精華水 推薦好用產品

Sarah好用推薦：呢支水最特別就係油水雙層設計，用之前一定要大力搖勻，先會變成奶白色嘅均勻狀態。 搖勻之後質地好清爽，係水水潤潤嘅流動感，唔會有油膩感，搽上臉好快就吸收咗，唔會立體面有黏笠笠嘅感覺，夏天用都零負擔。 搽完皮膚摸落係滑溜溜、軟軟地嘅，唔會有乾到繃緊嘅情況，反而有種好舒服嘅潤澤感。 我有時會選擇濕敷，出油多嘅位置，用咗之後毛孔睇落冇咁粗大，出油量都減少咗。 我覺得缺點係含有酒精，敏感皮膚要注意，另外一定要搖勻先得，每次用都要大力搖幾十秒，有時候趕時間真係幾麻煩，而且如果搖得唔夠均勻，用落就冇咁好效果。

natanatalie好用推薦：最愛的化妝水🥰 這款化妝水是我近期的最愛，價錢不算十分便宜，但卻有非常討喜的效果。🙌🏻 首先他是有兩層的，每次用它之前我都會先搖一搖，再倒上化妝棉上，這時候便會聞到一陣淡淡的香氣，這種香氣非常清新和討喜，一點也不庸俗，沒有令人敏感的感覺。🫶🏻 在臉上測試數回之後，你會感覺肌膚充滿了水份，老化角質層也被清除，肌膚變得很嫩滑。👍🏻 抹完的化妝棉會有黑黑的感覺，證明它的清潔力非常強！👏🏻 而且它沒有非常厚重的感覺，整體是非常清爽，非常不黏立，非常適合香港這種潮濕天氣下使用的一種化妝水。❤️

Fng好用推薦：Estée Lauder AQUA CHARGE 水潤活肌精華水💧 🌟 第一印象：專櫃級保濕的清新之作 雅詩蘭黛嘅護膚線向來以高效抗老聞名，呢支 AQUA CHARGE 精華水 就係品牌向「輕盈保濕」領域嘅一次亮眼進擊！✨ 包裝沿用經典嘅藍銀配色，泵頭設計衛生方便。一按出嚟，即刻感受到佢同一般爽膚水嘅分別——質地更豐潤，彷彿將精華液融入水中，未用已感受到其「水潤活肌」嘅誠意。 💦 質地與觸感：如精華般豐潤，卻輕盈不黏 質地係半透明嘅凝露水狀，流動性高，但帶有微微嘅稠度。推開嘅瞬間，觸感非常絲滑，彷彿在塗抹輕質精華。最驚喜係，佢吸收速度極快，拍拍幾下就「咻」一聲被皮膚吸收，表面只留下一層飽滿的水潤膜，完全沒有黏膩感或殘留的滑膩。對混合偏乾肌來說，這種「深層滋潤卻表面清爽」的平衡，正是香港潮濕天氣最需要的！☀️💨 🔬 核心功效：瞬間補水 × 強化屏障 官方強調其「充電式補水」科技，實測效果確實顯著： 1. 即時解渴：潔面後皮膚緊繃時使用，能立刻舒緩乾燥，膚觸變得柔軟。 2. 持續保濕力：作為護膚第一步，能提升後續保養品的吸收力。單用後不上其他產品，保濕感也能維持數小時，不會很快打回原

Kura好用推薦：呢支精華水真係秋冬轉季敏感嘅救星，精華水嘅質地係偏濃稠嘅，當皮膚感到不穩定嘅時候用呢款精華水皮膚會變得好水潤同埋穩定咗好多，係秋冬轉季必備嘅精華水 @cosme

brown好用推薦：花了大概兩週時間，真的要黎寫好評價！我是敏感肌，換季的時候特別容易泛紅和乾燥。朋友推薦這款精華水，話之前在 cosme 試過覺得不錯，抱著試試看的心態入手了，沒想到效果真的不錯！ 淡茉莉花香，質地清爽不黏膩，上臉吸收很快，完全沒有負擔感。用下來最明顯的感覺是皮膚變得更穩定了，紅血絲沒那麼容易冒出來，而且皮膚摸起來更細膩。 強烈推薦，值得一試的產品！

