CeraVe

長效保濕修復乳

不嬲都知道CeraVe是一個抗敏的醫學牌子，之前都有機會試過佢哋嘅修復乳和洗面乳，印象幾唔錯。今次用佢地嘅修復乳和修復霜，效果一如以往地可靠👍🏼而且價格相宜、每日搽都唔肉痛😳 ✔️質地：💧💧（5💧滿分是水狀超清爽無感，1💧是濃稠膏狀）修復乳非常輕薄，稍為流質，很容易在面上抹開，輕爽得黎夠滋潤。（下圖左邊修復乳、右邊修復霜） ✔️用法：搽完基本護膚（爽膚水，精華）再搽乳液，將所有護膚品鎖起👌🏼乳液很快便吸收、而且不會黏立泛油，是一個很自然的滋潤光澤感。$135容量有成235ml 好抵，特別係不喜歡太潤的人其實搽身都得！ ✔️包裝：扁平瓶裝方便使用和置物，泵頭有附上鎖扣、可以方便旅行攜帶 ✔️成分&功效：好鍾意佢清爽得黎又好潤，搽落去好快吸收，皮膚會變得柔軟而且舒緩任何敏感/乾燥感。早上我上妝前會搽，不會泛油又達到長效滋潤，到晚上也不會乾🌙。個人覺得佢有少少滑，滑得黎又唔似silicone感覺都唔錯。

🌟Cerave🌟 Moisturising Lotion💧 🔽使用資訊🔽 🗓️使用時間：持續使用10天 💆🏻‍♀️個人皮膚狀況： 混合乾性肌膚 皮膚易乾而痕癢和有細紋 秋冬乾燥手腳會有乾敏情況出現 使用產品後沒有任何過敏反應 🔽使用心得如下🔽 1️⃣ Gel狀質地 Gel狀質地，同Cream個質地好唔同，輕鬆推開順便可以按摩手腳👍🏻 2️⃣ 無氣味、低敏保濕 隻lotion完全冇味，查上去一啲都唔黏笠，比cream更快吸收，平時沖完涼搽落手手腳腳都好方便，但佢嘅保濕功效唔係非常Long Lasting，大約早晚用一次，當係日常保濕已經好夠用 3️⃣ 包裝方便有Lock 膠瓶包裝，細細支方便攜帶～瓶嘴可以左右扭，唔用嘅時候可以鎖實🌟 🙌總結評分🙌 產品質地：♥️♥️♥️♥️🤍 保濕功效：♥️♥️♥️♥️🤍 吸收速度：♥️♥️♥️♥️🤍 包裝方便：️♥️♥️♥️♥️♥️ 推薦程度：♥️♥️♥️♥️🤍

今次好開心收到CeraVe嘅試用活動，最近天氣乾燥，最主要都係用修復乳嚟搽手，修復乳較修復霜的質地更水潤、易推，比較適合來搽手。本身因工作需求要洗手，所以手部都比較乾容易有泛紅嘅問題。而我不太喜歡潤手霜的質感，因此我特別喜歡這個產品，因它質感比較水潤，不會有黐粒粒的感覺，比較適合搽手。用後有保濕效果，亦沒有敏感問題。 （左邊是修復乳） （使用前） （使用後） 整體都十分喜歡這產品的質感。

呢個lotion係cosme試用邀請抽中，同長效保濕修復霜一齊試用嘅～感謝抽中✨🫶🏻 用咗呢個產品一個禮拜以上，我覺得佢好適合日常嘅身體保養，無味、水潤、清爽，十分適合一家大細使用！我媽咪好怕香味濃嘅產品，話聞到頭痛，所以呢個無味又安全嘅lotion就十分適合佢啦😆睇相都知呢支lotion好水潤😎 泵裝，易用又衞生。推開之後輕輕拍開就可以加快吸收，好快已經feel到好水好舒服，摸落肌膚都好柔軟，唔黏膩！😍 個人覺得呢個產品適合身體嘅日常保養，一年四季都啱。就算擺喺office用嚟當hand cream都唔會嫌佢油過頭，推薄之後拍幾拍吸收哂就可以掂keyboard同mouse，唔會油笠笠！最重要係無香味，用得安心～ 而相比起佢嘅保濕霜，呢個lotion用喺我臉上冇咁有效果，因為我塊面實在太乾，所以對我塊面嚟講唔夠力。而我暫時只係用咗一個星期左右，不過佢無論用喺身體或臉上都唔會敏感，所以都推薦大家試吓！

