Bifesta

高效眼部卸妝液

成日化眼妝嘅sis都知，最怕就係落妝落唔乾淨，搞到第二朝變熊貓眼，仲要扯到眼底出細紋。 Bifesta呢支眼唇卸妝液，長期霸佔@cosme頭位，今次親身試畀你睇，卸妝力、溫和度、抵買度一次過拆解。 質地： 水油分離，雙層配方，用前要搖勻。 卸妝力： ⭐⭐⭐⭐⭐ 倒少少落化妝棉濕敷眼瞼30秒——防水睫毛液、眼線液、眼影粉全部一次過抹走，唔使捽嚟捽去。 溫和度： ⭐⭐⭐⭐⭐ 冇香料、冇酒精、冇Paraben，敏感眼都用得。濕敷時唔「乸」眼，抹完眼底冇紅冇刺痛。 清爽度： ⭐⭐⭐⭐☆ 卸完唔會油淋淋，但比起純水狀卸妝液係有少少油膜感，用溫水過一過就乾淨。 抵買度： ⭐⭐⭐⭐⭐ 約4x。 總結： 👉🏻 成日化大眼妝、用超級防水睫毛液嘅人：必買，性價比之王 👉🏻 只化淡妝、極怕油感嘅人：可揀Bifesta落妝水（紫色嗰支） 使用貼士： 1. 一定搖勻10下以上 2. 化妝棉要吸滿，濕敷等30秒 3. 由內眼角向外輕抹，唔好來回捽

呢排用緊bifesta既眼唇卸妝液. 佢水油分層設計，用法係將佢搖勻→ 倒落化妝棉 → 濕敷係眼/ 唇部位置大概5-10秒就可以輕輕卸除眼唇妝.（我有枝染唇既唇彩，濕敷多陣佢都卸到！） *記得唔好慳，要整濕成張化妝棉先冇咁易因拉扯皮膚而出皺紋！  以下係眼線液同Mascara既示範（上面係眼線液，下面係睫毛膏）：濕敷10秒輕力抹一下，卸走左9成😎輕力抹多一下，完全卸走晒！可見清潔力十足，亦唔需要來回用力擦拭，減少拉扯眼周皮膚導致出皺紋既機會。（內眼線再用棉花棒沾濕卸妝液卸走） 睇返佢既資料，呢枝卸妝液加入咗維他命B/ 維他命E既保濕成分，難怪用完唔會覺得眼周肌膚緊繃～ 香料方面，唔覺佢有香料味，敏感肌都唔洗驚，而且就算用係眼部呢d 咁敏感既位置都唔覺刺激/過敏，對得住佢sell溫和呢樣野，唔怪之得係Cosme排名咁高♥️ 重有個重點！係佢夠平😂$4/50 蚊有找，應該會回購到天荒地老😛 #卸妝

質感 Bifesta 呢支高效眼部卸妝液係經典嘅「水油雙層」配方，用之前要搖勻，等佢變成乳白色先可以用。搖勻之後質地清爽，唔會油淋淋，上面感覺好舒服。佢入面含有化妝水成分同維他命B、E，卸妝同時可以滋潤眼周皮膚，用完唔會覺得乾爭爭或者拉扯到。最緊要係佢無香料、無色素，仲通過咗皮膚敏感測試，就算敏感眼周都用得好安心。 使用感 使用感方面，呢支卸妝液真係好方便。我會倒適量落化妝棉，然後敷喺眼瞼大約10-15秒，等佢溶解眼妝，然後輕輕一抹就乾淨晒，完全唔需要捽或者拉扯眼皮。我最欣賞佢嘅係，就算係超防水嘅睫毛膏或者持久型眼線，敷一陣之後都可以輕易卸走，唔會殘留。用完之後眼周感覺好清爽潔淨，完全冇油膩感或者「那」眼嘅感覺，好溫和。之前用過其他牌子，用完總覺得有層油黐住，但Bifesta唔會，用完眼周皮膚好舒服，乾淨得嚟又滋潤。而且佢嘅瓶口設計得啱啱好，容易控制流量，唔會一次過倒太多，好貼心。 卸妝表現 一搖一敷一抹，就算係濃艷嘅眼妝都清潔乾淨，彩妝殘留嘅問題基本上唔會出現。而且佢嘅滋潤效果唔係短暫嘅，卸完眼妝之後，眼周皮膚依然保持水潤，唔會有繃緊或者乾澀嘅感覺，長期使用都唔會傷皮膚。

