Atorrege AD+

深層保濕精華 (水繃帶)

多得 @cosme 再次拯救我肌膚！仲要可以率先試9月先推出嘅ATORREGE AD+新品。 朝早一收到，我已經帶埋「速效保濕噴霧」返office，因為weekend朝早出去跑完步，估唔到跑咗1個鐘，塊面夜晚已經又紅又拮，再瞓覺吹左成晚冷氣，乾到啲毛孔放大曬 (圖1)，連化妝上粉底液都有難度。顴骨上方同鼻頭都略帶紅腫痕癢 (圖2)，返到office再咁吹冷氣，feel到比針拮咁。夜晚即刻開埋「深層保濕精華」嚟用，磨砂樽身靚得嚟又可以防跣手 (圖3)，滴管設計夠衛生，用到最尾又唔怕浪費，易於倒曬出嚟。顏色屬透明，比gel 狀稀身少少 (圖4)，所以易吸收 。用咗7 日，已經明顯由搽防曬都乾到上唔到(圖5)；可以上得返防曬，毛孔收細返，乾到想甩皮位置都慢慢癒合，退紅都十分顯著 (圖6)。用咗14日，見到膚色白淨透亮返，毛孔細緻咗，都水潤有光澤咗 (圖7)。而家朝早搽完佢再用防曬🧴同上粉底液都冇擦膠碎；夜晚就咁搽完佢再搽cream，吹一晚冷氣，第二朝都唔會乾。 而且好似穩定咗我肌膚，加強咗抵抗力💪，就算尋日再戶外活動，去行山，出完一身汗🔥，都冇之前咁又乾又紅，毛孔擴張到火山洞🌋咁。（圖8）

我嘅皮膚冬天嘅時候偏乾燥，鼻子會乾到甩皮同長粉刺。而且甩皮嘅嘅地方會有紅，然後好痕。 ATORREGE AD +深層保濕精華，是新出黃敏奕代言嘅敏感肌牌子，我購買於屈臣氏。 它的質地係液體泵管，剛開始塗上去會黏黏地滑滑地，但大約一分鐘後就會被皮膚完全吸收，肌膚變得有水潤彈性。大概冬天每日用，開始冇咁容易甩皮，而且泛紅冇咁誇張。 佢冇香料味，敏感皮膚都啱用。作為冬天嘅補水打底呢隻精華係幾適合。

感謝 @cosme 邀請試用ATORREGE AD+醫學級水繃帶1+1組合😆 Atorrege AD+深層保濕精華（水繃帶）係一款溫和又高效嘅保濕精華， 適合各種肌膚類型，特別係敏感肌！✨ 呢款精華質地非常輕盈，用後容易吸收， 唔會有過分黏笠嘅感覺， 肌膚即時感到水潤但唔會有負擔感， 同時亦唔會影響後續護膚品同化妝品， 唔會起擦膠水，妝前使用都好適合！ 即使係做完醫美療程（day 5做完彩光M22）後， 呢款精華都非常適用， 能夠減輕肌膚泛紅同敏感情況 (day 7效果)， 使用過程中亦完全冇灼熱感， 俾肌膚溫和嘅修護同舒緩，帶來即時嘅舒適感 保濕效果令人滿意，能夠幫助肌膚鎖水， 特別適合一般至混合肌使用。 不過對於乾性肌膚，可能需要疊加多一層， 或者搭配其他保濕產品，才能達到理想嘅滋潤效果~

ATORREGE AD+醫學級水繃帶唧出嚟質地濃稠，精華細滑容易推開，要少少時間吸收，吸收完有好輕微嘅黏立感，等多陣就會吸收晒，感覺佢有好充足嘅保濕度。雖然佢嘅精華都比較濃，但係用完又唔會令皮膚起粒粒，質素幾好。 冇其他香料味，就算冬天好乾燥甩皮嘅時候搽上去都唔會有刺激感，而且搽兩至三次，我啲皮膚就穩定返，用完唔會令皮膚敏感。 如果係冬天熱埋佢知保濕噴霧，皮膚底部就已經可以做到最基礎嘅保濕。如果係混合性皮膚，用噴霧加精華已經足夠；如果係乾性皮膚，逐後加多層cream去保持返水份會好啲💕 #火熱新品

