sisley 用家評價

Sisley全能乳液懶人恩物！一瓶搞掂暗粒+乾燥實測。 之前成日聽人吹全能乳液有幾神，忍痛課金試一試，真心要同姊妹們講：貴得有道理！ 質地： 一泵夠搽全面+頸，乳液似稀身cream，推開咻一聲吸晒入皮膚，唔會黐笠笠。我混油皮夏天用都冇油光，冷氣房瞓覺第二朝塊面仲係軟熟嘅！ 效果驚喜位： ✦ 最掂係解決我鼻翼暗粒！之前用乜都起粒粒，用佢打底一星期，摸落滑溜晒 ✦ 轉季面紅敏感？薄薄敷一層當mask，15分鐘退紅急救超穩陣 ✦ 化妝前用唔會擦膠碎，粉底貼服度+30% 小貼士： ✧ 千祈唔好慳用量！官方話1泵夠，我覺要1.5泵先發揮到修護力 ✧ 油痘肌姊妹建議晚間用，日頭改用控油乳液更爽 缺點都要講： 香味初頭聞要時間適應 玻璃樽重手，旅行帶出街有啲論盡 結論：雖然肉赤，但慳返精華+保濕霜錢，計落其實抵玩。皮膚唔穩定嘅時候，真係會抱住枝樽瞓覺㗎！ 回購指數：★★★★★☆☆

- 今次試用色號1C同2 soft beige， 1c係偏橙調我用黎遮眼圈位置，質地上延展性極高好易推開，係帶有絲絨感覺，中度遮瑕仲帶有柔焦效果可以修飾臉上瑕疵，塑造平整柔滑嘅自然妝效，粉底含激活光采複合物去提升肌膚嘅光澤感，帶有提亮效果改善肌膚暗啞問題。 - 保濕度方面係夏天可以維持到妝容，令我意外係呢隻粉底有抗污染嘅喬麥籽萃取，係肌膚表面上形成一道無形屏障，保護肌膚免受環境威脅，係一種養膚粉底。 - 如果皮膚冇乜瑕疵上粉應該更加完美，考慮入手！ #1C #2soft beige

Sisley 全能乳液（定價約$1,950/125ml），聲稱一瓶解決多種肌膚需求，同價位類似產品有La Mer乳液、CPB日夜乳等，佢嘅表現如何？ 質地與膚感：👍👍👍 (挑膚況) 佢係輕盈嘅乳液質地，帶有標誌性草本香味。推開後吸收速度中等，滋潤感明顯。但對於香港夏天嘅熟齡混合肌，膚感略嫌唔夠清爽，吸收後皮膚表面留有輕微黏膩感，在潮濕悶熱日間使用有「冚住」感，更適合晚間冷氣房使用。 修護與保濕力：👍👍👍👍 (溫和滋養) 用後最明顯是皮膚狀態變穩定，柔軟度同光澤感有提升，兩頰乾燥位得到滋潤，而且非常溫和，敏感時用也不刺激。相比La Mer的強效修復，它屬於細水長流型，能令肌膚維持在健康狀態。 夏日適應度與性價比：🤔 (季節限定) 最大問題是與香港夏天的兼容度低，對混合肌來說過於潤澤，容易引發粉刺。其「全能」功效在乾冷季節更能體現。以近$2,000的定價，性價比偏低，尤其相比CPB等日系品牌針對不同時段、膚質的細分產品，它顯得「一瓶難顧四季」。 總結： 一支優點與缺點同樣明顯的「貴婦保養品」。其溫和修護力適合敏感熟齡肌作秋冬或晚間的基礎保養，但絕非香港夏日的「全能」答案。除非預算非常

自從我朋友送咗一支瞬間保濕面膜俾我入之後， 我就對呢個品牌頗有好感，仲自己去入左一批護膚品， 不過普遍都令我有啲失望🫠 依枝全能乳液應該係佢嘅皇牌產品？ 因為佢保濕面膜實在做得太好，所以我就冇猶豫到咁入手佢嘅全能乳液，但係佢用後俾我想像中更無感覺。 價錢更加唔洗講，佢嘅無感我覺得唔係好值呢個價錢。 可能佢暗中係有幫我修補到啲嘢？idk 但係我真係冇好明顯感受到，所以我唔特別推薦佢俾大家🫠 *就係好普通嘅乳液😕

