濕疹膏 推薦好用產品

killkew.b好用推薦：CeraVe品牌由皮膚科醫生共同研發，專注解決不同的肌膚問題！ 呢款潤膚露特別在有水楊酸成份，有效為肌膚去角質， 同時可治療痤瘡、脂溢性皮炎、銀屑病、雞眼、毛囊角化症等。 我主要用黎搽腳部肌膚， 因為腳踭位同腳板底日日行路都會摩擦， 皮膚特別乾同粗燥，用過其他潤膚露都冇特別改善， 好快又會覺得乾！ 呢款潤膚露我覺得佢質地好夠厚身，保濕效果好長效， 朝早搽完夜晚感覺皮膚即刻滑左細嫩左， 同埋佢既罐裝設計令用家可以好容易使用， 咁大罐都係200蚊度， 其實真係好抵用！

Paris merci 好用推薦：依款Cetaphil潤膚膏真的是家中必備！ 佢嘅質地相對較厚，抹開會感覺到一層滋潤既保護膜，非常安心。而且成份不含香料、酒精和，使用唔會擔心成分問題！即使濕疹問題、皮膚紅、癢時候中，也不會覺得刺痛，反而可以迅速舒緩干燥。 雖然夏天用嘅時候會有啲黏，但在乾燥嘅冬天，效果非常好。用完之後皮膚變得柔軟，保濕效果真係維持得唔錯！身體面部都用得，我會自己入落個細罐，出街洗手後會覺得手乾，直接用佢當手霜用，保持手部皮膚滋潤。 推薦比濕疹或者皮膚較乾燥嘅人！呢個牌子小朋友都用得。手上呢款係550g大罐潤膚膏，藥妝店買大概$1xx，超級抵用💕

Yuki好用推薦：之前小朋友爆濕疹 用左幾款body cream都唔見效 咁啱有媽媽係whatsapp分享 話用左2星期皮膚就好哂 即時去買樽試下超大樽550g白色豬油膏質地好厚身但都好易推開冇香味 有淡淡嘅藥膏味 推開後唔算好黏立 但會感覺有層薄膜係面 要俾d時間皮膚慢慢吸收用左2星期濕疹皮膚真係好哂 非常有效而且價錢平 性價比超高 最重要係潤膚膏冇類固醇 小朋友自己一個用搽全身 1樽550g可以用到4個月同埋唔阻塞毛孔 唔會引起粉剌 配方温和無藥性不含香料唔刺激 可以用係面同全身 1樽攪掂哂 產地：加拿大 購入日期：2024-10-24 購入方式：萬寧門市 入手價錢：HKD104/550g (HKD0.189/g) *最平買過$95* 原價：HKD160 (HKD0.291/g) 回購：10/10

Also melon好用推薦：隨著季節轉變，任何性質嘅皮膚都會變得乾燥朋友們，或者出現不良狀態，推薦大家使用者這款產品cerave 長效保濕水份面霜。 Cerave面霜係厚身水份面霜，用嘅時候可以厚厚地塗上一層，可以即刻感受到水潤感，冰涼舒適，而且吸收得非常快。即使第一次用，或者皮膚好乾燥泛紅嘅時候用，塗上面霜之後皮膚都唔會有好刺激嘅感覺，反而係舒緩感，臉上的乾燥感會消失。使用呢支面霜後，乾燥嘅面頰都會變得水潤。 這款面霜幾乎一年四季，或者轉季時候嘅必備品，容易令皮膚保持水份之餘，亦令皮膚整體狀態更加穩定👍🏻

