2026香港「卸妝」推薦好用排行榜Top20

Emily Leung好用推薦：💧無限回購的溫和卸妝神器！💧 今天我要給大家安利一款我無限回購的卸妝水🌟 這款卸妝水真的是我的心頭好，已經不知道用空多少瓶了！它超級溫和，完全不刺激皮膚，連眼睛都不會感到刺痛，簡直是敏感肌的福音！👀 日常淡妝，一張可卸全臉輕輕鬆松。是我用第二張卸妝棉的情況，已經沒啥可卸了。是我卸完直接用清水洗完臉的，沒用潔面泡沫，也很乾淨清爽。 唯一的小缺點就是卸不掉防水睫毛膏，但我幾乎不塗防水睫毛膏，所以完全不影響我對它的喜愛！而且它沒有難聞的氣味，使用起來非常舒服。🌸 總之，這款卸妝水真的是我心中的卸妝神器，強烈推薦給大家！💖

Kitty 好用推薦：Bioderma深層卸妝潔膚水——敏感肌救星？懶人實測真心話！ 呢隻Bioderma粉紅色樽嘅深層卸妝潔膚水大家應該不陌生，話係法國藥妝界嘅明星產品，連敏感肌都用得。身為一個又懶又怕麻煩嘅打工仔，平時返工化淡妝、放假貪靚畫到鬼火咁濃，真係好需要支卸妝神器。其實呢隻我已經連續回購幾年，同大家分享吓真實感受啦！ ✨ 第一印象：簡約到極嘅設計 支水嘅包裝真係”法國style”——簡簡單單粉紅樽，冇乜花巧嘢。樽口設計好貼心，倒出嚟唔會瀨到成手都係（試過其他開架牌子倒到成個枱濕晒，激氣！）。質地同普通清水差唔多，冇黏笠感，陣味好淡，幾乎聞唔到，啱晒我呢啲聞到香料就打乞嚏嘅人。 🧖使用感：真係唔使過水？ 第一次用嗰陣半信半疑，跟足指示用化妝棉濕敷10秒再輕輕抹。嘩！平時用開嘅防曬＋碎粉＋眉粉真係一抹就冇咗八成，連眼底啲積線位都抹得乾淨（感動到喊）。最驚喜係用完塊面完全冇拮拮哋或者繃緊，摸落仲有啲潤潤哋，似拍咗層保濕水咁。不過如果化咗超防水眼線同睫毛液，就要敷耐少少再輕力多抹兩次，但都算輕鬆搞掂！ 💧 溫和度大考驗：敏感肌掂唔掂？ 我塊面係出名轉季玻璃肌，一用錯嘢即刻泛紅兼生粒粒。

維他他好用推薦：Biore出咗支新嘅噴霧式卸妝，幾新穎嘅卸妝方法，試試佢 呢支卸妝噴霧，每次卸妝大概都要噴10下以上，先會足夠可以卸乾淨全面嘅妝容，清潔力非常強勁，簡單易用，比起卸妝油會稀少少，但係比起卸妝水又會強勁少少，卸妝效果非常不錯，好乾淨，卸普通防曬一定冇問題，其實連眼妝胭脂呢啲都可以清潔得一乾二淨，重點係洗完之後，塊面一啲都唔乾燥，呢一點幾好，價錢大概$100一支，有120毫升，貴唔貴就見仁見智，但係效果真係幾好，會推薦俾朋友使用 #火熱新品

Ming好用推薦：#火熱新品 最近見到各大媒體都有報道呢支卸妝油，好多用家都認同卸妝能力好高，性價比非常高。 用咗之後呢支卸妝油嘅卸妝能力真係好好，無論係直接噴喺面上面又好，或者噴喺棉花上面抹又好，都可以輕鬆卸妝，有啲好難卸嘅睫毛液，眼線亦都好容易卸到，而且唔需要係咁捽塊面，卸完之後塊面唔會好繃緊，雖然都要再洗多次面，但係唔會咁乾燥，都試過喺沖涼嘅時候用，可以同一時間卸妝洗面都冇問題。就呢個牌子嚟講，呢款嘅卸妝油卸妝能力已經有好大嘅進步。。

