開架唇膏 推薦好用產品

YiN好用推薦：俾咁多人大推完，點可以唔買返枝lip monster呀，用咗好一段時間先捨得寫評論。呢枝係03陽炎色，係潤澤型透透地嘅橙棕色，搽上嘴基本上係最百搭嘅顏色，輕輕提升氣息得黎唔會好誇張好紅。我本身唇色唔係好深，搽上去透返自己本身嘅紅色出嚟，就變成好自然嘅粉紅色。 ✅潤澤不顯唇紋 如果我嗰日個嘴唔係乾到翹哂死皮，唔搽潤唇膏單搽lip monster都夠潤，佢長時間都做到個潤澤感。 ❓顯色度 本身係半透嘅唇膏，如果本身唇色較深，相信佢就冇辦法遮到色，出嚟個效果就會唔一樣。 ❓持久不掉色 Lip monster最出名就係佢個持色效果，搽咗佢就算飲野都只會甩最面嗰層，顏色會留返喺嘴。但呢件事好似冇發生喺我身上，佢依然係大甩特甩，所以我一直當佢普通唇膏咁用。 雖然佢喺我身上唔夠持色，但因為佢不斷出好多新色，啲色又靚，我都係會繼續買。

Kitty 好用推薦：話說前排經過萬寧，見到Kate呢隻小怪獸唇膏做緊discount，忍唔住手入咗支04號色！用咗幾日同大家分享下真實使用感啦～ 💄包裝設計 支唇膏係長方管身，雖然係膠殼但係手感唔差，開合都好順暢。 💄顏色表現 04號係帶點珊瑚調嘅蜜桃紅色，薄薄搽一層已經好顯氣色，厚塗就會更加有女人味。呢隻色幾適合日常用，唔會太誇張，黃皮都可以駕馭到，睇落個人都精神啲！ 💄質地感受 真心要讚吓佢個質地！塗上嘴真係好順滑，好水潤。完全唔會扯唇紋。本身驚佢會太潤容易脫色，但其實佢持久度超高，保持到輕盈感之餘又唔會乾燥。 💄持久度 食個輕食飲嘢都keep到六七成顏色，當然食飯就要補啦～不過以開架唇膏嚟講算係好好！唯一要留意係雖然宣傳不沾杯，但實際都有少少沾杯，但可以接受。持久度已經好過市面大部分水光唇膏。 💄性價比 唔過100蚊有咁嘅質素真係幾抵玩！比起專櫃唇膏絕對唔輸蝕，而且顏色選擇又多，之後都想試埋其他色號～ 總括來講，如果你鍾意自然得嚟又有氣質嘅唇妝，呢支04號真係唔錯嘅選擇！特別推薦比學生黨同OL日常使用～

Fng好用推薦：Opera 柔潤亮澤染色唇膏#05 Coral Pink夏日自然好氣色之選 Opera呢支染色唇膏絕對係偽素顏神器！同其他日系唇膏（如Canmake、Cezanne）相比，佢贏在極致水潤輕薄——質地似有色潤唇膏，一塗即溶入唇紋，唔會卡皮或積色，仲有SPF15防曬，啱曬夏天用✨ 熟齡偏乾唇實測：帶妝8小時依然保持水潤感，無須補搽，持久度驚艷！食飯後顏色會輕微脫落，但底色依然自然（似本身唇色透紅），唔會斑駁尷尬。相比Canmake較黏膩、Cezanne較顯唇紋，Opera平衡度做得最好～ 推薦色號：#01珊瑚紅、#04透明紅（黃肌顯白之選）。唯一要注意係遮蓋力唔強，深唇色要先打底。 推薦給：✔️ 追求自然水光唇妝 ✔️ 怕唇膏乾顯紋 ✔️ 夏天想要輕透防曬唇膏！

lonia好用推薦：聽聞OPERA嘅唇膏好用，所以去日本旅行嘅時候就買咗一支返嚟。個人喜好偏橙色調同水光感嘅唇膏，所以就揀咗色號05。呢支唇膏感覺好滋潤，唔會顯唇紋。上色度亦好好，搽兩下已經上到唇膏應有顏色，難怪咁多人力讚。下次可以試吓買其他顏色～