之前用過ATORREGE AD+既深層潔膚啫喱✨ 覺得好溫和 卸妝既同時清潔埋塊面唔會繃緊🫶🏻 今次好榮幸抽中@cosme 既ATORREGE AD+試用 分別係速效保濕噴霧同深層保濕精華💧雙重補水 呢個牌子本身都係主打不含人造香料不含色素 比起其他牌子既product相對溫和同埋防敏感🙂‍↕️ 即使敏感肌、濕疹肌同孕媽媽都可以安心使用 . ATORREGE AD+ 深層保濕精華 通常夜晚洗完面用完保濕噴霧都會直接用埋精華 自己好怕精華會同其他護膚品打交起擦子膠粒😮‍💨 呢隻精華就完全無呢個問題✨比較易推同吸收💧 喺試用期間有去咗打m22既醫美療程之後塊面好紅 返到屋企即刻用返呢枝精華再敷個mask 即時降紅 自己最欣賞呢支精華既地方係 個唧頭係彎型既🙂‍↕️ 超級方便懶人直接唧上面塗開🤣即時降紅又保濕 keep住用咗一排之後都少咗出現泛紅一撻撻既問題✅ 如果同我一樣成日有泛紅問題既 不妨一試～

首先感謝 @cosme 抽中我試用今次嘅試用 而AD呢個深層保濕精華嘅texture係屬於易推開型，上面容易吸收，黏笠感係有嘅，但唔重，後續上妝都冇出現擦子膠碎 本身我屬於混合型偏乾皮膚，鼻翼容易有泛紅嘅跡象，長期喺冷氣房吹冷氣，加上period皮膚狀態suppose會差啲，但用咗幾日，泛紅嘅位置開始淡，用咗皮膚亦唔會好乾，真係做到舒緩紅腫同保濕滋潤嘅效果，感覺幾唔錯👍🏻 BeforeAfter

好高興被@cosme抽中試用Atorrege AD+深層保濕精華🤩 先說說我本人皮膚質地： 🤓 我皮膚屬於中性偏乾 🤓 鼻樑旁有雀斑 🤓 嘴唇四週及下巴位容易出現輕微脫皮情況 🤓 額頭及t字位出油情況不嚴重，可全日不印油或最多印一次油 🤓 面頰腮位偶有出現泛紅及刺痛情況 此款產品優缺點： ✅️ 抗炎舒敏，降紅 ✅️ 質地透明輕薄，不會為皮膚帶來負擔 ✅️ 質地超級容易吸收 ✅️ 妝前使用絕不起擦膠碎 ✅️ 含舒敏修復成分(甘草酸二鉀，金縷梅萃取，五重氨基酸，角叉菜 酸鈉) ✅️ 無添加10大致敏成分(人造香料，人做色素，Parabens防腐劑，二噁烷，甲醛，激素，水銀，工業用潔淨成分，基因改造成分，重金屬) ✅️ 適合任何肌膚使用，包括敏感肌/濕疹肌/痘痘肌/孕婦 ✅️ 成分簡單，可配合導入美容儀加強吸收 ✅️ 醫美療程後亦可放心使用 ⭕️ 對於老乾皮來說，保濕力稍嫌不足 ⭕️ 不含防腐劑但採用滴管設計，不是真空泵裝，容易因接觸空氣產生細菌

