茶樹油 推薦好用產品

GinGin好用推薦：面膜好貼面，而且用完會降紅，感覺清爽涼浸浸，仲有保濕效果，而且勁多精華素，市面上已經好少面膜係針對暗瘡而設

綺羅香好用推薦：已經用咗兩盒，雖然一早對茶樹無感，不過我仍然好鍾意買嚟用，皆因退紅效果非常好，有次係屋企用完機吸黑頭，全面紅當當，即刻攞一塊嚟敷，唔駛放雪櫃，一敷上面非常冰涼，面膜紙好厚實，好貼面，涼浸浸好舒服，敷完連人中位置都有明顯退紅，日後會長備一盒係屋企

choichoi好用推薦：茶樹油一直是我抗痘良伴但未知是否年紀漸長開始失效？效果是大不如前了。對抗石頭瘡改為使用其他產品，這款有即時消炎感，塗抹後瘡沒那麼痛，勤力點一天三次更可達至加快暗瘡代謝

Emily Leung好用推薦：The Body Shop 茶樹油用後感 之前生暗瘡生到好煩，又紅又痛，聽人講茶樹油消炎好得，見到The Body Shop呢支咁出名，又話係明星產品，咪買支細裝嚟試下囉！ 支油係透明嘅，質地好輕身，唔會立痴痴。一打開陣味真係好「攻鼻」㗎！係好濃烈嘅茶樹味，聞落好清爽，有種「消毒緊」嘅感覺。 我唔會全面搽㗎，只係用 「點塗法」 。每次洗完面，用棉花棒蘸少少，直接搽喺啲剛出或者已經出緊嘅暗瘡上面。如果係好大粒又痛嘅瘡，我會夜晚臨睡前搽厚少少，等佢慢慢發揮功效。 用後感覺： · 消炎快！ 對於啲剛剛開始紅同痛嘅暗瘡，真係好有效。好多時搽咗一兩晚，就冇咁紅同冇咁痛，唔會繼續發大落去。 · 催熟暗瘡：如果粒瘡係有膿嘅，佢好似會幫手催熟佢，等啲膿快啲出嚟，之後就好得快啲。 · 感覺乾淨：搽上臉嗰陣有陣涼浸浸嘅感覺，好似幫你殺緊菌咁，個心都定啲。 缺點？ · 好乾！ 真係好乾！如果搽得多，或者附近嘅皮膚都會乾到甩皮，所以千祈唔好全面用，同埋一定要做好保濕。 · 對大膿瘡或者石頭瘡效果慢：如果係好深層、好大粒又冇頭嘅石頭瘡，單靠佢一支就好難搞，要配合其他產品先得。 · 氣味唔係個個都鍾意

Kitty 好用推薦：The Body Shop呢支茶樹精油主打用天然茶樹油成分，話可以幫助抗菌、消炎同埋控制油脂分泌。細細支好方便，而且味道係好清新嘅茶樹味，一聞就覺得好治癒！ 我的膚質： 我係混合肌，T字位比較油，而且額頭同下巴偶爾會生暗粒同姨媽痘。試過好多產品都唔太夾，直到遇到佢！ 👍使用感受： 1. 急救痘痘超有效！ 每次一感覺到有粒痘想冒出嚟，我就即刻用棉花棒點少少精油搽上去。第二日就會發現粒痘冇咁紅同腫，甚至唔會繼續大落去！如果係已經爆咗嘅痘痘，搽咗之後會快啲乾同埋愈合，冇咁易留印。 2. 溫和唔刺激 雖然係精油，但係佢唔算好濃烈，點搽上臉都唔會話拮到痛（除非你塊面本身好敏感或者有傷口）。我通常每晚護膚後局部搽，朝早瞓醒就已經見到效果！ 3. 價錢親民，耐用 真係一支可以用好耐！每次只係用一兩滴，所以性價比幾高。對於Budget有限但又想護膚嘅朋友來講，呢支真係入門首選～ ⚠️注意事項： - 千祈唔好成塊面搽！只係適合局部用，否則可能會太乾。 - 如果係極度敏感肌，最好先喺手臂內側試一試會唔會過敏。 - 記得要配合足夠保濕，因為茶樹油有少少收乾效果，唔想皮膚太乾就要加強補水啦！ 總體評

