抗老 推薦好用產品

Fng好用推薦：CPB 高效煥采亮白精華乳 （香港春季・熟齡偏乾肌） ✨💎 我本身係熟齡偏乾肌，一直想搵一支美白得嚟唔乾嘅精華。見CPB呢支亮白精華（40ml / 約HK$2,600）評價幾高，忍痛入手試咗。 質地方面，佢係絲滑嘅乳液狀，推開好似絲緞咁滑，上面後好快吸收，完全唔立，香港春季潮濕天氣用零負擔。用完皮膚摸落軟軟糯糯，有一種「被寵壞」嘅貴婦享受 💆‍♀️ 成份上，核心美白成份係CPB獨家專利嘅4MSK（甲氧基水楊酸钾），有效抑制黑色素、淡化色斑。復配多種植物萃取及酵母發酵產物、水解蠶絲，做到美白同時抗氧、補水、軟膚，而且無酒精過重嘅感覺，敏感乾肌都用得。 用咗一個月，最明顯係膚色均勻咗、透亮咗，朝早起身塊面有自然光澤，唔會暗沉蠟黃 ✨ 顴骨嘅小色斑有輕微淡化，但唔係完全消失（貴婦級都冇可能一個月搞掂曬）。保濕力春天夠用，偏乾肌日間單用都ok；不過夜晚開冷氣瞓嘅話，建議疊返一層鎖水面霜，否則第二朝兩頰會有少少乾。另外緊緻效果有驚喜，用完覺得下頜線望落清晰咗少少。 性價比方面：價錢進取（HK$2,600/40ml，每日早晚用約用1.5個月），但效果對得住價錢，美白提亮、溫和淡斑、保濕緊緻

Paris merci 好用推薦：Decorte AQ平時喺SOGO先會見到，而家喺cosme旗艦店有得試，佢哋介紹有Aq有兩個系列，銀色係美白，淡金色係修復。呢個牌子係主打先乳後水，韓國、日本流行，可以令皮膚更加滋潤。乳液用先，用化妝棉幫助護理角質，之後先用水。依種手法香港都適合，因為香港冬天比較乾燥。 因為我係乾性皮膚，所以買咗乳液同Aq absolute treatment hydration lotion 3化妝水入邊最滋潤，但其實用落都唔太稠，倒出嚟都係水狀，似精華水款，拍上面之後好似留有精華嘅，可以再等佢吸收。化妝水有雪前白樺樹汁+白花油麻藤莖萃取精華，同時包裝係好高貴，超有質感！水聞起上嚟都好舒適，成個感覺都好享受☺️ 用咗兩星期，我皮膚係保持穩定咗，而且好有水潤感，每日起身皮膚都冇咗嗰種冬天乾燥同埋捱夜嘅暗黃感，皮膚有一種透亮感，我覺得佢有佢嘅價值💕

Naorikkk好用推薦：我天生皮膚就黑，細個覺得無咩野，係健康膚色，但原來人大左真係會care架☹️ 之後就試左好多款美白方法，戒糖啊、敷美白mask啊，但都無咩用🥹。 之後聽朋友介紹話其實要加埋内服先有用就試左網上超多人推薦嘅Cinal美白丸 我係食左1樽就見到效果，以前面同頸嘅因為色差好明顯，但而家d色差都少咗好多，對手都比以前白 連媽咪都有讚我白滑咗添hahahahaha~😆😆😆😆

Haley好用推薦：真心好用，本來我唸住買b.glen嘅精華眼霜，佢都好好用，咁啱sales 話呢隻當眼精華用都一流，我眼尾細紋都勁深，之前從來無接觸過呢隻牌子，返來一試，真係淡化左好多，我依家係呢隻+b.glen+彩豐行嘅C60眼霜一齊用，效果都幾nice，值得推薦

Hoiyi好用推薦：產品能減淡細紋、色斑，並增加肌膚彈性，質地為清爽型，適合日常使用。注入了包含蘋果幹細胞、蝦青素等 8 大抗氧活膚成分，旨在修護肌底並促進膠原蛋白增生。 性價唔比高，價錢合理 #火熱新品

