不易脫妝 推薦好用產品

jovyjosie好用推薦：這是我用過最好用的粉底液！透薄，滋潤，遮瑕度高，延展性十分好！圖中少少份量，輕輕一抹，就能遮掉手上九成的瑕疵。這瓶是我從日本藥妝店購入的，下次絕對會再回購！妝感啞緻，最適合秋冬裝容💗 #秋冬愛用美妝

Noel好用推薦：希望能夠更早遇上這枝BB Cream❗一枝就能夠照顧毛孔粗大➕膚色不均➕皮膚暗啞的底妝~ 這枝 BB Cream完全改變了我的 Makeup Game~ 初次購買，絕對係比包裝盒上的 @cosme 第1位貼紙吸引啊！ 首先，黑龍堂 BB Cream 能夠自然地遮蓋毛孔，又不會顯得底妝厚重👍 而光澤感屬於中度，自然妝感❗T字位，我會配合使用黑龍堂蜜粉~ BB Cream 沒有流動性，推開很水潤，塗抹過程順暢😍 遮瑕力偏中度，不過不失。乾性皮膚使用感受良好，油性皮膚既朋友，或者會覺得上妝時有點濕😂 持妝方面，日常上班帶妝10小時左右，鼻翼和額頭位置，都沒有明顯脫妝👍 毛孔亦乖乖躲在底妝之下，非常驚喜😍 整體妝效自然，瑕疵得到適度遮蓋，沒有厚重或粉感。 我的色號係 #02 標準色，貼近自已皮膚顏色。產品防曬系數高 SPF42 PA+++，簡單做好妝前防曬就足夠。包裝很少女💕 印了兩款花花。小巧一枝支支管，內容物 25g，配有一個小小尖嘴，粉色小蓋。 產品價格便宜，更提供了3個色選，絕對值得一讚❗顏色都比較自然，不會太 warm或者太 pink，大部份亞洲人都會適合~ 上妝效果：🌟🌟

winnie好用推薦：喺鋪頭試過其他粉底未及心意.. 有職員過黎sell我呢隻粉底..幾貼近膚色.. 膽粗粗買左黎試..🤣🤣🤣 一用愛上...我只係查遮瑕同粉底就可以出街... 堅正...雖然價錢對於我黎講少貴..😂😂😂 但值得擁有👍👍👍

940727.0好用推薦：好鍾意夏天同埋戴口罩用呢一隻妝前打底，因為之後上咗其他粉底液每一隻粉底液都last得好耐，而且戴咗口罩都唔容易甩妝。顏色都比較似皮膚色，搽落去質地係啞面。 #平價彩妝

Fng好用推薦：Armani底妝不嬲出名，Giorgio Armani Power Fabric+ 零瑕持久粉餅 ，升級版聲稱更貼服保濕， 真係好吸引，所以入手咗#0號 透明色。 粉質與妝效：👍👍👍👍👍 (頂級精緻) 一打開盒蓋，佢嘅粉質細膩到嚇人，完全係貴婦級享受。用附送嘅天鵝絨粉撲上妝，零粉感！0號透明色完全唔會改變底妝色號，冇死白假面感，反而有一種極自然嘅柔焦磨皮效果，瞬間修飾咗毛孔同細微瑕疵，打造出天生好皮嘅偽素顏感，高級感十足。 持久與控油力：👍👍👍 (聰明平衡) 升級版果然更優秀！喺香港嘅濕熱天時，佢嘅表現相當聰明🤭😍。T位出油位置，輕輕印一層，能即刻吸走油光，同時唔會加重乾紋或結塊，持久度不俗。而對於兩頰偏乾位，佢竟然冇出現嚴重龜裂或繃緊，能做到按需分配，唔會全臉抽乾，呢點對混合肌極之重要！帶妝大半日，妝容依然保持得幾完整🥰。 保濕與貼服度：🤔 (需前戲打底) 雖然話升級保濕，但佢始終係粉餅。如果兩頰保濕做得唔夠，或在極乾冷氣房下，還是有機會顯少少乾紋。建議上粉餅前，一定要用保濕型妝前或噴濕粉撲，妝效會更貼服似天生。 總結： 一塊完美詮釋高級啞緻妝效的智能粉餅。它並非一味強力控油，

