Cetaphil 舒特膚 好用推薦產品

Tszki好用推薦：偏向乳霜感，其吸收迅速且不厚重。化妝品前使用，底妝不會移位或產生屑屑。它在皮膚上不會留下白色殘留物。結合了保濕、抗老與 SPF30 防曬功能。對於追求快速出門的我，一瓶即可完成日間保養與基礎防護。雖然適合敏感肌，但部分油性肌膚到了下午可能會感到臉部出油較明顯。這款產品可能對極乾性肌更為友善。敏感肌是大推薦使用

Bendict好用推薦：之前行Cosme買嘢 送左一支使用裝 俾我 用過幾日 我冇諗個過咁好用🙀👍 潤而唔會立黐黐

Maggie好用推薦：呢支 Cetaphil 舒特膚長效潤澤霜簡直係敏感肌救星！質地非常溫和，搽上去完全無刺激感，好舒服。雖然係霜狀，但出奇地易推開，仲好快吸收，搽完塊面好滋潤又唔會黐立立。最重要係佢 550g 超大罐裝，用落非常抵，CP 值極高！絕對係屋企必備嘅保濕好物，強烈推介俾有乾燥敏感問題嘅朋友。

Paris merci 好用推薦：依款Cetaphil潤膚膏真的是家中必備！ 佢嘅質地相對較厚，抹開會感覺到一層滋潤既保護膜，非常安心。而且成份不含香料、酒精和，使用唔會擔心成分問題！即使濕疹問題、皮膚紅、癢時候中，也不會覺得刺痛，反而可以迅速舒緩干燥。 雖然夏天用嘅時候會有啲黏，但在乾燥嘅冬天，效果非常好。用完之後皮膚變得柔軟，保濕效果真係維持得唔錯！身體面部都用得，我會自己入落個細罐，出街洗手後會覺得手乾，直接用佢當手霜用，保持手部皮膚滋潤。 推薦比濕疹或者皮膚較乾燥嘅人！呢個牌子小朋友都用得。手上呢款係550g大罐潤膚膏，藥妝店買大概$1xx，超級抵用💕

hellolulu好用推薦：一段時間前入手優惠三件套其中一件～ 初購入時為秋冬完全不夠力，所以放在一角。直至近日天氣開始回暖潮濕，乳液質地輕盈容易吸收，無香味，低敏配方亦有助舒緩轉季皮膚敏感不適，加上含有透明質酸，有效保濕鎖水，在早上清潔爽膚後用乳液取代保濕精華打底，再塗上防曬面霜就剛剛好👍 價格親民，性價比高，多用也不心痛👍

mysecretgarden好用推薦：呢支基底液（精華）我平時夜晚都有用，同朝頭早嗰支比起嚟，質感同感覺都有幾大分別： 夜晚版比起朝早個支質地明顯厚身同濃郁咗，呈微稠嘅精華水狀，滴出嚟個陣會感覺到佢有一種「滋養感」。雖然質地濃密咗，但上手推開嗰下好驚喜，延伸性依然極好。只要順住肌膚紋理輕輕按摩幾下，好快就會被皮膚吸收晒，完全唔會有嗰種擦極都浮喺表面、或者厚重油膩嘅感覺。吸收完之後，面上會摸到一層軟滑嘅水潤感，鎖水力好足。 使用感覺同舒緩效果 最正嘅係佢上臉嗰種舒緩安定感。經過成日喺出面吹風、曬太陽或者成日留喺冷氣房，皮膚到夜晚好多時都會有啲疲倦、微泛紅甚至緊繃。搽佢上臉個一刻，會有種即時幫皮膚舒緩嘅感覺，好似幫受刺激嘅肌膚修護，成個過程好溫和，完全冇任何刺痛感。特別適合曬後或者醫美之後嘅皮膚。 隔咗一晚之後，第二朝起身洗臉，會明顯感覺到皮膚柔軟咗好多，暗沉感減少咗，面色睇落比較有光澤同充沛水分。 #火熱新品

Kmggigi好用推薦：Cetaphil 舒特膚 倍加護醫學濕疹配方潔膚露 — 洗後滋潤，乾肌用落幾舒服✨ 無香味，適合唔鍾意香氣嘅人 呢款潔膚露冇香味，對我嚟講感覺簡單舒服。 產品主打為極乾、痕癢、敏感及有濕疹傾向嘅肌膚而設，今次主要留意佢洗後嘅滋潤感。 起泡能力正常，洗嘅時候有滋潤感 起泡表現正常，唔算特別多泡， 但清洗時會感覺到有一定滋潤度， 唔係一味追求洗到乾澀嘅感覺。 皮膚實測: 我本身手部皮膚比較乾，特別係拇指附近會見到乾紋，有時候太乾嘅話甚至會有痕癢嘅情況， 用完依支洗手之後覺得雙手潤咗， 洗後嘅觸感舒服，同時間乾紋都會變得冇咁明顯🤩總結：重視洗後滋潤感嘅潔膚露😎 整體嚟講，呢款潔膚露最令我有感嘅係洗完冇咁乾，雙手摸落更柔潤。 以我本身偏乾嘅皮膚嚟講，使用感幾唔錯， 相信秋冬季節使用一定會令到身體皮膚更加滋潤😎 #火熱新品

hanna好用推薦：質地清爽易吸收，暫時未見到美白效果，不過感覺良好，用左2個星期斑好似有減少d 。

Kiki_lam好用推薦：Cetaphil透亮抗敏瞬間淨白面膜，一見到Cetaphil就知道唔需要擔心用後會皮膚敏感泛紅，性質溫和！

mysecretgarden好用推薦：舒特膚呢支抗氧化精華用深綠色嘅玻璃樽裝住，加上白色的滴管，視覺上好有醫美護膚品嘅感覺。同一個系列有分日用同埋夜晚用，朝頭早係防禦用，抵抗外面污染。 佢嘅質地好清爽，流動性高，推開之後完全零黏膩感，好快就吸收晒。對於早晨趕時間要上妝嘅人嚟講非常友善，完全唔會同後續嘅防曬或者粉底打架，亦都唔會起屑。成分主打抗氧化同抵禦日間環境傷害，我自己最明顯嘅感受係保濕。 平時過咗中午，底妝好容易因為出油氧化而變黃變暗，但早上記得搽佢嘅話，底妝嘅持久度真係有改善，少咗浮粉。而且舒特膚一向主打敏感肌可以用，質地溫和唔刺激，就算皮膚處於少少微敏感嘅狀態用佢都好安心。 #火熱新品

missp好用推薦：好開心可以試用賦活塑顏精華卸淨水✨ 本身我係乾肌，成日對住電腦皮膚好容易乾燥，真係好需要溫和又保濕嘅卸妝產品🥰 第一次用已經好驚喜！ 質地超清爽完全唔黏笠💧 利用Micellar微米潔淨技術輕輕一抹 就徹底卸走晒日常污垢同頑固彩妝防曬 感覺好乾淨清新✨ 用完一d都唔繃緊，皮膚即時飲飽水 連續認真用咗7日，肌膚真係煥然一新💖 保濕力都好持久，成日處於冷氣環境都keep到個水潤 配方溫和低敏冇香料，用得超安心🌿 持續用落去仲發現膚質細緻咗 光澤感同彈性都提升咗 素顏望落更年輕健康✨，真心大推👍🏻！

popocarcar好用推薦：我濕疹皮膚，面間中會痕。間中都會用敏感皮膚護膚品，呢支卸妝水好幫到手 雖然價錢唔便宜。 #火熱新品