舒緩鎮靜 推薦好用產品

GinGin好用推薦：第一次試用這款金盞花爽膚水，效果比想像中更好！保濕力相當強，最近天氣轉涼皮膚有少許敏感泛紅，用咗幾次之後都覺得鎮靜得幾明顯。氣味方面唔會太濃，淡淡清香好舒服，質地偏濃稠但又唔笠。整體感覺用後皮膚水潤柔軟，CP值好高，值得入手！

zetalhc好用推薦：用過最好嘅精華之一！我本身係泛紅好容易出痘痘嘅皮膚，尤其係面頰位好容易就會起粒粒。長期用Dr G呢款精華，我見到我出痘痘嘅次數無咁頻密，而且用完呢個精華之後，退左唔少紅。呢款精華好水潤好容易吸收，而且我仲會用導入機導入，用完唔會覺得面頰黐立立，後續護膚品都好容易吸收！

Bendict好用推薦：之前行Cosme買嘢 送左一支使用裝 俾我 用過幾日 我冇諗個過咁好用🙀👍 潤而唔會立黐黐

Noel好用推薦：我的皮膚乾燥痕癢救星 - Toleriane Sensitive 系列產品❣成份安全，0% 香料及酒精，對敏感皮膚少一份負擔！更含有品牌的皇牌溫泉水+甘油+維他命B3，保濕之餘，又能緩和痕癢。 乳霜質感柔滑，非常易推又好吸收，塗完痕癢處再去睡，都不沾被單👍 鼻敏感的日子，常常抹鼻子令仁中位置更脆弱，晚上會再加上同系列的面霜厚敷呢！

Anna好用推薦：質地係好水嘅gel cream，好清爽唔黏立，皮膚唔穩定，敏感得黎生暗瘡粉刺，就用佢，因為佢成分溫和，單純保濕，唔會致敏致暗瘡，再配合消炎產品就perfect

Kathy Wai好用推薦：🌿 Innisfree 蘆薈能量面膜 冬季真實使用心得 ❄️ 轉季急救必備！ 香港冬天溫差大，皮膚時乾時痕，上星期鼻翼同面頰突然泛紅敏感，即刻摷返呢款蘆薈面膜出嚟急救！ 鎮靜保濕一敷見效 打開係滿滿嘅蘆薈精華液，質地清爽唔黏笠。面膜紙剪裁夠貼面，敷上臉一陣就有種「降溫感」。試過喺暖氣房焗完面紅紅哋敷15分鐘： ✔️ 即時鎮靜泛紅部位 ✔️ 補水力足夠但唔膩，適合怕黏笠嘅人 ✔️ 敷完皮膚觸感明顯柔軟咗 冬季護膚程序點夾？ 我通常會咁用： 1. 冬天夜晚沖完涼，毛孔打開時敷 2. 敷完將剩餘精華按摩吸收，直接上面霜鎖水 3. 每星期1-2次，作為保濕滋潤加強步驟 同其他季節嘅分別 夏天用覺得純粹補濕，但冬季皮膚不穩定時，佢嘅蘆薈成分真正發揮到鎮靜+補水雙重效果。特別係突然轉凍嗰幾日，敷完即時解決繃緊感！ 性價比小評 ✨ 保濕力：7.5/10（日常維持夠用，極乾肌可能要疊加護膚油） ✨ 溫和度：9/10（敏感期用都冇刺痛） ✨ 便利度：8/10（開袋即敷，5分鐘快速補水） 總結 如果唔追求功能性抗老美白，純粹想搵一款冬季日常保濕、成分溫和嘅面膜，呢款蘆薈能量面膜係穩陣之選。一盒

