SK-II 好用推薦產品

Kitty 好用推薦：話說前排皮膚狀態唔多穩定，又乾又暗沉，即刻拎出呢隻風靡萬千護膚達人嘅SK-II大紅瓶！用咗一段時間，終於可以同大家分享下真實用後感～ ✨質地同氣味： 佢嘅質地係嗰種好豐潤嘅乳霜狀，一搽上臉就好容易推開，吸收得幾快，唔會好似戴咗個面具咁黐立立，有好明顯滋潤感。味道方面，有陣好淡雅嘅清香，唔會太濃，我個人幾鍾意！ 💧保濕度： 呢支嘢嘅保濕力真係冇得彈！我本身係混合肌，T字位油但兩頰超乾。用完佢之後，成塊面即刻覺得好水潤，尤其係兩頰位，冇再因為乾而繃緊，摸落去仲好似飲飽水咁，彈彈哋～就算而家轉季，皮膚都keep住好穩定，冇乜點出粒粒或者敏感。 🌟修復同光澤感： 最驚喜係用咗一段時間之後，成塊面嘅光澤度同緊緻度真係有提升！唔係嗰種油光滿面，而係由內而外透出嚟嘅自然光澤。之前額頭同下巴有啲暗沉同印印，而家都淡咗唔少，成個膚色均勻咗，睇落精神好多！ 👍整體評價： 畢竟係日系高端護膚品，個銀碼有啲肉赤，但以效果嚟講，真係一分錢一分貨！無論係保濕、修復定係提升光澤度，都交到功課。如果你係乾肌或者混合肌，轉季時皮膚容易唔穩定，呢隻skinpower大紅瓶絕對值得投資～ 當然啦，護膚品呢家嘢好個人

Fng好用推薦：身為混合偏乾肌，喺香港又濕又熱嘅夏天搵面霜，簡直係挑戰。SK-II呢支SkinPower精華霜，網上評價好兩極，有人讚佢修護力強，有人話太潤。親身試用後，我發覺： ▶️質地同膚感： 佢係奶霜狀，質地軟滑，推開後滋潤感明顯，但唔算厚重。吸收速度中規中矩，完成後皮膚會留有一層滋潤膜，手感軟滑，但絕非清爽啞緻。 ▶️保濕修復力：👍👍👍👍 (出色) 呢方面確實交到功課！無論冷氣抽乾一晚，還是皮膚有啲唔穩定、泛紅，佢嘅修護效果都幾顯著。第二朝醒來，皮膚依然保持軟嫩，冇繃緊，兩頰乾燥位明顯被撫平，整體膚色同飽滿度都有提升。呢種修護力，係平價產品好難做到。 ▶️夏日適應度：🤔 (要技巧，未必人人接受) 呢點係最大爭議！香港30幾度+90%濕度嘅日間，用佢真係太潤，後續搽防曬或底妝好易有「冚住」同「黏膩」感。但係，如果係晚間開住冷氣用，對混合偏乾肌來講就係享受，恰到好處。 ✅️總結： SK-II SkinPower絕對係一支高質素嘅修護型面霜，保濕同改善乾紋效果出色👍🏻。但對於香港夏天，佢只適合在晚間冷氣房享用。如果你追求日間清爽，或者係大油皮，佢絕對會係負擔⛔️。混合偏乾肌可以放心用作晚霜，見

Kpl6be6好用推薦：質感輕盈但又有足夠滋潤度～搽上面唔笠又易推開～通常會用神仙水,再加小燈泡精華,最後上薄薄一層呢款面霜～整個護膚程序已感覺非常完滿～

Kathy Wai好用推薦：質地係帶珍珠光嘅乳液狀，推開好水潤，吸收得快，後續搽面霜都唔會搓泥。用咗大概兩個星期，最明顯嘅感覺係成塊面嘅光澤感真係提升咗！唔係油光，而係由內到外透出嚟嘅「嘭皮」光感，尤其素顏時睇，膚色均勻咗，冇以前咁暗啞。 至於最出名嘅美白淡斑效果，我本身冇明顯色斑，但嘴角同鼻翼嘅暗沉就有改善，整體膚色睇落乾淨、透亮咗，似皮膚底層「開咗燈」咁。膚質摸落去亦滑溜咗少少。 不過要提提，佢有少少「口水味」（其實係Pitera味），同埋價錢真係唔平。但如果預算許可，又想追求明顯嘅光澤同提亮效果，佢真係一支有實力嘅精華！

