平價淡斑 推薦好用產品

Tszki好用推薦：質地呈偏水狀，吸收速度快且不黏。保濕效果很好，肌膚變得有彈性，保濕感優於傳統美白精華。改善膚色暗沉、蠟黃及淡化新痘印效果明顯，約 2 星期可見膚色更均勻。溫和不刺激，由於不添加香料、色素及酒精，非常適合敏感肌每天早晚使用。保濕與亮白兼具，添加雙重玻尿酸，塗抹後肌膚會有「光澤感」和「水嫩感」，而非單純美白。大推薦敏感肌使用！

Chloeincosme好用推薦：因為額頭、面側經常生粒粒所以買咗肌研呢枝重淡斑精華 嚟試！用咗兩星期後，雖然未見到皮膚好明顯白左，但清楚見到全塊面膚色更加均勻，之前有黑色素積聚嘅地方都明顯提亮，尤其是鼻翼和嘴角呢啲色素沉澱既地方😂最驚喜係額頭痘痘冇因為用精華而惡化（好驚美白精華會惡化粒粒情況），仲反而有效減退咗痘痘帶來嘅紅腫情況～ 🤍 均勻膚色：4.5/5 全臉暗沉問題改善咗好多，尤其係鼻翼同嘴角位置！ 🤍 淡印抗炎：4.5/5 對痘痘肌超友好！唔單止冇刺激發炎，仲可以加速退紅，預防深色痘印形成～ 🤍 溫和度：5/5 美白配方但零刺激，就算生緊痘痘嘅位置用都完全冇刺痛感～ 🤍 透亮感：4/5 光澤感係從肌底透出嚟，就算素顏睇落都精神咗～ 總結： 呢支精華幾好用！價錢唔貴！一枝同時做到均勻膚色、淡印同抗炎，推薦俾所有受色素沉澱同痘印困擾嘅你！ #火熱新品

Ressie14好用推薦：一唧出嚟，完全就係NIVEA一貫嘅香味， 皮膚手感比較滋潤，但同時間推開好快變得清爽。吸引我使用佢嘅最大原因係睇過佢嘅成份含有獨家研發嘅Luminous630，一種抑制黑色素形成嘅化學成份 — 「在皮膚和色斑變黑嘅過程中降低催化反應」，即係肌膚暴露喺紫外線下都有從體內嘅防禦屏障…. 有咗咁樣嘅解釋，令我對呢支美白精華相當有信心。 NIVEA老牌子，成份一直安全可靠，抗氧化提亮美白有感，淡斑方便還需時日等待看效果～ 仲要俾我遇見佢喺個人護理品牌店見到做特價 7 折，（原價$299 ）所以毫不猶豫用咗$21X 蚊買咗返去試 ，開心死我！

zetalhc好用推薦：美白同淡斑效果都好顯著，用嘅時候唔會覺得刺激皮膚，好容易推開同吸收

Ko好用推薦：今次試用咗13日nivea luminous 630系列嘅爽膚水精華同埋乳液 我早晚都有搽 次序係爽膚水，精華，最後係乳液 首先講吓三樣嘢一齊用嘅感受先！我覺得一齊用嘅保濕程度好足夠 作為混合性偏乾肌嘅我好鍾意 面上邊係有微微黏立嘅感覺 咁樣我先至覺得夠保濕 夜晚可以安心瞓覺 不過去到四月中嘅時候 天氣已經開始熱 我覺得可以skip咗精華或者乳液其中一樣 保濕程度都已經夠 日頭嘅時候我都會用晒呢三樣產品之後再化妝 個黏立嘅程度可以黏實我個妝 而且完全唔起擦膠碎！下面係妝後 可以見到我個妝勁貼 跟住就係重點重點重點！before after! Day1（搽後）： Day13（搽後）: 大家睇吓顴骨嘅雀斑淺咗！呢個系列好有效！有雀斑嘅姐妹真係要衝！ 講完整體跟住落嚟就專注講精華！ 呢支精華係白色的 推開就會變冇色 佢有一浸淡淡嘅杏仁味 雖然我平時好唔鍾意杏仁味 但因為呢支精華嘅杏仁味唔算好濃 我覺得可以接受 重點係佢淡班效果超正 所以我願意忍受佢有杏仁味🤣 加上陣味唔會好持久 都散得比較快 佢嘅質地算係濃稠得嚟偏清爽嗰種，因為好快吸收晒，推開就會薄薄一層有保濕效果唔會覺得皮膚唞唔

