CeraVe

多重酸抗瑕疵修護精華

試用程度：因順豐延誤遲了收貨，只試用咗九日，前七日誤以為佢係暗瘡啫喱淨係搽咗喺暗瘡位，後一日早晚搽，最後一日夜晚搽完後有搭配同系列「A醇全效平滑祛印精華」使用。 橫跨了一個颱風，時正炎熱潮濕之季。 有與收到Cerave同系列「去油抗瑕白泥潔膚露」一起試用。 以往有用開Cerave的修復霜於濕疹皮膚上，自從佢被L'Oreal收購後就冇乜點再留意呢個品牌。 容器：●●●○○○○ 高身tube裝，容易企唔穩撞跌，然後撞跌埋其他易跌嘅skincare變成骨牌…短短九日已經試過三四次。 自己衰，見佢tube裝又大大隻字寫住blemish control gel就冇睇清楚當咗佢係暗瘡膏咁用，但理解唔到點解Serum要咁包裝。 膠嘅質地係同系列三樣嘢入面最劣嘅，不過呢點唔影響使用。 大概唧一隻中指嘅長度就夠搽全臉。 氣味及質地：●●●●●●○ 無香料，全透明gel狀，推開時微黏（似透明質酸精華），未至於笠但吸收速度不太快，會帶有輕微膜感。（圖中間為推開後狀態） 皮膚較薄/有傷口嘅位置推開當下會有些少灼熱，但好快就消失，後續亦無過敏反應等。 成分：●●●●●○○ 由不同酸類組合而成，加

今次收到CeraVe 袪痘抗瑕系列產品，分別有洗面同精華。 首先，洗面係有白泥同水楊酸，本身都會驚太乾，但用完之後又好舒服，皮膚都唔乾燥，洗完面過十分鐘後都唔會出油。 另外，兩款精華都非常好用，本身都唔係好敢用酸，但結果都唔錯，完全冇甩皮。 A醇成日聽到用完會甩皮，會紅，一直都唔敢用，今次我一開始都有隔日先用，之後日日用都冇事！ 效果方面，我覺得袪印快咗，適逢黎m有痘，見到下巴位有印，但兩三日都消得7788。 另外一枝係多重酸修護精華，主要我用係面頰，想收下毛孔。 整體來講，皮膚有冇咁紅，毛孔有乾淨到，但可能用太少時間，毛孔冇特別細咗，另外額頭暗粒都有少咗，皮膚有光澤咗！

感謝@cosme 送來的試用品！ 精華質地很滑，使用記得不要擦到眼周會熱熱的，因爲有含水楊酸所以會比較乾燥一點！用完臉上會有些地方緊緊的，但不會紅腫過敏。 全臉用，因爲青少年時長太多痘痘（痘痘妹封號）又不懂處理，造成現在鼻翼雙頰黑頭白頭還是消滅不掉… 感謝🥹網路資訊的發達，現在知道水楊酸跟A酸是要持續使用（若懷孕🈲用喔） （真的很厲害👍下圖慎入，有大痘痘擠出來） 我貪心厚敷局部 深層痛痛悶痘出頭了！ 仔細看黑頭多的地方，看到他們慢慢出來，可以用粉刺夾試試看能不能夾出來了！深層大粉刺，只是拿粉刺夾左捏捏右捏捏！ ‘’救‘’出來了，因爲它真的太大顆了 另一邊下顎的暗痘慢慢浮出來了 看不到的粉刺都慢慢浮出來

首先有陣好淡難聞嘅味道，藥水味？消毒藥水味？醫院嘅味道😅 透明流質狀，比一啲煥膚酸精華冇咁黏立咩，亦都無暗瘡膏咁厚身。已經冇再買暗瘡膏好幾年，我當暗瘡膏用，於化妝前薄薄地喺暗粒位置搽一層，都吸收得幾快，覺得冇咁容易化完妝令到暗瘡/暗粒位置變嚴重。 但如果要快速去暗粒，會建議用返佢隻水楊酸洗面，洗2-3日已經有效果，超級work。感覺要一齊配搭使用效果會最快。另外去印效果又唔算太明顯，唔係好見到個定位🤔 #火熱新品

