敏感肌保濕 推薦好用產品

Wuxx好用推薦：雖然我好鍾意試新嘢， 但每到冬天我一定會買返韓國品牌嘅護膚品， 因為佢哋嗰邊嘅氣候本身就比較乾燥， 所以我相信佢哋會更清楚點應對乾燥氣候， 係香港冬天嘅時候用佢哋嘅產品會更加適合。 一直都好鍾意韓國呢個品牌， 因為佢崇尚自然發酵嘅品牌理念好好， 特別係依枝肌底精華真係效果顯著， 名副其實肉眼看得見嘅改變。 雖然佢話係精華，但我覺得佢似非常高修護嘅化妝水， 夏天用完佢基本上可以直接搽cream， 但係冬天用佢係有種令後續護膚得到昇華嘅感覺， 有時冬天濕度高唔想用太厚重嘅化妝水我就會揀用佢。**顏色有少少似洗米水，味道好舒服

Paris merci 好用推薦：依款Cetaphil潤膚膏真的是家中必備！ 佢嘅質地相對較厚，抹開會感覺到一層滋潤既保護膜，非常安心。而且成份不含香料、酒精和，使用唔會擔心成分問題！即使濕疹問題、皮膚紅、癢時候中，也不會覺得刺痛，反而可以迅速舒緩干燥。 雖然夏天用嘅時候會有啲黏，但在乾燥嘅冬天，效果非常好。用完之後皮膚變得柔軟，保濕效果真係維持得唔錯！身體面部都用得，我會自己入落個細罐，出街洗手後會覺得手乾，直接用佢當手霜用，保持手部皮膚滋潤。 推薦比濕疹或者皮膚較乾燥嘅人！呢個牌子小朋友都用得。手上呢款係550g大罐潤膚膏，藥妝店買大概$1xx，超級抵用💕

Yuki好用推薦：之前小朋友爆濕疹 用左幾款body cream都唔見效 咁啱有媽媽係whatsapp分享 話用左2星期皮膚就好哂 即時去買樽試下超大樽550g白色豬油膏質地好厚身但都好易推開冇香味 有淡淡嘅藥膏味 推開後唔算好黏立 但會感覺有層薄膜係面 要俾d時間皮膚慢慢吸收用左2星期濕疹皮膚真係好哂 非常有效而且價錢平 性價比超高 最重要係潤膚膏冇類固醇 小朋友自己一個用搽全身 1樽550g可以用到4個月同埋唔阻塞毛孔 唔會引起粉剌 配方温和無藥性不含香料唔刺激 可以用係面同全身 1樽攪掂哂 產地：加拿大 購入日期：2024-10-24 購入方式：萬寧門市 入手價錢：HKD104/550g (HKD0.189/g) *最平買過$95* 原價：HKD160 (HKD0.291/g) 回購：10/10

Tobimak好用推薦：呢隻Snow Fox出既mask我已回購了最少十次❤️ 我平時習慣將d mask放在雪櫃，敷上面時能做到收毛孔效果。呢隻mask敷上面會feel到有微微薄荷感，但並不會刺激到皮膚，而係有一種清涼既感覺。我有時皮膚會泛紅及過敏，甚至係打完laser，一有呢啲情況出現時我就會敷呢個mask，能即時feel到有舒敏、急救皮膚的效果。

lingbb好用推薦：- 專係修護曬後肌膚，亦適合急救疲倦、泛紅、痘痘、曬後及激光療程後嘅肌膚。 - 網上話佢仲有「Hangover Mask」之稱， - 我自己就會係皮膚敏感太乾燥或者有痘痘時急救敷一敷，使用後肌膚因薄荷成份天然降溫、抗菌及預防痘痘和粉刺；皮膚都變得亮白，白咗一度，好精神嘅感覺

Emily Leung好用推薦：Avene再生修護精華簡潔白色樽身，泵出嚟係輕盈嘅乳液狀。 我用咗呢支精華大概一個月，真係好鍾意！ · 溫和唔刺激：我皮膚容易敏感，用呢支完全冇問題。 · 質地舒服：搽上面好快吸收，唔黏立，保濕度夠。 · 退紅有效：面頰泛紅真係減淡咗，皮膚睇落穩定咗同平滑咗。 一支好可靠嘅修護精華，尤其係當皮膚唔穩定或者敏感嘅時候用，效果最明顯。會繼續用落去！

