shu uemura 植村秀

Anti/Oxi+綠茶抗污染潔顏油#

加入咗日本宇治綠茶萃取同木瓜萃取，連續用一段時間會覺得膚色乾淨通透咗，個樣望落冇咁攰、去到黃氣，有返啲乾淨嘅透亮感，唔會話成面灰灰沉沉。 主打可以洗走面部嘅微塵同空氣污染殘留物，對於城巿人成日接觸廢氣同微粒，呢點真係幾好，不過唔知有冇真實效果。 質地：我好怕嗰啲好難洗甩嘅卸妝油。呢枝一加水捽兩下就瞬間變成白雪雪嘅奶狀，過水一沖就乾淨晒，塊面係清爽嘅，完全唔會有一般卸妝油嗰種洗唔乾淨嘅殘留油膩感。比起其他系列，呢款既味我最鍾意，係帶有淡淡嘅天然綠茶同草本清香，聞到好放鬆，好禪既感覺😂😂去咗日本竹林咁，講起我而家打緊呢篇文都忍唔住拎起黎聞 不過呢，shu其他系列卸妝油都一樣既就係：入到眼真係會迷霧世界，睇野會濛一段時間，同埋都幾痛... 另外冬天用真係會爭少少，去到冬天洗完面如果唔即刻拍 toner 或者查lotion, 塊面會有一路繃緊嘅感覺。所以如果本身好乾嘅朋友，冬天用佢真係未必夠潤，講潤就琥珀果支好啲

講到shu uemura（植村秀）呢支綠茶抗污染潔顏油，喺香港呢種潮濕又污糟嘅空氣下，真係好多人用。 🔹 優點（推薦位） · 卸妝力極強：防水眼線、睫毛液甚至Kiss Me都唔駛分開卸，一捽就甩，慳時間。 · 清爽無油膜：呢支係最輕身嗰款，乳化得快，過水後塊面好爽，唔會好似其他卸妝油咁「瓊」住。 · 抗污染有感：鼻翼嘅黑頭粉刺會明顯少咗，用完覺得毛孔好透氣，感覺似深層清潔咗。 · 膚質兼容：除咗超乾肌冬天覺得乾外，中性、混合肌甚至暗瘡肌都受落。 🔹 缺點（用家提點） · 會「朦眼」：如果睜大眼卸妝，會有短暫白霧，視力模糊幾秒，一定要用眼藥水或捽細眼。 · 泵頭易漏：帶去旅行或游水，個泵鎖唔實，好易漏到成袋都係油。 · 價錢偏貴：效果對得住價錢，但450ml大支裝都要過千蚊，唔算親民。 🔹 心法（一定要乾手乾面） 最關鍵步驟：壓3泵，乾手乾面捽全臉（約30秒），然後濕少少水喺手心再捽面乳化（變白即係成功），最後先用大量清水沖走。一定要乳化徹底，否則會生暗粒。 🔹 結論 如果你係混合肌/油肌，成日出街食塵，呢支係「貴買平用」之選（因為一泵就夠）。但如果你係大乾肌，建議冬天轉用琥珀

【shu uemura 綠茶抗污染卸妝油・用後感】 （混合肌・偶爾長粒粒・日日化全妝） 講到卸妝油，我以前係「拒油分子」——驚生暗瘡、驚洗唔乾淨、驚矇眼。但呢支綠茶卸妝油，真係顛覆咗我對「油」嘅偏見。 質地・輕過化妝水 好多卸妝油一唧出嚟，稠到似蜜糖，推開仲要拉唔郁。但shu uemura呢支，流動性好高，似精華油多過卸妝油，喺手背推開嗰下，薄、滑、唔黐立立。上臉按摩嗰陣，好似用緊護膚油做SPA，完全冇「油淋淋」嘅壓迫感。 乳化速度・快過我諗嘢 好多youtuber成日講「乳化要徹底」，我次次都驚乳唔清。但呢支真係遇水即變白，輕輕捽兩下，成臉妝容瞬間溶晒，連防水眼線都浮起晒，過水嗰下，乾淨到「爽」字形容——沖完塊臉，冇油膜感，但同時又唔會乾到繃緊，呢下最驚喜。 綠茶成份・唔係噱頭 佢主打抗污染＋去黃氣，我起初都諗「卸妝啫，邊有咁誇張」。但用咗兩星期，發覺晚間卸完妝，塊臉唔會即時暗沉，反而有種「透光感」——尤其係成日對住電腦、出入街邊廢氣多嘅我，好似真係幫皮膚深層清走咗啲「城市垃圾」。第二朝起身，T區出油明顯少咗，粒粒都收斂咗。 眼妝・堅係唔刺眼 我試過捽到入眼，竟然唔澀、唔

