開架眉筆 推薦好用產品

Emily Leung好用推薦：Excel三合一眉筆測評 今次同大家試吓呢支Excel三合一眉筆！佢唔單止係日本@cosme大賞嘅常客，仲係眉筆、眉粉、眉刷三合一設計，一支搞掂整個眉妝～話咁方便，啱晒我哋呢啲貪快又貪靚嘅香港女生！ ✏️ 筆芯質地： 筆芯軟硬度啱啱好，唔會太硬拮肉，又唔會太軟易斷。一畫上手，顏色出得好順，線條流暢自然，唔會一嚿嚿或者結色，新手都好容易掌控！ 🎨 三合一功能： 1. 眉筆端：勾勒眉形超順手，可以畫到好精細嘅毛流。 2. 眉粉端：填充顏色夠柔和，有霧感效果，唔會變「硬膠眉」。 3. 螺旋眉刷：暈染同整理毛流一流，令妝感更融合。 💦 防水度測試： 試過噴水同輕輕印汗，顏色都冇溶到或者脫色，持久度唔錯！平日出汗同落雨仔都頂得住，不過游水就未必啦～ ✅ 優點總結： · 一支多用途，出門帶一支就夠。 · 上色順、自然，適合日常淡妝或濃妝。 · 性價比高，耐用又唔貴。 ⚠️ 小提醒： 如果係油性皮膚，建議畫完之後輕輕撲層碎粉定妝，咁就更加持久啦！ 總括來講，Excel呢支三合眉筆真係懶人恩物，無論係趕時間返工定慢慢畫都咁適合！推薦俾鍾意自然眉妝嘅你～ 👏

Sakura醬好用推薦：Excel三合一眉筆轉季實測！秋冬都唔怕變無眉娘 轉秋冬季真係煩～朝早涼冰冰出門對眉仲係靚靚哋，點知行兩步個太陽出嚟，額頭出少少汗就溶咗半邊眉...自從用咗Excel三合一眉筆，終於可以同呢啲尷尬講bye bye～ ✨ 一支搞掂仲要超順手 支野設計真係好聰明～眉筆芯軟硬適中（唔會話畫落去「吉」住塊面），眉粉嗰頭輕輕掃兩下就已經好上色！最正係個眉梳，梳兩下啲眉毛即刻整齊晒，成個過程快到你唔信！ ❄️ 秋冬持久度滿分 試過同班friend去打邊爐！成間舖煙霧瀰漫，出嚟個妝溶咗七成...點知對眉居然「企得好硬」！冇化開冇甩色，個眉形依然keep到～真心佩服！ 🍁 轉季必愛呢個位 天氣開始乾，但支眉筆唔會話畫落去「鞋掹掹」，反而仲好貼眉毛！個眉粉填充嘅部分仲做到啲啲茸毛感，望落自然到好似本身啲眉毛生出嚟咁～ 💡 小貼士 如果想個眉妝再持久啲，可以畫完之後輕輕印少少碎粉上去～咁就真係風吹雨打都唔怕啦！ 總結： 轉秋冬季成日因為溫差搞到眉妝溶咗一撻撻？Excel呢支三合一真係幫到手！價錢合理又耐用，一支解決晒畫眉嘅煩惱～而家我朝早畫完眉，成日都唔使點補妝，真係慳返唔少時間！ 轉季都ke

Chloeincosme好用推薦：Etude house大部分彩妝都鍾意，唯獨呢枝眉筆麻麻地。 呢枝04色，睇圖係啡灰色，實際係純灰色。 另外，佢既筆頭都可以改進一下🥲 如圖可見，佢個頭偏粗，無辦法畫到好精細既線條。（但佢叫柔滑精細眉筆😂🥲）上色尚算順滑，軟硬度適中唔會好易斷，但如果流一流汗眉尾就冇晒🥲😂 或者 #轉季 會岩用少少？ 總結： 唔會回購🥲🥲