Chloeincosme好用推薦：呢排用緊bifesta既眼唇卸妝液. 佢水油分層設計，用法係將佢搖勻→ 倒落化妝棉 → 濕敷係眼/ 唇部位置大概5-10秒就可以輕輕卸除眼唇妝.（我有枝染唇既唇彩，濕敷多陣佢都卸到！） *記得唔好慳，要整濕成張化妝棉先冇咁易因拉扯皮膚而出皺紋！  以下係眼線液同Mascara既示範（上面係眼線液，下面係睫毛膏）：濕敷10秒輕力抹一下，卸走左9成😎輕力抹多一下，完全卸走晒！可見清潔力十足，亦唔需要來回用力擦拭，減少拉扯眼周皮膚導致出皺紋既機會。（內眼線再用棉花棒沾濕卸妝液卸走） 睇返佢既資料，呢枝卸妝液加入咗維他命B/ 維他命E既保濕成分，難怪用完唔會覺得眼周肌膚緊繃～ 香料方面，唔覺佢有香料味，敏感肌都唔洗驚，而且就算用係眼部呢d 咁敏感既位置都唔覺刺激/過敏，對得住佢sell溫和呢樣野，唔怪之得係Cosme排名咁高♥️ 重有個重點！係佢夠平😂$4/50 蚊有找，應該會回購到天荒地老😛 #卸妝

Miranda好用推薦：質感 Bifesta 呢支高效眼部卸妝液係經典嘅「水油雙層」配方，用之前要搖勻，等佢變成乳白色先可以用。搖勻之後質地清爽，唔會油淋淋，上面感覺好舒服。佢入面含有化妝水成分同維他命B、E，卸妝同時可以滋潤眼周皮膚，用完唔會覺得乾爭爭或者拉扯到。最緊要係佢無香料、無色素，仲通過咗皮膚敏感測試，就算敏感眼周都用得好安心。 使用感 使用感方面，呢支卸妝液真係好方便。我會倒適量落化妝棉，然後敷喺眼瞼大約10-15秒，等佢溶解眼妝，然後輕輕一抹就乾淨晒，完全唔需要捽或者拉扯眼皮。我最欣賞佢嘅係，就算係超防水嘅睫毛膏或者持久型眼線，敷一陣之後都可以輕易卸走，唔會殘留。用完之後眼周感覺好清爽潔淨，完全冇油膩感或者「那」眼嘅感覺，好溫和。之前用過其他牌子，用完總覺得有層油黐住，但Bifesta唔會，用完眼周皮膚好舒服，乾淨得嚟又滋潤。而且佢嘅瓶口設計得啱啱好，容易控制流量，唔會一次過倒太多，好貼心。 卸妝表現 一搖一敷一抹，就算係濃艷嘅眼妝都清潔乾淨，彩妝殘留嘅問題基本上唔會出現。而且佢嘅滋潤效果唔係短暫嘅，卸完眼妝之後，眼周皮膚依然保持水潤，唔會有繃緊或者乾澀嘅感覺，長期使用都唔會傷皮膚。