Paris merci 好用推薦：Cerave 長效保濕晚霜，雖然名稱叫保濕晚霜，但我覺得朝頭早用都好合適。佢嘅質地比較濃稠，但唔會黏膩，對於我乾性皮膚非常適合。而且佢唔係一般嘅乳液狀，係一種比較厚實嘅水份面霜，反而吸收得好快。 有試過晚上用呢款面霜，朝早起身肌膚感到有啲乾，可能因為我需要嘅保濕度再高啲，相反而家入秋早上用就適合。 CeraVe晚霜冇添加香料，敏感肌膚都適合，配方含3種親膚神經思安可以穩定皮膚，而且冇香味，令到肌膚更加唔舒服。保濕效果如果夜晚用再加強啲，就會更加完美。不過而家嚟講都好滿意。冬天會買埋同牌子嘅lotion同cream用，試吓係咪都幾好💕

Poyobb好用推薦：Cerave facial moisturiser lotion產品用過，但最經典嘅moisturiser lotion系列反而未用過，一樣濕疹敏感皮膚都用得。 依排轉季夏天用嘅乳液唔夠補濕，但因為我係一個好容易生暗粒嘅混干肌，揀乳液嘅時候都要謹慎 首先佢係有237 mL同475 mL兩個選擇，兩罐都好大支有排用，都好抵用。佢嘅質感係偏稀嘅乳液，上面嘅時候係好水潤推開晒都好容易吸收，係偏水潤感重嘅乳液。依款亦都有添加神經醯胺、透明質酸、B3，可以修復皮膚屏障，對於我呢種容易起暗粒嘅皮膚，皮膚狀態會比較穩定。用咗一段時間都冇特別敏感，或者爆暗粒。因為佢係純保濕配方，你可以疊加任何嘅精華配搭都得，萬用方便💜 另外，貪方便去旅行一支過，可以用做搽面同身體乳液都得。 但因為我對氣味都比較敏感，依款乳液嘅味道都有啲強，搽上面就會有嗰陣乳液膠味，搽上身體就冇問題，呢一點我有啲唔鍾意。如果搽面用返Facial系列pm會較好🥰

Eunice好用推薦：CareVe Moisturising Lotion 當時因入秋轉季開始皮膚敏感又脫皮，所以入手左一支 見佢針對濕疹皮膚，成份簡單，仲可以拎黎搽面 質地清爽、不黏笠，又好搽易吸收 為一缺點就係保濕力對我黎講唔夠 晚上沖完涼搽完， 隔三至四個小時又開始身體癢癢的 不過Eunic💩有個小貼💩 如果面部皮膚真係好乾燥又甩皮 可以薄薄地搽係面仔先，再ontop加塊廢面膜😂 三文治夾法敷二十分鐘至半個鐘， 皮膚會柔軟好多同無咁甩皮，大家可以試下 (只針對皮膚乾燥者)

莓莓好用推薦：最有效修護嘅面霜，皮膚屏障受損泛紅急救❗️❗️ 百零蚊一大罐，竟然可以拯救我嘅敏感爛面？今次同你實測呢罐被喻為『平民救星』嘅CeraVe面霜，睇下佢係咪真係咁萬能！」 佢質地好似雪糕咁，潤得嚟又唔黐立立，上臉唔會好厚重，而且吸收得超快。主打強效修護 + 高度保濕！用咗一段時間，塊面真係嫩到癲！仲好Q彈！！泛紅敏感位都慢慢淡咗落去。平日用未必好覺，但塊面一『發脾氣』敏感，用佢實鎮壓得住！ 今晚我刷酸刷過咗龍，刷咗兩個幾鐘，結果搞到屏障受損。一開始塊面刺刺痛，跟住開始變紅兼火辣辣咁疼。屋企又冇修復急救面膜，唔知點算好，求其拎咗適樂膚嚟厚敷。點知效果咁誇張，半個鐘唔到就退紅，塊面都唔痛啦！ 使用前：使用後： 如果你灼傷得唔係好嚴重，好似我咁泛紅同刺痛，可以試下用呢個方法急救。 就快冬天，如果妳塊面容易『高原紅』同爆拆，真係要早啲入定貨。而且成分簡單，冇香精、酒精呢啲嘢，爛臉期都可以放心用！！