感謝抽中我使用產品，喺今次試用之前，我未用過呢個品牌嘅產品，不過又聽朋友講佢亢奮效果非常唔錯，今次試用完都10分認同，而且係高性價比之選！ 今個冬天，皮膚變得異常敏感，不時會出現泛紅、敏感粒粒發作，一收到呢個產品，一泵出嚟，見到係白色膏狀，都會擔心會否太黏立。 試用之後，冇諗到皮膚相當快吸收，原來產品質感非常輕薄！ 我最敏感嘅部位係面部，加上經常要化妝，紅腫會好影響化妝效果，當前一日敏感發作，當晚我將產品敷喺敏感位置，第二日起身，明顯見到紅腫已經消退，雖然敏感粒粒仍然輕微凸起，但至少痕癢感減少，唔使拗到皮膚損傷！ 而且佢保濕力度亦都適合冬天使用，用完足以令皮膚保濕至少半日，唔需要擔心保濕效果好快消退 由於屋企人都有敏感皮膚問題，所以我將產品同佢哋分享，就連平時唔鍾意護膚嘅父母都覺得產品吸收力強，而且能夠幫佢哋舒緩敏感皮膚，尤其係濕疹位置 百幾蚊就有咁樣嘅效果，個人認為呢個牌子比坊間其他抗敏品牌性價比更高，由皮膚問題嘅朋友，不妨考慮！

好多謝 @cosme 俾機會我試用CeraVe長效滋潤修復霜同埋長效保濕修復乳~呢篇文章主要討論長效滋潤修復乳，如果大家有興趣了解埋長效保濕修復霜，可以去該產品page睇埋架～～其實我一直對CeraVe產品好有信心～之前試用完CeraVe眼霜同防曬之後都無敏感 所以有回購，今次呢兩隻產品我第一次使用，首先，最最最最重要ge嘢係我用完完全無敏感無生粒粒，跟住落黎我會討論產品質地、舒適度、保濕效果、改善泛紅效果～呢隻產品我主要用喺手腳上 質地： 比起修復霜，此修復乳無咁杰，亦比較乾爽 舒適度：我覺得喺冬天使用能夠即時止痕，但唔會漿住皮膚 保濕度：我用過夜，發現第二朝皮膚都係有水分，唔會覺得好乾燥，有明顯改善 改善泛紅效果： 我可以俾大家睇我使用前後分別；使用前我皮膚明顯痕到要r加埋甩皮，但使用後我ge皮膚係有明顯改善，無咁紅，當然唔係仙丹即刻無曬紅，但起碼用完係濕潤 Before: After

