專櫃粉底 推薦好用產品

Fng好用推薦：Bobbi Brown 蟲草抗氧修護精華底霜 ✨ 🌟 第一印象：養妝合一嘅貴婦級隔離 作為Bobbi Brown嘅皇牌產品，呢支「蟲草隔離」喺美妝界嘅口碑一直好高！🔥 磨砂玻璃瓶身配金屬按壓頭，拎上手已經覺得好高級～💎 官方定價約 HK$490-680 / 40ml（視乎版本），雖然唔算平，但網上唔少用家都話「貴買平用」，因為一支可以用好耐！ ✨ 質地與觸感：絲絨奶油，秒速吸收 一泵出嚟，係柔滑嘅乳液質地，帶有淡淡嘅象牙白色，仲有微微嘅珠光感～推開嘅瞬間，真係好似絲絨奶油咁融化喺皮膚上，延展性極高，一粒黃豆大小就夠搽勻全臉！🤍 最驚喜係佢嘅吸收速度超快，輕輕拍幾下就ok，表面完全唔黏笠，只留下一種水潤飽滿、柔嫩順滑嘅觸感。對於我哋呢啲怕油怕黏嘅混合肌，呢個質地真係一試愛上！ 🔬 成分核心：蟲草精華 x 三重水潤機制 呢支隔離嘅成分配置真係好有誠意！💪 佢嘅核心優勢在於「三重水潤機制」： 1. 即時補水：透明質酸鈉喺接觸肌膚時迅速吸水，令角質層快速飲飽水 2. 長效鎖水：神經酰胺NP構建脂質屏障，防止水分蒸發，實測4小時後兩頰仍保持濕潤感 3. 活性修護：凍乾蟲草提取物可促進表皮細

iliya 好用推薦：#火熱新品 Bobbi Brown新版蟲華抗氧修護精華底霜真係不得了❤️ 一支有齊multiple functions，集提亮、潤色、保濕仲有防曬於一身，SPF25 PA++足夠平日出街日常使用，而全新嘅玫瑰粉色色調修正膚色，有效去黃提亮，改善暗啞倦肌膚色，帶有微微粉嫩珠光嘅光澤感，提升紅潤感，肌膚即時煥然一新，充滿活力，而且兼顧化妝同時抗氧護膚，蘊含冬蟲夏草、植萃醣、紅海藻、甘草根及維他命E成份，扮靚靚都可以錫住啲皮膚，帶有微微嘅玫瑰香味，就keep住成日都有好心情啦，真係唔可以唔推介俾大家！！！💕🙌🏻 #火熱新品

Tung Yi好用推薦： 有時懶得濟會就咁搽有色primer唔搽粉底🤣懶人福音～～～～ 但前提係支primer要做到提亮膚色+修飾毛孔，皮膚抖到氣得嚟最好仲幫到我護下膚，其中一支meet到晒以上要求嘅底霜就係Bobbi Brown嘅蟲草抗氧修護精華底霜～Original色號平時都已經有用開亦好中意。 最近仲出埋Rosy色號，明顯提亮 + 粉嫩感💕 仲要質地舒服，唔會搞到痴笠笠，讚！而且仲添加咗唔少護膚成分： 1️⃣ 冬蟲夏草 - 從肌底煥活能量，打造健康皮膚 2️⃣ 植萃醣 - 加強保濕鎖水 3️⃣ 紅藻+甘草根 + 沙棘 + 竹草提取物 - 紓緩敏感泛紅 4️⃣ 維他命E - 抗氧、抵禦外間污染 除咗單用當然都可以妝前使用🤣幫皮膚做好保濕打底，令後續粉底更貼服持久～

chewyfruit好用推薦：呢個新出嘅蟲草隔離真係離譜過粉底液萬倍！！！ #火熱新品 Bobbi Brown呢次係咩黑科技嚟㗎？個冷白粉調色啱啱好，塊面啲血色不知不覺升咗幾級，暗沉同黃氣直接消失晒，連鼻翼泛紅都壓到實一實！對住塊鏡睇，成個感覺就係：『我啲皮膚本身係咁靚㗎～』 搽上臉嗰下仲癲，滑到好似絲綢咁，一撻落去就同塊面融合，完全冇嗰啲撻唔勻嘅斑駁尷尬！我塊面乾到似沙漠，轉季仲要脫皮，點知一搽佢即刻滋潤到飛起，之後再上粉底零卡粉！果然加咗蟲草精華，敏感肌都安心用。 最正係朝早趕返工，搽完連防曬都慳返——SPF20 PA++，日常返工出街夠晒用，唔使再疊防曬搞到搓泥！早啲出呢隻色嘛！今次真係比佢嗰種自然透光感食到應一應！！

MC好用推薦：呢款cushion可以做到自然嘅水光感，岩岩上面個刻好光澤水潤，好似本身皮膚就咁好。隨住帶妝時間越長，個妝感會更似奶油肌，無咩浮粉嘅情況。 遮瑕度方面，可以遮到毛孔同瑕疵，但唔可以完全遮到黑眼圈，會有少少發灰。