莓莓好用推薦：Lancôme 極光水用後感 講到提升肌膚透明感，Lancôme 呢支極光水（淨澈亮肌精華水）係近期算係有驚喜嘅一款。 佢係「水+油」嘅雙層設計，用之前一定要搖勻，變成淺藍色乳白色先倒出嚟。質地係清爽水狀，上面後塊面即時有種飲飽水嘅感覺，吸收快過你講「唔該」。 我用咗大概三個星期，最明顯嘅效果係：肌膚透明感明顯提升。之前鼻翼兩側同額頭望落有少少暗粒同粗糙感，搞到反光唔均勻。但用完一段時間，皮膚表面變得平滑咗，光線可以好平均咁反射，望落乾淨、透亮、有種「由內而外透出嚟嘅透明感」。 特別係朝早洗完面後照鏡，會覺得塊面好似多咗層好薄好薄嘅光澤，唔係油光，而係清澈、水潤嗰種通透感。就算未化妝，面頰蘋果位都已經有自然光澤。 不過要留意，佢入面有果酸同水楊酸成分，對角質代謝有幫助，但如果皮膚偏敏感或者乾到脫皮，初期要隔日用好啲，建立耐受力。我只能講，對於混合肌、少少暗黃想提升肌膚透明感嘅話，呢支極光水係好值得入。 評分（五星滿分）： · 提升透明感：⭐⭐⭐⭐半 · 撫平粗糙/暗粒：⭐⭐⭐⭐ · 清爽度：⭐⭐⭐⭐ · 溫和度：⭐⭐⭐（敏感肌要試下先） 總結：唔係淨係保濕咁簡單，而係真正

Miranda好用推薦：Lancôme支Clarifique極光水真係好啱我呢啲混合肌！佢係雙層設計，用之前要搖勻，質地清爽得嚟又有少少油潤感，但上臉完全唔膩。我最鍾意嘅係用化妝棉輕抹塊面之後，化妝棉上面真係見到黃黃地嘅污糟嘢，尤其係鼻翼同下巴位，抹完即刻覺得毛孔透氣晒！而且佢有果酸同水楊酸成分，但好溫和，我敏感肌用都冇刺痛。用咗大概兩星期，塊面明顯冇咁暗啞，膚色均勻咗，成塊面望落好透亮，提升咗肌膚透明度，素顏都好似自帶光澤咁。毛孔細緻咗，粉刺都少咗好多。朝早起身塊面唔會出晒油，水油平衡好咗。價錢係專櫃級，但效果對得住個價，一支可以用兩三個月。總括嚟講，想溫和煥膚、抹走污糟嘢、令皮膚變透光，呢支真心推介！

mysecretgarden好用推薦：呢支精華水完全唔係我諗嗰種杰撻撻嘅精華質地。倒出嚟係好似水咁，流動性超高，仲要係透明冇色嘅。慣倒啲喺手心，然後直接按上塊面度。佢真係吸收得好快，基本上你按多兩按，捽多兩下，已經完全食咗入皮膚度，冇嗰種黐立立或者好似有層薄膜咁嘅感覺。成個過程好乾爽，但同時你又會feel到塊面係飲飽水，摸落去好軟熟。對於驚黏膩嘅人嚟講，真係一流，亦都唔驚太焗會生粒粒。朝早趕住出門口，啪咁一層上去，再搽防曬都完全冇問題，唔會搓泥。  我皮膚比較容易敏感，所以換新產品嘅時候都要小心處理。我特登查過佢個成分表，係冇加酒精同香料嘅，我用落都冇咩敏感嘅情況 。 我用咗之後，最大感覺係之後再搽面霜，吸收得好咗。朝早起身，塊面依然keep到水潤，冇之前咁易出油 同埋摸落去，有種飽滿咗嘅感覺。至於抗皺呢啲長遠功效，就要再睇耐啲先知。 如果你係追求快吸收、水感、同溫和嘅，真係可以一試。以咁嘅價錢，有咁嘅質地同保濕力，性價比幾高。當然，冇得拎佢同千幾蚊嘅專櫃品牌比較啦。但作為一支日常打底、基礎保濕兼帶點抗老功能嘅精華水，佢絕對合格。