十分感謝@cosme邀請參加今次的試用活動［ATORREGE AD+ 深層保濕精華+ 速效保濕噴霧］。 我既皮膚屬於混合偏乾，面頰仲會有暗粒粉刺出現，因為咁潔面後就會手痕挑暗粒粉刺，挑完之後面上就好容易泛紅。收到產品後今次就嘗試下挑完暗粒粉刺後用ATORREGE AD +深層保濕精華，好神奇咁面上既泛紅及乾燥都即時得到舒緩！佢既質地係啫喱狀，一開始搽完會有少少黏，但大概1分鐘就會被皮膚吸收曬，皮膚變得清爽！後續搽返自己嘅面霜都唔會起擦膠碎，用左14日後皮膚穩定性同狀況都有明顯改善，超級推薦皮膚乾燥及有敏感泛紅嘅人士使用！ 因為平日上班都會化妝，皮膚屬於混合偏乾既我長期處於冷氣地方都會覺得繃緊同出油，噴左速效保濕噴霧即時幫到面部保濕，同時再補妝都貼服好多！素顏既時候又用得，有時夜晚偷懶唔想用爽膚水都可以用佢替代，再搽深層保濕精華及普通面霜就訓覺，第朝皮膚仍然咁有水份，顯得精神飽滿！兩種產品都值得推薦！

好開心@cosme 比機會我試用 ATORREGE AD+嘅深層保濕精華😍夏天又悶又熱 容易出油出汗 🥵同埋又成日留係冷氣房入面 皮膚嘅水份真係好快比抽乾曬‼️身為混油肌嘅我 係夏天嘅時候皮膚仲會特別容易因為呢啲温差而有泛紅同敏感嘅問題添🥹不過好彩有機會可以試用ATORREGE AD+嘅產品💕係由日本藥劑師研發，全方位解決敏感肌、濕疹肌、痘痘肌等問題，並全面修復肌膚屏障👏🏻 我自己係混油肌 所以面頰嘅皮膚都會有時偏乾 但T Zone 又會出油 要分區去打理真係唔簡單😪幾年前仲因為暗瘡問題而食過A酸 所以皮膚仲會變得sensitive 左😢 一用ATORREGE AD+ 嘅深層保濕精華 就覺得揾到啱嘅精華😆佢可以1️⃣注水+鎖水+儲水2️⃣抗炎舒敏 真係啱曬我用‼️佢嘅質地比較厚身 但好神奇係佢唔會太黏笠 仲幾快就吸收曬皮膚入面👍🏻用左一段時間之後 仲發現佢真係有降紅嘅效果 無咁敏感 係夏天長時間係太陽下同出汗都唔會太有皮膚問題 係冷氣房更加唔會好快就變乾燥 我都好推薦大家試下用ATORREGE AD+嘅精華 仲其實可以配合埋佢嘅速效保濕噴霧 做到補水又鎖水嘅功效！

感謝cosme ❤️ 邀請試用ATORREGE AD+ 醫學級水繃帶 深層保濕精華30ml 這個精華有12重天然保濕因子，使用後可提升皮膚8倍水潤，同時激活透明質酸及絲聚蛋白增生，補濕同時修復鎖水屏障。 除咗保濕之外呢支精華都可以抗炎舒敏，重建肌膚屏障，而且適合任何肌膚包括敏感肌/濕疹肌/豆豆肌連孕婦都可以用 在這半個月，配合速效保濕噴霧一齊用， 令到保濕效果更加 持久，亦令到皮膚立即有舒緩嘅效果， 平時我的皮膚比較薄很容易因乾燥而令到皮膚痕癢， 只要在早晚也使用這兩件產品 效果也能維持一整天。 保濕精華的質地很水潤，一抹就已經吸收，而且令皮膚更加有彈性有光澤，大家都可以試試🥰🥰🥰

