Bifesta

高效眼部卸妝液

呢排用緊bifesta既眼唇卸妝液. 佢水油分層設計，用法係將佢搖勻→ 倒落化妝棉 → 濕敷係眼/ 唇部位置大概5-10秒就可以輕輕卸除眼唇妝.（我有枝染唇既唇彩，濕敷多陣佢都卸到！） *記得唔好慳，要整濕成張化妝棉先冇咁易因拉扯皮膚而出皺紋！  以下係眼線液同Mascara既示範（上面係眼線液，下面係睫毛膏）：濕敷10秒輕力抹一下，卸走左9成😎輕力抹多一下，完全卸走晒！可見清潔力十足，亦唔需要來回用力擦拭，減少拉扯眼周皮膚導致出皺紋既機會。（內眼線再用棉花棒沾濕卸妝液卸走） 睇返佢既資料，呢枝卸妝液加入咗維他命B/ 維他命E既保濕成分，難怪用完唔會覺得眼周肌膚緊繃～ 香料方面，唔覺佢有香料味，敏感肌都唔洗驚，而且就算用係眼部呢d 咁敏感既位置都唔覺刺激/過敏，對得住佢sell溫和呢樣野，唔怪之得係Cosme排名咁高♥️ 重有個重點！係佢夠平😂$4/50 蚊有找，應該會回購到天荒地老😛 #卸妝

Bifesta 高效眼部卸妝液 👁️ 優點： · 卸妝力超班：難卸的防水睫毛液（如Kiss Me）濕敷5秒一抹乾淨，唔需要用力捽眼！ · 溫和零油膩：水油雙層配方清爽唔糊眼，熟齡偏乾肌用後眼周無繃緊，無須二次清潔 · 性價比無敵：唔駛百元抵用過L'Oréal同類產品，消耗速度慢 ⚠️ 缺點： · 保濕度普通：相比專櫃（如Lancôme）卸後略乾，建議立即塗眼霜 · 防水妝需濕敷：極防水的眼線要敷夠10秒，心急人士可能嫌慢 · 搖勻麻煩：水油分層每次要搖勻，懶人可能頂唔順 🌞 香港夏天表現： 卸後皮膚清爽無油膜感，濕熱天用零負擔！而且無香料刺激，出汗多的日子用都唔怕敏感。 💡 同價位比較： vs L'Oréal 溫和眼唇卸妝液：Bifesta 清爽度贏少少，但L'Oréal 保濕感較好 vs Mentholatum 卸妝水：Bifesta 卸防水力明顯更強 總結：開架眼唇卸妝「性價比之王」！適合香港夏天怕油膩、又經常化防水妝的熟齡肌，但極乾眼周要快手跟住做保濕～💧 #Bifesta卸妝 #眼唇卸妝 #開架卸妝

產品使用心得: 如果想追求高清潔力又不損傷皮膚，Bifesta眼唇卸妝液絕對係理想之選！ 清潔效果出眾，眼線/眼影輕輕一抹即可徹底卸除。 同時對皮膚極為溫和，即使不小心入眼亦唔會有明顯刺痛感。 油分適中，使用後不會覺得黏笠 因為產品係水油分層設計，記得使用前需充分搖勻（我都係睇完cosme評價中先知!） 產品效果圖: 眼線筆🔽使用卸妝液，輕輕抹一下:

一直都係Bifesta卸妝產品嘅fans，覺得呢個品牌價錢唔貴又好用。由於本人日常化妝都集中眼妝居多，所以呢支高效眼部卸妝液已經好足夠(用嚟卸唇妝都可以㗎～)。 卸妝液分咗油水兩層，使用前搖勻至起泡就可以。倒落卸妝棉，敷喺眼皮位置一陣，一抹就已經卸咗七、八成，再輕抹兩下，連最防水防油嘅眼線液都可以卸得一乾二淨。佢唔會因為潔淨力高就令到皮膚乾燥或者繃緊，真心大推。屋企長備呢支卸妝液，空瓶之前都已經會立即囤貨，嚟到2025，當然會繼續使用啦！

用幾年了，防水眼線、睫毛膏、唇釉，敷幾秒一抹就甩，唔使捽到眼皮痛，溫和得嚟又乾淨。 佢係水油分層設計，用前要搖勻，但上眼唔會「立黐黐」，油感唔重，怕膩嘅人（尤其夏天）會鍾意，入眼有少少矇但唔刺痛。 幾十蚊就已經有145ml，性價比高，大支裝仲抵，學生黨同日常用都唔肉赤。

使用前要搖勻，兩層融合在一起就可以倒出黎使用，卸妝力好高，連mascara 都輕鬆卸得走，而且唔會拿眼，cp值高～

終於搵到唔辣眼嘅眼唇卸妝液！ 我要同啲同我一樣係敏感肌嘅姊妹推薦呢支Bifesta眼唇卸妝液！ 因為眼唇呢啲位皮膚特別敏感脆弱 卸妝就要用溫和唔刺激嘅 佢入面冇香料、防腐劑同色素，敏感肌都可以放心用 入面仲有保濕型洗淨成分， 用水油雙效嘅方法，可以將化妝品同污垢徹底洗乾淨 同時仲可以幫皮膚保濕 卸妝之後都唔會覺得塊面繃緊，好舒服，我平時直接拎嚟卸全臉，好方便～ 我已經用清好幾支啦，仲準備入手佢哋新升級280ml包裝，容量大點用都唔肉赤 敏感肌、乾燥肌嘅姊妹快啲衝～