Fng好用推薦：Laura Mercier 極致持久粉鑽煥亮氣墊粉底 SPF50｜ 💎 上妝步驟：妝前乳 → 氣墊拍彈上妝 → 局部遮瑕 → 定妝噴霧 ✨ 核心亮點： · 鑽石級光感：粉體含多重晶耀粒子，光折射技術使膚色透亮不油光，黃皮秒變通透奶油肌 · 極致防曬力：SPF50/PA++++ 真正達到戶外防護標準，香港夏季通勤可抵禦97%紫外線 · 抗汗專利：獨家「水轉粉」科技，出汗後粉底自動融合，越熱妝感越貼膚 ⚠️ 使用注意： · 選色關鍵：#1N1（中性一白）最貼近亞洲黃皮，#2N1（自然色）適合追求裸妝感 · 用量控制：沾取1次夠半張臉，過量易顯厚粉 · 補妝技巧：先用紙巾印走油分，再輕拍補妝 🌦️ 香港天氣實戰： ✅ 雨季潮濕：搭配控油妝前乳，持妝達8小時 ✅ 冷氣房乾燥：噴保濕定妝噴霧預防浮粉 💡 總結：專為亞洲潮濕氣候設計的「鑽光防曬氣墊」！適合香港夏季追求光澤妝效的混合肌，油肌需加強定妝～✨ #LauraMercier氣墊 #鑽光粉底 #SPF50氣墊 #火熱新品

Miranda好用推薦：【質感】 呢款粉底霜嘅質地好特別，望落係厚身嘅乳霜狀，但推開嗰下竟然輕盈到好似精華液咁順滑。佢嘅粉體極度幼細，延展性非常好，一粒黃豆大小已經夠搽全面。上面之後唔會覺得焗促或者厚重，反而有一種好舒適嘅絲滑感。最加分嘅係佢加入咗鑽光技術同保濕成分，上面之後會散發出好自然嘅光澤，唔係油光，而係好似皮膚由內而外透出嚟嘅健康光采。就算乾肌用，都唔會卡粉或者顯乾紋。 【使用感】 使用感方面，呢款粉底霜真係懶人恩物。我會先做好基本保濕，然後用手指或者粉底掃薄薄上一層。佢好易推勻，完全唔需要技巧，就算係化妝新手都搞掂。遮瑕度屬於中度偏高，基本嘅泛紅、暗瘡印同毛孔都可以遮到七八成，但又唔會厚粉。最驚喜嘅係佢嘅「鑽光」效果，望落塊面好飽滿、好有立體感，但又唔會誇張到反光。佢嘅色號選擇都幾多，容易揀到貼近自己膚色嘅色號。全日用落皮膚都覺得好舒服，冇繃緊或者焗住嘅感覺，仲有少少護膚嘅滋潤感。 【持久度】 持久度係呢款粉底霜嘅強項之一。朝早八點化好妝，到晏晝三四點，T字位只有輕微光澤，完全唔會溶妝或者浮粉。到夜晚八九點收工，整體妝容依然完整，鼻翼兩邊冇卡粉，眼紋亦冇現形。最加分嘅係佢唔會氧化變暗，全日都保持到

Lydia好用推薦：Product: Cle de Peau Radiant Cream Foundation 色號: 10 呢支粉底已經回購兩次, 係我每次去日本旅行嘅時候都會喺專櫃買嘅日本版。 顏色同質地：10色號好貼我本身膚色，上面之後個質地冇得輸 感覺好似絲緞咁幼滑，好容易就推得勻，完全唔會有厚重或者黐立立嘅感覺。偏向滋潤質地，搽完上面有水潤感，對油肌人嚟講冬天會更好用。 妝感效果：佢最吸引我嘅地方 就係嗰種高級嘅「奶油肌」光澤感。唔係油光滿面嗰種，而係好似皮膚自己透出嚟嘅自然光澤，睇落個人嘅膚質好似好好咁，有貴氣感。 持妝情況：我自己係油性皮膚，坦白講如果喺夏天或者天氣熱嘅時候用，佢嘅控油能力對我嚟講唔算好夠。大約帶妝5-6個鐘之後就會開始有啲溶油，需要補妝。不過天氣涼啲好似而家秋冬天咁，呢個問題就會冇咁明顯，可以保持得好好。 總結心得：雖然控油表現對我嚟講唔算完美，但因為實在太鍾意佢嗰種高級、自然奶油肌嘅妝感，我依然keep住用佢。我通常會喺天氣冇咁熱、或者需要出席重要場合、想皮膚睇落有貴價質感嘅時候揀佢。對我嚟講，呢支係一支可以提升整體妝容質感嘅粉底，每次用佢都覺得自己嘅妝特

Miranda好用推薦：【質感】 首先講質地。佢係輕身嘅流質狀，流動性極高，唧出嚟會跣走嗰種。推開嗰下好順滑，好似搽緊輕盈嘅精華液而唔係粉底。上面之後好快就同皮膚融合，感覺好薄好透氣，完全唔會覺得「漿住」或者厚重。就算用手上妝，都一樣可以推得好均勻，完全冇粉痕。 佢嘅妝效係偏向自然光澤嘅，用完之後塊面有一種好靚嘅 「絲緞光澤」 ，唔係油光嗰種，而係好似皮膚本身好健康咁透出嚟嘅光。近距離照鏡都睇唔到粉粒，好似第二層皮膚咁自然。呢種光澤感就算上咗碎粉都仲keep到，唔會俾碎粉完全蓋住。 佢嘅質地仲有一個好處，就係 「唔會乾」 。我兩頰有時會乾，用其他粉底嗰陣，上妝一陣就會見到乾紋浮出嚟。但呢支粉底完全冇呢個問題，就算上妝幾個鐘之後，塊面都仲係保持住水潤嘅感覺。 【使用感】 呢個位係我最滿意嘅部分。佢嘅 「光澤感」 真係好出色，但又唔會誇張到好似油光滿面。用完之後塊面有一種好自然嘅透亮感，望落精神好多，但又唔會覺得化咗好厚妝。 佢嘅 「遮瑕度」 屬於中度，可以修飾到泛紅同均勻膚色，毛孔遮到七八成，黑眼圈同痘印就遮到五成左右。我本身唔係追求完美無瑕妝感嘅人，所以呢個遮瑕度對我嚟講啱啱好。如果當日有明顯嘅暗瘡

