shu uemura 植村秀 好用推薦產品

Tobimak好用推薦：我呢支係SHU UEMURA嘅山茶花精萃潔顏油，用落真係有啲驚喜！平時落妝都係例行公事，但呢支油一用落去就好似做緊Spa咁，成個feel完全唔同~啲油滑得嚟唔笠，搽上面嗰陣仲有種淡淡花香，聞落好放鬆。🌺 佢卸妝力真係唔講得笑，連啲持久眼線、唇膏都一抹就走，唔使搓嚟搓去，加水乳化之後好易沖乾淨，而且洗完塊面唔乾唔繃，反而仲好滑好潤。 佢既泵裝設計都好方便，唔會整到手指油淋淋，用起上嚟好順手。☺️ 講到包裝，真係要大讚！😍 我呢支係聯乘左藝術家SHAVONNE WONG 既版本，佢既設計真係勁型！紫綠金屬色配抽象線條，擺喺洗手盤邊都覺得自己品味升咗級😂每次用佢落妝都覺得自己好似係高級美容院咁，用佢唔止係清潔，更係一種享受。呢支潔顏油唔單止好用，仲靚到可以當擺設，真係由內靚到外。🥰🥰🥰

shirley好用推薦：第一次用Shu嘅潔顏油 係買粉底液送贈嘅sample, 之前都係用卸妝水比較多，因為印象中嘅卸妝油都係感覺好黏立，好驚會生粒粒。 但試用咗琥珀山茶花養膚潔顏油之後，原來效果比想像中出色，假眼睫毛、唇膏等都輕鬆卸妝+無生粒粒之外，潔面後仲感覺滋潤亮澤。 分享多少少自己用嘅方式： ·如果當日淡妝出街，按兩泵係手掌心，當佢係洗面乳咁輕輕按摩後沖水 ·如果當日濃妝（eg痴假睫毛），按3-4泵一樣輕輕按摩，合埋雙眼，雙手輕輕試擦眼線及睫毛位，（唔乸眼）輕鬆溶妝，最後沖水+正常洗面乳洗面，連卸妝棉都慳返！ 無睇錯，我係用得多量 先再用洗面乳洗面，如果唔係普通沖水 沖乾淨就印乾可以走人，懶人必選！HAHA!!!!

Emily Leung好用推薦：哈嘍～今日同大家開心share下植村秀小方瓶2.0嘅新色號 #784 用後感！😉 ✨ 首先講吓色號： #784 係黃調一白，好適合追求自然白皙感嘅亞洲肌膚！我本身係黃二白，用佢有少少提亮效果，但唔會假面，同頸部色差好細，出街好自然～ 如果你中意啲粉底同膚色融合得好，呢隻色真係好靚！ 💁🏻‍♀️ 質地同妝感： · 質地水潤，推開好順滑，上臉係半霧面啞光妝效，睇落好高級！ · 遮瑕度中等偏上，普通毛孔同暗瘡印一層基本上蓋到七八成，反覆疊加都唔會厚重。 · 因為係持久型粉底，乾得比較快，建議分區上妝，快速拍開！ 🌞 持久度： 廣東天氣咁悶熱，佢真係挺得住！我帶妝8個鐘，T位有少少出油，但冇溶妝，反而同皮膚油分融合後更有光澤感。口罩都只係沾到少少，表現唔錯～ ⚠️ 小貼士： 皮膚偏乾嘅姐妹，妝前保濕要做好！如果唔係鼻翼同眼底可能會有少少卡粉。油肌同混合肌應該會好愛佢～ 總體來講，小方瓶2.0嘅 #784 係隻好百搭嘅色號，妝感自然又持久，好適合日常返工或者出去玩用！推薦大家去專櫃試吓色，睇吓夾唔夾自己膚質啦～ 💕