Sakura醬好用推薦：人生建議：呢套先係乾皮糙臉嘅天命抗老水乳！ 塊面又乾又糙又有乾紋細紋又暗啞冇光嘅人，都要去用OLAY大紅瓶！！ 講真，呢套抗老水乳我先用咗無幾耐，仲要係三日打魚兩日曬網咁用，成塊面已經肉眼可見！好水嫩！好細滑！ 皮膚質感直接next level咗！首先啲乾紋細紋直接俾佢潤到平伏咗，而且唔知係咪錯覺，覺得皮膚比以前更加瑩潤透亮。 然後一捱夜就又粗糙又乾瘪嘅面珠墩，居然飽滿咗好多！unbelievable!!!! 成塊面唔會再似之前咁殘樣，連毛孔超大嘅出油區望落都細緻咗！！成個皮膚質感特別特別顯貴！！ 而且OLAY呢啲大牌子，你永遠可以相信佢落足料，一套抗老水乳主打四重胜肽！再乾瘪嘅臉都可以同你嘭返起，再粗糙易生紋嘅皮都同你拉平！佢唔單止可以提升膠原蛋白，等你塊面更豐盈飽滿，仲可以促進彈性蛋白，成塊面好似水煮蛋咁嫩彈嫩彈，真係靚到爆！！ 再加埋肌肽同VE，清除自由基抗氧化，你想暗啞都難！包含玻尿酸在內四大補水保濕系統，幾乾嘅臉都可以同你補到足！保濕水嫩成日！ 皮膚質感一點點咁改善，塊面成個水嫩細滑，仲滑捋捋咁！

Jeniel好用推薦：HR呢支極光精華，質地似乳液咁，推開好絲滑，吸收之後塊面係有種高級嘅光澤感，唔係油光，係好似皮膚底層透出嚟嘅光咁。用咗一排，最明顯係膚色均勻咗，冇之前咁暗啞，尤其熬夜後塊面都唔會睇落灰灰沉沉。 保濕度好好，秋冬用都好夠力，皮膚摸落去飽滿咗。缺點係真係幾貴，用嘅時候有啲肉赤。 如果budget夠又想對自己好啲，呢支真係幾正既

Fng好用推薦：HR 全效極光煥采精華露（小露珠）熟齡混合肌夏日奢華修護之選 HR呢支小露珠絕對係貴婦級別嘅水油雙重精華露！同其他高機能化妝水（如SK-II神仙水、La Mer修護精萃液）相比，佢贏在獨家水包油質地——肉眼見到金黃露珠粒子，推開瞬間化水，滲透力極強，用完皮膚即刻飽滿透光✨ 熟齡混合偏乾肌夏天用超驚喜：膚感清爽零黏膩，但保濕力可持續8小時，面珠墩明顯嘭潤，T位亦無泛油。相比神仙水偏乾、La Mer較潤膩，小露珠完美平衡水油，仲帶淡淡高級花香。長期用膚質更細緻穩定，毛孔同暗沉有改善～ 唯一缺點係價錢進取，但用量省，兩泵已夠全面。追求極致修護同儀式感嘅值得投資！ 推薦給：✔️ 熟齡肌需要水油同補 ✔️ 追求奢華護膚體驗 ✔️ 夏天想用清爽但高效打底！

MoonMoon好用推薦：Clarins透亮光感淡斑亮肌水實測 💧 喂，想塊面有返種「識發光」嘅感覺？呢支Clarins透亮光感淡斑亮肌水可以望吓。 質地係水狀爽身型，拍上面兩三下就吸晒，唔會黐立立。用完最開心係提升肌膚透明感好明顯，塊面望落乾淨、均勻咗，唔再灰灰黃黃，好似瞓飽咗嗰種自然透亮。 至於透明感呢家嘢，真係有啲料到。用咗大概一個禮拜，鼻翼同面頰暗啞位淡咗，皮膚望落水潤有光澤，素顏都見得人。淡斑方面，淺層曬斑同痘印有微微減淡，但想勁淡就要配埋精華。 總結：想輕輕鬆鬆提升肌膚透明感，唔想搽到一撻撻又怕笠，呢支爽膚水好值得入手～ CP值高，回購機會大！ ✨ #亮白#提升肌膚透明感#去黃