呢一支面膜係有一年我生日朋友送俾我嘅生日禮物， 因為佢好貴所以我一直都收埋喺櫃度唔捨得用~ 直到有一次屎窟痕學人去打斑，打完之後保濕又冇做好， 第日瞓醒成塊面又紅又痕好似啱啱曬完10個鐘太陽咁！勁驚塊面會出事！ 之後我就突然醒起有呢一支嘢嘅存在， 然後我即刻走去開嚟試吓佢有幾瞬間保濕。 點知真係物如其名！ 只係需要3分鐘佢就即刻幫我將塊面急救好，做好保濕，等我唔使嚇到心慌慌！ 自此之後一有事我就會攞佢出嚟用，不過缺點係佢真係好貴🥹 但真心推介啲皮膚成日都會突然間缺水決到唔清楚嘅朋友去買黎旁身~**呈半透明嘅面膜，質地好易推開！

Sisley全能乳液整體嚟講都算唔錯，質地輕盈易推，吸收得快，用落幾舒服。 我係混合偏乾肌，夏天同秋天用就啱啱好，保濕效果都OK，但冬天用就覺得唔夠潤，要加多層保濕先夠。 而家我都係當妝前乳液用，上妝前搽一層，個妝會貼服啲，冇咁易浮粉。不過如果講到性價比，就覺得有啲貴，效果未算好驚艷，如果價錢平啲或者冬天保濕力再強少少會再滿意啲。

SISLEY-PARIS 植物輕爽極致透亮粉底液hk$650 我買嘅色號係vanilla0+， 色tone偏粉調， 上臉後唔會暗沉，非常之輕爽，感覺自然貼服，持久，延展性極高的質地，能打造細緻及柔滑的妝效， 但遮瑕度一般。

SISLEY gentle purifying shampoo， 如果你平日用較多造型產品喺個頭度，用呢支 shampoo 一洗就會清潔乾淨曬，夠徹底同埋性質溫和， 洗完之後唔會頭髮打曬棘或毛糙感， 但如果係染咗髮，用咗呢支就加快甩色。

sisley 保濕mask，保濕極好，去到極乾燥嘅國家旅行，有甩皮情況😨， 晚上搽咗佢，聽朝起身 皮膚即刻好返曬，飲飽水咁， 效果顯著， 缺點係價錢偏貴。

SISLEY-PARIS 產品入面 比較出名嘅黑玫瑰面膜， 佢淡淡玫瑰香味容易接受，同埋 用喺上嚟都好方便，只要薄薄一層已經感受即刻到皮膚柔軟咗， 光亮咗 ，我通常會搽完15分鐘之後 ，再按摩吓，容易吸收唔需要用水洗走 ，唯一缺點就係比較貴， 但每次用嘅量少 ，會回購。

SISLEY-PARIS Phyto-Teint Perfection 00W Shell- 植物持久養肌粉底液 ，黃皮一白， 粉底較厚重，少許用量已經足夠， 同埋要續少續少上臉， 因為它好快乾， 遮瑕度十分高，斑淚溝基本都會遮到 ，比較matte嘅妝容，同埋粉底 持久度高，last到八小時，夜晚出咗少少油，妝感更貼，更美麗。

SISLEY-PARIS transparent loose face powder 我買嘅色號係soft glow，上面之後有輕微粉感，但15分鐘set咗個妝之後就乾爽貼服，同埋佢有少少輕微嘅閃， 令你塊面更有光澤。

我鍾意呢個品牌所以買埋個唇膏試下，SISLEY-PARIS nutritive lip blam， 佢個質感似足凡士林，冇乜香味 ，保濕效果不錯， 長期坐喺冷氣office ，用咗之後冇爆咀乾皮情況。

較早前外國藥妝店買， 質地比較透薄，遮瑕好好，70%斑遮掩，佢寫住oil free，是matte finish，持妝度非常ok， 同埋上臉後有少許氧化情況 ，cp值一般。

洗完面拍上爽膚水，感覺係滋潤， 保濕度尚可， 花香都幾清新，除咗呢方面 我未發掘到佢嘅 其他優點， cp值唔高， 好彩呢支係買set裝嗰陣送，如果自己買一支full size嘅就真係揼心。