excel

新升級 3合1持久造型眉筆

本身我最擔心係眉妝會因為出油而好快脫落。但用咗呢支 3合1眉筆之後，我發現佢嘅持久度真係幾穩定。即使我夏天出汗、皮膚出油快，眉型都可以維持到成日，唔會好快暈染或者變得模糊。呢種穩定感，令我覺得安心。🤤 佢有三個功能：眉筆、眉粉、眉刷。我通常先用眉筆勾勒眉型，再用眉粉填補空隙，最後用眉刷掃勻，令眉毛睇落更自然。呢個設計好方便，唔需要再帶多幾支工具，一支就搞掂。👏🏻 顏色方面，眉筆色澤自然，唔會太深或者太淺，配合眉粉之後，眉毛有層次感。即使我本身係油性肌，眉色都唔會因為出油而「浮」起，反而慢慢融合，效果更貼服。🙆🏻‍♀️ 卸妝方面，佢雖然持久，但用普通卸妝水就可以卸乾淨，唔需要大力摩擦。對我嚟講，減少咗刺激，卸妝過程舒服好多。👍🏻 呢支眉筆對我呢種油性肌算係可靠：防水防汗、持色力佳，三合一設計方便又省時，顏色自然易融合。用嘅時候只要記得分步操作，眉妝就會乾淨自然，成日都唔怕走樣。💯

首先要多謝@cosme 送既excel 新升級 3合1持久造型眉筆❤️❤️ 【質感】 呢支眉筆最值得讚嘅係佢嘅 三合一設計，一支過有齊 眉筆、眉粉同螺旋眉刷，帶出街超級方便，完全唔使再帶多幾件工具。 先講眉筆嗰端，佢嘅筆芯軟硬度啱啱好，唔會太硬拮肉，又唔會太軟易斷。畫嘅時候 好順滑、好流暢，完全唔會卡粉或者結塊，輕輕一畫已經上到色，出嘅線條好精細，可以畫到好自然嘅毛流。 眉粉嗰端仲更加驚喜，粉質 好細緻柔和，輕輕掃兩下已經好上色，做到自然嘅霧感效果，唔會變「硬膠眉」。 最後個螺旋眉刷可以用嚟暈染同整理毛流，令整體妝感更加融合自然。三個功能夾埋，真係一支搞掂晒成個眉妝！ 【使用感】 我揀嘅色號係 #PE05，呢隻色係 帶灰調嘅深棕色，超級貼近亞洲人自然深髮色，畫出嚟完全唔似假眉毛，而係好似天生嘅好眉形。顏色過渡好自然，唔會出現生硬嘅線條感，特別適合追求自然霧面效果嘅人。同埋因為佢帶灰調，畫出嚟嘅眉妝望落更加立體同有深邃感，唔會顯得成條眉「紅紅地」咁唔自然。 新升級版採用咗 橢圓筆芯設計，畫起嚟更加順手，無論你係想勾勒細緻嘅眉尾，定係快速填充眉毛空隙，都好容易掌握。對於化妝新