Sakura醬好用推薦：原來護膚嘅盡頭真係Cerave！ 我正式宣布！Cerave面霜就係本人今年嘅天命面霜！由身體乳跟到面霜，老實講真係用一次就返唔到轉頭！！ 秋冬啲風真係利過刀，之前出街塊面吹到又紅又痛，搵其他面霜唔係焗到癲就係好似搽咗層蠟咁唔吸收，塊面乾到甩皮兼化妝卡粉，真係想死！直到摷返呢罐面霜先至知咁叫驚為天人。 第一次厚敷得一個字：爽！！！ ⭐️質地： 質地似軟綿綿嘅雪糕，望落去厚身但一推就化水，瞬間吸收，完全唔黐枕頭唔癡面，吸收完係爽身啞光感，一啲都唔膩！最緊要係裏面三重神經酰胺真係堅有效，好似同你啲受損皮膚補磚加水泥咁，將個屏障修到實一實，搽完即刻覺得塊面冇咁難頂，泛紅都慢慢退減，修護效果爆燈！ ⭐️成份安全： 作為皮膚科醫生都推薦嘅專業修護品牌，佢啲成分做得乾淨安心，冇香精酒精啲亂七八糟嘢，敏感肌同爛臉期用都超放心。前排每次熬夜泛紅或者皮膚出事，我就即刻厚敷一層當急救面膜，十零分鐘就感覺到降溫同舒緩咗好多，第二朝起身塊面軟淋淋，一啲都唔繃緊，之後化妝貼服到似焊住咗，永世唔再搓泥卡粉！ ⭐️使用效果： 堅持用咗大半個月之後，無論轉季定係吹成日冷氣，塊面發脾氣嘅次數都明顯少咗好多，而且

Kala好用推薦：舒特膚透亮抗敏舒緩晚霜質地柔滑，吸收快，保濕效果好。含神經醯胺和維生素C衍生物，修護敏感肌，夜間使用後皮膚感覺水潤有光澤。無香料，溫和不刺激，連續用幾天有助改善輕微紅敏。罐裝設計不太方便，建議用挖棒取用。價格合理，適合敏感肌的晚間保養，表現不錯。

Beast lover 好用推薦： 晚霜日霜都有一起用，第一次用嘅，用咗之後，覺得能夠提供長時間的保濕效果，減少肌膚乾燥和緊繃的問題。吸收得好好，一啲都唔癡粒粒。 價錢偏小小貴，但是值得推介。

Kitty 好用推薦：呢款面霜係白色乳液狀，推開之後好輕薄，吸收得快，唔會黐立立或者悶住塊面。冇添加香料，所以係冇味嘅，適合敏感肌同唔鍾意香味嘅朋友。 🌿 成分同功效： 主打積雪草精華，呢個成分出名舒緩同修復肌膚，仲有其他保濕成分，保濕同時強化皮膚屏障。我用咗之後覺得塊面冇咁易泛紅，之前因為戴口罩而生嘅粒粒同痕癢都減咗好多！ 👍 使用感受： - 保濕度：★★★★☆ 雖然係面霜，但唔算好厚重，夏天開冷氣用都好舒服，第二朝起身塊面依然水潤，唔會出油。 - 舒緩效果：★★★★★ 真心推薦比敏感肌！尤其係轉季或者皮膚唔穩定嘅時候，用佢急救好有效，第二日就覺得塊面平靜返好多。 - 價錢同性價比： ★★★☆☆ 藥妝店賣大約$200左右（45ml），唔算平，但一支都用得幾耐，而且效果對得住個價錢！ 💡 小貼士： 如果皮膚極度乾燥，可以之後再加一層保濕精華或者面霜鎖水。 總結： 呢支面霜適合敏感肌、油肌同混合肌，尤其係容易泛紅、缺水或者需要修復皮膚屏障嘅人。當然啦，每個人皮膚唔同，最好都係試咗sample先買正裝啊～