KK好用推薦：質地清爽水潤、延展性佳，上臉後能快速補水並降低乾繃。吸收後不黏膩，膚觸較柔嫩；整體偏舒緩保濕路線，適合敏感或乾燥時期日常使用。

Meoww好用推薦：初初用都只係有少少拮拮地嘅感覺，完全吾覺得痛，精華吸收得好快，皮膚會光滑明亮有彈性。質地亦都吾笠，用後感覺好清爽，日日都可以，暫時嚟講用過最好用嘅微針精華，CP值極高，有優惠會再回購多幾支😍

Poyobb好用推薦：Cerave facial moisturiser lotion產品用過，但最經典嘅moisturiser lotion系列反而未用過，一樣濕疹敏感皮膚都用得。 依排轉季夏天用嘅乳液唔夠補濕，但因為我係一個好容易生暗粒嘅混干肌，揀乳液嘅時候都要謹慎 首先佢係有237 mL同475 mL兩個選擇，兩罐都好大支有排用，都好抵用。佢嘅質感係偏稀嘅乳液，上面嘅時候係好水潤推開晒都好容易吸收，係偏水潤感重嘅乳液。依款亦都有添加神經醯胺、透明質酸、B3，可以修復皮膚屏障，對於我呢種容易起暗粒嘅皮膚，皮膚狀態會比較穩定。用咗一段時間都冇特別敏感，或者爆暗粒。因為佢係純保濕配方，你可以疊加任何嘅精華配搭都得，萬用方便💜 另外，貪方便去旅行一支過，可以用做搽面同身體乳液都得。 但因為我對氣味都比較敏感，依款乳液嘅味道都有啲強，搽上面就會有嗰陣乳液膠味，搽上身體就冇問題，呢一點我有啲唔鍾意。如果搽面用返Facial系列pm會較好🥰

Khloe好用推薦：神經醯胺、透明質酸同甘油都係大家都知補水成份～所以無特別嘢講就講下質地🤣🤣（怕笠必試！）皮膚一到冬天就好乾燥，本身怕黏笠好怕搽完周圍Hi到 呢隻lotion做到快速吸收，通常沖完涼搽手腳同臉，Keep到第二朝瞓醒覺（至少無生暗瘡先！） 岩岩搽上去即影⬆️大概1-2分鐘後⬆️ 摸落仲係滑既😚 佢仲要無香料成分，唔會同髮油/沖涼液嗰啲味撈埋一齊

Chloeincosme好用推薦：呢枝Kiehl’s Facial Cream 係前排Sogx 特價果時買😂 呢款經典保濕霜網上評價好壞參半，今次親身用落，終於明白點解咁多人中意！ 🤍 保濕力：3.5/5 質地柔潤但唔厚重，推開後好快吸收，形成輕薄保濕膜，但我全晚開冷氣嘅話會有少少唔夠保濕🥲🥲 🤍 質地吸收：4/5 延展性好高，少少份量就夠搽全面，按摩兩下已經食入皮膚～ 🤍 溫和度：4/5 冇香料酒精，敏感肌用落零刺激，轉季期間皮膚穩定咗，冇再無故泛紅～ 🤍 適用性：4/5 混合偏乾肌同混合肌用啱啱好，但極乾燥天氣可能要疊加精華油先夠力；油肌夏天用可能覺得有少少潤～ PS.有人話用佢用到爆痘，但我又冇！介意既記得去睇佢個成份表/ 拎sample先！ 總結： Kiehl’s呢支面霜係穩陣嘅日常保濕之選，尤其適合混合偏乾至混合肌，或者身處冷氣環境嘅人～ 不過岩我既面霜太多，佢我就未必回購！

Tszki好用推薦：Kiehl's 第三代面霜即為其皇牌產品 Kiehl's 特效保濕乳霜 (Ultra Facial Cream) 的全新升級版本。 輕盈不黏膩質地，吸收速度快，適合早晚使用。改善乾燥脫皮的效果顯著，令肌膚柔嫩。但在極端乾燥環境下，可能需要疊加精華液；而油性肌膚在夏季可能會感到稍顯滋。 新配方能滲透肌膚表層達 15 層，提供更深層的補水。此面霜能在 1 小時內 開始修復肌膚屏障，並在 2 小時內重建屏障功能。保濕力由原先的 24 小時延長至 72 小時，能有效防止水分流失並舒緩泛紅乾癢。堅持無添加酒精、香料、色素、礦物油及 Parabens 防腐劑，適合包括敏感肌在內的所有膚質。 