Poyobb好用推薦：之前有一段時間好鍾意用Armani嘅粉底液，Power fabric fro同designer lift都有用過。手上呢款藍色係designer lift大師粉底液。#3黃皮偏白啱用，用完全日都冇咩暗沉。 佢嘅粉底液都係好薄身，容易推開，建議先用化妝掃在面平均推開，再用粉撲拍實。粉底液光澤到自然，如果依款因為有藍珍珠粉末嘅元素係入邊，可以幫你折射皮膚令到皮膚睇落。佢嘅焦效果好靚，佢可以折射法令紋冇咁深，如果係嗰日要影相或者出夜街就好適合😚 依款粉底液比較起來相對適合返乾性皮膚，略嫌控油道不足。如果香港夏天戶外就好容易溶，建議室內先用，或者夜晚先用，佢嘅防曬度只係得SPF 15比較低。

Sanna Cher好用推薦：使用產品色號3N，是偏向暖色而且粉嫩，非常適合搭配金棕色妝容。雖然產品顏色比膚色深，但塗抹後，加上loose powder，效果比原生膚色白晢。產品是乳霜質地，用上化妝掃後能夠輕易塗抹全臉，而且份量不用太多。塗抹妝前乳後的肌膚狀態，對比塗抹粉底液的效果，見美白遮瑕效果明顯，而且膚質亦有提亮。完妝照片，塗抹loose powder的效果，如使用setting spray，粉嫩效果能夠更加明顯。

Kitty 好用推薦：首先，個樽身真係靚到爆！金燦燦嘅玻璃瓶，拎上手好有貴氣感（雖然指紋黐到癲🤣）。泵頭設計幾衛生，一泵就夠用全臉。質地係creamy狀，推開好順滑，有種高級護膚品嘅香味，唔會燦鼻～ 👩🏻妝感點樣？ 我係混合肌，T位油兩頰乾。呢支粉底上臉嗰陣好貼服，係那種天生好皮嘅光澤感，唔會假面或者粉感重！遮瑕度中等偏上，我面頰嘅泛紅同暗瘡印薄薄一層已經遮到七七八八，如果要多啲遮瑕可以疊加，但唔會覺得厚重。 ⏰持久度測試 朝早8點上妝，到中午T位有少少出油，但用紙巾印一印之後，妝容依然完整，冇斑駁！到咗夜晚7點，整體妝感依然keep到，只係鼻翼同嘴角有輕微溶妝，但唔會變地圖臉～我覺得佢嘅抗氧化能力幾好，唔會好似某啲粉底咁到夜晚就變灰黃！ 👍🏻最鍾意嘅優點 1. 養膚效果：落妝之後皮膚冇變差，反而覺得幾潤，可能因為有護膚成分？ 2. 光澤感：唔係油光滿面嗰種，係自然透光嘅高級感～ 3. 貼服度：就算係乾到爆嘅冷氣房都冇起皮！ 👎🏻可以更好嘅地方 1. 價錢：真係貴啊！！！（但諗深一層，如果當係護膚品+粉底二合一，又好似抵返少少？） 2. 油肌可能要補妝：如果係大油皮，夏天可能要用控油pri

Emma好用推薦： 呢款係屬於貴婦級嘅養膚型底妝，主打高保濕同奶油肌妝效 超鍾意佢既奶油肌妝效，上臉之後會呈現出一種好高級、好有光澤感嘅奶油肌，望落皮膚好飽滿、好有質感。 入面加入咗好多護膚精華成分，質地好滑順，推開時好似用緊面霜咁滋潤，完全唔會拉扯皮膚，配合埋佢自家既粉底掃，係可以15秒上完成塊面好均勻仲要冇掃痕！ 對於乾性肌膚或者冬天嚟講，佢嘅保濕持久度真係一流，去到黃昏夜晚眼下同嘴角都唔會出現卡粉或者乾紋，亦都唔會易溶妝。 雖然有一定嘅滋潤度，但佢同皮膚油脂融合得好好，就算微微出油之後，個妝反而會變成靚靚奶油光澤，愈夜愈靚～ 不過佢遮瑕力中等，質地行透薄路線，如果面上有比較明顯嘅暗瘡印或者深色瑕疵，單靠呢樽遮唔晒 樽裝設計取粉較麻煩，類似面霜嘅廣口樽設計，覺得冇泵裝咁方便衛生

Zoe好用推薦：一直用開植村秀嘅小方瓶 但由於冬天怕乾 所以試下轉用佢地粉底霜 意外地混油肌 秋冬天都好啱用 首先絕對唔會乾 亦都唔會斑駁甩皮 遮瑕力中等 瑕疵肌可以薄上兩浸 再加遮瑕膏都無問題 大半日後出油皮膚都好靚 會有種水光感 鍾意光澤粉底嘅 絕對推薦 下個冬天都會再回購

