HADA LABO 肌研

H.A. Supreme 亮肌淨斑精華(第2代)

感謝@cosme邀請參加今次試用「亮肌淨斑精華」✨本身都有用開肌研嘅化妝水，但精華就真係第一次試，結果完全冇失望，仲幾有驚喜！ 本身係敏感肌，所以好少用美白產品，通常曬黑咗都係等佢自然變白🫠但過程實在太漫長了 試用肌研呢支精華兩個星期之後，照鏡覺得個人氣色好咗，無咁黃同暗沉。 佢質地好水狀，滴上手流得好快，上面唔使30秒就吸收晒，美白同時唔會令皮膚變乾～重點係我完全冇敏感🙌🏻 前排膝頭哥有傷口，甩咗焦之後個印一直唔好，我多手用精華搽埋佢😂結果好快去咗印，喺我記得要影相嗰陣已經無咗😂😂😂 推介比所有想美白的敏感肌sis！下次應該會入手埋佢支保濕精華～

感謝@cosme與肌研，讓我有機會試用今次期待已久嘅美白產品！ 先睇睇我平日素顏嘅情況，皮膚因為每日都需要化妝，所以明顯暗沉，有黑色素沉澱，另外皮膚亦都有暗瘡痘印 呢枝升級版精華，質地非常清爽輕盈，從相片已經睇到非常流質，亦都唔會加添太多增稠劑，因此上面好快就吸收 以下係我使用兩星期後嘅效果，雖然未見到皮膚好明顯亮度提升兩度或以上、但清楚見到全塊面膚色更加均勻，之前有黑色素積聚嘅地方都明顯提亮，尤其是鼻翼和嘴角，呢啲係色素沉澱嘅鬼鼠位！ 之前額頭亦都有痘痘，原本擔心產品可能會刺激到豆豆發炎，但相反，精華亦都有效減退痘痘帶來嘅發炎情況！ 雖然主打係美白精華，但同時高效保濕，入面加添四種透明質酸，比以前用過嘅美白精華保濕效力更高，不擔心只攻美白，會令皮膚變乾、好似嚡熠熠咁！ 總結而言，美白效果中上，而且令膚況穩定，不擔心因為想美白而令到皮膚狀況變差，如果你都搵緊價錢合理，可以令皮膚提亮嘅產品，非常推介！

因為額頭、面側經常生粒粒所以買咗肌研呢枝重淡斑精華 嚟試！用咗兩星期後，雖然未見到皮膚好明顯白左，但清楚見到全塊面膚色更加均勻，之前有黑色素積聚嘅地方都明顯提亮，尤其是鼻翼和嘴角呢啲色素沉澱既地方😂最驚喜係額頭痘痘冇因為用精華而惡化（好驚美白精華會惡化粒粒情況），仲反而有效減退咗痘痘帶來嘅紅腫情況～ 🤍 均勻膚色：4.5/5 全臉暗沉問題改善咗好多，尤其係鼻翼同嘴角位置！ 🤍 淡印抗炎：4.5/5 對痘痘肌超友好！唔單止冇刺激發炎，仲可以加速退紅，預防深色痘印形成～ 🤍 溫和度：5/5 美白配方但零刺激，就算生緊痘痘嘅位置用都完全冇刺痛感～ 🤍 透亮感：4/5 光澤感係從肌底透出嚟，就算素顏睇落都精神咗～ 總結： 呢支精華幾好用！價錢唔貴！一枝同時做到均勻膚色、淡印同抗炎，推薦俾所有受色素沉澱同痘印困擾嘅你！ #火熱新品

肌研H.A. Supreme系列嘅精華之前試用過已經不斷再回購，其中被稱為「搽之美白針」既亮肌淨白精華仲推出咗新升級版本，號稱有2.4倍淡斑力、26倍滲透力、抑制黑色素形成達41%，比起舊版質地更加透薄易吸收，令我對佢非常期待，結果亦都完全冇失望一試上手同cica比較，已經感覺到質地比上一代清爽，更加流質，減少左黏笠感，係炎炎夏日就更加容易吸收。當中仲配合HA複合配方，有超微細份子，美白同時注水保濕，咁就唔怕皮膚變乾啦 睇返以下圖片，使用14天後，膚色比未用之前均勻，精華入面嘅珍貴海百合萃取，成功令皮膚冇咗啲一撻撻。本身掌心同面比較，面部明顯較為暗沉，使用精華後成功回復亮白細緻既皮膚 另外入面仲有高活性維他命C +Niacinamide，可以重點抑制、擊退色斑，面部、鼻樑上面嘅暗瘡印經過兩個星期之後都減淡咗8成開架價錢加上呢個美白、改善暗瘡印、細緻皮膚嘅效果，媲美尊貴品牌，而且仲可以令皮膚唔變乾同埋質地清爽，令我對呢支精華真係非常滿意，一定會再回購同埋推薦朋友試用!!

