2026香港「卸妝」推薦好用排行榜Top20

Paris merci 好用推薦：Nars平時都有用開原生光系列setting spray 、大白餅底妝產品，未用過佢哋嘅卸妝產品。 Light Reflecting™ 新出原生光亮肌卸妝油，高效潔淨：採用三效潔淨科技，一筆卸除頑固長效彩妝，單次使用即可清除95%毛孔雜質，並改善黑頭。 質地屬於清爽型，流動性強，好似水咁，好清爽。比琥珀卸妝油更加流動。質地混合性皮膚都啱用，之後都幾好按摩💆‍♀️。敏感皮膚都啱用，一啲都唔刺激。卸妝正常乾淨，過水後唔會乾燥，就算半小時後先搽護膚品冇問題💕 #火熱新品

AnnaChan好用推薦：#火熱新品 之前買既卸妝油用完，見到呢支係可以以油煥光，令皮膚有光澤透亮，就心郁郁想試lu 質地： 雖然係卸妝油，油但質地屬於流質、好推開嘅類型，用上臉完全冇好厚、好悶嘅感覺 香味舒服，帶有一陣淡淡嘅清香，用嗰陣感覺好放鬆，唔會刺鼻。 遇水即化，過水之後好乾淨，唔會有油膜感，亦都唔會令皮膚覺得乾爭爭或繃緊。重點係完全唔拿眼，超溫和。 卸妝與清潔力： 就算係平日用嘅防水防油眼線、睫毛液，或者持久度高嘅粉底，好快可以溶解。 平時用嚟做鼻翼同下巴嘅按摩，可以好有效咁帶走毛孔入面嘅油脂同粗糙角栓，洗完摸落去真係滑溜好多。 養膚效果： 洗完有光澤感，因為成份加入咗唔同嘅植物油同護膚精華（例如山茶花油等），洗完面之後皮膚唔單止唔乾，仲會帶住一種原生透亮嘅光澤感。 用完佢之後皮膚水油平衡，第二日或後續上粉底會特別貼服，冇咁易浮粉。

missp好用推薦：好開心可以試用賦活塑顏精華卸淨水✨ 本身我係乾肌，成日對住電腦皮膚好容易乾燥，真係好需要溫和又保濕嘅卸妝產品🥰 第一次用已經好驚喜！ 質地超清爽完全唔黏笠💧 利用Micellar微米潔淨技術輕輕一抹 就徹底卸走晒日常污垢同頑固彩妝防曬 感覺好乾淨清新✨ 用完一d都唔繃緊，皮膚即時飲飽水 連續認真用咗7日，肌膚真係煥然一新💖 保濕力都好持久，成日處於冷氣環境都keep到個水潤 配方溫和低敏冇香料，用得超安心🌿 持續用落去仲發現膚質細緻咗 光澤感同彈性都提升咗 素顏望落更年輕健康✨，真心大推👍🏻！

popocarcar好用推薦：我濕疹皮膚，面間中會痕。間中都會用敏感皮膚護膚品，呢支卸妝水好幫到手 雖然價錢唔便宜。 #火熱新品

Viannie好用推薦：#火熱新品 落妝膏一推開即時feel到溫感，非常容易推開，質地唔會好油，乳化速度都好快，過水後唔會油冧淋淋，洗後感覺清爽乾淨，乾性肌略嫌太爽，中性肌/油性肌較啱用。 香味唔係好明顯，唔太聞到柑橘香，用完冇刺激感，都好溫和唔會醃眼。 最欣賞個蓋同挖匙嘅設計，用完即刻磁石吸返喺個蓋度，唔使周圍放。 用咗大約兩星期，嘴邊附近開始有暗粒出現，唔知關唔關用量唔夠落得唔夠乾淨，定係敏感，因為都用得算舒服，會停一排再比多次機會佢。

Kura好用推薦：呢款卸妝膏真係便宜又好用，平時化全妝用呢款卸妝膏可以好快就落曬全妝，卸得超級乾淨，我有時會懶到連眼睫毛都會卸埋，用完皮膚狀態變好咗，我會繼續回購呢款卸妝膏 @cosme #火熱新品 #火熱新品

