保濕粉底 推薦好用產品

koko_wy_lo好用推薦：革命性採用3D柔滑貼膚粉末 加上修正膚色科技 全面掃上瞬間自動修正暗沉膚色☺️ 配合細緻珍珠粉末 塑造出猶如天生自然光感肌✨️ 有效柔焦瑕疵 妝容更持久立體精緻 長時間帶妝都可以保持健康透亮嘅奶油肌光澤😆 因為我自己屬於乾肌 平時對粉餅定妝補妝依賴度偏低 但佢嘅成份中特別添加咗洋甘菊同玫瑰油萃取 我依家經常都會用 因為佢超級輕透不留厚重粉感 又可以幫我持續為肌膚滋養保濕🥰

ying好用推薦：✨ PRADA Beauty 原光新肌氛墊粉底 AI精準配色・妝養合一 貴婦氣墊・自然高級感 「個色好啱亞洲人膚色，唔會偏紅唔會偏黃。上妝好似第二層皮膚咁，全日都舒服。」 ✅ 色號精準，唔會出事 PRADA 呢個氣墊用咗 AI 技術嚟調色， 專為亞洲人膚色設計。 上臉之後： 唔會偏紅（好多歐美品牌嘅通病） 唔會偏黃 同本身膚色融為一體 ✅ 妝感自然，似第二層皮膚 唔係厚重面具感， 而係好貼、好薄， 望落似「本身皮膚就係咁」。 光澤感係低調嗰種，唔會油淋淋。 ✅ 全日舒適，唔焗 香港天氣又濕又熱， 好多氣墊用完塊面好似「漿住」。 呢個用完係舒服嘅， 唔會覺得塊面有負擔。 ✅ 妝養合一 蘊含 Adapto.Gen Trio 三重適應原 + 維他命B3， 化妝同時護膚。 持續用嘅話， 皮膚會慢慢改善： 屏障強咗 冇咁易敏感 水潤清爽 ✅ 可疊加遮瑕 薄上一層：自然均勻膚色 疊多層：提高遮瑕度 可以按需要自己調整。 ✅ 持久度ok 全日都 keep 到， 唔會暗沉，唔會浮粉。 出油之後用紙巾印一印就靚返。 ⚠️ 注意： 價錢偏貴（PRADA 正常） 遮瑕力中等，極深痘印要另外遮

xxkelly好用推薦：討論到極高，而且顏值完全係我審美標準之內，去日本嘅時候諗都冇諗就買咗返嚟，就算唔打得都睇得啊嘛😝 整體使用感受 。 顏色選擇上比較少，得兩隻色LC5同LN10，對於健康膚色嘅我嚟講買最深嘅LN10都係比較白，小麥肌嘅朋友可能就真係要諗諗 。 適合中性偏油/油肌/夏天使用 。 遮瑕度七至八成左右，但唔厚重，唔會令皮膚感覺到負擔 。 持久，貼膚，越夜越美麗 之前見好多網上嘅review都話佢完全handle到香港嘅夏天，所以試都冇試就帶咗去六月嘅歐洲，陪我經歷咗10日嘅熱浪，的確好持久，出咗勁多汗都仲係好貼合皮膚，出咗油嘅奶油妝感令到成件事昇華咗，當時只有讚無彈🤓但最近香港天氣開始有少少涼意，再攞返出嚟用就有少少失色，以下照片為九月中香港開始冇咁濕嘅上妝情況。 最近轉天氣皮膚比較敏感，面頰位置比較多紅點，中度黑眼圈同嘴角暗沉問題，上妝後紅點被遮至到八成，黑眼圈被者至七成，嘴角暗沉就只有五成，好貼服冇厚重嘅粉感，但過咗三至五個鐘後開始收乾，眼底下嘅顆粒感同埋少少紋開始走咗出嚟，所以未必適合乾肌嘅女仔，或者要加強保濕先可以用。但顏色冇暗沉值得一讚！

zetalhc好用推薦：呢個粉底遮蓋瑕疵同毛孔嘅效果好好，而且成份控油好適合油性皮膚或者夏天用，持久力都唔錯，搽咗蜜粉出門一日都唔會點脫粉

MC好用推薦：呢款cushion可以做到自然嘅水光感，岩岩上面個刻好光澤水潤，好似本身皮膚就咁好。隨住帶妝時間越長，個妝感會更似奶油肌，無咩浮粉嘅情況。 遮瑕度方面，可以遮到毛孔同瑕疵，但唔可以完全遮到黑眼圈，會有少少發灰。

