CeraVe

長效保濕面霜

感謝@cosme CeraVe「長效保濕系列 3 件組」試用活動: FACIAL MOISTURIZING LOTION SPF30 長效保濕防曬面霜 Eye Repair Cream 全效保濕修護眼霜 FACIAL MOISTURIZING LOTION 長效保濕面霜   本人膚質：混合肌偏乾, T字位油, 面頰偏乾 (有時會因為乾燥而泛紅敏感), 毛孔較粗大。因為偶然面頰會敏感變紅和痕，我都有試用市面上聲稱舒紅抗敏的不同牌子的護膚品，而CeraVe是第一次試。   FACIAL MOISTURIZING LOTION SPF30 長效保濕防曬面霜 (HKD195, 52 ml) 介紹: 協助修復肌膚表皮屏障之餘，保護肌膚對抗紫外線侵害。配方含3種親膚Ceramides，有助鎖緊水分，協助修復肌膚表皮屏障。MVE科技能有助持續輸送Ceramides等成分至肌膚表皮屏障，逐層釋放保濕及修護因子，讓肌膚能在塗抹後達致長效保濕功效。 配方無添加香料.   用後感: 本人每天上班都係用防曬替代base再上粉底, 正如之前講的我的面頰偏乾所以上防曬前都會加一層乳液。這款防曬面霜

Cerave長效保濕面霜適合夜晚使用，對我來講好溫和，完全唔刺激皮膚。而且佢通過咗敏感測試，所以我用得好放心，敏感皮膚同濕疹皮膚都可以用。質地好補水，唔算過分厚重，搽上面推開之後感覺水潤，好容易推開推均，然後都吸收得好快，表面就好似搽咗乳霜咁樣有保護感覺。水感面霜嚟講滋潤度幾高，但又唔會油膩，用完之後皮膚水潤彈嫩 價錢係$195/50g，喺藥房買會平多1x-2x，性價比唔錯！

感謝@Cosme今次有機會試用CeraVe嘅長效保濕防曬面霜🧡 我皮膚一轉季天氣唔穩定就容易有少少敏感，全靠CeraVe呢隻面霜，深層保濕得黎又完全無香味，用得好安心 👏 佢樽身有寫齊成分 👍 蘊含三重親膚Ceramides，修復肌膚嘅同時防止水分流失 🧡擠出黎係有少少似gel狀嘅面霜，好容易推開，滋潤得黎亦感覺好舒服，唔會黏笠我皮膚敏感嘅時候會好怕用有香料嘅護膚品，用CeraVe呢隻面霜就好安心，又舒服又長效保濕 👏 同系列仲一齊試用左防曬面霜同修護眼霜，一樣不含香料又好保濕，都好適合敏感肌膚使用💕

隨著季節轉變，任何性質嘅皮膚都會變得乾燥朋友們，或者出現不良狀態，推薦大家使用者這款產品cerave 長效保濕水份面霜。 Cerave面霜係厚身水份面霜，用嘅時候可以厚厚地塗上一層，可以即刻感受到水潤感，冰涼舒適，而且吸收得非常快。即使第一次用，或者皮膚好乾燥泛紅嘅時候用，塗上面霜之後皮膚都唔會有好刺激嘅感覺，反而係舒緩感，臉上的乾燥感會消失。使用呢支面霜後，乾燥嘅面頰都會變得水潤。 這款面霜幾乎一年四季，或者轉季時候嘅必備品，容易令皮膚保持水份之餘，亦令皮膚整體狀態更加穩定👍🏻

Cerave 長效保濕晚霜，雖然名稱叫保濕晚霜，但我覺得朝頭早用都好合適。佢嘅質地比較濃稠，但唔會黏膩，對於我乾性皮膚非常適合。而且佢唔係一般嘅乳液狀，係一種比較厚實嘅水份面霜，反而吸收得好快。 有試過晚上用呢款面霜，朝早起身肌膚感到有啲乾，可能因為我需要嘅保濕度再高啲，相反而家入秋早上用就適合。 CeraVe晚霜冇添加香料，敏感肌膚都適合，配方含3種親膚神經思安可以穩定皮膚，而且冇香味，令到肌膚更加唔舒服。保濕效果如果夜晚用再加強啲，就會更加完美。不過而家嚟講都好滿意。冬天會買埋同牌子嘅lotion同cream用，試吓係咪都幾好💕