Kathy Wai好用推薦：成日化眼妝嘅sis都知，最怕就係落妝落唔乾淨，搞到第二朝變熊貓眼，仲要扯到眼底出細紋。 Bifesta呢支眼唇卸妝液，長期霸佔@cosme頭位，今次親身試畀你睇，卸妝力、溫和度、抵買度一次過拆解。 質地： 水油分離，雙層配方，用前要搖勻。 卸妝力： ⭐⭐⭐⭐⭐ 倒少少落化妝棉濕敷眼瞼30秒——防水睫毛液、眼線液、眼影粉全部一次過抹走，唔使捽嚟捽去。 溫和度： ⭐⭐⭐⭐⭐ 冇香料、冇酒精、冇Paraben，敏感眼都用得。濕敷時唔「乸」眼，抹完眼底冇紅冇刺痛。 清爽度： ⭐⭐⭐⭐☆ 卸完唔會油淋淋，但比起純水狀卸妝液係有少少油膜感，用溫水過一過就乾淨。 抵買度： ⭐⭐⭐⭐⭐ 約4x。 總結： 👉🏻 成日化大眼妝、用超級防水睫毛液嘅人：必買，性價比之王 👉🏻 只化淡妝、極怕油感嘅人：可揀Bifesta落妝水（紫色嗰支） 使用貼士： 1. 一定搖勻10下以上 2. 化妝棉要吸滿，濕敷等30秒 3. 由內眼角向外輕抹，唔好來回捽

Chloeincosme好用推薦：呢排用緊bifesta既眼唇卸妝液. 佢水油分層設計，用法係將佢搖勻→ 倒落化妝棉 → 濕敷係眼/ 唇部位置大概5-10秒就可以輕輕卸除眼唇妝.（我有枝染唇既唇彩，濕敷多陣佢都卸到！） *記得唔好慳，要整濕成張化妝棉先冇咁易因拉扯皮膚而出皺紋！  以下係眼線液同Mascara既示範（上面係眼線液，下面係睫毛膏）：濕敷10秒輕力抹一下，卸走左9成😎輕力抹多一下，完全卸走晒！可見清潔力十足，亦唔需要來回用力擦拭，減少拉扯眼周皮膚導致出皺紋既機會。（內眼線再用棉花棒沾濕卸妝液卸走） 睇返佢既資料，呢枝卸妝液加入咗維他命B/ 維他命E既保濕成分，難怪用完唔會覺得眼周肌膚緊繃～ 香料方面，唔覺佢有香料味，敏感肌都唔洗驚，而且就算用係眼部呢d 咁敏感既位置都唔覺刺激/過敏，對得住佢sell溫和呢樣野，唔怪之得係Cosme排名咁高♥️ 重有個重點！係佢夠平😂$4/50 蚊有找，應該會回購到天荒地老😛 #卸妝

FishFish好用推薦：植村秀琥珀山茶花卸妝油評測：奢華保養級卸妝，值得投資嗎？ 植村秀的「琥珀山茶花卸妝油」屬於頂級ultime8系列，主打「卸妝同時抗老」。經過一個月的親身測試，以下從質地、卸妝力、保養價值等角度提供真實心得。 質地與使用感： 流動性高的輕油狀，推開順滑無黏膩感。帶有高級木質花香，洗臉過程療癒舒壓。遇水乳化極快，沖洗後沒有油膜殘留感。 卸妝力實測： 日常防曬、粉底液一次就能徹底溶解；防水眼線液、霧面唇釉需稍微按摩5-8秒也能卸除。測試中不慎弄到眼睛，雖有些微模糊但無刺痛感。整體給9/10分。 保養價值： 添加山茶花萃取、人參根等8種珍稀精油。持續使用兩週後，明顯感覺臉頰更柔嫩，鼻頭顆粒感減少。對混合肌來說，平衡效果讓人驚喜。 適合膚質： 乾肌會很喜歡它的保濕度；混合肌T字記得多沖洗兩下；油肌建議秋冬使用。敏感肌可先試用，我（輕微敏感）用起來沒問題。 總結優缺點： 優點是卸得乾淨、洗完膚質升級，用量很省（按壓2下就夠全臉）；缺點是價格偏高（450ml約三千多元台幣），購買前建議考量預算。 適合誰買： 追求保養級卸妝、喜歡精油香氛、乾肌/熟齡肌；若你是極油肌或只用開架產品，這罐可能