多謝 @cosme 送左「CeraVe祛痘抗瑕系列」嘅「去油抗瑕疵白泥潔膚露」、「A醇全效平滑祛印精華」同埋「多重酸抗瑕疵修護精華」比我試用。 本身皮膚偏油性，好易生痘痘，又忍唔住手去抓，所以都有唔少痘印，加上平時好懶冇乜點護膚，毛孔都比較明顯同粗大。 今次試用左14日，去印同收毛孔嘅效果未算好明顯，但使用後感覺到膚況有改善，當中最欣賞洗面乳嘅「去油」效果。洗面乳係透明狀，好易起泡，泡泡都好綿密，搽上面好舒服。洗完面感覺好清爽，唔會有油膩感，喺香港濕熱嘅夏天都哥以保持半日好清爽嘅感覺。 至於A醇精華，質地偏向啫喱狀，因為有酸性，所以搽上臉掂到痘痘會有少少刺激感。用完感覺膚色有變亮。 最後到多重酸精華，呢一支係偏水狀，搽上面感覺比較溫和，面部感覺有所舒緩，部分肌膚都變得光滑左。 總結來說性價比不錯，洗面乳好大支應該有排用，會持續使用慢慢改善膚況。

【CeraVe多重酸抗瑕疵修護精華】 謝謝@cosme 邀請試用CeraVe 嘅多重酸抗瑕疵修護精華！呢個牌子我都係第一次用～ 我本身只係T字位同鼻側出油較多，同埋面豬比較易泛紅，唔係全塊面都需要控油，所以今次只係局部使用～ 佢質地係比同系列嘅A醇全效平滑祛印精華厚少少，因此我會少量多次咁上面，都唔會有焗到生粒粒嘅情況出現😆最有感係真係舒緩到泛紅既情況！瞓醒塊面光滑透亮咗，期待之後再用耐啲，皮膚會更光滑無瑕！

多謝Cosme比我試用今次CeraVe淺藍色系列的產品。平時間中做完Facial都有用開藍色保濕系列，唔會過敏，淺藍色去油同去黑頭的系列想試好耐了～ 去油抗瑕疵白泥潔膚露 呢一款潔膚露含白泥同水楊酸成份，估唔到會係透明的。使用起來質感同CeraVe另外一果枝去油嘅不一樣，一開始以為皮膚會有假滑的情況，畢竟好少去油嘅洗面奶洗完之後係唔會繃緊同乾，但皮膚同時都保持住好清爽的狀態。 洗完塊面係有感覺乾淨咗，粉刺都有少左，不過去黑頭效果就暫時未見到。 A醇全效平滑祛印精華呢次係我第一次用A醇的產品，精華搽上面口，感覺上好快就吸收，不厚重，唔會有好笠的感覺，用咗之後有補同牌子的保濕面霜，所以第二朝都唔會話塊面敏感同乾燥。 試用咗幾日，塊面覺得柔軟咗，都平滑咗，感覺上下巴嘅痘印都淺咗少少，收毛孔效果暫時就未見。 多重酸抗瑕疵修護精華 平時一直有用開其他牌子的收毛孔精華，今次轉用CeraVe的試用幾日，集中搽T字位同下巴，用咗幾日，感覺皮膚的確出油少咗，黑頭生長速度慢咗，不過唔會話搽咗之後黑頭就少咗好多。呢個價錢嚟講，感覺呢支都值回購。