好開心今次抽中咗@cosme嘅CeraVe試用邀請❤️ 我自己本身已經係好鍾意CeraVe嘅產品，但一路用開嘅都係佢嘅洗臉產品同紫色嗰款skin renewing night cream，一路想試深藍色嘅lotion同cream，但又唔係好識分，所以揀唔到，咁岩今次就可以試下！ 首先喺質地上，呢款moisturising lotion比起cream 嚟講，佢係比較稀身嘅，好明顯可以見到係水份比較高、有少少流質嘅。雖然流質d滋潤度就都知道到低少少，但因為我自己比較怕搽完野痴笠笠嘅感覺，所以我係比較鍾意呢種質地多d嘅。而lotion實際用落都真係好易推開、易吸收，冇黏笠感。 滋潤度嚟講，呢款moisturising lotion，適合係中性肌膚/極度怕搽完野會笠嘅人日常用，自己通常會係日間搽，因為有時例如手指甲邊乾燥，搽完之後有滋潤度之餘完全唔笠，唔會影響我隻手繼續掂其他野。同埋本身佢包裝嘅係唧嘴，日常使用上都比較方便。 所以總括嚟講，CeraVe嘅產品冇令我失望，兩款產品嘅滋潤度同吸收速度都好好。 我自己覺得lotion同cream都各自有佢優勝嘅地方： ⭐️Lotion係偏向追求

感謝@cosme抽中，有機會試用CeraVe 長效保濕修復乳 最近天氣轉涼令手腳皮膚乾燥加臉上有輕微過敏泛紅，就開始在面和身體上試用CeraVe 長效保濕修復乳，Lotion屬於輕盈的乳液質地，推開吸收速度很快，膚感清爽不黏笠，不會給肌膚帶來負擔，用完第二朝早上肌膚提依然保持水潤感，泛紅情況亦有明顯減淡，增強肌膚的抵抗力，幫助修復受損的肌膚屏障，同時減少因缺水引起的細紋和乾紋，使皮膚變得更加平滑細緻。臉上和身體都可以用，非常適合任何膚質，尤其敏感肌，可作四季日常護膚使用。

多謝 @cosme 抽中試用！ CeraVe產品一直對敏感肌膚嘅人好有用、濕疹或者乾性肌膚嘅人亦都啱用。今次呢隻CeraVe 長效保濕修復乳主打持續為肌膚保濕、修護皮膚天然屏障。 咁啱呢期冬天、天氣又乾燥，自己啲皮膚乾到有啲甩皮、痛同「爆坼」，呢隻修復乳就嚟得合時！Lotion嘅質地比起cream輕盈，冇咁黏膩同埋吸收得再快啲。 同修復霜一樣，修復乳都適合用於面部及身體嘅乾性肌膚，個人覺得比起用cream，用lotion去搽手腳比較舒服，因為冇咁黏笠，就唔會覺得全身「黐笠笠」。 呢款修復乳係支裝，用嘅時候就好似沐浴露咁樣撳出嚟，都好方便，同埋唔需要擔心衛生問題。

感謝@cosme 抽中了我試用CeraVe～ 不過其實我本來就在用這一支產品了，終於可以就這個機會下定決心分享一下使用感覺(´▽｀) 圖中大支是我自購的，細支是@cosme 的試用品。 皮膚狀況： 首先，本人面部是混合性偏乾，全身皮膚為偏乾。手腳皮膚乾的程度，是在夏季的時候，每天都要使用body lotion。另外，我的面部及腿部都有做激光脫毛，會令皮膚間歇性更乾燥。 試用產品的原因： 在2024年初時，因為面部和腿部都很乾，而且做完激光不久，令到皮膚更易敏感。 就算用平時冬季用的body lotion，經常在6-8小時後，就會皮膚痕癢，在街外/上班/睡覺時都會忍不住R癢，尷尬到極點/睡眠質素欠佳⋯當時面部連化妝品都不能用，因為皮膚太乾⋯ 就算用綠色C牌、A牌、Q牌，一係太笠痴痴，睡覺時太焗，或只是將8小時延長到10小時，未能完全令人滿意⋯ 後來，一個有濕疹的同事介紹我使用這產品～ 我只購買了這一支，因為它可以「面部」及「身體」同時使用！正合我這種情況！ （我在夏季和冬季有不同的body lotion） 使用感覺： 很好！很滿意！ 首先，本人面部不能使用有酒精的產品，這一支沒有酒精

