KOSÉ COSMEPORT

Softymo 速效卸妝油

呢款相信大家係藥妝店成日見到，佢係嗰種清爽嘅油狀，唔會話太厚身，推開上臉好順滑。乳化速度都幾快，加水輕輕按摩就已經變到白濛濛，唔使捽好耐。卸妝力方面，日常防曬、粉底、眼線都卸得好乾淨，用完塊臉唔會繃緊，亦都冇話油膩膩嘅殘留感，感覺幾溫和。👍 對我嚟講，最正嘅係佢有補充裝買！用完個樽可以直接買refill倒落去，價錢平一截，仲要少咗個膠樽，慳錢又環保，一舉兩得。🌍💚性價比高，回購率100%，推薦俾鍾意清爽卸妝感又追求性價比嘅朋友仔！✨

呢支 Softymo 速效卸妝油我已經回購咗多年，絕對係我嘅「冇腦之選」——每次一諗唔到用咩好，或者冇新產品想試嗰陣，就會自動攞返佢嚟用。 佢嘅好處首先係價錢超平，而且周圍都買得到。質地唔會好杰身，尚算清爽流動，洗完面之後唔會有侷促感，不過用完之後都係必須再用洗面產品過水沖洗先會安心。 至於清潔功能方面，我親自實測過，攞唔同類型嘅防油抗汗化妝品試上手，再用呢支卸妝油輕按 10 秒。結果除咗超防水眼線液仍然有少量殘留之外，其他所有化妝品包括閃粉都清潔得好乾淨，所以清潔能力真係冇乜好質疑。 唯一我自己相對冇咁鍾意嘅地方，就係佢雖然無香味，但實際用落會帶有少少本身嘅油味。比起市面上其他帶有精油成分或者清新香味嘅品牌，喺香味體驗上就真係爭少少喇。

又用完一樽～ 主打濕手可以用、遇水秒速乳化、連防水睫毛膏都可以溶解嘅速效卸妝油😻 用後感：雖然係油，但一遇水就秒速乳化變成白色牛奶狀，用水一沖就徹底乾淨，完全唔會留低嗰種黏笠笠、洗唔甩嘅豬油膏感覺，清爽度+++! 我皮膚比較乾，但係夏天使用唔會覺得繃緊，我用水沖完唔使用洗面奶過多一次。 雖然價錢平，溶解彩妝嘅實力真係無得彈。就算係防水睫毛膏、持久型唇釉或者頑固眼線，只要輕輕按摩幾下就自動溶解浮唔使拉扯眼皮。（見圖只係輕輕打圈咗大約5下） P.s.佢卸妝能力咁強又大支，我有時仲會用嚟洗化妝掃

Kose Softymo卸妝油真係好正 又平又好用，性價比極高 大部分時間都係賣緊$4x 喺藥妝店隨手揀咗支卸妝油 估唔到用到依家 已回購無數次👏👏 當然同其他名牌幾百蚊枝冇得比 但已經非常夠做，適合日常淡妝落妝 卸妝油質地唔會好厚重，好好推 輕輕搓幾下已經甩咗大部份妝容 眼線睫毛液亦都輕易卸除  用完之後用清水洗已經ok 塊面一啲都唔油 唔使特登用洗面乳再洗一次，好方便 大推❤️❤️❤️  

Softymo 速效卸妝油真係好用又平價嘅卸妝產品！質地清爽唔油膩，用喺面上好易推開，連防水妝同埋睫毛膏都可以輕鬆卸乾淨，完全唔需要反覆搓擦。最重要係用完之後皮膚唔會覺得乾燥或者繃緊，仲帶有少少滋潤感，非常舒服。 呢款卸妝油仲溫和得嚟唔刺激，用喺眼周都冇問題，敏感肌都啱用。價錢親民之餘分量又足，性價比真係超高，無論係平時用定係長期回購都好適合！ 如果想搵一款高效又溫和嘅卸妝油，絕對值得一試，清爽卸妝，乾淨又唔傷皮膚！

產品是高絲(KOSE) 旗下的Softymo Speedy Cleansing Oil。 清潔效果非常好 卸妝效果好明顯 好快好乾淨 性價比高😀價錢$38非常合理😃 用完皮膚 一啲都唔啱緊 已經回購過好多支 功能與特色： 能快速卸除包含防水睫毛膏在內的濃妝，同時深入清潔毛孔污垢。 使用便利性： 乾濕兩用，可在洗澡時使用，且卸妝後無需再次洗臉。 護膚成分： 含有乳木果油、橄欖油、荷荷巴油、芝麻油和紅花油等五種美容油。