Stranger C好用推薦：這瓶雙效淡斑抗皺精華的質地像輕盈乳液，帶點粉橘色調，外觀看起來就很清新有活力。剛擠出來時感覺滑順不厚重，用手指推開時需要稍微按摩一下，但熱力一推就很快融入肌膚，完全不覺得油膩或黏膩，吸收速度算中等偏快，適合香港潮濕的天氣。 使用後最明顯的是肌膚觸感變得水潤飽滿，原本有些乾紋的部位摸起來柔軟許多，不再有緊繃的拉扯感。連續用了兩個星期，臉上的荷爾蒙斑和曬後暗沉位置顏色明顯淡化，特別是顴骨附近的斑點邊緣變得模糊，膚色整體均勻了很多，早起照鏡子時覺得臉龐亮度提升，整個人看起來更有精神。細紋方面，笑紋和眼下乾紋都有變淺的跡象，肌膚彈性明顯變好，按壓時回彈力強，不再鬆鬆的感覺。 最讓我安心的是它非常溫和，完全沒有刺痛、發紅或脫皮的問題，即使敏感期也沒不適。水油平衡做得很好，用完不會乾燥，反而整天都覺得保濕到位，油光沒變多，乾的地方也沒再起皮。搭配後續保養時，肌膚吸收力似乎更好，整體狀態更穩定緊緻。

Ko好用推薦：延展性幾高 一搽上面就會有光澤 少少反光提亮嘅效果 可以溝埋粉底液用，會令到個妝更加透薄 有少少香味 如果敏感嘅日子搽上面會有少少揦但冇特別泛紅 所以可以接受 缺點係好難攞啲product 個樽好奇怪 攞完第一下 一定要搖一下個樽先至會攞到第二下 如果唔係絕對會滴唔出任何嘢lol

何何好用推薦：呢支抗醣精華想試好奈，olay既美白精華不嬲都好深入民心，出名cp值高又有效☺️💓 第一次搽上面，覺得有啲啲那那地，可能有啲敏感，不過試多幾次都有同樣情況。。。結果放棄左，用黎搽手腳。。。 佢好好吸收，質地好輕身，有效均勻膚色。 佢個設計係好貼心既，因為有個特別design既泵頭，每次一開蓋就拎到一次既份量，可惜我面敏感用唔到。🥲另外，佢比平時既精華份量都多，有六十毫升，抵用❤️ 夏天到我想美白呀😑😑😑

Cc2016好用推薦：趁做特價第二盒半價時買，性價比高，夠貼面型，亦夠滋潤，用完皮膚感覺更有彈性，已經再回購

jaye好用推薦：肌研呢個系列既面有3款，3款都好岩敏感皮膚，3款我自己都鐘意亦會交換用，面膜紙好貼臉亦親膚，一敷上臉已經好快感覺到滿滿既精華，完全無吉既感覺，15分鐘後再洗淨臉部，馬上見到皮膚水潤飽滿，後搽護膚品亦更快吸收晒，第二朝起身水潤感依然持續，呢款就美白功能既就係3款裡面精華中最清爽，保濕之餘仲可以逐步改善唔均勻既膚色。

