去斑 推薦好用產品

Cosmeemee好用推薦：#火熱新品 🗓️使用時間：持續使用一個月 💆🏻‍♀️個人皮膚狀況： 混合乾性肌膚，全面易乾而出油 膚色有點不均勻，有少許雀斑及暗瘡印 皮膚有時洗澡後有敏感及易紅約情況 使用產品後沒有任何過敏反應 🔽全面使用心得如下🔽 1️⃣產品質地: 這款精華液的質地非常輕盈,無油光感。滑順易推開,即使在潮濕天氣下也不會有任何黏膩感，並能夠快速滲透進肌膚,基本上1分鐘內已完全吸收。 2️⃣淡/防印效果: 在持續使用一個月後,我發現暗瘡印和色斑確實變淡了不少，使肌膚看起來更加平滑。🔼剛使用🔼一個月後 3️⃣保濕效能: 精華液含有多種保濕成分,能給肌膚長效補水保濕。每日早晚都有用，雖然冇純B5gel咁保濕，但以美白精華來說，保濕效果非常不錯，即使在炎熱天氣下也沒有任何乾燥或緊繃感。 4️⃣低敏配方: 這款精華液非常溫和,不含酒精、香料和防腐劑，是敏感肌也能用的美白產品～ （使用方法:早晚洗臉後，上爽膚水，取適量精華液塗抹於全臉，再上面霜。） 🙌總結評分🙌 低敏程度：♥️♥️♥️♥️♥️ 美白效果：♥️♥️♥️🤍🤍 防班效果：♥️♥️♥️♥️🤍 淡印效果：♥️♥️♥️🤍🤍 推薦程度：♥️♥️♥️♥️

Kelvin好用推薦：Olay PROX皙顏袪斑精華液 從根源防班淡印，具備有「NIA + SDL」專利淡斑配方，穩定黑色素母體，減少黑色素擴散和沈積，有助從肌底淡斑🤗 質地透明珍珠白色，我塊面需要一次用3泵，搽上面大概30秒已經吸收晒，清爽唔黏笠，朝早用都唔會黐立立，仲有啲保濕效果，大部份用都鍾意嘅質地👍🏻 大概用咗1/3，暗瘡印位退得快，用完會塊面白淨咗。但我多年嘅色斑就感覺退嘅效果就唔太見到，但係我覺得可以keep住用，開架牌子又有專利效果針對淡斑嘅精華唔多，希望用落夏天keep住唔好再出咁多斑。 但會提返美白精華，一定要用足夠份量，如果唔係用咗等於冇用

布吶吶好用推薦：La Roche-Posay Mela B3 淡斑精華實測 「塊面啲印幾時先肯走？」 呢個問題唔知困擾咗幾多人。暗瘡印、雀斑、色素沉澱好似黐身膏藥咁，搽幾多遮瑕膏都治標唔治本。法國藥妝王牌 La Roche-Posay 推出嘅 Mela B3 淡斑精華，近年成為香港藥妝店熱賣淡斑神器，究竟係咪真係 work？ 【主打功效】 1. 針對色素沉澱：淡化痘印、雀斑、曬斑、暗瘡印 2. 均勻膚色：提亮暗啞肌膚，減黃氣 3. 保濕修護：含維他命B3（煙酰胺）同埋La Roche-Posay溫泉水，舒緩肌膚 【核心成分】 · 維他命B3（煙酰胺）：阻截黑色素轉移，改善膚色不均 · 甘醇酸 + 水楊酸：溫和代謝老廢角質，令皮膚更透亮 · La Roche-Posay溫泉水：抗刺激、保濕，減低酸性成分帶嚟嘅刺激 【使用感受】 1. 質地： 白色乳液狀，推開清爽唔黏膩，吸收得快，油皮同混合皮都唔會覺得厚重。 2. 溫和度： 雖然含酸類成分，但用落唔會刺痛（除非皮膚極度敏感），溫泉水成分有助鎮靜。 3. 效果： · 淡印速度：對於新嘅紅色痘印，大約1-2週見到明顯變淡；