屋企用曬卸妝油， 求其係藥妝店買左支， 無意中發現呢支勁好用💓💓💓 佢卸妝卸得好乾淨 *mascara & 唇妝都卸得好乾淨❣️ 一支就卸得曬成塊面 好方便❤️ 而且價錢好便宜 我通常會唧多少少 吾驚心痛😆💔 ✅過程需要乳化（不過好快速） ✅卸完吾會令到對眼睇吾清/乸 ✅亦吾會殘留油份係塊面度 *卸完之後，塊面會有少少乾，要搽返cream🥰 

平時落妝都喜歡用一些質感清爽保濕既落妝液，呢款Softymo落妝油好好用，質感唔會厚重，塗上面好舒服，之後加水浮化就搞掂，防水化妝品都可以落到，特別喜歡沖涼時皮膚濕既狀態下都可以落妝 使用後肌膚唔會繃緊，抹落去好柔軟，亦唔會好似某啲品牌落妝油洗完對眼都好似仲有層野咁 已經用左起過10枝了

這五年左右都會不停在這品牌換卸妝油，周圍都易買到，便宜量多，只要有出街都要用，防曬，淡妝，稍濃我都會用，卸眼唇都得，乳化快，卸得乾淨，信任，見到特價仲會囤定😂

softymo堪稱平價卸妝油的頂流！在藥妝店偶遇，價格不到50港幣，性價比超高。卸妝效果出色，彩妝輕鬆去除，連防水眼線也能輕易卸除。最重要的是，許多平價卸妝油會刺激眼睛，但這款完全不燻眼，舒適度滿分！

最近用到一瓶超好用的卸妝油，覺得一定要跟大家推薦一下！它的質地很清爽，不會有黏膩的感覺。按摩在臉上很舒服，而且乳化速度也很快。即使是防水的眼妝，也能輕鬆卸除乾淨。用完之後皮膚感覺很保濕，不會緊繃繃的。

🌟卸妝油有時會出特別版，像這款是金桂花，卸妝同時有金桂花香味，非常怡人。 🌟 至於清潔力，由於是油，需要用水乳化，再用洗臉產品，可以減少油膩感。

加水之後乳化，卸得好乾淨，清潔力強，超高性價比嘅卸妝油，已經用咗超過五枝以上。

隨意在藥妝店看到，見價格便宜便買來試試，卸妝能力普通，價格便宜，質地清爽，不過味道不算太好聞。比較適合學生。

無限回購，超好用，日常既淡妝都可以落得好乾淨，又唔會塞毛孔，生粒粒。 而且卸妝油真係日日用，消耗很快，呢支價錢十分實惠，非常推薦。

同上次嘅比卡超包裝一樣 我都係因為佢嘅外表而買 呢一支回購過無數次嘅落妝油 一見到佢咁可愛嘅包裝 即刻唔使諗 買哂兩隻包裝 喺屋企見到都開心啲 呢支粉紅色就話係速效卸妝油 而黃色就話係深層卸妝油 但坦白講 兩支嘅使用感受差唔多 都係卸妝能力好高 卸妝之後塊面冇特別唔舒服 唔會話好乾或者好油 性

粉色既速效卸妝油，比較Kose其他卸妝油其實差dd。CP值其實都高，只不過卸妝效果好似冇甘勁，要比平時用多少少卸妝油(๑•́ ₃ •̀๑) 清潔效果不錯，沖水之後有清爽感覺（∩▽∩）回購主因真係因為crossover包裝，唔買唔舒服囉(๑•̀ᄇ•́)و ✧

用過呢支同黃色果支，已經回購左好多支，覺得佢卸妝好乾淨，有時捽耐啲,仲會捽到d 酒米出黎。用完用水洗淨，乳化定好好，唔擔心塞毛孔，非常清爽。

Softymo 卸妝油係我第一支既卸妝油。 之前係睇youtuber 推介，可以濕水使用， 乳化得好快同埋可以卸防水妝。整體都非常推介，CP值都好高，已經回購第二支～

油性潔面。優點係方便，可以沖涼個時同步使用。缺點係卸妝唔太乾淨。