Emily Leung好用推薦：今次入手嘅係Canmake唇膏16號，即係好多人講嘅「肉桂奶茶色」或者「高級焦糖棕色」，呢支真係開架入面嘅寶藏色。如果你係鍾意自然溫柔、有氣質嘅妝感，呢支好大機會啱你心水。 先講顏色，佢個名已經講咗一半。所謂「肉桂奶茶」，即係唔係死實實嘅棕色，而係一種帶住啲暖調、少少紅調嘅柔和啡色。擦上嘴唔會好似飲完朱古力冇抹嘴，而係似本身唇色透出嚗一種好健康、好溫暖嘅色澤。薄薄擦一層，就好似你本身嘴唇好紅潤咁，好自然。 如果你擦厚一兩層，個「焦糖」感就出嚟啦，會有種好濃郁、好秋冬嘅感覺，好襯冷衫同大衣，望落真係有啲高級感，唔似幾十蚊嘅貨仔。對黃皮膚好友善，好顯白，唔會病懨懨。 跟住講質地，呢支嘢嘅賣點就係「滋潤」。佢完全唔乾，擦個陣好順滑，好似擦緊一層好薄嘅奶油咁，即刻幫你撫平咗啲唇紋。上嘴係一種好靚嘅水潤光澤，唔係誇張嘅玻璃唇，而係好似本身嘴唇狀態好好、好飽滿咁。因為佢咁潤，所以就算你嘴唇有少少甩皮，用佢都唔會顯眼，反而有啲修飾作用。 當然，有優點就有代價。因為佢咁水潤，所以持久度就一般啦。飲杯水都會印走少少，食個晏大概就要補一補。不過好彩佢甩色甩得都算均勻，唔會淨係甩中間變個「唇圈」，

KDing好用推薦：比我想像中更好既唇膏，我用既色號係16號色，佢係奶茶色，有啲似Estee Lauder 524色，都係偏向溫柔既色，新年去另一半屋企拜年，有氣乖之餘又唔會令人覺得誇張。 佢質地相對係透薄少少，唔會好實色，都幾岩淺唇色既人用，但深唇色既人用就會唔太顯色。同時佢滋潤度都幾高，用佢之前都唔一定要打底，單用佢都唔會顯唇紋。 不過要注意佢持久度唔算高，飲水都易甩，要間唔時要補唇膏，但當有色潤唇膏用都ok 顯色度：3/5 滋潤度：4/5 適用場合：斯文場合

Emily Leung好用推薦：【轉季啱晒🌷】Canmake柔潤亮澤唇膏 T04 實測 轉季天氣，個嘴仔特別容易乾到爆拆，搵唇膏又想有顏色又想夠潤，真係頭都大！放心，今次幫大家實測呢支Canmake Stay-On Balm Rouge嘅T04色，睇下佢係咪傳聞中咁「打得」！ 📍包裝同質地 Cutie嘅包裝，一向係Canmake嘅風格，細細支放喺個袋度超方便。支唇膏係冇防曬度數嘅，唔使驚嘴唇會變黑。質地真係好似佢個名咁，超級柔潤，好似搽緊唇膜咁，完全唔使點用唇膏打底都順滑。 📍轉季用後感：優點大檢閱 1. 水潤唔黏立，啱晒轉季！💧 佢嘅潤係帶少少油潤感，但絕對唔會黐脷嗲，好似俾層保護膜包住個嘴咁，轉季時嘅乾燥感即刻消失！就算你嘴唇狀態唔係幾好，有少少死皮，佢都可以修飾到，唔會卡色。 2. 顏色清透，日常必備！✨ T04係一隻好靚嘅蜜糖茶色，帶少少橙調，好百搭！上嘴好清透，可以疊加塗搽嚟增加顯色度。無論係素顏、返工定返學，用呢隻都絕對唔會出錯，自然好氣色，好似本身個嘴就係咁水潤咁靚！ 3. 性價比超高！ 百零蚊就有交易，平過好多專櫃品牌，可以話係開架之王！買多幾支唔同顏色都唔肉赤。 📍有咩要注意？ · 如