Kura好用推薦：呢支精華水真係秋冬轉季敏感嘅救星，精華水嘅質地係偏濃稠嘅，當皮膚感到不穩定嘅時候用呢款精華水皮膚會變得好水潤同埋穩定咗好多，係秋冬轉季必備嘅精華水 @cosme

brown好用推薦：花了大概兩週時間，真的要黎寫好評價！我是敏感肌，換季的時候特別容易泛紅和乾燥。朋友推薦這款精華水，話之前在 cosme 試過覺得不錯，抱著試試看的心態入手了，沒想到效果真的不錯！ 淡茉莉花香，質地清爽不黏膩，上臉吸收很快，完全沒有負擔感。用下來最明顯的感覺是皮膚變得更穩定了，紅血絲沒那麼容易冒出來，而且皮膚摸起來更細膩。 強烈推薦，值得一試的產品！

Kmggigi好用推薦：L'Occitane Overnight Reset Oil-in-Serum — 修護肌膚，夜間重啟水潤光澤！✨ 呢款Overnight Reset Oil-in-Serum嘅質地係半水半油，真係好特別！ 延展性非常高，輕輕一推就可以均勻塗滿全臉， 仲可以順便用嚟按摩面部， 幫助吸收同促進血液循環，使用感非常舒服。 不過，佢嘅氣味比較濃郁，有一種植物精油嘅香氣， 雖然有啲人可能會覺得放鬆， 但如果你對味道特別敏感，就需要考慮清楚， 可能會覺得有啲過濃。 用完之後，第二日瞓醒會感覺面部冇咁乾燥， 肌膚觸感柔軟、細滑，充滿水潤感， 呢款精華嘅半油性質應該幫助咗鎖水， 令肌膚保持住水潤嘅同時， 仲散發出自然嘅亮澤感， 特別適合乾燥肌膚或者轉季時使用！💧✨

Fng好用推薦：L'Occitane 蠟菊換活雙效精華屬熟齡混合肌夏日抗老輕盈之選 L'Occitane呢支雙效精華絕對係懶人抗老恩物！同其他品牌抗老精華（如Clarins雙泵精華、Estée Lauder再生精華）相比，佢贏在二合一設計——水狀精華+輕盈油質地，搖勻後一拍吸收，唔會黏笠或浮面，夏天用零負擔✨ 熟齡混合偏乾肌實測：冷氣房內保濕力可維持全日，面珠墩明顯飽滿咗，乾紋有即時淡化，同時T位無泛油光。持久度驚艷過Clarins（後者較潤膩），又唔似EL咁需要疊加其他保濕。蠟菊成分抗氧效果好，帶妝8小時無暗沉！ 唯一要注意係極潮濕日子可減半用量，但一般冷氣環境下平衡度完美。價錢中高但用量省，一支搞定保濕+抗老～ 推薦給：✔️ 熟齡肌要輕盈但高效抗老 ✔️ 怕精華層疊太厚重 ✔️ 夏天想簡化護膚步驟！

Fng好用推薦：d program 5X酵母益生元保濕強韌精華 用後感（香港春季・熟齡偏乾肌） 🌸✨ 我係熟齡偏乾肌，每逢轉天氣皮膚就反覆敏感泛紅，嚴重起上嚟仲會脫皮，真係好困擾😕 見d program呢支 Intense Enriching Serum（約HK$295 / 45ml）專為敏感肌而設，就跟朋友推薦買嚟試下 🧴 質地：濃稠但易推，吸收快 · 精華質地有少少濃稠，似杰身啲嘅gel，唔係水狀 · 但推開算易吸收，1 pump足夠全面用 · ⚠️ 用後有少少黏立感，尤其潮濕天會感覺到 · 不過等一陣吸收完之後，塊面係爽身唔立嘅 🔬 成份：敏感肌友善，無添加 · 5倍高濃酵母益生元精華：滲透角質深層，改善肌膚微生態 · 有效成分傳明酸 + 甘草酸二鉀：舒緩敏感、防粗糙、改善暗沉 · 七葉樹萃取 + 海藻糖 + 山竹萃取：提升鎖水力，令角質回復豐盈 · 無香料、無酒精、無Paraben，低刺激設計 🌸 熟齡偏乾肌實測：保濕夠力，敏感改善明顯 · 用咗一個月，最明顯係泛紅少咗好多，皮膚穩定咗，冇再無啦啦痕癢 · 保濕力春天夠用：偏乾肌日間單用都ok，唔會乾 · ⚠️ 夜晚開冷氣瞓：要疊多