Fng好用推薦：Laura Mercier 極致持久粉鑽煥亮氣墊粉底 SPF50｜ 💎 上妝步驟：妝前乳 → 氣墊拍彈上妝 → 局部遮瑕 → 定妝噴霧 ✨ 核心亮點： · 鑽石級光感：粉體含多重晶耀粒子，光折射技術使膚色透亮不油光，黃皮秒變通透奶油肌 · 極致防曬力：SPF50/PA++++ 真正達到戶外防護標準，香港夏季通勤可抵禦97%紫外線 · 抗汗專利：獨家「水轉粉」科技，出汗後粉底自動融合，越熱妝感越貼膚 ⚠️ 使用注意： · 選色關鍵：#1N1（中性一白）最貼近亞洲黃皮，#2N1（自然色）適合追求裸妝感 · 用量控制：沾取1次夠半張臉，過量易顯厚粉 · 補妝技巧：先用紙巾印走油分，再輕拍補妝 🌦️ 香港天氣實戰： ✅ 雨季潮濕：搭配控油妝前乳，持妝達8小時 ✅ 冷氣房乾燥：噴保濕定妝噴霧預防浮粉 💡 總結：專為亞洲潮濕氣候設計的「鑽光防曬氣墊」！適合香港夏季追求光澤妝效的混合肌，油肌需加強定妝～✨ #LauraMercier氣墊 #鑽光粉底 #SPF50氣墊 #火熱新品

Emily Leung好用推薦：#火熱新品 Paul & Joe 白色搪瓷氣墊 00色號，粉白色，夏天混油、冬天混乾膚質，用過最大感覺就係，使用感好矛盾。 1. 氣墊氣味有啲怪，唔係香味亦都唔係臭味，係一種化學味，同搪瓷隔離唔一樣。 2. 做好保濕先上臉，淨係塗呢隻，皮膚屏障受損嘅位置原本甩皮唔係好明顯，上咗之後反而一清二楚、更加突出。宣傳話「加入保濕精華」「隔離+底妝一體」「絲薄水潤」「適合混油皮嘅氣墊」，總之睇宣傳語就已經好矛盾。 3. 入面見到係海綿，按理應該係滋潤型氣墊，但反而更甩皮就好奇怪。剛剛撲上臉時好順滑，但好快就變乾，未夠時間推勻。同樣皮膚狀態用 Excia 粉霜就唔會甩皮，就算用返同一牌子搪瓷隔離00白蓋版都唔會咁明顯。 之後試過用 CPB 長管隔離、CPB 白管隔離、用橘子面霜打底等等，都解決唔到甩皮明顯嘅問題。 4. 粉質幾細膩，妝效帶少少光澤，唔係純霧面。00色號係粉白，對我黃一白膚色嚟講，係我想要嘅效果，好提氣色。 5. 粉撲太細，唔太好用（尤其指甲長嘅時候），撲粉唔均勻。由3月10號開始用，每日一次，15日就發覺撲到嘅粉越來越少（或者好唔均勻），要大力咁按，暫時未睇過海綿下面剩

Fng好用推薦：Laura Mercier 柔焦保濕蜜粉 (Translucent Loose Setting Powder Ultra-Blur) 係一款好評極高嘅皇牌碎粉，主打「柔焦」同「保濕」。 ✨ 產品特點 · 柔焦零毛孔：粉質極細，上臉即時柔焦毛孔同瑕疵，打造「自帶濾鏡」嘅霧面妝感。 · 保濕不乾燥：加入透明質酸等護膚成分，多數用家實測保濕唔卡粉，乾肌都啱用。 · 輕薄貼服：唔含滑石粉，質感透薄自然，上臉無厚重面具感。 · 持久控油：官方指可達16小時柔焦，喺香港潮濕天氣下可Keep到6至7個鐘以上。 💬 用家真實反饋 · 優點：粉質幼滑易推、透明色號自然不泛白、定妝效果好、拍照不反白。 · 注意點：因無滑石粉，完妝後摸落唔會好滑；有極少數用家反映近看或會顯少許細紋；原裝無附粉撲。 💰 價錢 · 容量/價格：20g / HK$420；29g / HK$550。一份量好足可以用好耐。 📝 總結 如果你追求輕薄、保濕又有柔焦效果的碎粉，呢款會係好選擇。特別適合混合肌同乾肌，尤其喺香港潮濕天氣下想控油同時保持水潤。 #LauraMercier #柔焦保濕蜜粉 #Translucent