Fng好用推薦：SK2 小燈泡質地輕，唔會黐黐笠笠，搽咗聽朝起身，塊面白咗一度， 真係有效改善暗沉減黃。 我用咗兩年，每年用三支SKII，小燈泡升級咗，質地非常接近舊版，偏乳液狀精華，新版稍為更豐潤，更企身，感覺更保濕，一推開吸收極快。 新版明亮感明顯提升，有種搽完highlight 嘅效果，淨白粉嫩，減淡暗沉黃氣，皮膚有種飽滿透氣感，舒緩泛紅同改善粗糙，用完更透更滑，均勻改善色素效果更全面，仲收細毛孔。 老實講舊版用左兩年一直覺得效果都好好，估唔到新版都有驚喜。

Rosa好用推薦：首先因我是混合性偏肝肌皮膚,容易出現敏感.但是用神仙水效果非常有驚喜,首先在我身上沒有出現敏感皮膚 ,大約使用了一個星期嘅效能覺得皮膚嘅明顯暗粒有所改善,令我的皮膚改善出油泛紅的情況，讓我每天都會化妝的女性來說，有不錯的幫助 化妝前使用更令我的妝效更持久，令我的皮膚覺得角質層更新得更快，非常有驚喜是一支我會回購的產品

Kaze13579好用推薦：已經唔記得空瓶咗幾多支啦。曾經都試過中途轉其他牌子睇吓有冇分別，結果都係要回歸佢嘅懷抱繼續使用。的確用嘅初期見到嘅效果最明顯，就係塊面冇咁黃，角質層明顯冇咁厚，總之感覺就係透亮啲乾淨啲。 雖然用用吓就會覺得好似食藥咁純咗，但係你唔用一排呢，就會見到個分別！神仙水真係唔係浪得虛名！ 好多人指控佢有一浸臭腳味🤣，好彩我又唔覺佢臭，佢只係唔係香啫。總之功能勝過一切！不能沒有！

Kitty 好用推薦：質地係半透明乳液狀，推開好水潤，唔會好黐立立。我通常用滴管吸一泵就夠搽全面同頸，輕輕按摩十幾秒就已經完全吸收，之後上面霜，秋冬保濕度啱啱好。 用後膚感： 最大感覺係皮膚彈性同飽滿度有改善，尤其朝早起身，面頰位睇落冇咁癟，有種嘭返起嘅感覺。另外保濕力都幾好，我係混合肌，T位出油少咗，兩頰又唔會乾，幾平衡。 緊緻效果： 我本身有少少Baby fat同下巴位鬆鬆哋，用咗一段時間，覺得輪廓有輕微收緊，唔算好誇張，但線條睇落精神啲，冇咁浮腫。 適合咩人： - 想改善皮膚彈性同飽滿感 - 需要輕度緊緻、去浮腫 - 混合至乾性肌膚（油肌可能夏天要減量） - 預算充足、想投資護膚品嘅人 整體評價： 因為係日系高端品牌，價錢的確偏高，但如果你係想針對皮膚彈性、輕度鬆弛同保濕，呢支精華幾有效。配搭神仙水一齊用，皮膚整體光澤同穩定度都好咗。不過如果主要想抗皺或者去紋，可能要再配搭其他產品。建議夜晚用，等皮膚修復；同埋一定要配合按摩，由下至上、由內至外推，效果會更明顯！

