CeraVe

活肌再生維他命C提亮精華

除咗面霜，我最近亦都加咗CeraVe嗰支維他命C精華（Skin Renewing Vitamin C Serum）入我嘅日頭護膚程序，順便分享埋少少用後感。 質地方面，佢同坊間好多水狀嘅精華唔同，擠出嚟有少少似輕薄嘅乳液。上面之後要稍微俾少少時間佢吸收，但吸收完之後唔會覺得好笠。我試過後續再搽防曬同化妝，都冇出現起擦膠粒嘅情況，呢點算係唔錯。 佢嘅成份有10%純維他命C，對新手或者皮膚容易敏感嘅人嚟講，算係一個幾好嘅入門濃度。我開頭用都有啲擔心會唔會覺得「那」或者刺激，但可能因為佢本身有加神經酰胺同透明質酸做打底，用落比想像中溫和，我用咗一段時間都冇出現泛紅或者刺痛。 至於效果，講真佢唔會令你面上嘅色斑或者暗瘡印即刻消失。但持續用咗差唔多一個月，最明顯嘅感覺係整體膚色均勻咗少少，朝早起身塊面冇之前咁暗沉，望落去精神啲。另外值得一提嘅係佢個包裝，用咗密封鋁管設計，可以減慢維他命C氧化變黃嘅速度，呢個細節做得幾好。 總結嚟講，如果你追求極速美白淡斑，呢支精華未必滿足到你。但如果想搵一支價錢合理、溫和唔刺激，用嚟做日常抗氧化同慢慢提亮膚色嘅精華，佢算係一個幾穩陣嘅基本款選擇。

首先要多謝Cosme抽中我試用CeraVe 敏感肌抗老系列嘅「活肌再生胜肽緊致修復面霜」、「活肌再生A醇抗皺精華」，同埋「活肌再生維他命C提亮精華」🩷 呢個品牌係美國皮膚科醫生Number one推薦，第一下嘅感覺係好信得過咁喎。同埋其實都有好多文章講過早A晚C，對皮膚抗老同埋美白係好有幫助嘅，所以今次抽中試用呢個系列真係好興奮🥰 「活肌再生維他命C提亮精華」，呢款產品主打溫和顯著提亮膚色，質感爽，保濕五黏膩。 佢係透明gel狀，搽上面，唔夠半分鐘，就已經俾皮膚吸收晒！之前試過用其他維他命C用品，皮膚會覺得吉吉地，但係呢款產品完全冇刺痛、皮膚發熱，或者不適，所以我都好同意呢款產品係好溫和👍🏻 Before:After:用咗一個禮拜，皮膚整體亮澤左，冇咁蠟黃同埋暗沉，同埋面上啲色斑輕微減少咗，相信用耐啲時間，效果會更加明顯🩷 以$280/30ml 黎講，呢款產品嘅CP值好高 開心開心

非常幸運獲@cosme 選中，可以試用Cerave 活肌再生系列，一次過用齊三款產品： 活肌再生胜肽緊緻修復面霜 活肌再生A醇抗皺精華 活肌再生維他命C提亮精華 CeraVe的紫色再生系列，好受歡迎，一方面因為佢係由皮膚科醫生研發，另一方面係因為價格道民嘅同時，佢嘅成分可以媲美貴價護膚品！ 一直都想嘗試「早C晚A」嘅護膚程序，但又好擔心用retinol 會令皮膚泛紅同甩皮，於是遲遲唔敢實行。但今次係Cerave，又放心啲喎！ 活肌再生維他命C提亮精華，有10%維他命C成份，精華嘅質感精爽水潤，塗抹時並無刺痛或發熱的不適感，好快吸收，保濕度好好，同埋即使最近天氣回暖，都唔會黏膩。用左十日，雖然色斑無咁易減淡到，但皮膚有提亮，無咁暗沉，觸感細緻同有彈性左。 （使用前） （使用後）大家可以睇埋活肌再生A醇抗皺精華同埋活肌再生胜肽緊緻修復面霜嘅評語，全面了解Cerave 紫色抗老系列嘅用後感。 再次多謝@cosme 嘅邀請！

感謝@cosme 邀請試用CeraVe 活肌再生維他命C提亮精華，以下分享一下使用心得～ 質地：近啫喱狀的精華，不會有黏笠感覺，上臉容易推開，均勻塗抹。 顏色氣味：呈半透明，沒甚麼香料氣味👍🏻 效果：上臉後很好吸收不刺激，也不會泛紅。連續使用感覺皮膚更水潤，但暫時未見淡斑功效。 總評：本身皮膚很容易出曬斑，期待這款精華能有淨白淡斑功效，可能試用時間較短，未有太大感覺。要讚一下這個包裝，是保鮮密封，要開封時樽蓋往下推才開封，感覺好新鮮。這款精華感覺溫和，用後不會起紅、刺痛或起粒粒，令我十分放心。希望再繼續用夠21日會見到淡斑效果🩷