Kitty 好用推薦：做各大品牌會員嘅着數就係一出新產品就可以即刻收到試用裝！見到sms話今次會員可以試到最新款貴價精華，即刻衝去counter攞。 今次Fresh升級左古源精華露，最近連續用咗幾晚，只係夜晚用，已經覺得皮膚有質嘅改變，一粒凸起嘅月事痘，用咗一晚之後佢消失咗。天啊，第二日皮膚整體感覺好嫩好彈，仲有提亮效果，而且我夜晚只係用咗精華露冇加其他精華（呢度精華露係用到面部飽和狀態，即係用量多少少）。我願稱佢為fresh年度新品之神哈哈哈！ 講吓成分啦，其實大家都可以上網查到： 1. 白池花籽油（滋養淡紋細嫩肌膚） 2. 亞麻薺籽油（增強皮膚彈性同屏障滲透力） 3. 白松露提取物（輪廓上揚） 4. 歐洲白蠟樹提取物（修護淡紋，細嫩肌膚，強化屏障，我粒痘應該係靠呢樣消退咗） 另外呢支精華露嘅科技係-專利微囊技術，分子細到可以滲透肌底20層，唔含酒精乳化劑，無矽油，依然秉承古源系列嘅完美水油比例，膚感真係相當舒適，水感質地，油嘅滋養，精華功效，話一觸即融都唔誇張。一瓶搞掂所有護膚步驟，效果仲要咁堅！！有興趣的話一定要去專櫃感受吓，真心推薦~ #火熱新品

Emily Leung好用推薦： #火熱新品🔥 乾敏肌有救喇！呢件新嘢真係冇得搵平替！ 要知道我哋打工仔成日喺冷氣房屈到實，我塊乾敏皮長期喺呢個環境下面頰又紅又乾，轉季入秋仲大鑊，塊面狀態浮浮沉沉，輕輕一掂就刺痛敏感。 最近發現fresh新出嘅「古源煥膚精華露」！試完真心覺得係我哋乾敏皮嘅續命靈藥！ 支精華露係水油質地，同時補水補油，但個滋潤同清爽度平衡得啱啱好。滴喺手背係輕盈嘅羊絨觸感，唔需要乳化，一推就化水，比水潤比油清爽，吸收得快到驚人，輕拍兩三下就食曬入皮膚。 感覺每個毛孔都飲飽水，但塊面完全冇油膩感。用緊陣陣洋甘菊清香飄過，護膚即刻變SPA級享受～成塊面好似識得呼吸咁，摸落去彈彈潤潤！ 用咗一排發現皮膚變化真係肉眼睇到：之前塊面動不動就紅敏，而家穩定咗好多，冷氣房屈成日都唔會乾到繃緊，摸落依然軟軟嫩嫩。兩頰泛紅基本上冇再發作，連輪廓線都有微微向上托感覺！成塊面有種脹卜卜嘅緊實感，成個人睇落精神曬！

Hellobeauty 好用推薦：#「透明感」肌膚 溫馨提示: 要求「透明感」肌膚的你慎入，否則你係時間又要消費了😆 今次介紹好物是SKII 皇牌之一 , 「光蘊臻采煥亮精華」 之前係SKII專門店一次過購買了2盒SKII 皇牌產品的體驗裝，每盒分別有3樣皇牌產品，其中一樣就是「光蘊臻采煥亮精華」 每位女士都追求白肌膚，但呢個產品更達到肌膚透亮感，簡直大愛 質地: 易推, 易吸收, 不會殘留白色粒粒,有超強保濕成份, 想念後即刻有一層薄薄水膜包著肌膚，方便營造上妝貼服效果； 味道：我覺得有一種非常淡淡高級護膚品嘅香味； 顏色：珍珠白色，明顯內含珍珠閃爍，上面後立即見到透亮效果同時為肌膚營造立體感 我之前一直好擔心使用類似顯白提亮嘅護膚產品會容易衍生皮膚敏感嘅情況，但是由我第一日使用，直至到現在使用第二支產品，都沒有出現敏感肌膚情況，並保持透亮感肌膚嘅狀態，加上我了解咗此產品嘅成分之後，我更加放心使用，希望再回購。 我覺得此產品值得考慮選購，全因我覺得其中內含的護膚成分非常吸引。分享如下： 1.SKII 的核心成分 -PITERA™ (半乳糖酵母樣菌發酵產物濾液) ，SK11獨有成分,因為我相信神仙所有功效，所以對此產