Miranda好用推薦：La Roche-Posay 呢支 Mela B3 精華，專打暗瘡印同色斑，仲話可以防止復發。質地係輕身嘅乳液狀，一推就吸收，唔會黐立立，敏感肌都用得。我主要想搞掂下巴嗰幾粒暗瘡印，用咗三星期左右，印真係淡得快過平時，而且冇再生返出嚟。佢冇香料，好溫和，就算皮膚敏感期用都冇刺痛。最鍾意佢有埋煙酰胺同Mela B3成分，用後膚色均勻咗，冇咁黃。價錢係開架中偏高，但比起專櫃算親民。唯一要留意係保濕度一般，乾皮要再加保濕精華。總括：如果想有效淡斑又怕敏感，呢支好值得試！

Tszki好用推薦：質地呈偏水狀，吸收速度快且不黏。保濕效果很好，肌膚變得有彈性，保濕感優於傳統美白精華。改善膚色暗沉、蠟黃及淡化新痘印效果明顯，約 2 星期可見膚色更均勻。溫和不刺激，由於不添加香料、色素及酒精，非常適合敏感肌每天早晚使用。保濕與亮白兼具，添加雙重玻尿酸，塗抹後肌膚會有「光澤感」和「水嫩感」，而非單純美白。大推薦敏感肌使用！

Chloeincosme好用推薦：因為額頭、面側經常生粒粒所以買咗肌研呢枝重淡斑精華 嚟試！用咗兩星期後，雖然未見到皮膚好明顯白左，但清楚見到全塊面膚色更加均勻，之前有黑色素積聚嘅地方都明顯提亮，尤其是鼻翼和嘴角呢啲色素沉澱既地方😂最驚喜係額頭痘痘冇因為用精華而惡化（好驚美白精華會惡化粒粒情況），仲反而有效減退咗痘痘帶來嘅紅腫情況～ 🤍 均勻膚色：4.5/5 全臉暗沉問題改善咗好多，尤其係鼻翼同嘴角位置！ 🤍 淡印抗炎：4.5/5 對痘痘肌超友好！唔單止冇刺激發炎，仲可以加速退紅，預防深色痘印形成～ 🤍 溫和度：5/5 美白配方但零刺激，就算生緊痘痘嘅位置用都完全冇刺痛感～ 🤍 透亮感：4/5 光澤感係從肌底透出嚟，就算素顏睇落都精神咗～ 總結： 呢支精華幾好用！價錢唔貴！一枝同時做到均勻膚色、淡印同抗炎，推薦俾所有受色素沉澱同痘印困擾嘅你！ #火熱新品

Ressie14好用推薦：一唧出嚟，完全就係NIVEA一貫嘅香味， 皮膚手感比較滋潤，但同時間推開好快變得清爽。吸引我使用佢嘅最大原因係睇過佢嘅成份含有獨家研發嘅Luminous630，一種抑制黑色素形成嘅化學成份 — 「在皮膚和色斑變黑嘅過程中降低催化反應」，即係肌膚暴露喺紫外線下都有從體內嘅防禦屏障…. 有咗咁樣嘅解釋，令我對呢支美白精華相當有信心。 NIVEA老牌子，成份一直安全可靠，抗氧化提亮美白有感，淡斑方便還需時日等待看效果～ 仲要俾我遇見佢喺個人護理品牌店見到做特價 7 折，（原價$299 ）所以毫不猶豫用咗$21X 蚊買咗返去試 ，開心死我！

zetalhc好用推薦：美白同淡斑效果都好顯著，用嘅時候唔會覺得刺激皮膚，好容易推開同吸收

Luvty好用推薦：Caudalie 葡萄蔓極緻亮白精華液是溫和美白精華嘅好選擇，獨家成分葡萄蔓萃取液有助減淡皮膚黑色素，質地輕盈，搽上皮膚後清爽無負擔。 使用一段時間後，可以感覺到膚質變得亮白，對於改善暗沉、均勻整體膚色有顯著幫助，尤其適合敏感的肌膚。淡淡的天然草本香氣令人心情放鬆。雖然針對頑固深色斑點需要更長時間觀察，但作為日常亮白保養，我會推薦呢個精華。