我係屬於乾敏感肌，有陣時選擇護膚品都幾煩惱， 轉新護膚品比較容易泛紅或者敏感， 更唔可以有酒精成份，本人又不喜愛有香味嘅護膚品。 我大約用咗接近兩星期 CeraVe 長效保濕面霜， 本身它冇香味+低敏配方 勁啱我🥰， 最重要 佢真係做到 長效保濕效果💯， 同埋冇黏笠，夠水潤保濕，我搽完佢瞓覺 冷氣房八個鐘以上，都感覺皮膚夠保濕，唔會掹掹緊， ✅️仲發現用後頸部敏感情況得以舒緩，冇再敏感起紅粒， 效果驚喜!🤩 另外，我比較喜歡護膚品係泵裝 (哩支CeraVe cream就係泵裝)，因為可減少接觸空氣，開封後都可以keep住衛生💗，冇咁容易變質。

好多謝@Cosme抽中我試用CeraVe長效保濕系列3件組,分別係“長效保濕防曬面霜SPF30-日間用”，“長效保濕面霜-晚上用” ＆ “全效保濕修護眼霜”😃 我非常幸運係我皮膚最差最敏感嘅時候收到，本人係偏乾性敏感肌膚，係轉天氣好乾燥這時候好容易引發濕疹，收到產品嘅一刻正正處於依個情況🥹皮膚痕癢，泛紅，甩皮。。。真係令我好困擾🥺正因為咁既情況我需要立即停用平時既護膚，好彩依個時候收到CeraVe產品👍 晚上沖完涼我搽上“長效保濕面霜-晚上用”樽身用左好簡潔嘅藍白色，而且好方便採用唧裝既出口位，輕輕一下既份量足夠搽勻全面，而且好易推，水潤而不黏笠， 可以令我皮膚得到舒緩🥹再配合埋“全效保濕修護眼霜”，眼霜質地好輕盈易推，好水潤好快被皮膚吸收哂，不會令我眼周起粒粒，眼部泛紅情況及乾紋明顯改善最後試用埋“長效保濕防曬面霜SPF30”，睇到產品說明話有SPF30防曬覺得好好👍因為搽面霜已經有埋防曬功效，一支搞掂哂👍當然如果有SPF50最好啦🤭這個防曬面霜質感好水潤易推，化妝後都冇好笠，冇溶妝問題👍經過7天試用後，我既皮膚已經回復90%🙏因為CeraVe 的所有產品都與皮膚科醫生共同開發，所

多謝@Cosme嘅試用邀請 💕 今次試用嘅係： CeraVe長效保濕面霜 好開心今次可以試用CeraVe長效保濕面霜 💕本身都有用過CeraVe呢個牌子嘅洗面同沖涼液，效果都好好，所以對呢個牌子嘅product都好有信心，亦都好期待今次嘅試用☺️ 呢一枝面霜就係for晚間使用嘅，入面嘅成份聲稱係可以同時做到保濕、舒緩同埋修護肌膚屏障。對於本身極度乾皮膚加埋呢排唔舒服皮膚狀態唔太好嘅我嚟講，呢枝面霜都真係幾吸引🤩 CeraVe本身係同皮膚科醫生共度研發，所以佢嘅產品都好啱敏感肌嘅大家用☺️亦都係同樣原因，佢無添加香料，所以真係會冇味(重點係冇奇怪味!)😂 包裝有別於平時嘅罐裝/牙膏裝，呢種pump可以比較容易控制到每次嘅份量，亦都可以減少cream同外界嘅接觸，減低細菌滋生，唔錯唔錯～😌 質地方面，需要呢一枝係面霜，但係佢都幾好推，亦都唔會太黏😌好快吸收之餘又可以做好保濕，到第工朝起身塊面都冇乾到緊嘅感覺😌

產試用日數：7日 用法：晚上潔面後使用 皮膚狀況：乾性, 因懷孕皮膚不穩定，易紅，暗沉及生痘痘 配合產品：HABA G Lotion 原本皮膚唔易生痘同用到刺激性既護膚品，但懷孕之後因荷爾蒙既變化生左好左痘同原本用緊既護膚品上面會有“拿”既感覺，所以都想轉用溫和同成分簡單既護膚品。 今次有機會試到眼霜，面霜同防曬三種產品，已經可以解決皮膚基本需要。 面霜：因為我乾肌，所以著重保濕，試用產品只係用左HABA G lotion同Cerave面霜，開頭都擔心無用精華保濕力唔夠，佢好易推，上面好清爽，唔會感覺到有膜，但第二朝發現面又唔會乾，而且痘痘都無咁紅，係面完全無負擔，有時開冷氣瞓會搽兩層，第二朝塊面都唔乾，用落舒服 眼霜：本身有用Lancome眼精華同眼霜, 今次試效果所以淨係用Cerave眼霜，係眼既去紋同保濕效果唔及之前用既護膚品咁明顯，不過都唔會生粒粒，第5日就拎黎試搽頸，感覺好似好過搽眼底 防曬：佢係透明無色防曬，唔係長時間係戶外防曬系曬已經好夠，上面唔會笠，用少少力捽都無擦膠粒，後續用化妝品都唔會打交，用後既感覺都好好。 一直都知Cerave係敏感肌既恩物但一直

