SkinCeuticals 好用推薦產品

Kmggigi好用推薦：SkinCeuticals Triple Lipid Restore 2:4:2 — 修復乾燥肌膚的高效面霜！✨ 呢款面霜嘅質地偏向厚重滋潤， 特別適合肌膚乾燥或者需要集中修復嘅時候使用。 雖然比較濃稠，但延展性唔錯， 輕輕推開就可以均勻覆蓋全臉， 肌膚感覺即時得到滋潤同舒緩， 非常適合喺冬天或者轉季時用❄️ 呢款面霜主打修復肌膚屏障， 配方中特有嘅「2:4:2比例」能夠有效幫助修復受損嘅肌膚屏障，重建皮膚健康狀態 用咗一段時間之後，發現肌膚變得更加柔軟、細膩， 膚質明顯改善，乾燥同粗糙嘅情況都會大大減少。 所以當皮膚受損、乾燥或者狀態唔穩定嘅時候， 我都會揀呢款面霜嚟幫助修復 佢嘅滋潤度十分足夠，夜晚使用效果特別明顯， 第二日早上醒嚟會感覺皮膚充滿水潤感， 而且膚質更平滑有彈性🤩

Kmggigi好用推薦：皮膚狀況: 冬天乾敏肌，夏天混合偏乾+少敏感 炎炎夏日，混合偏乾肌嘅我有時都會感到T字位有少少出油 同時太過熾熱嘅陽光都會令到兩頰有泛紅嘅情況 呢個時候我就會使用 SkinCeutical 色修精華穩定我夏日肌膚😆 色修精華質地清爽不含油份，流動性十分強 成份蘊含消炎嘅青瓜同埋抗菌嘅百里香， 具有消炎抗菌嘅效果，所以特別適合夏天暴曬之後引起嘅泛紅及出油嘅肌膚 另外佢有提亮膚色，減淡痘印嘅效果 我通常夏天出酒米或者有敏感就會使用佢舒緩面部敏感嘅情況， 持續搽兩至三日就更加會見到酒米消退嘅神奇效果！ 產品效果: 使用前見到膚況不太穩定，面頰有泛紅，出酒米嘅情況 持續早晚使用兩日後，面頰膚色明顯均勻翻，減少泛紅問題，同時酒米亦消退了七成！

Fng好用推薦：Skin Ceuticals 舒緩修護精華液 Skin Ceuticals呢支同其他舒緩精華（如Kiehl's金盞花、Aesop香芹籽）相比，佢贏在配方針對性強——含百里香、黃瓜提取物，質地似清爽綠水，一塗瞬間降溫，即時鎮靜曬後泛紅同敏感✨ 熟齡混合偏乾肌實測：冷氣房內保濕力可維持6小時，面珠墩舒緩咗繃緊感，T位亦無出油加重。相比Kiehl's純保濕、Aesop較黏膩，呢支平衡水油同退紅效果更明顯，尤其夏天皮膚唔穩定時用，粒粒同泛紅兩三日就退晒～ 唯一缺點係價錢偏高，如用量省，一支用到三個月。持久修護力贏晒開架產品！ 推薦給：✔️ 易泛紅敏感嘅熟齡肌 ✔️ 曬後急需降溫鎮靜 ✔️ 追求長效維穩唔怕投資！

onionnie好用推薦：因為@cosme 的推介， 去了這個brand 拎試用裝， 跟做了皮膚分析， 我的面原來勁多色素，肌底也很乾。 店員推介了這個早上的肌底， 我一開始買了， 覺得這個細支， 用到幾耐。 後來發現原來用好小， 已經可以推開至全面。 因為食藥的關係， 所以皮膚好乾， 現在春夏季， 已經用了好多精華同潤既cream 都有mount mount 緊既感覺。 用左呢個， 真的好潤和冇了mount mount 緊， 極力推薦。 Pump 出來杰杰的gel, 但超容易推開。

Kmggigi好用推薦：SkinCeuticals 雙效淡斑防曬霜 SPF 50採用輕盈水潤嘅質地， 推開時非常順滑，完全冇厚重或者黏膩感， 吸收力極高，用完之後皮膚感覺清爽又舒服， 特別適合日常使用。 防曬霜可以自然提亮肌膚，令膚色更加均勻， 有健康嘅光澤感，而且用後皮膚非常貼服， 唔會同之前用嘅護膚品打交，完全唔會影響後續上妝，仲幫助妝容更持久，係妝前打底嘅理想選擇！