jellybeanyay好用推薦：最愛嘅primer！非常適合乾肌使用！其實佢除咗滋潤之外冇其他特別效果，但正正就係因為我好難搵到一支滋潤嘅primer，用完佢再上粉底真係貼好多，特別乾嘅位置可以上多薄薄一層，咁就算出全日街後都唔會卡粉

lucrezianoin好用推薦：性價比非常高計一個產品. 打亮效果好自然但係非常sharp! 只要輕輕搽少少已經好有光澤, 價錢又平, 推薦!

Noel好用推薦：這款 highlighter 絕對係私心推介，Missha 的高端 “義想曲”系列都非常值得入手，包裝塑料盒質感很好，高光粉壓紋經過重新設計，意大利製造，價格又沒有貴多，佛心系列啊💕 高光粉壓紋美美噠！又壓得很實，化妝掃來回掃也不飛粉👍 珠光細緻，手指觸感良好，沒有碎屑或顆粒感。打亮面部皮膚時，毛孔沒有暴走。持久度及顯色度都一如既往的好💜 注意：光感比較出衆啊，自然妝感朋友要試清楚。

mandy好用推薦：LUDEYA 是來自台灣的護膚品品牌, 可是她家的明星商品絕對不只護膚品, 也有粉底產品! 像是 絲綢光粉精萃 及 3合1微臻全能氣墊粉餅 都是有口碑的產品。產品價位則是中至高價。 2013年LUDEYA 邀請任家萱SELINA試用後, 答應代言, 令LUDEYA 更為人熟悉。 另一LUDEYA代言人 則是主演大熱台劇 <我們與惡的距離>, 飾演女強人宋喬安的 賈靜雯。 3合1微臻全能氣墊粉餅 NT1680 + Delivery charge NT145 Total: NT1825 (銀行最後收 HKD482.53-) 時序如下: 7/3 在LUDEYA官網購買 10/3 出貨 12/3 收貨 粉盒也很美很有氣質, 有如夜空繁星  附送的氣墊粉撲 是 超乎想像的好用 粉撲 比其他品牌較為厚身及具彈性, 觸感非常優秀舒適! Cushion 選了 01白皙色, 會較亮白, 另一色較自然 一面是氣墊粉餅，而另一面是 遮瑕膏 及 唇頰霜!可以用手輕點在面上需要的地方, 再輕輕推開便可 3合1微臻全能氣墊粉餅 的  氣墊粉餅部分~ 提亮效果很令人滿意, 肌膚是呈現出很自然光澤

Bear好用推薦：日本旅行購買的Kate 1號半月粉餅～ 很。好。用。 身為化妝新手，以前只用過雪花秀的粉餅。 這個半白色半膚色的粉餅除了可以均勻沾上上臉以外，還可以沾取其中一個顏色作出仔細修改（例如眼睛下方想要再提亮一點）。 我最愛的地方是它顏色其實不是其他品牌使用的基本膚色，而是淡淡偏粉紅的色調。變成化妝後不單單遮暇，連臉色都健康紅潤了！

Ressie14好用推薦：大大罐, 日日都有使用, 定一定塗防曬後啲黏笠感+增加啞緻感。 有幼細的閃底唔誇張的, 粉質好滑 , 帶少少膚色自然提亮 ，只會吸收臉多餘既油光。 平日護膚程序後用透明防曬 + 碎粉, EXCEL蜜粉就係我用開既產品。 個人認為CP值高! 喺日本當地藥妝店買, 圍起港紙 >$120 , 20g 抵用。 用完會再買第二罐啊 :)