肌研H.A. Supreme亮肌淨斑精華抹起來水水潤潤，吸收超快，完全不黏！有4種玻尿酸、維C跟煙酰胺，保濕又能淡痘印、色斑。用兩週，臉看起來亮一點，暗沉有改善，混油肌跟敏感肌都能用，沒酒精不刺激。滴管好用但容易擠多。想美白淡斑可以試試，淡斑效果可能要用耐少少先見到。

肌研這支新升級的H.A. Supreme Vita亮肌淨斑精華也太有效了吧(╯°Д°）╯不需多說話 先貼上效果圖還要我只是用了兩個星期!!!!!暗瘡印消失得太厲害了(╯°Д°）╯素顏看上去皮膚也很好❤️ 同一個燈光下拍攝，皮膚真的亮了超級超級多!!! 變亮白的速度是我用過這麼多美白精華中數一數二！而且還要這個價錢買得到✨真香✨ 淡斑的效果應該要完成一支才看得到吧，不過我使用這段時間也沒有長出新的雀斑哈哈~ 一支精華包含了維他命C和Niacinamide，去黃非常厲害，而且維他命C穩定性超高( ´▽｀)之前用Obxgi的維他命C很快氧化，容易變黃變啡。但這支 完!全!不!會! 然後他的質地水水的，也挺清爽，不會黏黏油油的。 Niacinamide容易令皮膚乾燥(同時能抑制油脂! 抗豆很有效!)，但這支完全沒有！後續上一些簡單保濕就可以了(本人混合偏乾  總括而言，必定回購😗

感謝@cosme 的邀請試用依支第二代肌研HA Supeme亮肌淨斑精華。 之前有試過佢嘅化妝水同乳液，精華就第一次試，依款去斑聽落好吸引，開封後唔會氧化。我臉上都比較多雀斑，平時用美白產品都效果一般，好難令斑變淡。 質地：較水感透明精華液，唔笠好保濕，早晚都用得，延展性好好， 一泵夠搽全面及頸。 味道：無香，依點非常重要！一向覺得護膚品添加香味反而太多化學品成份。 效果：皮膚變得亮白，均勻膚色，毛孔乾淨左更保濕，明顯淡斑效果， 小斑點淡左好多， 大斑點我諗要啲時間。 優點：雖然是美白但超溫和完全無刺激感，唔會過敏；包裝簡約，一貫肌研設計，磨砂透明玻璃能夠清楚睇到入面透明嘅精華無變色，而且樽口有隔，感覺更能保持精華新鮮度。

多謝Cosme今次嘅試活動邀請，肌研呢個牌子我一向都有用開，鍾意佢產品性價比高又有效～ 第一次用呢個亮肌淨白精華，包裝夠簡約，滴管嘅設計好方便使用，容易控制每次使用嘅份量～精華嘅質地清爽輕盈，夏天用唔會悶熱，搽上面感覺好易推，我用6滴左右已經足夠搽均成塊面。精華質感輕盈，但搽完皮膚都充份得到滋潤感，精華聞落冇乜味，感覺更無添加～搽完之後，皮膚感覺膚色係立即提亮咗，冇咁暗啞。搽咗兩星期之後，我嘅雀斑雖然冇少到，但感覺好似係有淺色咗，而且整體皮膚白滑咗～ 希望用晒成支之後，皮膚會更透亮白滑~

痘印嚴重者必買！🫶🏻 油肌又喜歡生暗瘡嘅我，日積月累下有好多痘印，令肌膚睇落好污糟咁，唔得均匀同白淨！呢支精華我覺得去痘印幾好，而且祛黃功效都唔錯，好適合我呢啲有痘印又唔白淨嘅人！❤️ 價錢好平，適合小資女，搽上面一啲都唔笠，我有一個隱藏用法，就係將佢倒落化妝棉，再敷喺暗沉/有痘印/色素沉澱嘅地方，功效會加倍！🙌🏻

一直用開肌研化妝水，配合埋精華一齊用，簡直完美！本身去完旅行曬黑左，用左H.A. Supreme亮肌淨斑精華後兩星期後，皮膚變白翻，仲可改善暗沉、均勻全面膚色。質地清爽輕盈，就算係依加夏天又濕又熱嘅天氣用都唔怕！最開心係面上本來嘅痘印都淡化左。配方溫和，唔刺激皮膚，用完唔會出紅點。 平時用既美白精華都伯令皮膚偏乾，但H.A. Supreme亮肌淨斑精華令人有驚喜，用完唔會令肌膚變乾，整體覺得性價比高！用過市面上幾款維C美白精華穩定性都好低，好易氧化。呢唸款唔會，效果幾好！