護膚日常：CeraVe面霜嘅溫柔守護 🌿 喺忙碌嘅生活裡面，護膚已經成為咗一種儀式感。最近，我俾CeraVe呢款面霜深深咁打動到。佢好似一個默默守護你嘅朋友，用溫柔嘅力量滋潤住我嘅肌膚。🌿 每次搽上塊面嗰陣，都會感覺到佢嘅質地夠晒輕盈同幼細，好似春風咁輕輕拂過塊面。佢嘅保濕效果真係好令人驚喜，就算喺好乾燥嘅季節，都可以令到皮膚保持水潤光澤。 而且佢都好適合用嚟做曬後急救，皮膚泛紅嘅時候拎嚟厚敷，效果真係好好💦。我本人係混合性偏乾皮膚，冬天會乾到甩皮，用咗佢之後，好少再會有乾到甩皮嘅情況出現。 另外，佢嘅提亮效果特別好，我連續用咗半年，連班friend都話我變白咗。 呢款面霜冇華麗嘅包裝，但係就憑實力贏咗我個心。佢適合各種膚質，尤其係敏感肌嘅朋友，可以放心使用。🌸 護膚唔單止係為咗靚，更加係一種對生活嘅熱愛。多謝CeraVe，讓我每一日都感受到被細心呵護！

一轉季就皮膚乾燥嘅兄弟姐妹，人手一支！ 天氣一轉涼，塊面就好似鬧鐘咁準時即刻有反應，面頰又紅又乾，急急腳摷返我支Cerave面霜出嚟厚敷一層。 一搽上臉，真係水感大爆發，凍冰冰超舒服，好快吸收咗！無幾耐，塊面嘅紅同燙焫焫嘅感覺就退晒，乾到甩皮嘅面頰都變得水潤十足。照塊鏡一睇，塊面又滑又亮，重帶住啲自然光澤感！！！ 呢支就係我呢個大乾皮秋冬換季必用嘅保濕霜，而家連續用咗幾日，摸落去水噹噹，又飽滿又細滑，皮膚狀態直接拉滿！ #換季#轉季#乾皮 --- 希望這個版本能傳神地表達出原文的驚喜感！如果还有其他修改想法，随时可以提出。

Cerave保濕面霜測評｜平價大碗嘅補水神器 姊妹們！今次同大家分享呢支Cerave保濕面霜，真係平靚正代表！ 質地同效果： · 係白色乳霜狀，睇落厚重但推開好輕薄，油皮用都唔會悶痘 · 入面有神經酰胺同透明質酸，補水鎖水一次過搞掂 · 我試過轉季爆拆嗰陣厚敷，第二日塊面即刻冇再繃緊，甩皮位都平復咗 使用感： ✨ 吸收後係啞光感，唔會油立立，後續上防曬同粉底仲更加貼服 ✨ 冇香料酒精，我敏感肌用咗半年都未試過泛紅 ✨ 最正係$150有成340g，用嚟搽身都唔肉赤！ 小總結： 如果姊妹你係： · 乾敏皮想搵支穩陣保濕 · 油皮想要清爽又修護屏障 · 學生黨追求高性價比 呢支真係閉眼入都得！平價過好多專櫃貨，效果仲要贏幾條街！