Lindabb好用推薦：真愛碎粉，Laura Mercier 經典碎粉 最初係上網見到勁多好評，就去買咗個細罐裝。當時已經覺得好好用，之後陸陸續續用過唔少碎粉，Givenchy、Nars、Make Up For Ever 等等，兜兜轉轉又用返佢，依然覺得佢係我秋冬嘅本命碎粉。 我本身冬天混乾，夏天混油，通常會喺秋冬天氣用佢。佢本身係唔跟粉撲嘅，我自己喺淘寶買咗個放落去，啱啱好。佢真係超級保濕，完全唔使擔心會抽乾水份嗰種，上面同粉底液融合得好好，有隱藏毛孔嘅效果，會顯得皮膚本身就好乾淨咁。我本身抗痘多年，塊面有唔少凹凸不平嘅痘坑，對個妝嘅要求就係要啞緻乾淨，佢完全可以滿足到我嘅需要。 之前一路覺得佢控油力爭少少，唔會喺大熱天時用佢。今年手頭嗰盒碎粉啱好用晒，未趕得切買新嘅，攞起佢用咗幾日，意外發現控油力都唔錯，夏尾夏初都頂得住。勁爆汗嘅大熱天我仲未試過，通常會轉用控油效果再好啲嘅款。其他季節對我嚟講都係超完美～

Miranda好用推薦：【質感】 首先講質地。佢係輕身嘅流質狀，流動性極高，唧出嚟會跣走嗰種。推開嗰下好順滑，好似搽緊輕盈嘅精華液而唔係粉底。上面之後好快就同皮膚融合，感覺好薄好透氣，完全唔會覺得「漿住」或者厚重。就算用手上妝，都一樣可以推得好均勻，完全冇粉痕。 佢嘅妝效係偏向自然光澤嘅，用完之後塊面有一種好靚嘅 「絲緞光澤」 ，唔係油光嗰種，而係好似皮膚本身好健康咁透出嚟嘅光。近距離照鏡都睇唔到粉粒，好似第二層皮膚咁自然。呢種光澤感就算上咗碎粉都仲keep到，唔會俾碎粉完全蓋住。 佢嘅質地仲有一個好處，就係 「唔會乾」 。我兩頰有時會乾，用其他粉底嗰陣，上妝一陣就會見到乾紋浮出嚟。但呢支粉底完全冇呢個問題，就算上妝幾個鐘之後，塊面都仲係保持住水潤嘅感覺。 【使用感】 呢個位係我最滿意嘅部分。佢嘅 「光澤感」 真係好出色，但又唔會誇張到好似油光滿面。用完之後塊面有一種好自然嘅透亮感，望落精神好多，但又唔會覺得化咗好厚妝。 佢嘅 「遮瑕度」 屬於中度，可以修飾到泛紅同均勻膚色，毛孔遮到七八成，黑眼圈同痘印就遮到五成左右。我本身唔係追求完美無瑕妝感嘅人，所以呢個遮瑕度對我嚟講啱啱好。如果當日有明顯嘅暗瘡

Poyobb好用推薦：之前有一段時間好鍾意用Armani嘅粉底液，Power fabric fro同designer lift都有用過。手上呢款藍色係designer lift大師粉底液。#3黃皮偏白啱用，用完全日都冇咩暗沉。 佢嘅粉底液都係好薄身，容易推開，建議先用化妝掃在面平均推開，再用粉撲拍實。粉底液光澤到自然，如果依款因為有藍珍珠粉末嘅元素係入邊，可以幫你折射皮膚令到皮膚睇落。佢嘅焦效果好靚，佢可以折射法令紋冇咁深，如果係嗰日要影相或者出夜街就好適合😚 依款粉底液比較起來相對適合返乾性皮膚，略嫌控油道不足。如果香港夏天戶外就好容易溶，建議室內先用，或者夜晚先用，佢嘅防曬度只係得SPF 15比較低。

Sanna Cher好用推薦：使用產品色號3N，是偏向暖色而且粉嫩，非常適合搭配金棕色妝容。雖然產品顏色比膚色深，但塗抹後，加上loose powder，效果比原生膚色白晢。產品是乳霜質地，用上化妝掃後能夠輕易塗抹全臉，而且份量不用太多。塗抹妝前乳後的肌膚狀態，對比塗抹粉底液的效果，見美白遮瑕效果明顯，而且膚質亦有提亮。完妝照片，塗抹loose powder的效果，如使用setting spray，粉嫩效果能夠更加明顯。

Kitty 好用推薦：首先，個樽身真係靚到爆！金燦燦嘅玻璃瓶，拎上手好有貴氣感（雖然指紋黐到癲🤣）。泵頭設計幾衛生，一泵就夠用全臉。質地係creamy狀，推開好順滑，有種高級護膚品嘅香味，唔會燦鼻～ 👩🏻妝感點樣？ 我係混合肌，T位油兩頰乾。呢支粉底上臉嗰陣好貼服，係那種天生好皮嘅光澤感，唔會假面或者粉感重！遮瑕度中等偏上，我面頰嘅泛紅同暗瘡印薄薄一層已經遮到七七八八，如果要多啲遮瑕可以疊加，但唔會覺得厚重。 ⏰持久度測試 朝早8點上妝，到中午T位有少少出油，但用紙巾印一印之後，妝容依然完整，冇斑駁！到咗夜晚7點，整體妝感依然keep到，只係鼻翼同嘴角有輕微溶妝，但唔會變地圖臉～我覺得佢嘅抗氧化能力幾好，唔會好似某啲粉底咁到夜晚就變灰黃！ 👍🏻最鍾意嘅優點 1. 養膚效果：落妝之後皮膚冇變差，反而覺得幾潤，可能因為有護膚成分？ 2. 光澤感：唔係油光滿面嗰種，係自然透光嘅高級感～ 3. 貼服度：就算係乾到爆嘅冷氣房都冇起皮！ 👎🏻可以更好嘅地方 1. 價錢：真係貴啊！！！（但諗深一層，如果當係護膚品+粉底二合一，又好似抵返少少？） 2. 油肌可能要補妝：如果係大油皮，夏天可能要用控油pri