Poyobb好用推薦：冬季護膚❄️ 之前都已經不斷回購shubalm 噴霧，九/十月同牌子出咗面霜，未出之前suu balm既promoter俾咗我用sample。 修復面霜比保濕乳厚身，入邊有5種同皮膚結構相同嘅Ceramides，可以舒緩皮膚，敏感同濕疹皮膚真係好啱用。同樣嘅面霜一樣有薄荷涼感，但係薄荷都保濕乳咁強勁，用上面都好舒服。 佢嘅質地我會覺得較為適合冬天用多啲，夏天用嘅時候係有少少腍，同埋佢係BB、小朋友大人都用得。佢比其他濕疹牌子嘅面霜冇嗰啲膠膠地嘅面霜味道，冇咁多唔好嘅味，容易接受。

Mami M.好用推薦：冬天皮膚總係好似飲唔夠水💦 又會因為咁就成日會有皮疹同紅卜卜嘅情況 朋友介紹我用Suu Balm速效舒敏系列✨ 可以快速減紅、減敏😍5分鐘就見效

Miki好用推薦：多謝@cosme 挑選我試用La Colline 活細胞眼部緊緻精華同埋活細胞眼部美化膜🥰 眼部皮膚又薄又脆弱，熬夜加上年齡漸長，眼乾捽眼都令我越來越在意細紋同眼周鬆馳🥺眼部產品又要做到保濕、緊緻、滋潤但又唔可以起油脂粒！ 除左每日眼部護理搽精華同眼霜，有得定期幫眼部皮膚進補就更加好！今次@cosme 除左眼部精華，仲俾我試埋活細胞眼部美化膜添。 一打開包裝，非常足料重秤！盒內亦備有小匙，𢳂cream狀嘅眼膜方便又衛生。呢款眼膜係好rich 嘅cream狀，成份有CMAge細胞新生複合物，保濕、充氧，為皮膚築起修護屏障。另外錦葵、玫瑰、矢車菊花水同金絲桃精華就係天然成份，幫助提亮同撫平肌膚，加埋有豐富維他命E同埋各種不飽和脂肪酸嘅核仁油，呢個眼肌補品真係好豐富！ 用小匙𢳂左適量嘅眼膜霜，均勻搽晌眼嘅四周，等10-15分鐘再用微暖嘅濕化妝棉抹淨，好簡單！搽上眼周已感受到佢好滋潤，而且完全唔會對眼造成刺激，敷左10-15分鐘後，眼膜霜用濕棉花輕拭已很快抹淨，唔黏膩，唔會對眼部皮膚造成負擔。用後已顯著感覺到本來乾燥而有細紋嘅眼底，即時平滑左好多，顏色亦較明亮望落去都精神左。 產品建議

stella好用推薦：❤️感謝 @Cosme 邀請試用瑞士頂級貴婦品牌La Colline 既皇牌產品<活細胞眼部美化膜>和<活細胞眼部緊緻精華> 😅原有眼周肌膚狀況： 乾紋(眼下及眼尾)、 眼周膚色不均和少許鬆弛，少少眼袋 輕微黑眼圈和眼底青藍色(熬夜型)、小許浮腫 😥成因: 熬夜、習慣性揉眼、習慣性側睡、年記增長、平日缺少眼周保養、 新陳代謝慢 😛用法： 今次試用活細胞眼部美化膜14天，質地輕盈、乳霜狀柔軟、易推開，帶微花香👍用法只需均勻塗抹眼膜於眼周上，敷10至15分鐘再以濕化妝棉輕輕拭淨，再搽上眼部精華，十分方便。可以在每當眼部疲倦時使用，早晚皆可😊。眼膜吸收得快，滲透效率高，好適合貪快的我 ❤️包裝名貴高級，有說明書寫齊成分，美化膜附有專用棒棒，乾淨衛生，非常貼心 😊即時效果: 💖敷15分鐘後亦不會變乾左，眼底膚色明量了多少，眼周乾紋淡了多少，肌膚觸感柔軟滋潤 👍 😀沒有泛紅痕癢， 敏感肌絕對適用 ❤️化妝前使用後上妝好貼服不卡粉，能快速緩解乾燥性細紋 😊持續使用14天: ❤️提亮眼周暗沉，上妝卡粉減少😍 ❤️起牀明顯浮腫滅少，黑眼圈色素淡了，眼周肌膚柔潤緊緻了，不過提拉還不是太明顯