Kitty 好用推薦：早排出去旅行，係太陽底下暴曬，曬到皮膚又黑又黃，返到香港即刻搵出呢支CLARINS Bright Plus 爽膚水補救！ ✨ 使用感： 我呢支係清爽版，倒出嚟係水狀質地，好清爽，完全唔黏立立！拍上塊面好快吸收，用完之後皮膚即刻覺得水潤咗，摸落去軟軟嫩嫩！最驚喜係佢溫和得嚟又有輕微去角質效果，用化妝棉抹嘅時候，偶爾會見到少少污糟嘢，感覺毛孔都乾淨咗！👍 ✨ 效果： 持續用咗一排，覺得皮膚整體透亮咗少少，冇之前咁黃～尤其係朝早用完再上妝，特別貼服！不過淡化日曬斑效果暫時未話好明顯，可能要用多排先見到更大分別～🌟 ✨ 適合邊類皮膚？ 我覺得混合肌同油肌會好鍾意！乾肌可能要多補一層保濕～呢支有輕微煥膚功效，我用冇出現敏感，但極度敏感肌最好先試用吓囉！ 總括來講：呢支爽膚水喺保濕同清爽度方面都好出色，作為日常護理第一步好適合！如果你都想搵支溫和又帶美白亮膚效果嘅toner，不妨試吓佢～💖

chasiutung好用推薦：Origins靈芝菇菌精華水 水狀質地 質地吾油好清爽 容易吸收 有淡淡的中藥味 (味道可以接受)我係混油敏感性皮膚 當我長閉口 長痘同皮膚過敏嘅時候就會用佢 我會用靈芝菇菌精華水倒落化妝棉到濕敷5到10分鐘左右 第二日 痘痘就會消腫  敏感第二日都退得7788 真係萬試萬靈 💓同埋日曬後皮膚又紅又熱嘅時候 用佢濕敷降紅效果都非常不錯的 依支係我回購最多次嘅化妝水 真心推介比油性肌混油肌同痘痘肌使用💕

Kaze13579好用推薦：從舊版到新版已經起碼用咗兩三支，每逢轉季都會皮膚敏感，偶爾發濕疹嘅我，見到皮膚開始起紅點，發紅甚至開始甩皮，我就一定會用佢，甚至用佢濕敷。效果真係好好舒緩到敏感，又唔會好揦更加刺激到敏感嘅皮膚！最重要係性價比非常好！屋企長期都會有貨，以備不時之需！推介俾皮膚容易敏感嘅朋友！

Hoikiki好用推薦：【SK2神仙水測評】——「提升肌膚透明感」實戰分享 開箱質地： 倒出嚟係清水狀，流動性極高，一拍上面就吸晒。無香味，得陣天然發酵嘅微微「口水味」，習慣咗就唔覺。 用法心得： 跟足官方「輕拍+濕敷」。洗面後直接用手拍三層，每層都吸收晒先再拍下一層。暗粒位、鼻翼兩側會用化妝棉局部濕敷3分鐘。 實測感受（混合肌，香港潮濕天）： · 第一週：最明顯係面頰毛孔整齊咗，油光減少但唔乾，膚觸變平滑。 · 一個月後：重點嚟喇！素顏望落去有層好自然嘅光澤，無化妝都似有薄薄打燈——「提升肌膚透明感」呢個關鍵詞完全中！唔係死白，而係由內透出、乾淨嘅水亮感，暗黃退咗七成。 · 控油保濕平衡：朝早起身T區唔再油到反光，冷氣房全日都無繃緊。 優點： ✅ 穩定膚況一流，轉季無起粒無泛紅 ✅ 持續用真係見到 「透明感」 由底層浮出嚟 ✅ 後續上粉底勁貼服，唔會下午變灰 缺點： ❌ 價錢貴（濕敷心會痛） ❌ 對嚴重暗瘡無即時消炎效果，要俾時間 ❌ 乾肌冬天可能唔夠潤，要加保濕精華 總結： 如果想搵一支長期用、令皮膚乾淨有光澤、做到 「提升肌膚透明感」 嘅精華水，SK2神仙水係值得投資。唔係快靚正嗰種，而係養