Tyc@@好用推薦：2024版 顏色啱啱好，有少少修飾作用但唔會顯得厚重 適合中性至乾肌 中性肌可以持妝到夜晚

Connor好用推薦：紫色係柔雾效果，不含珠光顆粒，上臉會有絲絨柔滑感，令皮膚望上去有薄透感。 我本身黄皮用咗有瞬間提亮去黃，仲有小小遮毛孔效果。 產品設計更自帶刷子同收納袋，帶出街就更方便 #火熱新品

Viff好用推薦：最近喺化妝界紫色太Hit了！！我係混合性皮膚，所以買咗Soft Matte，跟埋掃，個質地都幾舒服。 佢Blur毛孔效果好好，而且放喺眼下淚溝嘅位置，會即時有膨脹感！ #火熱新品 

Chloeincosme好用推薦：suqqu liquid foundation 🫶🏻妝感美哭的奶油肌！ 🤍 妝感：5/5！SUQQU呢支粉底液真係無得輸～上臉係高級嘅奶油肌妝效，有光澤得嚟又唔會變油面，睇落皮膚天生就咁好咁，完美做到「偽素顏」效果！ 🤍 保濕度：4.5/5！雖然我係乾肌，但用咗之後完全唔會繃緊或者龜裂，質地潤得嚟又貼服，秋冬用都完全冇壓力～ 🤍 持久度：5/5！真心持久！朝早化妝出門口，到夜晚收工個妝都依然貼服，冇明顯暗沉或者溶妝，只係鼻翼微微出油，用蜜粉補下就ok，整體依然保持得好好✨  🤍 遮瑕度：4/5！遮瑕度中等偏上，普通毛孔同泛紅都遮到七八成，如果想再高遮瑕可以疊加多層，都唔會覺得厚重～ 總結： 如果你係乾肌又追求持久同高級妝感，SUQQU呢支粉底液絕對值得投資！雖然價錢偏高，但效果對得住個價～完美做到透亮奶油肌，出街唔使點補妝，勁推薦！

wingche好用推薦：天氣開始乾，轉季要揀返啲潤身啲嘅粉底液，又可以帶啲啞緻感嘅霧面妝容，就冇咁又乾又殘～ 之前買SUQQU碎粉套裝，有呢款粉底液就啱曬我要求，多種美容成份，夠保濕得嚟遮到暗瘡印，冇搽遮瑕下，就咁加碎粉，都修飾咗瑕疵同均勻膚色。 就算香港仲潮濕同幾熱，都唔會出油攪到油光滿面！

agnessstang好用推薦：很喜歡的氣墊粉底❤️ 不是新款 已經係2年前出嘅 今年先買嚟試🤣 簡潔嘅奶油白色包裝 粉撲係菱形 尖尖可以更仔細咁上鼻翼、眼底、嘴角呢啲位置嘅底妝 我用嘅色號係Halla 係自然偏白嘅顏色 妝感透薄 唔會有厚重嘅感覺 但遮瑕度幾唔錯 除非係好嚴重嘅黑眼圈同印🐼 大部分嘅黑眼圈、痘印、泛紅都遮到 而且可以喺需要遮瑕嘅位置疊加多一兩層上去都ok 但依然keep到透薄感 減少咗後續遮瑕用量 遮毛孔都唔錯 好容易拍勻 自然透薄嘅光澤+裸肌感✨ 持妝度唔錯 十幾個鐘成個妝都係完整 除咗鼻有少少油 粉盒同粉底補充裝係分開買 唔知係我裝得唔好定點 冇辦法完全合實個粉盒:(

natanatalie好用推薦：#我的崇光感謝祭必買氣墊粉餅 一直對氣墊粉餅都有少少保留，因為我係油肌，好怕用完會油光滿面。。。😞 直到試左NARS水光氣氣墊粉底，我就知揾到一款啱我嘅氣墊了！🥰 佢有超高SPF 50+/PA+++防曬系數，好適合香港而家一年有十個月都係夏天嘅暴曬天氣！而家妝感有自然水感，加上光線折射，會令妝容睇落有韓妝嘅奶油水光肌感覺！夏天用持妝效果都好強，因為佢有保濕成份，一啲都唔乾，但又唔會笠，好適合油肌！❤️

