敏感肌 推薦好用產品

Tszki好用推薦： INNISFREE 綠茶神經醯胺保濕牛奶水 採用獨特的乳白色「牛奶」質地，針對乾燥與敏感肌膚設計。 綠茶神經醯胺 ，有助於強健肌膚的保濕屏障，抵禦外界刺激並減少水分流失。 含有 Super Green Tea™（美肌綠茶） 成分與 9種玻尿酸，，緩解內部乾燥。

Wuxx好用推薦：雖然我好鍾意試新嘢， 但每到冬天我一定會買返韓國品牌嘅護膚品， 因為佢哋嗰邊嘅氣候本身就比較乾燥， 所以我相信佢哋會更清楚點應對乾燥氣候， 係香港冬天嘅時候用佢哋嘅產品會更加適合。 一直都好鍾意韓國呢個品牌， 因為佢崇尚自然發酵嘅品牌理念好好， 特別係依枝肌底精華真係效果顯著， 名副其實肉眼看得見嘅改變。 雖然佢話係精華，但我覺得佢似非常高修護嘅化妝水， 夏天用完佢基本上可以直接搽cream， 但係冬天用佢係有種令後續護膚得到昇華嘅感覺， 有時冬天濕度高唔想用太厚重嘅化妝水我就會揀用佢。**顏色有少少似洗米水，味道好舒服

Cheung2好用推薦：****不能只有我知道**** Herbs oil呢支sos serum呢個秋冬真係拯救咗我⛑️ 早晚用都得，保濕力夠強💦 妝前用都得，唔會同底妝打交✅✅✅ 大推比同我一樣30+嘅乾肌朋友仔💯💯💯💯 持續愛用空瓶中…

Vvvv 好用推薦：月暈｜海洋深度滋養精華液是一款多功能精華。 集合補水、鎖水、儲水三效合一 • 質地細緻親膚，夏季使用清爽不粘膩 • 具有大中小玻尿酸高效保濕分子 質地柔滑滋潤，保濕力不錯，可以輕鬆在面部推開。 使用感舒適，不會造成敏感或泛紅。 使用後，肌膚水潤飽滿、美白透亮、富彈性， 而且可以修補肌膚屏障，同時穩定膚況，從根本滋養更能修護緊緻，使肌膚煥發無瑕水潤光。 月暈｜海洋深度滋養精華液定價於中價位，品質不錯，物有所值，值得一試。

Lauren好用推薦：呢隻產品 我由佢出咗冇耐，已經開始不斷用佢 我本身係油性肌膚 好容易出暗瘡粉刺問題 塊面都會有少少嘅凹凸洞 其實用咗好多產品皮膚狀況都反覆會出現唔穩定嘅狀況 再加上香港天氣容易潮濕 我自己又比較容易出油 皮膚狀況會比較粗大 自從用咗呢一隻面霜之後 我覺得成個皮膚好似重生一樣 皮膚狀況好咗 冇咁容易出暗瘡 粉刺都減少咗好多 凹凸洞亦都有改善 最重要係佢嘅質地比較水潤 而家我出街，亦都會戴口罩 有時查好多精華面霜皮膚會好立次次 但係就算用完面霜，我再戴口罩出街 都唔會再有黐立立嘅情況 我有推介俾好多身邊嘅朋友用 用完都覺得好好再返叫我幫佢地買 所以真心推介 用過咁多隻體驗最好嘅一隻🫶🏻

Sandy好用推薦：Kose 面膜 每日瞓覺前都會敷 味道好清新好香 保濕補水 敷完之後皮膚啲乾紋好 明顯地消失咗🤩 功效好明顯 第二朝起身上粉底好貼面 價錢又平又抵用 我每個星期都要用兩三次 簡直係乾性皮膚呀急救星 100分無可挑剔

Bear好用推薦：日本旅行購買的Kate 1號半月粉餅～ 很。好。用。 身為化妝新手，以前只用過雪花秀的粉餅。 這個半白色半膚色的粉餅除了可以均勻沾上上臉以外，還可以沾取其中一個顏色作出仔細修改（例如眼睛下方想要再提亮一點）。 我最愛的地方是它顏色其實不是其他品牌使用的基本膚色，而是淡淡偏粉紅的色調。變成化妝後不單單遮暇，連臉色都健康紅潤了！