konrinn好用推薦：今次試用同時使用三隻產品,分別係 1. 皮奧寧祛痘強效消炎膏 2. 皮奧寧祛痘清爽乳液 3. 皮奧寧防痘,身體護理噴霧 產品測試心得分享 測試背景 膚質類型： 混合性偏油肌膚 測試環境： 濕熱天氣，長期處於冷氣環境 特殊狀況： 測試期間經歷生理期，肌膚狀況較不穩定 分返三篇評價。 2. 皮奧寧祛痘．清爽乳液 質地與使用感受 乳液有輕微的產品香味，質地介於水狀和乳狀之間，推開容易且吸收快速，使用後肌膚不會有黏膩感。在濕熱天氣下，控油效果雖然有限，但整體使用感受仍算舒適。 妝前效果 作為妝前護理步驟表現優異，無需額外使用隔離霜或面霜，直接上粉底液也不會出現搓泥或打架的情況。更重要的是，使用後不會突顯毛孔，讓後續底妝更加服貼自然。 功效表現 與消炎膏相似，對淡化痘印有一定幫助，但對於生理期間新冒出的痘痘以及特定部位反覆出現的頑固痘痘，改善效果較為有限。可能需要長期使用或搭配其他產品才能看到更明顯的效果。 整體評價 作為日常保養和妝前準備的多功能產品表現不錯，但祛痘功效仍有提升空間。 （使用後，面額暗瘡痕跡有變淡） （頑固瘡效果有限）

cathy好用推薦： 好開心彩豐同 @Cosme 抽中我試用JOSERISTINE 皮奧寧祛痘系列中嘅皮奧寧祛痘．清爽乳液🤩 最近天氣成日都好熱好乾燥🌞，而且Office冷氣開到好足❄️，成日吹住，搞到身體好乾，唔夠水份。但有時天氣又不斷落雨🌧，連續落幾日，所以好潮濕💦。由於天氣變化好大，溫度有時又超炎熱，有時落大雨後又降溫，所以皮膚狀況變得唔穩定，容易生暗瘡。 而今次嘅皮奧寧祛痘．清爽乳液就好適合我！因為乳液當中嘅皮奧寧(Pionin)，對於引致暗瘡嘅丙酸桿菌(Propionibacteria)有強效抗菌作用，能夠控制皮膚多餘嘅油脂，從而改善皮膚閉塞，所以可以抑制痘痘再生！唔洗驚成日爆暗瘡～ 乳液係白色的，有淡淡藥草香味🌱，質地輕盈，延展性高，所以都好容易推開。我搽上臉後再按摩幾下，覺得吸收速度唔錯，幾快。用後皮膚唔會好痴笠笠同油膩，都幾清爽的。 而且乳液含有水楊酸成份，能夠深入毛孔溶解油脂同埋老廢角質，所以可以代謝角質同埋改善粉刺痘痘！我用左之後，的確少左粉刺👍🏻 我連續用左9日，覺得保濕效果同退紅效果都唔錯，T字位出油少咗，所以控油能力都唔錯，而且皮膚狀態穩定了，生少左暗粒粉刺同暗瘡。用左之

Tung好用推薦：有排皮膚狀態極差，於是的起心肝想買返支重手嘢頂下！呢支大概$34X（如果冇記錯） 由於我會當佢真係保養精華咁滴全面，都幾易吸收同滋潤，所以都用得幾快（但都真係有預防效果！冇再復發爛額頭啦）我應該用曬都會keep住買呢隻用住lu。 如果正常按照佢講嘅淨係搽痘痘位，應該可以用耐啲。但以佢嘅成效嚟講我覺得係抵玩嘅，好適合想一晚瞓醒消炎、止痛、撫平痘痘嘅人🙌🏻

zetalhc好用推薦：超級推薦嘅去暗瘡精華，夜晚用一次第二日會見到即時嘅效果。可以即時去膿同消炎，對石頭瘡或者有膿嘅瘡都有效果，而且唔會皮膚唔會「la」或者覺得刺痛