Suki好用推薦：#火熱新品 我自己一直都有用開舊版嘅小方瓶，之前嘅幾個版本都有試過（圖片最左嗰支係2.0），舊版用落整體感覺穩定，遮瑕度同持妝力都算唔錯。但今次新版本小方瓶 2.0用落嘅感覺就有啲唔同，妝感的確係輕透左，但遮瑕度明顯唔夠，對於有瑕疵或者膚色唔均嘅情況就未必太適合。 另外，新版本嘅質地偏乾，尤其係秋冬天氣用落會比較顯乾燥，卡粉嘅情況喺鼻翼或者嘴角位特別明顯。如果你係乾皮或者混合皮嘅話，妝前一定要做足保濕工夫先會比較好，但即使咁，持妝效果都未算特別突出。 色號方面，764色算係比較貼膚，顏色自然，唔會過黃或者過粉紅，呢點係值得讚嘅，但整體對比舊版，感覺係少咗啲實用性，反而更適合膚質狀態本身比較好、追求輕薄裸妝效果嘅朋友。

Tszki好用推薦：Shu Uemura（植村秀）的粉底液 無極限超時輕粉底 提供自然的半霧面妝效，質地極致輕薄，有「會呼吸」的粉底之稱。吸油吸汗海綿狀粉末，有助於全日保持清爽不泛油光，不易氧化變灰。遮瑕能力中上，可疊加但不易卡粉或顯厚重。

Wuxx好用推薦：充滿新鮮感嘅我又買嘢啦～ 今次買嘅係植村秀嘅「透光瓶」粉底液！ 好容易俾廣告影響嘅我見到佢新品上市嘅消息就即刻去左專櫃試妝， 果然如佢所名，好有光澤，份糧就係咁又無左忽～ 專櫃小姐幫我揀嘅色號係584號。 日系底妝都有個通病就係色號偏黃，而「透光瓶」加入左創新「群青藍」 顏色微粒科技， 唔知係咪咁嘅原因，令佢即使咁水潤但都無暗沉嘅現象。 試過10月秋涼天氣帶妝去GYM Room做GYM， 做完成身汗去照鏡以為會嚇死街坊， 點知原好無缺！驚豔分x200！ 不過夏天就一定唔洗講～所以都係乖乖等到天凍先用啦各位～*光澤感非常優秀!!!個樽都好靚🤪*

Kelvin好用推薦：Shu uemura武士刀眉筆 02灰棕色 灰棕色略帶紅調棕色，自然顏色不會過深，黃皮膚/髮色自然黑色啡色都啱用，呢支應該最多人啱用 05深灰 呢隻顏色同市面上其他眉筆嘅灰色唔同，偏向亞麻綠色調，如果鍾意粗獷或者注重眉妝嘅女仔會鍾意 筆芯軟硬度適中 ，出黎顏色均勻唔cake，由描繪，勾畫到野生眉，都好幼細 用鈍咗眉筆記得去返專門店可以免費削返武士刀形狀～ $230/4g除返開其實唔貴，質素高！ 提返新手呢支眉筆一定要喺上完粉底液或者防曬，有油性成份嘅底妝下，先會上到色㗎⭐️ 我自己鐘意畫完眉上返眉gel ，就keep到全日😀

Bendict好用推薦： 植村秀呢支眉筆係我用過咁多眉筆之中最好用 呢啲眉筆材質比較硬 可以畫到根根分明 特別眉尾 眉筆夠硬畫出眉尾好靚 持久度亦都十分高 非常推薦 因為開架嘅眉筆都成一百蚊一支 相比之下植村秀呢一支眉筆 唔算貴 如果用掘咗支眉筆 可以去任何植村秀專門店 叫ba姐姐刨返 淨係呢個服務已經抵曬 不過由於支尾筆係油溶性 素顏係用唔到😹

applepie好用推薦：朋友力推所以買黎試吓，廣告標榜可以18小時持妝鎖色、保濕柔潤感，展示自然完美底妝，噴霧出得好平均，噴上面吹吹風扇好快就乾，用左會有微微光澤，用咗一段時間都無爆瘡，而且用了之後控妝持久之餘沒有出乾紋，會回購～