Hippoqueen好用推薦：Etude house眉筆三角形設計，可以畫得更精細，效果幾持久，已經回購左兩支。

lllcccyyy好用推薦：呢支真係平靚正嘅眉筆！佢嘅筆頭超級細，可以描畫到好幼細嘅眉型。我平時係會用佢來描畫眉型，再用眉粉填滿返。

Tiffany好用推薦：眉筆芯真係好細好細，一邊畫一邊驚佢會好難斷，so far用左幾次都無發生斷芯，質素唔錯！畫出黎嘅眉毛根根分明。

mandy好用推薦：Sana New Born 3 in 1 Eyebrow New Born 3 in 1 自然柔和眉筆 #B7 (Marron Brown 栗子啡色) $66.90 (已打85折） from Don Don Donki 3 in 1 =眉筆+眉粉+眉刷 Sana 的 3合1眉筆在開架品牌中非常具人氣， 定番的色號亦有8款，除了B2偏向黑色系之外， 其餘7色都是不同調的啡色系， 很能配合不同的髮色。 而當中最熱賣第一位是B6，第二位則是B2。 使用方法： Step 1 : 用眉筆一根根勾畫出理想眉毛形狀 Step 2 : 再用眉粉順著眉毛形狀均勻塗在眉毛上 Step 3 : 用眉刷梳理好眉毛 橢圓形的眉筆頭很好描繪眉毛， 令畫眉更順暢及容易。 顯色方面是自然啡色系，而且深淺度剛剛好，不會太深色或偏向啡金色系。 眉粉可以均勻調整眉毛由眉頭到眉尾的顏色， 並且令整條眉增添柔和自然顯色的感覺。 最後用眉掃整理整體眉形，眉掃很方便易用，只需輕輕一掃便可完成眉妝。 SANA New Born 3 in 1 自然柔和眉筆 的持久度很好，不是那種一卒就消失的眉筆， 基本上一整天不用補妝。

agnessstang好用推薦：朋友推薦嘅眉筆👧🏻 已經用緊第3/4支 眉筆眉粉眉刷3 in 1嘅設計好方便 不過得一邊有蓋 好搞笑🤣(唔影響使用) 我用緊嘅色號係B10 Dark Brown同B14 Smoky Brown B14好似係限定色 係日本買嘅🇯🇵 B14帶少少灰 B10就係普通深啡色 性價比高 易畫 好容易勾勒到自然嘅眉型 持久度ok 顯色度方面帶妝係冇問題 如果係素顏(完全冇搽任何粉底/素顏霜)嘅話要大力啲畫/畫多幾下先顯色 顏色自然 有>10隻色 可以配合翻自己嘅髮色選擇～

Noelle S好用推薦：已多次回購的平價好物，家𥚃公司各放一支，但最啱心水既深啡色有時會缺貨。軟硬適中，細細支非常易畫，偏乾肌一整天都唔需要補色。

Jasmine Yuen好用推薦：開架品牌都有好物！ 細細支放入手袋好方便，轉出黎唔易斷，軟硬適中，好顯色，唔使好大力畫畫已有顏色。 我買既係啡色，好自然。比眉粉好用，因為可以一筆筆畫眉頭，比較仿真

KDing好用推薦：眉膏眉筆喺同一支產品出現，使用十分方便易用，而且都顏色十分之出

格仔餅公主好用推薦：好用👍🏻真正嘅平靚正，最緊要簡岩顏色，搽出嚟好自然，一支就可以攪掂晒成條眉，方便，絕對要讚吓佢個染眉膏嗰個掃細得黎搽得又均勻

killkew.b好用推薦：呢支眉筆性價比好高🫶好容易用， 筆芯芯頭係圓頭同硬身既，粗度岩岩好， 可以畫出好自然既眉毛效果， 有需要既都可以畫出毛流感👍 有好多種顏色揀，仲有埋眉刷， 持久度都算keep到全日， 只係眉尾位置有時會唔小心刮甩左， 同埋呢支眉筆好短身，好方便放入化妝袋💕

Yoyo Sin好用推薦：性價比極高！推薦小資女&學生 可以一試～筆芯夠順滑，防水力強！出街完一整日都無乜點甩～絕對對得住價錢 會再回購👍🏻

Kitty 好用推薦：講真，Innisfree 支眉筆真係開架入面嘅平靚正之選，好多人都係回購再回購㗎！佢最正係雙頭設計，有筆有刷，畫完眉頭一梳，個妝效即刻自然晒，唔會一嚿嚿咁。 支筆嘅筆芯係扁扁地嘅，輕輕一畫就上到色，又順滑，對於想快速畫返條眉出街嘅人嚟講，真係好方便。顏色又唔會話一畫就好深色，可以慢慢疊加，唔怕失手變蠟筆小新😂。 不過都要講句公道話🤫，佢有個死穴，就係唔係好持久！如果你係好易出油出汗嘅體質，個眉尾好有可能撐唔到半日就消失咗一截。所以呢，大熱天時或者要去運動，就真係要加多層眉毛雨衣先穩陣。 總括嚟講，如果你係新手想學畫眉、預算唔多，或者只係求其畫下出街買個餸，佢絕對係高CP值之選！但對持久度有要求嘅油肌姐妹，就要諗清楚，或者搭多件防水產品啦！

zetalhc好用推薦：性價比好高，十分推介俾學生！個人覺得呢支眉筆算容易控制，而家畫兩三下已經好顯色，最緊要係附送嘅刷頭好好用，可以令到眉型更加自然！

Angie好用推薦： 本身有用眉粉嘅習慣，貪得意買枝眉筆用下，估唔到又幾好用🌸 畫落唔會好實色，慢慢疊加咁畫就會畫到好自然嘅眉妝，平時上完防曬直接畫都無問題，顯色度唔錯👍🏻 冬天用完全唔會溶妝，夏天就有待測試😆