Fng好用推薦： NUXE 玫瑰潔面泡沫🌹 我係熟齡混合偏乾肌，春夏天最怕洗完面乾到繃緊。 質地：一按出泡，泡沫綿密軟滑，唔使自己搓。淡淡玫瑰花香，洗面都有儀式感 🌸 用後感：洗完清爽唔乾，偏乾肌都唔繃緊。溫和唔刺激，敏感泛紅時期用都冇問題。透亮感有少少提升，膚色望落乾淨咗。 春夏天用：清爽唔立，冷氣房洗完都唔會乾，懶人恩物 ✅ 注意：清潔力偏溫和，防水眼線/濃妝要另外卸。有香料，極度敏感者建議先試。 性價比：約$170，開架價錢，敏感肌友好，會回購～ 💡 早晚都用得，朝早醒神，夜晚放鬆 😊 #NUXE #玫瑰潔面泡沫 #RoseFoamingCleanser #敏感肌潔面 #溫和潔面 #泡沫潔面 #懶人潔面 #保濕潔面 #玫瑰護膚 #法國藥妝 #敏感肌友好 #混合肌護膚 #香港潮濕天氣護膚 #平價潔面推介 #洗面奶推薦 #潔面泡沫 #nuxe香港 #火熱新品

Miranda好用推薦：【質感】 一唧出嚟見到係好靚嘅淡綠色水狀精華，流動性極高，好似水咁輕盈。推開嗰下超級順滑，上面之後輕拍幾下就已經完全吸收，皮膚表面完全冇黏笠感，亦冇任何油膩嘅殘留。佢嘅質地係清爽到就算夏天用都覺得好舒服，完全唔會焗住皮膚。最正嘅係佢有淡淡嘅草本氣味，聞落好天然，冇人工香料嗰種假味，用嘅時候感覺好放鬆。 【使用感】 使用感方面，呢支精華嘅退紅效果真係快到令人驚喜。我本身皮膚間中會因為轉季、壓力或者用錯護膚品而泛紅敏感，甚至有少少刺痛。第一次用嘅時候，洗完面即刻搽上佢，大約十幾分鐘之後，泛紅已經明顯減退，刺痛感亦消失咗。佢嘅成分入面有黃瓜萃取、百里香、橄欖葉萃取等植物舒緩成分，可以即時鎮靜皮膚。我試過喺暗瘡發炎嘅時候局部厚敷，第二朝起身粒瘡已經冇咁紅腫，連帶暗瘡印都褪得快啲。對於暗瘡肌或者敏感肌嘅人，呢支精華絕對係睇門口必備。佢仲可以當作日常保濕精華用，輕盈得嚟又有基本嘅補水能力，用完之後皮膚望落乾淨透亮。 【持久度】 持久度方面，佢嘅舒緩效果唔係曇花一現。朝早搽完，到晏晝皮膚依然保持穩定，泛紅冇返發。夜晚搽完，第二朝起身塊面狀態好好，摸落柔軟平滑。如果係嚴重敏感發作期間，持續用幾

Kmggigi好用推薦：皮膚狀況: 冬天乾敏肌，夏天混合偏乾+少敏感 炎炎夏日，混合偏乾肌嘅我有時都會感到T字位有少少出油 同時太過熾熱嘅陽光都會令到兩頰有泛紅嘅情況 呢個時候我就會使用 SkinCeutical 色修精華穩定我夏日肌膚😆 色修精華質地清爽不含油份，流動性十分強 成份蘊含消炎嘅青瓜同埋抗菌嘅百里香， 具有消炎抗菌嘅效果，所以特別適合夏天暴曬之後引起嘅泛紅及出油嘅肌膚 另外佢有提亮膚色，減淡痘印嘅效果 我通常夏天出酒米或者有敏感就會使用佢舒緩面部敏感嘅情況， 持續搽兩至三日就更加會見到酒米消退嘅神奇效果！ 產品效果: 使用前見到膚況不太穩定，面頰有泛紅，出酒米嘅情況 持續早晚使用兩日後，面頰膚色明顯均勻翻，減少泛紅問題，同時酒米亦消退了七成！