chuuu好用推薦：敏感肌推薦！ 天氣轉皮膚都變得差 面頰敏感泛紅 額頭下巴暗粒多 入cosme見到精華排行榜 被佢粉紅色包裝吸引 見係敏感都啱用 即刻試吓 優點: 一上手好易推開 上面亦好快吸收 無香味 (個人偏好無香味 唔使驚有加香料容易敏感) 每日早晚用 用左一個禮拜明顯感覺到皮膚好左 額頭粒粒少左 面頰位置泛紅減淡左 摸上塊面滑左 冇咁暗沉 缺點: 份量有啲少 打開蓋實際份量得一半 好快就用完 但係效果好好 敏感個期用可以調整返膚況

chewyfruit好用推薦：#火熱新品 用完之后真係好震撼…… 有咗呢支Laneige水光精華，以後都唔使特登飛去韓國做美容療程喇。。。 一出就喺護膚品競爭激烈嘅韓國賣斷貨，穩坐Olive Young新晉頂流位置。。。 作為實打實嘅水光精華，佢最大嘅殺手鐧就係用咗韓國pfk級別嘅配方，再加埋弱酸性。比水楊酸更溫和，又比單一乳酸更見效，敏感肌都可以放心用！最犀利嘅係無痛透皮技術，可以滲透到10層咁深，先幫你養細皮膚，再逐層補充營養，零毛孔嘅韓女肌邊個唔想要呀！以後都唔使靠磨皮濾鏡嚟執靚相！ 成分真係頂級，有院線同款嘅PDRN、交聯透明質酸同谷胱甘肽，完全係將韓國水光1:1復刻出嚟。唔使飛韓國、唔使打針、唔使使幾千蚊，喺屋企都享受到韓式「無痛水光」呀！ 仲要驚喜嘅係佢嘅細節做到足！呢種負壓鎖鮮設計，㩒一下出一滴，乾淨之餘又可以鎖住成分活性。水感精華質地更加係一絕，一搽就化開，即刻吸收晒，上面清爽唔黐立立，膚感輕盈到完全冇負擔。 堅持用落去，變化係睇得出：以前嗰種「殘樣」直接逆襲成韓妹水光肌，塊面細緻透亮，捱夜搞到嘅細紋乾紋都淡咗好多。連化妝都好似開咗外掛咁，粉底貼到好似焊咗喺塊面度，而家我塊面水光感滿到就

Sakura醬好用推薦：#火熱新品 Laneige 2026年必買精華 💧Laneige水庫補濕煥膚水光精華，主打保濕修護+煥亮，核心Aqua Glass Booster™技術，深層補水，改善暗啞，提升水光感✨。質地輕盈唔黐𥹉，適合多種膚質，尤其乾燥肌，啱晒追求自然護膚嘅姊妹們💕。 韓式水循環修護｜玻璃水光肌 ①7.7%光感煥膚精萃 代謝角質 啟動吸收力 + ②水光能量注能精萃 PDRN X 多重玻尿酸 +113%保濕力 -80%乾燥死皮 即刻水光肌 就好似啱啱做完肌膚護理療程一樣！ 主要功效： 核心係「補水」同「煥亮」。佢透過Aqua Glass Booster™技術，主打深層補水，改善暗啞，令皮膚睇落水潤透亮。 佢嘅「多酸」成分（如水楊酸、果酸）可以溫和代謝老廢角質，令皮膚更光滑透亮，適合追求水光感同改善暗啞嘅姊妹。 質地同使用感： 質地比較輕薄，吸收快，唔黐𥹉，適合多種膚質，尤其係乾燥肌。安瓶設計方便單次使用，旅行攜帶都好方便。 使用方法： 早晚喺化妝水之後用，日頭建議最後一步配搭保濕防曬，一齊更好守護肌膚光澤。 姐妹們，如果你主要想解決皮膚乾燥、暗啞、冇光澤嘅問題，想俾皮膚飲飽水，睇落更透