皮膚情況：面&身體：混合性偏乾 使用感受： 試用左依款CeraVe長效保濕修復乳 ~2個禮拜。 佢個質地係水潤嘅cream咁。搽上面/身都好快吸收。吸收完之後皮膚都好清爽，唔會黐立立。我分別試過用喺面同身體。秋冬天比較乾燥的話，用上面就會覺得保濕力有少少不足。第二朝起身面部無乜水潤嘅感覺。 但用喺身體就覺得唔錯。我覺得幾適合用於秋冬天日常嘅身體保養。沖完涼之後輕輕搽一層保水，可以避免皮膚乾燥。依2個禮拜都keep住用，覺得皮膚比之前保濕左同soft左。朝早起身皮膚都唔會繃緊。 而且包裝係泵裝，感覺幾衛生乾淨～ overall好推薦秋冬乾燥天氣下使用。 使用後覺得水潤左同有降紅。

今次係試用CeraVe 嘅長效保濕修復乳(o'ω'o) 無論搽面定身體都可以一樣產品搞掂哂，岩哂懶人！ ,₍^. .^₎,~  呢個牌子一直都聽過係皮膚科醫生推介，所以我就算做完微針射頻（facial）有微細傷口，皮膚會變得比較敏感我都好放心試用佢～ Lotion會比起同一牌子嘅cream相對易推開，普通使用都足夠滋潤·͜·♡ 佢官方都講明比較岩中性同乾性肌膚使用，所以夏天嘅時候混合肌就要留意番啦～ 夏天有機會對我黎講會太潤，但冬天上妝前用佢就絕對無問題，無出現太乾/太油、擦膠碎嘅情況～

我很幸運被cosme選中試用CeraVe Moisturising Lotion。質地非常水潤和順滑，容易塗抹在皮膚上。使用後感覺非常清爽而不黏膩。塗抹時皮膚感覺涼爽。與CeraVe Moisturising Cream相比，我比較喜歡這種質地。在乾燥天氣下使用，肌膚感覺舒適而不緊繃。我的皮膚感覺更加滋潤。對於敏感肌膚，使用後感到舒適。使用後，肌膚的保濕效果可以持續幾個小時。乳液可以被皮膚迅速吸收。使用後，我能感受皮膚變得更柔軟光滑。

多謝@cosme 抽中咗我試用CeraVe長效保濕修復乳 首先我認為呢個lotion質地輕盈得黎又做到持續保濕嘅效果 用完等1分鐘左右塊面完全都唔會感到黏笠 而且冇香精 平時沖完涼或者朝早洗完面我塊面通常都會好緊繃唔唔舒服 用過好多保濕產品都做唔到長效保濕嘅效果 久而久之不斷試 造成膚色唔均勻 有時亦都會敏感泛紅 皮膚屏障越嚟越差 而呢款CeraVe既lotion正正解決晒我以上嘅問題 我用係面上只不過10日左右 就好似幫皮膚打咗水光針咁 塊面冇咁黃/乾/緊 反而紅潤咗 整體嚟講好滿意！已經推介咗俾幾位朋友👍🏼 希望CeraVe可以推出一啲有助毛孔修復嘅產品！

好多謝cosme 送出試用產品！ 係轉季既時候 拯救咗敏感泛紅既皮膚 除左塊面會敏感，連身體都出現左啲好似雞皮既粒粒。 又紅又痕。通常呢啲敏感嘅時候都唔敢亂用護膚品。 啱啱好呢一個系列 ，係低敏配方，無添加 Paraben 、香料、酒精 (乙醇) 。 而且呢個質地比較薄，容易吸收。 入面有Ceramides、透明質酸及Niacinamide (維他命B3)，可以保濕同修護肌膚屏障！ 滋潤度都足夠。完全唔會有黏笠，但係可以舒緩到繃緊嘅皮膚。降敏嘅效果亦都好明顯。 喺日間嘅時候就比較鍾意用呢支乳液，因為唔會太厚而黐住件衫，或者黏住塊面。