Kura好用推薦：今個夏天我最鍾意用嘅碎粉，我用嘅色號係01，搽上臉唔會泛白，包裝外形超級少女心，粉質細膩，定妝效果超好，遮瑕力算中等，定妝效果好自然，令到我整體妝感都貼服唔錯，夏天我一出街就爆汗，用咗呢款碎粉我就算大爆汗都好我嘅妝都唔會溶得好犀利，係我夏天必用嘅碎粉，非常推薦俾大家 #碎粉 @cosme

popocarcar好用推薦：包裝十分可愛，擺係化妝枱好靚。 粉質幼細，乾肌秋天用無問題。

natanatalie好用推薦：最愛的平價eyeliner！❤️ 油眼嘅我好難揾到一支真係持久又顯色嘅眼線筆，今次呢支係我嘅all time favourite！🥰 Cosme store同其他藥妝店都輕易買到，價錢算平，係小資女嘅首選！首先講下掃頭，非常容易控制，新手都好易上手，勾畫唔同眼線都好容易！而且佢好顯色，唔會好難畫！重要係妝效好持久，我對眼一向好易溶妝，但用左佢，十幾個鐘都keep到！👏🏻 最近中意試唔同眼妝嘅我更愛佢嘅原因係佢有好多色可以揀，可以因應嗰日想化咩就揀咩色！👍🏻

Connor好用推薦：Ettusais出品一向都有保證，新買呢枝眼線筆都好好用👍🏻筆頭極幼，用嚟畫埋下眼睫毛都得，仲好細滑，本人油眼實測過防水防油同持妝👌🏻準備入手埋其他顏色

applepie好用推薦：朋友力推所以買黎試吓，廣告標榜可以18小時持妝鎖色、保濕柔潤感，展示自然完美底妝，噴霧出得好平均，噴上面吹吹風扇好快就乾，用左會有微微光澤，用咗一段時間都無爆瘡，而且用了之後控妝持久之餘沒有出乾紋，會回購～

Fng好用推薦：Shu Uemura unlimited 定妝噴霧👀混合偏乾肌嘅夏日溶妝救星 🌟 ✨使用感與效果 噴頭設計出色！水霧細密均匀，唔會射花底妝～帶淡淡花香好高級！成膜速度中等，但完成後真係有層隱形保護膜！實測香港34°C出門，溶妝時間推遲3-4小時，鼻翼同下巴這些易脫妝位依然貼服～保濕力不錯，唔會抽乾皮膚水分，帶妝8小時都無繃緊感！ ✨同價位比較 VS MAC Fix+：MAC保濕更強但定妝力輸幾條街； VS Urban Decay All Nighter：UD控油更強但偏乾，呢支水油平衡更好； VS Make Up For Ever定妝噴霧：兩者定妝力接近，但Shu Uemura噴頭更細緻！ ✨缺點提醒 成膜後有輕微存在感，極敏感肌可能要試用～ 總結：除了少許貴冇缺點！💎 香港夏天必備神器，會回購！

Suki好用推薦：Laura Mercier 柔焦保濕蜜粉用咗幾次之後，真係無得彈，十級好用！呢款蜜粉唔單止柔焦效果一流，仲可以做到保濕，真係完全符合對蜜粉嘅所有期待。 首先講佢嘅柔焦效果，蜜粉質地極度細緻，輕輕掃喺面上，就好似畀皮膚加咗一層濾鏡咁，毛孔即刻被隱形，皮膚變得好平滑，絕對係「磨皮神器」。但更加值得一提嘅係佢嘅妝感非常自然，完全唔會有假白或者扁平嘅感覺，仲會保留住皮膚嘅若隱若現嘅光澤感，靚得嚟好低調。 再嚟就係佢嘅保濕度，呢款蜜粉完全唔會令皮膚覺得乾燥，反而有一種輕盈嘅水潤感，特別適合乾性同混合性肌膚。即使化完妝幾個鐘，皮膚都仲保持住一個柔軟水潤嘅狀態，無卡粉，亦無浮粉，真係好貼服！ 而且，定妝效果亦非常優秀，輕輕掃一層就可以牢牢鎖住底妝，控油力適中，唔會令妝感過於乾爽，但可以有效防止底妝脫落，連戴口罩都唔怕底妝移位。