CeraVe Blemish Control Gel：混合偏乾肌的化學煥膚雙面刃 這支以水楊酸（BHA）為主軸的暗瘡凝膠，在開架護膚中展現出罕見的配方精準度，但對熟齡混合偏乾肌而言，卻是極需技巧的。 配方解構：科學與風險並存 ➡️AHA (甘醇酸+乳酸); BHA (2%高濃度水楊酸)：溫和代謝角質，精準打擊黑頭閉口 ➡️3種神經酰胺+煙酰胺：修復屏障同時抗炎，緩解酸類刺激 ➡️無酒精香料：減低額外致敏風險 ▶️相比同價位The Ordinary水楊酸精華的單一粗暴，CeraVe以屏障修護成分實現 先破壞後建設 的智慧配方。 實測體驗： 在濕熱夏日，其清爽凝膠質地確實零負擔，T區毛孔視覺收細效果驚人。但兩頰偏乾處即使用保濕霜打底，連續使用3天仍出現輕微肉眼可見的脫屑——證明其「控油力」對熟齡肌實為過度剝脫。 同價位 比較： •勝La Roche-Posay Effaclar：溫和度更高，但爆發性大痘無能為力 •敗Paula's Choice 2% BHA：後者分層滲透技術明顯更適合熟齡肌 💥注意點： 1. 勿與A醇/維C疊加，否則必爛面 2. 日間必須使用防曬係數SPF50+

好開心今次抽中咗 @cosme CeraVe嘅祛痘抗瑕系列試用邀請❤️ 我自己一向好鍾意CeraVe呢個品牌，之前一直有用佢綠色嗰枝溫和潔膚露洗臉，然後間唔中會用淺色透明樽身嗰枝水楊露潔膚露for深層清潔。而潤膚方面，而家紫色嗰款skin renewing night cream搽臉，深藍色嗰兩款lotion同cream搽身。所以都算得上係呢個品牌嘅忠實用家🤣 呢枝係「多重酸抗瑕疵修護精華」，首先喺質地上，呢款修護精華係唔算太杰身嘅啫喱質地。有少少流動性，但又唔會去到水狀咁。 另外講一講佢嘅包裝，佢嘅樽口係扭蓋，類似牙膏唧咀。 咁講一講佢哋效果，因為我係呢款精華同祛印精華一齊用，所以就一齊講，我用嘅時間唔算好耐，大約10日左右，所以效果未去到好明顯，但用落比較近期嘅period痘印有少少變淺色咗，但比較耐嘅痘印就未有明顯分別，而配合潔膚露一齊用，黑頭算係少咗。 （P.S.呢3樣產品用嗰陣都係冇香料/香精嘅味道，呢個品牌無論潔膚/潤膚產品，暫時用過嘅都係咁，而呢樣係我鍾意嘅！）

因為我係敏感肌，所以其實一直都用開CeraVe/Cetaphil嘅產品，係個忠實用家嚟。 CeraVe呢枝「多重酸抗瑕疵修護精華」幫我淡印同改善泛紅問題。瑕疵少咗，皮膚睇落都有返光澤。因為之前突然皮膚敏感，嘴角生咗一大堆暗瘡同油脂粒。而我只係搽咗呢枝精華大概1星期，已經明顯見到暗瘡消咗腫同紅印淡化咗，真係好神奇🥹2星期後更加係連紅印都就嚟睇唔到，只須一層薄薄嘅粉底已經度蓋到。** 我係配合埋同一系列嘅「多重酸抗瑕疵修護精華」使用，單搽可能效果唔同。 價錢: 9/10 祛印: 10/10 退紅: 10/10 包裝: 10/10

好開心收到@Cosme嘅試用 今次收到嘅產品係CeraVe 祛痘抗瑕系列 總共3件 跟住就講Cerave嘅【多重酸抗瑕疵修護精華】 因為兩款精華都有酸 功效唔一樣 所以唔好搞亂佢地呀~ 多重酸呢款係可全臉或局部使用喺想重點改善毛孔嘅位置 入面有BHA+AHA合力疏通毛孔 佢係質地好水好易推嘅精華 我通常一晚用多重酸 另一晚就用A醇咁隔住用~ 搭配埋洗面同A醇精華 我覺得整體皮膚有白淨左 冇咁泛紅：