Kathy Wai好用推薦：質地係帶珍珠光嘅乳液狀，推開好水潤，吸收得快，後續搽面霜都唔會搓泥。用咗大概兩個星期，最明顯嘅感覺係成塊面嘅光澤感真係提升咗！唔係油光，而係由內到外透出嚟嘅「嘭皮」光感，尤其素顏時睇，膚色均勻咗，冇以前咁暗啞。 至於最出名嘅美白淡斑效果，我本身冇明顯色斑，但嘴角同鼻翼嘅暗沉就有改善，整體膚色睇落乾淨、透亮咗，似皮膚底層「開咗燈」咁。膚質摸落去亦滑溜咗少少。 不過要提提，佢有少少「口水味」（其實係Pitera味），同埋價錢真係唔平。但如果預算許可，又想追求明顯嘅光澤同提亮效果，佢真係一支有實力嘅精華！

ying好用推薦：✨ SHISEIDO ULTIMUNE 皇牌免疫力活膚精華 皮膚「透明感」UP‼️ 紅腰子・免疫力精華  皮膚透明感 up。」 就幾個字，但已經講晒呢支精華嘅核心價值。 ✅ 皮膚透明感 up‼️ 呢個係最明顯嘅效果！ 用完之後， 皮膚唔係「變白」， 而係「變透」。 早晨起身照鏡： ▸ 皮膚乾淨咗 ▸ 暗沉改善咗 ▸ 有自然光澤 ▸ 望落精神好多 呢種「透明感」， 係由內而外嘅， 唔係表面嘅珠光， 而係皮膚本身靚咗。 ✅ 提升肌膚透亮度 同「透明感」相輔相成。 皮膚望落更亮、 更有光澤、 冇咁黃、冇咁暗。 ✅ 改善泛紅、暗沉 用完之後， 皮膚冇咁易泛紅， 暗沉都改善咗。 ✅ 質地 精華質地，輕盈易推， 上臉好快吸收，唔笠。 用完皮膚好舒服。 ✅ 提升後續吸收 用完佢之後再搽其他護膚品， 吸收會好咗。 ✅ 皇牌地位 ULTIMUNE係資生堂嘅皇牌精華， 全球銷量極高， 用完就明點解咁多人推薦。 🌟 我嘅總結 SHISEIDO ULTIMUNE 皇牌免疫力活膚精華 皮膚「透明感」UP‼️ 用完之後， 皮膚唔係變白， 而係變透。 早晨起身照鏡， 皮膚乾淨、有光澤、 望

Fng好用推薦：資生堂第四代紅腰子精華❤️✨ 我係熟齡偏乾肌，成日覺得皮膚狀態唔穩定，時好時壞。見資生堂紅腰子出咗第四代升級版（約HK$650 / 30ml），主打修護同穩定膚況，就用咗一個月，分享真實感受～ 🧴 質地：蛋清凝露，輕薄易吸收 · 擠出嚟係透白色嘅蛋清凝露狀，好易推開 · 上面後有即時水潤感，輕輕按摩就吸收晒 · ⚠️ 吸收後有輕微存在感，唔係完全「隱形」，過一陣就自然返 · 香港春季潮濕天氣用，清爽唔立，油皮/混合肌都啱用 🔬 升級重點：第四代新加咗咩？ · 獨家專利微生物發酵山茶花精萃：激活細胞、促生膠原，養出彈嫩感 · 8國專利成分＋富純依克多因：高效保濕、舒緩乾燥、增強夜間自修力 · 經典嘅紅脈微循環技術 + 魚腥草提取物：提升肌膚免疫力，穩定膚況 · 無酒精？ 唔係，第四代依然有酒精，但日系大廠配方溫和，敏感肌都有用家話接受到 🌸 熟齡偏乾肌實測：穩定膚況最出色 用咗一個月，有以下明顯感受： · 穩定效果驚人 🌟 皮膚狀態變得好穩定，冇再無啦啦泛紅／出粒粒，真係「潤物細無聲」 · 膚質變嫩滑：持續用一段時間，摸落塊面軟滑咗，粗糙感改善 · 補水夠力：偏乾肌春天日間