Kami好用推薦：它是一瓶清潔度還算可以，意思是沒化妝就普通上保養品時，它可以清潔乾淨。但我一般是早上用它一次，晚上使用兩次，就覺得夠乾淨了，不緊繃。洗完臉部很舒服～

Kitty 好用推薦：🌙 HR綠寶瓶晚霜：瞓醒塊面識發光？！ HR綠寶瓶晚霜（Powercell Night Rescue）！買嗰陣真係肉赤㗎（成千幾銀一罐嘅面霜啊大佬😭），但用落… 嘩！真係明點解佢咁多fans！ ✨ 第一印象：貴婦級享受 - 包裝：墨綠色樽 + 淺金色蓋，拎上手超有份量，放喺化妝枱即刻高級晒～ - 質地：質感似絲絨，晚霜質地係偏厚嘅膏狀，推開嗰陣好似雪糕溶喺塊面🍦，唔會笠黐黐，吸收得超快！ - 香味：淡淡嘅貴婦香，唔會攻鼻，瞓覺聞住好放鬆～ 💤 晚霜重點：瞓覺都喺度修護！ 我本身係捱夜肌（成日追劇，OT到凌晨…），塊面暗啞兼有啲鬆泡泡。用綠寶瓶晚霜急救，真係有驚喜： ✅ 朝早起身摸塊面：滑嘟嘟！好似飲飽水咁，完全冇乾紋扯住嘅感覺。 ✅ 透亮度+1：之前暗黃似燶邊煎蛋，而家竟然有啲自然光澤，直頭慳返打亮步驟！ ✅ 毛孔收細咗：尤其鼻翼兩邊，冇再洞洞明顯見客尷尬～ ⚠️ 小缺點都要講： - 價格真係堅貴！慳住用都要$1,500+（心在滴血💸）。 - 油肌夏天可能嫌潤：我混合肌+空調房用就啱啱好，但大油皮姊妹可能要秋冬先考慮。 💚 總結：值唔

shadow影子好用推薦： 質地尚算清爽，而且伸延性高好容易推，紅豆份量已經足夠搽晒全面，保濕效果都幾滿意！

Noel好用推薦：我的皮膚乾燥痕癢救星 - Toleriane Sensitive Creme，產品成份安全，0% 香料及酒精，對敏感皮膚少一份負擔！更含有品牌的皇牌溫泉水+甘油+維他命B3，保濕之餘，又能緩和痕癢。 面霜質感柔滑，非常易推又好吸收，塗完痕癢處再去睡，都不沾被單👍 鼻敏感的日子，常常抹鼻子令仁中位置更脆弱，晚上會在重點位置厚敷呢！

Kpl6be6好用推薦：呢款精華液呈水狀～搽上後吸收得好快～最驚喜係塗抹後有微微冰涼感覺～啱哂 #夏天 使用使皮膚降溫～舒緩肌膚嘅效果都幾好！！

JessicaB好用推薦：用後，皮膚油脂分泌、抑制粉刺、收斂暗瘡，更可以舒緩暗瘡所引起嘅紅腫同埋不適感，能逐步淡化暗瘡痘印，讓肌膚回復平滑光澤

Poyobb好用推薦：之前工作因為壓力大手踭長出了乾廯，維持咗好多年都冇改善🥲試過市面上多個濕疹牌子嘅護膚霜，也不能治癒，而且對抗痕癢嘅功能也平平無奇。 Suubalm 既保濕乳、噴霧、沖涼液都有試過，對我嚟講最有效嘅係支噴霧，點解會試咁多？係因為見到新嘢就會即刻試，希望搵到隻啱用嘅令皮膚好返🫣噴霧嘅效果係超級見效，超快有薄荷冰涼感覺，反而會建議唔好噴太多，適量就可以，完全做到有即時止痕作用😻 佢嘅噴霧，除咗有薄荷成份，仲添加咗保濕護膚嘅效果，所以一支係有兩種功效，細細支好方便。 除咗濕疹、牛皮癬皮膚之外，夏天出國旅行、蚊咬或者突然間某啲位置脫皮都可以使用。可以去萬寧試一試，放咗tester出黎🫢