Poyobb好用推薦：樂敦cc維c精華原來已經出到第三代。超勁，講到可以美白，去斑、收毛孔、去痘印🍋 因為呢排痘印多左，想搵啲快速去痘印嘅產品用。講到有純特濃維c，好似效果唔錯。佢唧出嚟係油狀，少少檸檬味。當爽膚水同面霜中間精華嗰step，會好油。其實佢個樽口係要用力先會唧精華，一滴滴咁唧出嚟，方便每次用少份量。 我會將佢點係暗瘡印嘅位置，過咗十幾分鐘之後都未吸收晒，精華依然停留喺皮膚面層，好似有層油份覆蓋。感覺好似會令到暗瘡更嚴重🤨 反而最好係溝落面霜用，感覺會吸收得好啲，但呢個方法就冬天/開冷氣較好。 用完唔覺得有特別大嘅效果，暗瘡印完全冇退到，美白又無，平時用有效嘅去印產品係2-3日已經睇到淡咗。當然另外更加期待可以收毛孔，更加唔覺。可能我不太適合VC美白產品。

Emily Leung好用推薦：自從疫情開始就一直戴口罩，偶爾悶出暗瘡，有時仲會留低啲暗瘡印。開始搵適合嘅去暗瘡印精華，買咗幾款之後都係覺得樂敦Melano CC純天然檸檬祛斑精華液最溫和，效果亦係最明顯。喺日本嘅人氣超高，如果有留意開日本護膚博主嘅應該都見過呢隻產品。 升級版精華含有活性型維他命C同維他命B6，可以有效提亮暗沉膚色，調理皮膚分泌同維持肌膚油水平衡。另外亦加咗三重維他命C誘導體：維他命C衍生物、維他命C醣苷同脂溶性維他命C。 我自己連續用咗差唔多一年，暗瘡印淡咗好多；真心推介俾大家。一支大概可以用到四個月左右，價錢又親民。全銀色係舊版，有黃色嘅係升級版（濃密+控油款）。個人推薦升級版，去暗瘡印快咗少少～ 使用方法： 乾性皮膚可以全塊面用，油性皮膚就局部用（畢竟係油狀液體）。產品可以早晚使用，如果朝早用的話要做好防曬。我自己就係臨睡前洗面後用4至5滴，輕輕喺手心搓勻再搽上全塊面，等吸收之後再搽保濕霜。如果覺得質地太油，可以同面霜混合之後先搽上塊面，膚感超正！

Yty好用推薦：睇張相已經知我屋企長期有嘅貨啊，shiseido美白面膜我同媽咪一樣用咗超過四五年，係我面膜中頭10名內，面膜質地非常貼面，唔容易滑落剪裁好好，精華非常足夠，亦都唔會滴落嚟，用完之後皮膚「透明感」好明顯改善左，作為急救面膜去非常好，長期用我覺得真係有幫助改善膚色，如果追尋一個美白面膜，我非常推薦，大家去買，希望產品能夠一直出產我亦都會一直購買的 # 「透明感」 #美白透亮#【提升肌膚透明感的護膚品】

Lumi Kwan好用推薦：Shiseido美白產品來講，喺日本都相當出名，所以佢嘅美白產品長賣長有，以前讀大學嘅時候我甚至乎係全個美白系列咁用。而家我會選擇性去用唔同品牌嘅產品，但依然有用SHISEIDO嘅美白面膜。但我個人認為，單靠美白面膜唔可以做到美白作用，必定要用足夠嘅防曬產品，先可以抵抗黑色素。我會建議每星期至少用一次，連續用六片作為一個療程，會覺得皮膚真係白淨咗少少。官網話”撕除面膜時，黑色素亦隨之清除，肌膚重現明亮均勻膚色。 “，我唔太敢肯定。 呢款片裝面膜感覺比普通韓牌面膜厚。敷上面部後都幾貼面，唯獨係個下巴，我覺得mask可以再大少少。

sammiimelda好用推薦：方便衛生嘅美白泥膜 用完之後有明顯提亮美白效果 一次用一粒 通常一個禮拜用一次 之後再上返個保濕面膜就可以

mavis好用推薦：好方便嘅cream mask 一粒係一次嘅份量 唔會有平時一大樽cream mask嘅衛生問題 推介

維他他好用推薦：我通常喺夜晚敷面膜，呢隻面膜敷完之後覺得好保濕，有少少提亮效果，相信長期使用可以使皮膚變得更白淨，但敷完之後記得要用保濕的產品，因為美白嘅產品通常用完會會較乾