Fng好用推薦：Shu Uemura unlimited 定妝噴霧👀混合偏乾肌嘅夏日溶妝救星 🌟 ✨使用感與效果 噴頭設計出色！水霧細密均匀，唔會射花底妝～帶淡淡花香好高級！成膜速度中等，但完成後真係有層隱形保護膜！實測香港34°C出門，溶妝時間推遲3-4小時，鼻翼同下巴這些易脫妝位依然貼服～保濕力不錯，唔會抽乾皮膚水分，帶妝8小時都無繃緊感！ ✨同價位比較 VS MAC Fix+：MAC保濕更強但定妝力輸幾條街； VS Urban Decay All Nighter：UD控油更強但偏乾，呢支水油平衡更好； VS Make Up For Ever定妝噴霧：兩者定妝力接近，但Shu Uemura噴頭更細緻！ ✨缺點提醒 成膜後有輕微存在感，極敏感肌可能要試用～ 總結：除了少許貴冇缺點！💎 香港夏天必備神器，會回購！

Bendict好用推薦：因為之前皮膚狀態唔太好 可能寫嘅心得唔準確 而家好返就修改返以前嘅心得同評價😹 植村秀粉底 有分霧面同光澤 兩者差別在於光澤形 係比較潤 霧面嗰一支 冬天乾燥有少少難上🫠 呢一支光澤形 係比較適合秋冬天氣用 植村秀嘅粉底 兩支粉體都做得好細👍 化完個裝亦都非常貼 乾燥天氣亦都唔會卡粉 我用嘅色號係674 有提亮效果 😺但個人覺得光澤版 雖然比較水潤 但遮瑕力唔夠霧面果支咁好 持妝能力都係唔夠😿 但如果皮膚唔係瑕疵皮 用呢支粉底應該唔錯👌

Tszki好用推薦：植村秀（Shu Uemura）的粉底液 提供自然的半霧光（semi-matte）妝感。 質地輕薄、延展性高，能打造「會呼吸」的底妝感。遮瑕度中上，且持妝效果良好，特別適合在高溫潮濕的天氣下使用。乾性肌膚使用者可能會覺得有些乾燥，建議在使用前加強保濕步驟。

Sophia好用推薦：Shu uemura Petal 55 粉底掃摸上手就會感到個掃的柔軟細緻，上面觸感好舒服。最初想入手就是因為它主打輕鬆打造無粉痕均勻的底妝，果然完全達標。 用它上粉底液，能有效推開粉底，又不會吃粉，令妝感自然服貼，有效粉飾到毛孔細紋，完全無掃痕，不用掃完再用粉撲慢慢印。握柄設計符合人體工學，握感舒適，每次掃的面積大，不用很多次就能完成全面底妝，慳返唔少時間。 推薦所有朋友，尤其是新手，Petal 55 絕對可以用最少的技巧就達到理想的底妝效果。👍👍👍

Tobimak好用推薦：植村秀既呢個粉底掃真心超好用👍🏻我平時會先局部點幾點粉底，之後用呢個掃掃開。最驚喜既係佢真係唔會有掃痕，而且力度好易就，就算大力左都唔會傷到皮膚，新手都會handle到。所以我認為這是一個好值得入手既product👍🏻 #底妝升級好物

Bendict好用推薦： 我買嘅色號係colorless $400一支 我覺得麻麻哋 無修飾毛孔效果 第二係太乾 一搽完上粉底 卡粉卡到飛起 如果真心要買 顏色買Beige會好啲 或者試下第二隻牌子我係敏感肌偏乾 用呢一支嘢會太乾 左中右分別係 rmk CPD 植村秀 可以見到植村秀 texture比較厚 rmk同cpd 係偏水狀 推開更加睇到 乾肌用呢支妝前打底 會比較乾 所以唔太推薦

Poyobb好用推薦：佢係三合一防曬隔離霜，有防曬SPF50/PA++++ 、base、調色效果。我係混合性皮膚，我唔鍾意分開用乳液、防曬、底霜疊加喺底妝，因為咁樣疊加多層一定爆粒粒，淨係買一支過嘅底霜。 如果買膚色嘅話，直接日常當底妝使用都OK。佢隻紫色好靚，可以做強嘅去黃效果。比其他開架牌子嘅紫色base，效果更自然。 我用佢再加Shu uemura既foundation，妝感貼服有光澤。持妝度好好👍🏻唔知點解佢用依支base係唔會令皮膚起暗粒，但佢嘅保濕度又幾好。即使粉底液用碎粉定妝後，都唔會令個皮膚底層乾燥💕