Liu CC好用推薦： AHC是我使用多年的韓國藥妝牌子，我十幾年前已經有用開它的透明質酸系列，之後隨著年齡增長又轉用AHC的紫色A醛系列，效果不錯，所以我對這個牌子是很信賴的。 剛好我的面霜用完，就想試一下AHC這款B5益菌修護霜，選用它的原因是我的皮膚最近因去海灘游水暴曬導致有少許泛紅過敏問題，而這款面霜含有的維他命B5和益生菌萃取成分有修復維護皮膚屏障的功效。 使用過這款面霜後，我認為它是一款十分適合秋冬季以及脆弱易敏感皮膚的面霜。它的質地如同乳酪一般細膩濃稠，滋潤的同時又不會太過油膩，應用於面部後皮膚看上去水潤有光澤，還可以有效鎮定敏感泛紅的臉頰部位。 氣味方面，這款面霜是無香的，如果你不喜歡有香味的面霜，也可以考慮一下這款。 附上包裝盒上的成分表： 成分表的Google中文翻譯：

Kura好用推薦：呢款面霜質地偏滋潤，我鍾意冬天用，搽上臉需要按摩五分鐘先開始吸收，用完皮膚會變得好水潤，面霜帶有少少香味，唔難聞，我用咗一個月左右皮膚就開始有變化，整體膚質變得細緻咗，保濕效果唔錯，係唔錯嘅冬季面霜，值得一試 @cosme #火熱新品 #火熱新品 #火熱新品

Chloeincosme好用推薦：（你見我影到咁夢幻就知我想大讚佢🤍😆） 前排皮膚長期唔穩定，除左泛紅仲狂出粒粒，所以開左D program Skin Repair Dream 呢款面霜。 揀佢係因為佢嘅配方超溫和，冇酒精、冇香料、冇色素，仲標明「不致粉刺配方」，而且通過敏感同刺激測試，見落都安心！ 🤍 溫和度：5/5 完全冇酒精香料，敏感肌用零刺激！就算皮膚泛紅期間使用都冇刺痛，仲有舒緩效果～ 長期用泛紅有所改善！ 🤍 不致粉刺：5/5 標明「不致粉刺配方」，用咗兩星期都冇生新粒粒，連平時易生暗瘡既面側位都好穩定～（之前用一隻韓國牌子會搞到暗瘡爆得仲勁！ 🤍 保濕修護：4/5 質地柔潤唔厚重，推開後形成保護膜，第二朝起身皮膚水潤飽滿，冇再乾到甩皮～ * 但佢絕對唔係非常非常滋潤/ 油潤嘅面霜，佢喺偏水潤！如果極乾肌就要用保濕精華打底！ 🤍 配方安心：5/5 無添加防腐劑，通過敏感測試，對成分挑剔嘅人可以放心使用～ 總結： d program呢支面霜救左我呢個敏感肌同易生粒粒既人🥹溫和得嚟做到基本保濕修護，仲唔會刺激粉刺問題～會回購，推薦！

Lindabb好用推薦：d program酵母益生元修復面霜使用心得 作為一個皮膚偏敏感、容易喺轉季時泛紅唔穩定嘅人，我對於 冬季護膚 嘅要求特別高。今年 冬天 我就試咗資生堂旗下d program呢款酵母益生元修復面霜，用咗一段時間，真係有驚喜，想同大家分享下！ 1. 質地與吸收度： 面霜係帶少少彈性嘅乳霜質地，唔算好厚重，好容易推開。一塗上臉，會感覺到一種即刻被滋潤嘅感覺，但完全唔會油膩或浮喺表面。吸收速度好快，唔使按摩好耐就已經食咗入皮膚，皮膚即刻有種飽滿嘅光澤感，好適合 冬天 鍾意保濕但又怕黏膩嘅人。 2. 修復與穩定效果： 呢款面霜嘅主打係「酵母益生元」，聽落好似好抽象，但用落真係感受到佢嘅修復力。冬季 嘅冷風同溫度變化，好容易令我塊面有少少刺癢同唔穩定。用咗呢罐面霜之後，皮膚嘅「鬧情緒」情況明顯減少，整體狀態穩定咗好多。我覺得佢唔單止係表面保濕，更似係幫皮膚底層加固咗防禦力，係一款真正有助 護膚 根本嘅產品。 3. 冬季保濕力： 雖然佢質地唔算極度厚重，但保濕續航力絕對夠應付 冬天。就算喺乾燥嘅冷氣房或寒風底下，皮膚都冇再出現繃緊或者甩皮屑嘅情況。佢提供嘅係一種深層滋潤同鎖水，令到成個 冬季