lingbb好用推薦：價格唔算最平，但算係好保濕嘅選擇、面膜充滿化妝水，無味、無色，使用後塊面好白淨水潤，敏感肌至愛之選

維他他好用推薦：今日用呢款肌美精3D面膜，老實講，我唔係太鍾意呢隻3D面膜，佢喺個鼻同下巴位都係3D設計，有塊嘢零零舍舍凸咗出嚟，其實都幾核突，唔係好明點解要用呢個設計，覺得自己好似一條魚，哈哈，所以面膜平面就夠，唔需要去到立體面膜。 讚少少嘅位係，佢嘅下巴位包得幾多，可以敷埋成個下巴，但係有時都幾痕， 保濕方面，都OK，唔會話好快乾，正常 但個人真係唔鍾意呢個面膜嘅設計，唔會再回購

綺羅香好用推薦：去完旅行皮膚未適應返，爆咗一堆暗瘡，好彩唔算嚴重，好快謝哂，係留咗一堆痘印，就求其買一盒美白面膜幫助去印，一打開面膜發覺剪裁幾特別，好似立體口罩咁，紙質厚，敷上面見鼻翼位覆蓋得好好，咀唇邊都遮得好貼，成個下巴都蓋得好密實，敷完塊面亮白咗好多，無過敏，會考慮回購

Fng好用推薦：肌研白潤美白化妝水｜秋日轉季美白 肌研呢支「白潤水」（百零蚊大大支）一直係開架人氣王，今個秋天轉季專登拎來試真啲，睇下係咪真係好用！ 質地與膚感：👍👍👍👍 (驚喜！) 倒出嚟係帶少少稠度嘅透明液體，初時驚會黏，點知一拍上臉瞬間吸收，完全零黏膩！用完皮膚係水潤柔軟嘅觸感，冇酒精唔刺激，對轉季易敏感嘅混合肌超級友好。 美白效果：🤔 (溫和派) 用咗大半支，最明顯係膚色均勻咗，嘴角同鼻翼嘅暗沉有改善，成塊面睇落冇咁「灰黃」。不過要期望用完白幾個度就諗多咗，佢屬於細水長流型，幫你維持住個亮度同透明感。 秋日保濕力：👍👍👍 (剛剛好) 香港秋天忽冷忽熱，佢嘅保濕力對混合肌來講恰到好處，兩頰夠潤，T位又唔會笠。後續疊加精華同乳液，成個保濕程序完美配合！ 總結： 一支零出錯嘅平價美白打底水！特別適合預算有限、想溫和提亮膚色嘅學生黨同護膚新手。雖然唔會帶來驚天動地嘅美白效果，但作為日常保養，絕對係誠意之作！

Jane好用推薦：質地清爽，吸收快。保濕度唔錯，性價比高，啱夏天使用，亦冇香精味。

Milo101好用推薦：台灣購入的提提研面膜，之前用過藍色超導水保濕款覺得好好用，後來再入手紅色美白呢款試試。 面膜紙材質是超級纖維，用落不像布也不像紙質，反而有點像蒟蒻，而且是超薄的，超強貼服度依然是此面膜的最大優點，見到jaw line位都可以覆蓋貼合就知道： 精華液份量充足，敷10-15分鐘期間，如果覺得精華液吸收得七七八八，可以將包裝袋剩餘的精華液補上。而且不會敏感，敷完即使不過水都可以，不會黏立。至於美白效果，敷完後的幾個鐘都有明顯亮白，過了一晚後就不能持續了。

Emma W好用推薦：提提研的超綻光亮白面膜用後感唔錯，會再買！敷上後，薄薄的面膜瞬間貼合肌膚，又fit到塊面。有好多精華，搽頸部、手腳都得。精華也好快吸收。15分鐘後，塊臉好似少少白左咁，毛孔細緻左，膚色均勻透亮。 適合肌膚：任何 成效度：4/5 保濕度：4/5 吸收度：4/5 貼合度：4.5/5 值得推薦度：4/5