Fng好用推薦：SK-II SKINPOWER 能量精華✨奶白色輕盈乳霜質地，推開瞬間化水，吸收超快！唔黏唔笠，夏天用零負擔。混合肌T位唔會油膩，兩頰又有足夠保濕感，後續上妝仲更加貼服～ ✨效果與驚喜： 網上一致好評💡熬夜救星！用咗兩星期，膚質明顯更飽滿有光澤，嘴角同眼底乾紋有淡化。最驚喜係佢嘅穩膚力📢就算熱到出汗出油，皮膚都冇咁易泛紅或敏感，毛孔都睇落細緻咗！熟齡肌用後有種澎潤感，睇落減齡～ ✨適合邊類人： 混合偏乾➕️熟齡肌夏天抗老首選！怕厚重又想修護嘅人絕對要試。極乾肌可能冬天要疊加面霜。 缺點：貴🤑🤑🤑，唔算"強效"去紋，要配合其他重點抗老產品。 總結：除了價錢之外零缺點！ 清爽修護二合一！

Jasmine Yuen好用推薦：SK-II鑽白水凝面膜有少少貴，但優點包括: - 含有天然濃縮酵母精華,有很強的美白修護效果。用完好似塊面自帶光芒，如果第二日有重要場合，我一定會用 - 用後肌膚保持水潤彈性。 - 長期使用後能明顯感覺肌膚潤澤度和白皙度提升， 避免兩截色，我都會用埋喺頸上面

choichoi好用推薦：帶一點點香氣的乳白色液體有潤滑的質感但抹開後不會黏笠；我都把它作為急救型的精華產品，因為滲透力高且效果顯著，基本上每晚使用完翌日皮膚就立見光澤和充滿生氣

940727.0好用推薦：多謝@cosme 早排送俾我得獎試用SKII面霜。依家開始轉入秋冬好需要保濕面霜，再加上皮膚開始老化狀態，有少許緊致拉提效果。整體嚟講都滿意。

unclecar好用推薦：SK-II 嘅男士👨🏻神仙水係一直間歇性回購嘅產品。用咗出油都會比較少，望落氣息好咗仲感覺細緻啲。男裝同女裝唔同嘅係只係加入咗薄荷成份，令到用嘅時候有少少清涼感，好岩夏天用，身邊更加有唔少女士👩🏻 朋友夏天都會用佢。到秋冬可以用返普通版，會比較保濕滋潤。如果唔鍾意神仙水本身獨有嘅味道，男士版可能比較容易接受。 我係混合偏乾敏感性皮膚，係狀況比較差嘅時候，用返一個星期左右加上濕敷就會開始見到變化，皮膚變穩定返亦都無敏感。但因為Pitera 係天然成份加上評價兩極，建議首次用先買試用裝睇吓同自己皮膚夾唔夾。 比較可惜係香港SK-II 男士系列只有洗面同神仙水，無任何套裝或折扣。

choichoi好用推薦：用的時候肌膚狀態真的好好，連痘痘也長得比較少，看上去也比較有光澤，只是停用以後狀況會稍有回彈，以上來自一位用了整年此產品的男友人分享

Lau 好用推薦：乳狀質感清爽不黏膩,保濕防細紋,消眼腫,雖非熱門，但係被低估,含pitera,抗老化,淡化黑色素

貓餅好用推薦：用了一段時間，沒有太大變化，覺得和一般眼霜差不多，但是眼霜的質地輕盈滋潤，是舒服的質地

Tulip Chan好用推薦：推薦給乾皮敏感肌😬 缺水及敏感，補濕絕對不能少。 如果你同我一樣夏天喜歡選用小燈泡美白，又覺得小燈泡令你出現缺水情況，就要試下配合SK-II護膚精華作為神仙水之後，小燈泡之前的護理。含PITERA™ 成份和透明質酸，為肌膚充分補濕，能撫平肌膚紋理，皮膚水份足夠毛孔都收細埋，再無乾到標油嘅情況出現啦！ 水狀輕薄質地，吸收快，不黏笠，一揼已經足夠全面，日間能令妝容貼服無負擔。