ying好用推薦：🌿 HADA LABO 肌研 H.A. Supreme Cica 舒緩修護精華 積雪草修護・敏感肌救星 肌の静かさ｜讓肌膚安靜下來 🌟 我嘅總結 HADA LABO H.A. Supreme Cica 舒緩修護精華 🌿 積雪草成分，舒緩退紅 💧 4種透明質酸，深層保濕 ✨ 質地透薄，好吸收唔黐 🛡️ 無酒精無香料，敏感肌友好 💰 開架價錢，性價比極高 皮膚泛紅、乾燥繃緊嘅時候 用佢就會feel到「皮膚靜下來」嘅感覺 如果你係： ✔️ 敏感肌／容易泛紅 ✔️ 想搵一支溫和修護精華 ✔️ 想要高性價比開架好物 乾到爆 用少少 就水份UPUPUP🥰 呢支值得一試 回購意願：★★★★★ （用完一定會再買） #hadalabo #肌研 #HASupreme #Cica舒緩修護精華 #積雪草 #敏感肌救星 #退紅鎮靜 #開架好物 #性價比高 #精華疊加法 #肌の静かさ #skincare #hkbeauty #會回購 #精華部門

Fng好用推薦：肌研HA SUPREME 舒緩修護精華｜ 熟齡混合肌嘅「內乾外油」救星！ 香港冬天又濕又凍，仲要喺室內同室外之間進進出出，搞到塊面「內乾外油」仲間中泛紅！肌研呢支舒緩修護精華，今個冬天成為咗我嘅急救法寶～ ❄️ 冬日質地觸感： 質地係濃密化水嘅透明凝露，推開時有種「爆水」感，吸收後皮膚係水潤啞緻，完全無黏膩。對比夏天用，冬天嘅吸收速度明顯更快，好似皮膚好渴咁瞬間飲飽水！ ✨ 針對熟齡混合肌痛點： · 兩頰爆拆急救：暖氣抽乾後薄塗一層，5分鐘即時舒緩緊繃，後續上面霜都無搓泥 · T位油水平衡：無加重出油情況，鼻翼位無因過度保濕而生粒粒 · 泛紅鎮靜：凍風吹到塊面紅卜卜，厚敷10分鐘當mask用，退紅效果明顯 💡 冬日獨家用法： 1. 「暖氣房三明治」：化妝水 → 精華薄塗 → 噴溫泉水 → 面霜，鎖水效果x2 2. 「口罩肌急救」：戴口罩前重點塗鼻樑同顴骨位，減少摩擦敏感 3. 「妝前冰敷」：擠多一泵放雪櫃，上妝前用來鎮靜毛孔 🌟 成分解構點評： • 4重玻尿酸：大中小分子補足不同層次，真係做到「飲飽水」 • 甘草酸二鉀：對抗冬日温差引起的微敏感，溫和到笑 • 無酒精香料：暖

mandy好用推薦：Quality 1st The Derma Sensitive 專業皮膚護理系列 敏感肌專用面膜 7片 $38.5 (2件9折, 之後再95折) from松本清 面膜富彈性，可完全緊貼面部，大小剛剛好，不會太大或太細。 成分溫和，而且含有大量的保濕、抗衰老及鎮靜消炎等成分。 精華量尚算充足(但精華量比Derma Laser 真皮激光 Super VC100面膜少，喜歡敷爆水感面膜的要留意呀!) 使用感舒適放鬆，敏感肌也可敷此面膜， 使用後肌膚即時回復水嫩，而且有效擊退泛紅。 官方使用方法: 於潔淨面部使用，每次只需敷約3分鐘 (我會敷大約5分鐘)。 建議大家可以在早上快速敷這片面膜，不要少看這短短幾分鐘， 可有效即時保濕及鎮靜消炎，而且後續上底妝會更貼面唷~ 含保濕成分: 雙丙甘醇, 甘油, 覆膜酵母菌發酵產物濾液, 神經醯胺 9, 神經醯胺 2, 神經醯胺 3, Ceramide Ag, 神經醯胺 AP, 葡糖基神經醯胺, 黃芩根萃取, 茶葉萃取, 二（月桂醯胺穀氨醯胺）賴氨酸鈉, α-葡聚糖, 玻尿酸鈉, 維他命C磷酸鎂鹽, 甜菜鹼, PCA 鈉, 乳酸鈉, 精氨酸,