chewyfruit好用推薦：SK-II 神仙水實測評比 講到提升肌膚透明感，SK-II神仙水可以話係「祖師爺級」代表。佢唔係普通爽膚水，而係一支含超過90% PITERA™嘅精華水，質地好似清水咁薄，但功能一啲都唔簡單。 透明感從邊度嚟？ 用完第一星期，最明顯係塊面少咗暗黃，毛孔排列好似整齊咗，望落平滑、識透光。嗰種透明感，唔係漂白，而係由底層散發出嚟嘅水潤光澤——就好似一塊磨砂玻璃變返清透玻璃咁。 點樣用最好？ 輕拍上臉，或者濕敷5分鐘（效果最癲）。濕敷完，塊面即時好似飲飽水，毛孔細緻，成塊臉嘅透光感直接升一級。持續用，膚色均勻乾淨，上粉底都可以薄兩層。 適合邊個？ 油肌、混合肌、毛孔粗大、膚色暗沉不均嘅人會覺得佢係神仙。乾肌建議之後再加保濕精華。敏感肌就試咗sample先。 總結一句： 想要自然、持久、由內到外嘅透明感，SK-II神仙水係經典之選。佢唔會即時漂白你，但會等你塊面慢慢「識得透光」。 #提升肌膚透明感#透明感#水潤#美白

莓莓好用推薦：最近天氣好潮濕，皮膚又油；所以想用清爽一點嘅精華水，呢枝Fresh紅茶精華水就啱曬啦！ 🪞我嘅皮膚狀況 我係混合肌，T字位油、兩頰乾，有時會敏感泛紅。主要想改善暗沉同毛孔粗大問題。 💧質地 佢係水狀偏少少「滑」，唔係完全清水咁稀，有少少存在感但絕對唔杰。流動性高，倒上手會跣。 🌸氣味 好香嘅紅茶味！唔係人工嗰種，係好fresh好relax嘅草本茶香，敷嗰陣覺得自己好似喺SPA度咁。 💄上面感覺 好舒服！拍上面之後好快吸收，唔會立黐黐。最正係有少少冰涼感，好似敷咗層好薄嘅保濕mask咁，夏天用勁爽。 🌟用後皮膚狀況 用完一排，最明顯係皮膚飲飽水，上妝貼咗。毛孔有少少收細，暗沉改善咗少少，但唔好期望佢會令你白幾度。敏感肌朋友可以放心，我完全冇刺痛或泛紅。 💧濕敷用法 · 化妝棉沾濕，敷3-5分鐘（唔好敷到乾） · 敷完拍拍等吸收，再上面霜鎖水 濕敷後感覺 · 冰涼舒服，補水效果勁過就咁拍 · 退紅、有光澤、毛孔即時收細啲 評分（🌟=1分，滿分5分） · 保濕度：🌟🌟🌟🌟 夠水但又唔立 · 舒適感：🌟🌟🌟🌟🌟 冰涼feel好加分 · 吸收速度：🌟🌟🌟🌟🌟 拍兩下就收晒 ·

Poyobb好用推薦：冬季護膚❄️ Fresh紅茶水會歸類為toner，但其實佢係超水狀精華，有少少稠，味道唔難聞。聞落去唔係紅茶味，反而有啲似花香嘅味道☕️ 夏天有時候朝頭早急嘅時候，我會用完佢拍上面佢直接上妝，有啲似玫瑰花水嘅鎮靜效果，但都係用完會爆粒粒。 結果而家冬天用，效果就真係唔錯，通常用完紅茶水就直接用面霜，避免過分滋潤，因為佢嘅紅茶水已經有精華成份，穩定皮膚效果又唔錯，有適當嘅保濕效果，溫和絕無出錯，啱我混合性皮膚冬天用，未有過分驚喜但算OK。