莓莓好用推薦：講起植村秀枝琥珀山茶花卸妝油，真係要同大家開心share下！😊 我用咗佢差唔多兩年，回購咗三次，真心覺得係「神級」卸妝油。 質地好輕盈，唧出嚟係透明油狀，但一推開就变好順滑。最驚喜係加水乳化嗰下，快過閃電，一碰水就變白，過水後零油膜，塊面仲保濕到彈手，乾肌/混合肌春夏秋冬都用得。 我平時化全妝（防曬+粉底+眼影+防水睫毛膏），佢一鋪過搞掂，唔駛另外用眼唇卸妝。尤其係卸睫毛膏，輕輕按摩就溶晒，唔會捽到熊貓眼，入眼都唔澀（但都唔建議特登攪對眼😂）。 用完之後塊面好軟熟，好似敷完保濕mask咁，鼻翼啲黑頭粉刺都少咗。記得乾手乾面用，泵3下，打圈按摩一分鐘，加少少水乳化再按摩，最後徹底沖洗乾淨。懶人必備，一分鐘完成卸妝+洗面+軟膚，好值得投資！ ✅ 優點 · 卸妝力強：溶妝極快，連防水睫毛膏、眼線都輕鬆一抹就乾淨，唔使分開用眼唇卸妝液。 · 乳化極快：一加水就變白，沖洗後完全無油膜感，唔怕殘留或生暗粒。 · 保濕嫩膚：洗完塊面軟滑有彈性，乾肌冬天用都夠保濕，有「養膚」感覺。 · 質地輕盈：流動性高，易推開唔痴立，唔會拉扯皮膚。 · 入眼唔澀：就算少量入眼都唔會乸，對戴Co

Emily Leung好用推薦：這款植村秀琥珀山茶花卸妝油，是品牌的貴婦級人氣產品。 👍 優點： · 頂級養膚膚感：質地豐潤但流動性高，遇水乳化極快、無油膜感。洗後肌膚柔軟嫩滑，像做了保養，完全不會緊繃乾澀。 · 全臉可用：無論是濃厚眼妝還是底妝，都能迅速溶解，且不糊眼睛。 · 療癒香氣：帶有高級沉穩的山茶花精油香，能舒緩壓力。 👎 缺點： · 價格偏高：單價不便宜。 · 膚質限制：極度油性肌膚在夏天使用可能會覺得過於滋潤。 🎯 適合對象： 適合乾性、中性、混合偏乾肌，或是追求奢華卸妝保養體驗的人。 一句總結： 除了貴，幾乎零負評的頂級卸妝油。膚感和保濕度一流，能讓洗臉變成一種享受。

Fng好用推薦：老實講，每日最期待嘅護膚步驟，唔係搽精華，而係——卸妝。將全日嘅防曬、粉底、眼線一次過溶走，望住塊面回復乾淨，嗰種療癒感，好似同個世界講「收工喇」。 Curel 呢支卸妝啫喱（約HK$120 / 130g），係透明、會流動嗰種啫喱。 上面之後唔會滴到周圍都係，可以慢慢按摩。冇香味（Curel 一貫作風），敏感肌友好。 🩷點樣用先最舒服？官方話：乾手乾面用 記住：乾手、乾面。 擠大約2-3cm直徑嘅份量，放喺手心，用中指同無名指（力度最溫柔嗰兩隻）喺面上打圈按摩。 佢遇到皮膚溫度會慢慢溶化，由膏狀變成輕油狀。呢個過程好治癒，好似幫塊面做緊SPA。 按摩大概30秒，你會feel到粉底、防曬好似被「推起來」，但唔會拉扯到皮膚。 加水乳化：用少量水沾濕雙手，繼續按摩。佢會瞬間變成乳白色液體，呢個就係乳化過程。乳化做得夠徹底，沖水之後先唔會有殘留感。 最後用大量清水沖洗乾淨。 💚卸妝力實測：日常妝夠用，眼妝要分開 我平時嘅妝容：防曬 + 粉底 + 碎粉 + 少少胭脂。 Curel 呢支完全可以一次過溶走，洗完塊面乾淨、唔繃緊，仲有少少滋潤感（因為加咗神經醯胺同甘油）。