Lilian Ching好用推薦：超推這款！！ 一開始是在專門店買東西時收到試用裝，那時剛好皮膚狀態不太好，一使用後便驚為天人 那陣子我的皮膚不知為何變得突然有點粗糙(不是敏感)，比較難吸收護膚品 使用了這款精華幾日後，皮膚竟變回柔軟水潤的狀態 後來查一下成份，原來裡面有維生素B3和B5，好像有增加皮膚彈性的功效， 雖然這款主打美白，但我最有感的是皮膚變柔軟。 質地是我喜歡的透明水狀精華，擦上臉也不會有油膩感，很好吸收。 本身皮膚很容易出油，夏天只擦爽膚水跟這瓶就夠了，如要上妝的話就會加上清爽的乳液。 氣味是淡淡的柑橘味，不喜歡強烈香料味的人應該都較容易接受。

suetying好用推薦：是次有活動 主題是關於美白 我就立刻想起這支美白精華 我要自打嘴巴一下 一開頭用我是對它沒有太大興趣 但最近再用它 用的次數由一開始一週一、兩次 轉為每晚都會用它 才發現到它的驚人之處 一直以為自己是一個皮膚白的人 直至 有一日我照鏡時 發現自己的懶惰令我皮膚已不是像從前般 膚色開始不均了 我就想起這支精華… 這支美白精華 是打開就聞到淡淡的橘子味道 我很喜歡它的味道 質地不是太黏的精華 大約30秒就會完全吸收 就算是上妝前用 它的質地也不會跟之後的底*’‘打交’‘ 不過我較喜歡在晚間睡前用 感覺連續用完之後 皮膚有種均勻左既感覺 如果係岩岩曬黑後用 每晚用係會慢慢有美白的效果 （需要晚晚用同份量盡量用多d)先會有效果 … 整體黎講 又係一個對皮膚無負擔既一種美白護膚品 我都好推介比各位想美白的sis #抗黑美白對策 #抗黑美白對策

Sakura醬好用推薦：日本Minon氨基酸保濕面膜 - 廣東話用後感分享 ✨ 點解會試？ 我呢排換季皮膚又開始「扭計」——T字位出油但兩頰乾到繃緊，仲生咗幾粒閉口，塊面局部泛紅痕癢🥲 自從舊年敏感大爆發後，成年都唔敢敷面膜，今次專登揀咗Minon呢隻專為敏感肌設計嘅面膜嚟試！ 📦 基本資料 · 全名：Minon Amino Moist 氨基酸保濕面膜 · 日本開架品牌，專為 乾燥敏感肌 研發 · 價錢：約 HKD$90-110/盒，一盒得 4片，唔算平！ · 主打成分：多種氨基酸、透明質酸、低刺激性配方 💧 連續敷4日真實紀錄 第1日： 面膜紙係 偏厚嘅纖維布，精華液係 啫喱狀，敷上臉好貼服，唔會滴到周圍都係。 敷完即刻覺得 皮膚飲飽水，好似沙漠遇到清泉咁😭 紅腫有退到少少，但仲有少少痕。 第2日： 起身見到 閉口扁咗！成日冇痕癢感，仲大膽化咗妝出街（唔好學我😅）。夜晚返嚟冇反彈，good～ 第3-4日： 皮膚已經穩定返好多！最驚喜係 T字位出油少咗，鼻翼嘅粗糙感明顯平滑，成塊面摸落 軟熟清爽✨ --- ✅ 優點總結 1. 溫和到喊｜零香料酒精，敷嗰陣完全冇刺痛感，脆皮肌都安心用 2.

