Cetaphil 舒特膚 好用推薦產品

Pinkberry好用推薦：感謝@cosme 邀請試用 Cetaphil 倍加護醫學濕疹配方潤膚霜。 我屬於敏感皮膚， 現在天氣忽冷忽熱，日間濕度只有50%， 晚上在冷氣房，皮膚特別敏感， 無緣無故地痕癢發紅 ， 實在令人困擾，試了不同潤膚霜，效果也不太有幫助。今次用了Cetaphil 濕疹配方潤膚霜， 喜歡她無香料，皮膚沒有負擔，不含藥性沒有類固醇，對敏感肌友好。 質地及膚感 乳霜質感，順滑易推，皮膚吸收後， 有柔軟滋潤感，沒有油膩黐立立，日夜用都合適。保濕效果 喜歡沖涼後使用，皮膚一整晚也有 ？滋潤保濕效果。 舒緩效果 有陣時冇緣無故敏感紅痕癢，搽完後，有舒緩作用。長效修護效果 連續使用一星期，皮膚膚質明顯改善， 整體穩定，也減少了晚上皮膚痕癢的發生。 使用情境 無論是夏天冷氣房或是冬天同轉季都適合，尤其喜歡配合Cetaphil 倍加護醫學濕疹配方潔膚露，沖涼後皮膚微濕時，在手臂，手肘，膝蓋，小腿塗上， 鎖水效果較明顯。產品比較 與其他開架同醫學品牌潤膚霜比較， 有一些太滋潤有點立，有一些太清爽毫無幫助。這個潤膚霜滋潤度恰到好處， 可以一試。

shuyanzoe1119好用推薦：身為一個長期受濕疹困擾嘅人，真係深深明白保濕對皮膚有幾重要！🥹 尤其最近正值轉季，天氣變化大，皮膚好容易變得乾燥、粗糙，有時仲會伴隨痕癢同泛紅，尤其係小腿、手肘同手臂位置，經常都需要特別加強保濕。以前試過唔少潤膚產品，有啲質地太厚重，搽完會覺得黏笠；有啲又好似唔夠滋潤，過一陣皮膚又再變乾，所以一直都想搵到一款適合濕疹肌日常使用嘅潤膚霜。 今次試用嘅係 **倍加護醫學濕疹配方潤膚霜**，295ml容量幾實用，適合放喺浴室或者梳妝位置，每日沖涼後都可以方便使用。作為濕疹肌，我特別重視潤膚產品嘅溫和度同保濕力，希望可以幫助肌膚維持滋潤，減少因乾燥而帶來嘅不適感。 我自己最重視嘅護膚步驟，就係沖涼後趁皮膚仲有少少水分時，盡快塗上潤膚霜，尤其係容易乾燥嘅小腿、手臂同關節位置，會特別仔細照顧。因為轉季期間皮膚狀態比較反覆，所以每日持續做好保濕真係不可缺少！🧴 相比起一般只著重滋潤感嘅身體乳液，呢款以醫學濕疹配方作定位嘅產品，令我更加留意日常肌膚屏障護理。對我嚟講，潤膚霜唔一定要香味濃郁或者有複雜嘅使用感，反而希望配方適合敏感肌，使用後皮膚感覺舒服，唔會增加額外負擔。 我亦好欣賞將潤膚護理融

Kmggigi好用推薦：Cetaphil 舒特膚 倍加護醫學濕疹配方潔膚露 — 洗後滋潤，乾肌用落幾舒服✨ 無香味，適合唔鍾意香氣嘅人 呢款潔膚露冇香味，對我嚟講感覺簡單舒服。 產品主打為極乾、痕癢、敏感及有濕疹傾向嘅肌膚而設，今次主要留意佢洗後嘅滋潤感。 起泡能力正常，洗嘅時候有滋潤感 起泡表現正常，唔算特別多泡， 但清洗時會感覺到有一定滋潤度， 唔係一味追求洗到乾澀嘅感覺。 皮膚實測: 我本身手部皮膚比較乾，特別係拇指附近會見到乾紋，有時候太乾嘅話甚至會有痕癢嘅情況， 用完依支洗手之後覺得雙手潤咗， 洗後嘅觸感舒服，同時間乾紋都會變得冇咁明顯🤩總結：重視洗後滋潤感嘅潔膚露😎 整體嚟講，呢款潔膚露最令我有感嘅係洗完冇咁乾，雙手摸落更柔潤。 以我本身偏乾嘅皮膚嚟講，使用感幾唔錯， 相信秋冬季節使用一定會令到身體皮膚更加滋潤😎 #火熱新品