莓莓好用推薦：講起植村秀枝琥珀山茶花卸妝油，真係要同大家開心share下！😊 我用咗佢差唔多兩年，回購咗三次，真心覺得係「神級」卸妝油。 質地好輕盈，唧出嚟係透明油狀，但一推開就变好順滑。最驚喜係加水乳化嗰下，快過閃電，一碰水就變白，過水後零油膜，塊面仲保濕到彈手，乾肌/混合肌春夏秋冬都用得。 我平時化全妝（防曬+粉底+眼影+防水睫毛膏），佢一鋪過搞掂，唔駛另外用眼唇卸妝。尤其係卸睫毛膏，輕輕按摩就溶晒，唔會捽到熊貓眼，入眼都唔澀（但都唔建議特登攪對眼😂）。 用完之後塊面好軟熟，好似敷完保濕mask咁，鼻翼啲黑頭粉刺都少咗。記得乾手乾面用，泵3下，打圈按摩一分鐘，加少少水乳化再按摩，最後徹底沖洗乾淨。懶人必備，一分鐘完成卸妝+洗面+軟膚，好值得投資！ ✅ 優點 · 卸妝力強：溶妝極快，連防水睫毛膏、眼線都輕鬆一抹就乾淨，唔使分開用眼唇卸妝液。 · 乳化極快：一加水就變白，沖洗後完全無油膜感，唔怕殘留或生暗粒。 · 保濕嫩膚：洗完塊面軟滑有彈性，乾肌冬天用都夠保濕，有「養膚」感覺。 · 質地輕盈：流動性高，易推開唔痴立，唔會拉扯皮膚。 · 入眼唔澀：就算少量入眼都唔會乸，對戴Co

我的骨盤最端正好用推薦：皮膚混合偏油 皮膚唔算極度敏感 但係較容易敏感 以前用過某落妝產品抹多幾次眼、面會有刺痛感，以為正常，機緣巧合買嘢送咗支Bioderma試用裝，用完之後覺得超級舒服，之後不停回購，咁我一用就用咗起碼十年，無再換過其他落妝水，同埋重點係佢一支可以用好耐XD 呢支嘢真係我幾乎每日都用到，鍾意佢完完全全冇香味，夠溫和，唔會有陣化學香料味。無論係平時落妝定係素顏只想抹走面上啲塵同油脂，用佢抹完都覺得好清爽，啲污糟嘢一抹即淨。最重要係佢一啲都唔「揦」眼、唔刺激皮膚，每次用完都感覺好安心，唔會驚敏感或者令皮膚變乾。 平時化妝都幾濃，全妝上陣，佢落妝力強，連頑固嘅彩妝都可以抹得好乾淨。 同埋唔一定化咗妝先可以用！我自己就會冇化妝時都可以當日常清潔用，抹走塵同油脂，點樣用都無負擔。適合追求簡單、驚刺激、或者本身皮膚比較敏感嘅人。 我用咗咁多年，皮膚一直好穩定，完全冇出現過刺痛或過敏，清潔能力亦無可挑剔。如果你想搵支用得安心嘅落妝水，Bioderma 真心好用推薦大家用。 (如果有泵頭裝，記得買泵頭裝！超方便！！)

Emma好用推薦：呢款係我由開始化妝就用既第一支卸妝水，一直到而家都用咗起碼有5年啦 ✨質地清爽如水，零油膩感： 倒出嚟同水一樣，上臉完全冇負擔，唔會好似用卸妝油咁驚起油脂粒或者笠痴痴，用完塊面係清爽舒服既。 ✨性質溫和，敏感肌恩物： 配方簡單、不含香料同酒精。就算有時皮膚敏感、或者做完果酸之後皮膚脆弱，用佢黎抹面都唔會刺痛或者紅腫。 ✨性價比高： 佢成日有大容量裝買一送一優惠，價錢非常親民，日日用都唔肉赤。 ✨零殘留、唔洗過水： 官方標榜用完唔洗過水直接訓覺都得，但對於我黎講，試過lam到未過水既嘴係苦苦澀澀既味，同埋慢慢塊面會好乾，唔過水第二朝會出好多油，所以習慣用清水過一過。佢嘅優點係唔會留下一層膜感喺皮膚表面。同埋真係超級攰既時候都可以偷下懶 🥲卸頑固彩妝比較吃力： 佢用嚟卸日常防曬、淡妝或者粉底係一流既，但如果今日畫左防水睫毛液、持久型唇膏或者眼線，就一定要配合專用既眼唇卸妝液，或者要用化妝棉敷耐啲先得 🥲依賴化妝棉，容易拉扯皮膚： 因為係水狀，一定要配合化妝棉一齊用。為咗唔好同肌膚咁多磨擦拉扯，我通常會濕敷先再抺 🥲乾肌冬天用唔夠保濕： 對於乾性皮膚或者冬