最近我試用CeraVe長效保濕系列三件組之後，我想講一講我呢款產品唔同既感受同埋效果。首先我想講吓喺日間使用嘅長效保濕防曬面霜SPF30， 我使用之後覺得呢款防曬霜嘅質地係好容易推而且輕盈唔會黐笠，對我嚟講性質係溫和，而且唔會令到我嘅皮膚容易敏感泛紅，而且保濕度做得好好，可以有效補充水份，並協助修復面部同埋頸部嘅肌膚表面屏障。因為我本身係敏感肌膚我用完之後冇敏感而且舒緩我肌膚嘅屏障仲可以有二十四小時長效保濕。 而另一款，就係晚間使用嘅長效保濕面霜，同樣都係對我嚟講係溫和，而且唔刺激皮膚，而且我見到佢係通過敏感測試，所以我自己可以放心使用，另外質地係非常補水，同埋保濕瞓醒覺之後都係感覺皮膚有一層保護屏障。 異最後嘅呢一款就係全效保濕修護眼霜，這款產品可以為眼周肌膚保濕撫紋之餘仲可以幫我改善黑眼圈同埋眼部浮腫嘅問題，而且最緊要係質地輕盈同埋用完之後透明冇色，仲可以用埋精華液同化妝品一齊使用，真係方便又好用，值得介紹俾我身邊嘅好朋友一齊使用！

多謝@cosme讓我試用CeraVe產品。 本人為乾敏感肌，易泛紅。第2幅為用產品前的皮膚狀態，面頰位輕微泛紅，圖3為用了一星期後圖，可見泛紅程度有所改善。 長效保濕防曬面霜非常方便 防曬加面霜2合1 ，對敏感肌而言簡化放上面嘅產品等於減少刺激泛紅的機會！ 產品含Ceramides,鎖水又可以修復肌膚屏障，塗上面不刺激，微微滋潤，不黏膩，冇搽防曬產品的厚重感。保濕程度可以持續到下午。 我非常喜歡唧壓式包裝，非常方便又衛生，通常我會唧1下都夠全面用。有防曬但又唔會全面白雪雪確實唔錯。但若猛烈太陽或者要暴曬嘅活動就一定唔夠嘅，日常出街返工冇咩問題。 晚間用的長效保濕面霜，以晚霜黎講算比較清爽不黏膩，夏天用冷氣房用都夠保濕 但冬天用就應該不太夠。同樣是我喜歡的唧壓式包裝，夜晚會唧1.5下左右，肌膚感覺溫和唔刺激。第二朝起身唔會覺得塊面出左油或者太繃緊。 全效保濕修護眼霜幼管咀唧出，可好好控制使用份量，清爽唔刺激，保濕但唔會太潤到起油脂粒。唔錯，但試用日子短，未睇到對黑眼圈有好大幫助。 長效保濕系列3件裝一齊使用，整體感覺皮膚穩定度高左，搽上面好快被吸收又冇刺激到皮膚，真係好似肌底情況在慢

這是一項令人使用上來能夠安安心心既產品！ 女性每個月「嗰幾日」都容易出現情緒反應，緊張、焦躁、仲特別喜怒無常！而有時間我既臉蛋更可能不受控地爆出痘痘/石頭瘡！呢啲不穩定因素真係好令人沮喪！ 我有一種肌膚管理既習慣，就係「嗰幾日」會停用含香料含刺激性成分的護膚品—呢段時期前前後後約５天，我會轉用另一組護膚品呵護住初熟肌膚… 之前會用某牌子萬用面霜單一地維穩，而今次獲得@cosme 同CeraVe 邀請參與使用全效保濕修護防曬日霜、長效保濕晚霜同全效保濕修護眼霜3件組，今次可以盡情地保養護膚了。 防曬面霜：$195/50g帶有為人熟悉既太陽油既氣味，係實色濃稠質地，我唧出兩粒紅豆份量用於臉與頸部，感覺唔黏笠；可能因為產品加左一種技術「InvisibleZinc」，令原本容易黏膩嘅質地變得輕盈啲！ 晚間用保濕面霜：$195/50g非濃稠質地，肉眼見有少少透潤狀態。此晚霜十分好推勻！比乳液多了滋潤度但又不會好似乳霜帶有油膩感，意想不到既親膚！配合埋我晚上必用既素顏粉休息一晚，第二朝肌膚狀態潤彈充滿水分。呢種質地配合埋化妝水+精華後使用都唔會太笠，實在有驚喜。 眼霜：$195/14g 眼霜必