missp好用推薦：好開心可以試用賦活塑顏精華卸淨水✨ 本身我係乾肌，成日對住電腦皮膚好容易乾燥，真係好需要溫和又保濕嘅卸妝產品🥰 第一次用已經好驚喜！ 質地超清爽完全唔黏笠💧 利用Micellar微米潔淨技術輕輕一抹 就徹底卸走晒日常污垢同頑固彩妝防曬 感覺好乾淨清新✨ 用完一d都唔繃緊，皮膚即時飲飽水 連續認真用咗7日，肌膚真係煥然一新💖 保濕力都好持久，成日處於冷氣環境都keep到個水潤 配方溫和低敏冇香料，用得超安心🌿 持續用落去仲發現膚質細緻咗 光澤感同彈性都提升咗 素顏望落更年輕健康✨，真心大推👍🏻！

popocarcar好用推薦：我濕疹皮膚，面間中會痕。間中都會用敏感皮膚護膚品，呢支卸妝水好幫到手 雖然價錢唔便宜。 #火熱新品

Maggie好用推薦：呢支 Cetaphil 舒特膚長效潤澤霜簡直係敏感肌救星！質地非常溫和，搽上去完全無刺激感，好舒服。雖然係霜狀，但出奇地易推開，仲好快吸收，搽完塊面好滋潤又唔會黐立立。最重要係佢 550g 超大罐裝，用落非常抵，CP 值極高！絕對係屋企必備嘅保濕好物，強烈推介俾有乾燥敏感問題嘅朋友。

Paris merci 好用推薦：依款Cetaphil潤膚膏真的是家中必備！ 佢嘅質地相對較厚，抹開會感覺到一層滋潤既保護膜，非常安心。而且成份不含香料、酒精和，使用唔會擔心成分問題！即使濕疹問題、皮膚紅、癢時候中，也不會覺得刺痛，反而可以迅速舒緩干燥。 雖然夏天用嘅時候會有啲黏，但在乾燥嘅冬天，效果非常好。用完之後皮膚變得柔軟，保濕效果真係維持得唔錯！身體面部都用得，我會自己入落個細罐，出街洗手後會覺得手乾，直接用佢當手霜用，保持手部皮膚滋潤。 推薦比濕疹或者皮膚較乾燥嘅人！呢個牌子小朋友都用得。手上呢款係550g大罐潤膚膏，藥妝店買大概$1xx，超級抵用💕

Also melon好用推薦：Cetaphil護膚產品都幾好用moisturiser lotion呢隻係乳液質地，質地水潤，但帶點油膩。功能只係單一保濕。 因為我係混合性皮膚，如果係冬天搽上面都會有少許油膩，反而搽身體就比較適合。如果係乾性皮膚或濕疹皮膚，用面部絕對冇問題。最重要冇香料味及酒精，唔會引起敏感。除咗用於身體之外，我會用頸部，幫助頸部保濕。

Tszki好用推薦：舒特膚潤膚膏 (Cetaphil Moisturizing Cream)   質地豐潤濃郁，但吸收迅速，不刺激、不油膩，也不會阻塞毛孔或引起粉刺。 它能有效對抗乾燥、舒緩泛紅和發癢，使肌膚柔軟光滑。許多人欣賞其無香料的特性和濃稠但不油膩的質地。採用獨有鎖水技術，經臨床測試證實能提供 24 小時甚至 48 小時的長效滋潤，有助於修護肌膚屏障。不含香料、酒精、羊脂及防腐劑 PARABEN，低敏配方，適合敏感肌膚、濕疹、異位性皮膚炎患者及嬰幼兒使用。

Fng好用推薦：Cetaphil 透亮抗敏舒緩晚霜用後感（春夏・熟齡混合偏乾肌） 🌙 因為成日出出入入冷氣地方，皮膚好易乾燥敏感，加上唔夠瞓塊面成日灰灰黃黃。呢排試咗Cetaphil呢樽專為敏感肌而設嘅晚霜（約HK$280 / 50g），用咗接近一個月： 🧴 質地與用感 · 豐盈順滑嘅乳霜質地：有啲用家覺得呢款晚霜比一般面霜厚身少少，但絕對唔會覺得油膩或者焗住，反而因為有足夠厚度，感覺更加滋潤。 · 輕薄易推快吸收：質地非常輕盈，上面好易推開，而且吸收得好快。用完之後，完全唔會黐頭髮或者有殘留感，第二朝起身塊面淨係覺得軟滑水潤。 · 無香料、不致敏：成分無添加香料，對氣味敏感或者好易敏感嘅皮膚嚟講，係一個非常友好嘅選擇。 ✨ 提亮透亮效果 · 均勻膚色減淡色斑：配方用上GentleBright Technology™，當中嘅2%菸鹼醯胺(Niacinamide)成份，係提亮膚色嘅皇牌。配合海百合萃取，可以滲透肌底，逐步減少黑色素，令膚色望落更均勻透亮，色斑同暗瘡印都好似淡化咗。 · 健康透亮光澤感：用後最明顯嘅感覺係，朝早起身塊面唔會再暗啞灰黃，而係由內而外散發一種健康嘅透亮光澤，睇落精神咗好