Yan好用推薦：多謝 @cosme 邀請試用THREE 平衡淨透潔膚卸妝油 一直以來我都有黑頭粉刺同毛孔粗大嘅困擾，加上皮膚比較敏感，有時用咗啲比較敏感嘅卸妝產品塊面就會泛紅，眼邊仲會有少少濕疹問題。但係平日要返工，長期都化妝，空氣污染，又成日喺冷氣房，加埋卸妝唔夠徹底，令毛孔愈來愈塞嘅主因。 今次試用 THREE 呢款升級版卸妝油，真心有驚喜！佢嘅質地好輕盈，流動性高，推開時完全冇拉扯感。最鍾意佢嘅草本辛香氣味（個人係幾鍾意呢種味道，不過有機會唔鍾意草本味道嘅人會覺得太濃）卸妝嗰陣聞住真係好放鬆，成日嘅疲勞好似散晒咁。 用到第三日左右，已經感覺到鼻翼同 T 區嘅黑頭同粉刺少咗，摸上去平滑咗，冇以前咁粗糙。最令我安心嘅係，用完皮膚冇過敏，就算接觸眼周都唔覺刺激。過水後好乾淨，但塊面依然保持水潤，冇好乾澀緊繃嘅感覺。 用完五日見到毛孔清透咗，冇甘暗啞黑蚊蚊，皮膚仲好似有返啲光澤，狀態穩定咗好多。相比以前用過嘅卸妝油，呢款唔會油淋淋塞毛孔，升級版嘅潔淨力明顯更強，但就 Keep 到溫和養膚嘅效果。對於我呢種敏感加黑頭人，呢啲產品真係值得推介！

Yty好用推薦：THREE 平衡潔膚油試用裝Balancing Cleansing Oil🌿 用後感 質地係極之輕盈水感嘅黃金油脂，喺面上推開時完全零厚重感，仲散發住極之治癒嘅柑橘與植物精油香氣，卸妝過程好似做緊 SPA 咁放鬆 溶解彩妝能力非常優秀，能快速融入肌膚，輕鬆浮起日常底妝、防曬同毛孔內嘅過剩油垢，連鼻翼兩側嘅黑頭污垢都可以順便溫和帶走 乳化速度極快，加少少水輕撫即刻變成濃密嘅乳白色，沖水後一甩即淨，完全唔會喺面上殘留任何油膜感或者黏膩感 卸完妝之後肌膚呈現出一種極之清爽透亮嘅狀態，完全唔會乾澀或者緊繃，反而摸落去極之柔嫩平衡，肌膚好似會呼吸一樣舒服 #卸妝部門

Yeonjung好用推薦：近排天氣又濕又焗，化完妝成日覺得塊面焗住晒，最驚就係落妝落得唔乾淨，搞到生粒粒或者塞毛孔。上個月行過藥妝店，見Curel呢支「深層卸妝啫喱」做特價，諗住試下無妨，點知用咗一個月，真心有啲驚喜，而家同大家分享下我用完嘅感受！ 質地：似溶緊嘅軟糖，好過癮 佢係透明嘅啫喱狀，比起一般卸妝油稀身少少，但比卸妝水有存在感。最正係一推開上手，遇到體溫就會慢慢溶化，變成一層薄薄嘅油膜，好似麥芽糖咁但絕對唔黏立。過水個下最神奇，一沖水就「化開」，完全冇嗰種油淋淋洗唔甩嘅感覺，好清爽！ 卸妝力：日常妝容夠做，但眼線要俾啲耐性 我平時多數用防曬＋碎粉＋淡色眼影＋防水眼線筆。 · 粉底同碎粉：打圈按摩大概30秒，就見到粉底溶晒出嚟，過水後塊面係白淨返，冇殘留。 · 防水眼線：呢個要讚，因為佢聲稱唔使大力捽，我試過敷喺眼線位大約1分鐘，輕輕打圈就甩咗8成，再補多幾下就乾淨晒。不過如果係超頑固嘅睫毛液，建議都係用返專用眼唇卸妝液，始終呢支主打溫和，唔好期望佢一抹就甩。 用後感：保濕度滿分，敏感肌恩物 呢個係我最鍾意嘅位！好多卸妝產品用完，塊面會乾爭爭或者崩緊，但呢支含有保濕成分，洗完面之後摸落去係滑溜嘅，

