會有負擔，冇打交。 本身我係乾性肌膚，而且容易敏感，最近去完旅行，皮膚好唔穩定，又紅又乾。但用完呢隻精華一段時間，塊面冇咁紅，有穩定咗好多，起到紓緩嘅作用，非常適合乾性肌膚用。皮膚睇落細緻水潤飽滿咗，希望長期使用能夠令皮膚keep住穩定。 使用前使用後

多謝@cosme 的私下募集，選中試用L’Occitane 新升級蠟菊煥活雙效精華😍 蠟菊系列絕對是L’Occitane 的皇牌產品，收到產品後已經急不及待試用！ 升級版的蠟菊煥活雙效精華，藴含極致萃取，1 0 0 ％天然有機蠟菊，其蠟菊油利用蒸餾技術，每1噸蠟菊只能提煉2 K G蠟菊精華油，非常寶貴。同時，添加千日菊精華及梔子萃取物。成份天然，敏感肌也能安心使用。 精華質地比較黏稠，塗上臉後，明顯充滿光澤惑，效果即時看到。連續使用14天後，水潤感有提升，細紋亦減少。令我最驚喜是泛油情況有所改善，夏天最怕的油光，變得穩定。相信使用更長時間後，會有更好的效果。 如果你也細紋、臉泛油光的煩惱，非常推薦你去嘗試此產品🤗

#火熱新品 🕒使用時間：持續使用三天 💆🏻‍♀️個人皮膚狀況：混合乾性肌膚 使用產品後沒有任何過敏反應 呢個系列一直係L’Occitane嘅皇牌產品之一，精華嚟講算係中等價錢，雖然未可以講話性價比好高，但係精華用嘅份量唔多，一支細瓶都可以用到好耐🤣 呢款精華嘅保濕同收毛孔效果顯著，最重要係使用天然低敏配方，亦係呈啫喱狀，用落唔厚重亦唔油膩，易推易吸收👌🏻 但相比起普通版，我認為呢款升級更適合晚上使用，尤其是喺冷氣房，可以比肌膚慢慢吸收同幫肌膚成晚做保濕💧 🙌總結評分🙌 產品質地：♥️♥️♥️♥️♥️ 保濕功效：♥️♥️♥️♥️🤍 平滑肌膚：♥️♥️♥️♥️🤍 推薦程度：♥️♥️♥️♥️🤍

多謝@cosme 抽中我試用全新升級 L'Occitane 蠟菊煥活雙效精華。 精華質地好似啫哩狀，容易推開，推開之後感覺比較水感，保濕得嚟清爽唔黏笠，感覺比較適合夏天用，精華有淡淡嘅菊花香，聞落感覺好清新。 本人皮膚係乾性敏感肌，長期係室內有冷氣既地方下，試用咗尼個精華2星期，最明顯既分別係皮膚比之前明亮有光澤，冇咁暗黃，氣息好咗，其他方面感覺沒有太大變化，可能要再用多一段時間先感受到，整體嚟講係不錯嘅，但以價格嚟講，性價比不高。

一直都有斷斷續續使用L’OCCITANE嘅產品。感謝@COSME嘅邀請，很開心有機會抽中試用升級版蠟菊煥活雙效精華。 以前都有用過這款精華，但本人皮膚屬於混合性，冬天用的時候會覺得很適合，用完感覺皮膚很光滑滋潤，還很喜歡它淡淡的蠟菊味道; 到夏天用的時候，因感到T字位出油，所以係夏天會停用。 這款新的升級版剛好係我旅行前收到。最初幾天係香港30度左右的高溫試用下，這款升級版給我另一種體驗。升級版更能減淡幼紋，令毛孔變細，用後沒有油膩感覺，皮膚很快便吸收。因效果顯著，於是我帶埋去旅行用；歐洲天氣比較熱和乾燥，用後上妝更貼服。這支升級版一年四季都適用，日後用完這支定會回購。

之前都有用過L’occitane的洗護系列，不過就未用過同品牌的護膚產品，所以今次好幸運地首次試用到L'occitane的蠟菊煥活雙效精華，謝謝@Cosme和L’occitane。 淺黃色gel狀的精華入面有好多黃色珠珠，推開會溶化，塗在臉上感覺非常輕薄清爽又唔油膩，保濕效果好，用了精華第二日上妝都很貼服。 持續使用半個月，覺得肌膚整體水潤有光澤了，不再乾燥，而且細紋及毛孔都有減淡，肌膚狀態變得穩定。

很高興可以抽中試用L'Occitane新升級蠟菊煥活雙效精華。樽身外型好靚，漸變顏色嘅玻璃樽，打開蓋里面係泵頭設計，每次撳2泵已足夠搽勻全面，質地透明帶有黃色精華粒子，味道似清新菊花香味，精華質感唔厚身，搽完好快吸收，即時保濕，皮膚水潤度同光澤度都提升咗，用咗一排感覺肌膚彈性好咗，比以前光滑咗，全日到保持水潤嘅感覺，值得回購。

首先多謝 @cosme 抽中我試用今次全新升級 L'Occitane 蠟菊煥活雙效精華 而家香港處於濕熱天氣，而且係室內都係開冷氣。 皮膚經常出汗令到易敏感+乾， 用左兩星期後，皮膚明顯保濕度有所提升，朝早起身明顯感受到皮膚有飲飽水。另外原本面頰比較乾同敏感，下顎線會乾到痕，呢個精華有小小舒緩到呢個情況。 產品質地十分清爽，推開後好水潤唔黏笠。 只不過產品味道頗大，如果對氣味布要求可以建議去專櫃試一試先，本人就幾鐘意呢個草本香味。 

多謝@cosme提供全新升級版蠟菊煥活雙效精華 官方介紹新升級配方蘊含100%天然有機蠟菊，配合其他植萃活性成分，帶來比上一代更強的活膚功效，包括促進肌膚自我修復、強化肌膚屏障，敏感肌也適用 升級版蠟菊煥活雙效精華可以看到裏面帶有黃色蠟菊微精華粒子，質地偏輕身，推開後感覺到清爽，精華粒子會溶化，上臉吸收速度好快，而不會覺得笠痴痴，氣味也覺得舒服，是天然植物的香氣 使用精華後，感覺到皮膚更保濕，即時看到一些小細紋有減淡，而且皮膚更有光澤，看起來更飽滿，肌膚水油平衡更穩定 因為我的皮膚薄，容易泛紅，在使用一段時間後，平時洗面後會出現的泛紅敏感有所舒緩，皮膚變得更有光澤，更水潤，感覺平時護膚的功效更加顯著，膚色更有明亮感，膚質更平滑