Jasmine L好用推薦：Cetaphil舒特膚透亮抗敏舒緩晚霜質地輕盈水潤，吸收快唔黏膩，含神經醯胺同舒緩成分，夜晚厚塗後朝早皮膚舒服咗，泛紅、刺痛同乾紋減少，肌膚透亮感提升少少。 保濕力穩陣但完全唔厚重，T字位冇悶油或粉刺問題，敏感冇任何刺激。適合轉季或敏感急救用，溫和實在易上手。

Kelvin好用推薦：早前試用了hydrating cleanser ，所以買了Cetaphil gentle skin cleanser，一樣都係牌子適用，添加了溫和成份，敏感皮膚啱用。 可以有兩種使用方法，第一 先弄濕面部，直接用潔膚露露在面上按摩，然後沖洗。 第二 乾手乾面使用潔膚露露在面上按摩，幫助乳化淡妝及防曬，最後已化妝棉抹走。 其實這支潔膚露，可以用來洗澡，一支可以多重使用，洗澡嘅時候可以直接洗面、洗身，大枝方便。因為是敏感肌適用的，所以洗面嘅時候感覺唔會太乾淨，對於卸妝卸防曬有保留。而且用後始終保留返一啲保濕感覺，小小洗完之後都有滑溜嘅狀態。夏天嚟講唔算太乾淨，純粹就方便洗澡時使用。

Verna好用推薦：幾年前，可能我的工作壓力大，又或者賀爾蒙問題，我的皮膚突然變得極度敏感和脆弱，我的下腮位出了很多細小的瘡瘡，我初時以為是暗瘡，不停用暗瘡膏、茶樹油去處理，但都沒有效果 後來我唯有還原基本步，用最溫和的潔面產品洗面，就是這品牌的潔膚露，它是半透明的潔膚露，就算搓也不會起泡，洗完面面上好像還有一些油脂，所以最初用的時候有點不習慣，總覺得用它洗面不夠乾淨，但用了一星期左右，那些瘡瘡開始受控制 所以之後每逢我的皮膚開始不穩定，我就會轉用這支潔膚露，它總可以令我的皮膚回復正常

Grace Yeung好用推薦：依家天氣雖然唔凍，但係皮膚好乾好痕，所以買黎使用，使用後感覺好補水！皮膚冇咁抿緊 

Noel好用推薦：美國藥妝店的贈品，小小一枝10g竟然足夠使用一個月 😂 份量很省呢！面霜有點爽身粉味，這個 BB味面霜晚上使用很舒緩啊！潤膚乳呈白色，質感柔滑，比較 soft，塗到面上係順滑，好好推💕 沒有油膩感，算幾 light 👍 我尤其喜歡用這個乳霜敷鼻子及兩側，比較易敏感或變紅的位置，都適合用這枝去舒緩一下。

LilyC好用推薦：質地好溫和，洗完面完全冇繃緊或者乾爭爭嘅感覺。雖然冇乜泡泡，但洗完皮膚好舒服，保濕度好高又唔會刺激，敏感時期或者朝早用佢最適合。

oy 好用推薦：轉季必用嘅Cetaphil溫和潔膚乳係經典之選😆質地係乳液狀 冇香料 清潔力好溫和 用完皮膚完全唔會乾燥緊繃 非常適合極度敏感、乾燥嘅肌膚日日用 不過正因為太溫和 我T字位容易出油 洗完有種洗唔乾淨嘅感覺

Tszki好用推薦：舒特膚潔膚露 (Cetaphil Gentle Skin Cleanser)  它的質地是乳霜狀的無泡配方，能溫和有效地去除污垢、油脂、雜質和彩妝，同時不會剝奪肌膚天然水分屏障。用後皮膚感覺乾淨、柔軟、舒緩。他們讚賞其無香料的特性，以及潔膚同時能維持肌膚水分平衡的功效。 不含皂、香料、Paraben 防腐劑和硫酸鹽。

Tobimak好用推薦：呢支舒特膚的潔膚乳用途好廣，佢無論沐浴、潔面、卸妝都能一支過搞掂，方便到爆👍🏻👍🏻👍🏻 佢係沒有任何香味的，而且用後不會乾燥、敏感和痕癢，毛孔亦能做到好好清潔，不會易生痘痘，能為皮膚屏障保濕。 如果當日我面部只搽左防曬的話我就會用佢直接卸妝和洗面，真正慳水慳力慳時間😂不過如果有用粉底、眼線等彩妝產品的話就要用返卸妝產品了，因為佢性質溫和但始終都唔可以接觸眼睛。 我認為佢好適合唧少少落個樽度之後帶去旅行，可以一支頂三支，超級慳位之選🥰