CeraVe 多重酸抗瑕疵修護精華用後感 首先真係要多謝 @cosme 俾呢個機會我試用 CeraVe 嘅「多重酸抗瑕疵修護精華」。我自己係混合肌，黑頭、粉刺、暗粒都有，特別係鼻翼同下巴位置，加上偶爾會出暗瘡，膚色有時仲會紅紅哋。用咗呢支精華兩個星期左右，覺得都有改善。 呢支精華質地係啫喱狀，唔笠、易推，搽上面好快吸收。佢入面有 AHA（甘醇酸、乳酸）同 BHA（水楊酸），可以幫我疏通毛孔、代謝角質、減少黑頭，用落冇刺激感，反而啲泛紅位仲穩定咗少少。加埋佢入面有 三重Ceramides 同 Niacinamide（維他命B3），搽完唔乾，仲有啲修護感覺，用完塊面滑滑哋，毛孔都細咗啲。 最驚喜係用咗一段時間，鼻頭黑頭少咗，暗粒位唔再咁起粒粒，成塊面望落乾淨滑啲、膚色都均勻啲。 另外講多少少，其實我係一齊配搭用咗 CeraVe 嘅 【去油抗瑕疵白泥潔膚露】 同埋 【A醇全效平滑祛印精華】。潔膚露幫我深層清潔、控油，洗完唔乾唔繃，後續再用呢支多重酸精華，就真係事半功倍。夜晚用完多重酸，再搽埋A醇精華，加強改善痘印同膚質，朝早起身塊面滑到好似開咗美肌咁（笑）。 如果你同我一樣最近天氣令你

多謝 @cosme 比咗我呢次試用 CeraVe 多重酸抗瑕疵修護精華嘅機會，呢支精華我之前喺網上見過幾次，好多人話對粉刺、毛孔有幫助，所以都幾期待試用效果。 我自己係混合偏油肌，特別係下巴位成日會出閉鎖性粉刺，用咗呢支精華差唔多一星期，感覺係溫和之中有做到基本調理嘅效果。佢嘅質地係透明水狀，好易吸收，擦上面唔會焗住，感覺清爽，而且唔黏手。 一開始都有少少擔心會唔會乾或者刺激，因為之前用過某啲刷酸產品會甩皮，但 CeraVe 呢支對我嚟講算好溫和，用完冇出現脫皮、刺痛或者泛紅，皮膚狀況都幾穩定。 效果方面唔算話好即時，不過連續使用之後，會覺得下巴摸落冇咁粗糙，啲粒粒感減少咗啲，膚質好似有平滑咗少少，出油都冇以前咁誇張。雖然唔係完全冇粉刺，但整體嚟講膚況有慢慢改善緊。 我覺得呢支精華適合平時唔太能接受太強烈酸類產品，但又想溫和清理角質、穩定皮膚嘅人。用量唔需要多，薄薄一層已經夠，長期用應該會有幫助。 總結係：唔浮誇，夠溫和，適合慢慢調理膚質嘅人使用。

首先感謝 @cosme HongKong，令我有機會試用CeraVe 祛痘抗瑕系列產品。 本身都用開CeraVe Moisturising lotion ，保濕之餘唔會太笠，好啱喺香港用。而我嘅皮膚容易過敏泛紅，所以想試吓呢個系列嘅產品。 用後感 ✨配合去油抗瑕疵白泥潔膚露持續用咗2星期，皮膚明顯冇咁粗糙，洗面時會覺得少咗黑頭粉刺。 ✨主要搽主要泛紅位置（面頰），明顯舒緩到泛紅問題😆 💧不過gel狀嘅精華有啲難操控，不論係唧出嚟、定係搽上面都有啲難度🤣用落慣咗就OK  （左：使用前，右：使用後）

多重酸抗瑕疵修護精華 成分： AHA (甘醇酸+乳酸) BHA (2%高濃度水楊酸) 高效三重神經醯胺 菸鹼醯胺 無添加香精、酒精、PARABEN類防腐劑 不致粉刺配方 冇乜酒精或者奇怪味，成分幾天然，唔會傷皮膚，冇敏感 精華質地比我想像中滋潤 我主要係搽系鼻旁嘅泛紅位同暗瘡位，唔會全面搽。泛紅問題有改善，配合白泥潔面露同埋A醇去印精華 黑頭有減少，毛孔收細咗dd