Emily Leung好用推薦：白到發光！Minon 美白面膜真實測評 各位姊妹，又到咗個人躁、塊臉更躁嘅轉季時節！😫 一轉天氣，塊面即刻唔聽話，又紅又痕，仲想美白？真係諗起都頭痛。之前俾人燒到買咗盒Minon美白面膜，話係專為敏感肌而設，就等我同大家分享下用後感！ ✅ 賣點同第一印象： · 專為敏感肌： 最大賣點！盒身大大隻字寫住「敏感肌」，對於我呢啲一轉天氣就「作反」嘅皮膚來講，真係好吸引。 · 美白+保濕： 唔係淨係得美白，仲有齊保濕成分，啱晒換季時又乾又暗啞嘅肌膚。 · 無添加： 冇香料、冇色素、冇酒精，用落個心都踏實啲。 🧖‍♀️ 使用感受： 1. 面膜紙： 係日系常見嘅厚身棉質紙，好柔軟，唔會易扯爛。剪裁算係幾貼面，尤其係鼻翼同嘴角位都敷到。 2. 精華液： 同佢哋經典保濕系列一樣，係「啫喱狀」精華，唔會滴滴瀝瀝！呢點我好鍾意，敷嘅時候可以行來行去都唔怕滴到成身都係。分量啱啱好，袋裏面唔會剩低好多精華，唔會浪費。 3. 溫和度： 💯分！ 敷上塊面真係零刺激，完全冇痕癢或者拮拮哋嘅感覺。轉天氣期間塊面有少少泛紅，敷完之後即刻覺得鎮靜咗好多！呢個絕對係最大加分位。 ✨ 效果點樣？ · 即時效果：

Chloeincosme好用推薦：本身想買黎搽臉美白，點知導致閉口（我同anessa d產品真係唔係好夾😂），為左唔好浪費，就用左係手肘同膝蓋位置，呢d位長期有色素沉澱，夏天著短袖時特別顯眼，估唔到都幾令人驚喜～ 🤍 柔滑效果：4/5 連續用一個月，手肘同膝頭嘅粗糙感明顯改善，摸落去滑溜咗，似浸完溫泉後嘅肌膚觸感～ 🤍 質地吸收：4/5 乳液狀質地輕薄易推，吸收後零黏膩，就算夏天用都唔會黐笠～ 🤍 修護持久度：4/5 即使唔係日日用，皮膚都能保持柔軟狀態，唔會好快打回原形～ 🤍 性價比：5/5 百幾蚊超大枝，每日搽手腳位都仲有大半枝😂用係臉會仲抵！ 總結： Anessa呢支修護露雖然唔岩我上面，但保持到手肘位/ 膝頭皮膚柔滑已經好足夠～

Yuffie好用推薦：一向有用開Anessa 嘅防曬產品，既然出咗晚間修護曬後護理，所以都想試吓。瓶裝擠壓方式乾淨，而且瓶身設計簡約優雅。 乳液質地透薄，搽上去好快吸收，亦冇濃重黏膩感。搽完覺得幾滋潤同舒服，但用咗一個星期就未見太明顯嘅美白效果。性價比嚟講唔錯。

Fng好用推薦：NIVEA 630煥白修護晚霜｜ NIVEA呢支德國630晚霜（二百頭價位），聲稱用上專利美白成分，喺開架界少有。 質地與膚感：🤔 (挑人用) 擠出嚟係偏豐潤嘅乳霜狀，推開時有啲阻力，需要多少少時間按摩吸收。完成後皮膚係明顯滋潤感，對混合偏乾肌來講，秋冬季節剛好，但香港夏天用就可能覺得有啲「冚」。油肌姊妹可能接受唔到～ 核心成分解密： •專利630成分：針對黑色素源頭，聲稱比維他命C更強效 •輔酶Q10：輔助抗氧，提升皮膚夜間修復 同OLAY美白晚霜比，NIVEA呢支更潤；同Curel美白系列比，質地就厚重不少。 美白效果：👍👍👍 (溫和見效) 用咗三星期，最明顯係痘印同斑點有變淡，整體膚色均勻咗，朝早起身冇咁灰黃。不過要期望用完變白雪公主就諗多咗，屬於慢工出細貨型。 溫馨提示： ✨千祈唔好慳，用量要足夠先有效果 ✨朝早一定要用防曬，否則浪費夜晚努力 ✨皮膚敏感期建議暫停使用 總結： 一支適合預算有限美白新手的誠意之作！特別適合又乾又有斑點困擾的姊妹，作為晚間修護幾稱職。雖然質地未算完美，但以其針對性美白成分同合理定價，絕對係開架中值得一試嘅選擇！記住，要俾多少少耐性，效果先