Emily Leung好用推薦：Curel卸妝啫喱嘅真實使用感 我平時化開好簡單嘅妝：防曬 + 薄粉底 + 眉粉同少少胭脂，眼線同睫毛膏！平時我都搵緊一隻適合自己嘅卸妝產品，用化妝油會生容易閉口，用卸妝水又會刺激敏感，聽講呢隻卸妝啫喱係敏感肌專用，所以入手！用後真係好驚喜！ 講返支產品，佢嘅質地好得意，係一嚿 「唔會流」嘅透明啫喱，擠出嚟係一舊，唔會好似油咁漏落手。推上塊面嗰陣，感覺好滑，但又唔會覺得好油膩，好似將啲保濕啫喱按摩入皮膚咁。 味道方面，我要講：「基本上係冇味㗎！」 真係要好專登去聞先有陣好淡好淡嘅原料味，完全冇香料感。如果你係成分黨或者敏感肌，會好鍾意呢點。 用落感覺點？超級溫和！ 我兩頰好易敏感，但用佢完全冇刺冇痕。乾手乾面按摩一陣，啲粉底同胭脂會慢慢溶開，變成好細嘅白色粒粒。跟住加少少水乳化，佢會變成好稀嘅牛奶水狀，過水好易就沖得乾淨。 不過要講重點：佢嘅卸妝力係「剛剛好」。對我嘅日常裸妝同防曬，係完全夠力，洗完塊面好清爽，唔乾唔繃。但如果我今日用咗持久粉底或者防水防曬，就要按摩耐少少，或者用多啲份量先得。至於眼線唇膏？都係僅僅可以，想乾淨一定要用眼唇卸妝液。 總括來講，佢係一支 「皮膚狀

莓莓好用推薦：Banila Co Zero卸妝膏｜零感卸妝，親測分享給你💖 這罐被很多人推到不行的Banila Co Zero卸妝膏，親身用過之後，真的覺得值得一聊～用親切的方式分享我的真實心得！ 🌸 質地＆使用感 · 固態膏狀，挖出來是軟軟的、像雪芭一樣。 · 在手上搓開立刻轉化為輕盈卸妝油，不拉扯皮膚。 · 淡淡清香，不是那種假假的香精味。 💧 卸妝力實測 · 粉底、防曬 → 輕輕畫圓就溶掉。 · 防水眼線、霧面唇釉 → 多搓幾下也能卸乾淨（但眼唇還是建議專用卸妝，更安心）。 · 加水乳化超快，沖完不會油膩殘留。 😌 親膚感受 · 我是混合肌，有時會敏感，用它沒長粉刺或亂長東西。 · 洗完皮膚柔軟、不緊繃，秋冬用也很舒服。 · 不薰眼（但大濃眼妝還是避開眼周直接搓比較好）。 👍 優點總結 · 卸得乾淨＋乳化快＋好沖洗 · 不乾澀、不悶痘 · 一罐用滿久的，CP值不錯 · 旅行方便（固體不亂漏） 👎 小小缺點（誠實說） · 天氣熱時膏體會稍微變軟，正常現象 · 附的挖勺很容易弄丟（我會黏在蓋子上） 🧴 適合誰？ · 每天有上妝或擦防曬習慣的人 · 不喜歡卸妝油的滴漏感、

