Cetaphil 舒特膚

倍加護醫學濕疹配方潔膚露

Cetaphil 舒特膚 倍加護醫學濕疹配方潔膚露 — 洗後滋潤，乾肌用落幾舒服✨ 無香味，適合唔鍾意香氣嘅人 呢款潔膚露冇香味，對我嚟講感覺簡單舒服。 產品主打為極乾、痕癢、敏感及有濕疹傾向嘅肌膚而設，今次主要留意佢洗後嘅滋潤感。 起泡能力正常，洗嘅時候有滋潤感 起泡表現正常，唔算特別多泡， 但清洗時會感覺到有一定滋潤度， 唔係一味追求洗到乾澀嘅感覺。 皮膚實測: 我本身手部皮膚比較乾，特別係拇指附近會見到乾紋，有時候太乾嘅話甚至會有痕癢嘅情況， 用完依支洗手之後覺得雙手潤咗， 洗後嘅觸感舒服，同時間乾紋都會變得冇咁明顯🤩總結：重視洗後滋潤感嘅潔膚露😎 整體嚟講，呢款潔膚露最令我有感嘅係洗完冇咁乾，雙手摸落更柔潤。 以我本身偏乾嘅皮膚嚟講，使用感幾唔錯， 相信秋冬季節使用一定會令到身體皮膚更加滋潤😎 #火熱新品

好幸運收到@Cosme送出Cetaphil 舒特膚倍加護醫學濕疹配方潔膚露 試用。 肌膚困擾 & 生活習慣 我本身係濕疹底，尤其轉季同埋長時間喺冷氣房返工，手腳同頸嘅皮膚好容易乾燥、泛紅，有時夜晚仲會痕到瞓唔着。壓力大嘅時候濕疹會翻發得特別厲害，試過唔少潔膚產品，有啲洗完會繃緊，有啲就洗完仲痕，所以一直都想搵到一款溫和又保濕嘅潔膚露。 質地及膚感 呢款潔膚露質地係偏乳液狀，推開好柔潤，加水之後泡沫唔算超級豐盈，但勝在細緻柔滑，唔會似一般起泡潔膚產品咁「扯乾」皮膚。搽上身感覺好溫和，完全冇刺激感，沖水之後皮膚表面好似有一層薄薄嘅保護膜咁，好舒服。 潔淨保濕力 洗完成身感覺清爽乾淨，但完全冇繃緊拉扯嘅感覺，呢點真係好難得。平時用開嘅潔膚露洗完一定要即刻搽潤膚霜，唔係就會痕，但用呢款之後，就算隔幾分鐘先搽都仲覺得皮膚有水潤感，保濕力明顯提升。 長效修護效果 用後最明顯嘅係夜晚痕癢嘅情況減少咗好多，泛紅同乾紋都有改善。之前手肘內側同頸嘅濕疹位置成日翻發，而家用完之後皮膚穩定咗，冇咁容易敏感。雖然唔會即刻「醫好」濕疹，但作為日常清潔嚟講，佢真係幫到手減少刺激同埋守住皮膚屏障。

溫和得嚟洗得乾淨，乾肌、濕疹肌用落好舒服！ 我本身有濕疹，身上亦有局部乾燥位置。好多沐浴露唔係洗完太乾，就係覺得清潔力唔夠，呢支對我嚟講啱啱好！ Creamy 質地：似乳霜，喺濕皮膚上搓開會有少量泡沫，唔係好多泡嗰種。 溫和唔刺激：我用落冇刺激感，洗完唔乾、唔繃緊，皮膚感覺舒服。 清潔力啱啱好：有洗乾淨嘅感覺，同時唔會洗走晒皮膚嘅滋潤感。 無香味：冇香氣，簡單舒服，呢點好加分。 囡囡讀幼稚園時曾經有過兩次金黃葡萄球菌感染，所以我特別重視日常皮膚清潔。要搵一支夠溫和、又洗得乾淨嘅沐浴露真係唔容易，呢支喺溫和同清潔力之間嘅平衡令我好滿意。 亦欣賞包裝上有寫明生產日期期及使用期限，令消費者更加安心。 唯一想改善：如果有泵頭，沖涼時會更方便！

感謝@Cosme邀請試用Cetaphil 舒特膚倍加護醫學濕疹配方潔膚露！ 我呢排啲皮膚真係好唔聽話，尤其轉季嗰陣，手臂同大髀外側乾到起晒皮，沖完涼仲會痕到忍唔住抓，搞到有撻地方紅晒一笪笪，好似濕疹咁。加上成日留喺冷氣房做嘢，壓力大又夜瞓，皮膚屏障好似愈嚟愈弱，普通沐浴露洗完會繃緊到拉扯住咁，好唔舒服。 質地及膚感 唧出嚟係透明 gel 狀，唔算好起泡，但加水捽開都有層薄薄嘅泡沫，好柔潤，唔似啲起泡劑好勁嘅沐浴露咁「假滑」。沖水嗰陣好易過水，唔會殘留一層嘢喺皮膚表面。 潔淨保濕力 洗完係清爽乾淨嘅，但又唔會乾巴巴。最明顯係抹乾身後，皮膚冇以前嗰種「拉扯感」，摸落去係軟熟嘅，唔使即刻撲出去搽潤膚霜都頂到一陣。對於我這種乾到痕嘅皮膚嚟講，呢點好加分。 長效修護效果 用咗幾次，最明顯係沖完涼之後嘅痕癢感減少咗好多，以前晚晚抓一輪先瞓得着，而家幾乎冇咗呢個問題。手臂外側啲紅印退咗七成，皮膚摸落去滑咗，冇咁「鞋」。雖然未至於完全斷尾，但整體穩定咗，冇咁容易因為沖涼而刺激到濕疹發作。 使用情境 我覺得呢支最啱轉季、冬天或者濕疹發作期用，尤其係成日出入冷氣房、皮膚容易乾嘅人。夏天如果

秋冬轉季手部肌膚容易變得乾燥開始痕癢，使用舒特夫新推出的濕疹配方潔膚露一段時間，洗完之後皮膚不會覺得有乾燥繃緊的感覺，而且加水後搓出來的泡沫細緻，非常溫和，不會敏感，用後感不錯 0香料，0類固醇，0藥性，推介給有敏感肌膚及濕疹問題的人使用！ #火熱新品