Kelvin好用推薦：Cerave長效保濕面霜適合夜晚使用，對我來講好溫和，完全唔刺激皮膚。而且佢通過咗敏感測試，所以我用得好放心，敏感皮膚同濕疹皮膚都可以用。質地好補水，唔算過分厚重，搽上面推開之後感覺水潤，好容易推開推均，然後都吸收得好快，表面就好似搽咗乳霜咁樣有保護感覺。水感面霜嚟講滋潤度幾高，但又唔會油膩，用完之後皮膚水潤彈嫩 價錢係$195/50g，喺藥房買會平多1x-2x，性價比唔錯！

Jasmine L好用推薦：由皮膚科醫生推薦我用呢款CeraVe產品，已回購兩支以上。我覺得呢款長效保濕面霜最特別之處就係唔會令皮膚黐立立，而又能夠起到修護同埋保濕嘅作用。 無論係朝早定係夜晚都會用佢，喺皮膚比較乾燥唔穩定嘅日子就搽厚少少，效果非常出色。

Emily Leung好用推薦：Sofina升級土台美容液測評：泡沫質地真係吸收得更好？ 各位姊妹，今次講呢支土台美容液真係得意嘢嚟㗎！佢唔係普通化妝水，而係一支泡沫型嘅肌底液，仲要係洗面後第一步就用，同平時護膚步驟有啲唔同！ 質地同氣味： 一按出嚟係好綿密嘅泡沫，好似梳乎厘咁柔軟！呢啲泡沫係超微米泡沫，可以滲透到皮膚底層。味道係淡淡嘅溫泉礦物香，聞落幾舒服放鬆。 效果如何？ 用咗之後最大感覺係之後搽嘅護膚品真係吸收得快咗！皮膚好似「飲飽水」咁，水潤度明顯提升。我發覺用咗佢打底之後，就算用返平時嘅護膚品，效果都好咗，塊面有光澤感同飽滿咗。 溫和度： 雖然係肌底液，但出奇地溫和！我敏感肌用咗都冇泛紅或者痕癢。不過第一次用可能有少少刺刺哋嘅感覺，但好快會消失。 有咩缺點？ 夏天用可能對油性皮膚有啲潤，要減少量。同埋步驟同普通護膚有啲唔同，要時間適應。價錢都算中上，但一支都用得幾耐。 總評： Sofina呢支土台美容液真係幾有驚喜！特別適合覺得護膚品吸收唔到、皮膚乾燥缺水嘅姊妹。雖然用法要習慣下，但用咗之後皮膚狀態真係穩定咗同飽滿咗！

Poyobb好用推薦：升級版泡泡肌底液🫧 點解會買？💕 Sofina出名化妝品，但skincare從未用過。而日本碳酸mousse護膚品好出名，一直想試。美容液出咗迷你版，$125/50g，就買咗嚟試吓啦☺️ 賣點💕 全系列的升級土台美容液（肌底碳酸慕絲精華），使用了100％碳酸mousse滲透獨家專利技術，配合新添加人參精華，使滋潤更高效、更持續地滲透到角質層最深處，碳酸滲入皮膚後可以減弱角質細胞間的結合，令老廢角質更易剝落，令堆積的老廢角質正常剝落，肌膚表面變得更平滑🩷 質地💕 潔面後，先用土台美容液碳酸mousse作打底（直徑3cm份量），然後再上toner精華乳液等日常程序 味道聞落好香，泡沫推開會變水潤質地，上面舒服不會痕癢，上面按摩舒適 使用感💕 我混合性皮膚，早上toner 二次清潔後，用土台美容液，再用水凝霜。保濕得來唔會太滋潤，岩岩好保水程度唔會令base搓泥。之前試過其他牌子嘅肌底液，無太大效果或者會好容易出暗粒，但依枝土台美容液無出現暗粒情況，我好岩用😍 效果💕 注水效果優秀，用咗個一星期，感覺皮膚底層水潤咗，毛孔睇落無咁粗大。就算化妝前搽啲清爽嘅水凝霜，化完妝都冇之前咁乾。