shu uemura 綠茶抗污染潔顏油敏感肌同混合偏油皮膚都好啱用。質地係輕盈清新嘅潔顏油，接觸水後即時乳化成奶狀，輕鬆溶解彩妝、防曬同都市污染物，沖洗後皮膚乾淨清爽，完全無殘留或緊繃乾燥感，用完感覺輕盈舒適。 最明顯係提升肌膚透明感同光澤，用咗一段時間後皮膚暗沉同粗糙問題明顯改善，透亮度提升咗，摸落去細滑柔軟，T區油光亦減少咗。 早晚卸妝潔面一步到位，徹底潔淨之餘仲可以強化後續保養品吸收。性價比高，日常抗污染同提升肌膚透明感超有效，強烈推介敏感混合肌女士使用！

身為shu uemura 既fans ，佢地既潔顏油一定長期備用。 依隻綠茶味係我用得最多既卸妝產品，見圖得返好少就我真係成日用！依支賣點淨化PM2.5懸浮微粒，抗氧化。同時做到落妝、洗面、護膚，3合1功效，落完妝不用再用洗面膏😛 超好用，容易乳化及清洗，摸落去卸妝油質素高，唔係平價貨質素，唔會刺激皮膚，卸得乾淨之餘保持到皮膚濕潤度🧚🏻 由於我係混合肌，我習慣再用洗要膏二次清潔，依然feel到皮膚嫩滑有彈性。不過唔知係咪真係抗氧化同對抗空污PM2.5😂 雖然市面有唔同價位嘅落妝產品，但護膚step係由清潔開始。落妝係第一步🔔一支有護膚功效嘅落妝產品會令到你皮膚最基本打好個底，相反太強清潔力嘅會破壞皮膚穩定，所以由識化妝開始到而家都長期必備呢支潔顏油 其實佢仲有好多款，粉色、紫色仲有其他，遲啲寫埋試用感。

植村秀卸妝油出咗10幾年，日系皇牌卸妝產品，可以話係卸妝油始祖，口碑好。我已回購無數次，上圖已空樽🤣 綠茶款有少少綠茶味，唔難聞🍵一次要用5泵先夠力，清潔力好，kiss me 眼線卸得幾乾淨，加水容易乳化，沖水就清潔完，用完可以唔需要再過用洗面膏。其他顏色都試過，用落感覺差唔多，但都卸得乾淨嘅。 佢係好輕盈既卸妝油，上面冇負擔，唔會好似眼唇卸妝油咁會刺眼。植村秀卸妝油出係礦物油底，我乾肌用完好滋潤，有時我會直接當佢洗面奶咁用，皮膚冇咁乾燥，好柔軟。

我用植村秀潔顏油，質地輕盈易乳化，卸除防水眼妝和底妝輕鬆無殘留，不黏膩。含山茶花等植萃，洗後肌膚水潤光澤。適合乾敏肌，保濕持久，卸養合一。敏感肌或濕疹者易紅腫乾燥；眼睛易流進不適，油肌乳化不徹底會留油。整體值得投資，但需注意。

Shu uemura既潔顏油好出名，依枝係綠茶，可以抗氧化 我用4/5泵份量，乾手上面打圈按60秒時間，再加水慢慢乳化，然後洗乾淨🛁 容易乳比化妝品！一次過可以卸曬眼、面妝，好方便呀！卸妝好乾淨，塊面好嫩滑。而且卸完都唔會話皮膚太乾！ 算係幾溫和，但又乾淨嘅卸妝產品。不過唔算太平，但大支裝都幾耐用😊

植村秀這款綠茶卸妝油清潔力很好，即使是防水睫毛膏和持久粉底也能輕鬆卸除，而且乳化速度很快，沖洗後皮膚清爽不油膩，沒有殘留感。 對於容易有粉刺的我來說，卸妝油要小心選擇，這款完全沒有造成額外的負擔，可以令我的皮膚保持乾淨清爽👍👍👍