Miranda好用推薦：【質感】 首先講質地。佢係偏杰身嘅透明凝露狀，流動性唔算高，唧出嚟係一舊嘅。但推開嗰下好順滑，延展性極高，一粒黃豆嘅份量已經夠搽全面。上面之後初初係有啲水潤感，輕輕按摩幾下就會慢慢吸收，皮膚表面會留低一層好薄嘅滋潤膜，但又完全唔會覺得黐立立或者油淋淋。 呢種「有存在感但唔黏笠」嘅質地我好鍾意。佢唔似某啲保濕精華咁，用完之後好似冇搵過嘢咁；亦都唔似某啲太潤嘅產品咁，用完之後塊面好似有一層漿糊封住。佢嘅滋潤度係啱啱好嘅，尤其係而家秋冬季節，用完之後塊面望落好飽滿好水潤。 味道方面，佢冇添加香料，聞落係好淡嘅原料味，幾乎係冇味嘅。對於追求無香味護膚品嘅人嚟講，呢點係好加分嘅。包裝係泵裝設計，唧出嚟嘅份量啱啱好，一泵已經夠全面，乾淨衛生又唔會浪費。 【使用感】 呢個位係我最滿意嘅部分。佢嘅 「即時補水效果」 真係好出色。用完之後皮膚即刻變得柔軟水潤，洗完面嗰種繃緊感即時消失。佢嘅透明質酸成分似乎可以滲透到皮膚底層，而唔係淨係停留喺表面。 佢嘅 「鎖水效果」 都係我好欣賞嘅。用完之後，皮膚表面會形成一層薄薄嘅保護膜，可以防止水分流失。以前用某啲保濕精華，用完之後過一陣塊面又會乾返，但呢

Fng好用推薦：肌研 H.A. Supreme 極緻補濕精華 用後感 ——混合偏乾肌嘅「平價保濕救星」，冷氣房都頂得住 💧 我係熟齡混合偏乾肌，成日出入冷氣地方，塊面成日覺得乾爭爭。～ 🧴 質地：凝露化水，清爽零黏笠 · 質地係凝露狀，似稠身少少嘅啫喱，推開即化水 · 上面後按摩十零秒就吸收，唔會黐立立 · 用完皮膚有層薄薄嘅保護膜感覺，潤得嚟好舒服 · 質地水感清爽不黏膩 🔬 成份：多重保濕修復配方 · 4-5重透明質酸：深層補水鎖水 · 維生素B5 + 神經醯胺：修復皮膚屏障，改善乾燥粗糙 · 無香料、無色素、無礦物油、無酒精，敏感肌都用得 · 弱酸性、低刺激性配方 ✨ 用後感：保濕力夠，上妝貼服 · 冷氣房實測：到下晝都未乾到繃緊 · 妝前打底：上妝貼服咗，鼻翼同眼底冇咁易卡粉 · 皮膚唔穩定時：用佢都好溫和，冇刺激 · 可以溝其他精華：混搭維他命C、A醇都唔會打架，穩定度好高 ⚠️ 要留意嘅地方 · 大油皮夏天可能覺得有少少潤 · 要等吸收晒先搽其他嘢，否則有機會搓泥 · 吸管設計：用到最尾有時會吸唔到，會覺得有啲浪費 💰 性價比：百零蚊有呢個效果，拍得住專櫃 🌸 總結（春

Jan好用推薦：#火熱新品 MAC卷王金氣墊打造原生好皮膚，我很不喜歡厚重面具感底妝，一直在找貼近原生皮膚的氣墊。試了全新卷王金氣墊，完全長在我的審美上。粉質很薄很細，上臉潤出水光，徬彿是自己天生的好皮膚。不會把毛孔完全糊死，保留肌膚紋理，妝感通透高級。中等遮瑕，瑕疵可以柔和修飾，追求高遮瑕可以疊加第二層，也不會厚重結塊。帶妝一整天，妝面維持光澤，不會快速氧化暗沈。金色外殼質感高級，顏值和實力雙雙在線。網上濾鏡試色會美化妝效，很容易期望值過高。