Iriskam好用推薦：我因為坐長途機導致皮膚非常乾燥，起粒粒同痘痘，連續使用這個面膜7天後皮膚好了很多，有保濕和抗炎功效，推薦！！

Emily Leung好用推薦：DECORTÉ 抗皺緊致の時光逆襲神器 一款夏天用起來也很清爽的精華，洗臉後第一步使用，好吸收，不黏膩，溫潤保濕，成分溫和不刺激，用完之後皮膚軟軟的，推薦給大家！ ✨多层微脂囊缓释科技✨ 像"时间胶囊"般层层渗透，24h持续修护！ 🌟三大核心黑科技 1️⃣TIME RELEASED MULTILAMELLAR LIPOSOMES 👉 微脂囊體搭載活性成分，智能釋放至肌底 2️⃣Source Targeting™ Technology 👉 精准定位受損屏障，重建肌膚防禦網 3️⃣高濃度植物精粹×角鯊烷 👉 抗氧抗糖雙管齊下，法令紋嘭彈立現！ 使用體驗 💛水感凝露質地一抹化水💧 💛3秒吸收不黏膩，乾皮油皮通吃！ 💛連續使用28天👉 蘋果肌上揚15° 💛細紋淡化80%❗️熬夜肌秒變"反光板"

Yty好用推薦：王牌保濕精華已經用咗好多年，由舊版轉到新版都係忠實粉絲，新版更容易吸收，質地水潤唔黏笠，用咗之後覺得皮膚化妝好貼，「透明感」提升，好水潤，我連去旅行都要帶埋佢先安心，如果係好乾嘅天氣可以口敷咗佢之後再用保濕面膜就會加倍「透明感」，無論係春夏秋冬都非常適合，會一直回購的 #「透明感」#保濕#水潤#【提升肌膚透明感的護膚品】

Wuxx好用推薦：呢一支面膜係有一年我生日朋友送俾我嘅生日禮物， 因為佢好貴所以我一直都收埋喺櫃度唔捨得用~ 直到有一次屎窟痕學人去打斑，打完之後保濕又冇做好， 第日瞓醒成塊面又紅又痕好似啱啱曬完10個鐘太陽咁！勁驚塊面會出事！ 之後我就突然醒起有呢一支嘢嘅存在， 然後我即刻走去開嚟試吓佢有幾瞬間保濕。 點知真係物如其名！ 只係需要3分鐘佢就即刻幫我將塊面急救好，做好保濕，等我唔使嚇到心慌慌！ 自此之後一有事我就會攞佢出嚟用，不過缺點係佢真係好貴🥹 但真心推介啲皮膚成日都會突然間缺水決到唔清楚嘅朋友去買黎旁身~**呈半透明嘅面膜，質地好易推開！

Fng好用推薦：sisley 保濕mask，保濕極好，去到極乾燥嘅國家旅行，有甩皮情況😨， 晚上搽咗佢，聽朝起身 皮膚即刻好返曬，飲飽水咁， 效果顯著， 缺點係價錢偏貴。

橘子貓好用推薦：UltraSensitive Repair Intensive Source Mask 為敏感肌專門研發的面膜，面膜的精華液含有SymSitive、積雪草提取物、維他命B5和透明質酸。 面膜有一定的保濕功效，舒緩絳紅功效則見仁見智了。每次我過敏時用，感覺這款面膜的降紅效果不太明顯。 另外面膜紙使用了可生降解棉，環保理念上是不錯的。但使用感真的十分一般，面膜太過柔軟，容易拉扯變形，對精華液的承載量也不太高，我在敷面膜時，下巴位置已經有精華液會滴落。 在眾多為敏感膚況而設的舒緩面膜中，有其他更好的選擇，這款不會回購了。