Tiffany好用推薦：細細枝眉筆放化妝袋，出街補畫好方便。筆芯夠幼，柔滑觸感，又防水嘅眉筆，好用！

Ko好用推薦：呢枝係GR03 隻色好啱中性膚色黑髮 一枝眉筆同時做到粗同幼嘅線條 好滿意佢可以填色又可以筆毛流感 但我好似買到次貨 個筆刨轉唔到出黎🥲 希望1028可以把關得好啲

karun好用推薦：學化妝推薦用1028這個6角形筆頭的眉筆，非常容易勾畫眉型，用另一端的刷子刷一刷就能塑造完美眉型，夏日出門都不怕溶妝，一天下來都保持得很好，非常喜歡！

Angie好用推薦：扁頭嘅眉筆特別好用，描繪出嚟嘅眉型非常自然，新手都唔會容易出錯，性價比高值得購買

HE1DY好用推薦：眉筆上色有點難，明亮棕的效果還不錯。眉粉尚可補充到疏眉的空隙。中意柔和明亮的化妝效果。稍嫌筆頭較硬，未能軟柔地塗抹於眉。

Kakar好用推薦：我覺得呢支係武士刀的平替，價錢非常便宜，30蚊以內就可以買到。 只用識到削番武士刀眉形狀，就可以畫到好幼細的線條，做到毛流感。 同埋佢筆既質素應該唔差，暫時都未試過削斷。 而使用過既呢兩隻色都顯色度高，很好用。

Karman28好用推薦：已經回購左三四支，啡色和灰色也有入購過。價錢非常實惠，平時都會用界刀削成扁平形狀，筆芯未試過斷！啡色也十分顯色，灰色十分自然。而且短短一支放手袋十分方便，以便隨時補妝。

mysecretgarden好用推薦：上次用完media旋轉眉筆之後對呢個牌子好有好感， 見差唔多用完就買左呢一支嚟試， 雙頭好方便。 筆芯算順滑，但筆頭形狀有啲奇怪，冇細芯款咁好用，眉粉方便，掃兩掃就填滿，效果自然。 但呢幾日好熱， 出汗後都會甩d, 但可接受

choichoi好用推薦：回購數次的產品，便宜屬性價比高，容易描繪及操控，而且夏天也應持久不掉色

Angie好用推薦：去staycation或者旅行嘅時候唔想帶咁多化妝品，一支眉筆有三個功能，超級方便

格仔餅公主好用推薦：用佢唔好一開始太重手，會勁深色！但亦因為咁佢唔易甩，適合大汗易出油既sis，不過覺得佢個掃既質地有啲拮唔夠soft🥲

Yingc好用推薦： 用咗Heme 眉筆已有三年, 起碼用掉六七支 佢防水防汗，基本上你只要不刮掉它，就能持久一整天 價錢有30至60元不等 高cp值之選!!!!!!

mavis好用推薦：Heme呢款眉妝產品集合3大功能，去旅行用非常方便，價錢便宜，CP值高！

Julianna好用推薦：平價眉筆界長青款～畫起嚟自然，筆芯唔會太硬又唔會一畫就斷。啡色tone好百搭，無論你染咗啡髮定黑髮都襯得到。筆頭係旋轉式，好方便；後面仲有掃，可以blend開線條，打造自然毛流感。最重要係咁平價之下唔易溶妝，CP值超高！

940727.0好用推薦：呢一款嘅眼線筆喺Aeon嗰度買，俾我見到咁啱最近佢哋黃埔花園Aeon 嘅眼線筆同眉筆都做緊優惠價$29。 佢係好防水防油，唔係特登去大力抹走的話都唔容易甩。

ありさん好用推薦：已經入貨10幾支以上，太好用了，很容易上手，畫起來也簡單，顏色也是我喜歡的顏色，也不易斷，推薦！

Tiffany好用推薦：Fasio嘅產品包裝越嚟越好睇，簡單襟睇。纖細眉筆好順滑，顯色度ok，唔算容易斷，所以都幾襟用。

維他他好用推薦：無印良品的眉筆超易滑，超順滑，唔容易出錯，配埋眉粉非常貼心，可以令到條眉唔會畫得太生硬，新手適用

Tiffany好用推薦：眉粉+眉筆二合一的產品，方便易用，新手友好，是一款低調的好產品。

zetalhc好用推薦：性價比很高，筆頭畫落去好輕力就已經可以好顯色，而家附有另一頭嘅刷。整體防汗防水持久力很高，會再回購！

Fng好用推薦：筆頭夠幼，可以容易描畫仔細眉流， 上色持久，不易溶， 性價比之王。

Fng好用推薦：好上色，絲滑，上色均勻， 不結塊， 掃頭細精準染出眉毛，妝感夠自然。

940727.0好用推薦：依款量用眉筆，一邊係眉粉，另外入邊係液體眉筆.用好簡單，好容易畫到自己深邃嘅眉型。好適合每日用。 #平價彩妝