Ice好用推薦：超級推!!!!!!!!!!!!!!! 呢個粉底液超好用！超輕薄貼伏！ 不過相對遮瑕度就吾算高，但尚可接受，要高遮瑕佢另一個粉底。 佢都keep 得好好，啱啱化完個妝感好好。平時出街出1 2個鐘，完咗都仲keep 都冇甩冇斑縛，如果無用散粉補妝有少少溶，不過都算係咁。價錢呢講香港買吾平，但係去日本嘅千祈唔好錯過，平好多

Ella Ip好用推薦：搵左好耐，終於有一款粉底液色號啱啱好 我用103號色，由舊版用到e+ . 夏天就算我出汗，都唔會溶妝。 我鐘意佢妝效夠matt 可惜朗豪坊RMK 執左，希望九龍其他地方會有專櫃，啟德Sogo 太唔方便了

Poyobb好用推薦：呢支係glow版本，出嚟感覺不是韓妝水光，係呈現皮膚狀態好好嘅自然光澤感。 粉底液偏稠身流質，試過用刀刷有粉痕，建議用密度較高嘅粉底刷較適合。粉底液有點快乾，建議逐part上面，同時遮瑕度幾好👍🏻即使上一層已做到好高遮瑕度。 保濕度一般，我混合肌toner+保濕base感覺啱啱好，干肌要再加強保濕。 我用嘅日子30度（上碎粉前用定妝噴霧），冇補妝只用紙巾輕印嘅情況下，大半日都keep到七成。 #火熱新品

natanatalie好用推薦：這一款粉底是一款比較滋潤性高的粉底，適合乾性肌膚的女生使用，因為粉底的滋潤感是不錯的，對於乾肌女生們來說是非常友好！💯 我這次用3W的顏色，這個色號適合亞洲女性肌膚使用，不會過白也不會顯黃，上面的感覺是非常滋潤和保濕度很高，因此不會顯乾紋和不會有龜裂的情況。🥰 它的遮瑕度也是不錯的，可以看看我手背的血管和青筋也遮得7788 ，而且粉感不會很強，皮膚不多瑕疵的女生薄薄一層，基本上就不需要用太多遮瑕膏。持妝效果是不錯，在夏天比較潮濕的天氣，這款粉底的持久度也能維持在八九小時左右。☺️ 總括來說，這款粉底並不算十分透薄，它算是滋潤度和遮瑕度不錯的粉底，適合混合性肌膚女生在秋冬天使用或是乾性肌膚女生使用。🫶🏻

Miranda好用推薦：【質感】 首先講質地。佢個包裝真係好靚，金色鏡面設計，望落好高級，拎出嚟補妝都有種儀式感。氣墊粉撲嘅質地都算幾好，柔軟有彈性，但吸粉力比較強，如果大力壓嘅話會吸太多粉底，建議輕輕印兩下就夠。 粉底嘅質地係好輕盈嘅乳液狀，上面之後好薄好透氣，完全唔會覺得厚重或者焗促。佢嘅妝效係偏自然光澤嗰種，唔係韓式水光，而係一種好低調嘅柔光感，望落皮膚好飽滿好健康。粉體好細緻，用完之後近距離照鏡都睇唔到粉粒，好似天生皮膚就係咁靚咁。 不過要留意嘅係，佢上面之後需要等一陣先會完全乾透成膜。如果趕時間，未等到佢乾就上碎粉，會覺得有啲「漿住」。 【使用感】 呢個位我覺得有好有唔好。好嘅方面，佢嘅 「即時妝效」 真係好靚。一拍上面，毛孔即刻柔焦咗，膚色均勻咗，望落乾淨透亮。佢嘅光澤感係好自然嗰種，唔會太過火，返工用都唔會覺得誇張。 佢嘅 「遮瑕度」 屬於中等，可以修飾到泛紅同均勻膚色，毛孔遮到七八成，黑眼圈同痘印就遮到五成左右。我本身唔追求完美無瑕，所以呢個遮瑕度對我嚟講係夠用嘅。如果當日有明顯瑕疵，我會額外用遮瑕膏補一補。 但係，佢有幾個位令到我幾困擾。第一，控油效果只係一般。我係混合偏油肌，用