多謝@cosme 抽中試用 肌研新升級H.A. Supreme亮肌淨斑精華 講下個包裝先： 包裝簡潔，白色玻璃樽，滴管設計，使用份量容易控制，乾淨衛生質地方面： 水流性高，容易被皮膚吸收，唔會有黏立感覺上面圖係使用前：多深色暗瘡印，少量斑 下面圖係使用後：使用差不多3星期有多，暗瘡印明顯淡左，斑都淡左 總結： 呢支精華好岩而家香港咁悶熱天氣用，一支集齊美白保濕功效，唔黏立，上妝貼，唔洗搽咁多護膚品，減輕肌膚負擔！ 不過美白淡印較為弱，要長時間先睇到明顯效果，用呢做保養係唔錯嘅選擇！

多謝@cosme 抽中我，之前出第一代Vita嘅時候，我已經自購用過，仲有另外一個Cica我都有用過覺得好唔錯，本身都好鍾意肌研呢個牌子所以今次抽中試用可以再用返呢個系列真係好期待，睇吓第二代究竟upgrade咗幾多😄 今次都係一樣，搽上手試吓嗰陣好水潤唔會黐立立，上面嘅時候好快就吸收咗，基本上一推開已經好容易吸收，咁我嘅使用習慣就係查兩三泵上面，因為而家天氣炎熱開冷氣好缺水，需要大量補水，用呢個美白精華可以有美白效果之外，都有足夠嘅補水效果唔會令皮膚乾爭爭。 我本身塊面冇乜色斑，但係就有暗瘡印，今次試呢個第二代美白精華最想都係睇吓會唔會可以連我啲暗瘡印都可以減淡，試完之後發覺係有淺色咗嘅。 持續用咗接近兩星期明顯睇到我最在意嘅暗沉暗啞膚色係有改善，美白度都有比第一代更加明顯，我最鍾意佢呢個系列都係冇乜味道，本身唔算話好鍾意有香味嘅產品，所以用起上嚟都覺得好舒適，用完呢枝之後我都會keep住買多一兩支試一試睇吓可以美白上限有幾多。🤭

首先感謝@cosme 抽中我試用產品。平時用開樂敦CC美白液，今次試用肌研嘅亮肌淨斑精華就試吓代替平時嘅產品，喺朝早試用。 我係混合乾肌，冇敏感問題，面上冇淡班或痘印問題，只係皮膚有點暗啞，黃黃地。試用幾個星期後，覺得皮膚開始有光澤，比之前提亮咗！而且產品吸收得好快，自己亦冇出現敏感情況。最開心嘅就係佢可以改善暗沉，塊面唔會好似好黑咁。亦都唔會令皮膚變乾，需要加強保濕，只需要同平時一樣搽返保濕cream就可以。附上搽完精華，加保濕cream之後嘅效果，面上嘅光澤自己都嚇親😂

多謝cosme 和肌研 俾機會我試用肌研新品H.A. Supreme亮肌淨斑精華第二代！ 今次第二代比第一代更易吸收、更有效淡斑去痘印。整體包裝設計以白色為主，精華也是溫和性質，不致敏，從外至內給人一種舒服的感覺。 我是混合性皮膚偏油，容易出暗瘡，之前疫情長期戴口罩，長了很多暗瘡，反反覆覆滋生又消滅又滋生。現在不用戴口罩暗瘡問題改善了，但痘印問題卻很難解決，之前使用其他韓國維C產品也沒甚麼效果，現在用了H.A. Supreme亮肌淨斑精華第二代大概兩星期，痘印明顯地變淡了，我相信繼續持續使用會完全退痘印。 精華液質地清爽水潤﹑不厚重﹑易吸收，我是早晚於Toner及Cream之間使用，先全臉搽上一層（用量是一管），再輕輕按摩，就已經感覺到皮膚在吸收了。另外我會再重點塗抹多一點精華在痘印範圍（用量是1/3管），大概1-2分鐘已經感到皮膚吸收完，水潤﹑無乾燥﹑不黏膩，可以進行下一步搽Cream。 整體使用下來，皮膚沒有不適，晚上使用後翌日起床也沒有油光滿臉，皮膚處於水潤透亮的狀態，我是黃黑皮，現在照鏡覺得比使用前亮了一點，暗沉程度有改善。

最近新買咗 肌研 H.A. Supreme 亮肌淨斑精華 (第2代)，用落發現佢嘅功能真係同佢嘅介紹好貼切，用咗大概一星期，真係能夠幫助我解決咗暗啞肌膚、同埋色班和雀斑的問題，淡化同埋均勻咗我的膚色，佢吸收得好快，效果發揮得好好，搽咗落去一陣間就吸收，真係好好用。