sisley 好用推薦產品

Kura好用推薦：玫瑰煥采精華水凝霜，呢款面霜真係超爆水，質地係cream妝，顏色係淡粉色，冇香味，搽上臉推開就有一種爆水嘅感覺，搽完皮膚會好水，好滋潤，用皮膚會變得柔軟，有種皮膚飲飽水嘅感覺，同埋有種天然水屏障係皮膚嘅表面，價錢就偏貴，好適合皮膚偏乾嘅姊妹冬天用，適合冬天日日用，對皮膚水分度一定有提升，負擔到嘅值得試下，產地係法國

Silvia好用推薦：第二瓶接近尾聲，準備開第三瓶。一推開爆水面霜，清爽保濕好吸收，淡淡玫瑰香。春夏又焗又熱，有時太熱皮膚變得缺水敏感，好多滋潤少少cream都吸收唔到，做成內乾外油，係咁爆粒粒。用哩款係解決左哩個問題，不過秋冬唔夠潤，要滴d油一齊用

Wuxx好用推薦：呢一支面膜係有一年我生日朋友送俾我嘅生日禮物， 因為佢好貴所以我一直都收埋喺櫃度唔捨得用~ 直到有一次屎窟痕學人去打斑，打完之後保濕又冇做好， 第日瞓醒成塊面又紅又痕好似啱啱曬完10個鐘太陽咁！勁驚塊面會出事！ 之後我就突然醒起有呢一支嘢嘅存在， 然後我即刻走去開嚟試吓佢有幾瞬間保濕。 點知真係物如其名！ 只係需要3分鐘佢就即刻幫我將塊面急救好，做好保濕，等我唔使嚇到心慌慌！ 自此之後一有事我就會攞佢出嚟用，不過缺點係佢真係好貴🥹 但真心推介啲皮膚成日都會突然間缺水決到唔清楚嘅朋友去買黎旁身~**呈半透明嘅面膜，質地好易推開！

Fng好用推薦：sisley 保濕mask，保濕極好，去到極乾燥嘅國家旅行，有甩皮情況😨， 晚上搽咗佢，聽朝起身 皮膚即刻好返曬，飲飽水咁， 效果顯著， 缺點係價錢偏貴。

brenda好用推薦：本人眼週比較乾，黑眼圈很重，想找一些貴價點的眼霜去黑眼圈，所以就試下這款，Ba靚女推薦說這款有咖啡因，和其他成份可以減淡任何色的黑眼圈，用後感覺黑眼圈仍然未有減淡，可能因為只用左個半月，怎說黑眼圈都不是輕易減淡的，我會持之以恆用半年以上再看，雖然未體會到減黑眼圈但減淡細紋真的有效果，每日用附送的按摩棒按摩2分中，很舒服不拉扯，這眼霜值得一讚是吸收力真心快，不油夠滋潤，我用某牌子的的就起了2粒油脂粒在眼底，但這款用個半月都沒出過，真心不錯用

Noel好用推薦：Sisley 活膚再生眼唇霜，個人購買了套裝商品，獲得小小枝試用品，集中於眼部護理，使用三星期用畢。這個眼唇霜成為了我的最愛，對於護理眼部較薄的皮膚，以及對抗老化等，都很有效果❣ 眼霜呈米色，質地係霜狀，較稠，沒有流動性。香味很淡，近乎無味，個人喜歡沒有太大味道的眼部產品🤗 我的需求包括：1️⃣ 緊緻提升 2️⃣ 抗皺 3️⃣ 減低浮腫 4️⃣ 乾燥。就眼周皮膚多個問題，個人感覺這個款眼(唇)霜都有助改善👍 使用感受➕效果： 1️⃣ 緊緻提升 (針對上眼皮) 使用眼霜後，會感覺到上眼皮有提拉感覺，改善地心吸力引致的下垂 2️⃣ 抗皺 (針對眼尾) 塗抹眼霜後，會用指尖輕壓眼尾，細紋變得不明顯 3️⃣ 減低浮腫 (眼肚) 眼肚位置浮腫問題，算是效果一般，沒有收緊很多，但有微微感覺 4️⃣ 乾燥 (眼周所皮膚) 產品非常潤澤，不油膩 *個人沒有特別的黑眼圈問題啊！ 產品屬於殿堂級的抗老眼部護理，效果非常有感。但是價格絕不便宜，回購還是要待套裝產品了~

Kitty 好用推薦：Sisley全能乳液懶人恩物！一瓶搞掂暗粒+乾燥實測。 之前成日聽人吹全能乳液有幾神，忍痛課金試一試，真心要同姊妹們講：貴得有道理！ 質地： 一泵夠搽全面+頸，乳液似稀身cream，推開咻一聲吸晒入皮膚，唔會黐笠笠。我混油皮夏天用都冇油光，冷氣房瞓覺第二朝塊面仲係軟熟嘅！ 效果驚喜位： ✦ 最掂係解決我鼻翼暗粒！之前用乜都起粒粒，用佢打底一星期，摸落滑溜晒 ✦ 轉季面紅敏感？薄薄敷一層當mask，15分鐘退紅急救超穩陣 ✦ 化妝前用唔會擦膠碎，粉底貼服度+30% 小貼士： ✧ 千祈唔好慳用量！官方話1泵夠，我覺要1.5泵先發揮到修護力 ✧ 油痘肌姊妹建議晚間用，日頭改用控油乳液更爽 缺點都要講： 香味初頭聞要時間適應 玻璃樽重手，旅行帶出街有啲論盡 結論：雖然肉赤，但慳返精華+保濕霜錢，計落其實抵玩。皮膚唔穩定嘅時候，真係會抱住枝樽瞓覺㗎！ 回購指數：★★★★★☆☆