Milo101好用推薦：🌟Body Shop有很多平價好用的產品，這個黑炭面膜是其中之一，已經用完幾瓶了。 🌟有黑炭顆粒，我塗上時會輕輕搓幾下，幫助去角質，然後靜待5-10分鐘。 🌟清洗容易，瞬間感到皮膚潔淨，之後再塗護膚品變得很好吸收。 🌟性價比高，會再回購。

Puffysheep好用推薦：呢個真心用落去幾驚喜 有啲草青嘅味 而且嗰個嚟唔會太乾抹落去皮膚嘅時候好容易推開 用完之後塊面真係覺得幾乾淨清潔咗

Paris merci 好用推薦：幾款睡眠面膜之中依款係有添加積雪草成份，積雪草有效舒緩皮膚。我買佢係因為之前皮膚有啲泛紅，所以想買嚟試一試，用咗之後就覺得修復效果好一般。 質地係乳霜質地，搽上面之後皮膚會有一種搽面霜嘅感覺，偏向油膩少少，如果係油性皮膚可能有機會起粒粒，反而乾性皮膚就比較啱用。如果呢種質地我會作為塗抹面霜比較好，作為睡眠面膜不太舒服。 我用佢化妝之前full 10分鐘，皮膚好滑，而且化妝都好貼服，皮膚變得嫩滑，效果較好💕

Jasmine Yuen好用推薦： 1. 舒緩肌膚：能夠有效地舒緩敏感肌膚，減少紅腫和刺激，使肌膚更加舒適。打斑後用可以舒緩肌膚。 2. 深度保濕：含有豐富的保濕成分，能夠深度滋潤肌膚，讓肌膚在整夜睡眠中得到深度滋養和修護。即使開冷氣1晚後，翌日仍有滋潤感。 3. 提升肌膚彈性：含有多種保濕成分和修護因子，能夠提升肌膚的彈性和緊實度，讓肌膚更加年輕有彈性。 *有支棒棒刮面膜出黎，感覺很衞生

Giselle 好用推薦：The Body Shop “Box of Wishes” 聖誕限定倒數日曆$799 hkd Day6 內容物：茶樹潔面泡沫60ml *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 呢款茶樹潔面泡沫一擠出嚟已經有股好清新嘅茶樹香味❤︎(｡☌︎ᴗ☌︎｡)茶樹味唔係好人工合成嘅所以聞落去比較舒服同接受度比較高⸜( ´ ꒳ ` )⸝♡︎ ❤︎ ❤︎ 擠一下就已經有綿密嘅泡泡，作為泡泡愛好者嘅我非常鍾意呢種質地嘅泡泡(`✪︎ω✪︎´) 用嘅時候唔覺得會有紅腫甚至痛嘅感覺⸜(๑⃙⃘'ᵕ'๑⃙⃘)⸝⋆︎*反而係洗完面之後有種舒服嘅冰冰涼涼感覺( •̀∀︎•́ )✧︎而且面上多餘嘅油脂都可以俾佢洗乾淨(✿︎´ ꒳ ` )♡︎就連準備要爆嘅萬惡石頭瘡都可以俾佢鎮靜到真係好犀利啊∑︎(๑°口°ll๑) ❤︎ ❤︎ 但要注意返因為清潔力比較強，所以用完之後一定要搽好保濕避免乾到出油哦♪︎♪︎(*´▽︎`*)ﾉﾞ ❤︎ ❤︎ 推薦俾所有正在同萬惡嘅暗藏苦戰or需要控油能力高嘅潔面產品嘅小夥伴們*ˊᵕˋ)੭

Nicole 好用推薦：擠出來的泡沫非常柔軟綿密，有很濃郁的茶樹油的氣味，洗感舒服還有一股清涼感😆洗臉後不會帶走皮膚水份，也不會覺得緊綳乾燥。

natanatalie好用推薦：用後感覺肌膚非常滋潤，性價比也很高，價錢很便宜，清潔力不錯，但不會令皮膚感覺乾燥和痕癢推薦給大家使用。

貓餅好用推薦：就是一支普通的沐浴露，香氣是不錯的，但是不持久，很快便沒有香味了，普普通通

kayla.me.me好用推薦：主要成份係天然粉紅爐甘石,佢系由天然礦石提煉。 無添加人造色素，不含7大有害成分。 就算係大粒嘅暗瘡或石頭瘡都可以ko到。 佢可以控制皮膚油脂分泌、抑制粉刺、收斂暗瘡,並舒緩暗瘡所引起 嘅紅腫及不適感,能逐步淡化暗瘡痘印,令肌膚回復平滑光澤。 用完一排,啲暗瘡謝得好快,可以同痘痘say goodbye。