Kitty 好用推薦：話說前排轉天氣，塊面又開始敏感泛紅，搞到妝都唔貼服😭 好多人推薦Eucerin呢款修復面膜，專登買嚟試下水！用咗幾次之後同大家分享下真實感受～ ✨質地同香味： 面膜精華液係清爽乳液質地，推開好水潤唔黏膩！無香料味，聞落有淡淡護膚品原料味（唔刺鼻），適合唔鍾意香精嘅朋友～ ✨使用過程： 敷上臉嗰陣有微微涼感，幾舒服～說明話敷10分鐘，但我試過敷15分鐘都無刺痛感（敏感肌表示感動！）沖水後無假滑感，摸落去軟軟嫩嫩～ ✨效果評價： 👉即時補水：⭐️⭐️⭐️⭐️（用完毛孔睇落細咗） 👉鎮靜泛紅：⭐️⭐️⭐️⭐️✨（退紅效果真嘅驚艷！） 👉持久修護：⭐️⭐️⭐️（要保持連續使用先明顯） 💡個人小Tips： 1️⃣ 如果爆痘期間建議局部試先 2️⃣ 放入雪櫃凍敷鎮靜效果加倍！ 3️⃣ 一週用2-3次就夠，唔需要日日敷 總結：性價比高（屈臣氏經常做優惠！），尤其適合換季/激光後護理～會回購❤️

Kelvin好用推薦：我嘅皮膚冬天嘅時候偏乾燥，鼻子會乾到甩皮同長粉刺。而且甩皮嘅嘅地方會有紅，然後好痕。 ATORREGE AD +深層保濕精華，是新出黃敏奕代言嘅敏感肌牌子，我購買於屈臣氏。 它的質地係液體泵管，剛開始塗上去會黏黏地滑滑地，但大約一分鐘後就會被皮膚完全吸收，肌膚變得有水潤彈性。大概冬天每日用，開始冇咁容易甩皮，而且泛紅冇咁誇張。 佢冇香料味，敏感皮膚都啱用。作為冬天嘅補水打底呢隻精華係幾適合。

Paris merci 好用推薦：ATORREGE AD+醫學級水繃帶唧出嚟質地濃稠，精華細滑容易推開，要少少時間吸收，吸收完有好輕微嘅黏立感，等多陣就會吸收晒，感覺佢有好充足嘅保濕度。雖然佢嘅精華都比較濃，但係用完又唔會令皮膚起粒粒，質素幾好。 冇其他香料味，就算冬天好乾燥甩皮嘅時候搽上去都唔會有刺激感，而且搽兩至三次，我啲皮膚就穩定返，用完唔會令皮膚敏感。 如果係冬天熱埋佢知保濕噴霧，皮膚底部就已經可以做到最基礎嘅保濕。如果係混合性皮膚，用噴霧加精華已經足夠；如果係乾性皮膚，逐後加多層cream去保持返水份會好啲💕 #火熱新品

Emily Leung好用推薦：【皮膚救星！✔️一按搞掂泛紅敏感！】 有冇人明每次生理期塊面就紅敏嘅痛苦！！！ M期荷爾蒙搞到個人超敏感 唔生性塊面一捽落去粗過砂紙 搞到個人勁焦慮啊啊啊😭 之前一直用開佢支靈芝水 敷面退紅滅痘真係無得輸 今次入手靈芝精華更加冇令我失望 ✔️抗紅敏鐵三角 赤靈芝+白樺茸+甘草根 組成抗紅敏鐵三角戰隊 3大路線打殘紅敏因子 由根源撲滅泛紅 抑制紅敏出現👍 ✔️獨家仿生屏障科技 又修到屏障又減低敏感 先幫皮膚補窿補罅 再起返座城堡幫塊面擋走外來刺激💪 佢係液體繃帶精華乳質地，真係好特別！ 搽上塊面好似貼多層皮 無形中形成咗層隱形修護膜 雖然成膜但係完全冇黏笠悶熱感✨ 而家經期皮膚敏感泛紅終於有解！ 平時夜晚護膚我都用佢 塊面只要稍微唔聽話好快就鎮壓返 第二朝起身塊面水嫩嫩💦 用多排之後發現 皮膚狀態定過枱腳！！

Catherine 好用推薦：朋友介紹購買，用過之後，自己都覺得幾好用，皮膚有改善，有變白滑，沒有過敏