Kitty 好用推薦：話說前排皮膚狀態唔多穩定，又乾又暗沉，即刻拎出呢隻風靡萬千護膚達人嘅SK-II大紅瓶！用咗一段時間，終於可以同大家分享下真實用後感～ ✨質地同氣味： 佢嘅質地係嗰種好豐潤嘅乳霜狀，一搽上臉就好容易推開，吸收得幾快，唔會好似戴咗個面具咁黐立立，有好明顯滋潤感。味道方面，有陣好淡雅嘅清香，唔會太濃，我個人幾鍾意！ 💧保濕度： 呢支嘢嘅保濕力真係冇得彈！我本身係混合肌，T字位油但兩頰超乾。用完佢之後，成塊面即刻覺得好水潤，尤其係兩頰位，冇再因為乾而繃緊，摸落去仲好似飲飽水咁，彈彈哋～就算而家轉季，皮膚都keep住好穩定，冇乜點出粒粒或者敏感。 🌟修復同光澤感： 最驚喜係用咗一段時間之後，成塊面嘅光澤度同緊緻度真係有提升！唔係嗰種油光滿面，而係由內而外透出嚟嘅自然光澤。之前額頭同下巴有啲暗沉同印印，而家都淡咗唔少，成個膚色均勻咗，睇落精神好多！ 👍整體評價： 畢竟係日系高端護膚品，個銀碼有啲肉赤，但以效果嚟講，真係一分錢一分貨！無論係保濕、修復定係提升光澤度，都交到功課。如果你係乾肌或者混合肌，轉季時皮膚容易唔穩定，呢隻skinpower大紅瓶絕對值得投資～ 當然啦，護膚品呢家嘢好個人

Fng好用推薦：身為混合偏乾肌，喺香港又濕又熱嘅夏天搵面霜，簡直係挑戰。SK-II呢支SkinPower精華霜，網上評價好兩極，有人讚佢修護力強，有人話太潤。親身試用後，我發覺： ▶️質地同膚感： 佢係奶霜狀，質地軟滑，推開後滋潤感明顯，但唔算厚重。吸收速度中規中矩，完成後皮膚會留有一層滋潤膜，手感軟滑，但絕非清爽啞緻。 ▶️保濕修復力：👍👍👍👍 (出色) 呢方面確實交到功課！無論冷氣抽乾一晚，還是皮膚有啲唔穩定、泛紅，佢嘅修護效果都幾顯著。第二朝醒來，皮膚依然保持軟嫩，冇繃緊，兩頰乾燥位明顯被撫平，整體膚色同飽滿度都有提升。呢種修護力，係平價產品好難做到。 ▶️夏日適應度：🤔 (要技巧，未必人人接受) 呢點係最大爭議！香港30幾度+90%濕度嘅日間，用佢真係太潤，後續搽防曬或底妝好易有「冚住」同「黏膩」感。但係，如果係晚間開住冷氣用，對混合偏乾肌來講就係享受，恰到好處。 ✅️總結： SK-II SkinPower絕對係一支高質素嘅修護型面霜，保濕同改善乾紋效果出色👍🏻。但對於香港夏天，佢只適合在晚間冷氣房享用。如果你追求日間清爽，或者係大油皮，佢絕對會係負擔⛔️。混合偏乾肌可以放心用作晚霜，見

莓莓好用推薦：講起植村秀枝琥珀山茶花卸妝油，真係要同大家開心share下！😊 我用咗佢差唔多兩年，回購咗三次，真心覺得係「神級」卸妝油。 質地好輕盈，唧出嚟係透明油狀，但一推開就变好順滑。最驚喜係加水乳化嗰下，快過閃電，一碰水就變白，過水後零油膜，塊面仲保濕到彈手，乾肌/混合肌春夏秋冬都用得。 我平時化全妝（防曬+粉底+眼影+防水睫毛膏），佢一鋪過搞掂，唔駛另外用眼唇卸妝。尤其係卸睫毛膏，輕輕按摩就溶晒，唔會捽到熊貓眼，入眼都唔澀（但都唔建議特登攪對眼😂）。 用完之後塊面好軟熟，好似敷完保濕mask咁，鼻翼啲黑頭粉刺都少咗。記得乾手乾面用，泵3下，打圈按摩一分鐘，加少少水乳化再按摩，最後徹底沖洗乾淨。懶人必備，一分鐘完成卸妝+洗面+軟膚，好值得投資！ ✅ 優點 · 卸妝力強：溶妝極快，連防水睫毛膏、眼線都輕鬆一抹就乾淨，唔使分開用眼唇卸妝液。 · 乳化極快：一加水就變白，沖洗後完全無油膜感，唔怕殘留或生暗粒。 · 保濕嫩膚：洗完塊面軟滑有彈性，乾肌冬天用都夠保濕，有「養膚」感覺。 · 質地輕盈：流動性高，易推開唔痴立，唔會拉扯皮膚。 · 入眼唔澀：就算少量入眼都唔會乸，對戴Co