Luna好用推薦：韓國大熱嘅 banila co 零感肌瞬卸卸妝膏測評 一句總結： 卸妝力強、乳化快、洗完唔繃緊，係好多香港女仔回購再回購嘅卸妝入門首選。 優點👍 · 卸妝力超強：膏體一抹上臉就會融化變成油狀，防曬、粉底、眼線、唇膏全部可以好輕鬆乳化溶走，連一般防水化妝品都搞得掂。 · 乳化速度極快：沾水嘅瞬間就立刻乳化變白，好快就沖洗乾淨，唔會有殘留感。 · 洗完唔乾澀：洗完塊面係滑捋捋嘅感覺，唔會繃緊或者好油膩，保濕度做得唔錯。 · 經典嘅陣陣香味：佢個陣嘅清新香味好多人鍾意，卸妝過程令人覺得放鬆。 · 用法簡單：乾手乾臉攪掂，唔使化妝棉，方便快捷。 缺點👎 · 需要乳化過程：如果冇完全乳化就沖水，好容易生暗粒或者暗瘡，用法要留意。 · 可能會導致生油脂粒：有部分油性皮膚或者容易生暗瘡嘅朋友反映，如果過水唔夠徹底，有機會會生油脂粒。 · 不太適合眼唇：雖然卸到妝，但入眼會好「乸」眼，建議眼唇用返專用卸妝產品。 · 膠鏟設計：佢跟嘅膠鏟仔好容易唔見或者斷，收納要小心。 適合邊個用？ · 平日有化開妝 (就算係淡妝) 嘅女仔 · 鍾意快捷方便卸妝程序嘅人 · 乾性、中性皮膚 邊個要諗清楚

Annie Mo 好用推薦：哇～我真心要同大家share呢支Yii嘅MILD CLEANSING深層淨肌卸妝啫喱！見佢包裝簡約又靚，一試就上癮～😆125g大支又好抵玩。 佢唔止係普通cleansing gel，仲可以做deep cleansing mask！😍用法超simple：厚敷10分鐘，等佢滲入毛孔溶走dirt同blackheads，之後溫水沖乾淨，跟返skincare routine就搞掂。我本身T-zone成日油笠笠又有粒粒，用咗兩次毛孔已經乾淨咗同滑咗唔少，仲光亮左添。最正係佢洗得夠力但唔乾，保濕度都ok，推薦左俾敏感肌嘅friend都話舒服。我而家每晚都靠佢reset皮膚狀態，2百幾蚊真心覺得CP值高到爆！👍🏻

YS好用推薦：以往用嘅卸妝清潔一係卸唔乾淨，一係好快皮膚繃緊，但呢隻卸妝清潔啫喱無色無味，就算入眼都無刺痛感。之後無用洗面膏都夠乾淨👍雖然睇落唔大枝，但每次用只係用1個「$2銀」size，用到1-2個月！推薦👍

EC好用推薦：用咗THREE呢支卸妝油一段時間，真心覺得幾驚喜！ 首先佢個味超級好聞，係好天然嘅草本加柑橘味，每次卸妝都覺得好放鬆，好似做緊香薰治療咁。質地好輕身，喺面度按摩好舒服。 最正係就算冇化妝，我有時都會忍唔住用佢按摩下面，當係深層清潔。有時真係會推咗啲油脂粒出嚟，感覺好爽！ 有化妝嘅日子，佢一次過就卸得好乾淨，連眼妝都冇問題。過水之後塊面完全唔油膩，仲要好水潤唔繃緊。因為佢寫到明可以卸完唔使再洗面，我而家真係懶咗，一步搞掂，塊面少咗摩擦刺激，反而仲穩定咗。 整體嚟講，呢支嘢令我愛上咗卸妝，又乾淨又舒服，會回購！

Emily Leung好用推薦：同大家介紹一款超級好用嘅卸妝油 🇯🇵品牌：Three 清潔效果：真係一流，之前用過唔同嘅外國品牌，成日都會澀眼，但呢款完全冇呢個問題，連眼唇部位都用得，用完一啲都唔乾澀，完全冇任何味道，質地輕盈柔滑。我洗完臉到而家已經過咗20分鐘，塊面都冇繃緊嘅感覺，而且唔含矽油。 購買渠道：應該係喺韓國機場免稅店買嘅，價錢大概唔使200蚊，確實嘅價錢就唔係好記得啦。 使用體驗：其實我本來對呢啲樸素嘅產品冇乜興趣，可能係年紀大咗，越嚟越鍾意簡單嘅嘢。當我打開呢個包裝嘅時候，一瞬間就愛上咗，簡約大方，就好似呢支卸妝油咁，可以令你回歸最本質、最原始嘅狀態。擠出嚟係油，但搽上塊面搓嘅時候完全唔覺得油膩。 推薦指數：🌟🌟🌟🌟🌟