Belle LUI好用推薦：去旅行、作息亂，皮膚最容易鬧脾氣——時差加飲食影響，搞得我容易長粒粒、又易脫妝。之前就用過他們家的粉底液，很好上妝，但去旅行不想帶太多東西，氣墊就是最方便的選擇。所以我帶上了這顆——Charlotte Tilbury 夢幻柔光粉氣墊，粉粉嫩嫩的超可愛😍。薄薄一層，瑕疵就遮了八九成，泛紅和暗粒修飾很多，毛孔也隱藏了不少。而且它帶有自然光澤感，提亮膚色、看起來很精神，整天下來也不會暗黃，非常自然——完全是為我這種瞎忙的媽媽而設的😂 我是混合偏油肌，鼻翼兩側特別容易出油，所以一定會搭配他們的輕盈無瑕蜜粉。一整天趕行程也不需要特別補妝（要求不高的情況下😆），出油狀況還可以，用紙巾印一下就好，控油表現算不錯了！ 結論：想快速上妝出門、一盒搞定遮瑕＋提亮＋控油，Charlotte Tilbury 夢幻柔光粉氣墊值得入手💖

Kmggigi好用推薦：Shiseido 養膚柔霧修護精華粉底 — 日常夠用嘅柔霧遮瑕底妝✨ 呢款粉底用嚟日常出街其實好方便， 本身已經有 SPF30 防曬度， 平時簡單上妝、返工返學或者短時間外出都幾夠用。 妝感: 佢嘅遮瑕能力相對偏強， 可以修飾膚色不均、泛紅同細小瑕疵， 想要妝感比較完整乾淨嘅人會幾啱。 上面之後係比較柔霧感嘅妝效， 偏啞光，唔會太水光。 整體睇落乾淨利落， 適合鍾意霧面妝感或者想控油感多少少嘅人。 不過以我個人喜好嚟講， 我會更偏好光澤感嘅 Skin Glow 版本， 因為妝感會更透亮、更有水潤感。 呢款柔霧版就比較適合想要遮瑕力同霧面效果嘅日常底妝。 總結：遮瑕力高嘅柔霧養膚粉底 Shiseido 養膚柔霧修護精華粉底適合追求啞光霧面、遮瑕度較高，又想要日常帶防曬功能嘅人。如果你本身鍾意自然光澤肌，可能 Skin Glow 版會更合心意✨ #火熱新品

chewyfruit好用推薦：【SHISEIDO養膚柔霧修護精華粉底・用後感】 （色號：210 ｜ 中性肌／偏乾 質地・輕過空氣 一唧出嚟，流動性好高，似精華水多過粉底。用手指輕輕推開，已經溶入皮膚，完全唔卡粉，連鼻翼嗰兩條暗罅都冇痕跡。用濕粉撲拍開，仲有一種「涼浸浸」嘅感覺，化妝同時好似敷緊面膜。 妝效・柔霧得嚟有光澤 佢話係「柔霧」，但唔係死實實嗰種啞緻，而係由內透出嘅自然光澤，似天生好皮膚再薄薄地蓋咗層絲絨。色號210係中性偏少少粉調，對我偏黃1.5白嚟講，提亮得嚟唔會面具，同頸部零色差，好適合想自然增白嘅亞洲膚色。 遮瑕・中上但唔厚重 暗瘡印可以疊多一層，唔會積粉；黑眼圈大約遮到7成，如果要求完美，可以再補少少遮瑕膏。最驚喜係毛孔修飾效果——鼻頭原本似士多啤梨，撲完粉之後，毛孔好似被「柔焦」咗，平滑得好自然。 持妝・越油越靚 朝早8點化完，到下午茶時間，T區出咗少少油，但唔係浮粉，反而變咗光澤奶油肌，望落仲有立體感。到夜晚卸妝前，粉底依然貼服，冇暗沉，呢點好重要！好多粉底一到傍晚就黃過我隔離阿媽，但210 keep到全日明亮。 養膚驚喜 連續用咗一星期，卸妝後皮膚冇平時咁暗啞，仲好似軟咗、滑咗。佢有

xxkelly好用推薦：整體使用感受 。輕透貼膚零粉感，輕微水光效果 。比較挑妝打底狀況 。遮瑕度偏低，鼻翼泛紅或者暗瘡印都未必遮到，純粹均勻膚色，遮瑕需要另外疊加 。會照用晒但唔會回購質地 。乳霜狀態，推開十分絲滑，不黏立優點 。融膚度好高，唔會有厚重好似搽咗一層嘢嘅感覺 。有SPF 30 PA+++防曬度數，如果日常返工大部份時間留喺Office，唔使另外搽防曬都應該足夠 。適合打工仔平時返工趕時間，淨係想快速均勻膚色，同埋追求輕薄底妝嘅朋友使用 缺點 。一開始用嘅時候同我啲護膚品有少少打交，試咗轉用唔同質地護膚品後，發現如果當日護膚品係用偏滋潤，或者cream搽厚咗少少，就會少少起擦膠碎，或者有搽得唔均勻一噠噠嘅情況，好似以下唇邊同埋面頰位置 。所以平時偏向搽好滋潤護膚品打底嘅朋友要特別留意要用返偏清爽類型會同粉底霜夾啲