Fng好用推薦：資生堂曙光精華水用後感｜ 混合乾肌的「水光肌」入門 ✨ 質地與吸收度 呢支精華水係微稠嘅透明液體，但一推開就化水咁滲透，完全冇黏膩感！評論話潤而不油，拍上臉即刻feel到皮膚飲飽水，但又唔會黐立立，香港夏天用都零負擔。我自己就覺得佢嘅吸收速度好快，用完之後皮膚摸落軟滑，後續護膚品都吸收得快啲～ 🌟 保濕與穩定效果 主打「發酵米精萃+4MSK」成分，好多人讚佢嘅穩定效果出色。我自己用咗兩星期，覺得皮膚透亮咗，毛孔都細緻咗，尤其係朝早起身個樣冇以前咁暗沉！ 💔 美中不足 · 價錢偏貴：$780/145ml，有啲用家覺得性價比一般，甚至話有budget寧願買SK-II · 效果因人而異：有少數用家爆痘，唔知關唔關事 · 美白效果唔明顯：如果主打追求美白，可能要疊加其他精華 🆚 同類產品比較 · VS SK-II神仙水：SK-II更清爽控油；曙光水保濕感更明顯 · VS Albion健康水：健康水主打消炎；曙光水側重穩定同提亮 · VS 普通保濕化妝水：一般toner純保濕；曙光水多咗修復同抗氧功能 💡 使用小貼士 1. 濕敷效果最佳：官方推薦用化妝棉濕敷，尤其喺額頭、鼻側、

Chloeincosme好用推薦：🤍 滋潤度：5/5！Shiseido呢支曙光精華水完全取代咗我日常嘅爽膚水～質地比普通化妝水濃稠，拍上臉即刻感受到滋潤感，但又唔會黏膩，皮膚即刻變得水潤軟滑！ 🤍 舒緩穩定：4.5/5！最驚喜係佢嘅舒緩效果～每次皮膚有少少泛紅或者唔穩定，用咗佢一星期，好快就覺得鎮靜咗好多，狀態穩定咗唔少！ 🤍 妝前打底：5/5！用完呢支精華水再上妝，個妝容真係貼服到不得了～完全冇浮粉問題，成個底妝好似融咗入皮膚咁，透出自然光澤，成日都唔使點補妝！ 🤍 吸收與手感：4.5/5！雖然質地潤澤，但吸收得好快～拍完之後皮膚手感好嫩，好似飲飽水咁，後續護膚品都吸收得更好～ 總結： 如果你同我一樣，覺得普通爽膚水已經唔夠力，又想搵一支有多重功效嘅精華水，Shiseido曙光精華水絕對係完美升級！佢滋潤得嚟又夠清爽，舒緩同妝前打底效果都一流，用完皮膚狀態明顯穩定水潤咗～已經成為我每日必備嘅一步，真心推薦比乾肌、輕熟齡肌，同追求高效護膚嘅你！

Fng好用推薦：Clé de Peau Beauté 鉑鑽凝亮柔膚水｜ 💎 產品定位：精華級保濕柔膚水 核心技術：智慧亮肌精華 + 溶解絲心蛋白 ✨ 綜合用家評價： ✅ 優點： · 深層保濕力：質地係爽膚水同精華結合體，少少杰身但推開即吸收。用家實測可24小時持續保濕，有助改善粗糙乾燥 · 膚質升級感：持續使用明顯感到皮膚柔軟有光澤，乾紋淡化之餘，毛孔更細緻 · 溫和不黏膩：混合肌用後滋潤度剛好唔出油，敏感肌都話搞得掂 · 二重清潔效果：配合化妝棉使用可抹走暗啞角質同殘留油脂，棉花會見到黃黃地 ⚠️ 注意事項： · 價格定位：專櫃價$950/170ml，網購約$608-628 · 用量較快：早晚用每次3泵，約四十日用完一支 · 配合工具：建議配合同牌化妝棉濕敷效果更佳 💡 進階用法： 1. 急救面膜：浸透化妝棉敷面3分鐘，即時提升水分 2. 軟化角質：每日用棉花抹，持續一個月膚色更亮白 3. 後續導入：用後肌膚吸收力提升，後續精華更見效 🌸 香氛體驗：清新淡雅花香調，提昇護膚過程奢華享受 🌙 揀滋潤型如果： · 你係乾肌／熟齡偏乾 · 秋冬轉季皮膚易繃緊 · 追求柔膚亮澤感 ☀️