Emily Leung好用推薦：這款植村秀琥珀山茶花卸妝油，是品牌的貴婦級人氣產品。 👍 優點： · 頂級養膚膚感：質地豐潤但流動性高，遇水乳化極快、無油膜感。洗後肌膚柔軟嫩滑，像做了保養，完全不會緊繃乾澀。 · 全臉可用：無論是濃厚眼妝還是底妝，都能迅速溶解，且不糊眼睛。 · 療癒香氣：帶有高級沉穩的山茶花精油香，能舒緩壓力。 👎 缺點： · 價格偏高：單價不便宜。 · 膚質限制：極度油性肌膚在夏天使用可能會覺得過於滋潤。 🎯 適合對象： 適合乾性、中性、混合偏乾肌，或是追求奢華卸妝保養體驗的人。 一句總結： 除了貴，幾乎零負評的頂級卸妝油。膚感和保濕度一流，能讓洗臉變成一種享受。

Poyobb好用推薦：Cerave facial moisturiser lotion產品用過，但最經典嘅moisturiser lotion系列反而未用過，一樣濕疹敏感皮膚都用得。 依排轉季夏天用嘅乳液唔夠補濕，但因為我係一個好容易生暗粒嘅混干肌，揀乳液嘅時候都要謹慎 首先佢係有237 mL同475 mL兩個選擇，兩罐都好大支有排用，都好抵用。佢嘅質感係偏稀嘅乳液，上面嘅時候係好水潤推開晒都好容易吸收，係偏水潤感重嘅乳液。依款亦都有添加神經醯胺、透明質酸、B3，可以修復皮膚屏障，對於我呢種容易起暗粒嘅皮膚，皮膚狀態會比較穩定。用咗一段時間都冇特別敏感，或者爆暗粒。因為佢係純保濕配方，你可以疊加任何嘅精華配搭都得，萬用方便💜 另外，貪方便去旅行一支過，可以用做搽面同身體乳液都得。 但因為我對氣味都比較敏感，依款乳液嘅味道都有啲強，搽上面就會有嗰陣乳液膠味，搽上身體就冇問題，呢一點我有啲唔鍾意。如果搽面用返Facial系列pm會較好🥰

Khloe好用推薦：神經醯胺、透明質酸同甘油都係大家都知補水成份～所以無特別嘢講就講下質地🤣🤣（怕笠必試！）皮膚一到冬天就好乾燥，本身怕黏笠好怕搽完周圍Hi到 呢隻lotion做到快速吸收，通常沖完涼搽手腳同臉，Keep到第二朝瞓醒覺（至少無生暗瘡先！） 岩岩搽上去即影⬆️大概1-2分鐘後⬆️ 摸落仲係滑既😚 佢仲要無香料成分，唔會同髮油/沖涼液嗰啲味撈埋一齊

Emily Leung好用推薦：Avene再生修護精華簡潔白色樽身，泵出嚟係輕盈嘅乳液狀。 我用咗呢支精華大概一個月，真係好鍾意！ · 溫和唔刺激：我皮膚容易敏感，用呢支完全冇問題。 · 質地舒服：搽上面好快吸收，唔黏立，保濕度夠。 · 退紅有效：面頰泛紅真係減淡咗，皮膚睇落穩定咗同平滑咗。 一支好可靠嘅修護精華，尤其係當皮膚唔穩定或者敏感嘅時候用，效果最明顯。會繼續用落去！

KK好用推薦：質地清爽水潤、延展性佳，上臉後能快速補水並降低乾繃。吸收後不黏膩，膚觸較柔嫩；整體偏舒緩保濕路線，適合敏感或乾燥時期日常使用。

Meoww好用推薦：初初用都只係有少少拮拮地嘅感覺，完全吾覺得痛，精華吸收得好快，皮膚會光滑明亮有彈性。質地亦都吾笠，用後感覺好清爽，日日都可以，暫時嚟講用過最好用嘅微針精華，CP值極高，有優惠會再回購多幾支😍