Vvvv 好用推薦：試過各類型的潔面產品，兩者很難兼得。 直到遇上這枝柔淨潔顏慕斯！ 潔面時揼出約1-2泵的份量， 綿密泡泡敷在臉上十分舒適，細膩綿密的泡沫，洗淨後的肌膚不乾澀，且帶有一絲滑嫩感 它的成分天然，蘊含鈣離子複合精華，能溫和潔淨肌膚。 不單只是乾肌，還適合任何性質的皮膚， 一年四季都適用！推薦👍🏻

mingjanet好用推薦：超級補水！ 我嗰日係去完做laser之後，返到屋企洗完面之後用嘅； 你哋都明白，做完laser特別乾燥，其實我只係用咗一次，皮膚已經立即維持平時狀態加水潤！重點係用完一啲都唔立！ 面膜紙好薄，成張紙都吸晒袋入邊嘅精華, 所以敷緊嘅時候，能夠吸收晒成包精華! 夜晚瞓覺瞓得特別好呢個係當然！因為大部份mask敷完之後夜晚都瞓得好舒服！ 不過起身用完呢隻hydrating mask 第二日照鏡！嚇親呀！ 除咗補水之外，成個樣超級緊致！收緊同埋提拉咗面部肌膚，所以望落去個樣好似童顏咁！ 呢包面膜有回購率嘅！ 

Sandy好用推薦：花王Curél 珂潤潤浸保濕親膚恆潤面膜 好貼面同埋佢有立體設計👍 要讚佢😄面兩邊有一片少少的長方形，可以撕出面膜， 撕下貼在沒有覆蓋地方👍👍 全部覆蓋住滿滿嘅精華， 味道清新，感覺非常良好舒服 出事原因： 假期去海灘吹吹風🚣‍♀️ 海吹風塊面好乾皮膚， 乾燥皮膚急救，回家立即卸妝， 諗起cosme送一張面膜， 敷面20 分鐘 敷完之後好舒服，皮膚紅紅地位置巳經即刻消失 面膜設計真係一流， 我連條頸呀都可以覆佢到一少少 設計非常之有心機❤️ 所有sister真係要夏天做好防曬 冇做足防曬塊面呢真係曬傷

mandy好用推薦：Su:m37° Secret Essence Fundamental Treatment 奇蹟活酵肌密注氧精華 $520/ 80ml 功效: 改善保濕、彈力、光彩、膚色、肌膚紋理 及 抗氧化 不知不覺奇蹟活酵肌密注氧精華已昇級到第3代， 我是由第1代用到第3代的資深用家， 也不知道已用過多少瓶了。 第3代奇蹟活酵肌密注氧精華的質地比起前兩代 更水潤輕盈清爽，非常水感流動性高，易於均勻推開， 而且被肌膚快速吸收，沒有前兩代的微黏笠感。 保濕力很不錯，使用感清爽舒適，不帶明顯香味， 不會對肌膚造成刺激或敏感不適，適合不同膚質使用。 用過都知奇蹟活酵肌密注氧精華是韓國版的神仙水， 同樣添加了很多發酵成分，是具多功能的皇牌護膚品。 使用後，肌膚水潤透亮、飽滿，帶自然光澤及透明感， 富彈性，觸感特別嫩滑，而且膚況變得更穩定， 減少了肌膚過敏的情況。 奇蹟活酵肌密注氧精華添加了眾多優質護膚成分， 包括保濕、抗衰老、抗氧化、鎮靜消炎 及 美白等不同成分。 如果想嘗試Su:m37°的Signature護膚品， 一定是奇蹟活酵肌密注氧精華、女神精華及美白泡泡面膜， 特別是奇蹟活酵肌密注氧精華，用過

Cheung2好用推薦：幾年前第一次用Su:m37呢支精華水係人生中皮膚最差嘅時候，成面都係暗粒暗瘡😞絕望之際，試用咗呢支精華，保濕得嚟又唔lup，竟然拯救咗當時爛面嘅我🥹🥹🥹 之後雖然有試用其他護膚品，但呢支精華水一定隨時ready喺屋企✨ 而家冬天乾燥天氣，有時會起咗一撻濕疹，我一定會用佢嚟急救🆘 用濃稠啲嘅保濕精華打底後，再用呢啲精華水濕5-10分鐘，之後再搽cream，第二朝啲濕疹就會退咗一半以上👍🏻👍🏻大推敏感肌嘅朋友仔！