Desse好用推薦：Clé de Peau Beauté 鉑鑽凝亮柔膚水 一款高階精華乳液，專為中性至乾性肌膚設計💓 最大賣點係深層補水同強化肌膚屏障，使用後肌膚即時感覺柔軟咗同光滑咗 佢可以持續保濕達24小時，適合秋冬或乾燥季節使用😌 質地方面呢～ 滋潤但不油膩，聞起來有淡淡清香，舒服不刺激 有效舒緩乾燥肌膚的繃緊感同細紋 唯一缺點…係價錢較高🤣🤣 如果撞啱sogo sale有套裝買會比較抵🤣🤣 但整體嚟講係物有所值，是乾燥、輕熟肌膚的好選擇💓

Noel好用推薦：這個我是收到專櫃贈品，迷你一枝30ml, 大約2星期左右用完❗ 緊緻 🌟🌟🌟🌟 短時間使用，不能太確定 滋潤 🌟🌟🌟🌟🌟🌟🌟 吸收 🌟🌟🌟🌟🌟 香味 🌟🌟🌟🌟🌟 舒服不刺激 大乾肌既我，喜歡洗面後用這枝精華水，塗完全面秒感滋潤而且富強效保濕感，但不會覺得“黐立立”。質地方面，佢比爽膚水濃縮很多，但未有像安瓶精華甘低流動性，個人很喜歡😍 我會當它係保濕用品，將會購買正裝💕

choichoi好用推薦：說不上濃稠的質感，但能夠給予肌膚實感滋潤的一款抗老爽膚水，肌膚會變得帶光澤感及更為細緻

zzzhelen好用推薦：精華水帶微稠，有我鍾意既玫瑰味，拍上面度有滋潤感。無敏感出現，亦唔會有擦膠碎。夏天唔想用太笠既產品時，我會直接用精華水代替精華油，但如果有細紋時，用精華水係唔夠力架。

Connor好用推薦：長期回購嘅一款爽膚水，質地清爽易吸收，通常我會配合化妝棉一齊用，能夠幫皮膚快速保濕。

葉子🍃好用推薦：洗完面用佢，原本面色暗沉，一搽左粉紅色精華水，皮膚有血色同明顯美白功效，質地比較似精華，無咩味，比較潤，易吸收，唔黏笠，有興趣試下佢同款其他產品

Jasmine L好用推薦：Lancôme Rose 80 爽膚水質地比一般水狀精華黏稠，適合秋冬季使用，建議用化妝棉抹喺面上，可以令爽膚水滲透效果比較好。

popocarcar好用推薦：質地濃稠，但好快吸收。 乾皮夏天用都適合，搽埋面霜啱啱好。 單價唔便宜，可以去買試用裝試啱再買。

蝦米好用推薦：個人覺得同其他系列嘅精華水感覺差唔多，保濕效果都係優秀，建議上妝之前用 試咗幾隻顏色，上面其實唔會分到有咩唔同 只係紫色會稀d

shadow影子好用推薦：以打正旗號抗皺的產品來說，呢支serum質地尚算輕盈。serum是較接近cream狀的，不是水劑，而且帶小小粉紅珠光，所以塗抹後，皮膚會帶點亮肌感。

Bendict好用推薦：轉天氣 比較乾燥 上妝上唔到 呢支精華水係BA小姐推薦 搽咗係水油平衡好咗 上粉底無咁卡😹 我敏感肌偏乾 呢支植村秀嘅化妝水 加埋佢嘅精華油用 個妝可以化到好貼 但問題就係小貴🫠

maylam好用推薦：買野送嘅sample 一搽上臉即刻feel到保濕咗 成塊面好舒服 我會冬天先用 不過夏天冷氣房用都幾保濕

何何好用推薦：每次一洗完面就即刻拍上面，好補水，好舒服，可以按埋面，冇香味既補水成份，如果一次唔夠可以拍兩次，好好。❤

sammiimelda好用推薦：質感水潤 易吸收 清爽唔黏立 上面感覺舒服 有保濕感覺 冇化學味道