sscxy好用推薦：Pantene一向是我最喜愛的護髮產品牌子，尤其是他的修護髮膜，對頭髮比較乾的我來說是非常好用👍🏻 一開始購買他的這支髮膜是看到他是有多重修護功效，而且價錢相宜。他的護髮產品一向都有口碑，所以便買來試試。 髮膜的質地是稍為杰身的乳液狀，擠出來搽在頭髮上，輕輕按摩後便放置幾分鐘讓他吸收，對繁忙的現代人來說，非常慳時間和高效率。 幾分鐘輕輕沖水後，頭髮已經變得非常柔滑，吹乾頭髮後亦感覺到變得順滑，效果算幾明顯，長期使用的話效果會疊加。 如果我時間比較多的話，我會用濕毛巾包住後加上熱髮帽，如果沒有熱髮帽的話也可以用熱毛巾包着，效果加倍。非常推薦以上兩種用法。 我幾推薦呢款護髮產品，不單止使用時間短但效果已很好，價錢又便宜，長期使用下來也不心痛。所以我自己已經回購了很多枝。也推薦給頭髮較乾的朋友，使用時用以上的加熱方法，會使效果更加好呢。

poonpoon好用推薦：我啲頭髮髮質幼細，又乾燥，呢個我買咗紫色嘅多厚受損修護款式。用法好簡單洗頭髮之後，塗喺髮尾，3分鐘後沖走。 用完之後，即刻覺得頭髮變得超軟滑。佢嘅護髮香味好重，都停留到幾耐。效果係吹完頭毛躁會減減，頭髮會好滑。而且價錢又唔貴，非常適合大眾使用。 萬寧買通常做第二支半價，$50支？咁平可以Treatment護髮素用，效果係估唔到咁好

Wuxx好用推薦：早排去完韓國旅行係olive young入手左唔少美妝， 其中一樣就係依個白樺樹防曬。 如果要我簡單介紹，我會形容佢為存在感零防曬。 擠出黎係凝乳狀，唔泛白，無咩特別香味， 保濕度都足夠，輕盈不黏膩，易推開同吸收， 上臉成膜後唔會同底妝打交， 雖然話係零存在感防曬， 但佢係有好好做以防曬功能， 同時唔會令你察覺到佢嘅存在～ 唯一扣分位係無防水， 夏天易流汗嘅朋友可能要注意需要經常補搽防曬。 另外我仲入手左佢嘅防曬棒， 方便日中出街補防曬。 雖然係硬膏條狀， 但搽上手都有感受到有保濕效果， 唔會因為形態改變影響產品本質。 目前使用感良好，之後都應該會再入手～

Elaine好用推薦：好好用，完全唔笠，又唔會同其他化妝品有reaction 質地好容易推開而且唔會泛白 大推！！！！！

mandy好用推薦：QUALITY 1ST The Derma Best VC100+Retinol 高濃度維他命C視黃醇抗老修護面膜 $39/ 5pcs from HKTVMALL $62/ 5pcs (*buy 1 get 1 free) from @cosme Store HK (Langham Place only) 功效：毛孔管理、緊緻、光澤、肌膚紋理、抗暗沉(均勻膚色) *@cosme Store 朗豪坊正在做Quality 1st產品買1送1優惠(只限朗豪坊），想試下是否適合自己膚質或想囤貨，記得去@cosme Store入貨啦～ 高濃度維他命C視黃醇抗老修護面膜蘊含海量美肌成分，例如：保濕成分、抗衰老成分、抗氧化成分、鎮靜消炎成分及美白等成分，是一款多功能的急救面膜。 主打成分包括高濃度維他命C（抗氧化/抗衰老/美白）、視黃醇（Retinol）(抗氧化/抗衰老)、菸鹼醯胺(另稱為維生素B3，具美白提亮、緊緻毛孔、抗炎、抗氧化、幫助細胞循環功能)及神經醯胺(保濕/抗衰老)。 面膜紙比一般derma laser系列面膜更透薄貼面，小心不要太用力撕破，大小尺寸跟我的面型很貼近。