Miranda好用推薦：【質感】 首先講質地。佢係輕身嘅乳液狀，流動性極高，推開嗰下好順滑，好似搽緊保濕乳液而唔係粉底。上面之後好快就同皮膚融合，感覺好薄好透氣，完全唔會覺得「漿住」或者厚重。呢個質感對於追求輕薄底妝嘅人嚟講，係好討好嘅。 佢嘅妝效係偏向自然光澤嗰種，用完之後塊面有一種好自然嘅透亮感，望落好似冇化妝但皮膚好咗咁。近距離照鏡都睇唔到粉粒，呢點係做得幾好嘅。 不過要留意嘅係，佢上面之後會有少少「黏笠感」。即係你摸塊面嘅時候，會feel到有少少黐手，唔係完全清爽嗰種。如果唔用碎粉定妝，呢種黏笠感會持續一段時間，甚至會黐到頭髮。所以我每次用都要上碎粉，變相多咗一個步驟。 味道方面，佢有陣淡淡嘅草本味，類似天然護膚品嗰種氣味，我覺得都幾舒服，唔會太濃。 【使用感】 呢個位係我最矛盾嘅地方。好嘅方面，佢嘅 「即時妝效」 真係好自然。用完之後膚色均勻咗，望落精神咗，但又完全唔覺得化咗妝。對於追求「偽素顏」嘅人嚟講，呢個效果係好理想嘅。 佢仲有SPF30 PA+++嘅防曬度數，日常用都算係一個Bonus，唔使額外再搽多層防曬。 但係，佢嘅 「遮瑕度」 真係好低。可以均勻到少少膚色，但泛紅、痘印、

Tszki好用推薦：妝感透薄自然,質地較輕盈，上妝後呈現自然的透亮感，不會有厚重的面具感。 適合穩定膚況,在皮膚狀態穩定或僅有輕微泛紅時，修飾效果良好。 溫和不致敏,使用後不會亂長東西或引起過敏。  防水耐汗力強,在夏季使用，即使大量流汗也能維持底妝完整，不輕易脫妝。 質地偏乾,對於乾性或混合偏乾肌膚，可能會感到保濕力不足，甚至出現卡粉現象。 遮瑕力有限,對於明顯的痘疤、深色紅印遮蓋力較弱，建議搭配遮瑕膏使用。 選色建議,部分色號可能呈現偏黃或偏粉的色調，且流動性較高，建議少量多次疊加。 卸妝需徹底,因其防水性能極佳，一般洗面乳可能難以完全卸除，建議使用卸妝油或強效卸妝產品。

AngelC好用推薦：以為平無好野、 但係又忍唔住想試下、 點知有驚喜、 物超所值 35度防曬BB cream 質地好潤 無卡粉 易推 可以再回購 👍

Lindabb好用推薦：Nars 白氣墊（原生光水感透亮氣墊粉底）嘅使用心得。 一句總結： 夏天專用嘅「降溫神器」，上妝嗰下涼浸浸，妝感薄到似冇化，但唔好指望佢遮到任何明顯瑕疵。 質地與上妝感（最大賣點） · 水感爆棚：粉底液勁稀流，拍上面嗰下真係有冰涼降溫感，大熱天時用係一種享受。 · 粉撲設計：同黑氣墊一樣，但呢款配呢個水質地，上妝更快更貼。 · 妝效：完！全！透！亮！唔係油光，係似做完保濕 mask 嗰種飽滿水光。近距離望都唔覺你有化妝，只會覺得你皮膚好好。 遮瑕力（最大缺點） · 極度輕度：均勻到膚色，提亮到暗啞位，但痘印、紅印、色斑一律冇符。 · 解決方法：一定要另外用遮瑕膏，或者當佢係「有色防曬＋保濕精華」嘅混合體，心態上會好過啲。 持妝與控油 · 持妝約 4 小時：比黑氣墊更短，但甩妝係「消失」而唔係「溶」，唔會一撻撻。 · 控油一般：唔算勁吸油，但如果只係普通返工冷氣環境，到 lunch 都 keep 到七成。 適合邊個用？ · 本身皮膚底子好，淨係想提亮均勻膚色。 · 追求「偽素顏」、返工趕時間拍兩下就搞掂。 · 大熱天時唔想個妝咁厚重。 唔適合邊個用？ · 多暗瘡印

Hy好用推薦：為外表而買的氣墊 因內在而喜歡上 春日入手的蝴蝶樣式 大方簡潔 內裡黑色膠蓋 質感很有 粉底 質感輕薄 透氣不悶痘 遮瑕度一般 配合同牌concealer 使用 ✨✨✨✨✨