Fng好用推薦：Canmake柔潤亮澤唇膏#06｜秋日溫柔系唇色 ✨ 質地與顯色度 呢支06號係半透亮奶油質地，推開順滑唔卡唇紋，帶點玫瑰豆沙調嘅溫柔感！薄塗一層已經有好氣色，厚塗兩層會更顯色，但都保持住自然透亮感，唔會濃艷～ 🌟 滋潤與持久度 保濕力值得一讚！試過秋風吹足半日都冇爆皮，唇部依然保持柔軟～不過食嘢會掉色七成，飲熱飲都會印杯，建議隨身帶住補妝～ 💔 美中不足 · 遮蓋力普通，深唇色人士可能要先遮瑕 · 膏體偏軟，扭出太多容易斷 · 持久度一般，要經常補塗 💡 使用小貼士 1. 唇況差時：先薄塗潤唇膏打底，再點印上色 2. 加強持久：塗完用紙巾輕抿，再疊塗一層 3. 打造咬唇：唇中央厚塗，向外暈染開 4. 補妝急救：直接疊塗都唔會結塊 性價比：★★★★★（5/5，$50蚊買到專櫃質感！） 適合：學生黨、淡妝愛好者、追求日常好氣色嘅你～ #Canmake唇膏06 #換季 #秋日唇色 #開架唇膏

布吶吶好用推薦：💄 Cezanne口紅 #102 色號測評 🎨 顏色 呢隻色屬於豆沙裸粉色系，帶啲裸色底調，又融入咗柔和嘅豆沙色，再加一抹灰粉調，整體係好溫柔嘅氣質色！ · 薄塗：呈現好自然嘅淡奶橘色，似本身唇色透出健康光澤。 · 厚塗：豆沙玫瑰色更明顯，低調又有女人味，適合想提升氣色但唔想太誇張嘅日常妝。 ✨ 顯白效果 · 白皮：輕鬆襯出清新日系感，顯白又提氣色，好似自帶「打光效果」。 · 黃皮：有一定提亮作用，但效果無白皮咁突出，建議試上嘴睇吓夾唔夾自己膚色。 · 黑皮：要小心選擇，可能唔太顯色，甚至會顯得暗沉。 💦 滋潤度 配方加入橄欖油同蜂王漿精華，質地水潤輕薄，似有色潤唇膏。上嘴完全唔卡唇紋，即使唇部易起皮嘅人都可以放心用，唔會加重乾燥問題。 🎨 顯色度 顯色度屬中等，日常淡妝足夠用，能打造自然「偽素唇」效果。 · 唇色淺：一層已經均勻顯色。 · 唇色深：可能需要疊擦2-3層先完全遮蓋本身唇色。 ⏳ 持久度 · 飲水會輕微沾杯，但有一定染唇效果，正常飲食後嘴唇會保留一層淡淡底色。 · 相比其他滋潤型口紅，持久度算係中上，補擦頻率唔算高。 ✅ 總結 Cezanne #102 係

Emily Leung好用推薦：倩麗cezanne潤彩唇膏 102 30多塊錢可以用物超所值形容！ 殼子雖然是塑料的但是還算挺精緻而且不會輕飄飄的！浮雕印花也很可愛！ 102算是豆沙奶茶色 提氣色又自然，非常潤澤有一種透明感 上唇是非常日系的光澤唇效果，飽滿豐潤 我塗的時候嘴巴比較乾沒用潤唇膏，也沒有起皮狀況（本身有明顯死皮還請清理) 它有輕微染色效果 擦掉是會留有底色的 （這個底色比較玫瑰粉）就算掉色也不會很尷尬！

Emily Leung好用推薦：日本品牌cezanne銷售王唇膏 日本開架品牌Cezanne向來的唇膏都出名夠滋潤顯色，同時塗在唇上也絕不會顯唇紋，受到不少女生的大愛！ 在BE系列中，最最最讓女生心動的唇色就是BE-1的色號，也被日本女生譽為“自身柔焦裸粉色”！ 以紅潤粉色為主色調，透明質感隱約透出裸粉唇色，而且雙唇還看起來超水潤飽滿，溫柔魅力都輕輕散髮出來，令人很想馬上親一口！ 就算素顏出外，塗了這支BE-1唇色，呈現迷人的粉紅色澤，除了可以馬上提亮氣息，最重要是別人絕對察覺不出你的小心機，裸粉自然雙唇讓你自帶仙氣。

