SK-II

極緻光蘊煥亮精華 (小燈泡精華）- 升級版

質地係帶珍珠光嘅乳液狀，推開好水潤，吸收得快，後續搽面霜都唔會搓泥。用咗大概兩個星期，最明顯嘅感覺係成塊面嘅光澤感真係提升咗！唔係油光，而係由內到外透出嚟嘅「嘭皮」光感，尤其素顏時睇，膚色均勻咗，冇以前咁暗啞。 至於最出名嘅美白淡斑效果，我本身冇明顯色斑，但嘴角同鼻翼嘅暗沉就有改善，整體膚色睇落乾淨、透亮咗，似皮膚底層「開咗燈」咁。膚質摸落去亦滑溜咗少少。 不過要提提，佢有少少「口水味」（其實係Pitera味），同埋價錢真係唔平。但如果預算許可，又想追求明顯嘅光澤同提亮效果，佢真係一支有實力嘅精華！

SK2 小燈泡質地輕，唔會黐黐笠笠，搽咗聽朝起身，塊面白咗一度， 真係有效改善暗沉減黃。 我用咗兩年，每年用三支SKII，小燈泡升級咗，質地非常接近舊版，偏乳液狀精華，新版稍為更豐潤，更企身，感覺更保濕，一推開吸收極快。 新版明亮感明顯提升，有種搽完highlight 嘅效果，淨白粉嫩，減淡暗沉黃氣，皮膚有種飽滿透氣感，舒緩泛紅同改善粗糙，用完更透更滑，均勻改善色素效果更全面，仲收細毛孔。 老實講舊版用左兩年一直覺得效果都好好，估唔到新版都有驚喜。

最快睇到效果既美白精華，用左一日已經感覺到素顏下膚色均勻持續左幾日，無左暗沉，質地係白色精華乳液狀，上面感覺到有油份滋潤皮膚，有微微黏笠但唔會局到生瘡，皮膚透亮感好明顯! #火熱新品