shu uemura 植村秀

unlimited care 無限修護透光精華粉底 (透光瓶)

感謝 @Cosme 抽中我試用shu uemura unlimited care 無限修護透光精華粉底液「透光瓶」 #674號，屬於暖調自然提亮顏色，好適合自己嘅膚色 🥰💗 產品外觀方面，係方型玻璃樽配黑色樽蓋，簡約時尚。首次使用時我大概泵左30下先至出到粉底液，所以各位唔使擔心個泵係咪壞咗(monkey) 每次使用份量我係用1.5泵，就可以均勻塗抹全面。 試上手已感覺到好透薄。 質地&初上臉方面: 透光瓶粉底液蘊含5% niacinamide維他命B3，結合日本山茶花籽油，強化肌膚水份屏障，即時感覺鎖水保濕。我自己係慣用手指點開、塗抹粉底液的，呢隻粉底液質地偏水感，輕輕推開後化成薄膜，令到皮膚變得有光澤，十分之輕薄而且貼服，真係做到不過於亮澤亦不過於啞緻嘅平衡透薄感，好impressed!!!! 上妝前上妝後 持妝方面: 試用期間呢個星期持續天氣好焗同炎熱，由朝早帶妝出門到夜晚返到屋企，妝容大致保持完整，不易氧化變色，而且唔會覺得好乾，依然可以持自然光澤。11小時回到家之後 總括而言，我好欣賞shu uemura unlimited care透光瓶嘅輕薄感，而且持續使用幾

多謝 @cosme 抽中我試用shu uemura unlimited care 無限修護透光精華粉底液「透光瓶」 我自己本身偏白 而我抽中嘅色號係664 暖調自然色 所以664對我黎講有少少唔啱色會深色左 撇開色號唔理 透光瓶嘅光澤同水潤程度我非常喜歡 搽左之後啲皮膚有光澤得黎又唔會油淰淰油到反晒光咁 佢係令得恰到好處 打造到同佢個名一樣嘅玻璃透光肌好似啲皮膚本來就好好咁 身為一個乾肌 透光瓶令我非常震驚 佢一啲都唔會卡粉 平時用其他粉底眼底一定卡 但透光瓶完全唔會 佢好輕薄貼服而且感覺到佢好鎖水保濕 上妝後都唔會覺得好厚重有野撻住塊面咁 Before After 另外身為一個水潤形粉底 透光瓶嘅遮瑕程度都冇犧牲到 特登用左隻腳嘅疤黎試 上左粉底後都遮左八成 非常厲害 Before After 係夏天帶妝一整日妝感仍然貼服 冇乜脫妝 塊面亦唔會好油或好乾 而且都冇氧化變深色 整體來講我非常喜歡透光瓶而且之後會回購 持妝7個鐘

謝謝@cosme 今次有得試用shu uemura新推出嘅✨unlimited care 無限修護透光精華粉底液「透光瓶」 ✨🩷 收到嘅色號係664 medium light shell ，係中間色偏深同偏暖tone嘅顏色 ✨ 感覺顏色方面unlimited care 系列好似比unlimited 系列稍微深少少包裝有型又有質感，透明玻璃樽身+華麗嘅黑色樽蓋 🫶好鐘意佢包裝有寫埋成分，好安心 💕 粉底滴出來係水水嘅質地 好易推開，妝效亦好輕透，自然水潤🌹 遮瑕度雖然無unlimited系列咁高，不過依然可以自然遮到唔少瑕疵👍 用呢個粉底液完全無面具感，妝效非常自然👏 佢蘊含✨5% niacinamide維他命B3✨，結合✨日本山茶花籽油✨養護成分 一搽上粉底已經感覺好似搽左serum咁，非常滋潤保濕，膚色即刻自然咁提亮左 帶妝幾個鐘後都依然keep到 ❤️ 妝效依然自然，感覺滋潤舒服 👏👏 秋冬用都非常適合 帶妝8個鐘後： 期待用多一排，膚況會再有提升 💕