Bifesta忠實fans💕 表示已經回購好多樽 今次一出新包裝就買曬成set返黎😆 個包裝靚過之前好多❤️ 加上我皮膚勁容易敏感，捽一捽就好容易紅 但用佢眼唇卸妝液， 敷幾秒後，輕輕一抹就卸得好乾淨 而且無紅腫嘅情況出現🥰 而且，我勁鍾意佢哋嘅一點係冇任何香料味道😆💕

這產品很溫和，使用起來感覺很好，沒有刺激感。能有效去除超防水既睫毛膏、眼線及唇妝，用完不會讓肌膚感到緊繃。卸妝後的肌膚清爽潔淨，便宜大罐，性價比很高，真心推存大家購買

🧡如果喜歡我嘅分享，可以follow instagram @betsync🧡 ✐ Bifesta高效眼唇卸妝液 🥹如果冇記錯，應該係我第一枝買嘅眼唇卸妝液，一買就買到啱用嘅產品依種感覺實在太好!! 我已經空瓶再回購咗第4枝了～～ 佢係我最愛既卸妝產品😙有效又便宜（有優惠時$36-40），周圍都好

卸妝沖涼前我習慣用呢款眼唇卸妝液， 我肌膚偏油性 呢款倒落手會覺得好油，整體卸得算乾淨，而且塊臉會舒服 塊面唔會起暗瘡 值得推薦

質地比較油，用後有油膩感停留喺皮膚上，對於追求清爽嘅油性皮膚唔太友好，不過卸妝力好好，防水彩妝睫毛膏都輕鬆卸走，唔會刺激眼睛，適合化濃妝嘅朋友

中學時期已經有用呢一款卸妝油，首先佢價錢好平學生都付得起。另外係佢卸眼妝嘅清潔程度都好乾淨，唔會起油脂粒。

今次想推介BIFESTA嘅高效眼唇卸妝液，已經空瓶咗勁多支！呢隻高效眼唇卸妝液有效溶解防水睫毛液、眼線同唇妝。 我用法通常倒落棉度再輕按眼部幾秒，之後就好易溶解，重點係佢唔會薰眼；不過因為都有油成份，所以我都會再用清水清洗。 嚟緊聖誕緊係想打扮得靚靚出門，呢隻高效眼唇卸妝液就正正啱晒化完聖誕妝之後用嚟卸妝，因為每次化完妝不可或缺嘅就一定係呢支！

這款產品，數數手指應該已經用了超過10年⋯卸妝力極佳、性價比高、不傷眼睛、不油膩，沒有任何缺點可言。 多年來也有試用過其他卸眼妝產品，也不是沒有遇到其他好的產品，但這款實在太無敵，沒有被取代的必要。 卸妝前 一抹卸走一半的狀態 輕輕抹兩下已經完全卸妝

Bifesta高效眼部卸妝液分油和水兩層，只要搖勻倒小量於化妝棉，即使用防水眼線，輕敷幾秒就能輕鬆卸掉妝容，使用起來非常清爽，卸除眼妝的效果亦很好。而且重點是不刺激眼睛，完全沒有出現過澀眼的情況。卸完妝後眼周肌膚或咀唇也不會覺得乾燥緊繃。整體來說，是一款性價比很高的眼唇卸妝液，是我持續回購的產品👍👍👍

Bifesta嘅產品又平又好用， CP值極高。 呢個眼部卸妝就係其中一個非常好用嘅產品。 這個產品是水油混合，需要搖勻之後才使用， 把產品放在化妝棉上， 在眼部按壓2分鐘左右， 眼妝就會溶化， 記住唔好大力拉扯， 大力拉扯會令眼睫毛脫落。 產品CP值高，所以會長期持續購入。

好用到不得了，試過無數牌子既眼唇卸妝液，最好用都系Bifesta! 落得快，又乾淨，唔會乸眼，即使防水眼睫毛膏佢都可以落得好彻底。 前2日見出左增量裝，多50ml但和正常size同一價錢，立刻又囤貨。

好用 不刺激 幾乎女生必買 而且算卸妝乾淨 有時卸防水睫毛膏差d 明年會繼續購買 2025年更靚靓

眼唇卸妝嘅重點就係要輕鬆卸得乾淨，我覺得呢支做得好好！ 同大部分眼唇卸妝一樣，只需要搖一搖再倒落卸妝棉上面用。就算係好持久嘅眼線多數都係敷2，3次就會卸乾淨晒。卸唇妝嘅效果都幾好，好易卸得乾淨，但因為我唔係太鐘意個嘴有油油地嘅感覺，所以一般都只係用嚟卸眼妝。