Bifesta 高效眼唇卸妝液 測評 一句總結： 性價比極高，卸妝力強但溫和，係開架眼唇卸妝液嘅「性價比之王」。 1. 卸妝力：超強，好快乾淨 佢係雙層配方，用前記得搖勻。 · 防水妝實測：對付Kiss Me級別嘅超強防水睫毛膏同眼線液，只需將化妝棉濕敷喺眼上 10-15秒，輕抹已可抹走9成。殘餘嘅喺內眼線位，輕按一吓都抹得乾淨，唔使大力捽，減少眼部拉扯。 · 染唇液實測：對付標榜持色嘅染唇液，濕敷 20秒 左右都融得到，比用普通卸妝水快好多。 2. 溫和度：滋潤唔澀眼 好多開架卸妝水會澀眼，Bifesta 呢款就做得好好。 · 唔澀眼：入眼都唔會即時刺痛或起霧，對眼乾或戴con人士特別友好。 · 保濕感強：含有保濕成分，卸完妝後眼周皮膚唔會繃緊，睫毛都唔會變硬，感覺仲有少少滋潤。 3. 質地與使用感 · 質地：屬於水油結合，但油感唔重，唔會搞到成手黐立立。 · 無香味：冇添加香料，幾乎聞唔到味道，適合唔鍾意香味嘅朋友。 4. 性價比：極高 作為開架品牌，價錢親民，萬寧、屈臣氏成日做特價。卸得乾淨又溫和，咁嘅價錢絕對交足功課。 總結：值唔值得買？ 非常值得。

已回購多次的眼唇卸妝產品，喜歡像水一樣的質地，卸妝後感覺整涼。以1星期班至少化5日妝，卸5次妝的頻率，我大概每3-4個月需要空瓶回購。將卸妝液滴在化妝棉上，我會滴5-6次，形成一行，然後直接敷在眼部位置，維持動作大概5-10秒，然後輕輕擦走睫毛膏及眼影。右方為卸妝效果，見妝容已卸下不少，餘下的可再由卸妝液清潔，或用臉部卸妝產品完成程序。

Bifesta 高效眼唇卸妝液 💙 呢支平民神級眼唇卸妝液絕對係回購率最高嘅開架護膚品，我自己都已經不知不覺用咗 10 幾支，屋企絕對唔可以冇佢囤貨！ 用後感： 卸除力極之驚人，無論係最難搞嘅超防水睫毛膏、持久染唇液，定係超貼服嘅防水眼線，只要用化妝棉輕敷幾秒就可以一抹即淨，完全唔需要用力拉扯眼部肌膚。 水油混合配方非常完美，質地清爽唔黏膩，油份能快速溶解彩妝，水份則維持肌膚水潤，卸完之後眼周完全唔會覺得悶或者有油膜感。 極之溫和親膚，配方低刺激，就算化妝棉沾滿卸妝液敷喺眼皮上，都完全唔會擦痛或者令到隻眼有任何唔舒服，連眼睛敏感嘅日子用都超安心 價格極之親民但效果媲美專櫃品質，性價比高到極致，天天使用都完全唔會心疼，係化妝枱上面最可靠嘅卸妝好幫手 #卸妝部門

水油分離嘅眼唇卸妝 用之前搖一搖 倒落化妝棉即刻可以卸除任何化妝品 包括眼睫毛和雙眼皮貼 卸妝力強勁

Bifesta 高效眼部卸妝液 👁️ 優點： · 卸妝力超班：難卸的防水睫毛液（如Kiss Me）濕敷5秒一抹乾淨，唔需要用力捽眼！ · 溫和零油膩：水油雙層配方清爽唔糊眼，熟齡偏乾肌用後眼周無繃緊，無須二次清潔 · 性價比無敵：唔駛百元抵用過L'Oréal同類產品，消耗速度慢 ⚠️ 缺點： · 保濕度普通：相比專櫃（如Lancôme）卸後略乾，建議立即塗眼霜 · 防水妝需濕敷：極防水的眼線要敷夠10秒，心急人士可能嫌慢 · 搖勻麻煩：水油分層每次要搖勻，懶人可能頂唔順 🌞 香港夏天表現： 卸後皮膚清爽無油膜感，濕熱天用零負擔！而且無香料刺激，出汗多的日子用都唔怕敏感。 💡 同價位比較： vs L'Oréal 溫和眼唇卸妝液：Bifesta 清爽度贏少少，但L'Oréal 保濕感較好 vs Mentholatum 卸妝水：Bifesta 卸防水力明顯更強 總結：開架眼唇卸妝「性價比之王」！適合香港夏天怕油膩、又經常化防水妝的熟齡肌，但極乾眼周要快手跟住做保濕～💧 #Bifesta卸妝 #眼唇卸妝 #開架卸妝