早C晚A嘅概念你有聽過嗎？ 「結合了維他命C的亮白抗氧與維他命A的抗老煥膚，是目前公認高效率的抗老組合。 」 - Google 皮膚容易敏感嘅我一直都想試呢個高效抗老美白護膚法，但就好驚過敏🤧 見到醫學品牌CeraVe出左一系列產品，忍品住要試晒💗多謝品牌提供試用💗 【活肌再生維他命C提亮精華】 * 蘊含三重親膚Ceramides、透明質酸及10% 維生素C，配方有效強化肌膚天然屏障及保濕，溫和顯著提亮膚色。 * 質感清爽保濕不黏膩，迅速吸收，肌膚感覺清爽。 * 70% 用家認同使用8週後，同意色斑減少20%和增加 17%膚色均勻度，膚色明顯變得更明亮。 好鍾意個蓋係要扭實先開封支精華，防止精華會氧化，感覺好新鮮 (扭蓋前） （扭蓋後，成功開封精華） 質地好清爽，完全無刺激感，用完成個膚色見到光澤透亮左，膚質都明顯提升左💗 原來早上用完維c再加防曬，效果會雙效加倍的

今次試用CeraVe嘅活肌再生維他命C提亮精華，睇下有咩效果先☺️ 呢枝提亮精華細細枝吱吱裝，容易控制份量，唔會一下吱太多岀黎浪費哂。精華顏色偏黃，冇特別香料味，適合敏感肌膚。 我自己會按照早C晚A嘅用法，朝早會用呢枝維他命C加CeraVe 活肌再生緊緻修復面霜，而夜晚就會用CeraVe活肌再生A醇抗皺精華。朝早用維他命C類產品可以抗氧化同提亮膚色，而夜晚使用維他命A類產品可以促進膠原蛋白生長、代謝角質與修護細紋。CeraVe呢個抗老系列3件產品已經包含哂我一日需要用嘅護膚程序👍 精華質地接近lotion狀，好容易推開亦都好快吸收，冇任何黏膩或者厚重感覺，質地輕盈透薄，用落亦唔會有任何刺痛發熱感。我嘅膚質屬於混合性偏乾，睇before圖都見到膚色又暗啞又黃。用咗兩個星期，覺得都幾明顯有幫助提亮膚色改善暗沉，明顯多左光澤感，面色紅潤左，皮膚摸落滑溜左，化妝時減少左卡粉問題。 我都好明白CeraVe最大賣點係温和不致敏，當然唔會話一用呢類維他命C精華就白到發光，但係我相信持之以恆咁用，慢慢皮膚一定會有改善👍

多謝 @cosme 抽中我試用CeraVe活肌再生系列 3 件組嘅活肌再生維他命C提亮精華。呢個系列係歐美圈好Hit！估唔到有機會比我試到佢！ 我試用左差唔多2個星期，日頭洗完面後用爽膚水潔面，有時會搽個保濕精華，然後再用呢支精華，視當日天氣/膚況決定用唔用埋同系列面霜。 精華密封&保鮮做得好好，第一次用前係要先壓落去再擰實先用得。 精華吱出黎係半透明乳白色，有少少油感，吸收後尚算清爽，冇黏笠，冇怪味/香味。 推開後： 我皮膚好易敏感，會因天氣/飲食/用錯野而敏感，而呢個系列都冇令到我敏感，非常溫和。 使用過程冇致敏，不過搽到人中時會有些微慶慶熱熱嘅感覺，但冇不適。 係期間我有因天氣/飲食而生暗瘡，佢唔致痘，但生暗瘡時用會令暗瘡更加嚴重，後期發現左呢件事之後我就只會用係冇暗瘡嘅area上(額頭，2邊面頜)，不得不說，佢提亮同埋均勻膚色都真係有一手，而且我都覺得係冇暗瘡嘅位使用後，皮膚有變得穩定。 日間使用後都有變嫩，皮膚觸感變得柔軟！會推薦比想變白，冇暗瘡嘅朋友仔使用！