Rchy好用推薦：質地潤滑，有顏色之餘有好好嘅潤唇效果 唔會乾爭爭 係台灣買嘅 香港暫時未見到有 如果唔係一定會回購 見用到凹入去都仲用緊就知道有幾鍾意用🤪

bibubibu好用推薦：色號517 質地係satin 有少少光澤感而唔算好水潤 搽上嘴幾滑身 又唔顯唇紋 相當顯色 肉眼見到嘅顏色 搽上嘴就係一樣顏色 唔算好持久 食完野就會冇哂 但以佢嘅價錢嚟講係無可挑剔 性價比高 仲可以配上唔同造型嘅唇膏case 可以買多幾隻唔同顏色都唔心痛

Verna好用推薦：我在網上見到有人介紹，這品牌的唇膏是超平價，而且質素不錯，逛商店時見到，就買來試試 原來這唇膏的唇膏芯和唇膏殼是分開賣的，所以可以自選喜歡的唇膏殼花紋顏色，而且下次再買時，就可以環保一點 我看官網介紹，全部總共有22個顏色，分開7個色系，而我選的色號是#553紅色系，我覺得有點似珊瑚色或者豆沙色，很容易carry和配搭 它的質地很柔滑水潤，因為成份有玻尿酸，所以不用潤唇膏打底也可以，塗上咀感覺很滋潤，而且有點點的光澤感，CP值真的很高 不過我覺得它有點容易掉色，這是唯一美中不足

YolandaAuYeung好用推薦：Excel化妝品一向靠譜，打底霜、粉底、乾粉、蜜粉、眼影、眼線筆通通用過了，每樣也十分岀色！第一次試用它的唇膏，果然沒有令我失望！ 唇膏質地幼滑貼服，塗上唇後沒有起皮，而且還帶岀水潤感，光澤感大增，令咀仔十分sexy，誘發岀一股知性美！ 圖中使用色系: GB07 #此生摯愛唇彩

橘子貓好用推薦：#GB06 紅棕色，熱賣斷貨色。唇膏光澤感強，挺滋潤。外型也跟一般開架不同，黑金金屬包裝更有質感。

Verna好用推薦：這品牌的唇膏很經典，我記得我讀書時，偷偷地拿媽媽的唇膏來搽，也是這個品牌🤭 這款麗采唇膏是品牌最經典和皇牌的產品之一，它的質地透薄，搽的時候好像搽奶油般順滑，搽完不會有黏住雙唇的感覺，而且很顯色，雙唇也很滋潤，就算忘記用潤唇膏打底也不會很乾 年末的時候，臨近聖誕節、冬至和元旦，特別多party、聚會和約食飯，當然要打扮得美美地見人，唇妝當然不可少 它的顏色選擇很多，有超過20個顏色，連質感也有4個選擇，包括柔潤、啞緻、珠光和亮澤，總可以選擇到合心水的唇膏。我買了#775 Super Red 和#225 Rosewine，#775 是經典正紅色，適合濃妝和比較正式的場合，而#225就有點像豆沙色，適合日常的自然妝容

Ming好用推薦：Revelon呢支唇膏顏色好自然，搽上口個人即刻精神咗，顏色都last得耐，持久，不過查完之後都係用紙巾印一印會好一點，然後再搽上透明唇蜜效果會更加好。卸妝都好方便好容易。評價中中等等。

inkitsung好用推薦：Crystal Duo Lipstick 系列💄💄 一個透心涼既設計，出面clear層有角鯊烷保濕成份，包住入面發色既color層～ 自然漸變唇色1支就攪掂曬～👍🏻👍🏻 成個系列一共有10色，我今次試既係💋OR260💋橙色 由於主打係"透潤"，個人覺得顯色度唔算好高～ 以我呢d無色唇黎講，一係打底再搽，一係搽2-3層就會效果好d~ 至於講"潤"，普普通通喇～ 但整體都易搽易推，以呢個價錢絕對抵買！👍🏻👍🏻