shu uemura「小方瓶」無限粉底一向有口碑保證，出名打造持久、控油嘅霧面妝感；今次試用嘅另一系列unlimited care 無限修護透光精華粉底液，外型同小方瓶相差無幾，不過就主打自然透亮嘅妝效，同時加入養膚精華 —— 5%維他命B3，幫助皮膚抗氧化、抗炎，以及有助保濕滋潤嘅日本山茶花籽油，修飾肌膚之餘亦同步達到修護效果。 Shu uemura無限修護粉底液屬於輕薄、容易推開嘅質地，但仍然可以維持高遮瑕度，用粉撲輕輕拍開，已經遮蓋到皮膚大範圍嘅泛紅。雖然今次收到嘅色號664比我嘅膚色黃，所以全面上妝後膚色比平日暗，但今次粉底新加入嘅顏色微粒，利用左光線折射原理，即使膚色暗左，都睇得出整體均勻得嚟帶有自然嘅光澤。 香港近日嘅氣溫高達33度，出左一陣街已經熱到冒汗。印乾面上嘅汗之後，可以睇到化妝2個鐘同埋出汗後，妝容仍然貼服自然，無出現班駁、粉感嘅情況。之後帶妝12個鐘，期間都出入過幾次有冷氣嘅地方同埋悶熱嘅戶外，皮膚都無掹掹緊或者比粉底漿住塊面嘅感覺，全日感覺都好舒適。最驚喜嘅係法令紋、鼻翼都幾乎無卡粉，咁樣就算同朋友出成日街，都唔怕笑得多變左木偶咁嘅樣喇🙈

多謝 @cosme 抽中我試用shu uemura unlimited care 無限修護透光精華粉底液「透光瓶」。 我收到的是774號色，貼合我的膚色。 對於每日都需化妝出門的我來說，這個粉底真的好強，輕薄、貼服又易推，而且在眼底、鼻翼這些易卡粉的位置，都表現出色，很貼服👍 混合性偏乾的我，最怕粉底不夠保濕，但這個粉底完全沒有這方面的問題。上妝後光澤及水潤都恰到好處，不過於亮澤或變成油光感。完全做到妝感透氣自然、沒有面具感。 未上妝： 上妝後： 帶妝12小時後，妝感仍大致保留，而且氧化問題不大，不會有明顯暗沉問題。 上妝12小時： 整體來說，這粉底的使用感是舒服透薄，很合適每日上班，而又在香港這種悶熱天氣使用，會再回購。

多謝 @cosme 抽中我試用shu uemura unlimited care 無限修護透光精華粉底液「透光瓶」 💕 自己皮膚本身偏白 今次試用嘅色調係564 色調同亮度都係偏自然膚色 雖然聽落好似化淡妝咁樣，但實際上妝後對於呢枝粉底液出嚟嘅效果好驚喜！ 首先上手嘅時候就覺得呢款粉底液好水潤，亦都好易推開，想化薄薄一層嘅話其實吱半下都已經好夠用👍🏻上面之後覺得皮膚好夠水份，唔會有一種「比粉底液扯乾塊面」嘅感覺，但亦都無水潤到塊面油到反光個種效果，總而言之就係啱啱好😂 上咗妝後大概1個鐘，15plus原相機直出，大熱天時三十度天氣底下，見到妝容依然好貼面，無浮粉，最後全日都唔使補妝，非常滿意🙂‍↕️🫶🏻 作為一個中性皮膚，但T字位成日出油嘅我嚟講，shu uemura透光瓶帶比我嘅效果好surprise，除咗唔會卡粉、浮粉之餘，竟然可以keep住個妝成日，卸咗妝之後都唔會覺得塊面好乾，嗰種透氣自然嘅風格非常之適合我作為日常化妝嘅指標👍🏻亦都好適合抵抗香港呢種潮濕天氣，唔易甩妝又有水潤感嘅粉底液真係世一🫶🏻

多謝 @cosme 既試用邀請，今次我試用既產品係［shu uemura unlimited care 無限修護透光精華粉底液「透光瓶」］，色號係664 暖調自然色。 本人係乾肌底，所以係挑選底妝既時候都會注重番底妝既保濕度，Shu uemura呢枝透光瓶既質地水潤，易推開而又透薄，用之前要搖勻先吱上手上底妝。上面既感覺係比較濕潤，但又唔會話好黐立立，輕輕上一層底妝既遮瑕度適中，有自然提亮膚色既效果，唔會話有過於水光/上咗層厚粉既感覺，光澤&水潤達致平衡既效果，鼻翼&眼底既位置都冇卡粉既情況出現，底妝都貼面既，即使依加咁熱既天氣都唔話好快就溶曬啲底妝，會繼續使用作為我既底妝產品。 Before：After： (1)上咗底妝：加埋胭脂既效果： 另外都用咗自己既左手嚟試底妝，係同右手比較下，見到佢遮瑕度都有7-8成，同時見到有自然亮澤既感覺。 左手：右手：