Miranda好用推薦：【質感】 首先講質地。佢係好輕身嘅流質狀，流動性極高，唧出嚟會跣走嗰種。推開嗰下好順滑，好似搽緊輕盈嘅精華液而唔係粉底。上面之後好快就乾，但完全唔會覺得「漿住」或者厚重，感覺就好似第二層皮膚咁薄。 我最驚喜嘅係佢嘅 「粉感極低」 。之前用過好多粉底，就算標榜輕薄，用完之後都仲係會見到粉粒。但呢支小方瓶2.0，我化完妝之後望塊面，係見到皮膚嘅質感而唔係粉底嘅質感。近距離照鏡都睇唔到粉痕，呢點真係好高質。 佢仲加入咗日本大米精華同山茶花籽油，用完之後塊面有種自然嘅光澤，但又唔係油光嗰種，而係好似皮膚本身好健康嗰種透亮感。 【使用感】 呢個位係我最滿意嘅部分。我本身係混合偏油肌，T字位易出油，兩頰有時會乾。呢支粉底液嘅 「控油效果」 做得幾好，但又唔會令到兩頰覺得乾。搽完之後，T字位唔會話好快就出油，就算出咗油，佢都係融合得幾靚，而唔係浮粉或者溶妝。 佢嘅 「遮瑕度」 屬於中度，可以修飾到泛紅同毛孔，黑眼圈同痘印就遮到五六成左右。我本身唔係追求完美無瑕妝感嘅人，所以呢個遮瑕度對我嚟講啱啱好，自然得嚟又有修飾。如果當日有明顯嘅暗瘡印，我會額外用遮瑕膏補一補。 我最鍾意佢嘅 「不氧化

Emily Leung好用推薦：哈嘍～今日同大家開心share下植村秀小方瓶2.0嘅新色號 #784 用後感！😉 ✨ 首先講吓色號： #784 係黃調一白，好適合追求自然白皙感嘅亞洲肌膚！我本身係黃二白，用佢有少少提亮效果，但唔會假面，同頸部色差好細，出街好自然～ 如果你中意啲粉底同膚色融合得好，呢隻色真係好靚！ 💁🏻‍♀️ 質地同妝感： · 質地水潤，推開好順滑，上臉係半霧面啞光妝效，睇落好高級！ · 遮瑕度中等偏上，普通毛孔同暗瘡印一層基本上蓋到七八成，反覆疊加都唔會厚重。 · 因為係持久型粉底，乾得比較快，建議分區上妝，快速拍開！ 🌞 持久度： 廣東天氣咁悶熱，佢真係挺得住！我帶妝8個鐘，T位有少少出油，但冇溶妝，反而同皮膚油分融合後更有光澤感。口罩都只係沾到少少，表現唔錯～ ⚠️ 小貼士： 皮膚偏乾嘅姐妹，妝前保濕要做好！如果唔係鼻翼同眼底可能會有少少卡粉。油肌同混合肌應該會好愛佢～ 總體來講，小方瓶2.0嘅 #784 係隻好百搭嘅色號，妝感自然又持久，好適合日常返工或者出去玩用！推薦大家去專櫃試吓色，睇吓夾唔夾自己膚質啦～ 💕

natanatalie好用推薦：控油出色的粉底❤️ ARMANI Beauty Power Fabric Pro 專業柔霧持妝粉底液是一支既讓人期待又讓人糾結的粉底。第一次上臉的時候，我很喜歡它那種柔霧的妝效，遮瑕力中高，泛紅和毛孔都能被修飾得很乾淨，妝容看起來完整而精緻。對油性肌來說，這種霧面質感比光澤型粉底安全得多，不會一出門就滿臉油光。😚 但用久了就發現，它的延展性不是最理想，推開的時候需要耐心，不然很容易顯得厚重。妝感本身也偏「完整底妝」，不像輕薄型粉底那樣自然透氣。如果肌膚狀態不佳，角質稍微粗糙或乾燥，它就會卡在紋理裡，顯得妝感不均勻。🥹 持久度方面，它的確能撐住長時間的工作或外出，尤其在炎熱潮濕的天氣裡，搭配定妝粉或噴霧效果更好。但到了一天的尾段，油脂還是會浮上來，妝容會稍微暗沉，需要補妝。🙆🏻‍♀️ 總結來說，這支粉底液對油性肌是友好的，能給你一個霧面、完整的底妝效果，但它不是那種輕盈自然的選擇，而是偏向「完美妝容」的路線。如果你喜歡精緻、持久的妝效，它會讓你滿意；但如果你追求裸肌感，它可能會顯得有點厚重。🙁

Sanna Cher好用推薦：使用產品色號2，比原生膚色白晢，需要在化妝掃塗抹後，再使用海綿粉樸輕拍完妝。 粉底質地跟乳霜相似，但延展過後並票須使用大量塗抹，一泵以內就可以完成步驟。使用妝前乳後的肌膚。塗抹粉底後，未塗上遮瑕膏，見肌膚膚色有明顯提亮以及均勻膚色，由於是霧面質地，所以光澤水光感不強，但完妝後的效果甚為驚喜。完妝照片，見整體妝容帶粉嫩，而並不是只有亮白的效果。粉底效果是完妝比單獨塗抹高。

Miranda好用推薦： 【質感】 首先講質地。佢係輕身嘅乳液狀，流動性極高，唧出嚟會跣走嗰種。推開嗰下好順滑，好似搽緊輕盈嘅護膚精華而唔係粉底。上面之後好快就同皮膚融合，感覺好薄好透氣，完全唔會覺得「漿住」或者厚重。就算用手上妝，都一樣可以推得好均勻，完全冇粉痕。 佢嘅妝效係偏向自然光澤嗰種，但呢種光澤同一般粉底嘅光澤好唔同。佢望落唔係表面嘅油光，而係好似皮膚底層透出嚟嘅健康光采。用完之後塊面望落好飽滿好水潤，但又完全唔覺得化咗妝。近距離照鏡都睇唔到粉粒，呢種「裸膚感」係我覺得佢最大嘅優點。 佢嘅質地仲有一個好處，就係 「唔會乾」 。我以前用過好多標榜輕薄嘅粉底，上妝嗰下係靚，但幾個鐘之後就會開始乾，乾紋全部現晒出嚟。但呢支粉底完全冇呢個問題，就算上妝幾個鐘之後，塊面都仲係保持住水潤嘅感覺。呢點對於我兩頰有時會乾嘅皮膚嚟講，真係好重要。 【使用感】 呢個位係我最滿意嘅部分。佢嘅 「養膚效果」 係真係feel到嘅。官方話佢加入咗山茶花籽油同日本大米萃取，我唔知係咪心理作用，但用完一排之後，我feel到皮膚嘅質素有改善。以前卸妝之後塊面會覺得乾同暗啞，但用呢支粉底嘅日子，卸妝之後塊面都仲係keep住水潤