布吶吶好用推薦：《YSL粉氣墊 BR20 用後感：靚到癲，但唔係人人啱使》 1. 包裝：拎出嚟補妝係一種虛榮 首先個外殼係銀色菱格紋，反晒光，望落去好似一個高貴嘅飾物。佢跟埋個黑色絨布套，放喺手袋都驚刮花。講真，每次拎出嚟補妝，個氣勢真係贏晒，虛榮感滿分。 2. 色號BR20：偏粉嘅自然白皙 網上好多人話BR20係「粉調一白」，我用落覺得佢唔係死白，而係帶少少玫瑰粉感。如果你係偏白肌、或者想糾正面黃，呢個色號會令你塊面望落去有種 「白裏透紅」嘅好氣息。但要注意，如果本身膚色偏黃偏暖（即係N字頭嗰啲色），用BR20可能會覺得塊面同頸有兩截色，建議一定要試上面先。 3. 妝效：高級絲絨光，唔係水光肌 佢唔係而家流行嗰種「韓式水光」咁濕漉漉，而係半啞光嘅絲絨質地。一撲上臉，好似開咗層好薄好薄嘅柔焦filter，毛孔即刻隱形，但又隱約透到少少本身嘅膚光出嚟，望落好高級。粉撲設計成水滴形，鼻翼嗰啲死角位都掂到，呢點好加分。 4. 控油＆持久度：混合肌冬天恩物，夏天要諗諗 呢個氣墊最適合秋冬或者乾燥天氣用。我混合肌（T字油兩頰乾），冬天用佢可以靚足6-7個鐘，到下午得鼻頭輕微出油，但係「油」得嚟仲幾靚，融合

Myonlyone好用推薦：講到YSL粉紅氣墊（即係Encre de Peau Cushion），喺香港潮濕天氣下，我用咗兩盒嘅真實心得： 包裝（幾靚但易花） 個粉盒真係好靚，磨砂粉紅加金邊，拎出嚟補妝好有虛榮感。但千祈唔好就咁掟入袋，個面好易花，最好用返個絨布袋入住。 妝效（光澤靚但唔係死白） 佢係奶油光澤肌，唔係韓式嗰種油膩水光，而係好幼細嘅貴婦光澤。遮瑕度屬中低度，紅印、暗瘡只係做到五六成，但均勻膚色一流，顯得塊面好乾淨。如果你好大粒暗瘡，要額外用遮瑕膏。 實測控油與保濕（最關鍵） · 保濕力：非常好，乾肌秋冬用完全冇問題，唔會卡粉。 · 控油力：夏天油肌或混合肌要注意。我屬於T字位油，如果唔用控油妝前乳，大概3至4個鐘鼻頭就會出油融妝。但融妝後唔會一撻撻，而係靚咗變「奶油肌」，用紙巾壓一壓就還原到八成。 · 暗沉情況：佢會有少許氧化，大約暗半個色號，所以建議揀淺半個色號（例如平時用B20，呢個可試B10）。 補妝技巧（貼服關鍵） 如果出油後直接印上去，會厚粉兼結塊。正確做法：先用紙巾輕壓走油分，再用乾粉撲嘅剩餘粉底薄薄印開，咁樣個妝就會好似重新噴咗一樣咁貼。 結論（值唔值得買？） · 推薦畀：

karun好用推薦：第一次使用遮瑕膏，另我很驚艷！這款遮瑕膏分冷/暖膚色，我皮膚是冷色調，所以買了11rose beige色號，中間個格會用來遮黑眼圈，好自然，豆豆用深色，如果有需要再與淺色進行渾色是使用，調出適合自己的顏色！ 質地較為creamy，我非常喜歡少次多量加疊使用。

Angie好用推薦：細細盒有3隻色，屋企用或者帶去旅行都好方便，有時重可以自己溝色，cp值高！

Kmggigi好用推薦：夏天長時間喺冷氣地方其實都需要保濕 所以我都會根據自己皮膚狀況決定當日搽唔搽保濕精華 皮膚狀況: 冬天乾敏肌，夏天混合偏乾+少敏感 Skincare morning routine: Curel 化妝水 ➡️; skin ceutical CE (早) ➡️skin ceutical 全能眼部精華 ➡️ skin ceutical Ptox -➡️ skin ceutical b5 (如果乾) 產品使用情況: 我曾經試用過唔同牌子嘅b5，例如skin ceutical, original, torriden等 Skinceutical b5無色無味，質地唔會好水但又好好推，唔會好似original咁笠，又冇torriden咁水 對我嘅皮膚零刺激性，亦都唔會同之後嘅護膚品打交 效果: 我試過咁多支b5，保濕程度上比較鍾意skin ceutical 依支， 用完會感受到皮膚慢慢吸收咗啲水，冇咁乾 但性價比嚟講佢太貴，市面上有好多平替🤣

Monchhichi好用推薦：這支精華很好用, 由其是皮膚乾燥或轉季時, 滴幾滴落粉底液, 上妝會貼面好多！