Ceccinmydin好用推薦：Cetaphil 積雪草舒敏鎮靜面霜，效果好好，係敏感肌救星！👍 佢係乳霜質地 ，比較厚重，推開之後有少少殘留感，有層保護膜咁，但唔會黐立立 我最鍾意佢係冇香料！有啲保養品雖然有效，但香味太重，聞落好似好化工咁，呢一罐完全冇香 同埋個包裝design好好，真空按壓式，乾淨衛生，又容易控制份量 效果方面，佢鎮靜皮膚、改善泛紅同痕癢真係有用。配方有積雪草、神經醯胺同尿囊素，可以即時舒緩敏感不適。我冬天時候用，皮膚乾燥痕癢嘅情況真係舒緩咗好多。之前冬天去韓國旅行，天氣乾燥，我都係靠佢，塊面先可以保持穩定，冇出現繃緊或者甩皮嘅慘況。佢嘅保濕鎖水能力好強，可以有效修復皮膚屏障 總結嚟講，呢款面霜保濕力夠 、舒緩泛紅效果明顯，所以一定會回購，好啱冬天用嘅面霜！💯

Grace Yeung好用推薦：依家天氣雖然唔凍，但係皮膚好乾好痕，所以買黎使用，使用後感覺好補水！皮膚冇咁抿緊 

Noel好用推薦：美國藥妝店的贈品，小小一枝10g竟然足夠使用一個月 😂 份量很省呢！面霜有點爽身粉味，這個 BB味面霜晚上使用很舒緩啊！潤膚乳呈白色，質感柔滑，比較 soft，塗到面上係順滑，好好推💕 沒有油膩感，算幾 light 👍 我尤其喜歡用這個乳霜敷鼻子及兩側，比較易敏感或變紅的位置，都適合用這枝去舒緩一下。

布吶吶好用推薦：最近換季轉天氣，塊面又開始有啲唔聽話，又乾又有啲泛紅，即刻拎返支First Aid Beauty面霜出嚟救命！用咗一排，同大家分享吓用後感，集中講質地、保濕同修復效果： 質地： · 好似雪糕咁，軟滑易推，一搽上面就吸收，唔會立癡癡。 · 換季時用，感覺好溫和，塊面有少少敏感都用得，唔刺激。 保濕效果： · 保濕力夠晒水潤，但唔會笠。 · 轉天氣（例如秋風起）嘅時候，用佢可以即刻幫塊面補水，唔會繃緊，抵受得到天氣變化。 修復效果： · 呢樣係驚喜位！對於換季時嘅泛紅同少少敏感，佢真係有鎮靜到。 · 通常連續用兩晚，塊面啲乾繃同唔舒服感覺會舒緩好多，冇咁易「忟憎」，皮膚穩定返！ 總結： 換季期間，佢絕對係一支穩陣之選！保濕得嚟質地舒服，最正係有啲修復力，幫皮膚平安過渡，值得入手！ #換季#轉季

chewyfruit好用推薦：修護力好勁！真係愛到癲！！！ 敏感肌最憎嘅夏天又殺到🙄 特別係每次出完街返到屋企 塊面即刻變到好差 聽我講！呢支FAB急救面霜真係唔好亂買！！！ 驚你用完覺得之前買嗰啲修護品都嘥錢啊！！ FAB嘅保濕力+修護力 真係雙劍合璧✨ 成分簡單天然，主打北美微米燕麥成分 修護力超強 仲係全能保濕王！微米級特別易吸收～ 再加埋牛油果脂+神經酰胺+角鯊烷 簡直係揸住支槍逼塊面飲水！沙漠變綠洲都得！！！ 成舊奶雪糕咁嘅質地 記得手心搓到透明先按上塊面 慢慢會覺得成塊面涼浸浸❄️ 如果曬傷咗可以厚敷急救 第二日就會見到位紅退到七七八八！ 真係好識修護！愛到爆炸！！！