Kathy Wai好用推薦：講到shu uemura呢支「透光瓶」#674，我係混合偏乾肌，用咗一排，同你分享下最真實嘅感覺： 妝感（滿分！） 真係做到佢講嘅「透光唔反光」，唔似一般光澤粉底咁油淋淋，而係皮膚底層滲出嚟嘅健康光澤，好高級。妝效係輕度至中度遮瑕，疊多層都唔厚粉。 #674色號點睇？ 亞洲人偏白膚色用啱啱好！帶少少橄欖調，同頸部冇色差，唔會灰白。如果你用開#564覺得太黃，#674會係你杯茶。 質地與保濕 流動性高，手指推都滑。保濕力中上，乾肌用唔會起皮，但極乾位（鼻翼）最好打底。最驚喜係持久度，香港30幾度戴口罩，出油後妝容融合得更靚，暗沉情況好輕微。 少少扣分位 對痘印、黑眼圈只係6-7成遮蓋，瑕疵皮要另外用遮瑕。還有一點，佢乾得算快，上妝要快手啲，分區塗會更貼服。 總結 如果你追求「天生好皮膚」偽素顏，呢支好值得入手！尤其適合中性至混合肌，想要光澤又怕油膩嘅朋友。記住用前要搖勻，用濕粉撲上妝最靚！

Poyobb好用推薦：呢支係glow版本，出嚟感覺不是韓妝水光，係呈現皮膚狀態好好嘅自然光澤感。 粉底液偏稠身流質，試過用刀刷有粉痕，建議用密度較高嘅粉底刷較適合。粉底液有點快乾，建議逐part上面，同時遮瑕度幾好👍🏻即使上一層已做到好高遮瑕度。 保濕度一般，我混合肌toner+保濕base感覺啱啱好，干肌要再加強保濕。 我用嘅日子30度（上碎粉前用定妝噴霧），冇補妝只用紙巾輕印嘅情況下，大半日都keep到七成。 #火熱新品

natanatalie好用推薦：這一款粉底是一款比較滋潤性高的粉底，適合乾性肌膚的女生使用，因為粉底的滋潤感是不錯的，對於乾肌女生們來說是非常友好！💯 我這次用3W的顏色，這個色號適合亞洲女性肌膚使用，不會過白也不會顯黃，上面的感覺是非常滋潤和保濕度很高，因此不會顯乾紋和不會有龜裂的情況。🥰 它的遮瑕度也是不錯的，可以看看我手背的血管和青筋也遮得7788 ，而且粉感不會很強，皮膚不多瑕疵的女生薄薄一層，基本上就不需要用太多遮瑕膏。持妝效果是不錯，在夏天比較潮濕的天氣，這款粉底的持久度也能維持在八九小時左右。☺️ 總括來說，這款粉底並不算十分透薄，它算是滋潤度和遮瑕度不錯的粉底，適合混合性肌膚女生在秋冬天使用或是乾性肌膚女生使用。🫶🏻

Conw好用推薦：covermark粉底已用了十年，每逢需要一整天長時間帶妝，我一定會用covermark粉底。 質感： 霜狀，盒內是固體但觸碰會感到是非常濕潤的霜狀。 延展性很好，少量已可上全面 妝效： 啞光，薄塗一層會有微微光澤，厚塗會較啞緻但未到霧面 中到高遮瑕，可無限堆疊視乎所需遮瑕度 出油後會變奶油肌 4，5小時後會稍稍暗半度左右，剛好會補一補乾粉，問題不大 使用感受： 不建議用掃全面上這粉底，相比其他粉底covermark較［啜］會較難上得均勻。 我通常是用打濕的美妝蛋輕輕印在粉底上取粉，在面頰中印第一下，再以彈壓方式上半臉再取粉再上另外半臉，再取粉上額頭。 薄塗的話取3次粉已足夠，要增加個別地方遮瑕度才需重覆上第二層。兩層的話眼圈已遮掉8成，不需另上遮瑕膏。😍 上完粉用美妝蛋不停印壓全面30秒左右，粉底會［咬］實皮膚，碎粉定妝後，這粉底維持一整天都不是問題。 時間長遮瑕度會降低但不會起白芝麻或一撻撻，補妝亦不會結塊。 色号方面建議靠櫃試試，fr色系個人覺得太粉，選fn色系會較好，日系粉底來說色號不算白，健康膚色也能用。 最重要是不悶痘！❤長時間帶妝都okay 👍

Nicole好用推薦：第一次用粉底霜就比咗Covermark，同另一款粉餅silky fit一齊買嘅，都係對乾皮膚好友好嘅底妝產品(*^^*) 之前都上網睇過唔少資料，當時都已經好心動下，去專櫃試嘅時候就馬上愛上依個產品，即刻比錢買咗 色號揀咗FN20，比較自然嘅顏色，中中挺挺唔會好似其他日本牌子咁偏黃 雖然望落去係膏狀，但上到皮膚嘅時候就變到好似液體咁好好推，完全唔會出現一舊舊或者上得唔均勻嘅問題！ 用好少就已經足夠上曬成塊面💕 我估一盒用大半年都唔係問題 依款產品本來就比較高遮瑕度，所以本身薄薄地上一層已經可以做到好優秀嘅修飾效果，我臉上面嘅毛瑕丶雀斑什至泛紅嘅地方都已經遮曬，我會係均勻膚色之後再用少少嚟做返重點遮瑕，真係未見過自己皮膚咁好，手機啲美顏相機app全部都Del得😭 上完之後會有少少妝感，但用量控制就好就唔會好厚重或者好似帶咗面具咁（好好好少咁上XD），都幾自然輕薄❤️❤️ 保濕力唔差，就算皮膚乾都值得一試，夏天掃多層碎粉就唔洗怕出油問題 至於敏感皮膚，我用完之後都未見泛紅、痕或者起粒粒 目前比較可惜嘅係比較貴，Refill就5XX，連盒買就$735 但搵到一款啱用嘅粉底，貴少少