橘子貓好用推薦：套裝贈品。 化妝水是透明，近乎無味。質地有點稠度，似gel。幾易推開，亦快被皮膚吸收，但吸收後似有膜感，摸上去有點點黏，不太喜歡。用後未見有提亮感，美白效果更是沒有啦。

natanatalie好用推薦：性價比很高，質地溫和不刺激，有足夠保濕功效，但未能感受到美白功效

iliya 好用推薦：同滋潤版相比，呢款簡直係清爽得滯，搽完等於無搽一樣😂😂😂

natanatalie好用推薦：以開架產品來說，效果十分不錯，性質溫和，有基本保濕功效，但感覺唔到美白

TsuenMa好用推薦：Melano CC 如果話係開架美妝王者，應該都唔算過分，喺好多唔同嘅大小美妝店都可以好容易見到佢嘅身形，試過去同款嘅化妝水之後，決定入手一試佢呢款mask。 成份包括：維他命C+維他命E誘導體 可以有效咁帶比底層嘅肌膚滋潤💧 同時間進行提亮🌟 💰一包有10片，CP值好高，除返開都唔使$10一片。 ⭕️呢款mask係少有地有埋眼簾部份，照顧埋你眼部嘅需要。 🕐需要敷嘅時間只需3分鐘，就可以帶到啲精華入去你嘅皮膚底層，適合返工忙碌嘅寶寶使用。 💧雖然佢精華容量聲稱有150%增加，但係打開個包裝之後見唔到有好多嘅精華，不過敷上面都好足夠。 💧敷完3至5分鐘之後，仍然會殘留少量嘅精華喺塊面度，亦都可以好快咁被皮膚吸收，都有感覺佢係帶到去底層入邊✅ ⭕️貼合度吾錯，厚薄都適中，成個敷mask嘅過程都好唔錯。 💟總合評價：深層補水ok；美白提亮效果mamaday 💟偏清爽感覺，適合春夏使用。 敷後圖： 

維他他好用推薦：呢款melano 維他命C面膜，入邊精華好多，每次拎出嚟都會滴水，好誇張 面膜質地非常舒服，係有少少厚度嘅paper mask，眼嗰度會特別多咗一層，眼同鼻嘅面膜連接位要自己輕輕用力撕開，敷上面嘅時候聞到明顯嘅維他命C味道（大概係橙味或者係檸檬味咁樣），感覺幾良好，連續用咗好多張，今次已經係最後一張，皮膚未有感覺明顯美白，但係面膜質地係幾舒服嘅，相信長期用可能會有一定效果，大家都可以去試吓

Hchan好用推薦：The ordinary 的產品一向價格不高又有效，剛好這段時間轉季，皮膚不穩定會間中起痘，留下的痘印又久久不退，見到這枝新推出主打去印，蘆薈成份又有舒緩功效，希望能改善一下。 精華液是滴管裝設計，質地是如水般的液狀，少許滑順感，沒有味道，上臉後容易推開及吸收，對暗瘡肌也沒有負擔，由於我是在夏天至轉季期間使用，後續再上面霜保濕度亦足夠了，但因質地十分清爽輕盈，乾燥的天氣可能要再搭配其他高保濕產品。 用後覺得膚況有變得穩定點，暗瘡減少了，淡化痘印的功效就不太明顯，不過如果只看穩定膚況這點我會再回購，因為像痘印及色斑這種的，我會另外再用它家的維他命c精華乳局部塗就已經十分有效淡印。