jssica好用推薦：首先多謝@cosme邀請試用 Dove雪糕感身體磨砂膏🍦! 個人本身身體有輕微濕疹，而且肌膚比較暗沉。 首先試用左藍莓雪酪香雪糕感身體磨砂膏 ，一打開的確有好聞嘅果香味。磨砂膏質感細膩，綿密易推。feel 到有明顯嘅顆粒，但吾刺激，敏感肌應該都適用。 使用後，即時feel 到肌膚保濕左嫰滑左，的確可以有效去除全身老化角質。 暫時一星期使用1次，亮白效果吾算明顯，應該要持續使用。 整體來說，使用過程舒服，去到角質，又吾會敏感。 而楓糖餅乾香雪糕感身體磨砂，磨砂膏香氣甜甜的。 磨砂膏質感好似雪糕甘細膩易推。但顆粒相比下較粗，磨砂感較強。對腳跟、手肘、膝蓋等關節處尼d比較暗沈嘅位置非常有感。 使用後，同樣即時感覺到保濕同嫰滑左。而美白同樣應該都要持續使用後先有明顯效果。 整體來說，使用過程舒服，去角質有感，成分安心冇敏感。以開架來說，值得推薦～

C好用推薦：首先好開心參與Dove雪糕感身體磨紗膏嘅試用活動 今次新推出咗兩款磨砂膏 藍莓雪酪香同楓糖餅乾香 自己平時定期都會用身體磨紗膏 去吓手腳粗糙角質層 幫助後續身體保養品吸收到更好 講吓藍莓呢款先 佢針對暗啞肌而設 一打開 真係好似藍莓yogurt咁 清新果香 佢質感易推 顆粒感唔算好粗好大粒 再用暖水一沖就好易洗 用咗幾次 冇敏感 滑咗好多 皮膚明亮咗少少 始終亮白要長期用 配合防曬 先有持續明顯效果 佢温和顆粒感唔粗 可以全身用都得 因為咁 我比較鍾意呢款多過楓糖餅乾果款 整體嚟講 我幾鍾意😙

莓莓好用推薦：Lancôme 極光水用後感 講到提升肌膚透明感，Lancôme 呢支極光水（淨澈亮肌精華水）係近期算係有驚喜嘅一款。 佢係「水+油」嘅雙層設計，用之前一定要搖勻，變成淺藍色乳白色先倒出嚟。質地係清爽水狀，上面後塊面即時有種飲飽水嘅感覺，吸收快過你講「唔該」。 我用咗大概三個星期，最明顯嘅效果係：肌膚透明感明顯提升。之前鼻翼兩側同額頭望落有少少暗粒同粗糙感，搞到反光唔均勻。但用完一段時間，皮膚表面變得平滑咗，光線可以好平均咁反射，望落乾淨、透亮、有種「由內而外透出嚟嘅透明感」。 特別係朝早洗完面後照鏡，會覺得塊面好似多咗層好薄好薄嘅光澤，唔係油光，而係清澈、水潤嗰種通透感。就算未化妝，面頰蘋果位都已經有自然光澤。 不過要留意，佢入面有果酸同水楊酸成分，對角質代謝有幫助，但如果皮膚偏敏感或者乾到脫皮，初期要隔日用好啲，建立耐受力。我只能講，對於混合肌、少少暗黃想提升肌膚透明感嘅話，呢支極光水係好值得入。 評分（五星滿分）： · 提升透明感：⭐⭐⭐⭐半 · 撫平粗糙/暗粒：⭐⭐⭐⭐ · 清爽度：⭐⭐⭐⭐ · 溫和度：⭐⭐⭐（敏感肌要試下先） 總結：唔係淨係保濕咁簡單，而係真正

Miranda好用推薦：Lancôme支Clarifique極光水真係好啱我呢啲混合肌！佢係雙層設計，用之前要搖勻，質地清爽得嚟又有少少油潤感，但上臉完全唔膩。我最鍾意嘅係用化妝棉輕抹塊面之後，化妝棉上面真係見到黃黃地嘅污糟嘢，尤其係鼻翼同下巴位，抹完即刻覺得毛孔透氣晒！而且佢有果酸同水楊酸成分，但好溫和，我敏感肌用都冇刺痛。用咗大概兩星期，塊面明顯冇咁暗啞，膚色均勻咗，成塊面望落好透亮，提升咗肌膚透明度，素顏都好似自帶光澤咁。毛孔細緻咗，粉刺都少咗好多。朝早起身塊面唔會出晒油，水油平衡好咗。價錢係專櫃級，但效果對得住個價，一支可以用兩三個月。總括嚟講，想溫和煥膚、抹走污糟嘢、令皮膚變透光，呢支真心推介！