感謝@cosme 今次有得試用CeraVe 活肌再生維他命C提亮精華 ✨好期待 未用嘅時候精華係密封狀態，扭入樽蓋後會聽到pop一聲，先開封支精華 ✨ 保護入面維他命c嘅新鮮度 ❤️ 包裝很簡潔，有列出曬d成分 用得好安心 入面嘅精華好清爽 一搽開瞬速吸收左 第一次用有少少緊緊地嘅感覺 但無唔舒服 用左一陣 感覺皮膚有透亮左少少 💕 斑斑就暫時未見到太明顯效果 期待用耐d嘅效果 ✨

多謝@cosme & CeraVe 嘅抽選，令我可以試用新產品活肌再生維他命C亮肌精華。 今次試用活動是三項產品「活肌再生胜肽緊緻修復面霜」、「活肌再生A醇抗皺精華」及「活肌再生維他命C提亮精華」一同試用。 試用期間，我按照早C晚A嘅護膚原則，朝早洗臉後先用爽膚水，然後係肌底液，再塗上維他命c精華，然後係修復面霜，最後再塗防曬。 提亮精華的成份有神經酰胺、透明質酸及10%維生素C，質感屬於清爽不黏膩，好快就吸收晒，可以繼續下一個護膚程序。 效果方面，有啲奇怪，自從用咗提亮精華後，如果晏晝或夜晚用紙巾抹面，張紙巾會變成橙紅色。一開始我以為係化學防曬與面霜產生反應，改用物理防曬，但情況照舊，最後直至我唔搽提亮精華，改用其他品牌嘅美白精華(都有維C成份)，照用修復面霜及防曬，張紙巾終於變返正常，只係有好淡好淡嘅黃色。 根據AI分析，紙巾變橙紅係維他命C氧化後產生的色素殘留在皮膚表面。大概是高濃度維C精華，所以容易氧化。不過我係塗完精華後有搽面霜及防曬，所以真係唔明白點解會咁。 至於減淡痘印或提亮膚色方面，可能用嘅時間未夠長(不足14日)，整體效果唔明顯。 之後會再繼續試吓唔同配搭

好多謝Cosme抽中我分享今次嘅試用🫶🏻 呢個牌子一向都係我愛牌，佢哋竟然推出咗連敏感肌都可以用嘅美白精華！大家都知如果敏感皮膚一向就盡量避免美白精華，因為多數裏面嘅成份都會比較刺激😖 之前一直覺得自己「白係白，但好黃好暗沉」，尤其熬夜完，臉色總係灰灰地，素顏出街都無自信！ 呢支亮白質地係水水清爽型（唔係黏笠油狀），一推開就吸收超快，我相信混合肌/油肌都OK。味道近乎無味，用完之後皮膚有種「被洗過濾鏡」嘅感覺，摸落去滑滑地，唔會乾。 用咗幾耐開始有感： • 頭一星期：主要係保濕＋微微提亮，起床照鏡覺得臉色冇咁蠟黃，特別係鼻翼同額頭位（以前好易暗沉） • 2–3星期：最明顯係整體膚色開始均勻咗！面部痘印同輕微曬斑（例如鼻樑位啲細印）開始淡咗少少，唔再咁紅紅棕棕！ 如果你哋真係好重視美白嘅效果呢，我覺得呢款係比較偏向均勻皮膚，唔會真係會令到我哋嘅皮膚亮幾度！但我好相信 如果你係敏感皮膚你一定會滿意呢一支令到你皮膚均勻嘅效果！

CeraVe 為開架護膚品牌，有皮膚科醫生測試和實證，一直印象良好，係務實嘅品牌。今次感謝@cosme獲得試用新產品 「活肌再生系列」，有兩種精華同一罐面霜。 使用兩星期CeraVe 後，我認為我的肌膚有不錯的改善，例如提亮精華，我今次將精華試用在暗瘡印的下巴，使用兩星期後，下巴膚色如圖。 隨着暗瘡凋謝，又多喝水，用提亮精華，暗瘡印恢復速度很好！所以我很喜歡這支提亮精華！但產品包裝令我有點困擾。佢係tube裝+幼咀設計，首次打開時，因我不知道是扭蓋就用力拔封蓋，以致輕率地潑出一部分精華…浪費了。這一點令我不算滿意包裝設計，但不影響產品效果/滿意度。

CeraVe呢支維C精華質地係清爽gel狀，上面唔會有油膜。我會朝早用完爽膚水後，搽維C精華，再加搽防曬，佢唔會同其他護膚品打交。試用後約2星期後，感覺肌膚有比使用前透亮，整體膚色亦均勻左少少。另外，一D暗瘡印同斑亦有較先前為淡色。 雖然維C濃度有10%，但佢冇令我皮膚出現刺激或者不適嘅感覺。應該係因為配方入面有 ceramide 同透明質酸，加強咗保濕同屏障。 用好感覺良好，會一路夜晚配合活肌再生A醇抗皺精華同埋活肌再生胜肽緊緻修復面霜使用，期待有更加好嘅效果！