感謝@cosme邀請參加今次的試用活動［ATORREGE AD+ 深層保濕精華+ 速效保濕噴霧］。本人皮膚屬混合偏乾，試用產品兩星期。 由於長期處於冷氣地方，保濕這一部分很重要。平時每日也要化妝，皮膚雖要有足夠嘅飲飽水才會令妝容hold得住，並唔會出乾紋及脱皮。最近面上出現了少少泛紅，收到了產品後早晚使用了ATORREGE AD +深層保濕精華，泛紅情況開始減少，這個令我有感到驚喜，皮膚穩定性得到改善。 保濕精華嘅質地，是結身少少嘅liquid狀，雖然上面起初有少少立，但好易推開，並沒有跟之後塗上的面霜及化妝品打架及起擦膠碎，而且吸收也很快，之後感覺清爽。 至於保濕噴霧，質地清爽舒服，噴頭噴出的水珠細密，每次妝前使用，都會令皮膚加倍保濕，上妝更貼服。在office感到皮膚乾時，噴幾吓保濕即時feel 到皮膚補水，感覺舒適。 夜晚的護膚步驟上，我用了保濕噴霧取締爽膚水，感覺更為滋潤及補水，瞓醒也不會感到面會乾。這兩個產品我會回購！

好開心可以用到近期熱推嘅補水精華；質地輕盈、易推、無味；絕對適合敏感肌膚；而且補水能力高；好似我雙手長期出現缺水情況，超級乾，所以佢成為我的急救品；有朋友取笑我是否太浪費，用嚟搽手；我覺得好用產品，無論用喺面部定係雙手都可以發揮到佢嘅功效

本身自己屬於乾性皮膚，所以好期待試用呢支保濕精華😍 我皮膚都有明顯嘅毛孔，亦都會時不時泛紅，即使夏天都會乾燥甩皮。呢支保濕精華上面之後好容易吸收，好似第二張相咁，搽完即時都見到有光澤同保濕，而且可以幫到手降紅止痕，我自己覺得佢嘅效果都幾驚喜！ 同埋持續咗一段時間，覺得有令到皮膚穩定啲，亦都冇因為保濕嘅原因而令到生暗瘡！ 第三張相係隔咗一晚之後皮膚都冇繃緊，後續上其他護膚品亦唔會有擦膠碎，用完之後都會回購！

敏感肌真係好難搞，沖完涼再加冷氣一定會令皮膚紅卜卜又痕。今次試用呢個ATOREGRE AD+嘅精華兩星期，有驚喜！ 首先精華嘅質地好清爽，搽完無負擔嘅感覺。我最怕用完油笠笠有層嘢，但呢個完全唔會，搽上去好快就吸收晒，塊面即刻好似飲飽水咁，摸落去仲軟綿綿。最重要係我用咗幾日，塊面嘅泛紅情況真係有改善到，仲唔會再痕到想R。產品話有高濃度神經醯胺同B5，老實講我唔係十分了解，但睇個結果就知有料到。因為我呢兩星期淨係用呢款精華，簡直less is more ! 另外精華無色無味，唔洗擔心有香料或不必要嘅成份令皮膚敏感，對敏感肌嚟講好重要，會用得更安心。 總之，呢個乳精華真係我敏感肌救星，用完皮膚穩定咗好多，都唔再怕太熱或者冷氣啦，嚟緊轉季都唔洗擔心了， Yeahhhh

之前試用過ATORREGE AD+ 呢個牌子嘅卸妝產品之後，對呢個牌子出嘅產品信心大大增加，因為真係好啱敏感性皮膚用。今次全新推出嘅深層保濕精華，依然有好大驚喜。首先去問冇特別香味，所以用得好放心。呢隻精華嘅質地流動性屬於中等，初時會好驚搽上面會好黐立立，點知佢好易推開，之後就好快吸收晒啦。我最驚喜嘅係佢嘅降紅效果，有時出現敏感嘅紅印，搽咗上面之後即刻覺得紓緩咗，同時亦都做到保濕嘅效果。最緊要係呢隻精華唔會焗住皮膚，好適合而家呢種又潮濕又熱嘅天氣用。