Hamiii好用推薦：普通有色潤唇膏囉 有色 但又好易甩色 一飲野就bye bye

Giselle 好用推薦：Ettusais 柔滑水潤唇膏 09號 $125 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 呢支係前年秋冬嘅新品，一推出就已經被各大日本美妝博主推爆Σ(ﾟﾛﾟﾉ)ﾉ因為佢隻色超級無敵爆炸靚₍ᐢ⸝⸝› ̫ ‹⸝⸝ᐢ₎佢薄塗就係略帶啡色嘅偏粉嘅紅色⸜(๑⃙⃘'ᵕ'๑⃙⃘)⸝⋆︎*隻啡色係有少少似紅茶嘅顏色，超適合秋冬化嘅紅茶妝( ˘͈ ᵕ ˘͈ )厚塗嘅就會加深咗啡色嘅比例，唇色就會變成咖啡嘅啡色⸜( ´ ꒳ ` )⸝♡︎我自己就建議如果係膚色偏黃嘅小夥伴唔好厚塗full lip 因為會比較顯膚色更黃( ･᷄-･᷅ )建議係唇部外圍薄塗然後向內加深咁就會唔凸顯皮膚偏黃同時又可以享受到佢嗰種超靚嘅啡色( ⸝⸝•｡•⸝⸝ )另外因為佢係有染唇效果，所以雖然食飯飲水嗰陣係會hi走咗啡色嘅部分，但嘴唇上會仲有好似偏無花果色嘅紅色(pq*´꒳`*)♥︎♥︎*。因為我屬於懶得食完飯補妝而且唇色偏無血色嘅人，所以佢嘅染唇效果係可以令到我個妝唔會因為食完飯唇膏脫色而搞到整體妝容變到奇奇怪怪咁(* ´ ｪ `*)♥︎雖然話係染唇效果，但佢係屬於容易卸

So Fun好用推薦：自己的面色本身比較黃，經常俾人話唔舒服嘅樣，所以選擇了這個顏色，看上去比較自然又不會誇張，又可以增加血色。 這個牌子的唇膏本身都有足夠的滋潤，但如太乾燥建議再搽潤唇膏打底。

mavis好用推薦：顯色度非常高，搽一層已經好足夠，滋潤度都好足夠，唔會令到個嘴好乾，冬天都啱用

iliya 好用推薦：真我水潤唇膏非常水潤一啲都唔乾，保濕力十足，而且顏色都比較百搭，配搭唔同妝容都得，特別係日系妝容！

shadow影子好用推薦：去韓國旅行嗰陣時買嘅，鍾意佢顯色度很高，可以打造雅致嘅唇色，輕鬆打造性格妝容，超適合秋冬天使用。詢問度很高喔。

yykk88好用推薦：#夏季戀愛感妝容 雖然係戴住口罩，但同男朋友約會個陣唔少得會有去沙灘、去餐廳食野無戴口罩既情況出現，所以我夏季依然會用唇膏（同埋買左唔好浪費嘛haha!）～ 之前睇facebook廣告就睇中左Clio既唇膏顏色，於是就係佢到一買買左4支！自己中意查啲自然啲既coral色！查完之後個人望落都精神左！男朋友都忍唔住錫多幾啖，仲話呢個色睇落白啲同自然💕 我有咬嘴皮同搣嘴皮既壞習慣，所以個嘴成日好乾同有嘴唇紋～用左clio既唇膏可以幫我修飾返啲唇紋，睇落無咁乾～用左靚靚唇膏就忍左手唔搣唔咬嘴皮！推介大家試下clio既唇膏，價錢都好相宜 非常適合我呢啲小資女成日換色🥰先至一次過買4支！ 總括而言：| (• ◡•)| 質 地：♥︎♥︎♥︎♥︎♡︎ 價 格：♥︎♥︎♥︎♥︎♥︎ 保濕度：♥︎♥︎♥︎♥︎♡︎ 顯色度：♥︎♥︎♥︎♥︎♡︎ 持久度：♥︎♥︎♥︎♥︎♡︎ 推薦度：♥︎♥︎♥︎♥︎♡︎