Hazel好用推薦：居然冇人評論呢支暗瘡藥，之前啲beauty youtubes勁sell，連萬x都有得買咪買番支呢試吓。其實佢同Etude House或mario badescu 個支暗瘡藥勁似，都係上面透明有啲酒精味，下面粉紅色嘅粉狀物體用黎消炎殺菌。價格差唔多都係百零蚊有交易，用法亦類同，唔使搖勻，夜晚保養程序後沾上下面啲粉紅色粉狀係爆癔位置，記得乾咗先訓，如果唔係好易整污糟扻頭，第二朝啲暗瘡好快消，真心好用架！ 「#清痘大作戰」

Poyobb好用推薦：The body shop嘅茶樹系列非常出名，佢嘅茶樹油同急救啫喱棒我都有買，茶樹急救棒係比較出色，針對暗瘡護膚成份有明顯功效👍🏻 依支急救棒用嚟外塗，喺暗瘡仲未熟/岩岩起時候，平均3-4小時就茶一次，紅腫容易消退，針對新長成的痘痘效果非常好！千祈唔好慳住用🤣 急救棒本身係一支幼身白色嘅棉頭，質地係啫喱凝膠狀。有時候一起身，化妝前見到想生新暗瘡，我會即刻用急救棒，好快就會吸收晒暗瘡精華。之後暗瘡位置係清爽嘅，而且唔會影響後續上底妝，比起用其他嘅暗瘡膏更方便。

Kelvin好用推薦：暗瘡棒方便易用，喺暗瘡位置會有一啲消毒嘅感覺冰涼，拿一拿，茶樹亦都有消炎作用。 夏天間唔中會生頭瘡，尤其是一啲啱啱腫起，但係又未可以針清走既暗瘡最討厭。暗瘡棒喺暗瘡發炎位置點一點，第二日會冇咁紅，之後暗瘡就會慢慢甩皮退咗。佢唔似其他嘅暗瘡膏咁好厚身，薄薄地點少少暗瘡液出嚟已經好用👍🏻

Bibi951427好用推薦：透明水，少少黏嘅質地。因為用茶樹油整所以好大陣茶樹油味，好醒神😆😆用佢做精華搽係生暗瘡嘅地方，過幾日會消得快D。不過因為佢主要係針對暗瘡用，所以用完會有少少乾，最好用之前用其他保濕精華打咗底先。因為如果本身塊面乾，用完會仲乾。🤪🌱係好嘅產品👍🏻 #清痘大作戰

jackielai好用推薦：呢枝茶樹精華係海綿頭嘅設計，可以直接點落暗瘡度，不過我就驚污糟所以會點落手指先再搽上面。我覺得佢嘅效果好過用一樽嗰啲茶樹油，因為用完㓔得快啲之餘皮膚冇咁乾，但係就好快用晒。

貓餅好用推薦：有暗瘡時用的面膜～草本配方，香味清新，黏土狀，好有效清潔暗瘡位置嘅皮膚，敷完粒瘡好快謝！

維他他好用推薦：黏土狀的面膜，有淡淡的草本香味，敷完之後，暗粒情況好似好咗，同埋皮膚淨化咗，都唔錯，我諗下次喺覺得要爆瘡之前厚敷嘅話，粒暗瘡就可以喺入邊謝左

zetalhc好用推薦：鎮靜紅腫效果唔錯，皮膚無咁痕同暗瘡發炎消左少少，而且都有一定嘅保濕效果。一塊都係$10左右性價比好高

Laam好用推薦：Innisfree一向都係價錢親民嘅牌子 面膜都好抵買仲有好多款揀 茶樹呢隻味道幾好聞，精華質地偏輕身唔笠 保濕度正常，唔會太油潤為肌膚帶嚟負擔 係好啱油性皮膚用嘅質地 自己慣咗敷完Paper mask會過一過水，沖走多餘精華 呢隻真係好啱油痘肌，價錢又抵👍