Emily Leung好用推薦：Laura Mercier 柔光透明蜜粉 - 轉季定妝神器嘅真實用後感 前言：轉季底妝嘅「定海神針」 每到換季，唔單止護膚品要轉，底妝最後一步嘅定妝都好關鍵！皮膚一時乾一時油，用錯散粉真係會搞到爆拆或者溶妝。今次同大家深入測評專櫃人氣王——Laura Mercier 柔光透明蜜粉，睇下佢係咪真係能夠頂得住轉季嘅考驗，幫我哋鎖住個靚靚霧面妝！ 1. 粉質與包裝：低調實用嘅實力派 佢嘅包裝好簡潔，冇乜花巧，一大罐非常實用。一打開個篩網，粉質真係幼細到不得了，好似一陣輕煙咁。撳上手係完全透明嘅，唔會改變你本身粉底嘅顏色，呢點對於追求自然妝感嘅人來講好重要。 2. 上臉妝效：瞬間「柔焦」嘅高級霧面感 呢 part 係重點！用大化妝掃上臉，個效果真係有驚艷到： · 瞬間啞緻：一掃上去，塊面嘅油光即刻消失得無影無蹤，換嚟係一個非常乾淨、高級嘅霧面妝效果。 · 強勁柔焦：個「柔焦」效果唔係講笑，毛孔同細紋真係好似被模糊咗，塊面睇落平滑咗好多，妝感即刻變得更加精緻。 · 輕薄零負擔：雖然係霧面，但完全唔會厚重或者有面具感，好似冇用過散粉咁輕薄，成功鎖住粉底嘅同時，又唔會抽乾皮膚水分，轉季用

yingyinghistory好用推薦：這個粉餅我已經回購超過10 次！即使會貪新鮮試其他牌子粉餅，也必備這個粉餅在家，遇上皮膚狀態不穩，用這個粉餅一樣貼服無瑕。即使現在疫情下需要常戴口罩，持久度也很好，一日下來只係鼻位少少甩粉！

fibee3b好用推薦：我屬敏感肌 用佢都冇問題 而且粉質細滑 遮暇度都唔錯 而且佢色號好多 建議一定要去專門店試食 佢有方法幫你試

Noel好用推薦：KA 粉底我是溝色的，因為係商店試用裝包括了3色 (Light EF 2/ Medium EF 6 / Deep EF 13)，個人使用▶️ 大約 Light EF2 同Medium EF6 比例大約係 2：1左右👍 妝容同妝效都令人滿意，用完以後會購入Light EF4~ 個人超級喜歡，由第1次使用之後，就越來越喜歡的底妝產品❣ 雖然粉底名稱係 Illuminating，但個人沒有感覺粉底好 glowy，只有少量光澤。對乾性皮膚而言，粉底唔會很乾 (粉底不是滋潤型)，感覺好light weight💕 係目前我用到，唯一有 airbrush 效果既底妝😍 有點天生好皮膚既偽妝🤣 產品好推開，延展性超高👍 遮瑕力亦有7成左右，毛孔修飾力好好，使用了1星期，沒有發現氧化問題❗唯一不足，係沒有防曬~ 遮瑕 🌟🌟🌟🌟🌟 易推 🌟🌟🌟🌟🌟🌟 滋潤 🌟🌟🌟🌟🌟 控油 🌟🌟🌟🌟🌟🌟🌟 毛孔修飾 🌟🌟🌟🌟🌟🌟 持久 🌟🌟🌟🌟🌟🌟🌟