連續使用 CeraVe 活肌再生維他命C提亮精華大約兩星期後，我對它的整體表現相當滿意。 精華質地屬於輕盈啫喱／乳液狀，推開時很水滑，延展度高，幾下就完全吸收，沒有黏膩殘留，也不會有一般高濃度維C常見的刺辣或繃緊感，對乾敏肌來說算是很舒服的一種清爽保濕感。 這兩星期早上持續使用，加上它同系列帶防曬的面霜，感覺超棒的, 一整天皮膚都保持水潤，沒有出現爆皮、泛紅或刺痛等不耐情況，且自帶”美肌”效果，非常方便。 提亮方面，大約一週後已覺得膚色沒以前那麼暗啞，整體氣色較均勻，有「睡飽」的明亮感，但屬於自然、慢慢提亮，而不是一下子大幅變白那種。 兩星期後，臉頰與額頭的粗糙感減少，摸上去更平滑細緻，上妝時粉底更貼面、不易卡粉，連素顏看起來也比較有光澤感。 因為同時加入三重 Ceramides、透明質酸及維他命B5，對乾敏肌來說不只是在提亮，還能兼顧保濕和鞏固屏障，整體是可以放心持續使用、慢慢見效的那類維C精華。

好多謝Cosme邀請試用呢set CeraVe 抗老套裝，對於轉季轉天氣轉濕度就會乾敏濕疹嘅我實在太有幫助！因為乾敏濕疹已經花費咗太多金錢，試過好多唔同品牌、唔同價位嘅護膚品，但係都好反覆，效果亦都唔係好理想。 亦從來冇諗過咁敏感嘅肌膚都可以喺穩陣同唔刺激嘅狀態底下做到早C晚A, 仲要有埋Peptide嘅cream鎖水，做到好好嘅保護。 有圖有真相！只係用咗短短21日，我濕疹嘅位置已經好返好多，皮膚仲細緻咗！效果真係喜出望外。 首先講吓支10%維他命C精華，搽落去一啲都唔刺激，仲要吸收得勁快，一啲都唔笠！天氣夠潮濕的話可以唔需要再搽其他保濕精華都夠頂！如果天氣乾燥嗰幾日呢，我就會先搽維他命C再搽其他保濕精華都絕對冇問題。 一直都有用開CeraVe其他產品，真係估唔到原來佢哋抗老系列都做得咁好！性價比極高！用晒呢支之後一定會繼續買，同埋一定會介紹俾其他有濕疹/敏感困擾嘅朋友一齊安心地抗老！

一直想試早C晚A的護膚程序，多謝cosme同cerave抽中我🥰🥰 呢支精華質地算輕透，推開之後好易吸收，皮膚表面零負擔，唔會有任何油淋淋嘅感覺。用左兩個星期左右，皮膚光澤感有所提升，整體膚色均勻咗，冇咁黃，暗沉位置明顯冇咁灰啡色，連淡色痘印都減淡咗。 延展性高，吱少少可以推到範圍好大，好薄 估唔到既係保濕力都相當出色，用完皮膚摸落軟熟有彈性，完全冇刺激感，敏感肌用都好舒服。持續用咗一排，最明顯係塊面冇咁黃，色斑都淡咗，朝早用佢打底，之後上妝特別貼服，粉底唔會浮。 之前以前早C晚A會好刺激皮膚，呢支精華打破我對呢個護膚程序既印象！適合乾敏肌用喺早C晚A嘅護膚流程入面，溫和得嚟提亮效果又夠明顯。 清爽度： ★★★★★ 提亮效果： ★★★★☆ 保濕力： ★★★★☆ 溫和度： ★★★★★ #溫和提亮精華 #早C晚A適用 #敏感肌友好 #膚色均勻神器