Kura好用推薦：呢款面膜嘅質地似係泥mask咁，都算容易搽上臉，我每次敷十分鐘就會變乾，每次用個人覺得呢款面膜嘅色素比較多，會令到我嘅手會變色，去痘效果都ok

kameari好用推薦：這款面膜對油肌來說去油力不錯，針對暗瘡時用有鎮靜減紅效果，但有時痘痘太嚴重的話可能傷口大就會有一點剌剌感，所以不常用，但整體還是不錯。

mavis好用推薦：皮膚過敏或者生暗瘡既時候咩都唔用得，茶樹凍膜就岩晒，可以做到基礎保濕同鎮靜，會再回購

Angie好用推薦：有陣時突然間生幾粒暗瘡仔，想做保濕但係又怕焗到塊面，呢款茶樹凍膜就啱晒，可以同時做到保濕同鎮靜效果，屋企長期都有一盒看門口

Fng好用推薦：Mediheal 茶樹面膜｜ 韓系開架面膜王Mediheal呢款茶樹面膜（十零蚊塊） 配方： •茶樹油提取：幫手對抗痘痘菌，鎮靜泛紅 •積雪草：修復高手，平衡茶樹嘅刺激性 •透明質酸：基本補水，但唔好期望好深入 同Innisfree綠茶面膜比，茶樹呢款更針對鎮靜；同AHC玻尿酸比，保濕力就輸幾條街啦！ 夏日使用： 1. 「雪凍敷面法」：放喺雪櫃15分鐘，拎出嚟敷真係透心涼！ 2. 「T區重點敷」：可以剪開面膜，茶樹位敷T區，其他位敷面頰 3. 「10分鐘快閃」：千祈唔好敷過15分鐘，否則倒抽水呀！ 用後感： 敷上臉嗰刻真係爽到震！尤其係放工返到屋企塊面熱辣辣，呢塊面膜即刻幫塊面「熄火」。茶樹味清清地唔刺鼻，面膜紙又夠薄貼面。用完最明顯係泛紅同暗粒有改善，面珠都水潤咗少少。不過要彈嘅係，精華液唔算多，敷10分鐘已經開始覺得乾乾地～ 溫馨提示： ☀️適合曬後或者爆瘡前期用 ☀️千祈唔好日日敷，一星期1-2次夠喇 ☀️敷完一定要塗保濕霜鎖水 總結： $10幾蚊塊嘅「夏日降溫小幫手」！唔好期望佢有神奇功效，但作為日常鎮靜同基本補水，絕對交到功課。最正係佢夠清爽，敷完唔會黐立立，混合肌

Kitty 好用推薦：作為一個長期同痘痘閉口抗爭嘅熬夜黨，真係忍唔住要同大家報告下用後感！💚 首先打開包裝就聞到陣陣清新茶樹味，唔會太濃烈嗆鼻，有種療癒感！精華量啱啱好，唔會滴到周身都係（最怕啲面膜精華多到漏！）。面膜紙厚度適中，上臉好貼服，連鼻翼同嘴角位都伏伏貼貼～敷上去即刻有種清爽嘅感覺，尤其係而家香港天氣悶熱，真係超舒服❄️！ 等15分鐘後揭下面膜，面仔即刻亮白咗一個度！毛孔睇落乾淨咗好多，最驚喜係泛紅同暗粒位平靜咗唔少，茶樹油果然有鎮靜效果～敷完之後皮膚係水潤嘅，但完全唔會黐立立，後續護膚品吸收都快啲👍！ 連續用咗一星期（隔日敷），覺得出油情況有改善，額頭同下巴嘅閉口粉刺冇之前咁猖狂～不過如果係嚴重痘痘問題，可能都要配合其他祛痘產品先得啦！ 💡小貼士：建議放雪櫃冷藏後再用，夏天真係爽到震！同埋記得敷完要輕輕按摩吸收剩餘精華，沖唔沖水都OK（我通常會輕拍吸收就算）～