Kitty 好用推薦：做各大品牌會員嘅着數就係一出新產品就可以即刻收到試用裝！見到sms話今次會員可以試到最新款貴價精華，即刻衝去counter攞。 今次Fresh升級左古源精華露，最近連續用咗幾晚，只係夜晚用，已經覺得皮膚有質嘅改變，一粒凸起嘅月事痘，用咗一晚之後佢消失咗。天啊，第二日皮膚整體感覺好嫩好彈，仲有提亮效果，而且我夜晚只係用咗精華露冇加其他精華（呢度精華露係用到面部飽和狀態，即係用量多少少）。我願稱佢為fresh年度新品之神哈哈哈！ 講吓成分啦，其實大家都可以上網查到： 1. 白池花籽油（滋養淡紋細嫩肌膚） 2. 亞麻薺籽油（增強皮膚彈性同屏障滲透力） 3. 白松露提取物（輪廓上揚） 4. 歐洲白蠟樹提取物（修護淡紋，細嫩肌膚，強化屏障，我粒痘應該係靠呢樣消退咗） 另外呢支精華露嘅科技係-專利微囊技術，分子細到可以滲透肌底20層，唔含酒精乳化劑，無矽油，依然秉承古源系列嘅完美水油比例，膚感真係相當舒適，水感質地，油嘅滋養，精華功效，話一觸即融都唔誇張。一瓶搞掂所有護膚步驟，效果仲要咁堅！！有興趣的話一定要去專櫃感受吓，真心推薦~ #火熱新品

Emily Leung好用推薦： #火熱新品🔥 乾敏肌有救喇！呢件新嘢真係冇得搵平替！ 要知道我哋打工仔成日喺冷氣房屈到實，我塊乾敏皮長期喺呢個環境下面頰又紅又乾，轉季入秋仲大鑊，塊面狀態浮浮沉沉，輕輕一掂就刺痛敏感。 最近發現fresh新出嘅「古源煥膚精華露」！試完真心覺得係我哋乾敏皮嘅續命靈藥！ 支精華露係水油質地，同時補水補油，但個滋潤同清爽度平衡得啱啱好。滴喺手背係輕盈嘅羊絨觸感，唔需要乳化，一推就化水，比水潤比油清爽，吸收得快到驚人，輕拍兩三下就食曬入皮膚。 感覺每個毛孔都飲飽水，但塊面完全冇油膩感。用緊陣陣洋甘菊清香飄過，護膚即刻變SPA級享受～成塊面好似識得呼吸咁，摸落去彈彈潤潤！ 用咗一排發現皮膚變化真係肉眼睇到：之前塊面動不動就紅敏，而家穩定咗好多，冷氣房屈成日都唔會乾到繃緊，摸落依然軟軟嫩嫩。兩頰泛紅基本上冇再發作，連輪廓線都有微微向上托感覺！成塊面有種脹卜卜嘅緊實感，成個人睇落精神曬！

karun好用推薦：偶爾接觸到的一個台灣品牌，第一次傻更更當洗頭水用效果不大，之後頭髮乾時直接滴落去頭皮乾搓就會自己起好多泡泡，不停頭皮按壓後加水沖洗， 就會發現頭皮即時變得清爽，好似識得呼吸咁， 頭髮越多較為健康，甩得少咗， 最重要係每次去完燒烤店或火鍋店等，返到屋企都唔怕成個頭都係嘢食味，用呢一支頭皮淨化液，就可以有效清除頭皮異味，為頭皮帶來清新的氣味，大大推薦！

綺羅香好用推薦：上次去電髮，髮型師話我頭皮油到好似兩日無洗頭，令我非常震驚😱，明明日日都洗，頭皮點解會咁油，佢建議我加多嗰深層清潔步驟，以便之後電髮，電完返到屋企，我即時search 頭皮深層清潔產品，碌到有sis介紹話Aromsa淨化液好好，就訂咗兩支 睇說明話有兩種用法，一種每次洗頭就倒少少，另一種隔幾日就一次過倒哂一格嚟洗頭，我就用後者方法，倒落嗰頭皮度唔駛點加水，會自己起好多泡，好清涼，沖完頭皮好清爽，摸落去無殘留，感覺好乾淨，希望下次去salon 時髮型唔會再話我嗰頭好污糟😅