mandy好用推薦：Caudalie Vinoperfect 葡萄蔓極緻亮白系列 葡萄蔓極緻淡斑亮白精華 Vinoperfect Brightening Dark Spot Serum $710/ 50ml 在整個Vinoperfect系列中，我最喜歡極緻亮白去角質泡沫、極緻亮白精華露及葡萄蔓極緻淡斑亮白精華。由於我在夏季也常走路，所以曬黑了好多，於是我在秋冬季的早上都會用葡萄蔓極緻淡斑亮白精華，努力用了1個月左右，肌膚開始變白淨。因此，我很推薦大家用Caudalie家的葡萄蔓極緻淡斑亮白精華。 葡萄蔓極緻淡斑亮白精華的質地柔滑好推，延展性很好。不過由於已踏入極乾燥的冬季，我會覺得葡萄蔓極緻淡斑亮白精華的質地太水感清爽了，所以混合保濕精華一起使用，令肌膚可以美白保濕並存。 成分方面添加了少量美肌成分，以保濕成分、抗衰老成分及抗氧化等成分為主，美白方面則以專利成份Viniferine葡萄藤萃取液為主。 葡萄蔓極緻淡斑亮白精華的價位是設定在中高價，大家可以留意Sogo Thankful Week 期間的特價套裝及打折優惠，會比平日抵買(有時facial也有特價的～)。 注：部分Cauda

Sophia好用推薦：Clinique 這款淡斑精華都算幾出名，用完1支正貨感覺還好👀 * 質地清爽好吸收👍，溫和不刺激🥰，適合敏感肌 * 提亮膚色✨，有保濕效果💧 * 淡斑效果：新痘印淡化效果明顯✅；陳年斑點暫未見有效 * 總結：有效提亮膚色✨、淡化斑點可能需耐心持續使用⏳️

SammyN好用推薦：香味甜甜的，手感稍油，因此塗抹之後皮膚有一部份感覺較滑。使用後冇感受到淡斑，可能不適合我🥹

Ko好用推薦：今次試用咗13日nivea luminous 630系列嘅爽膚水精華同埋乳液 我早晚都有搽 次序係爽膚水，精華，最後係乳液 首先講吓三樣嘢一齊用嘅感受先！我覺得一齊用嘅保濕程度好足夠 作為混合性偏乾肌嘅我好鍾意 面上邊係有微微黏立嘅感覺 咁樣我先至覺得夠保濕 夜晚可以安心瞓覺 不過去到四月中嘅時候 天氣已經開始熱 我覺得可以skip咗精華或者乳液其中一樣 保濕程度都已經夠 日頭嘅時候我都會用晒呢三樣產品之後再化妝 個黏立嘅程度可以黏實我個妝 而且完全唔起擦膠碎！下面係妝後 可以見到我個妝勁貼 跟住就係重點重點重點！before after! Day1（搽後）： Day13（搽後）: 大家睇吓顴骨嘅雀斑淺咗！呢個系列好有效！有雀斑嘅姐妹真係要衝！ 講完整體跟住落嚟就專注講精華！ 呢支精華係白色的 推開就會變冇色 佢有一浸淡淡嘅杏仁味 雖然我平時好唔鍾意杏仁味 但因為呢支精華嘅杏仁味唔算好濃 我覺得可以接受 重點係佢淡班效果超正 所以我願意忍受佢有杏仁味🤣 加上陣味唔會好持久 都散得比較快 佢嘅質地算係濃稠得嚟偏清爽嗰種，因為好快吸收晒，推開就會薄薄一層有保濕效果唔會覺得皮膚唞唔

Stranger C好用推薦：這瓶雙效淡斑抗皺精華的質地像輕盈乳液，帶點粉橘色調，外觀看起來就很清新有活力。剛擠出來時感覺滑順不厚重，用手指推開時需要稍微按摩一下，但熱力一推就很快融入肌膚，完全不覺得油膩或黏膩，吸收速度算中等偏快，適合香港潮濕的天氣。 使用後最明顯的是肌膚觸感變得水潤飽滿，原本有些乾紋的部位摸起來柔軟許多，不再有緊繃的拉扯感。連續用了兩個星期，臉上的荷爾蒙斑和曬後暗沉位置顏色明顯淡化，特別是顴骨附近的斑點邊緣變得模糊，膚色整體均勻了很多，早起照鏡子時覺得臉龐亮度提升，整個人看起來更有精神。細紋方面，笑紋和眼下乾紋都有變淺的跡象，肌膚彈性明顯變好，按壓時回彈力強，不再鬆鬆的感覺。 最讓我安心的是它非常溫和，完全沒有刺痛、發紅或脫皮的問題，即使敏感期也沒不適。水油平衡做得很好，用完不會乾燥，反而整天都覺得保濕到位，油光沒變多，乾的地方也沒再起皮。搭配後續保養時，肌膚吸收力似乎更好，整體狀態更穩定緊緻。