xxkelly好用推薦：整體使用感受 。輕透貼膚零粉感，輕微水光效果 。比較挑妝打底狀況 。遮瑕度偏低，鼻翼泛紅或者暗瘡印都未必遮到，純粹均勻膚色，遮瑕需要另外疊加 。會照用晒但唔會回購質地 。乳霜狀態，推開十分絲滑，不黏立優點 。融膚度好高，唔會有厚重好似搽咗一層嘢嘅感覺 。有SPF 30 PA+++防曬度數，如果日常返工大部份時間留喺Office，唔使另外搽防曬都應該足夠 。適合打工仔平時返工趕時間，淨係想快速均勻膚色，同埋追求輕薄底妝嘅朋友使用 缺點 。一開始用嘅時候同我啲護膚品有少少打交，試咗轉用唔同質地護膚品後，發現如果當日護膚品係用偏滋潤，或者cream搽厚咗少少，就會少少起擦膠碎，或者有搽得唔均勻一噠噠嘅情況，好似以下唇邊同埋面頰位置 。所以平時偏向搽好滋潤護膚品打底嘅朋友要特別留意要用返偏清爽類型會同粉底霜夾啲

Miranda好用推薦：【質感】 首先講質地。佢係輕身嘅乳液狀，流動性極高，推開嗰下好順滑，好似搽緊保濕乳液而唔係粉底。上面之後好快就同皮膚融合，感覺好薄好透氣，完全唔會覺得「漿住」或者厚重。呢個質感對於追求輕薄底妝嘅人嚟講，係好討好嘅。 佢嘅妝效係偏向自然光澤嗰種，用完之後塊面有一種好自然嘅透亮感，望落好似冇化妝但皮膚好咗咁。近距離照鏡都睇唔到粉粒，呢點係做得幾好嘅。 不過要留意嘅係，佢上面之後會有少少「黏笠感」。即係你摸塊面嘅時候，會feel到有少少黐手，唔係完全清爽嗰種。如果唔用碎粉定妝，呢種黏笠感會持續一段時間，甚至會黐到頭髮。所以我每次用都要上碎粉，變相多咗一個步驟。 味道方面，佢有陣淡淡嘅草本味，類似天然護膚品嗰種氣味，我覺得都幾舒服，唔會太濃。 【使用感】 呢個位係我最矛盾嘅地方。好嘅方面，佢嘅 「即時妝效」 真係好自然。用完之後膚色均勻咗，望落精神咗，但又完全唔覺得化咗妝。對於追求「偽素顏」嘅人嚟講，呢個效果係好理想嘅。 佢仲有SPF30 PA+++嘅防曬度數，日常用都算係一個Bonus，唔使額外再搽多層防曬。 但係，佢嘅 「遮瑕度」 真係好低。可以均勻到少少膚色，但泛紅、痘印、

Candy Mak好用推薦：最近溫度同濕度都漸漸上升，意味著冬去春來，今日就同大家分享適合春夏用嘅Bobbi Brown 無重輕霧粉底液 Weightless Skin Foundation 用後感。 1️⃣首先講講品牌方對產品的優點描述： - 含三重保濕複合物，有助提高肌膚的水分含量，長時間保持水潤保濕。具備防水防汗配方，帶來不卡粉浮粉、不易脫妝和隱形毛孔的上妝效果。 - 粉底採用獨特的高速冷凍技術，讓粉底液保持猶如空氣般的無重質感和極佳親膚性，薄薄一層就可打造精緻輕霧妝容；即使疊加修飾瑕疵，底妝也不會感到厚重或有面具感，打造出無負擔的長效霧面妝感！ 2️⃣再同大家分享本人用後感 (油肌，毛孔粗大，冇補妝習慣)粉底液用上磨砂玻璃配上圓柱瓶身設計及有金邊嘅蓋，有大牌高級感；粉底液呈偏水狀，可見其質地透薄。跟著就跟大家分享上面嘅before & after；我只薄薄上了一層+有泛紅瑕疵位局部上多一層而已。 你會見到毛孔有被修飾、泛紅同痘印都遮蓋了不少；呈自然啞緻妝感，清爽不黏膩。跟著再分享10小時後完全冇補妝嘅情況，感覺粉底變咗透明🤣泛紅已經重現，而且膚質亦粗糙乾乾的，但毛孔雖然有少少白芝麻出現，但仍然有修飾度。

Emily Leung好用推薦：Bobbibrown無重輕霧粉底液，打造零粉感原生好皮！ Bobbibrown家的新品粉底液真的讓我狂喜！！太適合油皮了！新品主打一個輕透無粉感的妝效，裸感舒適的同時遮瑕力也足夠，打造一種原生皮膚的自然光澤感！ 👍質地：流動性很好，很水潤，上臉很容易推開！！ 👍妝效：上臉的妝效是那種清透霧光奶油肌，完全沒有厚重的粉感！！ 👍持妝效果：一整天帶妝下來，都沒有斑駁浮粉脫妝!!油皮快衝！！