Kmggigi好用推薦：皮膚狀況: 冬天乾敏肌，夏天混合偏乾+少敏感 踏入25+嘅年紀，眼部護理開始變得格外重要，主要係為咗預防眼紋嘅出現 同時出咗嚟社會做嘢，瞓覺時間比以前少咗好多， 所以眼袋同黑眼圈問題都越嚟越明顯 面對呢啲煩惱，我發現SkinCeutical全能抗氧眼部精華真係非常啱用🥳 呢支眼部精華適合朝早使用， 因為佢含有強效嘅抗氧化成分組合， 當中包括維他命C同Ferulic acid等， 可以有效改善初老跡象、減輕眼部浮腫同眼袋 每次使用只需要擠出黃豆粒咁大嘅份量，就已經足夠覆蓋整個眼周 堅持使用一段時間之後， 我明顯見到自己嘅黑眼圈淡咗好多， 眼部浮腫同眼袋問題都大大改善， 眼周肌膚變得更加明亮， 整體眼部膚質都提升咗唔少👏🏻 小提示：因為含有維他命C，呢支精華嘅顏色本身有啲偏黃， 而且放得耐會慢慢變深色， 呢個係正常現象，唔使擔心！

MaggieWong好用推薦：最近使用緊Skin Ceuticals 嘅舒緩潔面泡沫，懶人最愛，佢個潔面係泡沫質地，使用時非常柔和，唔會對肌膚造成刺激。每次洗臉後，肌膚感覺清爽而唔緊繃，清潔力對油皮膚非常足夠，可以去徐平時日常嘅油脂同埋小小嘅彩妝，同埋用完都會覺得面豬滑左。另外因為佢係無香料，紅腫同敏感時都可以用佢，無負擔。唯一嘅缺點就應該係用得比較快，每日用兩次嘅話大約可以用到兩個月。 

Kmggigi好用推薦：又係我skinceutical vip share下新品 依支精華主打減少表情紋，包括額頭紋，法令紋，眼周乾紋等 皮膚狀況: 冬天乾敏肌，夏天混合偏乾+少敏感 Skincare morning routine: Curel 化妝水 ➡️; skin ceutical CE (早) ➡️skin ceutical 全能眼部精華 ➡️ skin ceutical Ptox -➡️ skin ceutical b5 (如果乾) 產品使用情況: 產品質地透明，偏水 (夏天都啱用)，冇香味 sales話成份有好少嘅酸，所以做完醫美要隔一個星期先可以用 對我嘅皮膚零刺激性，亦都唔會同之後嘅護膚品打交 效果: 產品持續使用後真係會有減少啲紋路 我本身法令紋比較深，同埋有少少乾紋 搽完會覺得啲紋路冇咁明顯，但要keep住搽 做perface個美容師話佢哋覺得呢個產品都好有用🤣 #火熱新品

Yuli♥️好用推薦：突然之間有一日照鏡見到個額頭仔有一兩條細紋,想打針又怕痛😮‍💨行開銅鑼灣見到呢個牌子出咗一支塗抹式嘅肉毒桿菌即刻心思思買返屋企試,九月買完返屋企搽咗大概一個月左右發現額頭嗰條紋好似淺咗少少,但係最明顯嘅一件事就係成塊面嘅光澤咁重咗,非常值得回購再回購♥️♥️

Kmggigi好用推薦：夏天長時間喺冷氣地方其實都需要保濕 所以我都會根據自己皮膚狀況決定當日搽唔搽保濕精華 皮膚狀況: 冬天乾敏肌，夏天混合偏乾+少敏感 Skincare morning routine: Curel 化妝水 ➡️; skin ceutical CE (早) ➡️skin ceutical 全能眼部精華 ➡️ skin ceutical Ptox -➡️ skin ceutical b5 (如果乾) 產品使用情況: 我曾經試用過唔同牌子嘅b5，例如skin ceutical, original, torriden等 Skinceutical b5無色無味，質地唔會好水但又好好推，唔會好似original咁笠，又冇torriden咁水 對我嘅皮膚零刺激性，亦都唔會同之後嘅護膚品打交 效果: 我試過咁多支b5，保濕程度上比較鍾意skin ceutical 依支， 用完會感受到皮膚慢慢吸收咗啲水，冇咁乾 但性價比嚟講佢太貴，市面上有好多平替🤣

Connor好用推薦：塊面次次乾敏、泛紅，我都會首選用佢先，效果真係好明顯，即刻可以幫皮膚補水，而且唔會刺激，仲吸收得好快，後續用完其他護膚品都唔會搓泥，用完後第二日就感覺到皮膚冇咁繃緊同紅！用完會無限回購♾️️