Fng好用推薦：Cle de Peau Beauté 高效立體充盈面霜｜ 貴婦級「寒冬輪廓再生術」❄️ ✨質地與科技解密 乳霜質地如絲絨融化，金緻膠囊技術遇膚溫即釋放抗老成分！最驚艷係3D支撐網絡，用後下顎線即時有種「向上收緊」的微妙拉力，蘋果肌視覺飽滿咗～ ✨混合肌分區實測 ✅ T區：珍珠粒大小就夠，唔會加重油光 ✅ 兩頰：配合提拉手法令凹陷位即時膨脹 ✅ 頸部：順帶塗抹預防頸紋（畢竟太貴唔捨得浪費） ✨成分金字塔頂端 ▸ 珍稀珍珠萃取：激活細胞自生透明質酸 ▸ 日本洋繡球精華：重建肌膚立體結構 ▸ CPB獨家亮肌複合物：透出鑽石光澤 ✨寒冬實測：保濕vs抗老雙重考驗 乳霜質地如暖融奶油，遇上香港乾冷寒風依然保持強大鎖水力！✅ 機艙級保濕：開暖氣過夜後，兩頰無緊繃倒乾，T區無反常出油～✅ 抗凍柔韌度：皮膚在低溫下仍保持彈潤，無冬季常見的甩皮繃緊現象！ ✨同價位寒冬擂台 VS La Mer經典乳霜：La Mer修護乾燥更強，但輪廓提升與光澤感仍遜一籌 VS Sisley抗皺修活霜：Sisley質地更厚實，但吸收速度不及CPB，寒冬易留黏膩感 VS Valmont再生緊緻霜：兩者抗老力接近，但C

Viannie好用推薦：可跟據皮膚狀態用適合的號數，分8種配方，對於我黎講7號好啱冬天同夏天開冷氣嘅日子用，有跟BA教用化妝棉上，搽上去覺得有水分滲入皮膚，吸收後皮膚柔軟感覺好舒服，會回購！

T.C好用推薦：超喜愛的一款乳液,，第八代時我已經有使用，可以根據自己皮膚狀況，去選擇合適自己的型號乳液。我選的是7號， 它的質感很清爽不油膩，很容易推開，塗在臉上很快被吸收，很保濕，摸下去覺得面頰很柔軟，美白暫時未見效，等待用一排再看看。

natanatalie好用推薦：夏天用 Curel 極護水精華，對油肌嚟講真係有種「意外地啱用」嘅感覺。第一次泵出嚟，質地係水潤得嚟帶少少滑感，推開好快就吸收，唔會留低厚重膜感。喺炎熱天氣底下，呢種清爽感令我覺得皮膚好似即刻飲咗水，但又冇油笠笠嘅負擔。 用咗幾日之後，我留意到膚況穩定咗。平時夏天最煩就係 T-zone 出油快，兩頰又乾，成個面好唔平衡。但呢支精華好似幫我調節咗水油，額頭同鼻翼冇再咁快泛油，妝容可以企得耐啲；兩邊面頰就保持住水潤，唔會因為冷氣房而繃緊。成個人望落去係清爽嘅光澤，而唔係油光。 仲有一樣我幾欣賞嘅係佢無香料，夏天用護膚品最怕就係香精同黏膩感，會令我覺得更加焗。呢支精華幾乎無味，搽上面好舒服，唔會同防曬或者其他護膚品打架。朝早用完再上防曬，妝感都好貼服，唔會浮粉。 總結嚟講，Curel 極護水精華係夏天油肌嘅一個好選擇。佢將保濕同清爽平衡得好自然，既有足夠滋潤力，又唔會令皮膚負擔。對我嚟講，佢係夏天護膚 routine 入面一個穩定膚況嘅秘密武器。 #火熱新品

Kathy Wai好用推薦：🌿 Innisfree 蘆薈能量面膜 冬季真實使用心得 ❄️ 轉季急救必備！ 香港冬天溫差大，皮膚時乾時痕，上星期鼻翼同面頰突然泛紅敏感，即刻摷返呢款蘆薈面膜出嚟急救！ 鎮靜保濕一敷見效 打開係滿滿嘅蘆薈精華液，質地清爽唔黏笠。面膜紙剪裁夠貼面，敷上臉一陣就有種「降溫感」。試過喺暖氣房焗完面紅紅哋敷15分鐘： ✔️ 即時鎮靜泛紅部位 ✔️ 補水力足夠但唔膩，適合怕黏笠嘅人 ✔️ 敷完皮膚觸感明顯柔軟咗 冬季護膚程序點夾？ 我通常會咁用： 1. 冬天夜晚沖完涼，毛孔打開時敷 2. 敷完將剩餘精華按摩吸收，直接上面霜鎖水 3. 每星期1-2次，作為保濕滋潤加強步驟 同其他季節嘅分別 夏天用覺得純粹補濕，但冬季皮膚不穩定時，佢嘅蘆薈成分真正發揮到鎮靜+補水雙重效果。特別係突然轉凍嗰幾日，敷完即時解決繃緊感！ 性價比小評 ✨ 保濕力：7.5/10（日常維持夠用，極乾肌可能要疊加護膚油） ✨ 溫和度：9/10（敏感期用都冇刺痛） ✨ 便利度：8/10（開袋即敷，5分鐘快速補水） 總結 如果唔追求功能性抗老美白，純粹想搵一款冬季日常保濕、成分溫和嘅面膜，呢款蘆薈能量面膜係穩陣之選。一盒

brenda好用推薦：超好用，配合埋該品牌的手勢，基礎4點全用3天倒已明顯見到毛孔細左，有暗瘡都感覺快謝左，這支cream20 仲可以用係眼角，唇角容易起細紋的地，長期用真的細紋淡了，價錢係貴左d但物有所值