Kmggigi好用推薦：講到底妝，RMK依枝粉底霜真係好好用 本人混合偏乾，臉上主要瑕疵為少少痘印同曬斑 呢支粉底霜遮瑕力中高level，輕輕擦一層都可以遮到九成 睇落去皮膚好靚 持妝力都okay，我用咗八個鐘到 t字位有少少出油，但會令到效果變得更加似奶油肌 唯一麻煩位係要用時間心機將佢上得均勻啲

wingbks好用推薦：疫情呢3年，最重要嘅一定係粉底，所以試咗好多款，呢款最啱戴住口罩用❣️首先佢嘅粉底係呈牙膏狀，初時都怕秋冬好難搽，不過經過多月測試，佢不論春夏定秋冬，搽都好適合！因為春夏較熱，朝早用佢又唔會中午滿面油光；秋冬又唔會因為乾而上唔到妝！🈴 雖然佢唔自高遮瑕度嘅粉底，但作日常妝容就非常推介，搽完唔會好厚粉！🌟 同好多精華、防曬都夾到，唔會化妝時有「擦膠碎」。 當然唔少得嘅係，佢唔會甩曬啲粉係口罩上面，唔怕食飯除口罩時尷尷尬尬！ 價錢算係中價，但佢好「襟用」，唔洗搽好厚，所以幾合化算，可以回購！💸

adadnileb好用推薦：試用程度：收到試用後用過四次，均以不同手法及上妝後去不同環境，惟實在太唔夾目前天氣最後打入冷宮。容器：●●○○○○○ 樣靚、墜手，擺喺檯面艷壓群芳，可惜中看不中用。 第一次開未用已經見到蓋底有圈粉跡，然後先見到佢個隔蓋係一個好薄似即棄嘅膠片，當中亦無空間放置附贈嘅膠挖棒，用嘅時候要另外再鋪紙巾放支挖棒，超不方便。 本身用罌裝衛生上已經構成較高風險，開口大概3-4cm大，粉底一次無需大量挖取時唔知點解要用罌包裝，霜狀未厚重到不能用Tube裝/泵裝吧？ 氣味及質地：●●●●●○○ 極淡的香味，雖然個人偏好無香料但因為實在極淡所以冇問題。 本身以為質地會似蛋白霜，實際摸上手覺得比較似軟化接近融化嘅牛油嘅乳霜狀，潤而不膩。 上臉後會有一層存在感，未至於焗皮膚。但可惜香港長期都濕熱，就算定咗妝心理上總會覺得唔夠清爽有種不安全感。 易推開但不易推勻，可能因為呢個texture點都會有個厚度喺到，變成有點考驗上妝技術。 成分：●●●○○○○ 試用說明提及加入咗13種日本產嘅美容提取物作長效保濕，睇番成分表的確有一堆對皮膚友善嘅成分。 可惜嘅係成分表當中見到凡士林同排得好前嘅桂皮酸鹽：凡士林應該係針對

Vivian好用推薦：感謝 @cosme 邀請我試用SUQQU全新「THE FOUNDATION e 絕緻艷澤粉霜 e」。收到這款試用產品的時候正值炎熱潮濕的9月夏季，我的膚質是混合性偏少油，我收到試用的色號是210。 使用粉霜前，可見皮膚有暗沉、色素沉澱、斑點等問題。妝前只用了保濕及防曬，以試測最佳效果。 粉霜質地屬於偏輕盈、很好推開的類型，上臉後很貼服，延展性頗高的，用少量就可以全面上妝，推開後也不會有卡粉或粉感顆粒感，膚觸比較柔滑貼膚。 剛上妝時的微微光澤感，比較自然細緻的水潤感，帶妝一段時間後，輕微出油後光澤會變得更融合更亮，仍然保持自然清透。 遮瑕力表現中度，能夠很好修飾毛孔，柔和淡化粗糙感，以及不需太多份量即可均勻膚色，遮蓋暗沉及泛紅位置，整體看起來更乾淨無瑕。但比較深深的痘疤還是需要局部遮瑕，日常使用遮瑕度十分足夠。 帶妝一段時間後，底妝沒有出現明顯斑駁或脫妝的狀況。最有感的是它的穩定度，妝容不會到變得乾燥起皮及浮粉，亦沒有嚴重的氧化問題，整體膚色維持得不錯，對於混合性皮膚即使在夏天也能夠保持完整妝容。 我的膚況屬於只有T字部位比較容易出油，控油表現不錯，能夠微微減少油脂，即使出油後

auntiemuscle好用推薦：質地係如其名 gel狀，其實未去到啫喱但係係偏gel狀，杰身過liquid foundation,又唔係cream狀咁 都好易推開 我膚色偏深既 用103響faceline,面中用101 用掃掃上面再用濕粉樸拍開 因為我鼻翼毛孔超粗大 我再用掃響毛孔位置打圈咁掃上去 整體都好貼面 易推開 唔會一撻撻 都唔會話好快就kick左 同埋佢係好似有層柔焦左咁 反正毛孔焦立體但遮唔到但好似好滑咁 遮霞度其實唔錯 日系粉底黎講我覺得算高 我面有啲斑都遮到8-9成 同埋都唔乾 唔會有乾紋但我本身鼻翼有啲乾皮 果個位會少少乾 但我平時戶外工作 係冇問題 持妝度ok 冇泛油 但 如果好熱就建議拍多少少碎粉 但佢都有啲啲缺點 就係有大部份日系粉底既問題 最白個tone都唔夠白 白皮會覺得有少少黃（佢出左200 嫁可以去睇下） 但追求極致冷皮係可能唔岩 同埋佢有層柔焦？有時有啲光線望埋下我好似白左😅 如果極乾皮就唔建議 乾皮都可以試企要用潤啲既base