YY好用推薦：身為shu uemura 既fans ，佢地既潔顏油一定長期備用。 依隻綠茶味係我用得最多既卸妝產品，見圖得返好少就我真係成日用！依支賣點淨化PM2.5懸浮微粒，抗氧化。同時做到落妝、洗面、護膚，3合1功效，落完妝不用再用洗面膏😛 超好用，容易乳化及清洗，摸落去卸妝油質素高，唔係平價貨質素，唔會刺激皮膚，卸得乾淨之餘保持到皮膚濕潤度🧚🏻 由於我係混合肌，我習慣再用洗要膏二次清潔，依然feel到皮膚嫩滑有彈性。不過唔知係咪真係抗氧化同對抗空污PM2.5😂 雖然市面有唔同價位嘅落妝產品，但護膚step係由清潔開始。落妝係第一步🔔一支有護膚功效嘅落妝產品會令到你皮膚最基本打好個底，相反太強清潔力嘅會破壞皮膚穩定，所以由識化妝開始到而家都長期必備呢支潔顏油 其實佢仲有好多款，粉色、紫色仲有其他，遲啲寫埋試用感。

poonpoon好用推薦：植村秀卸妝油出咗10幾年，日系皇牌卸妝產品，可以話係卸妝油始祖，口碑好。我已回購無數次，上圖已空樽🤣 綠茶款有少少綠茶味，唔難聞🍵一次要用5泵先夠力，清潔力好，kiss me 眼線卸得幾乾淨，加水容易乳化，沖水就清潔完，用完可以唔需要再過用洗面膏。其他顏色都試過，用落感覺差唔多，但都卸得乾淨嘅。 佢係好輕盈既卸妝油，上面冇負擔，唔會好似眼唇卸妝油咁會刺眼。植村秀卸妝油出係礦物油底，我乾肌用完好滋潤，有時我會直接當佢洗面奶咁用，皮膚冇咁乾燥，好柔軟。

Fng好用推薦：Shu Uemura無瑕潤養羽紗粉餅 #584｜ 冬日混乾肌の透光再生術❄️ 植村秀這塊「會呼吸的粉餅」，根本是為亞洲混乾肌研發的冬日生存神器！當香港氣溫在12°C與20°C間反覆橫跳時，它能同時扮演保濕盾牌與光彩濾鏡： 🧬 584色號基因解析 專為「偏黃肌」調配的曖昧中性色—— • 日光下：透出白玉珍珠光，巧妙融合口罩與頸部色差 • 鎂光燈下：轉為微暖米金色，拯救被寒風吹僵的慘白臉色 • 燭光晚餐：釋放內藏藍紫調光暈，營造「被寵愛的好氣色」氛圍🕯️ 🪶 羽紗質地黑科技 採用日本絹絲研粉技術，粉體含水量達18%（同類產品通常僅5%）。觸膚時產生「雪融現象」—— ▸ 第一觸：如天鵝絨粉撲輕撫面龐 ▸ 三秒後：化作保濕精華膜貼合肌理 ▸ 五分鐘：與皮脂融合成自體光澤，完全零粉感 ❄️ 港式冬日實戰三幕 晨間通勤：替換氣墊粉撲為絨毛粉撲，輕拍即成偽素顏陶瓷肌 午後會議：僅用透明面紙按壓油光，補妝不結塊的秘密在於「羽紗透氣網」 深夜約會：刷上微量珠光蜜粉在顴骨，重現剛拆封時的巔峰妝效✨ ⚠️ 混乾肌求生條約 1. 氣溫低於15°C時，請先掌心溫熱粉盒再使用 2. 切忌與矽基妝前乳搭配

wingche好用推薦：最近想買新粉餅，所以去唔同化妝專櫃試色，其中shu uemura 真係好出色～ 因為我朝早用咗自己粉底液，然後出咗去運動，大概4pm，就去shu uemura 搵化妝師推介，佢推介呢款之餘，仲幫我試上面，唔係係咪佢「巧手」定呢隻粉底真係咁work，佢淨係用咗佢，再幫我加少少胭脂，夜晚同朋友食飯，朋友話我啲皮膚靚咗，我話唔係🤭，啱啱化妝師幫我搽咗粉餅 自然唔厚粉，皮膚靚咗咁