已入坑 shu uemura 小方瓶2.0 嘅我，今次有幸試用 Unlimited Care 無限修護透光精華粉底液「透光瓶」，拎到嘅仲好好彩係自己啱用嘅暖色提亮 674。曾經都提過自己皮膚好乾又易紅易痕，尤其夏天愈大汗抹汗更抹到皮膚表面好乾燥又粗糙。透光瓶係手試下質地，用化妝掃一拖開就好順滑，好輕易就做到貼服透薄嘅感覺。而且光澤度非常明顯，而依種光澤係粉底本身帶出黎，無閃粉，我非常鐘意依點。透光瓶有 5% niacinamide維他命B3，同出名滋潤嘅日本山茶花籽油，所以佢有種潤澤透亮嘅水光感。夏天有時偷懶想上少啲野又要快，粉底都直接上皮膚（唔好學）。雖然我乾肌瑕疵多，但透光瓶嘅成分令佢可以好快咁貼膚。即使無base無primer，仍然唔會卡粉，塞毛孔，甚至有適量地平伏修飾咗毛孔，仲遮到紅，遮瑕度令人十分滿意！仲有種修護皮膚嘅滋潤感覺，睇落個人精神咗。相信，我可以按照需要，同小方瓶交替互補咁用！嘻(*¯︶¯*)

感謝cosme提供試用 Shu uemura既小方瓶出名妝感貼服，而我今次有幸試到佢地新出既透光瓶。 佢既質感十分之輕薄同易推開，兩泵已經可以塗滿全面！上面既感覺係滋潤，而且好light，同我本身膚感好似，完全唔會突兀，呢個效果十分自然，感覺皮膚好透亮（相片可能有點曝光） 呢個係我當日膚況，化妝當日係面上面比較多瑕疵。 而今次我試既色號係664，好適合偏黃膚色既人士，而對於我黎講可能稍為偏黃，所以我都化左個暖色tone既妝容去配合。 上完蜜粉嘅妝感係好靚，有光澤感而且唔乾燥，嗰日化妝其實我做咗運動同打邊爐，出油量都正常，唔會好誇張，可以睇下我打邊爐期間既膚況，都仲係好好睇。 成個妝容全日落嚟七至八個鐘冇補過妝都只係出油比較明顯，相信如果有補妝/蜜粉，個妝一定可以持續得更耐，下面係我全日落嚟既妝況。

我一直嘅觀念都係，春夏用霧面粉底，秋冬用光澤粉底。今次@ cosme喺香港又熱又潮濕嘅夏天提供shu uemura呢枝「透光瓶」試用，我一開始真系抱住懷疑心態，但試上面係有驚喜嘅。包裝係透明玻璃樽配黑色令面泵，第一眼覺得好靚好似香水樽咁，用落感覺都唔係好會印指紋。以養膚精華粉底嚟講，透光瓶相對杰身，可以堆疊厚度增加遮瑕度，但未至於去到full coverage，黑眼圈痘痘都係要用返遮瑕膏遮。 ✅色號選擇多 少少可惜係我收到嘅色號係664，比我原本嘅膚色深，但透光瓶本身有出20隻色，唔同深淺冷暖都有，容易揾到適合自己嘅色。✅保濕水潤貼服 我本身塊面有搽完A醇起皮嘅情況，搽完透光瓶之後社交距離睇皮膚睇落係平滑嘅，已經起咗皮嘅部分都唔會一撻撻好斑駁。搽完一段時間面頰有少少乾嘅感覺，但妝感依然完整有光澤感，用返保濕型妝前底霜就ok。眼底鼻翼呢啲比較多郁動嘅部位，我覺得需要用返啲碎粉定妝防積線。 ✅光澤適中透光肌 我開頭所講嘅驚喜，就係佢搽落並唔係水光肌嗰種光澤，感覺就好似搽完護膚品嗰種自然光澤，耐咗出咗少少油都唔會變到好似滿面油光咁，係夏天都可以用嘅光澤感底妝。✅持色不氧化 睇圖已經見到，過

多謝@cosme 送嘅植村秀unlimited care 粉底！ 粉底質地唔會太水或者太濃稠，延展性都好好，容易推開。顏色會好適合亞洲人的黃色肌膚。一開始上臉，望上去很自然，以為會太深色，但它不太會暗沉，外出一天回家後的顏色都是一樣的，有驚喜。 上完粉底都十分輕薄貼臉，不會卡粉，光澤感亦恰到好處。 遮瑕力中等，可以均勻膚色。在室外沒有冷氣的地方8小時後，仍只有少少油光的光澤感，感覺亦透氣自然。 上妝前：上妝後： 上妝8小時後：