首先感謝@cosme嘅邀請，令我有機會試用ATORREGE AD+ 產品，今次試用嘅係「深層保濕精華」： 優點： ✅退敏、舒緩 ✅補水，鎖水效果一流，不黏笠 ✅質地超級容易吸收👍🏻 ✅妝前使用不會起擦膠碎 ✅可以配合美容儀導入 ✅修復鎖水屏障 ✅針對敏感肌、濕疹肌痘痘肌、孕婦 ✅ 不含10大致敏成份：人造香料、人造色素、Parabens防腐劑、二惡烷、甲醛、激素、水銀、 工業用潔淨成分、基因改造成分、重金屬 ✅醫美療程後亦可使用 ✅任何天氣亦可 ✅售價$390，有30ml 缺點： ❌不是真空泵裝設計

試用全新 ATORREGE AD+ 醫學級水繃帶1+1組合: 日夜深層保濕的深層保濕精華 x 隨時隨地補水的速效保濕噴霧後，真係感受到佢的水潤感覺，我的皮膚屬於混合性偏油膚質，鼻位下巴容易出油(因為缺水)，用過呢個組合後，皮膚即時補水鎖水，即刻有水潤的感覺同想回購。先講ATORREGE AD+深層保濕精華，強調注水 + 鎖水 + 儲水，包含12重天然保濕因子，可即時8倍水潤，呢個感覺好強烈，洗完臉，噴完速效保濕噴霧再搽完深層保濕精華後，有感覺皮膚即時水水的，補濕能力出色，鼻位同下巴出油的情況都減少了(好重要)，減少生豆豆的情況！就算上妝都唔會少量擦膠碎起出嚟(下巴位)，真心推薦給皮膚好似我咁，混合性有少少出油的人士使用！

其實試用此產品前，我已用過Atorrege AD+的產品，尤其轉季敏感時。所以好開心被抽中試用Atorrege AD+新產品深層保濕精華！ 我係混合乾肌，轉季時會有輕微敏感，會感到輕微發熱及痕癢。 此產品質地輕盈，但非水狀。上面後有輕微清涼感，好快就吸收，吸收後有保濕感，不是很清爽那種。後續再上護膚品、防曬及碎粉也不會起擦膠碎。 對於我來講，只是有輕微降紅。而保濕度，是有的，看before & after的相片，可以看到皮膚比之前細滑，而且用後再上粉底都覺得保濕度足夠。 我覺得此價錢有保濕度而成分又安全高效可以安心使用不怕敏感，性價比頗高！

多謝@cosme 抽中我可以率先試用Atorrege AD+ 的新品深層保濕精華 （醫學級水繃帶 1+1），這保濕精華的抗炎舒敏的功效好明顯，本身我的皮膚屬混合偏乾，面上仲有濕疹和紅印脫皮（咀角附近是長期類固醇引致的膚色變白），用過這個保濕精華，發覺質地極水潤易吸收，即時降紅止癢，濕疹的問題有慢慢改善，非常好👍🏻！搽完之後再搽其他護膚品完全冇起擦膠碎，上妝仲非常貼服！有敏感濕疹嘅朋友可以放心使用，希望長期使用可以根治濕疹問題！

感謝Cosme抽選的ATORREGE AD+試用機會✨ 這次試用的是由日本皮膚科醫生推薦、100%日本研發及製造的「醫學級水繃帶組合」，分別有深層保濕精華及速效保濕噴霧。 深層保濕精華透明無香味，偏潤澤的質地，搽上面非常易推開，也很快就完全吸收。夏天長期在冷氣房的關係，早晚也用上兩滴管的分量，感覺有比平日保濕，後續再上護膚品和化妝品也沒有起擦膠碎。早前頸位起了敏感帶紅和痕癢，使用7日後有輕微降紅舒敏。 速效保濕噴霧質地偏清爽，於上妝前噴勻全面，上妝後感覺有更貼服。工作期間長期吹冷氣，放於office非常方便隨時噴一噴即時保濕💦