Yty好用推薦：Fancl美白面膜已經用咗超過10盒啦，而家屋企嘅存貨好足夠好安心，睇我屋企數量就知佢係真係值得推介呢，長期用落嚟，我覺得對於皮膚係有一定既提亮美白效果，所以都會keep住一直用，剪裁貼面舒服，面膜精華有21 mL，只需要敷五至10分鐘就夠啦，面膜可以敷埋隻眼用完都幾舒服的，注意保質期前用完就OK啦，用完會繼續買

劉肥貓好用推薦：精華液份量適中，面膜紙非常貼面舒服 用後冇敏感 用後即時感覺到皮膚光澤亮麗

Hchan好用推薦：之前用過金色那款抗皺系列感覺不錯，而這枝美白精華的評價也挺好，本身有少許色班及痘印，剛好做活動就買來試試。 值得欣賞是它的外型設計，它整體呈針管狀，管嘴為矽膠斜頭，按壓頂部推杆即可擠出膏體，方便自行控制用量及按摩加強吸收，用後蓋上蓋子即可保持衛生。膏體是白色乳霜質地，容易推開，塗開後有少許滋潤感但不會黏膩，我都是局部用黃豆大小份量在色班及痘印位置，雖然容量看起來不多，但其實都挺耐用。 用了大概一個月左右，色班及痘印的確有減淡的效果，不過我本身有配合其他美白品牌的面霜使用，但整體效果不錯會再回購。

Sccan好用推薦：有用開LITS依個牌子，最出名係金色抗皺系列，見佢有出白色美白系列就試下。 效果：針對性去淡斑美白，細斑明顯清晒，深色斑就未見效果 質地：白色乳霜狀 包裝：針筒式幾有新意但其實唔太方便按壓出嚟用，針筒頭係軟膠，可以直接唧上臉，但衛生問題我通常都唧上手塗上斑位置 用後感：整體覺得去斑效果明顯，塗上臉都唔會笠，而且完全唔刺激，敏感肌都岩用。

AK好用推薦：呢支WHITE SHOT 炫白淨透精華液質地輕薄，保濕度一般，已差不多用完一支了，均勻膚色還可以，但淡斑效果似乎不大明顯。

綺羅香好用推薦：用過無數牌子嘅美白精華，如果今年要我選出最愛用嘅美白產品，一定必選pola CXS n同SXS呢個組合，除咗貴同停用會打回原形之外，搵唔到仲有咩缺點，亦由於實在太貴唔敢隨便入手，就買sample 試試，雖然細細支，不過都用咗兩個禮拜 倒出嚟係透明如水嘅液體，無任何味道，非常好推開，3滴已經夠搽全面，用咗一段時間完全唔會致敏，其他美白產品要用比較長嘅時間先見到美白效果，但pola 一星期內已經開始見效，雖然我膚色偏白，但好易暗沉變黃，用咗pola 之後，起身照鏡塊面仍然都係咁白，痘印好快消失，暗沉少咗，膚色均勻咗，搭埋另一支SXS一齊用，面上灰色色斑好快掉淡大半，令我感嘆果然貴得有道理，今年美白工作就交俾pola

ying好用推薦：✨ IPSA 美白淨斑精華 好用 但未必好有明顯效果 真實用後感・唔吹捧 好用，但唔會一夜之間變白。要放長雙眼睇。 ✅ 好用 質地好舒服，水潤易推， 上臉唔笠，吸收快。 用完之後皮膚係保濕嘅， 唔會乾，唔會敏感。 呢個係佢嘅優點——溫和。 ✅ 溫和不刺激 有啲美白精華用完會刺痛、會紅， 呢支唔會。 敏感肌都用得好放心。 ⚠️ 但未必好有明顯效果 呢個要老實講。 唔會話用咗一兩星期就「白咗一個tone」， 唔會話「色斑消失咗」。 佢嘅效果係要長期用先見到。 可能係膚色均勻咗少少， 可能係暗沉改善咗少少， 但唔會係戲劇性嘅轉變。 💡 適合咩人？ 如果你係追求「溫和、長期保養」， 呢支會好啱你。 如果你係追求「快見效、強效美白」， 呢支可能會令你失望。 #IPSA #美白淨斑精華 #溫和美白 #好用但效果唔明顯 #真實用後感 #敏感肌友好 #長期保養 #skincare #hkbeauty #精華部門