買植村秀粉底嘅時候 送咗四款唔同嘅卸妝油畀我 2支10ml 用左一支多少少 爆暗瘡爆到飛起 🫠 敏感肌要小心使用

用了這件產品應該有10年。自從用過這支綠茶卸妝油以後，没有什麼特別原因也沒有買過其他卸妝油了。有時可能因為出差貪方便會買卸妝紙巾，或者忘了帶卸妝油隨便在外國買支新的旅行裝卸妝油試試。 近幾年不少人都推薦Micellar Water卸妝水，成份來講也不錯。可是我比較喜歡這支綠茶卸妝油 。因為綠茶有的抗氧化功能，每次洗完面後感覺皮膚好像被喚醒一樣很乾淨，而且白了一點。不過不是美白皮膚的白，而是化妝品經過一天時間已經氧化令皮膚變黃變暗。綠茶是一種很好的抗氧化成份。環境污染的確很傷害皮膚的，所以我會繼續使用這件產品為皮膚保養。

shu uemura 卸妝油 卸妝力强，夠徹底， 卸妝後不會立黐黐，沒有洗極都唔走嘅感覺， 乳化亦都好快， 眼部唇部產品卸得好乾淨， 用完呢支會試下買其他味道。

回購第n次嘅卸妝油♪ —————— ♪ 清潔力：★ ★ ★ ★ ☆ ♪ 使用難度：★ ☆ ☆ ☆ ☆ ♪ 性價比：★ ★ ☆ ☆ ☆ —————— 潔顏油係Shu最出名嘅產品之一～ 之前一直都係用開卸妝水+化妝棉嘅組合落妝，成日會忍唔住大力捽某啲難卸嘅部位(´･_･`)但後來有聽講話咁樣會容易捽出皺紋（尤其係眼部！） 的起心肝買咗第一樽，空瓶咗之後得出咗以下使用心得♪ ★用量要足 絕對唔可以因為佢貴就慳住洗！足夠嘅份量先會落得乾淨！我個人塊面比較大所以會泵4-5下～乾手取油按摩面部最少30～ ★乳化 用少量暖水（凍水應該都可以？）逐次慢慢乳化全面按2-3次左右，最後先用水洗全面！乳化次數足夠會卸得特別乾淨，先唔會焗住皮膚/起粒粒♪

認識卸妝油就是從這個牌子開始，特別是乳化過程，在乾手乾臉用油按摩後，必須要慢慢加水輕按輕推，會見到油變乳白色流質（並不是用流動的水沖洗），這樣就可以很乾淨的卸除彩妝。 這個綠茶香氣比較清新，但個人覺得比較貴（加上後來市面上開始有其他卸妝油出現），所以都有試其他的。

SHU UEMURA ANTI/ OXI SKIN REFINING ANTI-DULLNESS CLEANSING OIL 綠茶抗氧化潔顏油(升級版) 植村秀的潔顏油一向是品牌的皇牌產品, 而綠茶抗氧化潔顏油 更是歷年銷售之冠, 可以一TAKE 卸除面部及眼部彩妝, 先全面上潔顏油,

其實唔覺佢有綠茶味，用過唔會好乾同埋濃妝都清潔到幾乾淨，過水過兩次好啲，無生到間粒暗瘡

多年前用過，佢算係卸妝油嘅始祖，用佢可以以油溶油將黑頭白頭帶出來，不傷皮膚。但卸妝力沒有想像中強，如果化濃妝/眼妝，要用佢清潔兩次先得。

植村秀的卸妝油可以說是從我中學時就一直火到現在，身邊很多朋友都有購買，但不知道為什麼我一直沒有購入。後來購買它們家的粉底液時送了試用裝，就試試看。 對一直以來都使用卸妝油來卸妝的我來說，這款質地非常清爽，雖然是油狀，但好好推，不厚重，而且有淡淡的香味，使用時感受很好。而且卸得乾淨，很好乳化。原本是

建議淨係化濃妝嘅時候先用呢一款嘅卸妝油，因為用完之後覺得有少少嘅殘留感，要二次清潔

售貨員話咩膚質都啱用，我用咗一包sample之後，覺得洗極都仲係有種好油嘅感覺，同埋用完之後皮膚開始有啲暗粒爆瘡