Cosmeemee好用推薦：係我第一款用嘅唇膏🤣 有少少香味，幾好聞 我認為呢款唇膏比較Creamy 用得耐就會有少少乾， 建議用之前可以搽咗潤唇膏打底先🤭

格仔餅公主好用推薦：有少少香味既唇膏，如果本身嘴仔乾建議搽潤唇膏打底，佢唔係好保濕，如果有死皮會幾顯眼添㗎，顯色度就麻麻哋唔係好實色個種

Noelle S好用推薦：絕色絨霧啞光唇膏1299焦糖拿鐵，係萬記先買到。霧面橙紅色，質感柔滑，顯色又唔乾。食野係會脫色的，但價格相宜，設計小巧精緻，係專櫃慢慢揀，試過鍾意就買咗啦。

mandy好用推薦： MAYBELLINE Color Sensational Creamy Mattes Lipstick #660 Kissed 絕色艷麗 柔滑粉緻唇膏                          $95 我在幾年前買過 MAYBELLINE 的 霧面唇膏, 持久度非常好, 顯色零色差, 可是用起來唇部實在容易乾燥, 而且要花很多時間才可把唇妝完全卸掉! 幸而 絕色艷麗 柔滑粉緻唇膏  雖同為 霧面唇膏，質感比較creamy, 滋潤度高，不會令唇部乾燥。Creamy 的質地也令唇膏更易上妝。 如果想用霧面唇膏又怕唇部乾燥，可以考慮用絕色艷麗 柔滑粉緻唇膏，實在是性價比高之選。 購入限量版色號#660 Kissed, 是啞緻的豆沙紅色, 非常漂亮 又不會太突兀。 是每天都可擦上的唇色, 很好搭! 含油性滋潤成分: 芝麻油 保濕成分:    醋酸鹽維他命E 及 蜂蜜 抗氧化成分:   醋酸鹽維他命E ，季戊四醇四（雙-t-丁基羥基氫化肉桂酸）酯 及 蜂蜜 鎮靜消炎成分:   蜂蜜

Noel好用推薦：最近某藥妝店八五折購入，這個色號 #05 #Soft Brick 磚紅色。這個產品雖然叫唇彩，但是，它是啞緻 finish的，不會全乾，比較似 mousse 質地。它有微微染唇效果，但不強烈👌 色選不算多，但日常色已齊備。 塗到唇上 creamy，帶滋潤感，並有淡淡雲呢拿味❣#05 的顏色很顯白，我膚色比較自然，用它的話會自覺皮膚變白了少許🤩 這個 WakeMake 唇膏不像 liquid lipstick全乾，還是會沾杯沾囗罩，建議用紙巾壓一壓。

傻傻小貓好用推薦：本身唇色偏深，佢就遮到我嘅深唇色，加上呢排又成日要戴口罩，啱晒搽tint

Kura好用推薦：呢款唇膏雖然係啞面唇膏，但搽上嘴顏色超靚，完全唔會顯唇紋，價錢好平

kameari好用推薦：顏色上是不錯，也很上色，感覺厚實，但顯唇紋，一定要保濕之後塗。

Suki好用推薦：早排試咗Chifure唇膏嘅補充裝，講真，真係唔掂。上嘴之後好乾，完全冇滋潤感，仲會卡紋，乾到好似用緊一支開架十幾年前嘅產品咁。平時我唇都唔算特別乾，但用呢支真係頂唔住，塗完仲要搽返層潤唇膏救命。 雖然佢價錢平，但質量真係對唔住個價。我諗佢主打嘅係便宜同環保（有補充裝），但如果用得唔舒服，平都冇用。就算想慳錢，我都寧願加多幾十蚊買返支滋潤啲嘅唇膏，最少日日用開唔會咁辛苦。 總之，呢個真心唔推，唔好買補充裝，乾到懷疑人生。

natanatalie好用推薦：Cp值好高，但我呢個乾唇嘅人嚟講，略略顯唇紋，必須打左底搽左潤唇膏先，以呢個價錢嚟講算幾好

chaeselin好用推薦：疫情開始戴口罩後，唇膏就可有可無了，戴口罩已經夠乾還要霧面唇膏就更乾了…… 但之前買春天櫻花系列的顏色（PK013）還不錯，只是真的太乾了

kameari好用推薦：早前好喜歡用霧面唇膏就入手了，因為本身會使用潤唇膏所以都唔算太乾，整體不錯又未去到好突出。

蝦米好用推薦：d色好特別同埋外型好靚 我支係+3 偏粉紫 好自然好靚

jackielai好用推薦：買咗-2嘅啡色，用嚟搭配其他唇膏做漸變嘅效果好靚。唇膏本身質地滋潤顯色，包裝亦都好靚，值得推薦。