Emily Leung好用推薦：成日熬夜又年紀大，塊面啲暗沉同斑點好似特別明顯，搞到個人冇乜精神。今次同大家講下IPSA呢支美白精華，睇下係咪真係幫到手！ 【質地同氣味】 · 質地： 係帶點潤度嘅乳液狀，推開好順滑，吸收速度中上，唔會黐黐立立。乾肌用應該幾舒服，油肌夏天就可能覺得有少少潤，但整體膚感做得唔錯。 · 氣味： 有陣好清淡嘅花香味，唔會太濃烈，聞落幾舒服。 【美白效果】 · 去黃氣幾好： 用咗一排，最明顯係覺得塊面冇之前咁「灰黃」，成個膚色睇落乾淨同均勻咗，有種通透感。 · 整體亮白： 唔係話會白幾個度嗰種，而係還原番你本身膚色嘅光澤，睇落精神啲。 【淡斑效果】 · 要耐心！ 對於新出嘅痘印或者淺層斑點，持續用係有慢慢淡化的效果。我用咗一排，d斑明顯淡咗！ · 但如果你係好耐歷史嘅深層色斑，就唔好期望用一支可以完全消失，最多係睇落冇咁顯眼。呢方面屬於細水長流型。 【優缺點總結】 👍 優點： · 膚感柔滑，保濕度夠，乾敏肌都啱用。 · 去黃氣、均勻膚色效果明顯，用完成塊面睇落乾淨精神咗。 · 溫和唔刺激，屬於穩陣派美白選擇。 👎 缺點： · 價格偏高，性價比一般。 · 淡斑見效慢，要長時

Emily Leung好用推薦：IPSA美白淨斑精華：淡斑界嘅隱形高手！✨ IPSA嘅流金水同自律乳我好早就用過，對佢哋「因應膚質配對」嘅概念好有信心。見到我塊面有啲舊嘅暗瘡印同曬斑，成日覺得塊面唔夠乾淨，就決心試吓佢哋呢支皇牌美白精華！ 💦 質地同使用感（好感度極高！） · 質地： 係奶白色嘅乳液狀，一推開就化開，好似絲絨咁滑！ · 吸收度： 吸收得超級快，完全唔使點按摩就已經入咗皮膚，用完個面係啞緻乾爽，一啲都唔黏，後續搽咩都得。 · 氣味： 有陣好高級、好清淡嘅花香味，好舒服，唔會俗氣。 🌟 效果分享 · 淡斑效果： 用咗大概三個星期，我發現鼻樑側邊嗰幾粒淺層嘅曬斑，明顯淡咗！唔使遮瑕膏都唔係好顯眼，呢個效果真係令我驚艷！ · 去印速度： 下巴啲暗瘡印係我最大煩惱，平時要成個月先退。用咗呢支精華，暗瘡印嘅紅色褪得快咗好多，大概兩星期就淡咗七七八八，塊面睇落乾淨勻淨好多。 · 整體膚色： 佢唔係嗰種「死白」，而係令成塊面透亮咗、有光澤，冇咗之前啲黃氣同灰暗感。成日俾人話「你塊面好似光咗咁喎！」。 · 溫和度： 我皮膚有少少敏感，但用呢支精華期間完全冇泛紅或者刺痛，非常溫和。

Viannie好用推薦：喜歡IPSA的護膚產品都是無色無味，呢支美白精華質地係透明水狀，每次使用一pump分量塗滿全面，吸收都幾快。 使用大約3個月膚色比之前通透咗，改善黃氣方便效果唔錯，不過如果係想要重點淡斑效果就唔太推薦，因效果較慢，色斑只有眼下果粒明顯淡色咗，其他冇太大明顯分別。

Noel好用推薦：品牌送出的小贈品 🥰 個人比較喜歡 EA 銀色膠囊系列，比較金色及粉色更為有效（頭盔：對個人而言啊！笑）這個淡斑精華質感有驚喜，不是水，又不是油；而是啫喱狀的，流動性很低。塗到面上會聞到維他命C果香 🍋 而啫喱狀的精華很快被皮膚吸收，所以我一般塗上兩層👌 使用後感覺斑紋淡了一點點，而重點是皮膚細緻了，紋理有點撫平效果啊💕

Noel好用推薦：簡單分享一下這個 deluxe size 空瓶，Lancome Blanc Expert 淡斑精華液，流動性很高，有點水乳狀的精華，呈淡黃色。通過了敏感測試，亦刻意在亞洲人膚質測試，感覺更有效。 這個精華液我集中在蘋果肌及面頰位置使用，全面塗了很薄一層，再在重點位置多上一層。塗到面上沒有刺激，滋潤感有一點，很快能變清爽。使用兩星期期左右，亮白效果算明顯，但淡斑力一般。