Paris merci 好用推薦：手腳經常俾蚊咬痕癢，尤其依排潮濕落雨好多飛蟲，冰涼噴霧一直巿用。 之前過曼秀雷敦嗰支，比較上黎Suu balm噴口集中啲，噴出嚟嘅水滴感重啲（曼秀雷敦水珠霧化啲。 冰涼感Suubalm強勁好多，仲幾持久，涼5分鐘，而且吸收得快不會立痴痴，而且有保濕效果，搽完之後即刻冰涼冇咁痕，真正舒緩皮膚，完全唔係坊間嗰啲冰涼水劑噴霧💕

Fng好用推薦：CeraVe 全效保濕精華水💦 質地似稀釋咗嘅精華液，推開後秒吸收唔黏膩，兩頰即刻有飲飽水感！香港夏天冷氣房測試8小時，完全冇繃緊，T區亦唔會泛油光，保濕力拍得住部分貴價產品。添加嘅三重神經酰胺確有修復效果，試過刷酸後泛紅，連續用3日明顯退紅，毛孔都睇落細緻咗～ ⚠️ 局限性 雖然保濕同修復效果出色，但功能較單一，冇抗老或美白成分，需要疊加其他功能性精華。瓶口設計較大，倒出時容易浪費🤫🤨，建議分裝到噴霧瓶使用～ 🆚 同價位產品比較 · VS Hadalabo白潤精華水：Hadalabo質地更濃稠，保濕極強但較黏膩，適合乾肌；CeraVe則清爽得多，混合肌夏天用更舒服～ · VS La Roche-Posay溫泉水：LRP溫泉水主打舒敏降紅，保濕力中等，更適合油性敏感肌；CeraVe修復屏障更全面，保濕力也更持久～ · VS Neutrogena玻尿酸精華水：Neutrogena較側重即時保濕，但持久度一般；CeraVe勝在長效修復，適合日常維穩～ 💡 使用心得 混合乾肌夏日可以當妝前打底，濕敷3分鐘再上粉底，貼服度大增！百零蚊超大支，頸部同手肘一樣用得，性價比超高～ 推薦度

Wkk好用推薦：有美白功效，要keep住用先可以保持到美白的效果，比較適合夏天用

natanatalie好用推薦：夏天用 Curel 極護水精華，對油肌嚟講真係有種「意外地啱用」嘅感覺。第一次泵出嚟，質地係水潤得嚟帶少少滑感，推開好快就吸收，唔會留低厚重膜感。喺炎熱天氣底下，呢種清爽感令我覺得皮膚好似即刻飲咗水，但又冇油笠笠嘅負擔。 用咗幾日之後，我留意到膚況穩定咗。平時夏天最煩就係 T-zone 出油快，兩頰又乾，成個面好唔平衡。但呢支精華好似幫我調節咗水油，額頭同鼻翼冇再咁快泛油，妝容可以企得耐啲；兩邊面頰就保持住水潤，唔會因為冷氣房而繃緊。成個人望落去係清爽嘅光澤，而唔係油光。 仲有一樣我幾欣賞嘅係佢無香料，夏天用護膚品最怕就係香精同黏膩感，會令我覺得更加焗。呢支精華幾乎無味，搽上面好舒服，唔會同防曬或者其他護膚品打架。朝早用完再上防曬，妝感都好貼服，唔會浮粉。 總結嚟講，Curel 極護水精華係夏天油肌嘅一個好選擇。佢將保濕同清爽平衡得好自然，既有足夠滋潤力，又唔會令皮膚負擔。對我嚟講，佢係夏天護膚 routine 入面一個穩定膚況嘅秘密武器。 #火熱新品