首先感謝@Cosme 抽中我試用CeraVe 長效保濕系列三件套。長效保濕面霜質地比起同系列既日霜更輕薄更易推開更不黏立。保濕度極高，試用期間每朝起身都冇滿面油光。 而係舒緩同修護方面，其實係産品送到後我甘啱係下巴同頸既摺位生金錢癬，眉頭都生左不明物體既密集粒粒同泛紅。所以一開始收到後我都糾結左幾日開唔開新産品好，雖然本身就知道産品冇含酒精，都知道呢個牌子專出敏感肌可以安心使用既產品。 但用左幾日後發現眉頭莫明粒粒情況有好轉，而我下巴本身一直都有痘痘，亦都退左好多，用到今日眉頭敏感情況已經幾乎好番哂，啲粒粒冇哂，得番少少紅印。舒緩與修護肌膚屏障方面真係不得了，係咁啱皮膚唔穩定既情況下收到呢個系列真係🙏🏻填問卷申請個日明明乜都未生，乜事都冇🥹 而頸同下巴個摺位茶面霜，當然作用不大，都係要搽專用藥膏，但至少可以令我冇甘痕，舒服啲，冇令我情況惡化，成份溫和日頭出街可以安心搽日霜係癬位防曬。相就唔影，絕對會嚇親大家🙈

CeraVe一系列蘊含3重親膚Ceramides(神經酰胺）以修護及維持肌膚表面的天然屏障功能，防止肌膚水份流失的護膚產品配方均集合皮膚科醫生的專門知識而研發。 從早排開始認識Ceramides後便開始留意品牌，曾自購品牌的最暢銷保濕系列產品 - 長效滋潤修復霜，非常適合冬天手腳極乾的我使用而且價格相宜CP值極高。感謝@Cosme 抽中試用「長效保濕系列3件組」。   🌼我於17/5收到產品後即日開始使用。我屬於混合性偏乾皮膚，有T字位出油問題。我的使用方法是每朝使用化妝水後，將長效保濕防曬面霜SPF30搽上全面及頸部，吸收後再繼續完成化妝程序。同時，每晚潔面搽上化妝水及精華後，搽上長效保濕面霜並配搭全效保濕修護眼霜使用。 晚霜印象通常是較厚才能有一定的滋潤感。這款晚間使用的質地比我想像中輕盈，溫和而且沒有厚重感，使用時很容易推開。 最近下雨天潮濕悶焗，對於需要持續開冷氣的我來講剛好需要這種輕薄易吸收的護膚品。吹完一整晚冷氣早上起身皮膚完全沒有崩緊，反而仍有水潤感，可見補水能力和保濕持久度高。亦修復了本來有一點小泛紅的皮膚回復正常狀態。 ✅使用長效保濕系列3件組後增加了我對品牌

感謝 @cosme 抽中試用CeraVe長效保濕系列。因為自己本身有濕疹，所以一直都有用開CeraVe嘅產品，好開心今次可以試到CeraVe嘅其他產品。相信都好適合敏感肌膚人士使用！ 長效保濕防曬面霜 SPF30 保濕、防曬二合一！好岩我呢啲面部乾燥，一上妝有時會甩皮，有時仲會起哂擦膠碎。呢隻好易推開，而且保濕效果唔錯！ 全效保濕修護眼霜 質地輕盈、透薄、不油膩！冇香精味同酒精，好溫和，用後感覺眼周圍好保濕，但黑眼圈仲係度，相信要多啲時間再睇睇效果。 長效保濕面霜 之後一直都係用CeraVe嘅保濕修復乳擦埋面。今次有面霜！一如既往嘅好用。好保濕，習慣早晚都會使用！ 一直都有使用CereVe產品，溫和又有抗敏修護功能，而且不含刺激性香料。今次三款產品都全面照顧到早晚基本護膚需要，係令人安心使用嘅實力組合！

謝謝@cosme 抽中試用。 今次試用CeraVe 長效保濕面霜。 盒上說明是晚上使用的。 面霜質地都幾輕薄，亦都好易推勻。 上面的感覺很保濕，但不會有黏膩感。 本身CeraVe是主打無香料無添加，所以都聞唔到有任何味道，但亦唔會有一陣藥味😅 用後感覺好良好，不用生油脂粒 暗粒。 也很溫和、不致粉刺 性、不敏感。 晚上搽完精華再搽面霜，喺冷氣房七個鐘以上，都好保濕。 第二朝起身皮膚都唔會好繃緊，有保濕效果! before after

繼上次收到@Cosme A醇精華後，已十分喜歡CeraVe品牌，見有網民大推A醇加pm lotion combo因而購入。本身價錢都係百零蚊鬆啲，非常平價，質地比較偏向watery ，輕薄唔厚身，夏天都用得，加上佢有Niacinamide ，更加可以日頭用控制出油。暫時使用感覺良好，美白buff可能要再耐啲先見到效果。