好開心可以試用「CeraVe 祛痘抗瑕系列」 本身個人皮膚起石頭瘡或者傷口之後容易留痘印同毛孔粗大，一直都想搵適合嘅產品處理修復問題。 第一次試用CeraVe 多重酸抗瑕疵修護精華，它的質地呈透明啫喱狀，好好推開同吸收，用完之後覺得肌膚唔會覺得刺激或者黏笠。 持續使用CeraVe 多重酸抗瑕疵修護精華一星期之後，泛紅及色素沉澱問題有所改善，雖然舊毛孔瑕疵暫時未修復好，但新的痘印等沒有留下瑕疵傷口，會繼續持續使用，用完一枝再更新狀況。 配合同系列其他產品使用，粗糙的皮膚毛孔感覺乾淨，無新增粉刺痘痘，皮膚狀態穩定，可以安心使用。

多謝@cosme 邀請我試用CeraVe祛痘抗瑕系列既多重酸抗瑕疵修護精華、去油抗瑕疵白泥潔膚露、A醇全效平滑祛印精華😍 本身自己係混合性肌膚同有痘印問題困擾，多重酸抗瑕疵修護精華既質地輕透不黏膩，吸收速度非常快，使用後完全沒有緊繃感。我最驚艷既係佢溫和既煥膚效果，持續使用15日後，肌膚紋理有少少光滑左。本身個鼻都多粉刺同黑頭，因為配合使用油抗瑕疵白泥潔膚露、A醇全效平滑祛印精華，鼻翼周圍既黑頭粉刺少咗，塊面啲陳年痘印變淡，毛孔都乾淨左，兩頰既泛紅情況有改善，成塊面睇落精神、靚左好多，唔想再做面油，效果令人滿意！

多謝cosme邀請試用cerave的【多重酸抗瑕疵修護精華】 用左個零禮拜，講下敏感肌既使用感受先： Texture： 乳白色的gel 質感，滑滑的，好易推。 使用感： 質地都清爽，搽上去不會太黏膩，吸收得快。通常就晚上用，局部搽鼻哥同下巴位，用落都唔會覺刺激，幾溫和。呢支野有多重酸AHA和BHA成分，good for 用係改善黑頭/毛孔肌。 用左幾天，可能黑頭本身就多所以唔太覺，但係摸上手個鼻滑滑地，應該係有用的。另外自己個鼻本身都有少少濕疹底鼻樑位會甩皮，唔可以用太刺激既酸類。但係呢支用落落唔錯，裡面有Ceramides和Niacinamide，fits for皮膚屏障修護。呢段時間用落除左平滑左之外，化妝都服貼左。 不過因為有酸類成分，白天一定要搽防曬，所以自己都係夜晚用多。

謝謝@cosme送出的 CeraVe 祛痘抗瑕系列 試用活動！ 先上結論，多重酸抗瑕疵修護精華因為我還在換膚爆痘期，暫時未見到明顯效果，但係某啲本來好多谷住想生瘡嘅位確實平滑咗 🤣 這支是建議重點部位或者全臉使用，沒有特別添加香味，質地流動性高，少少地也夠搽全臉 我以前也有使用aha，不知是不是因為這次濃度比較高，用了一個星期左右開始爆瘡🥲 所以詳細效果暫時未見到 下面係before after 可以見到額頭同埋眉心凹凸不平的位置變平滑了！會繼續使用觀望效果

多謝 @cosme 比我有機會試用CeraVe 祛痘抗瑕系列。 多重酸抗瑕疵修護精華含多重酸AHA (甘醇酸和乳酸) & BHA (水楊酸)，平時好少用酸性護膚品，一開始都擔心會唔會太刺激，見精華蘊含三重親膚Ceramides及Niacinamide(維他命B3)，用落比想像中溫和。 精華質地係透明gel狀，易擠易推開，我本身係混合偏乾膚質，得T字部位出油多同下巴粉刺多，用完同系列嘅去油抗瑕疵白泥潔膚露洗面後，只係T字位同下巴搽，感覺清爽唔黏膩，唔會太乾。 用左一個禮拜，面部肌膚整體乾淨左，鼻翼油脂粒同下巴粉刺都少左好多，舒緩到偶爾泛紅，感覺清潔到毛孔角質，但使用期唔長，暫時未見到好明顯嘅黑頭減少同毛孔收細情況，整體係幾清爽嘅精華，推薦夏天用。