Fng好用推薦：Sisley 全能乳液（定價約$1,950/125ml），聲稱一瓶解決多種肌膚需求，同價位類似產品有La Mer乳液、CPB日夜乳等，佢嘅表現如何？ 質地與膚感：👍👍👍 (挑膚況) 佢係輕盈嘅乳液質地，帶有標誌性草本香味。推開後吸收速度中等，滋潤感明顯。但對於香港夏天嘅熟齡混合肌，膚感略嫌唔夠清爽，吸收後皮膚表面留有輕微黏膩感，在潮濕悶熱日間使用有「冚住」感，更適合晚間冷氣房使用。 修護與保濕力：👍👍👍👍 (溫和滋養) 用後最明顯是皮膚狀態變穩定，柔軟度同光澤感有提升，兩頰乾燥位得到滋潤，而且非常溫和，敏感時用也不刺激。相比La Mer的強效修復，它屬於細水長流型，能令肌膚維持在健康狀態。 夏日適應度與性價比：🤔 (季節限定) 最大問題是與香港夏天的兼容度低，對混合肌來說過於潤澤，容易引發粉刺。其「全能」功效在乾冷季節更能體現。以近$2,000的定價，性價比偏低，尤其相比CPB等日系品牌針對不同時段、膚質的細分產品，它顯得「一瓶難顧四季」。 總結： 一支優點與缺點同樣明顯的「貴婦保養品」。其溫和修護力適合敏感熟齡肌作秋冬或晚間的基礎保養，但絕非香港夏日的「全能」答案。除非預算非常

Fng好用推薦：SISLEY-PARIS 產品入面 比較出名嘅黑玫瑰面膜， 佢淡淡玫瑰香味容易接受，同埋 用喺上嚟都好方便，只要薄薄一層已經感受即刻到皮膚柔軟咗， 光亮咗 ，我通常會搽完15分鐘之後 ，再按摩吓，容易吸收唔需要用水洗走 ，唯一缺點就係比較貴， 但每次用嘅量少 ，會回購。

Hannah好用推薦：質地幼滑，保濕效果滿意 洗完後都仲有滋潤感 價格偏高，喺有優惠時入手更化算

brenda好用推薦：sisley 肌底液可以揸在眼底位置，不會起油脂粒，質感流動性很高，上面很快吸收，用後很舒服，味道亦很好，唯一決點會和彩妝打交，如果要化妝就不要用這支了，應該不會回購的一款產品

Burnyourwallet.hk好用推薦：近似精華水作用，唧出嚟以為杰身但其實一推開就會化水，作為routine第一步吸收得超快，亦唔會同後續護膚品打交，我主要冬天用

brenda好用推薦：剛入秋我要開始用滋潤及保水功效的護膚品，這支油價格比較貴但用後很舒服應該比到肌膚一種滋潤應會再回購

choichoi好用推薦：它的玫瑰花香不是俗氣的那種因此也算是耐聞的, 密度不會很高, 質地算是清爽 , 混和面霜及粉底使用也OK ; 保濕度無容置疑只是抗老方面無感 …

Fng好用推薦：SISLEY-PARIS 植物輕爽極致透亮粉底液hk$650 我買嘅色號係vanilla0+， 色tone偏粉調， 上臉後唔會暗沉，非常之輕爽，感覺自然貼服，持久，延展性極高的質地，能打造細緻及柔滑的妝效， 但遮瑕度一般。

橘子貓好用推薦：專櫃購物滿額的贈品。 #15 十分滋潤，約7成顯色度，MLBB色，適合淺唇色。蠟筆形狀方便勾劃唇型。偽素顏必備。

Noel好用推薦：Sisley 蠟筆唇膏，個人非常推介，每人都值得擁有一枝💋 這個 Phyto - Lip Twist 色號係 #23 冷調酒紅色，秋冬超適用😍 整體而言，這個係我既大愛蠟筆唇膏，顯色度超高，1層塗到嘴唇已有90+% 唇色遮蓋力，2層可達完全遮蓋👍 唇膏光澤感強，而且超持久❣ 加上滋澤效果極佳，唇膏含有Sisley 頂級保濕成分，在上唇妝同時呵護雙唇，唇紋 bye bye ~ 使用感受無可挑剔❗

Fng好用推薦：SISLEY gentle purifying shampoo， 如果你平日用較多造型產品喺個頭度，用呢支 shampoo 一洗就會清潔乾淨曬，夠徹底同埋性質溫和， 洗完之後唔會頭髮打曬棘或毛糙感， 但如果係染咗髮，用咗呢支就加快甩色。

Nicole 好用推薦：現在夏天油頭出油快，髮尾又經常打結，用這瓶溫和清潔頭皮同時給髮絲補水，輕揉就有細膩綿密的泡沫，調香還是很好聞的甜香，吹乾立馬擁有蓬鬆的頭髮，髮尾都變垂順光澤起來！