產品使用心得: 如果想追求高清潔力又不損傷皮膚，Bifesta眼唇卸妝液絕對係理想之選！ 清潔效果出眾，眼線/眼影輕輕一抹即可徹底卸除。 同時對皮膚極為溫和，即使不小心入眼亦唔會有明顯刺痛感。 油分適中，使用後不會覺得黏笠 因為產品係水油分層設計，記得使用前需充分搖勻（我都係睇完cosme評價中先知!） 產品效果圖: 眼線筆🔽使用卸妝液，輕輕抹一下:

一直都係Bifesta卸妝產品嘅fans，覺得呢個品牌價錢唔貴又好用。由於本人日常化妝都集中眼妝居多，所以呢支高效眼部卸妝液已經好足夠(用嚟卸唇妝都可以㗎～)。 卸妝液分咗油水兩層，使用前搖勻至起泡就可以。倒落卸妝棉，敷喺眼皮位置一陣，一抹就已經卸咗七、八成，再輕抹兩下，連最防水防油嘅眼線液都可以卸得一乾二淨。佢唔會因為潔淨力高就令到皮膚乾燥或者繃緊，真心大推。屋企長備呢支卸妝液，空瓶之前都已經會立即囤貨，嚟到2025，當然會繼續使用啦！

呢枝眼唇卸妝水已經回購咗好多次，中間試過轉用其他牌子，都唔夠佢好用同抵用！清潔夠強，唔需要多次回來拉扯皮膚，用完唔會濫，又唔會令皮膚乾，讚！

用幾年了，防水眼線、睫毛膏、唇釉，敷幾秒一抹就甩，唔使捽到眼皮痛，溫和得嚟又乾淨。 佢係水油分層設計，用前要搖勻，但上眼唔會「立黐黐」，油感唔重，怕膩嘅人（尤其夏天）會鍾意，入眼有少少矇但唔刺痛。 幾十蚊就已經有145ml，性價比高，大支裝仲抵，學生黨同日常用都唔肉赤。

平靚正，性價比高既眼唇卸妝液！ 使用之前要先搖勻，確保卸妝液變成乳白色，平時化完妝最難卸既唇妝，眼影，睫毛膏、眼線等，只要將卸妝水倒落化妝棉上敷，等10秒左右，輕輕推開就已經好易清走難卸嘅眼唇妝！

使用前要搖勻，兩層融合在一起就可以倒出黎使用，卸妝力好高，連mascara 都輕鬆卸得走，而且唔會拿眼，cp值高～

終於搵到唔辣眼嘅眼唇卸妝液！ 我要同啲同我一樣係敏感肌嘅姊妹推薦呢支Bifesta眼唇卸妝液！ 因為眼唇呢啲位皮膚特別敏感脆弱 卸妝就要用溫和唔刺激嘅 佢入面冇香料、防腐劑同色素，敏感肌都可以放心用 入面仲有保濕型洗淨成分， 用水油雙效嘅方法，可以將化妝品同污垢徹底洗乾淨 同時仲可以幫皮膚保濕 卸妝之後都唔會覺得塊面繃緊，好舒服，我平時直接拎嚟卸全臉，好方便～ 我已經用清好幾支啦，仲準備入手佢哋新升級280ml包裝，容量大點用都唔肉赤 敏感肌、乾燥肌嘅姊妹快啲衝～

Bifesta忠實fans💕 表示已經回購好多樽 今次一出新包裝就買曬成set返黎😆 個包裝靚過之前好多❤️ 加上我皮膚勁容易敏感，捽一捽就好容易紅 但用佢眼唇卸妝液， 敷幾秒後，輕輕一抹就卸得好乾淨 而且無紅腫嘅情況出現🥰 而且，我勁鍾意佢哋嘅一點係冇任何香料味道😆💕

這產品很溫和，使用起來感覺很好，沒有刺激感。能有效去除超防水既睫毛膏、眼線及唇妝，用完不會讓肌膚感到緊繃。卸妝後的肌膚清爽潔淨，便宜大罐，性價比很高，真心推存大家購買

🧡如果喜歡我嘅分享，可以follow instagram @betsync🧡 ✐ Bifesta高效眼唇卸妝液 🥹如果冇記錯，應該係我第一枝買嘅眼唇卸妝液，一買就買到啱用嘅產品依種感覺實在太好!! 我已經空瓶再回購咗第4枝了～～ 佢係我最愛既卸妝產品😙有效又便宜（有優惠時$36-40），周圍都好

這支卸妝液有分水油兩層要搖匀再倒岀來使用，很好用，妝容非常輕易就卸除，無香料、無色素、低刺激（通過過敏測試）、適合敏感肌，卸完後皮膚感覺乾淨又滋潤

卸妝沖涼前我習慣用呢款眼唇卸妝液， 我肌膚偏油性 呢款倒落手會覺得好油，整體卸得算乾淨，而且塊臉會舒服 塊面唔會起暗瘡 值得推薦