Angie好用推薦：去韓國旅行嘅時候，見到貨架上有Growus嘅洗頭水，一眼已經比充滿少女心嘅包裝吸引❤️ 本身有用開同一個牌子嘅護髮噴霧，所以對呢個牌子都有信心，唔理行李重量買咗枝試吓🤭 Growus 嘅出品果然冇令我失望，我差唔多每日都會夾頭髮，所以一支好用嘅洗頭水十分重要！Growus珍珠修護洗髮露做到保濕效果，同時唔會令頭髮因為過度滋潤而難做造型👍🏻 洗完頭第二日把頭髮都明顯keep住柔順，set頭都唔會容易扁塌，表現100分 💯💯💯 最近見香港門市都買到Growus嘅產品，終於唔使網購/去旅行托返香港，好開心🤭🤭🤭

thk好用推薦：每個女仔都貪靚 係梳化服各方面都會想打扮得靚啲🧏🏻‍♀️ 而我為咗令到髮型可以好睇啲 就成日又染又夾頭💆🏻‍♀️ 搞到髮質傷晒 仲令到把頭髮又旱又難梳🪮 其實頭皮同面部皮膚一樣 必須揀岩自己用既護髮產品🤔 ➷ ✨GROWUS是為了保護大海的生態界而努力的護理頭髮品牌，為頭皮準備的天然原料和專業技術為基礎，根據頭皮狀況尋找改善方案，並提供解決方案的藥妝護理品牌✨ § 🧸對粉紅色真係好難抗拒🩷 就係因為佢既包裝 就吸引咗我去留意😍   🪐 GROWUS珍珠修護洗髮露 ▸ 無矽 ▸ 適合極受損或漂染髮絲使用 ▸ 添加5種蛋白質及7種膠原蛋白，雙重修護更有效 ▸ 加入海洋珍珠複合物 有助維持髮絲水份   由於我頭皮比較敏感 而且髮質特別乾旱 所以有時洗完頭都仲會有頭皮屑😩用埋護髮素都係開叉🙁 估唔到用完GROWUS依枝洗髮露 髮絲回復水潤柔順 仲帶有光澤感🤩梳頭終於唔再打結🪢 直頭唔駛用護髮素已經可以有咁好既效果👍🏼 佢保濕既功能仲改善咗頭皮屑既情況 頭髮都甩少啲😍 最鍾意就係佢既香味持久 可以維持到第二日起身都仲聞到😶‍🌫️ 真係連香水都可以慳返🤪   係屋企都可以享受到頭髮SPA既護理體驗

Maggie好用推薦：呢支 Cetaphil 舒特膚長效潤澤霜簡直係敏感肌救星！質地非常溫和，搽上去完全無刺激感，好舒服。雖然係霜狀，但出奇地易推開，仲好快吸收，搽完塊面好滋潤又唔會黐立立。最重要係佢 550g 超大罐裝，用落非常抵，CP 值極高！絕對係屋企必備嘅保濕好物，強烈推介俾有乾燥敏感問題嘅朋友。

Paris merci 好用推薦：依款Cetaphil潤膚膏真的是家中必備！ 佢嘅質地相對較厚，抹開會感覺到一層滋潤既保護膜，非常安心。而且成份不含香料、酒精和，使用唔會擔心成分問題！即使濕疹問題、皮膚紅、癢時候中，也不會覺得刺痛，反而可以迅速舒緩干燥。 雖然夏天用嘅時候會有啲黏，但在乾燥嘅冬天，效果非常好。用完之後皮膚變得柔軟，保濕效果真係維持得唔錯！身體面部都用得，我會自己入落個細罐，出街洗手後會覺得手乾，直接用佢當手霜用，保持手部皮膚滋潤。 推薦比濕疹或者皮膚較乾燥嘅人！呢個牌子小朋友都用得。手上呢款係550g大罐潤膚膏，藥妝店買大概$1xx，超級抵用💕