jojoma123好用推薦：室外室內的溫度差距實在大得驚人, 即使自己不是敏感膚質, 皮膚也受到溫差影響而變得不穩定, 偶然出現泛紅現象。早前見Curel 推出了這支極護水精華, 便立刻試用一下! 它的texture 的確如水般清爽快吸收, 完全不會增加皮膚的負擔，推勻後皮膚即時變得柔滑有光澤! 據悉新品採用了首創的GABOB修護技術, 加上超微細高效滲透Ceramide Plus, 可以從強韌肌膚屏障，keep住使用, 明顯見到皮膚泛紅問題有改善，炎夏使用最啱! #火熱新品 #夏天 #夏日

Akassoo好用推薦：今次試用NIVEA妮維雅嘅舒敏修復低敏乳液，主打針對乾燥同緊繃嘅肌膚問題，為肌膚提供舒緩。呢隻潤膚露係白色乳液質地、好易推，但建議一次唔洗用太多，因為唧少少已經好夠搽每個身體部位、唔會吸收得好快。 作為一個皮膚成日都好乾嘅人，呢隻低敏乳液可以令肌膚冇咁乾。而且佢含有Dexpanthenol成份，可以增強皮膚嘅天然屏障，敏感肌都啱用！官方稱舒敏修復低敏乳液有效立即舒緩發炎區域同富含「深層滋潤精華」，乾燥同緊繃皮膚嘅人啱用。呢款低敏乳液係無香版，但個人覺得用落係有淡淡嘅藥草味。 喺Before & After圖中所見，我本身皮膚有啲位會特別乾同埋有粒粒，搽咗七日之後本身乾到有少少龜裂嘅位已經好返好多、肉眼睇已經冇龜裂。 多謝 @cosme 提供試用，我可以用呢款乳液搽勻全身，令自己嘅肌膚冇咁乾之餘亦feel到保濕，同埋我覺得最好嘅係佢冇其他潤膚露咁黐笠笠。雖然都要啲吸收時間，但同雙管精萃凝乳一樣唔會一搽就覺得黏，覺得平時買一支擺喺屋企看門口都幾好。

pink1314923好用推薦：Before:After: 感謝 @cosme 邀請 試用 NIVEA 極潤修護低敏乳液（無香版），NIVEA是一個大眾的品牌，它由德國護膚實驗室研發，含有溫和無添加香料配方，成份對任何肌膚使用都可以很放心，絕對適合我這個敏感肌的人士使用！它添加3種高濃度醫美級的寶藏成分，舒緩乾癢、潤澤修護72小時、2周告別乾燥敏弱肌，寶藏成分包括有「維他命B5」、「甘油」和「菸鹼醯胺」，知道維他命B5能為肌膚掃除乾癢與敏感問題，能為我乾燥皮膚立即舒緩乾燥、緊繃、脫屑、粗糙、龜裂、泛紅共6大常見乾癢敏弱問題。它本身沒有香味，而質地柔軟水潤、延展性很好 ，不會覺得很油膩，塗抹後能迅速被肌膚吸收。 特別在秋冬天的時候，我的皮膚很容易乾燥，會導致乾癢和脱皮情況，這支極潤修護乳液的成分含極效潤澤精華Plus搭配維他命原B5加強保濕配方，能幫我的乾燥敏感皮膚對抗乾燥引起的粗造緊繃，我習慣了在每天晚上洗完澡之後就用這支來塗抹全身，能即時舒緩肌膚的不適，洗完澡塗抹是吸收效果最好的。 整體來說，我發覺持續在岀門口前和洗澡後使用一段時間後，感覺到皮膚變得滋潤了一些，起碼沒有再發生脱皮的情況。這品牌價錢很親民，絕對比