Fng好用推薦：老實講，每日最期待嘅護膚步驟，唔係搽精華，而係——卸妝。將全日嘅防曬、粉底、眼線一次過溶走，望住塊面回復乾淨，嗰種療癒感，好似同個世界講「收工喇」。 Curel 呢支卸妝啫喱（約HK$120 / 130g），係透明、會流動嗰種啫喱。 上面之後唔會滴到周圍都係，可以慢慢按摩。冇香味（Curel 一貫作風），敏感肌友好。 🩷點樣用先最舒服？官方話：乾手乾面用 記住：乾手、乾面。 擠大約2-3cm直徑嘅份量，放喺手心，用中指同無名指（力度最溫柔嗰兩隻）喺面上打圈按摩。 佢遇到皮膚溫度會慢慢溶化，由膏狀變成輕油狀。呢個過程好治癒，好似幫塊面做緊SPA。 按摩大概30秒，你會feel到粉底、防曬好似被「推起來」，但唔會拉扯到皮膚。 加水乳化：用少量水沾濕雙手，繼續按摩。佢會瞬間變成乳白色液體，呢個就係乳化過程。乳化做得夠徹底，沖水之後先唔會有殘留感。 最後用大量清水沖洗乾淨。 💚卸妝力實測：日常妝夠用，眼妝要分開 我平時嘅妝容：防曬 + 粉底 + 碎粉 + 少少胭脂。 Curel 呢支完全可以一次過溶走，洗完塊面乾淨、唔繃緊，仲有少少滋潤感（因為加咗神經醯胺同甘油）。

莓莓好用推薦：Banila Co Zero卸妝膏｜零感卸妝，親測分享給你💖 這罐被很多人推到不行的Banila Co Zero卸妝膏，親身用過之後，真的覺得值得一聊～用親切的方式分享我的真實心得！ 🌸 質地＆使用感 · 固態膏狀，挖出來是軟軟的、像雪芭一樣。 · 在手上搓開立刻轉化為輕盈卸妝油，不拉扯皮膚。 · 淡淡清香，不是那種假假的香精味。 💧 卸妝力實測 · 粉底、防曬 → 輕輕畫圓就溶掉。 · 防水眼線、霧面唇釉 → 多搓幾下也能卸乾淨（但眼唇還是建議專用卸妝，更安心）。 · 加水乳化超快，沖完不會油膩殘留。 😌 親膚感受 · 我是混合肌，有時會敏感，用它沒長粉刺或亂長東西。 · 洗完皮膚柔軟、不緊繃，秋冬用也很舒服。 · 不薰眼（但大濃眼妝還是避開眼周直接搓比較好）。 👍 優點總結 · 卸得乾淨＋乳化快＋好沖洗 · 不乾澀、不悶痘 · 一罐用滿久的，CP值不錯 · 旅行方便（固體不亂漏） 👎 小小缺點（誠實說） · 天氣熱時膏體會稍微變軟，正常現象 · 附的挖勺很容易弄丟（我會黏在蓋子上） 🧴 適合誰？ · 每天有上妝或擦防曬習慣的人 · 不喜歡卸妝油的滴漏感、