皮膚狀況: 冬天乾敏肌，夏天混合偏乾+少敏感 Skincare morning routine: Curel 化妝水 ➡️ skin ceutical CE ➡️; skin ceutical P-tiox/ collagen ➡️; 防曬➡️shu 粉底 產品使用情況: Cosme比咗674色號我，感覺唔係最適合我膚色 不過上手好易推，同埋推開後比我想像中融入到皮膚 我用粉撲上，感覺薄薄一層幾透氣，塊面會少少少笠，所以要加蜜粉，但絕對唔係好厚實咁 效果: 遮瑕膏唔算高，但有修飾到毛孔！好驚喜 上妝前情況🔽因為搽咗有色防曬，所以會遮咗少少斑好薄咁上咗一層之後🔽 遮瑕度唔高，但因為我係用粉撲上，所以有啲色比粉撲食咗 乾肌覺得上完加蜜粉會有少少乾但可接受 重點係有修飾到毛孔！好重要日常帶妝8小時以上，耐咗有少少汗/油會變咗奶油肌咁依然好靚🤣 用咗幾日都冇焗到出痘etc，名副其實嘅養膚粉底

好開心今次被 @cosme 抽中我試用 Shu Uemura 無限修護透光精華粉底 (///▽///) 第一次用Shu Uemura嘅粉底有驚喜！今次收到嘅顔色係 574 (中調提亮色)，本身自己皮膚比較粉白，雖然色號本身有少少偏黃，但overall 提亮同均匀膚色效果都做得幾好，所以睇落都唔會話覺得好唔match~全新透光瓶嘅其中一大賣點係可以打造「玻璃透光肌」，上臉效果唔會太Matt或者太Glowy。對於香港夏天嚟講，最驚都係30幾度出汗後會容易紅/有痕嘅感覺，但持妝效果都足夠，自然透亮得嚟有光澤感，但又唔會有黐笠笠嘅感覺！本身自己臉上唔算多瑕疵，主要係鼻翼泛紅嘴角暗沉呢啲問題，用左透光瓶之後基本上都唔太需要再額外遮瑕已經可以改善9成，均匀膚色，妝感好靚好似天生皮膚已經好好嘅感覺~ 質地輕薄，容易推開，自己係乾性皮膚帶妝一日都覺得好舒適，唔會有斑駁或者卡粉嘅情況，亦唔太需要補妝 ^o^

多謝@cosme 好幸運抽中試用 shu uemura unlimited care 無限修護透光精華粉底液「透光瓶」 試用日期： 6月19日 ～ 6月26日 試用色調：674 （暖調自然提亮色） 本身自己平時多數都係用有色嘅防曬或base 好少會再落粉底 一來本身皮膚唔算要「高度」遮瑕 而且都好怕再上多一層會感覺好厚好焗 試用第一日，可能第一次吱得太多 所以塗得唔係好均勻 但佢質地都係易推開 塗上臉都無好強嘅黏笠感 輕輕補上少少碎粉定返已經好好睇 加埋胭脂個妝keep到成日 妝感都好好 之後幾日每日控制好份量 氣息好咗又唔會覺得個妝好厚 唯一有唔好處係無自帶防曬 所以點都要加多層防曬喺底 BeforeAfter12 hours later

感謝cosme 邀請參與 shu uemura unlimited care 無限修護透光精華粉底液「透光瓶」試用活動。 ↑玻璃瓶身設計，外觀時尚 ↑試用色號664，自然膚色 * 粉底質地較輕薄、貼服易推，即使用手上妝也不卡粉，延展度高 * 上妝後感覺貼服，不乾，對乾肌很友善 * 有一半遮瑕力，臉上雀斑變淺， 但並沒有完全覆蓋 ↑光澤感及水潤度剛剛好，特別持妝一整天後，會有微微水光肌效果，不用補妝也剛好 * 妝感非常透氣自然，沒有粉感 * 粉底液色號自然微黃，適合亞洲人使用 * 使用粉底液3-4天後總括來說，對皮膚並無負擔，感覺舒適 雖然指引說配合粉底液掃上，但用手上也不妨礙其使用效果，粉底液配方夠保濕，整體使用效果相當滿意👍！