Cc2016好用推薦：多謝cosme今次嘅邀請🩷 第一次用YHKCare 呢個品牌嘅產品，好開心可以體驗到呢款產品 這款保濕噴霧的噴頭設計幾好，噴霧質地極其細緻，輕輕噴幾下已經可以非常均勻地滋潤全臉，亦不會形成大水珠而弄花妝容它採用了無色無味的純粹配方，沒有任何刺鼻的化學香精，讓人在使用時感到格外的安心與無負擔 喺香港夏天炎熱潮濕的天氣下，這臉部容易泛紅，當從室外暴曬後回到冷氣房，呢個噴霧有助令膚降溫及降紅，保濕鎖水的觸感清爽又舒服 洗完臉之後，亦可以用呢個噴霧幫乾燥的肌膚打底，提升後續保養品的吸收效果 連續使用14天之後，感受到整體皮膚變得更穩定，冇咁容易泛紅敏感，用完呢瓶之後，會考慮再回購於春夏季節使用

iliya 好用推薦：首先要多謝@cosme同@YHKCare 俾我今次試用TeaPep黑茶肽煥活保濕噴霧嘅機會🙇‍♀️🙇‍♀️🙇‍♀️ 孤陋寡聞，第一次聽YHKCare 草研源素呢個品牌，上網一check先知原來係一個香港本土創立嘅科研敏感肌護膚品牌，梗係要支持下本土牌子啦！🙌🏻 YHKCare TeaPep 黑茶肽煥活保濕噴霧嘅設計行簡約風格，磨砂透明嘅瓶身設計大氣，要讚嘅係噴出嚟嘅超細微米噴霧好細緻，範圍廣泛，噴幾下就可以噴晒全面，又唔會產生水珠，好貼心！ 我體驗試用了一連一星期TeaPep 黑茶肽煥活保濕噴霧，最近轉季，我喺夜晚臨瞓之前使用，隨後再搽TeaPep黑茶肽修護潤膚乳，同埋覺得好乾或皮膚泛紅嘅時候使用，結果都幾令我滿意！💕 保濕力及後續保養吸收力得到提升，用完之後嘅再搽潤膚乳好快被皮膚吸收，有滋潤嘅感覺。另外喺日曬後、運動後、喺冷氣房留得耐等等覺得乾或者見到皮膚泛紅嘅時候，噴一噴更加可以即時舒緩退敏，有效降紅降溫止乾癢！堅持用咗一個星期之後，皮膚嘅狀態穩定咗，泛紅減退咗少許，就好似修復及加強咗皮膚屏障咁。另外，TeaPep黑茶肽煥活保濕噴霧不含香料及人造色素、無酒精，任何膚質包括敏感肌

Poyobb好用推薦：之前工作，因為壓力大手踭長出了乾廯，持續好多年都冇改善，時好時壞🥲試過市面上多個濕疹牌子嘅護膚霜，都不能治癒，而且對抗痕癢嘅功能也平平無奇。 反而呢支新出嘅新加坡牌子suubalm試咗佢哋嘅保濕霜同埋噴霧 ，雖然不能夠令到皮膚治癒，但止痕非常見效，搽咗保濕霜上痕癢位置，即時有涼浸浸薄荷嘅效果，唔會令我有好想r感覺，而且保濕護膚功效很好。 雖然而家仲未好返晒，但痕癢問題已經逐漸改善，乾廯範圍縮小咗，唔會再不停r爛皮膚位置。對於一個有濕疹或者皮膚出現問題嘅人搵到一隻對自己有效既產品好開心，建議有需要嘅人可以去試一試🤗

dordor910好用推薦： 每逢轉季、皮膚又痕又繃緊,朋友介紹用呢支塗抹後約 5分鐘內有明顯清涼感，能即時舒緩痕癢。而且質地清爽：不黏膩，沒有一般濕疹乳霜的厚重感。性質溫和 無類固醇、無香料、無防腐劑，適合全年齡（包括濕疹及敏感肌）。