Yu好用推薦：用左大半枝 本身皮膚較白 美白效果唔算好突出 但佢無一般美白效果既黏立感 好推易吸引 所以會係我會願意做用既美白產品

Circlecyy20好用推薦：質地好水潤 夏天日比較好冬天會唔夠保濕 用起黎對去斑無特別效果

royu3好用推薦：很喜歡這枝淡斑筆，它的成分天然，以西印度櫻桃萃取提煉出高濃度抗炎淡斑精華，可有效抑制色斑形成。 走珠設計方便使用，方便塗抹於色素沉澱的位置上，精準針對色素問題，不會因沾到手指造成浪費。而且質感輕盈，介乎水狀與gel狀之間，不會阻礙後續護膚品的吸收⭕️我只有輕微的色斑問題，但用後仍可看到色斑變淡了👍🏻👍🏻 雖然以容量來說價錢相對較貴，但優質的成分有效阻止黑色素增生，是值得入手的淨斑好物。 #抗黑美白對策

choichoi好用推薦：帶口罩之後多了長痘，也就是多到痘印要面對；這款用起來衛生也方便，重點堅持每天晚上塗抹有淡化作用👍🏻

Yukochan好用推薦：全新配方主要功效 1. 針對性減淡、減少色斑及荷爾蒙斑 2. 顯著改善暗啞和膚色不均問題，並且愈來愈有光澤 3. 減低「反黑」風險 首先，我就冇咩斑，主要係暗瘡印， 但用左一支後，暗瘡印冇管方講到咁有效，但係有做到反黑！加上佢價錢唔係平，賣點係天然，可能天然嘅產品效果都會慢啲。我用其他美白精華效果比佢更好！唔會推薦！ 質地水潤易推嘅用後會有光澤感

lingbb好用推薦： - 全方為萬能美白精華 - 集合2大新成分—傳明酸、海洋胞外多醣，強效抑制黑色素的合成，針對改善色素沈澱、黑斑、曬斑等問題。 顯著改善暗啞和膚色不均問題，終極祛斑精華，減少黑色素達61%！減低「反黑」風險，無油配方，最清爽、快吸收，孕婦及激光療程前後適合使用，全力提升肌膚透亮感！ - 激光療程前後、孕婦都適合使用 - 質地係厚身精華，無油配方，清爽、快吸收！香味有點難聞 - 使用後肌膚愈來愈有光澤感，美白方面配合埋佢其他系列產品一齊用，效果見到有，但應該要用多幾支效果先更明顯

Hamiii好用推薦：又係沖住淡斑兩隻字入手 但最終都係失敗… 頭一星期見到有效果既 淡左小小 但跟住就無效啦😮‍💨

choichoi好用推薦：這個真的可以淡化初起的黑色素啊，我的左右眼角也因為工作位置長期接近窗戶導致色素沉積的情況發生，而且它用後不會乾燥，亦不會敏感

Kpl6be6好用推薦：鍾意其香味～感覺氣味有高級感～質地細緻易滲透～用後感覺膚色有更均勻～

維他他好用推薦：有淡淡香味，用完膚色均勻左，白淨左少少，精華質地柔滑，易推開，易吸收，不太笠，但價錢不便宜

LenaC好用推薦：瑩亮淨肌抗斑精華筆 嘅獨特之處係喺色斑產生或增多前提前阻截 從肌源抑制黑色素形成🌚 預防色斑、雀斑嘅形成 因為色斑一但形成就好難趕走 佢主要成份係源自天然植物 有洋甘菊精華 有效抑制黑色素生成 仲加咗抗炎有效成分 預防曬傷後嘅肌膚發紅及粗糙 我啱啱夏天個個weekend 都玩水暴曬 真係好需要呢枝嘢補救一下 佢質地濃稠但充滿水潤感 感覺舒適不黏膩 瞬間融入肌膚超補水 用嘅時候有少少柑香味 用後覺得肌膚變得透明淨亮咗 無咁暗啞 係值得試吓嘅 #火熱新品

Hamiii好用推薦：逢係見到主打淡斑 我都會買黎試下😮‍💨 但荷爾蒙斑可能真係特別難搞 反正呢支失敗左