Jasmine L好用推薦：呢枝粉底霜非常神奇，一年四季都適合使用。佢嘅質地水凝輕盈，推開易均勻，妝效自然柔霧帶少少水光。遮瑕力中等，毛孔同細紋遮得自然唔厚重，而且仲有控油效果，但又未到好強咁。 持妝度一年四季都OK，唔會暗沉或卡粉。敏感冇刺激，整體輕薄舒適，我覺得每個女士都需要擁有一枝。

kylie好用推薦： Decorté 粉底液可以做到成膜既效果，令佢十分乾爽，持妝效果都十分良好！夏天時使用都完全可以維持到晚上，會變奶油肌既狀態，冬天使用都唔會乾，持妝效果更好。而且質地很透薄，遮瑕力都足夠，但有暗瘡時不太能夠遮蓋。 #我的最愛粉底液

橘子貓好用推薦：第一次用是櫃姐幫我試妝的，當場就感覺妝感太貼面了吧，修飾了毛孔和瑕疵之餘，那個隨着臉轉動的霧光感也太美！便即場入手了。因為夏天曬黑了，就選了自然色#BF20。用了一陣子，可能我皮膚白得較快，#BF20變得有點偏紅偏深了，因為我太喜歡這枝粉底的妝感，就再購入了一枝最淺色#BF00去混色。 之後再怎樣曬黑養白也不怕了。CPB這枝粉底一瓶要價$1050，為什麼我這般喜歡，要入手兩枝呢？ 雖然我是混油肌，一般而言霧面控油的粉底是比較適合我，但不知道為什麼我用了許多這類的粉底，妝感都會醜態百出：斑駁、浮粉、鼻頭現白芝麻等等，直到用到這款CDP Radiant Fluid Foundation Matte，才真真正正感受到控油粉底的好！不但沒有以上問題，保留了霧面粉底的中高遮瑕度之餘，還沒有其妝感厚重、假面的問題。而且，持妝度真的非常好！8-10小時不是難度，夏天又濕又熱的天氣也頂得住。我只是用手指上妝，薄薄一層已經遮掉大部份毛孔和暗沉，連觀骨泛紅也只是再補一層就蓋住了，根本沒有用遮瑕膏。膚質看上去也平滑許多。 貴的粉底真的貴得有道理，現在這枝CDP粉底已經成為我夏天最愛的粉底，沒有之一。

布吶吶好用推薦：粉底液天花板！CPB肌膚之鑰鑽光瓶✨ 終於講返上次提過嘅近期新歡🥰！呢支CPB極潤光采粉凝露💎「鑽光瓶」粉底液，完全係粉底液界嘅天花板✨一試就愛上！絕對會係我重要日子嘅底妝首選！ 💖 完美呈現-化妝同時養膚，底妝越夜越靚！ ➡️ 實測粉底質地輕盈水潤，推開嗰下即刻貼服，冇粉感，完全唔會卡紋，成個妝效就係嗰種高級透亮感，好似天生皮膚就咁好！ ➡️ 入面有珠寶級養膚成分（光采智能複合物），唔單止係粉底液，仲可以同時護膚！令肌膚全日保持透亮水潤，就算長時間帶妝，卸妝後皮膚依然細緻穩定。 同我一樣嘅熬夜肌必收💫！ 帶妝成日都唔會暗沉，甚至越夜越靚🥹想要光澤、持妝、養膚一次過滿足，呢支真係必收！用過一次就返唔到轉頭🙌

Kitty 好用推薦：呢支粉底液持妝度高，推開嗰陣好順滑，唔會話一上臉就乾涸。用濕粉撲薄薄咁拍開，即時係柔焦霧面妝感，唔會死實實一塊面，反而似天生皮膚好嗰種絲絨質地。如果係乾肌朋友，建議妝前保濕做足，或者混一滴精華，咁就唔怕卡粉。 遮瑕度： 佢嘅遮瑕度屬於中高階，黑眼圈同泛紅大致上遮到七八成，如果好深嘅痘印就要另外用遮瑕膏。最鍾意佢堆疊上妝唔會厚粉，局部再加多層都依然透薄，呢點好加分。 控油同持久度： 朝早八點化完妝，到中午T區開始微微出油，但唔會浮粉或溶到一撻撻，紙巾輕輕印走油光，妝容依然完整。到夜晚放工，面頰keep住貼服，鼻翼兩側冇白頭點，整體算係越夜靚。對於混合肌嚟講，春夏用啱啱好，大油皮就可能要中途補多一次碎粉。 色號選擇： Lancome色號算幾多選擇，建議大家去專櫃試清楚，或者拎sample返屋企試足全日，咁最穩陣。 總結： 呢款粉底對於追求自然啞光、唔想妝感太重嘅朋友，真係值得一試。持妝力對混合肌來講合格有餘，暗沉問題唔嚴重，全日妝容都keep到白淨。整體嚟講，會回購！

Water好用推薦：混油肌喺夏天化妝最怕出油溶妝，如果底妝溶到一撻撻，又出汗又出油真係唔化好過化 🥲最近香港又濕又熱，平時一到下晝就會滿面油光，成個妝好似消失咗咁。 最近買咗呢枝粉底，完全係夏天嘅救星！ 色號係：PO-01，有提亮均勻膚色但唔會變到死白一上面完全冇黏笠感，自帶matte finishing！修飾毛孔遮瑕效果幾好！呢款粉底過咗7個鐘係冇補妝嘅情況下都keep到大部分，有出油但個妝都冇氧化：我淨係用手搽一層上面，完全無技巧，個妝效都已經好滿意。但美容顧問都有提及：如果想keep得好，一定要用妝前打底同用碎粉定妝啊！