choichoi好用推薦：濕疹來襲或是臉部皮膚無故痕癢時它也可以抑制，保濕效果實在令皮膚敏感緩和起來

mandy好用推薦：當皮膚轉季時，容易變得敏感， 所以在家中常備一罐防敏面霜， 便可以隨時依皮膚狀況使用，有備無患。 來自法國的LA ROCHE-POSAY TOLERIANE ULTRA 抗敏全效修護面霜  就十分適合常備家中。    成分簡單, 性質溫和, 不含酒精, 香料及防腐劑, 即使敏感肌亦可使用。  含保濕成分: 角鯊烷, 乳木果, 甘油 及 戊二醇  Cream 狀質地, 易推及容易吸收, 不油膩, 使用感非常舒適,  適合在秋冬季使用。  夏天可以使用 LA ROCHE-POSAY TOLERIANE ULTRA LIGHT，質地會更輕盈。 　LA ROCHE-POSAY TOLERIANE ULTRA 抗敏全效修護面霜還有一個厲害之處， 除了面部使用外，眼部及頸項也可以使用。 　當你想使用較溫和的護膚品時， 抗敏全效修護面霜可以全方位照顧妳的需要。

Yuki好用推薦：皇牌修復入門套裝其中1個產品CICAPLAST B5修復強韌乳霜15ml瓶口好細 可以精準控制用量乳白色乳霜質地輕盈好易推開聞落有少少似中草藥味 乳霜當中有益生元成份菌Tribioma 可以平衡皮膚表面益菌群落 而APF水絲透明益菌萃取物 可幫助平衡肌膚微生態 加上舒緩成份維他命B5同積雪草萃取 除左能夠舒緩肌膚乾敏 同時做到修復肌膚屏障 乳霜質地比較輕薄 對於沙漠肌泥講 保濕滋潤度都係差少少 但修復效果唔錯 可以改善到濕疹狀況 春夏時可以單用乳霜 秋冬天氣比較乾燥 可以疊加B5萬用修復霜 效果會更加顯著 產地：法國 購入日期：2024-11-28 購入方式：萬寧門市 入手價錢：HKD185 (潔面泡50ml + 爽膚水50ml + 噴霧50ml + 乳霜15ml + 修復霜40ml) 原價：HKD315/40ml (HKD7.875/ml) 回購：7/10

BubbleWaffle好用推薦：La Roche-Posay B5 light cream 質地 ⭐️⭐️⭐️⭐️⭐️ 同名一樣 夠light 夠輕身 好容易就推得開 每次用少少🤏🏻就已經可以搽晒成塊面 搽完一啲都唔厚重 過咗5分鐘就感覺吸收晒 保濕能力 ⭐️⭐️⭐️⭐️ 我混合偏乾肌每晚用一次 塊面無乾紋 鼻頭多油位置都無焗到出更多油/生瘡 搽完摸塊面會覺得滑咗 但過咗兩三個鐘之後就會同平時差唔多 覺得乾肌可以朝早連sunscreen 用就可以 夜晚未必夠力過成晚（尤其開冷氣嘅話） 氣味 ⭐️⭐️⭐️⭐️⭐️ 無特別香味 但有陣藥？嘅味道 其他效果 ⭐️ 聲稱可以收毛孔同減泛紅 暫時我兩個都唔太覺有效果 如果沖住依啲效果去買應該會失望 敏感 個人無出現敏感 總結： 夠輕身嘅moisturiser 但唔算有好特別嘅地方 覺得除非本身佢枝b5 cicaplast baume 對你好有用你又想搵個更啱搽面嘅product, 如果唔係唔洗特別試

Hazel好用推薦：買俾我仔用，好細盒＇勁快用完，使用感良好，但冇乜效果，完全唔止痕又唔算滋潤。