Fng好用推薦：RMK 呢支精華卸妝油（Serum Cleansing Oil），如果以「成熟偏乾肌＋香港冬天」嚟講，我會形容佢係一支好溫和、卸得乾淨、但用法同感受同傳統卸妝油有少少唔同嘅產品。 質地同使用感💛 佢質地係比較輕身嘅油，不係好厚重嗰種膏狀油，推開好滑，好易喺面上面郁開，按幾下已經可以推晒全面。 最大特點係💘： 官方設計係「唔使加水乳化，都可以直接抹走」，即係你可以用乾手乾面按摩開，之後用化妝棉／濕毛巾抹走，再用洗面產品清潔，就已經 OK，對於唔鍾意喺面度搓好耐、驚拉扯皮膚嘅熟齡肌，係幾加分嘅。 用喺冬天、冷氣房之後個面好繃緊嗰啲日子，第一下推上面會有一種「精華油」嘅感覺，多過「純卸妝油」：油膜薄薄一層包住皮膚，按摩幾十秒之後，粉底、遮瑕、胭脂基本上好易溶開，唔需要大力推。官方都強調係為咗減少摩擦、減輕皮膚負擔，呢點對成熟偏乾肌幾貼心🥰。 卸妝力同清爽度以日常妝、足夠份量防曬、一般粉底嚟講，卸妝力夠用，而且眼影、胭脂都溶得幾乾淨。如果係防水睫毛液或者超持久眼線，我會建議你用專用眼唇卸妝先處理，再用 RMK 精華卸妝油做全臉，會保險啲。抹走之後，面上係有一層「好似啱啱搽完輕油精華」嘅潤

Wongwong好用推薦：這款卸妝油質地如精華液般順滑，推開時摩擦感低，對肌膚非常溫和。它能快速溶解彩妝且易於乳化，洗後清爽不油膩，並保有水潤感，不會感到乾澀緊繃。清新療癒的香氣更讓卸妝過程變得格外放鬆，是兼具清潔力與舒適度的選擇。 #火熱新品

jojoma123好用推薦：一直以來, 自己也比較喜歡用卸妝膏多於卸妝油, 主要原因是不太喜歡其油膩質感, 以及覺得其潔淨力不夠強, 但早前購入了Biore這款瞬間極淨卸妝油後, 卻令我完全改觀！ 透過它的彩妝瞬間飄浮技術，使用時不用反覆搓揉，只要在妝容上輕輕塗抹，肌膚表面嘅彩容已經自動且徹徹底底的浮出來，沖一沖水, 肌膚乾淨晒, 最緊要係表面感覺清爽, 半點油立立既感覺也沒有, 非常出色! 用來卸除防水調色底霜同防水睫毛液都完全難不倒這支卸妝液,順利成為我嘅must buy item! #卸妝 #潔面

Yuki好用推薦：卸妝效果比想像中好 連mac眼線液都卸到接觸到卸妝油個刻 化妝品真係瞬間就浮起粉底液同遮瑕最為明顯除左4U2 lip tint 粉底眼線液眉筆遮瑕睫毛液 全部都卸得好乾淨 同埋卸妝油質地好輕盈 仲要好易過水 用後皮膚好清爽唔繃緊 非常溫和唔刺激 仲有淡淡清新花香 唯一缺點係有d刺激眼睛 彩妝瞬間飄浮技術真係好正 輕輕鬆鬆就可以卸妝 同埋唔洗捽唔洗乳化 卸妝油按上面等一陣 溶解左化妝品浮起左 然後過水就攪掂 避免左過度按摩拉扯皮膚 之前卸妝近耳仔位會成日忽略 卸得唔乾淨攪到生粒粒 宜家用左哩款卸妝油就唔怕喇