今次試用 CeraVe 活肌再生胜肽緊緻修復面霜、CeraVe 活肌再生A醇抗皺精華同埋 CeraVe 活肌再生維他命C提亮精華，整體感覺幾唔錯 (˶˃ ᵕ ˂˶) 我本身係混合肌，最近開始留意到有少少細紋，見到塊面有啲位開始唔再係「青春無敵」，就知道真係要認真保養下了 本身我都有用開藍色 CeraVe Moisturiser，所以今次試呢個系列都幾有好感 ♡ 朝早我會用 CeraVe 活肌再生維他命C提亮精華，夜晚就隔晚用 CeraVe 活肌再生A醇抗皺精華，再配合 CeraVe 活肌再生胜肽緊緻修復面霜。維他命C精華質地幾清爽，推開容易，我幾鍾意佢真空牙膏式包裝，感覺可以減少氧化，用落安心啲。朝早用完再搽防曬都OK，塊面望落都精神啲。 A醇精華我本身都有啲驚會太刺激，不過隔晚用落又比想像中溫和，暫時冇乜明顯不適，皮膚摸落都滑咗少少。至於面霜就幾適合夜晚用，夠保濕但又唔會太焗，第二朝起身皮膚都唔會覺得乾。三款一齊用，感覺保濕、修護同提亮都幾平衡。雖然價錢比藍色 CeraVe Moisturiser 貴，但成分更有針對性，所以我覺得都值得試 ᵔᴥᵔ

質地清爽水潤，推開易吸收，唔黏唔油，一搽即刻有透亮感，膚色均勻咗少少，暗沉同痘印淡咗！保濕度好好，肌膚感覺柔軟光澤，零刺痛零發熱，敏感肌用落去超安心。持續用幾日，色斑同暗黃問題改善，氣色充電咗咁，膚色明亮咗，早上用完上妝超貼，保濕不黏膩。用咗一段時間，斑減少咗，膚色均勻度up，透亮感好明顯，整體氣色靚咗好多，暗沉位都亮晒，痘印淡得快，搽完覺得皮膚有光采，唔會悶住，適合早C晚A routine，溫和到爆，提亮效果真係有感！

天氣一轉，由凍變熱，又由熱變翻凍，我塊面就處於喺潮濕同乾爭爭之間嘅鬥爭，敏感到不得了。對於敏感肌，揀選護膚品，真係一大學問！太薄嘅話就唔夠潤，太潤嘅話，又會封死皮膚，唞唔到氣，谷粒粒。 好彩多得cosme喺最適合嘅時候打救我！可以俾我試用CeraVe同皮膚科醫生共同研發嘅「活肌再生系列」！佢有三重親膚Ceramides同專利MVE技術，可以修復肌膚屏障同時溫和抗老，仲有效淡紋、緊緻同提亮添！ 【活肌再生維他命C提亮精華】 平時嘅我，因為係敏感肌，所以唔係好夠膽隨便使用一啲美白或者提亮嘅產品。但CeraVe係美國皮膚科醫生NO.1推薦！敏感肌抗老首選！所以我今次就放膽一試！ 結果出乎意料！因為佢有透明質酸同維他命C，所以既可以做到保濕，又可以做到提亮。唔會刺痛，又唔會黏立，質地啱啱好。  持續使用後，素顏照鏡嘅時候，覺得塊面冇平時咁暗啞咁黃。整體膚色均勻返，透亮感都有提升。連一啲千年痘痘印都有減淡到。肌膚都細滑左。 我平日就係用呢款精華，同CeraVe同系列嘅面霜搭配一齊使用，感覺真係達到「提亮＋修護」加乘效果！

好開心俾cosme 抽中可以試用cerave 既面霜。呢個牌子我不嬲都有長期用開，因為我屬於敏感肌，唔可以用太刺激既護膚品，所以要揀一啲適合敏感肌而且溫和既護膚品，而cerave就係其中一隻心水選擇。 我平時係用開佢藍色補水嗰隻系列，lotion 同cream 都有開。今次收到既係紫色系列，活肌再生維他命c提亮精華。呢個系列係「活肌再生系列」我幾鍾意呢支精華既質地，全完唔會覺得笠，亦都好容易推開，吸收速度亦都好快，個人感覺吸收程度比A醇嗰隻快好多，而且搽完上面後好滑，好好推，只係少量已經夠搽全塊面，亦好快好清爽。 佢既保濕都好好，用左一排，細紋少左，皮膚光澤左，緊緻左。對敏感肌既朋友黎講係一個好好既選擇。同朋友傾開，發現原來身邊都有朋友用完之後大推呢個列系！

🌟 CeraVe Skin Renewing Vitamin C Serum 活肌再生維他命C提亮精華質地輕盈，無香料，延展性佳，推開後迅速吸收，沒有黏膩或殘留感。 保濕力表現穩定，能維持肌膚水潤度。 最突出的特色是提亮效果，持續使用能改善膚色暗沉，讓肌膚看起來更有光澤感。 維他命 C 成分能幫助均勻膚色，並在一定程度上提供抗氧化保護。適合需要改善膚色不均或追求透亮膚質的人群。 搭配 CeraVe 的保濕基底，可以降低維他命 C 精華常見的刺激感。 整體心得是：這款精華在「保濕＋提亮」方面表現優秀，是日間保養的好選擇。