Yeonjung好用推薦：🧴 Banila Co Zero卸妝膏（粉紅經典款）用後感 我膚質：混合肌（T字油、兩頰乾），間中會起粒粒，用錯卸妝油會生暗瘡嗰隻。 --- 1. 質地 & 用法（點樣推） · 佢係固體膏狀，跟埋支小匙羹，一搲落去好似雪硬咗嘅豬油，但一捽上手心，體溫一烘就即刻變透明油狀，好滑好順。 · 用法：乾手乾臉，搲一匙喺掌心搓熱，然後上臉打圈按摩。記住眼唇分開卸，雖然佢話得，但我覺得卸眼線有啲勉強。 --- 2. 卸妝力（最關鍵） · 日常防曬 + 粉底 + 碎粉 → 完全冇難度，按摩30秒已經溶晒。 · 防水睫毛液 / 眼線膠筆 → 要捽耐少少，同埋會入眼朦朧，所以建議都係用返專用眼唇卸妝液。 · 重點：過水嗰下好緊要，佢乳化得好快，一沾水就變奶白色，過兩三次水就乾淨，唔會有層油膜黐住塊面。 --- 3. 用後膚感（好壞都講） 好嘅地方： · 洗完塊面唔繃緊、唔乾澀，仲有少少水潤感，乾肌冬天用都OK。 · 毛孔好似呼吸到，尤其鼻頭啲黑白頭粉刺，會浮出少少，跟住用針清好爽。 彈嘅地方： · 如果過水唔夠徹底，或者按摩得耐過頭（超過1分鐘），有機會生暗粒，特別係下巴位。

莓莓好用推薦：Hello大家好，今次要同大家做一個卸妝油實測——Bobbi Brown 舒緩卸妝油 。我係混合偏油肌，T字位易出油但兩頰偏乾，有時仲會因為卸妝唔乾淨而生暗粒。呢支被譽為「卸妝油界清泉」，係咪真係咁神？即刻開波！ 【產品質地】 水感輕薄，流動性極高，唔似傳統卸妝油咁黏笠。推開瞬間好似化成清爽精油，乳化速度唔使3秒，過水後零油膜感。 【氣味】 高級舒緩嘅薰衣草＋洋甘菊精油香，唔係化學合成味，卸妝過程好似做緊芳療，敏感肌都安心。 【上臉感覺】 乾手乾臉按壓2-3泵，喺有防曬＋粉底＋防水眼線嘅半邊臉打圈。觸感順滑零拉扯，即使近眼簾位置都冇澀眼。加水乳化瞬間變牛奶白，過水後皮膚柔嫩唔繃緊。 【用後皮膚狀況】 連續使用一星期，明顯感覺黑頭粉刺減少，冇堵塞毛孔引致暗粒。最驚喜係洗完面後水分值keep到41%（對比未洗前38%），角質層軟化得嚟仲帶自然光澤。 【評分】滿分5星 · 卸妝力：⭐️⭐️⭐️⭐️⭐️（防水睫毛膏都一抹即溶） · 溫和度：⭐️⭐️⭐️⭐️⭐️（敏感肌友好，眼唇可用） · 清爽度：⭐️⭐️⭐️⭐️⭐️（零油感，油痘肌大愛） · 回購率：⭐️⭐️⭐️⭐️⭐️（已回購第三

Candy Mak好用推薦：今日想同大家分享BOBBI BROWN Soothing Cleansing Oil 紓緩卸妝潔面油用後感。 1️⃣首先講講品牌方對產品的特色描述： - 獨特配方，特別新添加3種滋養植物油複合物，溫和潔淨肌膚之餘，可保持肌膚水潤 - 溫和有效地溶解防水性彩妝品，洗去可能堵塞毛孔並引起粉刺的污染物和雜質 - 平衡肌膚，為後續護膚步驟打好基礎 - 用後肌膚持續保濕8小時 2️⃣再同大家分享本人用後感 (油肌，毛孔粗大)潔面油質地呈透明油狀😅上圖為每一泵嘅份量，質地輕盈易推，帶有陣陣茉莉花香。 每次卸妝都會乾手乾面，泵2-3泵份量卸全面彩妝；把卸妝油均勻塗到面上後，會洗濕雙手，細心且有耐心地在全面上打細圈圈做乳化，此時會見到面同手上水份會因為乳化變做奶白色，即證明成功做到卸妝，最後全面過清水及用洗面膏作二次清潔便可。 跟著再同大家分享用後感：作為油肌一路都係用卸妝水，我係見好多youtuber都推介呢款卸妝油，所以一試。用過都幾改觀，油肌都可以用卸妝油❤️，卸淡妝會用2泵，濃妝會用3泵，加水乳化便可以迅速同徹底卸除全面彩妝，用後皮膚好乾淨唔會覺得油膩，不用另外用眼唇卸妝液卸眼妝唇妝真的很方