Kitty 好用推薦：一打開係白色cream狀，質地幾豐潤，似豬油膏，但推開唔會黐笠笠，吸收得幾快。幾乎無咩氣味，冇加香料，聞落幾安心。 💆‍♀️上臉感受： 我係混合肌，T字位油、兩邊乾。用咗之後覺得皮膚即刻有啲潤潤哋，但唔會悶痘。夜晚用第二朝起身，塊面摸落去幾軟滑，有種膨潤嘅感覺。 🌟效果重點： 最明顯係法令紋同嘴角紋！堅持用三四個禮拜，發現啲乾紋真係淺色咗，尤其上粉底冇再卡紋～塊面睇落冇咁下垂，有微微緊緻感。抗老效果唔算即時魔法，但持續用真係有分別！ ⚠️注意位： - 如果你係極油皮膚，可能冬天用會啱啲。 - 價格真係唔平，但一罐都幾耐用，每次唔需要搽好多。 總結： 價錢的確肉赤，但考慮到佢同貴婦級面霜比都已算白菜價，而且用料幾足，有30%抗老成份玻色因！我覺得投資得過～尤其係皮膚開始有歲月痕跡嘅姊妹，值得試吓！

Kit wong好用推薦：之前聽人講過SKINCEUTICALS呢個品牌好用，但無研究過或用佢啲產品，今次第一次用呢隻面霜，好有驚喜！！ 先講下佢個質地係比較特別的，同市面一般乳狀或水凝狀面霜都唔一樣，一時三刻諗唔到似咩質地🤔 但一啲都唔笠，好快滲透。呢個面霜嘅吸收速度，應該係我用嘅面霜當中數一數二最快的，真係毫無殘留感但滋潤感又夠力，前排天氣好乾，塊面都仲係keep住好水潤保濕！ 質地使用感當然緊要，但最緊要都係功效。我想講呢隻抗老面霜，係堅有用！！因為我用左10幾日後，發現額頭嘅抬頭紋、眉間嘅皺紋、法令紋都有減淡‼️ 特別係眉間嘅皺紋，因為我由細到大都會皺眉頭，所以皺紋已經好耐了，睇落去個人成日都好唔開心咁，估唔到佢有減淡嘅一日🥹🥹感動！ 另外，我都發現到下巴鬆馳位置有變緊緻。皮膚本身有啲粗糙都變滑左，塊面好明顯因為滑左所以識反光左。真係真係有減齡feel，好勁‼️ 最後仲有一個bonus，就係之前我用一隻好貴嘅美白精華，但用親都起粒粒（唔知係咪美白精華濃度太高太刺激），搞到我唔敢用，之後我轉左用SKINCEUTICALS 面霜之後，皮膚好似健康左，於是再試下用返嗰隻美白精華，日日用都無再起粒粒🥳

Kmggigi好用推薦：皮膚狀況: 冬天乾敏肌，夏天混合偏乾+少敏感 SkinCeuticals 活膚緊緻眼霜蘊含專利成分， 專注改善眼周浮腫問題，減退皺紋同魚尾紋， 為暗啞眼周增添光澤 佢質地輕盈，滋潤但唔黏膩， 幫助眼周肌膚保持彈性同水潤，修護乾燥細紋， 打造健康明亮嘅眼部狀態 我主要喺夜晚使用，輕輕按摩後可以消退浮腫， 令眼周肌膚即時感覺緊緻平滑，睇落更有精神🤣 而減淡黑眼圈呢一方面，我覺得skinceutical另一款全能抗氧眼部精華嘅效果更加明顯， 所以我通常早上用眼精華，晚上用呢款眼霜😆

Jenny Fu好用推薦：感覺幾好！ 雖然產品價錢相對貴，但呢款眼霜容量好多。可以用好耐。佢個質地幾易吸收。唔會好黏笠。 本身混合性偏油用錯眼霜好易生油脂粒。呢款眼霜用咗一排都冇令我生油脂粒。 去黑眼圈同埋去眼腫嘅感覺效果非常好，尤其係去眼腫。本身經常捱夜有時黑眼圈問題都幾嚴重。用咗呢款眼霜之後，黑眼圈問題好似冇之前咁嚴重，但完全去黑眼圈就冇乜可能😂 去眼腫方面個效果明顯好多！ 搽完有少少涼涼哋，幾舒服有幾醒神！ 推薦俾有眼腫問題嘅朋友！